چێشتخانە و ڕێستۆرانتەكان باجەكەی حكومەت لە هاووڵاتیان وەردەگرنەوە
خەڵك- پاشئەوەی حكومەتی هەرێم باجی خواردنی خستە سەر چێشتخانە…
زیاترسەردێر
-
خەڵك وەزارەتی تەندروستی عیراق ئاشكرای دەكات، 457 حاڵەتی نوێی تووشبوون بە ڤایرۆسی كۆرۆنا تۆماركراوە و 839 كەسیش چاكبوونەتەوە و 12 حاڵەتی مردنیش هەبووە تەنها لە هەرێم 12 حاڵەت هەبووە. وەزارەتی تەندروستی عیراق لەبەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 13 هەزار و 735 پشكنینی تایبەت بە كۆرۆنا ئەنجام دراوە و دەركەوتووە 457 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون. ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 68 و هەولێر 113 حاڵەت و دهۆك 29 حاڵەت تۆماركراوە. ڕوونیشی كردۆتەوە، كە 839 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 118 و هەولێر 180 و دهۆك 105 كەس چاكبوونەوە. ڕاشیگەیاندووە، 12 كەس بە پەتاكە گیانیان لەدەستداوە و لە سلێمانی 4 و هەولێر 5 دهۆك 3 حاڵەت تۆماركراوە بەوەش ژمارەی مردووان گەیشتۆتە 23859 كەس.
-
خەڵك- هاوسەرۆكی یەكێتیی نیشتمانیی كوردستان لەگەڵ خوێندكارانی خۆپیشاندەری زانكۆ و پەیمانگاكان كۆبووەوە. بەپێی زانیارییەكانی (خەڵك) لەگەڵ دەستپێكردنەوەی خۆپیشاندانی خوێندكارانی زانكۆ و پەیمانگاكان بۆ داواكردنی دەرماڵە، دوانیوەڕۆی ئەمڕۆ یەك شەممە بافڵ جەلال تاڵەبانی، هاوسەرۆكی یەكێتی لەگەڵ خوێندكارانی ناڕازی (سلێمانی، كەركوك، هەڵەبجە، شارەزوور، كەلار، كفری، خانەقین، ڕانیە، قەڵادزێ، كۆیە، چەمچەماڵ، سەیدسادق، چوارتا، دوكان، دەربەندیخان) كۆبووەوە. هەر بەپێی زانیارییەكان، كۆبوونەوەكە لە هۆڵی ئەنجوومەنی سەركردایەتی لە مەكتەبی سیاسی یەكێتی بەڕێوەدەچێت و تێیدا خوێندكاران لەسەر مێز و كورسی سەركردایەتی یەكێتی دانیشتن. بڕیارە هاوسەرۆكی یەكێتی جارێكی دیكە پاڵپشتی بۆ داواكارییەكانی خوێندكاران دووپات بكاتەوە و بڕیاری دیكە بۆ چارەسەركردنی كێشە و گرفتەكانی خوێندكاران بدرێت.
-
خەڵك- بڕینی داری دارستانەكان لەلایەن هەندێك لە هاووڵاتیان بۆتە دیاردە، پۆلیسی دارستان و ژینگە ڕایدەگەیەنێت، بەوپەڕی توانا هەوڵەكانیان چڕ كردۆتەوە بۆ دەستگیركردنی سەرپێچیكاران و پارێزگاریكرن لە سروشت و ژینگەی كوردستان بۆ ئەو مەبەستە لە سنوری سەیدسادق (٢) تۆمەتبار دەستگیركران. عەمید هێمن كمرخان، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، نیگەرانین لەوەی هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان، بەڵام خۆشبەختانە بەهۆی ئەرك و ماندووبوون و شەونخونی ئەفسەر و كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت و سەرپێچیكارانیش ڕووبەڕوی یاسا بكرێنەوە. ڕاشیگەیاند، لەبەدواداچوونێكی مەفرەزەكانی بەشی پۆلیسی دارستان و ژینگەی سەیدسادق توانیان لەسنووری گوندی بیوەك ٢ هاووڵاتی بەتۆمەتی بڕینی داری تەڕی دارستانەكان دەستگیربكەن . ئاشكراشی كرد، پەڕاوی لێكۆڵینەوە بۆ تۆمەتبارەكان ڕێكخراوە بۆ وەرگرتنی ڕێكاری یاسایی.
-
خەڵك- ماوەی 8 ساڵ بەسەر كوژرانی ڕۆژنامەنووس (كاوە گەرمیانی) لە بەردەم ماڵەكەی خۆی لە كەلار تێدەپەڕێتت و برایەكیشی زانیاری نوێ ئاشكرادەكات و دەڵێت: "دوو بەرپرسی یەكێتی لە پشتی كوشتنیەوە بوون". ئەمڕۆ 5ی كانوونی یەكەمی 2021، ماوەی 8 ساڵ تێدەپەڕێت بەسەر كوژرانی كاوە گەرمیان ڕۆژنامەنووس، كە لە كاتژمێر (2:00)ی نیوەڕۆی ئەمڕۆ مەڕاسیمی سەرەکی و بەخشینی قەڵغانی شەھیدی قەڵەم کاوە گەرمیانی، لەسەر گڵکۆی شەھید لە گۆڕستانی کەلاری کۆن ئەنجام درا و لە کاتژمێر (٨:٠٠ی شەو)؛ مەڕاسیمی ساتی كوژرانی شەھید کاوە، لە شوێنی كوژرانی لە گەڕەکی سەرکەوتن ئەنجام دەدرێت. كاروان ئەحمەد، برای كاوە گەرمیانی لەسەر گۆڕی براكەی ڕایگەیاند، "ئەو كەسەی لەسەر تیرۆركردنی كاوە گەرمیانی دەستگیركراوە نزیكەی مانگێك دەبێت لە زیندانەوە پەیوەندی پێوەكردین، كە دان بەهەموو شتێكدا بنێت، كە بڵێت كێ لە پشت تیرۆركردنی كاوە گەرمیانیەوە و پێی وتین دوو بەرپرسی باڵا دەستیان لە پشت تیرۆركردنی كاوە گەرمیانیەوە هەبووە". ئاشكراشی كرد، ئەو شەوەی كاوە گەرمیانی كوشتووە كەسێكی تریشی لەگەڵ بووە، بەڵام ئەو ئێستا لە ژیاندا نەماوە. ڕاشیگەیاند، ئەو كەسەی ئێستا لە زیندانە پێی وتین بە دەقیقی كێ لە پشت تیرۆركردنی كاوە گەرمیانیەوەیە و وتی دێم لە دادگا هەموو شتێك ئیعلان دەكەم، ئێمەش وتمان وەرە دادگا و پشتیوانیت دەكەین، بەڵام دواتر پەشیمان بووەوە.
-
زۆینه‌مان له ته‌مه‌نی 20 ساڵیدا هه‌وڵده‌ده‌ین خۆمان وه‌ك كه‌سێكی ته‌واو گه‌وره‌و پێگه‌یشتوو نیشان بده‌ین، هه‌ر بۆیه كۆمه‌ڵێك هه‌ڵسوكه‌وت و بیركردنه‌وه‌ی هه‌ڵه‌مان بۆ ژیان هه‌یه‌و هه‌مووشمان به‌و هه‌ڵانه‌دا تێپه‌ڕ ده‌بین كه ئه‌و هه‌ڵانه‌ش بریتین له: -واده‌زانن خوێندن به‌سه بۆ ئه‌وه‌ی ببیته كه‌سێكی سه‌ركه‌وتوو نمره‌ی به‌رزو بڕوانامه‌ی باش هۆكارێكی باش و گرنگه بۆ سه‌ركه‌وتن، به‌ڵام ئه‌وه مانای ئه‌وه نیه كه كاری باشت به‌و هۆیه‌وه ده‌ستبكه‌وێت، چونكه به‌ته‌نها بڕوانامه هیچ نیه گه‌ر هه‌وڵدان و كاركردنی جدیی له‌گه‌ڵدا نه‌بێت. -پاره كۆناكه‌نه‌وه به‌پێی لێكۆڵینه‌وه‌یه‌ك 69%ی ئه‌و كه‌سانه‌ی ته‌مه‌نیان له نێوان 18 بۆ 29 ساڵدایه هیچ پاره‌یه‌ك كۆناكه‌نه‌وه‌و ئه‌وه‌ی كه هه‌یانه ده‌یخۆن، ئه‌وه‌ش زیانی زۆریان لێده‌دات له داهاتودا به‌و پێیه‌ی كاتێك ده‌ستده‌كه‌ن به كۆكردنه‌وه‌ی پاره كاته‌كه دره‌نگ بووه و دره‌نگتریش ده‌گه‌ن به‌و شتانه‌ی ده‌یانه‌وێت. -خۆشبه‌ختی به پاره ده‌پێون له‌و ته‌مه‌نه‌دا به‌خته‌وه‌ری و خۆشبه‌ختی خۆیان به پاره‌و ئۆتۆمبێلی جوان و خواردن له ریستۆرانتی گرانبه‌ها ده‌پێون، له كاتێكدا ئه‌و پێوه‌رانه زۆر هه‌ڵه‌یه بۆ خۆشبه‌ختی. -گرنگینه‌دان به ته‌ندروستی له‌و ته‌مه‌نه‌داو به‌و پێیه‌ی ته‌ندروستیه‌كی باشیان هه‌یه، هیچ گرنگیه‌ك به پارێز و خۆپاراستن ناده‌ن، زۆر خواردنه‌وه كحولیه‌كان و جگه‌ره زۆر ده‌خۆنه‌وه‌و كاریگه‌ریه‌كانیشی له پاش ته‌مه‌نی 30 بۆ 40 ساڵی له‌سه‌ریان دیاری ده‌دات. – كه شته‌كان قورس بوو وازده‌هێنن كۆتایهێنان به په‌یوه‌ندیه‌كی ڕاسته‌قینه و ده‌ركردن له كار و وازهێنان له‌و پرۆژانه‌ی هه‌یانه كارێكی دوباره‌بوه‌وه‌یه له‌و ته‌مه‌نه‌دا چونكه هه‌ر شته‌كان كه‌مێك قورسبون و بونه به‌رپرسیاریه‌تی زیاتر لێی ده‌كشێنه‌وه. -شته‌كان دواده‌خه‌ن زۆرێك له پرۆژه‌و پلانه‌كانیان بۆ پاش ته‌مه‌ی 30 ساڵی دواده‌خه‌ن و ده‌ڵێن جارێك كات زۆری ماوه، كه ئه‌وه‌ش هه‌ڵه‌یه‌كه له دواتردا ده‌زانیت كه باجه‌كه‌ی ده‌ده‌یت. -هه‌موان ڕازی ده‌كه‌ن له‌و ته‌مه‌نه‌دا هه‌وڵده‌ده‌ن له‌گه‌ڵ به‌رێوبه‌ر و هاورێ و كه‌سانی ده‌وروبه‌ردا وا هه‌ڵسوكه‌وت بكه‌ن كه كه‌س رقی لێیان نه‌بێت و كاتێكیش ڕوده‌دات زۆر پێی قه‌ڵس ده‌به‌ن، له كاتێكدا ئه‌وه شتێكی ئاساییه كه به‌هۆی كاره‌كانته‌وه به‌رده‌وام كۆمه‌ڵێك كه‌س لێت ڕازی نه‌بن. -واده‌زانن هاوڕێیه‌تیه‌كه‌یان بۆ هه‌تا هه‌تایه له‌و ته‌مه‌نه‌دا زۆر په‌یوه‌ستن به په‌یوه‌ندیه هاوڕێیه‌تیه‌كانیانه‌وه‌و واده‌زانن ئه‌و په‌یوه‌ندییه بۆ هه‌تا هه‌تایه، له كاتێكدا پاش زیاتر چونه ته‌مه‌ن بۆیان ده‌رده‌كه‌وێت كه به‌هۆی كار و گۆڕینی شوینی نشته‌جێبون و سه‌رقاڵی خێزانه‌وه زۆر به ده‌گمه‌ن هاوڕێ كۆنه‌كانیان ده‌بینن. -به‌دوای ڕه‌گه‌زی به‌رامبه‌ردا ده‌گه‌رێن له‌و ته‌مه‌نه‌دا زۆر په‌له‌یانه له دۆزینه‌وه‌ی كه‌سێك بۆ هاوبه‌شی ژیانیان و واده‌زانن كه هه‌ر ده‌بێت كه‌سێك بۆدزنه‌وه، له كاتێكدا جارێ زۆر كاری گرنگتریان له‌به‌رده‌مدا ماوه. -واده‌زانن گواستنه‌وه بۆ شوێنێكی دیكه ژیانیان چاك ده‌كات گه‌شتكردن و ڕۆشتن بۆ شوینێكی دیكه بۆ ژیان یاخود ماوه‌یه‌ك كاركردن له ته‌مه‌نی 20 ساڵی به‌ره‌و سه‌ر شتێكی باشه‌و ئه‌زمونی زۆرت ده‌داتێ، به‌ڵام نابێت وابزانیت كه ئه‌و رۆشتنه ئیدی به‌ته‌واوه‌تی ژیان ده‌گۆڕێت و هه‌موو شتێكت بۆ ئاسان ده‌كات، وه‌ك ئه‌وه‌ی گه‌نجان له‌و ته‌مه‌نه‌دا بیری لێده‌كه‌نه‌وه. -شته‌كان به ڕه‌ش و سپی ده‌بینن له‌و ته‌مه‌نه‌دا وا بیرده‌كه‌نه‌وه كه شته‌كانی ده‌وروبه‌ریان یان ڕه‌شه یاخود سپی، واته ئه‌و كه‌سه‌كان یان زۆر باشن یان زۆر خراپ، هه‌مان بیركردنوه‌شیان هه‌یه به‌رامبه‌ر بۆچون و بیروڕا جیاوازه‌كان كه ئه‌وه‌ش هه‌ڵه‌یه. -پلانی درێژخایه‌نیان نییە له‌و ته‌مه‌نه‌دا پلانی درێژخایه‌نی جۆراوجۆر داده‌نێن كه دواتر زۆر كه‌می به‌دی دێت، بۆنمونه له ته‌مه‌نی 23 ساڵی ده‌ستده‌كه‌م به كار، له 25 ژن ده‌هێنم و هه‌روه‌ها… -واده‌زانن ته‌نها كه‌سن كه قوربانی ده‌ده‌ن له‌و ته‌مه‌نه‌دا واده‌زانن كه…
-
خەڵك- جێگری سەرۆك وەزیرانی هەرێم بەڵێن بە سكرتێری یەكێتی كەمئەندامانی كوردستان دەدات، كە شارێكی نیشتەجێبوونیان بۆ دروست بكات. سامان حسێن، سكرتێری یەكێتی كەمئەندامانی كوردستان بۆ (خەڵك) ڕایگەیاند، ئەمڕۆ سەردانی قوباد تاڵەبانی، جێگری سەرۆك وەزیرانی هەرێمم لەشاری سلیمانی كرد. وتیشی، "وەك ھەمیشە، قوباد تاڵەبانی پشتیوانی خۆی بۆ كەمئەندامان نیشاندا و بەگەرمی پیرۆزبایی ڕۆژی جیھانی كەمئەندامانی لێكرد". ئاشكراشی كرد، جێگری سەرۆك وەزیران بەڵێنی دا خۆی بەم نزیكانە بەردی بناغەی شاری نیشتێجێبوونی كەمئەندامان دابنێت وەك وەفایەك بۆ ئەو بەڵێینەی پێیدابووین. سامان حسێن جەختیشی كردەوە، كە شاری نیشتەجێبوونی كەمئەندامان بۆیەكەمین جارە لەسەر ئاستی عێراق و ھەرێم دروست دەكرێت.
-
گومانی تێدانیە کە دایک و باوک منداڵەکانی خۆیان خۆشدەوێت و هیوای باشترینەکانیان بۆ دەخوازن هەر بۆیە کۆنتڕۆڵی هەموو ئەو هەنگاوانەیان کردوە کە منداڵەکانیان دەینێن. لەگەڵ ئەوەشدا هەندێک دەستەواژە هەیە کە گەورەکان بەکاریدەهێنن بێ بیرکردنەوە کە لەوانەیە زیانی بۆ منداڵەکە هەبێت. ئەمانەی خوارەوە هەندێکن لەو دەستەواژانە: -“دەتوانیت ببیت بەهەرکەسێک کە دەتەوێت” پشتگیری کردنی خولیا و ئامانجی داهاتووی منداڵ شتێکی باشە بەڵام زۆرگرنگە کە بە منداڵەکەت بڵێیت کە پێویستدەکات پلانێکی تری هەبێت چونکە لەوانەیە هەرچەند منداڵەکەت هەوڵبدات نەگات بەوەی کە دەیەوێت ئەمەش شتێکی ئاساییە،بۆیە هانی منداڵەکەت بدە کە ڕاستەقینەخوازبێت و ئامانجێک دابنێت کە دەتوانێت پێی بگات. -“تۆ وەکو دایکت/باوکت وایت” هیچ خراپنیە ئەگەر منداڵ بە شێوەیەکی ئەرێنی بەراورد بکرێت بە یەکێک لە کەسە نزیکەکانی بەڵام زۆربەی کات ئەم دەستەواژەیە بۆ لایەنە نەرێنیەکەی بەکاردەهێنرێت ئەمەش وادەکات کە منداڵ تێڕوانینی خراپی لەسەر دایک یان باوکی هەبێت! -“بروکلی/سپێناخ/کەلەرم بخۆ،زۆر تەندرووستە” بەپێی لێکۆڵینەوەکان منداڵ لە وشەی تەندروست تێناگات وادەزانێت ئەگەر شتێک تەندروست بێت واتە بەتام نیە لەبەر ئەمەشە کە لەوانەیە خواردنێکی تەندروست ڕەتبکاتەوە بێ تاقیکردنەوە بۆیە واباشترە کە بەمنداڵەکەت بڵێیت کە ئەو خواردنانە بخوات چونکە بەتامە. -“با یارمەتیت بدەم” توانای منداڵ بۆ دیاری کردنی ئەوەی کە چ کاتێک پێویستی بە یارمەتی دەرەکی هەیە و چ کاتێک خۆی دەتوانیت کارەکە بەتەنیا بکات یەکێکە لە گرنگترین ئەزمونەکان.هەندێک دایکوباوک بەردەوام یارمەتی منداڵەکانیان دەدەن لەوشتانەشدا کە منداڵەکانیان خۆیان بەتەنیا پێیان دەکرێت،ئەم منداڵانە لە ژیانی گەورەییاندا بۆیان قورسدەبێت دەست بە شتێکی تازەبکەن چونکە لە کەوتن دەترسن. -“لەگەڵ بێگانەدا قسە مەکە” ئەم چەمکە زۆر ئاڵۆزە بۆ تێگەشتنی منداڵ، لەوانەیە منداڵەکەت لە هەموو کەسێکی بێگانە دورکەوێتەوە تەنانەت ئەوانەش کە دەیانەوێت یارمەتی بدەن (بۆ نموونە ئاگرکوژێنەرەوە،پۆلیس..).لە جێگەی ئەوەی منداڵەکەت قەدەغەبکەیت لە کەسانی بێگانە هەوڵبدە بۆی ڕون بکەیتەوە کە چۆن مامەڵە بکات لەگەڵ بارودۆخەکان.
-
ئەمەی خوارەوە چەند پرسیارێکی سایکۆلۆژییە کە لە ڕێگەیەوە دەتوانیت مێشکی بەرامبەرەکەت بخوێنیتەوە، بەڵام بە مەرجێک کە پێی بڵێت نابێت بە (بەڵێ) یاخود (نەخێر) وەڵام بداتەوە: پرسیارەکان: -ئامادەیت نامەیەک بکەیتەوە کە ڕۆژی مردنی خۆتی تێدا نوسراوە؟ دەتوانیت لە ڕێگەیەوە بزانیت ئەم کەسە تا چەند بڕوای بە قەزا و قەدەر هەیە و تێڕوانینی چییە بەرامبەرە بە ژیان و مردنی خۆی. -تۆ چی جیاوازت هەیە کە لە خەڵکی دیکەدا نییە؟ لە ڕێگەی ئەم پرسیارەوە دەتوانیت بزانیت کە ئەم کەسە تا چەند متمانەی بەخۆیەتی و خاڵی لاواز و بەهێزی چییە؟ تا چەند شێتی تێدایە و چەندێکیش کەسێکی دەگمەنە! -گەر هاوسەرەکت پێی نەزانی کە تۆ بەڕێکەوت خیانەتت لێکردووە، ئایا خۆت پێی دەڵێیت؟ لە ڕێگەی وەڵامی ئەم پرسیارەوە دەتوانیت بزانیت ستانداردی ئەخلاق و مۆڕاڵ لای ئەم چییە و چۆن هەڵسوکەوت دەکات لەگەڵ بەرامبەرەکەی. -ئایا هەستت بەوە کردووە کە ئەم ڕۆژەی کە تێیدایت ١٠٠ جاری دیکەش دوبارە بۆتەوە؟ لە ڕێگەی وەڵامی ئەم پرسیارەوە ئەوەت بۆ دەردەکەوێت کە ژیانی ئەم کەسە چەندێک بە بایەخە و چۆن لە ژیان تێگەیشتووە. -گەر ژن و پیاو لە دوو هەسارەی جیاواز بژین، هەر کام لەو دوو هەسارەیە ژیان تێیدا چۆن دەبێت؟ لە ڕێگەی ئەم پرسیارەوە دەزانیت ئەم کەسە بەرامبەر پرسی جێندەر و بیرە باوەکان و لێکدانەوەی لۆژیکی بۆ شتەکان چۆن بیردەکاتەوە. -گەر بۆ تێرکردنی منداڵە بریسەکەت ناچاربویت تاوانێک بکەیت، ئایا هەست بە تاوان دەکەیت یان ئەوە پێویستی بووە؟ لە ڕێگەی ئەم پرسیارەوە گرنگی خێزان لای ئەو کەسە و بنەما و ستانداردە کۆمەڵایەتیەکانی دەزانیت. -گەر بەختەوەری تەنها بە پارە بوایە، حەزتدەکرد چ کارێک بکەیت؟ لە ڕێگەی ئەم پرسیارەوە دەزانیت کە خەون و حەزەکانی چی بووە کە بۆی بەدی نەهاتووە. چەندین پرسیاری دیکە هەیە کە لە ڕێگەیەوە دەتوانیت مێشکی کەسی بەرامبەری پێ بخوێنیتەوە، تۆ هیچ پرسیارێکی دیکە دەزانیت؟ لە کۆمێنت بۆمان بنووسە.
-
زۆرن ئه‌و تایبه‌تمه‌ندیانه‌ی خانمان كه به لای پیاوانه‌وه سه‌رنجڕاكێشه، به‌ڵام به‌شێك له‌وانه كاریگه‌ریه‌كه‌یان زۆر ڕاسته‌وخۆیه‌و پیاوان ناتوانن به‌رگه‌ی بگرن و ڕاسته‌وخۆ پێی كاریگه‌ر ده‌بن كه ئه‌وانیش: -قژ قژی خانمان و به‌تایبه‌تیش قژی درێژ گرنگیه‌كی زۆری هه‌یه‌و پیاوان له كاتی بینینیدا زۆر پێی كاریگه‌ر ده‌بن. -زه‌رده‌خه‌نه ئه‌مه یه‌كێكه له گرنگترین ئه‌و كلیلانه‌ی به‌ده‌ست خانمانه‌وه‌یه بۆ ڕاكێشانی هه‌ستی پیاوان. -ده‌نگی نه‌رم پیاوان حه‌ز به ده‌نگی به‌رزی خانمان ناكه‌ن، له كاتێكدا ده‌نگی ناسك و نه‌رم و نیان ڕاسته‌وخۆ كاریگه‌ریان له‌سه‌ر دروستده‌كات. -سنگ ئه‌مه‌ش یه‌كێكه له دیارترین ئه‌و به‌شانه‌ی جه‌سته‌ی خانمان كه به‌لای پیاوانه‌وه سه‌رنج ڕاكێشه‌و كاریگه‌ری ڕاسته‌وخۆی هه‌یه. -كه‌له‌كه رێكی كه‌له‌كه‌و فراوانیه‌كه‌ی كاریگه‌ریه‌كی زۆری هه‌یه بۆ ڕاكێشانی هه‌ستی پیاوان . -مكیاجی كه‌م به‌شێك له خانمان واده‌زانن به‌كارهێنانی مكیاجی زۆر به‌لای پیاوانه‌وه سه‌رنج ڕاكێشه، له كاتێكدا مكیاجی كه‌م جوانتر و كاریگه‌رتره. -ڕه‌نگی سور زۆربه‌ی توێژینه‌وه‌كان باس له‌وه ده‌كه‌ن كه ڕه‌نگی سور كاریگه‌رترینه بۆ پیاوان، هه‌ر بۆیه له‌به‌ركردنی جلی سور یاخود بۆیه‌ی لێوی سور كاریگه‌ریه‌كی ڕاسته‌وخۆی هه‌یه.
-
خەڵك بڕیارە لە كۆتایی ئەم مانگەدا هێزە شەڕكەرە ئەمریكاییەكان لە عێراقدا بكشێنەوە، ئەمەش هاوكاتە لەگەڵ زیادكردنی هێرش و پەلامارەكانی داعش بۆ ناوچە كوردییەكان. لە ماوەی هەفتەی رابردوودا نزیكەی 20 پێشمەرگە و هاووڵاتیانی شەهید و بریندار بوون لە هێرشەكانی تیرۆرستانی داعشدا. عادل عوسمان، چاودێری سیاسی بە (خەڵك) ی ڕاگەیاند، ئەو دەسەڵاتە فەڕمییەی لە كوردستاندا هەیە سەرجەم دەسەڵاتەكانی قۆرخ كردووە و دەیەوێت باشووری كوردستان لەنێوان چەند دەوڵەتێكدابەش بكات لەوانە توركیا و ئێران. باس لە ئەوەشكرد، لە هێرشەكانی ئەم دواییەی داعشدا دەركەوت، ئێستا دۆخێك دروست بووە، كە گەل خۆی بووەتە هێزی پاراستنی خۆی و بەرگریی لە خۆی دەكات. دەشڵێت، بینیمان لە گوندی خدر جیجە لە مەخموور، چۆن خەڵك گیانبازییان كرد و شەهید و برینداریان دا، بۆیە هێزەكوردییەكان متمانەی خەڵكیان لە دەستداوە. دەشڵێت: لەسەر چیای قەرەچوغ ئەو هێزەی داعش دەپارێزرێت كە لە دامێنی چیاكەدایە بۆ ئەوەی بیكەن بەهۆكاری مەترسی لەسەر كورد و هەرێمی كوردستان و پڕۆژەی ماددەی 140 . ئاماژەی بە ئەوەشكرد، هێزەكانی داعش لەو ناوچانەدا جێگیركراون كە جێناكۆكن لە موسڵەوە هەتا سنووری دیالە، لەبەر ئەوەی مەترسی گەورە دروست بكەن لەسەر جێبەجێكردنی ماددەی 140. ئەو چاودێرە باسی لە ئەوەشكرد، دۆخی كورد بەرەو خراپتر دەڕوات چارەسەرەكان جێگە ناگرن لەبەر ئەوەی هیچ حزبێك ڕازیی نییە بە بەشی خۆی و دەیەوێت ئەجێنداكانی خۆی بەسەر كۆمەڵگەدا بسەپێنێت. دەشڵێت: پێشكەوتنە تەكنەلۆژییەكان ئاڵوگۆڕیان بەسەر شێوازی شەڕكردندا هێناوە، زۆر جار لە ئاسمانەوە شەڕەكان بەڕێوە دەبرێن و لە زەوی ئەنجامەكەی وەردەگیرێت، لەڕێگەی چەكە كۆكوژ و هەواییەكانەوە لە بنكە سەربازییەكان دەدرێت. دەشڵێت، كشانەوەی ئەمریكا لە عیراق وەك لە ڕێككەوتنەكانیشدا هەیە، وەكو هێزی شەڕكەر دەكشێتەوە نەك تەواوی هێزەكانی. روونیشیكردەوە، ئەمریكا لە ڕۆژهەڵاتی ناوەڕاست بەگشتی و لە عیراق بە تایبەتی كە پێگەیەكی گرنگی سەرچاوەی وزەی سروشتییە، پاشەكشە ناكات، چونكە خوێنی بۆ ڕشتووە و سەرچاوەی قازانجێكی زۆرە بۆ كۆمپانیا قازانج پەرستە ئەمریكاییەكان. وتیشی، لەبواری شەڕیشدا زۆرترین و گەورەترینی چەكەكانیان لەم ناوچەیەدا دەفرۆشن، لەبەر ئەوە بەجێهێشتنی عیراق لە لایەن ئەمریكاوە هەڵخەڵەتاندنی خەڵكە، ئەمریكا عیراق بەجێناهێڵێت و دەمێنێتەوە، بەڵام شێوازی مانەوەكەی گۆڕانكاری بەسەردا دێت بەپێی هەلومەرجەكە.