داوای پێكهێنانی حكومەتی ڕاگوزەر لە ئەفغانستان دەكرێت
خەڵك ئەمریكا، ئەوروپا و بەریتانیا بەمەبەستی كۆتاییهێنان…
زیاترسەردێر
-
خەڵک- وەزارەتی دەرەوەی ئەمه‌ریکا رایگەیاند، هاووڵاتییەکی ئەمه‌ریکی لە هێرشەکانی ئێران بۆسەر هەرێمی کوردستان گیانی له‌ده‌ستداوه. وەزارەتی دەرەوەی ئەمریکا رایگەیاند، لە ھێرشە مووشەکییەکەی رۆژی چوارشەممەی ئێران بۆ سەر ھەرێمی کوردستان ھاووڵاتیەکی وڵاتەکەی کوژراوە و ئیدانەی پێشێلکارییەکانی ئێرانی بۆ سەر خاکی عێراق کرد. پێشتریش کونسوڵخانەی ئەمریکا لە ھەرێمی کوردستان رایگەیاندبوو، ھێشتا رێنماییەکانی گەشتکردن لە وەزارەتی دەرەوەی ئەمریکا بۆ عێراق لە ئاستی چواردایە، کە داوا لە ھاوڵاتیانی ئەمریکا دەکات، گەشت بۆ عێراق نەکەن، بەھۆی تیرۆر و رفاندن و ململانێی چەکداری و مانگرتنی مەدەنی. کونسوڵخانەی ئەمریکا داواشی لە ھاوڵاتیانی وڵاتەکەی کردبوو، لە ناوچە بەئامانجگیراوەکانی وەک پردی و کۆیە و زڕگوێز و ناوچە سنوورییە کێشە لەسەرەکان دوور بکەونەوە. عومەر مەحمود زادە تەمەن 59 ساڵە و لە ساڵانی نەوەدەکانەوە لەویلایەتەیەکگرتووەکانی ئەمه‌ریکا دەژی و بەهۆی هێرشەکانی رۆژی سێشەممەی ئێران بۆسەر هەرێمی کوردستان گیانی لەدەستدا.
-
خەڵک- سه‌رۆكی حكومه‌تی هه‌رێمی كوردستان رایگەیاند:" ئه‌و په‌لامارانه‌ی ده‌كرێنه سه‌ر خاكه‌كه‌مان چاره‌سه‌ری هیچ گرفتێك ناكه‌ن، ئێمه گه‌لێكی ئاشتیخوازین، نامانه‌وێت كێشه بۆ هیچ وڵاتێكی دراوسێ درووست بكه‌ین، په‌یامی ئێمه په‌یامی ئاشتیی و ئازادیی و رێزگرتنه له یه‌ك له‌سه‌ر بنه‌مای رێزی به‌رامبه‌ر". مه‌سرور بارزانی، سه‌رۆكی حكومه‌تی هه‌رێمی كوردستان، له ئاهه‌نگی ده‌رچوونی قوتابیانی زانكۆی سه‌لاحه‌دین له هه‌ولێر رایگەیاند:" دڵنیاتان ده‌كه‌مه‌وه حكومه‌تی هه‌رێم به هه‌موو هێز و توانای خۆی هه‌وڵده‌دات، زانكۆكانمان كه پێویستیان به په‌ره‌پێدان و پێشكه‌وتنی زیاتر هه‌یه بۆیان دابین بكه‌ین، بۆ ئه‌وه‌ی بتوانن پێشبڕكێ له‌گه‌ڵ زانكۆكانی ناوچه‌كه و جیهانیش بكه‌ن و له ئاست پێشكه‌وتنی زانستی و ته‌كنۆلۆژیای ئه‌م سه‌رده‌مه‌دا بن". راشیگەیاند:" ئێمه له حكومه‌تی هه‌رێم هه‌موو هه‌وڵێك ده‌خه‌ینه‌گه‌ڕ بۆ یارمه‌تیدان و چاكسازی كه‌رتی په‌روه‌رده و خوێندن و خوێندنی باڵا و پێشخستنی زانكۆكانی كوردستان، بۆ ئه‌وه‌ی زانكۆكان ته‌نیا شوێنی به‌خشینی بڕوانامه و كارگه‌ی به‌رهه‌مهێنانی مرۆڤی بڕوانامه‌دار نه‌بن، به‌ڵكو ده‌زگا و ناوه‌ندێكی گرنگی داهێنان و پێشكه‌وتن و گۆڕانكاری بن له كۆمه‌ڵگه‌دا، بۆ ئه‌وه‌ی بتوانن نه‌وه‌یه‌كی هۆشیار و نیشتمانپه‌روه‌ر و مرۆڤ دۆست و ژینگه‌پارێز په‌روه‌رده بكه‌ن". ئاماژەی بەوەشکرد:"له ماوه‌ی رابردوو به بیانووی جیاجیا و بێ پاساو په‌لاماری وڵاته‌كه‌مان ده‌درێت و پێشێلی سه‌روه‌ری وڵاته‌كه‌مان ده‌كرێت و پێشێلی مافه ده‌ستوورییه‌كانمان ده‌كرێت، ئێمه وه‌ڵامی ئه‌م جۆره هه‌ڵوێستانه به‌وه ده‌ده‌ینه‌وه خۆمان و وڵاته‌كه‌مان به‌هێز بكه‌ین، تا ئێوه زیاتر بتوانن به زانست و خۆشه‌ویستنی وڵات و لێبوردن به‌هێزتر بكه‌ن، وڵاتێكی به‌هێزترمان ده‌بێت و ده‌توانین رووبه‌ڕووی هه‌موو ئه‌و له‌مپه‌رانه ببینه‌وه كه دێنه سه‌ر رێگه‌مان". سەرۆکی حکومەت ئاماژەی بەوەشکرد:"ئه‌و په‌لامارانه‌ی ده‌كرێنه سه‌ر خاكه‌كه‌مان چاره‌سه‌ری هیچ گرفتێك ناكه‌ن، ئێمه گه‌لێكی ئاشتیخوازین، نامانه‌وێت كێشه بۆ هیچ وڵاتێكی دراوسێ درووست بكه‌ین، په‌یامی ئێمه په‌یامی ئاشتیی و ئازادیی و رێزگرتنه له یه‌ك له‌سه‌ر بنه‌مای رێزی به‌رامبه‌ر". راشیگەیاند، ئێمه ده‌مانه‌وێت وڵاته‌كه‌مان پێشبخه‌ین و بژین، ئه‌وانه‌ی یارمه‌تیمان ده‌ده‌ن سوپاسیان ده‌كه‌ین، ئه‌وانه‌ش نایانه‌وێت یارمه‌تیمان بده‌ن، با له‌مپه‌ر له‌سه‌ر رێگه‌مان درووست نه‌كه‌ن، چونكه ئێمه بڕیارمان داوه بژین و پێشكه‌وین و وڵاتمان ئاوه‌دان بكه‌ینه‌وه و نه‌وه‌كانمان به چه‌كی زانست به‌هێز بكه‌ین و به‌ره‌و ئاسۆیه‌كی گه‌شتر هه‌نگاو بنێین.
-
خەڵك- وەزارەتی پەیوەندییەكانی حكومەتی فیدراڵ، دەنگۆی پچڕانی خزمەتگوزاریی ئینتەرنێت لە عیراق ڕەتدەكاتەوە. بەپێی ڕاگەیەندراوێك كە ئەمڕۆ پێنج شەممە لەلایەن وەزارەتی پەیوەندییەكانی حكومەتی فیدراڵەوە بڵاوكرایەوە"ئەو دەنگۆیانە ڕەتدەكرێنەوە كە لەلایەن هەندێك لە تۆڕە كۆمەڵايەتییەكانەوە سەبارەت بە داواكاریی لایەنێكی حكومی بۆ پچڕاندنی خزمەتگوزاریی ئینتەرنێت بڵاوكرانەوە". هەر لە ڕاگەیەندراوەكەدا هاتووە"وەزارەتەكەیان نیازی نییە خزمەتگوزاریی ئینتەرنێت لە بەغدا و پارێزگاكان ببڕێت"، داوای بەئاگابوون و وردبینی كرد "لەكاتی گواستنەوەی هەواڵ و لێدوانی ئەو لایەنانە پەیوەندیدارانەی لەلایەن وەزارەتەكەیان بۆ لێدوان سەرپشككراون".
-
خەڵك- ڕۆژنامەكانی ئیسپانیا باس لەوە دەكەن كە یانەی ڕیاڵ مەدرید لە میركاتۆی هاوینەی 2023، بەنیازە بۆندێك پێشكەش بە جواو كانسێلۆی پۆرتوگالی بكات. جواو كانسێلۆ لە ساڵی 2019وە بۆ مانشستەر سیتی یاریدەكات و لە چەند هێلَِێكی جیاوازدا یاریكردووە و توانای یاریكردنی لەهەردوو هێڵی بەرگری لاتەنیشتەكانی چەپ و ڕاست هەیە، ئەم خەسڵەتەش لە هیچ یاریزانێكی پێكهاتەكەی ئێستای ئەنچیلۆتیدا بەدیناكرێت. بەپێی ڕۆژنامەی “ئەی ئێس”ی ئیسپانی، ئیدارەی فلۆرنتینۆ پێرێز چاودێری ئەو بەرگریكارە پۆرتوگالییە دەكات و پلانی هەیە لە هاوینی 2023 بۆندی پێشكەش بكات، لە ئەگەری سەرگرتنی بۆندەكەش، كانسێلۆ دەبێتە جێگرەوەی دانی كارڤاخال لە لاتەنیشتی ڕاست و لە لاتەنیشتی چەپیش وەك هێڵی سەرەكی لە جێگەی فێرلاند مێندی پشتی پێدەبەسترێت. كانسێلۆ لە 138 یاریدا لەگەڵ مانشستەر سیتی بەشداریی كردووە و هەشت گۆڵی تۆماركردووە و 20 گۆڵیشی بۆ هاوڕێكانی دروستكردووە.
-
خەڵك هێزەكانی پاراستنی گەل ڕایدەگەیەنێت، گەریلا چ وەك تیمە گەڕۆكەكان و چ وەك لە تونێلەكانی شەڕ خۆڕاگری دەكەن و لە ٧ چالاكی هێزەكانیاندا ١٢ سەربازی سوپای توركیا كوژران و سێ سەنگەر و چەكێكی ئەی - فۆر تێكشكێنراون. ناوەندی چاپەمەنی و راگەیاندنی هێزەكانی پاراستنی گەل (هەپەگە) رایگەیاندووە، تیمە گەڕۆكەكانیان و هاوڕێیانیان لە تونێلەكانی شەڕ خۆڕاگری دەكەن و درێژە بە بەرخودان دەدەن و لە ٧ چالاكی هێزەكانیاندا ١٢ سەربازی سوپای توركیا كوژران و سێ سەنگەر و چەكێكی ئەی - فۆر تێكشكێنراون. ئاماژە بۆ ئەوەشكراوە، سوپای توركیا گۆڕەپانەكانی شەڕی ١٤ جار بە بۆمبی قەدەغەكراو و چەكی كیمیایی، ١١ جار بە فڕۆكەی شەڕ، ٤٤ جار بە هەلیكۆپتەری هێرشبەر و بە دەیان جاریش بە كاتیوشا و هاوەن بۆردومان كردووە. چالاكی و هێرشەكان بەم جۆرەن: لەچوارچێوەی هەڵمەتی شۆڕشگێڕیی هەڵۆكانی زاگرۆس لە هەرێمی زاپ: لە ٢٨ی ئەیلول كاتژمێر ١٧:٤٠ بە چەكی قورس لە داگیركەران لە دەوروبەری سەنگەرەكانی شەڕی شەهید ئاگر لە گۆڕەپانی بەرخودانی سیدا وەشێنرا. لەو چالاكیەدا ٢ سەنگەر و چەكێكی ئەی- فۆڕ تێكشكێنران، ٢ داگیركەریش سزادران. لە ٢٨ی ئەیلول كاتژمێر ١٩:٤٠ تیمە گەڕۆكانی یەژەئاستارمان بە چەكی قورس لە داگیركەران لە گۆڕەپانی بەرخودانی ساجایاندا. لە ٢٨ی ئەیلول كاتژمێر ٢٢:٠٠ و ٠٠:٠٠ داگیركەران كاتێك ویستیان لە دەوروبەری سەنگەرەكانی شەڕی شەهید فەلاتی گۆڕەپانی بەرخودانی سیدا سیستمی كامێرای حەراری دابنێن، بە چەكی سوك كرانە ئامانج. لە ٢٩ی ئەیلول كاتژمێر ٠٦:٢٠ تیمە گەڕۆكەكانی یەژەئاستارمان داگیركەرانیان لە گۆڕەپانی بەرخودانی چەمچۆ خستە ژێر چاودێرییەوە و بە نیشانشكێن لە داگیركەرانیاندا و لەوێ داگیركەرێك سزادرا. لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی خواكورك: لە ٢٨ی ئەیلول تیمە گەڕۆكەكانمان بە چەكی قورس لە داگیركەران لە گۆڕەپانی بەرخودانی شاخی شەهید ئاخین لە خواكوركیاندا. لەو چالاكیەدا سەنگەرێك لەناوبرا، ٢ داگیركەر سزادران. داگیركەران هەوڵیاندا كاتژمێر ١٠:٣٠ دەستوەردان لە گۆڕەپانی چالاكییەكەدا بكەن، بەڵام بە چەكی قورس لەوان درا. لەو چالاكیەشدا ٤ داگیركەر سزاران. لە چوارچێوەی هەڵمەتی شۆڕشگێڕی جەنگی خابوری شەهید ساڤاش مەرعەشدا: لە ٢٧ی ئەیلول هێزەكانمان یەكینەیەكی شاراوەی داگیركەران لە شاخی شەهید پڵنگیان لە گۆڕەپانی بەرخودانی شاخی هەكاری خستە ژێر چاودێرییەوە. هێزەكانمان دوای ئەوەی داگیركەرانیان خستە ژێر چاودێرییەوە كاتژمێر ٠٩:٠٠ بە نارنجۆك و چەكی سوك لە داگیركەرانیاندا. لەو چالاكیەدا ٣ داگیركەر كە یەكیان پلەداربوو سزادران. هێرشەكانی سوپای توركی داگیركەر بە بۆمبی قەدەغە و چەكی كیمیایی: لە ٢٨ی ئەیلول سەنگەرەكانی شەڕی گۆڕەپانی بەرخودانی شاخی جودی، سەنگەرەكانی شەڕی شەهید باهۆز لە گۆڕەپانی بەرخودانی چەمچۆ و سەنگەرەكانی شەڕی شەهید فەلات لە گۆڕەپانی بەرخودانی سیدا بە بۆمبی قەدەغەكراو و چەكی كیمیایی ١٣ جار بۆردومان كران. لە ٢٨ی ئەیلول سەنگەرەكانی شەڕ لە گۆڕەپانی بەرخودانی ئەشكەوتی برینداران بە بۆمبی قەدەغەی بەهێز بۆردومان كران. هێرشەكانی سوپای توركی داگیركەر: لە ٢٨ی ئەیلول گۆڕەپانی گوندی شی لە گارە، گۆڕەپانەكانی گۆلكا، شاخی چارچەل و گوندی شێلازێی مەتینا و گۆڕەپانی بەرخودانی چەمچۆ ١١ جار بە فڕۆكەی شەڕ بۆردومان كران. لە ٢٩ی ئەیلول گۆڕەپانی بەرخودانی چەمچۆ، كوڕەژارۆ، ئەشكەوتی برینداران، ساجا، كاركەر، شاخی هەكاری، شاخی ئێف ئێم، شاخی جودی و شاخی ئامێدی بە هەلیكۆپتەری هێرشبەر ٤٤ جار بۆردومان كران. لە ٢٧ و ٢٨ی ئەیلول گۆڕەپانەكانی بەرخودانی چەمچۆ، شاخی هەكاری و شاخی ئێف ئێم بە كاتیوشا و هاوەن بە دەیان جار بۆردومان كران. لە ٢٨ی ئەیلول درۆن بەسەر گۆڕەپانەكانی بەرخودانی چەمچۆ، ساجا و شاخی جودیدا سوڕایەوە".
-
هاوپەیمانی دەوڵەتی یاسا كە لەلایەن نوری ماليكییەوە سەركردایەتی دەكات، تاكە ئاستەنگ لەبەردەم هێزە سیاسییەكان بۆ پێكهێنانی حكومەتی نوێ ئاشكرا دەكات و داواش لە ڕەوتی سەدر دەكات بەشداریی لە حكومەتی نوێدا بكات. محەمەد سەعدون، پەرلەمانتاری هاوپەیمانی دەوڵەتی یاسا لە لێدوانێكی ڕۆژنامەوانیدا ڕایگەیاند"پرۆسەی سیاسی لەئێستادا ڕاوەستاوە، بەو پێیەی حزبە كوردییەكان خۆیان یەكلایی نەكردۆتەوە لەسەر پۆستی سەرۆك كۆمار، هێزە سوننەكانیش لای خۆیانەوە دۆسێی سەرۆكایەتی پەرلەمانیان یەكلایی كردەوە". بە وتەی سەعدون"چوارچێوەی هەماهەنگی كێشەی نییە لەپاش یەكلایی كردنەوەی كاندید بۆ سەرۆكایەتی وەزیران، پاش ئەوەی محەمەد شیاع سودانی بۆ پۆستەكە كاندیدكرد، لەئێستاشدا دەبێت دەست بە دیالۆگ بكرێت لەگەڵ هەموو هێزە سیاسییەكان و سەرلەنوێ داوا لە ڕەوتی سەدر بكرێت بەشداریی لە حكومەتی نوێدا بكات". ئەو پەرلەمانتارەی هاوپەیمانییەكەی مالیكی ئاماژە بە هەوڵەكانی چوارچێوەی هەماهەنگی كرد بۆ كردنەوەی هێڵەكانی پەیوەندی لەگەڵ ڕەوتی سەدر و دەرچوون لە تەنگژەی سیاسی، جەختیشی لەسەر چەسپاندنی شایستە و مافی فراكسیۆنی سەدری كردەوە لە پێكهێنانی حكومەتدا. دوێنێ چوار شەممە، پەرلەمانی عیراق بە ئامادەبوونی نزیكەی 240 پەرلەمانتار، دانیشتنێكی سازكرد و لەڕێی دەنگدانەوە دەستلەكاركێشانەوە محەمەد حەلبوسی لە پۆستی سەرۆكی پەرلەمان ڕەتكردەوە و جێگری یەكەمی پەرلەمانیشى هەڵبژارد. پێشتر بەشێوەیەكی لەناكاو هاوپەیمانی ئیدارەی دەوڵەت ڕاگەیەندرا كە زۆربەی هێزە سیاسییەكان لەخۆدەگرێت بۆ پێكهێنانی حكومەت بەسەركردایەتی محەمەد شیاع سودان كاندیدی چوارچێوەی هەماهەنگی، بەبێ ئەوەی ڕەوتی سەدر لەخۆگبرێت.
-
خەڵك بەڕێوەبەرایەتی ئاسایشی ڕۆژئاوای سلێمانی ڕایدەگەیەنێت ، لەچوارچێوەی هەوڵەكانی هێزەكانیان بەمەبەستی پاراستنی سەروماڵی هاووڵاتیان لە دوو كردەوەی جیاوازدا چوار تۆمەتبار دەستگیركران . بەڕێوەبەرایەتی ئاسایشی ڕۆژئاوای سلێمانی بڵاویكردەوە، كە لەچوارچێوەی هەوڵەكانی هێزەكان بەمەبەستی پاراستنی سەروماڵی هاوڵاتیان لەدوو كردەوەی جیاوازدا (٤) تۆمەتبار دەستگیركران ، كە (٣) لەتۆمەتبارەكان بەناوی (د ، و ،ع) و(م ، ج ، ح ) و (هـ ، هـ ، ئ) دانیشتوی ناحیەی تەكیەی كاكەمەندن، باندێكێ دزیكرنیان پێكهێنابوو، لە شاری سلێمانی لەم شوێنانە دزیان كردبوو لەمزگەوتی ڕەحمان لەگەڕەكی كانی كوردە لەمزگەوتی فیردەوس لەگەڕەكی ڕاپەڕین لەمەحەلێكی چیمەنتۆو چەوولم كەخاوەنداریەتیەكەی دەگەڕێتەوە بۆ مامی یەكێك لەتۆمەتبارەكان ، لەگەڵ دزینی ماتۆڕسكیلی هاووڵاتیان . ئاماژە بۆ ئەوەشكراوە، كە لەكاتی لێكۆڵینەوەدا یەكێك لە تۆمەتبارەكان ئاشكرایكرد لەلایەن تۆمەتبار (هـ ، هـ ، ئ) دەستدرێژی سێكسی كراوەتە سەری و لەكردەوەیەكی دیكەدا لە ئاسایشی سلێمانی تۆمەتبارێكی دیكە بەناوی (ج ، ئ ، ج ) ی دانیشتوی گەڕەكی پیرادییەكانی ناحیەی شۆڕشیان دەستگیركرد، هەستاوە بەدزینی ماتۆڕسكیلی هاووڵاتیان و پاش تەلەفكردن و پارچەپارچە كردنیان ویستوێتی لەبازاڕدا بیفرۆشێت . لە ڕاگەیەنراوەكەدا هاتووە، تۆمەتبارەكان سەرجەمیان لەسەر داوای یاسای هاووڵاتیان و بەبڕیاری دادوەری دادگەی لێكۆڵینەوە بەپێی ماددەكانی (٣٩٣ ٬ ٤٤٦) لەیاسای سزادان گیراون و ڕاگیراون لێكۆڵینەوە لەگەڵیاندا بەردەوامە، ماتۆڕسكیلێك و چەندین پارچەی ماتۆڕسكیل كە دزرابوون لەلایەن تۆمەتبارەكانەوە و چەندین كەلو پەلی سەربازیش بەبڕیاری دادوەر لەلایەن هێزەكانمانەوە دەستیبەسەردا گیراوە.
-
خەڵك ئەندامێكی پڕۆفیشناڵی كۆلیژی ئەمریكی بۆ زانستی خۆراك ڕایدەگەیەنێت ، ڕێجیمی سێوی سەوز یەێكی دیكەیە لەو ڕێگایانەی زۆر بە خێرایی كاریگەری باشی دەبێت لەسەر دابەزاندنی كێش، كە ئەم ڕێجیمە تەنها بۆ پێنج ڕۆژ بەكار دێت بۆ دابەزاندنی كێش بە خێرایی. د.كامەران ڕەسوڵ ژاژڵەیی، پسپۆڕی زانستی خۆراك و ئەندامی پڕۆفیشناڵی كۆلیژی ئەمریكی بۆ زانستی خۆراك بڵاویكردەوە، كە یەكێكی دیكە لە باشترین ڕێجیمەكان بۆ كەمبوونەوەی كێش ڕێجیمی سێوی سەوزە، بەڵام ئەم ڕێجیمە نابێت بۆ نەخۆشی شەكرە و نەخۆشیەكانی دڵ و خانمانی دووگیان و شیردەر و منداڵ. كۆمەڵێك زانیاری گرنگ : ئەم ڕێجیمە تەنها بۆ پێنج ڕۆژ بەكار دێت بۆ دابەزاندنی كێش بە خێرایی : --- یەكەم ڕۆژ : --- بەیانی : ۲ سێو ـــ نیوەرۆ: ٤ سێو ــــ ئێوارە : ٤ سێو --- دووەم ڕۆژ : --- بەیانی : ۱ سێو ـــ نیوەرۆ: ۱ سێو + یەك قاپ زەڵاتە + دوو پەنیری كەم چەوری ــــ ئێوارە : ۲ سێو --- سێەم ڕۆژ : --- بەیانی : ۱ سێو + ۱ نانی تیری + ۱ شیش سینگی مریشك ـــ نیوەرۆ: ۱ سێو + یەك قاپ زەڵاتە + ۲ گێزەر + دوو پیازی سەوز ــــ ئێوارە : ۳ سێو --- چوارەم ڕۆژ : --- بەیانی : ۱ سێو + ۱ نانی تیری + پارچە سینگی مریشكی كوڵاو ـــ نیوەرۆ: ۱ سێو + یەك قاپ زەڵاتە + ۲۰۰ گم ماسی برژاو ــــ ئێوارە : ۳ سێو + ۱ نانی تیری + ۱ پەرداخ شیری كەم چەوری --- پێنجەم ڕۆژ : --- بەیانی : ۱ سێو + ۱ نانی تیری + ۱ هێلكەی كوڵاو ـــ نیوەرۆ: ۱ سێو + یەك قاپ زەڵاتە + 2 شیش مریشك یان گۆشتی برژاو ــــ ئێوارە : ۳ سێو كۆمەڵێك زانیاری گرنگ : ـــ ئەم ڕێجیمە نابێت بۆ نەخۆشی شەكرە و نەخۆشیەكانی دڵ و خانمانی دووگیان و شیردەر و مناڵ. ۱ــ ڕۆژانە ۱۲ پەرداخ ئاو یان زۆرتر بخۆرەوە لە نێوان ژەمەكان و خواردنەوە یەك یان دوو پەرداخ ئاو نیو سەعات پێش ژەمی خۆراك. ۳ ـــ نابێت ئەم خوارنانەی خوارەوە بە هیچ جۆریك بخۆیت: ـــ هەموو جۆرە شیرینیەك:پاقلاوە، برمە ، لوقمەقازی ، كێك ، پسكیت ، نوقوڵ ، نەستەلە ، كاستەر، محەلەبی. ـــ ساردەمەنی یەكان :ئاسكریم، چلوورە ، مۆتا، دۆندرمە ، فالوودە. ـــ بیبسی، كۆلا ،فانتا ، سێفن، شەربەت ، چپس. ٥ ـــ بە هێواشی نان بخۆ . ٦ ـــ شەوان پێویستە پێش سەعات یانزە و نیو بخەویت ، زوو هەستان و خواردنی نانی بەیانی پێش سەعات هەشت و چارەكی بەیانی. ۷ ـــ ئەنجامدانی وەرزش بە شێوەیەكی بەردەوام : ڕۆژانە بۆ ماوەی نیو سەعات یان زیاتر : ئەگەر ڕۆژێ بۆت نەكرا ؛ ڕۆژی دواتر دوو ئەوندە بكە ، هەروەها هەموو هەفتەیەك ماوەی یەك چارەك ڕۆژانە زیاتری بكە. ۸ ـــ خواردنەوەی چا و قاوە ڕێگە پێدراوە بە مەرجێك بێ شەكر بێت ، شەوان دوای سەعات هەشت و نیو مەیانخۆرەوە.
-
خەڵك شانەی راگەیاندنی ئەمنی عیراق ڕایدەگەیەنێت ، لە هەردوو پارێزگای موسڵ و كەركوك 12 تیرۆریستیی داواكراویان دەستگیركرد، كە لەنێوانیاندا سەركردەیەكی دیاری داعشی تیادایە، كە كاری راهێنان بووە بە چەكدارانی داعش. شانەی راگەیاندنی ئەمنی عیراق لە راگەیەنراوێكدا بڵاویكردۆتەوە، بەپشتبەستن بە زانیارییە هەواڵگرییەكانیان مەفرەزەكانی دەزگای ئاسایشی نیشتمانی لەكەركوك پرۆسەیەكیان ئەنجامدا لە چەند ناوچەیەكی پارێزگاكە و توانیان 7 ئەندامی رێكخراوی داعش دەستگیربكەن. ئاماژە بۆ ئەوەشكراوە، كە دەستگیركراوان بەپێی مادەی 4ی تیرۆر داواكراو بوون و هێرشی تیرۆریستیان ئەنجامداوە دژی هێزە ئەمنییەكان لە پارێزگاكانی دیالە و سەڵاحەدین و كەركوك. هاوكات ئەوەشخراوەتەڕوو، كە مەفرەزەكانیان لە پارێزگای موسڵ بەپێی هەوڵەكانی دەزگای هەواڵگری 5 ئەندامی رێكخراوی داعشیان دەستگیركردوە كە لەنێوانیاندا سەركردەیەكی دیاری داعشی تیادایە ، كە كاری راهێنان بووە بە چەكدارانی داعش، دوای وەرگرتنی وتەكانیان ڕەوانەی لایەنی دادوەریی كراون.
-
خەڵك- لیژنەی كار و ڕێكخراوەكانی كۆمەڵی مەدەنی لە پەرلەمانی عیراق، دەركەوتووترین ئەو یاسایانە ئاشكرا دەكات كە هەوڵ دەدرێت تێبپەڕێنرێن و دابڕێژرێن لەنێو پەرلەمان لەماوەكانی داهاتوو، دوایین یاساش وەك لیژنەكە باسی دەكات، سودی بۆ زیاتر لە 13 ملیۆن ژن دەبێت. ئەمڕۆ پێنج شەممە، جاسم موسەوی ئەندامی لیژنەكە لە لێدوانێكی ڕۆژنامەوانیدا ڕایگەیاند"دەستپێكی كاری لیژنەكەیان لەماوەكانی داهاتوودا خۆی لە داڕشتنی یاسای خانەنشین و بیمەی كۆمەڵاتییدا دەبینێتەوە كە 90%ی توێژەكانی كۆمەڵگەی عیراقی لەخۆدەگرێت، بەتایبەت ژنان و كرێكاران". بە وتەی موسەوی"یاساكە ڕێژەیەكی گەورەی ژنان دەگرێتەوە كە نزیكەی 13 ملیۆن ژن دەكات لە تەمەنە مامناوەندەكان، لە حاڵەتێكیشدا گەر یاساكە نەیگرتنەوە، ئەوا بە هەمان شێوەی فەرمانبەران و خانەنشینان مووچەیان بۆ دەبڕدرێتەوە، وێرای سودمەندبوونی كاسبكاران و كرێكاران لە تەمەنی كاركرندا". ئەو ئەندامەی پەرلەمانی عیراق یاساكە "بە زۆر گرنگ" ناودەبات و پێیوایە"دەبێتە مایەی پەرەپێدان و پێشخستنی عیراق كە دەگاتە ئاستی وڵاتانی ئەوروپایی لەڕووی زامنكردنی مافی تاكەكانی كۆمەڵگە، بۆیە لیژنەكەیان كاردەكات بۆ داڕشتنی ئەو یاسایە و جەختكردنەوە لەسەری، بەو پێیەی گرنگییەكی زۆری بۆ كۆمەڵگە دەبێت". جاسم موسەوی دەڵێت"پەرلەمان خەریك بوو دەنگ لەسەر یاسای بیمەی كۆمەڵایەتی بدات، لەدوای خوێندنەوەی یەكەم و دووەم لە وەرزی یەكەمی یاسادانان". بەپێی دەقی یاسای نوێی بیمەی كۆمەڵایەتی، توێژێكی فراوان لە كرێكاران و پیشەگەران و هەموو چالاكییە ئابورییە تایبەتەكان بە بیمەی كۆمەڵایەتی دەگرێتەوە، وەك شوفێرانی تاكسی و گواستنەوەی تایبەت و خاوەن كۆگا بازرگانییەكان و وەرشەی پیشەسازی و چالاكییەكانی تر كە پەیوەندییان بە ژیانی ڕۆژانەی كۆمەڵگەوە هەیە و دەبێتە یەكەم هەنگاو بۆ ڕاگرتنی شەپۆل و هەڵپەی هاووڵاتیان بۆ دامەزراندن لە كەرتی گشتی.