بەوێنە؛ دیمەنە ناشرینەكان شارەزوور پیشانی بەرپرسانی شارەكە درا
خەڵك- پێشنیوەڕۆی ئەمڕۆ چوار شەممە، لە بەرامبەر كۆلێژی پەروەردەیی…
زیاترسەردێر
-
خەڵك- بەشی پۆلیسی نەهێشتنی تاوانی هەولێر رایگەیاند، دەستیان بەسەر ئۆتۆمبێلێكی دزراودا گرتووەو و دوای تەواوكردنی رێكارە یاساییەكان رادەستی خاوەنەكەی دەكەنەوە. بەشی پۆلیسی نەهێشتنی تاوانی هەولێر رایگەیاند، دوای ئەوەی لەلایەن هاوڵاتییەكەوە ئاگاداركرانەوە، كە لە بەردەم ماڵەكەی خۆیدا لە كۆمەڵگای بەحركە، ئۆتۆمبێلێكی جۆری (مازدا)ی لێدزراوە دەستبەجێ دەستیان بە لێكۆڵینەوە كرد و بە هەماهەنگی لەگەڵ نووسینگەی نەهێشتنی تاوانی ئاكرێ، توانرا دەست بەسەر ئۆتۆمبێلەكەدا بگیرێت. ئاماژە بەوەشكراوە، پەڕاوی لێكۆڵینەوەیان بۆ رووداوەكە كردووەتەوە و بە بڕیاری دادوەر و بەپێی ماددە ٤٤٦ لە یاسای سزادان، بڕیاردرا بە دەستگیركردنی ئەو تۆمەتبارەی ئۆتۆمبێلەكەی دزیوە. بەشی نەهێشتنی تاوانی هەولێر ئەوشی وتووە، دوای تەواوكردنی رێكارە یاساییەكان رادەستی خاوەنەكەی دەكرێتەوە.
-
خەڵك- كارەبای سلێمانی رایگەیاند، ئاگاداری ئەو گەڕەكانە دەكەنەوە، كە پێوەری زیرەكیان بۆ دەبەسترێت جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات بە پێچەوانەوە توشی لیپرسینەوەی یاسایی دەبێت. بەڕێوەبەرایەتی گشتی كارەبای سلێمانی رایگەیاند، ئاگاداری ئەو گەڕەكانە دەكەنەوە، كە پێوەری زیرەكیان بۆ دەبەسترێت جگە لە ستافی تایبەتی هۆبەكانی چاكسازی كارەبا و كۆمپانیا هیچ كەس بۆی نییە دەستكاری پێوەرەكان بكات، بە پێچەوانەوە توشی لیپرسینەوەی یاسایی دەبێت. ئەوەش هاتووە، هیچ كەسێك بە ناوی زیادكردنی بڕی ئەمپێری كارەبای پێوەری زیرەك پارە بەكەس نەدات، چونكە كاری لەو شێوەیە ناكرێت. ئاماژە بەوەشكراوە، لە كاتی بوونی هەر كێشەیەكیش هاوڵاتیان دەتوانن پەیوەندی بە ژمارە تەلەفۆنی ٠٧٧٠١٣٩٤٦٤٢ بكەن. پرۆژەی پێوەری زیرەكی كارەبا یەكێكە لە پڕۆژە ستراتیژییەكانی حكومەتی هەرێم بۆ چارەسەركردنی كێشەی كارەبا و پڕۆژەكە لە كۆتایی مانگی ٩ی ساڵی ٢٠١٩دا چووەتە بواری جێبەجێكردنەوە.
-
خەڵك- ئەندامێكی سەركردایەتی پارتی ڕایدەگەیەنێت، بڕیاردراوە كۆنگرە ئەنجام بدرێت، پەیڕەو و پڕۆگرام دیراسەكراوە و گفتوگۆی پێویستی لەسەركراوە و لیژنەی تایبەتمەند كاری لەسەر كردووە و دراوە بە ئۆرگانەكانی حزب و تێبینی خۆیان داوە لەسەری و هەموو پێداویستییەكانی كۆنگرە ئامادەكراوە، ئەوەی تا ئێستاش كۆنگرە نەكراوە، تەنها بابەتی كۆرۆنا بووە ئەگینا هیچ گرفتێكمان نەماوە. عەای حوسێن ئەندامی سەركردایەتی پارتی دیموكراتی كوردستان بە ئانادۆڵی ڕاگەیاند، پارتی حزبێكی گەورەیە و بەدڵنیایی لەبەر پەتای كۆرۆنا و ئێستاش ئەم كۆرۆنا نوێیە، دەبێت زۆر ووریابین و خوێندنەوەمان بۆی دەبێت بۆئەوەی زیان بە خەڵك نەگات، چونكە كۆبوونەوەیەكی بەو جۆرە دەبێت حساب بۆ لایەنی تەندروستی بكرێت. وتیشی"پارتی حزبێكی گەورەیە، لەبەر ئەوە بڕواناكەین بتوانین بە خەڵكێكی كەمەوە بچینە نێو كۆنگرە، بەڵام بابەتی زۆر و زۆرتر ڕەنگە بتوانین قسەی لەسەر بكەین، كۆنگرەی پێشتر زیاتر لە دوو هەزار ئەندامی هەبوو، ئێستا پارتی فراوانتریش بووە و ژمارەی ئەندام و لایەنگری زیادیشی كردووە، بۆیە هیچ ژمارەیەك دیاری نەكراوە تاكو ئێستا، بەڵام خۆئەگەر نیوەی ئەو ژمارەیەی جاری پێشوویش بەشداری بكەن، هێشتا ژمارەیەكی زۆرە بۆ ئەو دۆخە". ئاشكراشیكرد، سەركردایەتی حزب بڕیاری ئەوەی داوە ئەمساڵ كۆنگرەكە بكرێت، بۆ ڕۆژەكەشی ٢٦ی مانگی پێنج دەبێت، بەڵام خۆ هەلومەرجی سیاسی، ناوخۆی، نێودەوڵەتی، ئابووری و بەتایبەتتریش بارودۆخی تەندروستی زۆرجار ڕێگر دەبێت. [caption id="attachment_275407" align="alignnone" width="863"] عەلی حوسەین، ئەندامی سەركردایەتی پارتی دیموكراتی كوردستان[/caption] عەلی حوسێن ڕاشیگەیاند، ڕاوبۆچوونی جیاواز لەناو هەموو حزبێكی سیاسییدا هەیە، ئەگەر حزبێك ڕای جیاوازی تێدانەبێت زیندووێتی نییە و دیموكراتیەتی تێدانییە، بەڵام پارتی ڕێبەرێكی هەیە كە مەسعود بارزانی-یە و یەكێكە لە حزبەكانی ڕۆژهەڵاتی ناوەڕاست كە دەتوانێت بڕیاربدات و خاوەنی قسە و بڕیاری خۆی بێت، بەڵام بەدڵنیایی ڕای جیاواز لەنێو ئەندامانی قیادی و ئەندامانی مەكتەبی سیاسیی دەبێت، بەڵام ئێمە ڕەمزێكمان هەیە و ئەو حزبەش كە گرفتی نەبێت پارتییە. جەختیشی كردەوە، باڵباڵێن لەنێو پارتیدا نییە و پارتی یەك باڵی هەیە و یەك سەری هەیە ئەویش سەرۆك مەسعود بارزانی-یە، حزبێكی گەورەین خاوەن قەزیەیەكین لە ڕۆژهەڵاتی ناوەڕاستدا ئاساییە ئەم جۆرە قسانەشمان ڕووبەڕوو بكرێتەوە. پارتی دواجار بڕیاریدا ڕۆژی ٢٦ی ئایاری داهاتوو كۆنگرە خۆی ببەستێت، ئەمەش لەكاتێكدایە دەبوو حەوت ساڵ پێش ئێستا ببەسترایە، بەپێی زانیارییەكانیش، كۆنگرەكەی ئەم جارەی پارتی لە دهۆك دەبەسترێت.
-
خەڵك- سەرۆكی كۆمەڵی دادگەریی كوردستان ڕایدەگەیەنێت، گۆڕینی ناوی حزبەكەیان مانای گۆڕینی ناوەڕۆك نییە و لەبنەڕەتدا حزبایەتی و سیاسەتیان خستووەتە خزمەت بنەماكانی ئیسلام لە دادپەروەری و بەرەنگاربونەوەی ستەم. عەلی باپیر سەرۆكی كۆمەڵی دادگەریی كوردستان بە میدیای فەڕمی حزبەكەی ڕاگەیاند، گۆڕینی ناوی حزب مانای گۆڕینی ناوەڕۆك نییە و ئەوەمان نەهێشتووە كە خۆمان لە موسوڵمانان جیابكەینەوە، حیكمەتێكی دیكەی ئەو بڕیارەش بۆ مامەڵەكردنە لەگەڵ دەرەوەی خۆمان، بۆیە كردوومانە بە دادگەری، چونكە ئیسلام بۆ چەسپاندنی دادگەریی و بەرەنگاربوونەوەی ستەم و گەندەڵی هاتووە. وتیشی"پێش ئەوەی خۆمان بیر لە گۆڕینی ناوی ئەمیر و كۆمەڵ بكەینەوە، بەپێی یاسای كۆمسیۆنی باڵای سەربەخۆی هەڵبژاردنەكانی عێراق نابێت ناوی كەسی یەكەمی حزب (ئەمیر) بێت و ئاڵاكەمان كە شایەتومانی تێدا نووسراوە، كۆمسیۆن داوای كردووە تێیدا نەبێت بۆ ئەوەی وەك موزایەدەی ئیسلامی سەیر نەكرێت". ئاشكراشیكرد، لە سەردەمی خەلیفەكانی ڕاشیدینیشدا ناو گۆڕین هەبووە و (جێنشینی پێغەمبەر) گۆڕدراوە بۆ (ئەمیرولموئمینین) و دواتریش لەسەردەمی عوسمانیەكاندا بووە بە سوڵتان. ڕۆژانی 18 و 19ی ئەم مانگە كۆمەڵ كۆنگرەی چوارەمی خۆی بەست، كە تیایدا بڕیاریدا ناوی كۆمەڵی ئیسلامی بگۆڕێت بۆ" كۆمەڵی دادگەری" هاوكات جارێكی دیكە عەلی باپیر بە كەسی یەكەمی حزبەكە هەڵبژێردایەوە و ناوی" ئەمیر"یش گۆڕدرا بۆ" سەرۆك، ناو گۆڕینەكەش لەلایەن بەشێك لە ئەندامانی كۆمەڵەوە كاردانەوەی دروست كرد و بەهۆیەوە ژمارەیەك لە بەرپرس و ئەندامانی ئەو حزبە دەستیان لەكاركێشایەوە.
-
خەڵك- وەزارەتی دارایی و ئابووری حكومەتی هەرێمی كوردستان وەك بڕیاری لەسەر دابوو، ئەمڕۆ مووچەی فەرمانبەران دەستپێدەكات. بەپێی خشتەیەك كە وەزارەتی دارایی و ئابووری بڵاویكردووەتەوە، ئەمڕۆ پێنج شەممە دابەشكردنی مووچەی مانگی شوبات بە لێبڕینی 21% بۆ فەرمانبەران و مووچەخۆران و 50% بۆ پلە باڵاكان دەستپێدەكات و بۆ ئەمڕۆش هەریەكە لە وەزارەتەكانی تەندروستی، دیوان و لیواكانی پێشمەرگە، یەكەكانی 70 و 80ی وەزارەتی پێشمەرگە، وەزارەتی دارایی و ئابووری، وەزارەتی ناوخۆ، فەرماندەیی پێشمەرگەی زێرەڤانی و پۆلیسی بەرگری و فریاكەوتن، ڕەگەزنامە، پۆلیسی نەوت و غاز، وەزارەتی كاروباری شەهیدان و كەسوكاری شەهیدان و ئەنفالكراوان مووچە وەردەگرن.
-
خەڵك-ئارام سەردار بڕیارە ئەمڕۆ پێنچ شەممە ٢٥ی شوباتی ٢٠٢١ بەشێكی شەقامی 150 مەتری شاری هەولێر كە تەواوكراوە بكرێتەوە. سیامەند كەریم وتەبێژی سەرۆكایەتی شارەوانیی هەولێر بە(خەڵك)ی ڕاگەیاند، ئەمڕۆ كاتژمێر ۳ی دوای نیوەڕۆ بەشی یەكەمی شەقامی ١٥٠ مەتری شاری هەولێر بەئامادەبوونی سەرۆكی ئەنجومەنی وەزیران و وەزیری شارەوانی و بەشێك لەلایەنە پەیوەندیدارەكان دەكرێتەوە. دەشڵێت"پڕۆژەی شەقامی 150 مەتری خێرای هەولێر، لەلایەن كۆمپانیای هێمن گرووپ و بەچاودێریی وەزارەتی شارەوانی و گەشتوگوزار جێبەجێ دەكرێت، لەبەشی یەكەمی پڕۆژەكە 10 كیلۆمەتری تەواو بووە، كە دەكەوێتە نێوان ڕێگای بەحركە و پیرمام.
-
خەڵك-بەشی هەواڵ نرخی نەوت لەبازاڕەكانی جیهان بەراورد بە ڕۆژانی ڕابردوو بەرز بووتەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ پێنج شەممە، 25-2-2021، بەشێوەیەك بووە كە نرخی نەوتی برێنت بە 57 دۆلار و 19 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 63 دۆلار و 40 سەنت مامەڵەی پێوەكراوە. هۆكاری بەرزبونەوەی نرخی نەوت دەگەڕێتەوە بۆ ڕێككەوتنی گروپی ئۆپیك پڵەس لەسەر زیادكردنی بەرهەمهێنانی نەوت بە بڕی 500 هەزار لە ڕۆژێكدا. هاوكات هەڵكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا بەشێك لە كەرتە پیشەسازی و بازرگانییەكانیان وەستاندبوو، لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.
-
له باربردنی منداڵ و رێگه‌دان به‌و پرۆسه‌یه به شێوه‌یه‌كی یاسایی ئێستا پرسێكی باوه له وڵاتانی جیهاندا، ته‌نانه‌ت له هه‌رێمی كوردستانیش خه‌ڵكانێك بۆ له‌باربدرنی منداڵ ده‌چنه نه‌خۆشخانه‌كانی توركیا و ئێران. له‌م گرته ڤیدیۆیه‌ی خواره‌وه‌دا ئه‌وه ڕونكراوه‌ته‌وه كه كاتێك منداڵ له‌به‌ر ده‌به‌یت چی ڕوده‌دات؟ وه‌ك له گرته ڤیدیۆیه‌كه‌ش ده‌رده‌كه‌وێت كه له لایه‌ن پزیشكێكه‌وه به‌ناوی Anthony Levatino ئاماده‌كراوه‌و تا ئێستا زیاتر له 1200 منداڵه له‌بار بردووه، سه‌ره‌تا ده‌رزیه‌ك له سه‌ری منداڵه‌كه ده‌درێت كه هه‌ست به ئازاره‌كه‌ی ده‌كات و به‌هۆی ئه‌وه‌وه گیان له‌ده‌ستده‌دات. له ئایینی ئیسلام ڕێگه‌ی به له‌باربردن داوه ئه‌گه‌ر كۆرپه‌لەكه هه‌ڕه‌شه بێت بۆ سه‌ر ژیانی دایك، یان دووگیانبوونه‌كه ئه‌نجامی لاقه‌كردن بێت و ته‌مه‌نی كۆرپه‌كه له چوار مانگ زیاتر نه‌بێت، ده‌بێت ته‌مه‌نى منداڵه‌كه له 120 ڕۆژ تێپه‌ڕ نه‌بووبێت، به‌ڵام گه‌ر له پاش ئه‌وه له باری ببه‌یت وه‌ك كوشتنی مرۆڤێك وه‌هایه. به‌پێی یاسای سزادانی عێراقی ماده‌کانی (417، 418، 419 ژماره 111 ساڵی 1969) هه‌ر که‌سێک ببێته باعیسی له‌باربردنی منداڵ به‌بێ رەزامه‌ندی دایکی، ئه‌وا مه‌حکوم ده‌کرێت به 10 ساڵ زیندانیکردن، ئه‌گه‌ر هاتوو دایکه‌که خۆی ئه‌و کاره بکات، له‌لایه‌ن دادوه‌ر ساڵێک سزای زیندانیکردنی بۆ ده‌رده‌چێ. چونکه له‌یاسای سزادانی عێراقی له‌ناوبردنی به‌ئه‌نقه‌ست به‌تاوانی کوشتن حیساب ده‌کرێت.
-
ئەمەی خوارەوە کۆمەڵێک نەخۆشی دەروونیە کە زۆرێکمان هەمانە و پێشی نازانین: نەخۆشی hypochondria، ئەو کەسەیە کە زۆر لەوە دەترسێت نەخۆش بکەویت و بەردەوام بە دکتۆرەوەیە بۆ پشکنین – نەخۆشی زیادەڕەوی لە پاکوخاوێنی Obsessive-Compulsive Disorder، ئەو کەسەیە کە زۆر زیادەڕەوی دەکات لە پاکوخاوێنیدا (عەمەلی لە ڕادە بەدەر). – نەخۆشی Syllogomania، ئەو کەسەیەک کە دەستی لە شتە کۆنەکانی نابێتەوە و ماڵەکەی پڕە لە شتە شڕەی ناپێوسیت – نەخۆشی topographical disorientation ئەو کەسەیە کە ئەگەر ١٠ جاریش بچێت بۆ شوێنێک هەر نازانێت بچێتەوە سەری و زۆر ئاسان ون دەبێت و تەنانەت هەندێکجار ژووری ناو ماڵەکەی خۆشی لێ تێک دەچێت. – نەخۆشی paruresis ئەو کەسەیە کە زۆر شەرمەنە و بۆنمونە ناتوانێت لەشوێنی گشتی میز بکات چونکە شەرم لەخەڵک دەکات. – Valetudinarianism بەو کەسانە دەوترێت کە زۆڕ ڕاڕان تا بزانن سەرنجی بەڕێوبەر یان کەسی لە خۆیان گەورەتر چییە لەسەریان، بەڵام paranoia نەخۆشییە و بەوکەسانە دەوترێت کە دەیانەوێت سەرنجی هەموو کەسێک بزانن لەسەریان.
-
ئەمەی خوارەوە چەند دیمەنێکە کە پەیوەندی پڕ لە بەزمی نێوان خوشکەکان نیشان دەدات و زۆرێک لە خوشکەکان لێی تێدەگەن: سێ جۆری گفتوگۆکردن لەگەڵ خوشکەکەت کاتێک کەسێک بەخراپ باسی خوشکەکەت دەکات بەردەوام جلوبەرگی یەکتر دەبەن و زۆرجاریش نکوڵی لێدەکەن هەر لە منداڵیەوە تا گەورەبوون هەمان کاری یەکتر دوبارە دەکەنەوە خوشک باشترین کەسە کە لە حەزە جیاوازەکانت تێدەگات کاتێک خوشکی بچوکیت و هەموان بە شێوەدا دەزانن کە خوشکی گەورەترت هەیە شەڕی بەردەوام لەسەر خواردن بەزمی هەستان لە خەو کاتێک شەڕی کۆنتڕۆكە دەدۆڕێنیت