ڤیدیۆ.. لە كەناڵێكی فەڕمی ئێران سوكایەتی بە جلی كوردی دەكرێت
خەڵك – بەشی هەواڵ بێژەری كەناڵی دوی تەلەفزیۆنی فەڕمیی…
زیاترسەردێر
-
سەلاح رەشید بریاری وەزیری دەرەوەی ئەمەریکا، ئەنتۆنی بلینکن لە ٢٦/٢/٢٠٢١ دا دەربارەی ئەوەی کە دەسەڵاتدارانی سعودی لە کوشتنی رۆژنامەنوس جەمال خاشوقچی لە ٢/١٠/٢٠١٨ لە کونسولیەتی سعودی لە ئەستەمبوڵ، دەنگێکی هەمەلایەنەی زۆر خراپی نایەوە. هەمولایەک گوێیان بەوە راهاتبو، کە وڵاتەیەکگرتوەکانی ئەمەریکا، هەمیشە پشتگیری کوێرانەی هاوپەیمانەکانی خۆی کردوە، بێ رەچاوکردنی پرنسیپە سەرەکیەکانی مافی مرۆڤ و راست و دروستی کێشەکان، لە مێژوی ئەمەریکادا روی نەداوە کە ئەو وڵاتە پشتگیری باشترین و بەهێزترین بەوەفاترین هاوپەیمانی خۆی نەکات، و ئەمە یەکەم جارە بوترێت ( بەهای مرۆیی ئەمریکی) لە پێش بەرژەوەندی سیاسی و سەربازی و ئەمنیەوەیە. سعودیە، هاوپەیمانێکی بچوک و ئاسایی نیە و نەبوە بۆ ئەمریکا، بەڵکو قورسایی خۆی هەبوە لە رۆژهەڵاتی ناوەراست و چاوساغی بوە لەم ناوچەیە و تەنها هێزی گەورەیە کە توانیوێتی وڵاتانی کەنداو کۆبکاتەوە و سەرپەشتیان بکات و وەک هاوپەیمانیەک دژ بە ئێران بوەستێت، هەروەها ئەمەریکا لە رێگای سعودیەوە پشتگیری مالی و سەربازی چەندەها و چەندەها وڵات و لایەن و گروپی کردوە و نەوتی سعودیە بەشێک بوە لە بەرژەوەندیە سەرەکی و ئیسراتیجیەکانی ئەمەریکا. پەیوەندیەکانی ئەمەریکا دەگەرێتەوە بۆ ساڵی ١٩٣٢ کە رێکەوتنێکیان مۆر کردوە، کۆمپانیە ئەمریکیەکان، دەستبکەن بە گەڕان و دەرهێنانی نەوت لە سعودیە. تەنها لە سەردانی سەرۆکی جارانی ئەمەریکا ترامپ، لە مانگی مایسی ٢٠١٩ بۆ سعودیە، رێکەوتنێکیان مۆر کرد بە بەهای ١٠٠ ملیار دۆلار بۆ کرینی چەک بۆ سعودیە. ئەمە نمونەیەکە لە بەرژەوەندی ئەمەریکا لەگەڵ ئەو وڵاتەدا. بریاری وەزارەتی دەرەوەی ئەمەریکا دژ بە ٧٦ لێپرسراوی ئاسایشی دیوانی محەمەد بن سەلمانی جێگری پاشای سعودیە، کە هەمویان لە تیمی پارێزەرانی تایبەتی ئاسایشی شا محەمەدن و هیچ جوڵەیەک و چالاکیەک ناکەن، بێ رەزامەندی ئەو جێنشینە نەبێت ئەم هەڵوێستە نوێیەی جۆن بایدن ( بەهای مرۆیی ئەمریکی پێش بەرژەوەندی سیاسی)، جێی دەستخۆشیە، وەک وەزیری دەرەوە ئەنتۆنی بلینکن دەڵێ " ئێمە لەمەودوا لە هیچ لایەک خۆشنابین کە دژی چالاکوانانی مەدەنی، رۆژنامەنوسان، هیزە ئۆپۆزیسۆنەکان دەوەستنەوە" ، ئەمە سەرەتای سیاسەتی نوێی دەرەوەی ئەمەریکایە بەرمبەر بە وڵاتان، هەروەها لە هەمان بواردا، راگرتنی فرۆشتنی چەکی بە سعودیە، لەبەر ئەوەی ئەو چەکانە لە شەڕی یەمەن دژ بە حوسیەکان بەکار دێت، ئەمەریکا چەک بە هاوپیمانەکانی ئەفرۆشێت ( بۆ بەرگری لە خۆیان، نەک بۆ هێرش بۆسەر وڵاتانی تر) . ئەم سیاسەتە نوێیانەی ئەمەریکا، هەمو وڵاتانی جیهانی دەگرێتەوە، لەوانەش عێراق و کوردستان. ئەبێ حکومەتی هەرێمی کوردستان، پارتی و یەکێتی و دەزگا ئەمنیەکانیان، لەمرۆ بەدواوە، ئاگاداربن، کە دۆستایەتی ئەمەریکاو پشتگیریکردن و هاوکاریەکانیان بۆ هەرێمی کوردستان، بێ سنور و بێ باج نیە، لەمەودوا رەچاوکردن و پێشێلنەکردنی پرنسیپەکانی مافی مرۆڤ سەنگی مەحەکەن بۆ پەیوەندیەکانی ئەمەریکا بە جیهانی دەرەوە. هیچ کاتێک کوردستانی عێراق بەقەدەر نیوەی سعودیە گرنگ نیە بۆ ئەمەریکا، ئەگەر ئەوە حاڵی خێزانی پاشای سعودیە بێت، ئەبێت حاڵی خانەوادەکانی ئەمانەی خۆمان چۆن بێت؟. زیندانیکردنی کۆمەڵێک رۆژنامەنوس و چالاکوان بە ٦ ساڵ، تەنها و تەنها بەهۆی نوسینی چەند وتارێکەوە، ئەمە نەک جێی قبوڵ نیە لە دنیای ئازاددا، بەڵکو جێی قبوڵ نیە لای ئەمەریکا و بە دڵنیایەوە بێ هەڵوێست نامێنەوە. چۆن دەبێت ئەمەریکاو هاوپەیمانەکانیان، پشتگیری مالی و سیاسی و سەربازی حکومەتی هەرێم بکەن، بەڵام لە پایتەختی کوردستاندا، نەتوانرێت خۆپیشاندانێکی ئاشتیانە سازبکریت، نەتوانرێت وتارێکی رەخنە ئامێز بنوسرێت و نەتوانرێت باسی دزی و گەندەڵی و بەفیرۆدانی سامانی گشتی نەکرێت، بەهۆی ئەوانەوە زیندانی بکرێیت و بە سیخور بدەنە قەڵەم و ناوی خۆت و هەمو خانەوادەت…
-
خەڵك- جۆری نوێی ڤایرۆسی كۆرۆنای نەیجیری لە باكوری ئیتالیا و لە پارێزگای لومباردی ئاشكرا كرا. تۆڕی سپوتنیك بڵاویكردەوە، ئارنالدو كاروسو سەرۆكی ئەنجومەنی ڤایرۆسناسانی ئیتالیا و بەڕێوەبەری تاقیگەی ئاشكراكردنی ڤایرۆس و بەكتریا ڕایگەیاند، جۆری نوێی كۆرۆنا دەردەكەوێت كە هیچ ڤاكسینێكی دروستكراو كاریگەری لەسەر دروست ناكات، ناوبراو هیچ ئاماژەیەكیشی بۆ جۆری ئەو كۆرۆنایە ئاشكرا نەكردووە. ڤایرۆسی كۆرۆنای نەیجیری لە مانگی 12ی ساڵی ڕابردوو لەو وڵاتە ئاشكرا كرا. لای خۆشیەوە ئاندی لومنیلابا ڤایرۆسناسی ئەوروپایی ڕایگەیاند، ئەو جۆرە ڤایرۆسەی لە نەیجیریا دۆزراوەتەوە ئەگەری هەیە ڕێژەی تووشبووانی كۆرۆنا زیاتر بكات بەراورد بە جۆری كۆرۆنای ڕابردوو. ئاشكراشیكرد، كۆرۆنای نەیجیری بە خێراییەكی زیاتر بڵاودەبێتەوە بەشێوەیەك تووشبوویەك توانای هەیە لە یەك كاتدا 4 بۆ 5 كەسی خێزانەكەی تووش بكات. ڕوونیشیكردەوە، ڤایرۆسی نوێی كۆرۆنا بەخێراییەك زۆر زیاتر لە كۆرۆنای پێشوو بڵاودەبێتەوە.
-
سلێمانی – نزار جەزا بڕیارە لەڕۆژی هەینییەوە عەلوەی سلێمانی دابخرێت، بەهۆی ئەوەی مەترسی لەسەر سەلامەتی گیانی شۆفێرەکانیان هەیە. کاسبکارانی عەلوەی سلێمانی لافیتەیەکی گەورەیان بەدەروازەکانی عەلوەی سلێمانییەوە هەڵواسیوە و تێیدا باس لەئەوەکراوە، ئاگاداری سەرجەم کاسبکار و بازرگانەکانی عەلوەی سلێمانی و دەوروبەری دەکەنەوە، کە لەڕۆژی هەینییەوە دەرگاکانی عەلوە دادەخەن، لەبەر نەبوونی ئەمنیەتی بارهەڵگرەکانیان و سەلامەتی گیانی هەموولایەک لەڕێگای مەرزەکان و داواکارن کەس بارنەهێنێت، بۆئەوەی کەس زەرەرمەندنەبێت. سەروەر عەلی سەرۆکی سەندیکای عەلوەی سلێمانی بە(خەڵک)ی ڕاگەیاند، مەترسی لەسەر گیانی شۆفێرەکانیان هەیە، بەنمونە لەم چەند ڕۆژەی پێشوودا هەشت شۆفێریان ڕفاندوون و هەڕەشەی کوشتنیان لێکردوون، کە جارێکی دیکە بارنەگوازنەوە، دواتر لەڕیگەی چەند کەسێکەوە توانییان ئازادیان بکەن، بەڵام دەستگیرنەکراون. ئەوەشی خستەڕوو، تەنانەت شەوی ڕابردووش هێرشکرایە سەر ئۆتۆمبێلێکی دیکەمان. وتیشی: بڕیارمانداوە لەڕۆژی هەینییەوە دەرگای عەلوە دابخەین، تاکو چارەسەری ئەم کێشەیەمان بۆ نەکەن دەرگای عەلوە ناکەینەوە. ئەوەشی باسکرد: تاکو ئێستا تەنها بەقسە بەڵینی چارەسەری کێشەکەیان پێداون و هیچ کردارێک نابینن. لەچەند ساڵی ڕابردوودا لەمەرزی باشماخ هێڵێكی كاركردن هەبوو كە تەنها خاوەن ئەو هێڵە دەیتوانی كاری شۆفێری لەمەرزەكەدا بكات، بەڵام دواتر خاوەن عەلوەكانی سلێمانی ئۆتۆمبێلی بارهەڵگری تایبەت بەخۆیان كڕی و خۆیان باری خۆیان دەهێنایەوە بۆ سلێمانییان لەڕێگەی شۆفێری ئێرانییەوە بارەکانیان دەهێننەوە، ئەمەش بووە جێگەی ناڕەزایەتی خاوەن هێڵەكانی مەرزی باشماخ. لەدوای دروستبوونی ناڕەزایەتییەكان فشارخرایە سەر شۆفێری عەلوەكان، كە مەرزەكە جێبهێڵن، ئەوانیش لەژێر فشاردا لەساڵی ٢٠١٧دا مەرزەكەیان جێهێشتووە و ئێستا بارەكانیان لەمەرزی سەیرانبەند و تەوێڵە و مەرزەكانی دیكەوە بۆ سلێمانی دەگوازنەوە، بەڵام هێشتا خاوەن هێڵەكانی مەرزی باشماخ فشاردەخەنە سەر ئەوان، بۆئەوەی بارەکانیان لەڕێگەی ئەوانەوە بگوازنەوە نەک شۆفێری ئێرانی یان شۆفێری خۆیان. هەر هێڵێك لەهێڵەكانی مەرزی باشماخ نرخی دەگەیشتە نزیكی ٩٠ هەزار دۆلار، بەڵام بەهۆی دەركردنی شۆفێرانی عەلوەی سلێمانی و نەگواستنەوەی بارەكانی عەلوە لە مەرزی باشماخەوە، ئێستا نرخی ئەو هێڵانە دابەزیون و وەك پێویست كاری تێدانەماوە، لەبەرئەمە شۆفێرانی مەرزی باشماخ ناڕازین. شۆفێرانی عەلوەی سلێمانی دەڵێن: ئێمە باری خۆمان لەئێرانەوە بۆسلێمانی دەهێنێن، ئازادین لەکام مەرزەوە دەیگوازینەوە و بەکێی دەگوازینەوە. بەپێی زانیارییەكانی (خەڵك) كە لەشۆفێرانی نێو خۆپیشاندانەكەوە وەریگرتووە، شۆفێرانی مەرزەكانی دیكە جگە لەباشماخ هیچ گرفتێكیان لەگەڵ شۆفێرانی عەلوە نییە، چونكە لەگەیاندا ڕێككەوتوون و بەبێ كێشە كارەكانیان دەكەن. ئەمە لەکاتێکدایە لەماوەی چەند ڕۆژی ڕابردوودا شۆفێرانی مەرزی باشماح و کاسبکاران و شۆفێرانی عەلوەی سلێمانی بەجیا خۆپیشاندانیان ئەنجامدا و داواکاری و کێشەی خۆان گەیاندە ئەنجومەنی پارێزگای سلێمانی، بۆئەوەی چارەسەری کێشەکەیان بکەن. شۆفێرانی بارهەڵگرەكانی مەرزی باشماخدەڵێن هێڵی فەرمییان هەیە و لەمەرزی نێودەوڵەتی باشماخ مۆڵەتیان هەیە و ساڵانە هێڵەكانیان نوێدەكەنەوە وكۆمەڵێك ڕسوماتیشیان هەیە، بەڵام ژمارەیەك خاوەن عەلوەی سلێمانی بارهەڵگریان كڕیوە و خۆیان بارەكان دەگوازنەوە، لەكاتێكدا هیچ ڕسوماتێكیان نییە و كارەكەیان نایاساییە، ئەمەش گرفتی بۆ ئەو شۆفێرانە دروستكردووە كە خاوەن هێڵن و ناتوانن كاربكەن. ئەم كێشەیەی نێوان شۆفێرانی بارهەڵگرەكان پێویستی بەچارەسەری خێرا هەیە، چونكە لەئێستادا شۆفێرانی عەلوەی سلێمانی بڕیاریانداوە هیچ بارێك نەهێننە سلێمانی تاكو كێشەكە چارەسەری ڕیشەیی بۆ نەكرێت، ئەمەش گرفت بۆ هاوڵاتییان دروستدەکات، چونکە ناتوانن وەک پێویست سەوزە و میوە بکڕن.
-
خەڵك- وتەبێژی هاوپەیمانی نێودەوڵەتی بۆ شەڕی دژ بەداعش ڕایدەگەیەنێت، هێزێكی تایبەتی عێراقی لێكۆڵینەوە لە هێرشە مووشەكییەكەی ئەمڕۆی سەربازگەی عەین ئەسەد لە ئەنبار دەكەن. واین مارتۆ وتەبێژی هاوپەیمانی نێودەوڵەتی بۆ شەڕی دژی داعش لە ڕاگەیەنراوێكدا ئاماژە بۆ ئەوە دەكات، لەكاتژمێر 7:20 خولەكی ئەمڕۆ چوار شەممە 10 مووشەك ئاڕاستەی سەربازگەی عەین ئەسەد كراون. وتیشی"هێزێكی تایبەتی عێراقی لە هەوڵدان بۆ لێكۆڵینەوە و مامەڵەكردن لەگەڵ ئەو ڕووداوە، بەڵیشیانداوە زانیاری زیاتر لەوبارەوە ئاشكرابكەن". ناوبراو هیچ زانیارییەكی لەسەر زیانەكانی هێرشە موشەكیەكە و سەرچاوەی ئەو موشەكانە نەكرد. ئەمڕۆ چوار شەممە چەند مووشەكێك ئاڕاستەی بنكەی سەربازی عەین ئەسەد لەئەنبار كراون و ئامانج لەو هێرشە، سەربازانی ئەمریكا بوون، بەڵام تاكو ئێستا زیانە گیانی و ماڵییەكان ڕوون نییە.
-
خەڵك-بەشی هەواڵ بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە. بەپێی پێشبینییەكانی كەشناسی، ئەمڕۆ چوار شەممە ئاسمان لەنێوان هەورە و پەڵە هەور دەبێت. هەر بەپێی پێشبینییەكان، سبەینێ پێنج شەممە ئاسمان لەنێوان هەور و پەڵە هەور دەبێت.
-
خەڵك- دوو بەرپرسی باڵای بانكی توركیا داوای لێكۆڵینەوەی فەڕمی دەكەن لە دیارنەمانی دەیان ملیار دۆلار لە دراوی یەدەگی دامەزراوەی دارایی توركیا لە ساڵی رابردوودا. بانكی نێوەندی توركیا ناونیشانێكی دیكەی قەیرانی ئابوری توركیایە، سەرۆكی توركیا رەجەب تەیب ئەردۆغان دەڵێت دراوی یەدەگ لە بانكدا نزیكەی 100 ملیار دۆلارە، بەڵام ئۆپۆزسیۆن بە پشت بەستن بە زانیاری فەڕمی دەڵێت دامەزراوەی دارایی توركیا 60 ملیار دۆلار قەرزدارە. یەدەگی دراوی بیانی لە بانكی ناوەندی زیانێكی گەورەی بەركەوتووە و زیانی داوە لە سەقامگیری رەوشی دارایی لە وڵات بەتایبەت پشتیوانی دراوی ناوخۆیی. دورموش یەلماز كە سەرۆكایەتی بانكی كردووە لە ساڵانی 2006 بۆ 2011 و جێگری پارێزگاری بانك ئیبراهیم تورهان باس لە پێویستی دامەزراندنی لیژنەیەكی لێكۆڵینەوە دەكەن لە زیانەكان. بانكی وەبەرهێنانی ئەمریكایی گولدمان ساكس خەمڵاندنی كردووە كە بانكی ناوەندی 100 ملیار دۆلاری لە دراوی یەدەگ زیان كردووە لە 10 مانگی یەكەمی 2020 لەگەڵ دابەزینی بەهای لیرە لە بەرامبەر دۆلار و یۆرۆ. دوای ئەم زیانە گەورەیە سیاسییەكان و ئۆپۆزسیۆن داوای ئاشكراكردنی چارەنووسی ئەم پارەیە دەكرێت، دوو بەرپرسی پێشووی بانكیش هاتونەسەر خەتی قەیرانەكە. یەلماز كە ئەندامی حزبی بزووتنەوەی نەتەوەییە دەڵێت: رەنگە ئەم پارەیە بۆ پشتیوانیكردن لە كۆمپانیا داراییەكان خەرج كرابێت. دەپرسێت كام كۆمپانیای پیشەسازی دراوی بیانی پێ بەخشراوە؟ لە ماوەی دوو هەفتەی رابردوودا رەجەب تەیب ئەردۆغان سەرۆكی توركیا بەرگری كردووە لە سیاسەتەكانی دارایی و هەڵسەنگاندنی رەوشی ئابووری توركیا بە باش. ئەردۆغان دەڵێت: ئۆپۆزسیۆنی دوو ڕوو دەڵێن یەدەگی بانك لە دراوی بیانی بە تەواوی نەماوە، ئەوان سنووریان بەزاند، دەڵێن یەدەگ سفرە. دەشڵێت: هاوڕێیان كاتێك گەیشتین بە فەرمانڕەوایی، یەدەگ 27.5 ملیار دۆلار بوو، ئێستا نزیكەی 95 ملیار دۆلارە، لە ماوەی سەرۆكایەتی وەزیراندا یەدەگی دراوی قورسی بیانی بەرز بووەوە بۆ 132 ملیار لە بانكدا، بەڵام پاشەكشەی كردووە بۆ 95 ملیار دۆلار لە ئێستادا. ئۆپۆزسیۆن بە پشتیوانیكردن بە داتا و زانیاری فەڕمی دەڵێن بانكی ناوەندی نزیكەی 95 ملیار دۆلار قەرزدارە. وتەبێژی حزبی گەلی كۆماری دەڵێت ئەم زانیارییانە لەلای ئێمە هەیە، بانكی نێوەندی پابەند كراوە بە دانەوەی 95 ملیار دۆلار لە ماوەیەكی كورت دا بەهۆی رێككەوتنەكانی ئاڵوگۆڕی دراوی ناوخۆیی.
-
خەڵک بڕیاربوو ئەمڕۆ چوارشەممە ٣ی ئاداری ٢٠٢١ ژمارەیەک پێشمەرگە لەبادینان لەبەردەم وەزارەتی پێشمەرگە گردبوونەوە بکەن، بەڵام بەهۆی کێشە لەگەڵ فەرماندەکانیان تائێستا گردنەبوونەتەوە، یەکێک لەپێشمەرگەکانیش دەڵێت ئێمە سوڕین لەسەر ئەنجامدانی گردبوونەوە. سەرباز محمد، یەکێک لەپێشمەرگەکان بە(خەڵک)ی ڕاگەیاند، ئێمە ژمارەیەک لەپێشمەرگە سەر بەلیوای ١٢ی وەزارەتی پێشمەرگەبووین، بەبیانووی زیادی میلاکی ئەو لیوایە ئێمەیان بۆ فەرماندەییەکان گواستۆتەوە و ئێمەش لەبڕیارەکە ناڕازین. دەشڵێت، قبوڵمان نيیە بگوازرێینەوە و دەمانەوێ سەر بەلیوای ١٢ بین، چونکە لەگەڵ گواستنەوەمان مووچەشیان کەم کردینەوە، تائێستاش بەهۆی کێشە لەگەڵ فەرماندەکانمان تائێستا گردنەبووينەتەوە چوکە دەڵێن نابێ بچن، بەڵام ئێمە سوڕین لەسەر ئەنجامدانی گردبوونەوە.
-
خەڵك- بەڕێوەبەێتی پەروەردەی ڕۆژئاوای سلێمانی ڕایدەگەیەنێت، ئەمڕۆ چوار شەممە 3ی ئازاری 2021، مووچەی وانەبێژان بۆ مانگی 10ی ساڵی ڕابردوو دابەشدەكرێت. بەڕێوەبەرێتی پەروەردەی ڕۆژئاوای سلێمانی لە ڕاگەیەندراوێكدا ئاماژە بۆ ئەوە دەكات، ئاگاداری هەموو مامۆستایانی وانەبێژی سنووری پەروەردەكەمان دەكەینەوە، ئەمڕۆ چوار شەممە سەردانی دیوانی پەروەردە بكەن بە مەبەستی وەرگرتنی كرێی وانەبێژی مانگی 10ی ساڵی ڕابردوو. ئاشكراشیكرد، مامۆستایانی باخچە و ئامادەییەكان كاتژمێر 9:00 بۆ كاتژمێر 11:00 سەردانمان بكەن و مامۆستایانی قوتابخانە بنەڕەتییەكان كاتژمێر 11:00 بۆ 1:00 سەردانمان بكەن.
-
خەڵك-بەشی هەواڵ بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 115 ملیۆن و 302 هەزار و 74 حاڵەت. بە گوێرەی ئامارە جیهانییەكان، تاكو كاتژمێر 9:45ی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە 115 ملیۆن و 302 هەزار و 74 حاڵەت، لەو ژمارەیەش 2 ملیۆن و 560 هەزار و 647 حاڵەتی گیانلەدەستدانیش هەبووە. هەر بەپێی ئامارەكان تاكو ئێستا 91 ملیۆن و 127 هەزار و 380 تووشبووی ڤایرۆسی كۆرۆنا چاكبوونەتەوە. لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە 29 ملیۆن و 370 هەزار و 705 كەس و 529 هەزار و 214 كەسیش گیانیان لەدەستداوە. ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.
-
خەڵک - ئەمڕۆ چوار شەممە بنکەیەکی سەربازی ئەمریکا لەعیراق بۆردوومانکرا. بەپێی هەواڵی میدیا عیراقییەکان، ئەمڕۆ چوار شەممە چەند موشەکێک ئاڕاستەى بنکەی سەربازی عەین ئەسەد لەئەنبار کراون. ئامانج لەو هێرشە موشەکییە، سەربازانی ئەمریکا بوون، بەڵام تاکو ئێستا زیانە گیانی و ماڵییەکان ڕوون نییە. بەپێی زانیارییە سەرەتاییەکان، هێرشەکە لەڕێگەی ١٠ موشەکی جۆری کاتیۆشا بووە.