چیای گارە Archives - تۆڕی میدیایی خەڵک

سەردێر

خەڵك- جێگری بەڕێوەبەری گشتی تەندروستی سلێمانی ڕایدەگەیەنێت ، پێویستە ئەو خوێندكارانەی نیشانەی كۆرۆنایان هەیە و سەردانی نەخۆشخانە دەكەن بۆ پشكنین تا دەرچوونی ئەنجامی پشكنینەكەی نەچنەوە ناوەندەكانی خوێندن. لەگەڵ دەستپێكی خوێندن، ئەو خوێندكارانەی بەهۆی بوونی نیشانەی كۆرۆنا سەردانی نەخۆشخانەكانی تایبەت بە پشكنینی كۆرۆنا دەكەن، بەڵام ئەنجامەكانیان چەند ڕۆژێكی پێدەدچێت و ئەوان گلەیی ئەوە دەكەن، كە ئەنجامەكەیان درەنگ پێدەدرێتەوە، بۆیە دەچنەوە خوێندنگاكانیان ئەگەر توشی كۆرۆنا بووبن ئەوا ئەوانی دیكەش تووشی دەكەن. عەبدوڵڵا ئەحمەد، جێگری بەڕێوەبەری گشتی تەندروستی سلێمانی بە (خەڵك) ی ڕاگەیاند، لە ئێستادا لە سلێمانی ماوەی چەند ڕۆژێكە پشكنینەكانی كۆرۆنا چڕكراوەتەوە و لە نێوان چین و توێژەكان بەتایبەت خوێندكاران، ئێستا ڕۆژانە لە ماوەكانی پێشوو زیاتر پشكنین ئەنجامدەدرێت. وتیشی،" لە سلێمانی تاقیگەی پێشكەتوو دەستەبەركراوە و لە ئێستادا ڕۆژانە ئەنجامدانی پشكنین زۆر زیاتر لە جاران دەكرێت ، كارمان بۆ ئەوەكردووە زۆر خێراتر ئەنجامەكان بدرێتەوە بە خوێندكاران". ڕاشیگەیاند ، ڕەنگە لێرە و لەوێ حاڵەت هەبن، كە ئەنجامی پشكنینەكانی خوێندكاران چەند ڕۆژێكی پێ بچێت، بەڵام ئێمە لە ئێستادا كارمان لەسەر ئەوە كردووە زۆر خێرا ئەنجامەكان بدرێتەوە بە خوێندكاران . ئاشكراشیكرد، هەمیشە ئێمە ڕێنمایی ئەوە دەدەینە هاووڵاتیان و خوێندكاران ئەوانەی نیشانەی كۆرۆنایان هەیە زوو سەردانی ناوەندەكانی پشكنینی كۆرۆنا بكەن ، یان تەندروستی لێ ئاگادار بكەنەوە، نابێت ئەو خوێندكارانەی نیشانەیان هەیە، بگەڕێنەوە قوتابخانەكان تا ئەنجامەكانیان دەردەچێت . ئاماژەی بۆ ئەوەشكرد، ئەو كەسانەی دێنە تاقیگەكان ئەگەر نیشانەی كۆرۆنایان نەبێت، دەتوانن بگەڕێنەوە ناوەندەكانی خوێندن .
ژنێکی ئەمریکی تەمەن ٨٢ ساڵ بەهۆی ئەوەی لەجیاتی پێ بنێت بە ئیستۆپدا پێی ناوە بە بەنزیندا ئۆتۆمبێلەکەی کێشاوە بە سەمونخانەیەکدا. ژنەکە لەکاتێکدا بەرەو سەمونخانەکە ڕۆشتووە، شڵەژاوە و بە ئۆتۆمبێلەکەیەوە چۆتە ناوەوە، بەڵام لەو کاتەدا هیچکەس لەو شوێنەدا نەبووە و بەهۆی ئەو ڕووداوەوە هیچ زیانێکی گیانی نەبووە.
هونەرمەند هۆنیا کەمال نوێترین بەرهەمی خۆی بەناوی (خەیاڵی تۆ) بڵاوکردەوە. بەرهەمە نوێکەی هۆنیا کەمال لە تێکستی ئاراس گەبەییە و شاڵاو ڕەزا کاریی ئەڕێنجمێنتی بۆ کردووە و لە میلۆدی ئالان فەرمانە. هۆنیا کەمال لەدایکبوی شاری سلێمانییە، سەرەتای دەرکەوتنی دەگەڕێتەوە بۆ بەرنامەی کورد ئایدڵ، یەکەمین بەرهەمی دوێتێک بو لەگەڵ ئاریاس جەڤان، ناوبانگێکی زۆری پەیدا کرد https://www.youtube.com/watch?fbclid=IwAR1vRiItqf4OK3rzhwGV89c2WPU4Sq69MSST9qwgD2T0NCF8iLsk6IkjPOs&v=33z1r-Qq52U&feature=youtu.be
خەڵك-بەشی هەواڵ كارەبای سلێمانی رایگەیاند،جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات بە پێچەوانەوە توشی لیپرسینەوەی یاسایی دەبێت. بەڕێوەبەرایەتی گشتی كارەبای سلێمانی لە راگەیەنراوێكدا دەڵێت، ئاگاداری ئەو گەڕەكانە دەكەینەوە كە پێوەری زیرەكیان بۆ دەبەسترێت، جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات بە پێچەوانەوە توشی لیپرسینەوەی یاسایی دەبێت. لە ڕاگەیەنراوەكەدا ئەوەش هاتووە، هیچ كەسێك بە ناوی زیادكردنی بڕی ئەمپێری كارەبای پێوەری زیرەك پارە بە كەس نەدات، چونكە كاری لەو شێوەیە ناكرێت. دەشڵێت، لە كاتی بوونی هەر كێشەیەكدا، هاوڵاتیان دەتوانن پەیوەندی بە ژمارە تەلەفۆنی ٠٧٧٠١٣٩٤٦٤٢ بكەن. پرۆژەی پێوەری زیرەكی كارەبا یەكێكە لە پڕۆژە ستراتیژییەكانی حكومەتی هەرێم كە لە كۆتایی مانگی ٩ی ساڵی ٢٠١٩دا چووەتە بواری جێبەجێكردنەوە و تا ئێستاش لەناو شاری سلێمانیدا زیاتر لە ١٦٤ هەزار پێوەر لە ٦٧ گەڕەكی ناو شاری سلێمانی دانراوە و رۆژانەش بەڕێوەبەرایەتی كارەبا لە بەستنی پێوەرەكە بەردەوامە.
خەڵك-بەشی هەواڵ قایمقامی هەڵەبجە بڵاویكردەوە كەلەگەڵ بریكاری وەزارەتی ناوخۆ و كۆمەڵەی منداڵە ونبووەكانی پارێزگای هەڵەبجەكۆبونەتەوەو بەدواداچوون بۆ كەیسی منداڵە ونبووەكانی هەڵەبجە دەكەن. نوخشە ناسیح قایمقامی هەڵەبجە لەئەكاونتی خۆی لەتویتەر بڵاویكردۆتەوە، لیوا چەتۆ ساڵح بریكاری وەزارەتی ناوخۆ پێشوازی لێكردین و لەگەڵ كۆمەڵەی منداڵە ونبووەكانی پارێزگای هەڵەبجە كۆبوینەوە. دەشڵێت، لە كۆبوونەوەكەدا گفتوگۆ لەبارەی كێشەو گیروگرفتەكان و بەدواداچوونی زیاتر بۆ كەیسی منداڵە ونبووەكانی پارێزگاكە كرا.
خەڵك-بەشی هەواڵ نرخی دۆلار بەرامبەر بە دیناری عێراقی زیاتر دابەزی وبە 144 هەزار و 900 دینار مامەڵەی پێوەكرا لە كاتێكدا بەیانی ئەمڕۆ 145 هەزار و 400 دینار بوو. ئیبراهیم غەفور خاوەنی نوسینگەی نەشوان لەبازاڕی دۆلارەكەی سلێمانی بە (خەڵك) ی ڕاگەیاند ، لەكاتی داخستنی بازاڕ بەهای دۆلاری ئەمریكی بەرامبەر دیناری عێراقی بە 144 هەزار و 900 دینار مامەڵەی پێوەكرا. وتیشی هۆكاری دابەزینی بەهای دلار بۆ ئەوە دەگەڕێتەوە دەنگێك هەیە لەشەقامی كوردستان و عێراقیش كە گوایە پڕۆژە یاسای بودجە پەسەند ناكرێت هەتاكو دۆلار دانەبەزێت بۆ 120 هەزار و هاوكات بەشێكی زۆری هاوڵاتیان دۆلاریان هێناوەتە بازاڕەكان و ئاڵوگۆڕیان كردووە.
خەڵک وەزارەتی تەندروستی ئیمارات ڕۆژی شەممە ڕایگەیاند؛ کۆی گشتی خواستەکانی بۆ دابینی ڤاکسینی دژ بە ڤایرۆسی کۆرۆنا 6 ملیۆن ژەمی تێپەڕاندووە و ئەو ژمارەیەش وڵاتەکەی کردە یەکەم لەسەر ئاستی وڵاتانی عەرەبی و دووەم لەجیهاند، لە ڕووی دابین و پێدانی ڤاکسین بە هاووڵاتیانی. بە گوێرەی ئاژانسی تەندروستی ئیمارات، لە 24 کاتژمێری رابردوودا 81 هەزار و 790 ژەم لەڤاکسینی کۆڤید 19ی دابین کردووە، بەمەش کۆی ئەو ژەمە ڤاکسینانەی تا ئێستا دابین کراوە بۆ 6,015,089 بەرز بووەتەوە. وەزارەتی تەندروستی ئیمارات ڕایگەیاندووە؛ پلانی وەزارەت بۆ دابینکردنی ڤاکسینی دژ بە کۆڤید 19، گەیشتنە بەو بەرگریەی بەهۆی کوتانەوە دروست دەبێت دژ بە ڤایرۆسەکە، ئەمەش یارمەتیدەر دەبێت لە کەمکردنەوەی ژمارەی حاڵەتەکان و کۆنترۆڵکردنی پەتاکە . ئیمارات، لەناوەڕاستی مانگی شوباتدا بەربەستی 5 ملیۆن ژەمە ڤاکسینی شکاندو تەنیا لەماوەی دوو هەفتەدا توانیویەتی 1 ملیۆن ژەمی نوێ بەسەر دانیشتوانیدا دابەش بکات . ئیمارات لە مانگی تشرینی یەکەمی ڕابردوودا پرۆسەی گەیاندنی ڤاکسینی تەواو کرد بۆ هێڵی یەکەمی بەرگری (کارمەندانی تەندروستی)، دواتر دەستی کرد بەپێدانی ڤاکسینەکە بە بەشەکانی دیکەی کۆمەڵگا . تەندروستی ئیمارات پێشبینی دەکات تا مانگی ئازار لە سەدا 50 ی دانیشتوانەکەی ڤاکسین وەربگرن.
خەڵك- وەزارەتی ناوخۆی عێراق ڕایدەگەیەنێت ، هێزەكانیان لە بەغدا و پارێزگای سەلاحەدین 5 چەكداری داعشیان دەستگیركردووە، كە بەپێی ماددەی چواری تیرۆر بە تۆمەتی ئەندامبوون لە داعش داواكرابوون. وەزارەتی ناوخۆی عێراق لە راگەیەندراوێكدا بڵاویكردەوە، هێزەكانی ئاژانسی هەواڵگری پێنج چەكداری داعشیان دەستگیركردووە، كە بەپێی ماددەی چواری تیرۆر بە تۆمەتی ئەندامبوون لە ڕێكخراوی تیرۆرستی داعش داواكرا بوون. ئەوەشخراوەتەڕوو، كە ئەو چەكدارانە چواریان لە ناوچەكانی بەغدا و ئەوەی دیكەیان لە پارێزگای سەلاحەددین دەستگیركراون سەرجەمیان رێوشوێنی یاسایی لەبەرامبەریان گیراوەتەبەر.
خەڵك- وەزارەتی تەندروستی و ژینگەی عیراق ڕایدەگەیەنێت ، ناوەڕاستی هەفتەی داهاتوو یەكەم وەجبەی ڤاكیسنی كۆرۆنا دەگات و دەشڵێت،"ڤاكسینەكە لەجۆری ڤاكسینی سینۆفارمی چینییە و حكومەتی بەیجین پێشكەشی عیراقی كردووە". وەزارەتی تەندروستی و ژینگەی عیراق لە ڕاگەیەنراوێكدا بڵاویكردەوە، هەر لە سەرەتای سەرهەڵدانی پەتای جیهانی كۆرۆنا هاوشێوەی وڵاتان، عیراق لە ڕێگەی وەزارەتەوە هەوڵی دا بۆ دەستەبەركردنی ڤاكسینێك دژی پەتای جیهانی كۆرۆنا، كە پەیوەندییەكانیان لەگەڵ كۆمپانیا جیهانییەكانی تایبەت بەدروستكردنی ڤاكسین بەستووە، لە وڵاتانی ئەمریكا و بەریتانیا و چین و ڕوسیا . ئاماژە بۆ ئەوەشكراوە ، ڕۆژی دووشەممەی داهاتوو ڤاكسینی دژ بەڤایرۆسی كۆرۆنا دەگاتە عێراق، كە وەك وەجبەی یەكەم بڕی 16 ملیۆن ڤاكسین دەگات. جەختیشیكردۆتەوە، كە پلانی وەرگرتن و دابەشكردنی ڤاكسینی كۆرۆنایان تەواوكردووە ئەوەش لەڕێگە نەخۆشخانەو ناوەندە تەندروستییە پشت پێبەستراوەكان و لەژێر چاودێری لیژنە زانستی و راوێژكارییە باڵاكانی وەزارەتی تەندروستیدا تاوەكو پلانەكە سەرجەم هاوڵاتیان بگرێتەوە كە لەسەرەتادا كوتان بە ڤاكسینەكە لە كارمەندانی تەندروستی و هێزە ئەمنییەكان و هاوڵاتیانی بەساڵاچو و ئەو هاوڵاتیانەوە دەستپێدەكات كە نەخۆشی درێژخایەنیان هەیە.
خەڵک کاربەدەستێکی عێراقی دەڵێت؛ کۆی گشتی ئەو گۆڕە بەکۆمەڵانەی کە تا ئێستا لە عێراق هەڵدراونەتەوە، 105 گۆڕن، هاوکات دەشڵێت ژمارەی گۆڕە بەکۆمەڵەکان لە سەروەختی سەدام تا داعش 210 گۆڕی بەکۆمەڵ لەخۆدەگرن. کازم عوبێد، سەرۆکی دامەزراوەی شەهیدان لە عێراق، رۆژی شەممە (27ی شوبات) بە رۆژنامەی (الباح) ی زمانحاڵی فەرمی حکومەتی راگەیاندووە:"سێ جۆر گۆڕی بەکۆمەڵ هەن کە بەشی کاروباری گۆڕە بەکۆمەڵەکان و پاراستنیان کاریان لەسەر دەکەن، ئەویش ئەو گۆڕە بەکۆمەڵانەی کە لەدوای ڕژێمی پێشوو بەچێماون، گۆڕە بەکۆمەڵەکانی دوای 2003، هەروەها ئەو گۆڕانەی کە لەدوای ساڵی 2014 لەلایەن داعشەوە بەجێماون". کازم عوبێد وتیشی:"ئەو شوێنانەی کە ڕژێمی پێشوو بەجێی هێشتبوون و لەلایەن تیمەکانی بەشی کاروباری گۆڕە بەکۆمەڵەکان و پاراستنەوە دیاریکران ژمارەیان 98 گۆڕ بوو، کە تەنها 76 یانهەڵدراونەتەوە، هاوکات ژمارەی ئەو شوێنانەش کە چەکدارانی داعش بەجێیان هێشتبوون 112 شوێن بوون، لەو ژمارەیە 29 یان هەڵدراونەتەوە". ئاشکراشیکرد:"کۆی ئەو ڕوفاتانەی کە لەو گۆڕانە ساغکراونەتەوە 6393 کەس بوون و ژمارەیەک گۆڕیش هەن کە تا ئێستا نەخراونەتە ناو پلانی دامەزراوەی شەهیدانەوە، هەروەها چەندین شوێنی نەدۆزراوە گۆڕی بەکۆمەڵی دیکە هەن، کە بەهەماهەنگی لەگەڵ بەشی پزیشکی دادوەری لە وەزارەتی تەندروستی و کۆمیسیۆنی نێودەوڵەتی بۆ ونبووەکان کار بۆ دۆزینەوەیان دەکرێت تا چارەنووسی ئەو ونبووانە ئاشکرابن، کە لەئەنجامی شەڕ و نەهامەتی و کردەوە تیرۆریستییەکان ڕوویانداوە". ئەو بەرپرسه دەڵێت :"لە دۆسیەی گۆڕە بەکۆمەڵەکاندا ئاستەنگی زۆریان بۆ دێتە پێش، لەوانە نەبوونی تەرخانکردنی بودجە بۆ جێبەجێکردنی پلانەکانیان، هەروەها تەشەنەی ڤایرۆسی کۆرۆنا و سەختیی ڕێکارەکانی خۆپارێزی لەنێوان پارێزگاکاندا، کاری ئەوانی قورس کردووە بەڵام هەر لە کار بەردەوامن".

شکستەکەی گارە فشارەکانی سەر ئەردۆغان زیاتر دەکەن

شکستەکەی گارە فشارەکانی سەر ئەردۆغان زیاتر دەکەن

هەرێم بەهادین

شوبات 18, 2021

خەڵک بەهۆی شکستی ئۆپەراسیۆنەکەی سوپای تورکیا لە چیای…

نەپەگە: لە گارە 15 گەریلا شەهید بوون و 37 سەرباز كوژران

نەپەگە: لە گارە 15 گەریلا شەهید بوون و 37 سەرباز كوژران

ئەحمەد سیوەیلی

شوبات 17, 2021

خەڵك- فەرماندەیی بڕیارگەی ناوەندی پارستنی گەل (نەپەگە)…

“توركیا لە چیای گارە چەكی كیمیایی بەكارهێناوە”

کوردستان

“توركیا لە چیای گارە چەكی كیمیایی بەكارهێناوە”

ئەحمەد سیوەیلی

شوبات 16, 2021

خەڵك- هێزەكانی پاراستنی گەل (هەپەگە) ڕایدەگەیەنێت، دەوڵەتی…

پەكەكە بۆ (خەڵك): توركیا بۆ ڕزگاركردنی سوپاكەی لە گارە هانای بۆ ئەمریكا و حزبێكی باشوور برد

کوردستان

پەكەكە بۆ (خەڵك): توركیا بۆ ڕزگاركردنی سوپاكەی لە گارە هانای بۆ ئەمریكا و حزبێكی باشوور برد

لاوی چالاك

شوبات 14, 2021

خەڵك- بەرپرسی پەیوەندییەكانی پارتی كرێكارانی كوردستان…

توركیا گوندێكی هەرێم بۆردومان بكات

کوردستان

توركیا گوندێكی هەرێم بۆردومان بكات

ئەحمەد سیوەیلی

شوبات 13, 2021

خەڵك- فڕۆكە جەنگییەكانی توركیا جارێكی دیكە بۆردومانی ناوچە…