ڕۆژمێری كۆچی Archives - تۆڕی میدیایی خەڵک

سەردێر

فایەق محەمەد لە سەردەمی شۆڕشی ئەیلولەوە، لەسەر بنەمای دوژمنی دوژمنەکەم دۆستەمە، هاوسۆزی و جۆرە پەیوەندییەکی نیمچە نهێنی لە نێوان سەرکردایەتی سیاسی کورد و ئیسرائیلدا درووستبوو، عەرەبەکان بە گشتی و دەسەلاتدارانی عێراق بە تایبەتی، بەو جۆرە هاوسۆزی و پەیوەندییانە نیگەران دەبوون. رۆژی ٢٦-٥-٢٠٢٢ پەرلەمانی عێراق یاسای( پەیوەندی لەگەڵ ئیسرائیل بە تاوان دەژمێردرێت) دەرکرد، بەربژێری سیاسی و دەسەڵاتی هەرێمی کوردستان بەو بڕیارە نیگەران بوون، گوایە ئەمە بەرتەسکردنەوەی ئازادی سیاسی و سنوردارکردنی پەیوەندی دبلۆماسیی عێراقە، خەریکە ناکۆکی لەسەر ئەم یاساییە لە نێوان دەسەڵاتی هەرێم و حکومەتی فیدراڵیدا درووستدەبێت. هەق وایە کورد لەسەر بنەمای بەرژەوەندی خۆی و مافی گەلەکەی سیاسەت بکات،هەر یاسایەک سوودی بۆ کورد هەبێت پشتیوانی بکات، هەو یاسایەکیش سوودی بۆ کورد نەبێت فەرامۆشی بکات، ئەو عێراقەی کە ئەو یاسایەی دەرکردووە، کورد تیایدا هاوبەشی حوکمڕانییە، دەستووری ئەوعێراقە بڕیک لە مافەکانی گەلی کوردی گەرەنتی کردووە، نابێت کورد لەسەر ئیسرائیل لەگەڵ ئەو عێراقدا تێکیبدات. دەبێت کورد بەو قەناعەتە بگات هاوسۆزی بۆئسیرائیل و پەیوەندی نیمچە نهێنی بە ئیسرائیلەوە سوودی بۆ کورد نەبووە، زیانی هەبووە، بە هۆی ئەو پەیوەندیانەوە حکومەتە یەک لە دوای یەکەکانی عێراق هێندەی تر تای نەتەوەپەرستیان بەرامبەر بە کورد هەستاوە و بە هێزی زیاترەوە دژایەتی کوردیان کردووە. دەبێت کورد بیهێنێتەوە بەرچاوی خۆی ئەو هاوسۆزی و پەیوەندییە نیمچە نهێنیانەی لەگەڵ ئیسرائیلدا هەیبووە، کوردی لە شکستی ساڵی ١٩٧٥ نەپاراست، کوردی لە شکستی ساڵی ١٩٨٨ نەپاراست، کوردی لە هێرشی داعشی ساڵی ٢٠١٤ نەپاراست، لە کاتی ریفراندۆمیشدا ئیسرائیل هیچ هەڵویستێکی نەبوو. ئەو هاوسۆزیەی کورد بەرامبەر ئیسرائیلی هەیەتی، تەنها ئیسرائیل سوودی لێوەرگرتووە، سەردەمانێک شۆڕشی کوردی بۆ بەرژەوەندی خۆی بەکاردەهێنا، ئەبێ ئەوەش بزانین ئیسرائیل پەیوەندییەکی ستراتیجی لەگەڵ دەوڵەتێکی وەک تورکیا هەیە کە تا ئێستاش دان بە بوونی نەتەوەیی گەلی کوردا نانێت، بۆیە خۆ نیگەران کردنی دەسەڵاتی هەرێم و دەوروبەرەکەی بە یاسای تەجریمکردنی پەیوەندی لەگەڵ ئیسرائیلدا، هیچ سوودێکی بۆ کورد نییە، زیانیشی بۆ کورد هەیە. ئەمە سەرەرای ئەوەی کە دەبێت بزانین ئەو یاسایە وەک تەڵەیەک بۆ حکومەتی هەرێمی کوردستان نراوەتەوە، دەبێت حکومەتی هەرێمی کوردستان وریا بێت و پێی بە تەڵەکەوە نەکات.
خەڵك- كەشناسیی عێراق رووبەڕووی سەختیی و گرفت بووەتەوە لە جێبەجێكردنی ئەو پرۆژانەی كە بۆ ڕووبەڕوبوونەوەی دیاردەی بە بیانبوونی ناوچەكە دایڕشتووە. عامر جابری، وتەبێژی بەڕێوەبەرایەتی كەشناسی و بومەلەرزەزانی عێراق بە ئاژانسی هەواڵی عێراقی رایگەیاندووە، لیژنەكانیان پرۆژەی رووبەڕووبوونەی بە بیابانبوونی ناوچەكە ئامادە دەكەن، بەڵام وەزارەتی كشتوكاڵ بە بەردەوامی دەڵێن كە پارەی پێویستییان لەبەردەستدا نییە بۆ جێبەجێكردنی ئەو رووبەرە گەورە ئاوییە. لەبارەی خۆڵبارینەكانی رابردووەوە جابری دەڵێت، بە شێوەیەكی گشتی خۆڵبارینەكان پێشبینی ناكرێن، ئەوەی چاوەڕێدەكرێت ئەوەیە كە لە مانگی چوار و پێنجی هەر ساڵێكدا بەهۆی گۆڕانكاری لە پاڵەپەستۆی هەوادا و گۆڕانی وەرز، خۆڵبارین روو لە عێراق بكات. دەشڵێت، بە گشتیی پێویستیان بە درووستكردنی فراوانترین رووبەری دارستان لە سەرجەم پارێزگاكان و بنیادنانی رووبەری گەورەی ئاویی هەیە.
خەلك- سەرۆکی تورکیا لەگەڵ وەزیری دەرەوەی ئیمارات کۆبووەوە لە پێناو پتەوکردنی پەیوەندییەکانیان و گفتوگۆکردن لەسەر پرسی ئاشتی و ئاسایش لە رۆژهەڵاتی ناوەڕاستدا. ئەمڕۆ شەممە، رەجەب تەیب ئەردۆغان، پێشوازی لە عەبدوڵا بن زاید ئال نوهیان، وەزیری دەرەوە و هاریکاریی نێودەوڵەتی ئیمارات کرد لە تورکیا و سەرەخۆشی خۆی ئاڕآستە کردەوە لە بارەی کۆچی دوایی خەلیفە بن زاید. لەو میانەیەدا، ئەردۆغان رایگەیاند "هیوا دەخوازێت گەلی ئیمارات لە سایەی محمد بن زاید، سەرۆکی نوێی ئیماراتدا بحەسێنەوە و دەوڵەتەکەیان زیاتر بەرەو پێشبچێت". بە پێی ئاژانسی هەواڵگریی "وام"ی ئیماراتی، چاوپێکەوتنەکەی ئەردۆغان و عەبدوڵا بن زاید لە چوارچێوەی پتەوکردنی پەیوەندییە هاوبەشەکانی نێوان هەردوو وڵاتەکەدا خۆی بینییەوە لە بوارە جیاجیاکاندا، تاوەکو خزمەت بە بەرژەوەندی هاوبەشی هەردوولایان بکەن لە پێناو سوودی گشتیی گەلەکانیان". هەروەک ئاشکراشیکرد "گفتوگۆیان لە بارەی بارودۆخی ناوچەکە کردووە و گرنگی پتەوکردنی هەوڵەکانیان لەپێناو بەرقەرارکردنی ئاشتی و ئاسایشدا لە رۆژهەڵاتی ناوەڕاستداخستووەتەروو".
خەڵک- ئاژانسەکانی ئێران رایانگەیاند "فڕۆکەیەکی سەربازی ئێرانی تێکشکاوە و کەوتووەتە ناو دەریا لە باشوری وڵاتەکە". ئاژانسە هەواڵگرییەکانی ئێران رووداوێکی تێکشکان و کەوتنەخوارەوەی فڕۆکەیەکی سەربازیی ئێرانییان راگەیاند بۆ نێو ئاوی دەوروبەری دوورگەی قەشم لە باشوری وڵاتەکەدا. ئاشکراشیانکرد کە "فڕۆکە سەربازییەکە پێنج سەرنشینی تێدا بووە و هەر پێنجیان سەلەمەتن و رزگاریان بوووە لە رووداوی تێکشکانەکە". [video width="496" height="500" mp4="https://media.xelk.org/2022/05/7272f410--ئيرانى.mp4"][/video]
خەڵك – بەڕێوەبەرایەتی هاتووچۆی ڕاپەڕین ڕایدەگەیەنێت، لە ڕووداوێكی هاتووچۆدا لەسنوری شارەدێی ژمارەیەك هاووڵاتی بوونە قوربانی . بەڕێوەبەرایەتی هاتووچۆی ڕاپەڕین بڵاویكردەوە، ئەمڕۆ شەممە 28ی ئایاری 2022 كاتژمێر 12ی نیوەڕۆ ڕووداوێكی هاتووچۆ لەنێوان دوو ئۆتۆمبێل لەجۆرەكانی "پیك اب نیسان و مازدا" ڕوویدا . ڕاشیگەیاندووە، ڕووداوەكە لە شارەدێی سەنگەسەر ڕوویداوە و بەهۆیەوە سێ هاووڵاتی بریندابوون سەرجەمیان بۆ وەرگرتنی چارەسەر ڕەوانەی نەخۆشخانە كراون .
شێرکۆ کرمانج لەم کورتە نووسینە هەوڵدەدم هەڵوەستەیەک لە پشت هۆکارەکانی هەڕەشەکانی ئەم چەند ڕۆژەی تورکیا بکەم‌ و هۆکارەکان و ئامانجەکانی هێرشە چاوەڕوانکراوەکانی تورکیا شرۆڤە بکەم و بخەمەڕوو. تورکیا ترسناکترین و سەرسەخترین داگیرکەری کوردستانە، لە هەر شوێنێک کورد هەناسەیەک بدات ئەو دەیەوێت لەو شوێنە ئۆکسجین ببڕێت. ئەمە نە ڕای منە، نە شرۆڤە، نە تێگەیشتن، بەڵکو حەقیقەتە. من زۆر کەم باوەڕم بە حەقیقەت هەیە بەڵام ئەگەر یەک حەقیقەت لەم دنیایە هەبێت ئەوە ئەم تاکە هەقیقەتە، کە بەداخەوە بەشێکی زۆری کورد لێ غافڵن. ماوەیەکە سەرۆکی تورکیا، ڕەجەب تەیب ئەردۆگان، هەڕەشە دەکات و دەڵێت هێرش دەکەینە سەر باکوری سوریا، ڕۆژاڤا. بۆ ئەم مەبەستە هەم مورتەزەقەی سوری ڕاهێنان پێکردوە، هەم میدیای تورکی سازکردووە. ئەوەی لە هەموو شتێک زیاتر جێگای سەرنج بێت بێدەنگییەکی نێودەوڵەتیی ئەمجارە هەستی پێدەکرێت. تورکیا هێرشەکان لەکاتێکدا کە دنیا، ئەمریکا و ئەوڕوپا بەتایبەتی، سەرقاڵی شەڕی ئۆکرانیان. هاوکات، ململانێکانی تورکیا لەگەڵ ناتۆ لەسەر بەئەندامبوونی سوید و فینلەندا بۆتە قسەوباسی ڕۆژ. تورکیا دەیەوێت هەر دوو دەرفەت بقۆزێتەوە و هێرشەکانی خۆی دەست پێبکات. بێدەنگیی ڕۆژئاوا دەکرێت وەک گڵۆپی سەوز و مامەڵەیەکی ژێربەژێر ببینرێت لەوەی کە تورکیا ڕازی بێت بە ئەندامبوونی ئەو دوو وڵاتە لەبەرابەردا ئەوان ڕازی بن بەو گورزەی کە تورکیا دەیەوێت لە کوردی بوەشێنێت و بڵێت هەڕەشەکانی تیرۆرمان کەمکردۆتەوە بۆیە ئاساییە سوید و فینلەند ببن بە ئەندام لە ناتۆ. چەندە ئەم سیناریۆیە ترسناک و دڵتەنگکەرە دە هێندە ئامانجەکانی تورکیا لەم هێرشانە، کە پێموایە خۆی لەمانەی خوارەوەدا دەبینێتەوە: یەکەم، ئەردۆگان دەیەوێت پێش هەڵبژاردنەکانی ٢٠٢٣ سەرکەوتنێت بۆ خۆی و حیزبەکەی تۆماربکات، بەتایبەتی ئەگەر ئەوە ڕەچاوبکەین کە ئابوری تورکیا و لیرەی تورکی لە خراپترین دۆخدان لەوەتەی ئەکەپە هاتۆتە سەر حوکم و دەنگەکانی ئەکەپە لە هەڵبژاردنەکانی شارەوانییەکان لاوازیی جەماوەریی ئەکەپە نیشاندەدەن. دووەم، تورکیا دەیەوێت بەم هێرشە ئەزموونی ڕۆژاڤا تەواو لاواز بکات، ئەویش بە پچڕاندنی چەند ناوچەیەکی دیکەی گرنگ لە ڕۆژاڤا کە خۆی قوڵایی ستراتیجی و خاک و زەوی کەمە. هاوکات، ڕۆژاڤا ناچار بە گفتوگۆ و تەسلیمبوونەوە بە ڕژێمی سوری بکات. ‏ سێیەم، تورکیا دەیەوێت باکوری کوردستان بە تەواوی لە ڕۆژاڤا، کە قەوارە و ئەزموونێکی کوردییە، داببڕێت و ناوچەیەکی، بەفەر زۆنێکی، عەرەبی لەنێوان دوو بەشی کوردستان دا دروست بکات، دابڕینەکەش بکاتە هەتاهەتایی. چوارەم، تورکیا ئەمجارە دەیەوێت، هیوادارم من ڕاست نەبم، کە هێرش بکاتە سەر ناوچەکانی سێ گۆشەی سنوری تورکیا-عێراق-سوریا، کە دیوێکی قامیشلۆیە و دیوەکەی دیکەی شەنگال. ئەگەر ئەوەی بۆ بچێتە سەر ئیدی هەرێمی کوردستان، باشور، لەگەڵ ڕۆژاڤا بە تەواوی دادەبڕێت. ئەم دوو هەرێم و ئەزموونە پەیوەندییان زۆر باش نیە بەڵام هیچ کاتێکیش پەیوەندیان هێندە خراپ نەبووە وەک ئەوەی لە میدیا و سۆشیال میدیای کوردی زەقدەکرێتەوە. بەڵام پەیوەندییەکان باش بن یان خراپ بۆ تورکیا ئەوە گرنگ نییە، ئەوەی بۆ تورکیا گرنگە ئەوەیە کە ئەم دوو ئەزموونە هەردووکیان کوردین و نابێت سنووری هاوبەشیان هەبێت و لە دواڕۆژدا بۆ هەر پڕۆژەیەکی کوردی و کوردستانی کەڵکی لێوەربگیرێت. پێنجەم، بە دابڕینی هەرێم و ڕۆژاڤا تورکیا مەترسیدارترین و هەڕەشەئامێزترین کردار بەرابەر بە ڕۆژاڤا ئەنجام دەدات ئەویش ڕێگریکردنە یان بڕینی دەستی ئەمریکایە لە گەیشتن بە ڕۆژاڤا چونکە ئێمە هەموومان چاکدەزانین کە یارمەتییەکانی ئەمریکا و ڕۆژئاوا بۆ ڕۆژاڤا زۆربەی هەرە زۆری لە هەولێرەوە دەچێت. بۆیە کۆنتڕۆڵکردنی سنوری فیشخاپوور و سحێلا لەلایەن تورکیاوە زۆر ترسناکە. نابێت ئەوە لەبیربکەین کە لە ٢٠١٧، کاتێک سوپای عێراق و حەشدی شەعبی دەیانویست سحێلا…
خه‌ڵك یانەی چێڵسی ئینگلیزی ڕایگەیاند، یانەکە گەیشتووەتە ڕێککەوتنی کۆتایی لەسەر فرۆشتنی لە ڕۆمان ئەبرامۆڤیچ بە گروپێک کە تۆد بوهلی سەرۆکایەتی دەکات. یانەی چێڵسی لە بەیاننامەیەکی فەرمیدا رایگەیاندووە، "شەوی رابردوو یانەکە توانى بگاته‌ رێککەوتنی کۆتایی و کۆتایی بۆ فرۆشتنی یانەکە بە گروپی تۆد بوهلی ". یانه‌كه‌ ئاماژه‌ی به‌وه‌شكردووه‌: چاوه‌ڕوان ده‌كرێت رۆژی دووشه‌ممه‌ بۆنده‌كه‌ ته‌واو ببێت، له‌و كاته‌شدا یانه‌كه‌ راگه‌یه‌نراوێكی تر بڵاوده‌كاته‌وه‌. گروپی بۆهلی دواجار ڕەزامەندی خولی نایابی ئینگلیزی و حکومەتی بەریتانیای بەدەستهێنا، بۆ کڕینی یانەی چێڵسی.
خەڵك – شانەی ئەمنی عیراق ڕایدەگەیەنێت، دوو كەسیان بە تۆمەتی كوشتنی ئەنقەست لە پارێزگای دیالە دەستگیركردووە. شانەی ئەمنی لەراگەیەندراوێكدا بڵاویكردەوە، كە هێزێكی فەوجی دوویی لیوای دووی فەرماندەی فرقەی خێرای سەر بەوەزارەتی ناوخۆ توانی هەردوو تۆمەتبار بەپێی ماددەی 406 لە بۆسەیەكدا لەناحیەی ئەبی سەیدا لە پارێزگای دیالە دەستگیربكات، كە تۆمەتبارن بەكوشتنی ئەنقەست. لەراگەیەندراوێكدا هاتووە، هەردوو تۆمەتبارەكە ڕادەستی لایەنی پەیوەندیداركراون بۆ ئەوەی بە سزای یاسایی خۆیان بگەن.
خه‌ڵك بریاره‌ ئه‌مشه‌و له‌ پاریسى پایته‌ختى فه‌ره‌نسا ، لیڤەرپوول ڕووبەڕووی ڕیاڵ مەدرید ببێته‌وه‌ ئه‌ویش لە یاری کۆتایی چامپیۆنزلیگ. یارییه‌كه‌ فیكه‌ى ده‌ستپێكى له‌ سه‌عات 10ـى شه‌و ده‌بێت ئەوە یەکەمجار دەبێت لە مێژووی پاڵەوانێتییەکەدا، کە هەمان دوو یانه‌ لە یاری کۆتایی پاڵەوانێتییەکە به‌رامبه‌ر یه‌كتر بوه‌ستنه‌وه‌ . ئەم دوو یانە لە ساڵی 1981 لە یاریی کۆتایی پاڵەوانێتییەکەدا به‌رامبه‌ر یه‌كتر وه‌ستاونه‌ته‌وه‌، لیڤەرپوول بە گۆڵێکی بێوەڵام بەرامبەر ریاڵ مەدرید براوه‌ بوو. پاشان لە یاری کۆتایی پاڵەوانێتییەکەدا لە ساڵی ٢٠١٨ جارێکی دیکە هەردوو یانه‌ به‌رامبه‌ر یه‌كتر وه‌ستانه‌وه‌ ریاڵ مەدرید بە بردنەوەی سێگۆڵ بەرامبەر بە گۆڵێک لە لیڤەرپوول تاجی نازناوەکەی بردەوە. یاری کۆتایی پاڵەوانێتییەکە لەم وەرزەدا، شاهیدی سێیەم ڕووبەڕووبوونەوەی لیڤەرپوول و ڕیاڵ دەبێت لە یاری کۆتایی پاڵەوانێتییەکە کۆی گشتی ڕووبەڕووبوونەوەی هەردوو تیپەکە لە ماوەی پاڵەوانێتییەکەدا، ٨ یاری پێش یاری کۆتایی ٤ سەرکەوتن بۆ ریاڵ، ٣ سەرکەوتن بۆ سوورەکان و یەک یەکسانبوون. لەم هەشت یاریەدا یاریزانانی ڕیاڵ مەدرید 10 گۆڵیان تۆمارکرد بەرامبەر بە 8 گۆڵ بۆ لیڤەرپوول .
خەڵك – ئەندامێكی‌ فراكسیۆنی‌ كۆمەڵ لە پەرلەمانی‌ كوردستان ڕایدەگەیەنێت ، زیاتر لە 300 هەزار هاووڵاتی‌ لە خوار هێڵی‌ هەژارییەوەن ‌و حكومەت هیچ هاوكارییەكیان ناكات، دەشڵێت،" لەسەر حكومەت پێویستە لەهەر دۆخێكدا بێت بڕە پارەی‌ پێویست بۆ ئەمجۆرە كەسانە دابین بكات". عومەر گوڵپی، ئەندامی‌ فراكسیۆنی‌ كۆمەڵ لە پەرلەمانی‌ كوردستان بە (خەڵك) ی ڕاگەیاند، بەپێی‌ كۆتا ئامارە فەرمیەكان، لەكوردستان ڕێژەی‌ هەژاری‌ نزیكەی (5.5%)ە، بە وەرگرتنی‌ ژمارەی‌ دانیشتوان بە 6 ملیۆن هاووڵاتی‌، ئەوە واتە نزیكەی‌ 330 هەزار هاووڵاتی‌ لە خوار هێڵی‌ هەژارییەوەن. وتیشی،"خوار هێڵی‌ هەژاریی ئەو هاووڵاتیانە دەگرێتەوە، كەناتوانێت پێداویستیە سەرەكییەكانی‌ ژیانی لە خواردن‌ و خواردنەوە و جل‌ و بەرگ‌ و تەندروستی‌‌ و پەروەردە و هەر پێداویستیەكی‌ دیكە بۆ زیندوو مانەوەو ژیانێكی‌ مرۆڤانە بۆ خۆی و منداڵەكانی دابین بكات". ڕاشیگەیاند، لە هەرێم كەس هەژار نیە، ئەوە گەندەڵی و حكومڕانی خراپ و ستەم و نادادگەرییە بووەتە هۆی هەژاریی، چونكە لە بنەمادا داهاتی‌ نەوت ‌و گومرگی‌ ئەم وڵاتە، مافی‌ هەژارەكانیشی‌ تێدایە، بەتایبەت ئەوانەی‌ هیچ سەرچاوەیەكی‌ داهاتیان نیە و هیچ كەسێكی‌ كاسبكارو بەخێوكاریانە نیە. پێشنیازو چارەسەری بۆ دۆخەكەش خستۆتەڕوو: بەپێی‌ كۆتا ئامارە فەرمیەكان، لە كوردستان ڕێژەی‌ هەژاری‌ نزیكەی (5.5%)ە، بە وەرگرتنی‌ ژمارەی‌ دانیشتوان بە (٦,٠٠٠,٠٠٠) هاووڵاتی‌، ئەوە واتە نزیكەی‌ (٣٣٠,٠٠٠) هاووڵاتی‌ لە خوار هێڵی‌ هەژارییەوەن. خوار هێڵی‌ هەژاریی‌، واتە: ئەو هاووڵاتیەی‌ كە ناتوانێت پێداویستیە سەرەكییەكانی‌ ژیانی لە خواردن‌و خواردنەوەو جل‌و بەرگ‌و تەندروستی‌‌و پەروەردەو هەر پێداویستیەكی‌ تر بۆ زیندوو مانەوەو ژیانێكی‌ مرۆڤانە بۆ خۆی و منداڵەكانی دابین بكات. لە كوردستان، نزیكەی‌ (١٠٠ هەزار) خێزان، كە زۆرینەی ئەو خێزانانە هەژار بوون‌و هیچ سەرچاوەیەكی‌ داهاتیان نەبوو، لە چوارچێوەی‌ پڕۆژەی‌ (چاودێری‌ خێزان)، مانگانە بڕی‌ (١٥٠,٠٠٠) دیناریان وەردەگرت، بە پاساوی‌ چاكسازی‌ لە لیست‌و ناوەكان، لە مانگی‌ (١٢)ی‌ ساڵی‌ (٢٠١٥)و بە بڕیاری‌ (١٥١٥)، حكومت مووچەی‌ ئەم هەژارانەی‌ ڕاگرت كە سەرجەم پارەی‌ تەرخانكراو بۆیان بریتی بوو لە بڕی‌ (١٤ ملیار) دیناری‌ مانگانە، لەو بەروارەوە تا ئەمڕۆ، نە چاكسازی‌ كرا لە لیستەكان‌و نە هیچ بڕە پارەیەك بۆ هاوكاری‌ هەژارەكان خەرج كرا. بەمەبەستی‌ كۆتایهێنان بەو دۆخەو بە یاساییكردنی‌ پشتیوانی‌ دارایی‌ بۆ هاووڵاتیانی‌ زۆر هەژار، ئێمە لە فراكسیۆنی‌ كۆمەڵ، پێشنیازە یاسای‌ (هاوكاری‌ دارایی‌ هەژاران)مان پێشكەش كرد، پێشنیازە یاساكە لەلایەن لیژنەی‌ یاساییەوە بە پێویست زانراوە ئاراستەی‌ حكومەت بكرێت بۆ وەرگرتنی‌ بۆچوونیان، بۆیە ئێستە پێشنیازە یاساكە چاوەڕوانی‌ بۆچوونی‌ حكومەتە، بەهۆی‌ باشبوونی‌ دۆخی‌ داراییەوە، پێویستە حكومەت هیچ پاساوێك نەكاتە هۆی‌ دەرنەچوونی‌ یاساكەو هاوكاری‌ نەكردنی‌ هەژاران. بە پێی‌ پێشنیازە یاساكە، ئەو هەژارانەی‌ لەم چین‌و توێژانەن لە پێشترن بۆ هاوكاری‌ (منداڵانی‌ بێ سەرپەرشت، ئەو منداڵانەی‌ بەهەر هۆكارێك باوك یان هەردوو باوك و دایكیان لەدەستداوە، ئەو ژنانەی‌ هاوسەرەكانیان لەدەستداوە (بێوەژن)، ئەو ژنانەی‌ هاوسەرەكانیان بێ سەروشوێنن یان سزادراون، نەخۆشانی‌ درێژخایەن‌و بەساڵاچووان‌و پەككەوتەكان). بەپێی‌ ماددەی‌ (سییەم)ی‌ پێشنیازە یاساكە، میكانیزم‌و پێوەری‌ گونجاو جێگیركراوە بۆ ئەوەی‌ هەژارە ڕاستەقینەكان هاوكاری‌ بكرێن نەوەك كەسانی‌ ناشایستە. بە پێی‌ ماددەی‌ (چوارەم)یش بڕی‌ هاوكارییەكە بۆ هەر خێزانێكی‌ دوو كەسی‌ لە (١٥٠,٠٠٠) دینار دەست پێ دەكان‌و بۆ هەر منداڵێكیش تا چوار منداڵ بە ڕێژەی‌ (٥٠، ٤٠، ٣٠) هەزار دینار بۆ هەر منداڵێك زیاد دەبێت، واتە كەمترین هاوكاری‌ بریتی‌ دەبێت لە (١٥٠,٠٠٠) دینارو زۆرترینیشی‌ تا (٢٧,٠٠٠) دینار دەبێت بە پێی‌ قەبارەی‌ خێزان. ئێمە پێمان وایە كەس هەژار نیە، ئەوە گەندەڵی و حكومڕانی خراپ و ستەم و نادادگەرییە بووەتە هۆی هەژاریی، چونكە لە بنەمادا داهاتی‌ نەوت‌و گومرگی‌ ئەم وڵاتە، مافی‌ هەژارەكانیشی‌ تێدایە، بەتایبەت ئەوانەی‌ هیچ…

سعودیە یەكەم ڕۆژی مانگی ڕەمەزانی دیاریكرد

سعودیە یەكەم ڕۆژی مانگی ڕەمەزانی دیاریكرد

ئومێد سیوەیلی

ئازار 12, 2022

خەڵك- هەریەكە لە عەرەبستانی سعودی و پەیمانگای نەتەوەی بۆ…

مانگی شەعبان دیاریكرا

مانگی شەعبان دیاریكرا

ئومێد سیوەیلی

ئازار 4, 2022

خەڵك- هەریەكە لە سعودیە و مەرجەعی باڵای شیعەكانی عێراق…

پانۆڕامای سەری ساڵی كۆچی

پانۆڕامای سەری ساڵی كۆچی

سەرهەنگ خالید

ئاب 10, 2021

خەڵك- ئەمڕۆ 1ی موحەڕەمی ساڵی 1443، هاتنەوەی ساڵێكی نوێی ساڵی…

ڕۆژی عەرەفە و جەژنی قوربان دیاریكرا

ڕۆژی عەرەفە و جەژنی قوربان دیاریكرا

ئومێد سیوەیلی

حوزه‌یران 6, 2021

خەڵك- توێژەرێكی گەردوونی میسری ڕۆژی وەستانی حاجییان لە…

ئەوقافی هەرێم یەكەم ڕۆژی جەژن دیاری دەكات

کوردستان

ئەوقافی هەرێم یەكەم ڕۆژی جەژن دیاری دەكات

ئومێد سیوەیلی

ئایار 8, 2021

خەڵك- سەرەڕای پێشبینییەكانی دامەزراوە فەلەكییەكان و ڕۆژمێری…

ڕۆژەكانی ڕەمەزان و یەكەم ڕۆژی جەژن دیاریكران

ڕۆژەكانی ڕەمەزان و یەكەم ڕۆژی جەژن دیاریكران

ئومێد سیوەیلی

نیسان 20, 2021

خەڵك- بەپێی ڕاپۆرتە گەردونییەكان و ڕۆژمێری كۆچی سعودیە،…