پارەی وانەبێژی مامۆستایان Archives - تۆڕی میدیایی خەڵک

سەردێر

خەڵك- وەزارەتی پەروەردەی عێراق ڕایدەگەیەنێت، كە بابەتی داخڵبوونی گشتی بۆ پۆلە كۆتاییەكان (6ی سەرەتای و 3ی ناوەندی و 6ی ئامادەیی) بەجێ‌ هێڵراوە بۆ دەستەی ڕاوێژكاری وەزارەت و ئەوان بڕیاری لێ‌ دەدەن. فەلاح قەیسی، بریكاری وەزارەتی پەروەردەی عێراق بۆ ئاژانسی فەرمی (العراقییە) ئاماژەی بەوەكردووە، تا ئێستا هیچ بڕیارێك نییە بۆ بەشداری كردن و داخڵبووونی گشتی خوێندكاران لە تاقیكردنەوەكان، چونكە ئەو بابەتە بەجێ‌ هێڵراوە بۆ دەستەی ڕاوێژكاری وەزارەت و ئەوان بڕیاری لێ‌ دەدەن. ڕاشیگەیاندووە، ساڵی نوێ و داهاتووی خوێندن لە سەرەتای مانگی 10ی ئەمساڵ دەستپێدەكات و لە ناوەڕاستی مانگی ئەیلول (9)ش سەرجەم مامۆستا و فەرمانبەرانی كەرتی پەروەردە دەستبەكاردەبنەوە. ئاشكراشی كردووە، كە لە ماوەی ئەمساڵدا سەرجەم كارمەند و مامۆستایانی پەروەردە بە ڤاكسینی دژی كۆرۆنا دەكوترێن. سەبارەت بە مامۆستایانی وانەبێژ وتویەتی، "زیاتر لە 14 بەڕێوەبەراییەتی گشتی لە پارێزگاكان ناوی وانەبێژانیان ڕەوانەی وەزارەتی دارایی كردووە و پارەی پێویستیان بۆ تەرخان كراوە جگە لە 4 بۆ 5 بەڕێوەبەرایەتی، كە ژمارەی وانەبێژانیان زۆر بووە".
خەڵك- بەرپرسێكی تەندروستی عێراق پێشبینی دەكات، كە شەپۆلێكی نوێی ڤایرۆسی كۆرۆنا تەواوی وڵات بگرێتەوە، كە بە شەپۆلی سێیەم دادەنرێت. د.نەبیل فازڵ، بەڕێوەبەری بەشی تەندروستی گشتی لە دیالە لە لێدوانێكی ڕۆژنامەوانیدا ڕایگەیاندووە، لە چوارچێوەی پێشبینی بۆ دۆخی پەتاكان، پێشبینی ئەوە دەكەن، كە شەپۆلێكی نوێی ڤایرۆسی كۆرۆنا لەسەر ئاستی جیهان و عێراق دەستپێبكات. ڕاشیگەیاندووە، بە دڵنیاییەوە لە كۆتایی ئەم مانگە یان مانگی داهاتوو شەپۆلی نوێی كۆرۆنا عێراق دەگرێتەوە. ئاماژەی بەوەشكردووە، ئامۆژگاری و ڕێنمایی هەمووان دەكەین پەلە بكەن لە وەرگرتنی ڤاكسینی كۆرۆنا، كە ئێستا لە نەخۆشخانەكان بەردەستە و دەبێتە پارێزەرێكی بنچینەیی لە نەخۆشی و پەتا، چونكە ئێستا هاووڵاتیان پابەند نین بە خۆپارێزییەوە. هەرچەندە بەشێكی زۆری ژیان و كاروباری هاووڵاتیان ئاسایی كراوەتەوە، بەڵام هێشتا ڕۆژانە زیاتر لە 5 هەزار كەس لە عێراق و هەرێمی كوردستان تووشی كۆرۆنا دەبن و بە تەنها ئەمڕۆ 23 كەس گیانیان لەدەستداوە.
خەڵك- ئەندامێكی لیژنەی دارایی لە پەڕلەمانی عێراق ئاشكرای دەكات، لیژنەیەكی وردبینی لە بەغدادەوە سەردانی ھەرێمی كوردستانی كردوە، كە وردبینی لە داھاتی نانەوتی دەكات و پەڕلەمانتارێكی دیكەش دەڵێت: "چەند ناكۆكیەك بۆتە هۆی دواكەوتنی مووچەی فەرمانبەران". حەسەن ئاڵی، پەرلەمانتاری كورد لە پەڕلەمانی عێراق، بە (خەڵك)ی ڕاگەیاند، گفتووگۆ و وتوێژەكان بەردەوامن، هەندێك كێشەی تەكنیكی هەن، كە پەیوەندییان بە مافی كۆمپانیا بەرهەمهێنەكانی نەوتەوە هەیە لە هەرێم و ئەم ناكۆكیانە بونەتە مایەی دواكەوتنی ڕەوانەكردنی مووچەی فەرمانبەران و جێبەجێكردنی بڕگەكانی بودجەی تایبەت بە هەرێمی كوردستان. وتیشی، "ڕێككەوتنی عێراق و هەرێم دووچاری شكست نەبووە و شاندی هەرێمی كوردستان لە چەند ڕۆژی داهاتوودا سەردانی بەغدا دەكاتەوە". لای خۆشیەوە، شیروان میرزا، ئەندامی لیژنەی دارایی پەڕلەمانی عێراق ئاشكرای كردووە، لیژنەیەكی وردبینی لە بەغدادەوە سەردانی ھەرێمی كوردستانی كردووە، كە وردبینی لە داھاتی نانەوتی ھەرێم (دەروازە سنووریەكان و فڕۆكەخانەكان) دەكات. وتیشی، "ئەو بڕە پارەیەی لە ئێستادا حكومەتی فیدڕاڵی عێراق بەنیازە بۆ حكومەتی هەرێمی بنێرێت وەك سلفەیەكە تا كارەكانی ئەو لیژنەیە تەواو دەبێت". جەختیشی كردەوە، ئەو بڕە پارەیەی، كە بەغدا بە تەمایە بینێرێت بۆ هەێم، هیچ جۆرە نایاساییەكی تیا نییە و پێچەوانەی یاسای بودجە نییە.
خەڵك- بەهۆی كەمبوونەوەی كاریگەری نەخۆشی كۆرۆنا لەسەر ئابووری جیهانی و دەستپێكردنەوەی چالاكییە ئابوورییەكان، بەهای ئاڵتون ڕووی لە دابەزین كرد. دانا وەرتی، خاوەنی زێڕنگەری ئازوورا لە هەولێر بۆ (خەڵك) ئاماژەی بەوەكرد، دوای ئەوەی نرخی زێڕ گەیشتە بەرزترین ئاست لە هەفتەی ڕابردوودا، دەستی بەدابەزین كردۆتەوە و ئەوەش بەهۆی كاریگەری هەڵئاوسانی ئابووری لە ئەمریكا و بەرزی ڕێژەی سوود. ڕاشیگەیاند، ئەمڕۆ بەهای یەك ئۆنسە دابەزیوە بۆ 1785 دۆلار و نرخی یەك مسقاڵ زێڕی عەیارە 21 بە 374 هەزار دینارە و عەیارە 18 بە 320 هەزار دینارە. ئاماژەی بەوەشكرد، دابەزینی بەهای زێڕ كاتییە و بەرزدەبێتەوە. ئەمە لەكاتێكدایە، كە هەفتەی پێشوو نرخی یەك ئۆنسەی زێڕ لە سەرووی 1800 دۆلارەوە بوو، بۆیە بەراورد ببە هەفتەی پێشوو نرخی یەك مسقاڵ زێڕ زیاتر لە 20 هەزار دینار شكاوە.
خەڵك- بەڕێوەبەرایەتی هاتووچۆی كۆیە ئاشكرای دەكات، كە بارهەڵگرێك بەهۆی تیژڕۆییەوە مقەستی كردووە و بەهۆیەوە شۆفێری تەكسییەك بریندار بووە. بەڕێوەبەرایەتی هاتووچۆی كۆیە لە ڕاگەیەنراوێكدا ئاماژەی بەوەكردووە، كاتژمێر 6ی ئێوارەی ئەمڕۆ ڕووداوێكــی ھاتووچۆ لەنێوان ئۆتۆمبێلێكــی بارھەڵگر و تاكسیەك لە ڕێگای دەشتی كۆیە ڕوویدا. ئاماژەی بەوەشكردووە، بەھۆی خێرا لێخوڕینـەوە، ئۆتۆمبێلی بارھەڵگر كۆنتڕۆڵی لەدەستداوە و مقەسی كردووە. ئاشكراشی كردووە، لە ئەنجامدا بووە ھۆی برینداربوونــی شۆفێری تاكسیەكە.
خەڵك- زاوایەكی سەدام حسێن، كە هاوسەری كچە بچووكەكەی بووە دوای 18 ساڵ لە زیندان لەلایەن عێراقەوە ئازادكرا. بەپێی نووسراوێكی وەزارەتی دادی عێراق، كە لە 15ی ئەم مانگە دەرچووە و واژۆی مافپەروەر صادق عبد حسین، بەڕێوەبەری بەشی پێشوازی و بەردانی زیندانیانی لەسەرە، بڕیار دراوە بە ئازادكردنی (جەمال مستەفا عەبدوڵڵا سوڵتان) و هەڵوەشاندنەوەی ئەو تۆمەتەی ئاڕاستەی كراوە بەپێی یاسای تیرۆر بەهۆی ئەوەی بەڵگەی پێویست لەسەری نەبووە. جەمال مستەفا عەبدوڵڵا سوڵتان هاوسەری (حەلا)ی كچە بچووكی سەدام حسێن-ی سەرۆكی لەسێدارەدراوی ڕژێمی پێشووی عێراقە و یەكێك بووە لەو كەسانەی ناوی لە لیستی تیرۆری ئەمریكادا هاتبوو، كە لیستێكی 52 كەسی بوو، ئەمیش ناوەكەی بە ژمارە 20 هاتبوو. ئەو زاوایەی سەدام حسێن لە 20ی نیسانی 2003 دەستگیر كرا و لە ئێستاشدا دوای 18 ساڵ زیندانی ئازادكرا.
خەڵك- بەڕێوەبەرایەتی بەرگری شارستانی پارێزگای هەولێر ئاشكرای دەكات، كە گەنجێك لەكاتی مەلەكردن لە زێی گەورە خنكاوە. بەڕێوەبەرایەتی بەرگری شارستانی پارێزگای هەولێر لە ڕاگەیەنراوێكدا ئاماژەی بەوەكردووە، بەداخەوە ئێستا گەنجێك لە زێی گەورە لەكاتی مەلەكردن خنكا و تیمەكانمان بەدوای تەرمەكەی دەگەڕێن. ڕاشیگەیاندووە، گەنجەكە تەمەنی 30 ساڵە و دانیشتوی هەولێر، گەڕەكی تەیراوەیە.
خەڵك- بەڕێوەبەرایەتی گەشتوگوزاری چۆمان ئاشكرای دەكات، كە چەند شۆفێرێك بە ئۆتۆمبێلی بەرزی بێ‌ تابلۆ سروشتی باڵەكایەتی و ناوچە گەشتیارییەكان دەشێوێنن. بەڕێوەبەرایەتی گەشتوگوزاری چۆمان لە ڕاگەیەنراوێكدا هۆشداری دەداتە شۆفێران لەسەر تێكدان و شێواندنی ناوچە گەشتیارییەكان و دەڵێت: "بەم جۆرە هەڵسوكەوت كردن لەگەڵ سروشت ڕێگە پێدراونیە". گەشتوگوزاری چۆمان لە هەژماری فەرمی خۆی لە فەیسبووك بڵاویكردەوە، بەداخەوە هەندێك شۆفێر بە ئۆتۆمبێلی بەرزی بێ تابلۆ شوێنە سروشتیەكانی باڵەكایەتی دەشێوێنن و دەبنە هۆكاری مەترسی و بێزار كردنی گەشتیاران و تێكدانی سروشت. ئاماژەی بەوەشكردووە، داوا دەكەین هاوكارمان بن لە ناساندنی شوفێری ئەم ئۆتۆمبێلانەی بەم شێویە هەڵسوكەوت دەكەن بۆ ئەوەی سزای یاسایی بدرێن.
خەڵك- تۆری پاراستنی تەندروستی گشتی كەمپینێك بۆ ڕزگاركردنی نەخۆشخانەی هیوا لە سلێمانی ڕادەگەیەنێت و بەڕێوەبەری نەخۆشخانەكەش دەڵێت: "هیوا دەگەڕێنینەوە بۆ بێ هیواكان". تۆری پاراستنی تەندروستی گشتی لە بەیاننامەیەكدا، كە لە هەژماری فەرمی خۆی لە فەیسبووك بڵاویكردۆتەوە، ئاماژەی بەوەكردووە، تۆڕەكەمان بە توندی دژی مردنی نەخۆشخانەی هیوایە، چونكە نەخۆشخانەی هیوا تاكە پەناگەی نەخۆشەكانی شێرپەنجەیە لە سلێمانی و كوردستانیش. ئاماژەی بەوەشكردووە، نەخۆشخانەكە یەكێكە لەو دەزگا تەندروستیە باشە كەمانەی، كە لە كەرتی گشتی خاپوركراوی تەندروستی ماوەتەوە و پێویستە بە هەموومانەوە پارێزگاری لێ بكەین. تۆڕی پاراستنی تەندروستی گشتی بۆ ئەم مەبەستە كەمپینێك ڕادەگەینێت و جەختدەكاتەوە، كەمپینەكە چەندین چالاكی لە خۆی دەگرێت و بەم زووانە وردەكارییەكەی بڵاودەكرێتەوە. لای خۆشیەوە، د. یاد نەقشبەندی، بەڕێوەبەری نەخۆشخانەی هیوا لە هەژماری خۆی لە فەیسبووك بڵاویكردەوە، هیوا هەمیشە مڵكی هەمووانە و هیوا دەگەڕێنینەوە بۆ بێ‌ هیواكان. دەشڵێت: "بەڵێن دەدەین نەهێڵین تووشبووانی شێرپەنجە بێ‌ هیوا بن و هەمیشە لەخزمەتیاندا دەبین بەبێ‌ جیاوازی".
خەڵك- میدیاكانی ئێران بڵاویانكردەوە، كە دەنگدانی ئەلیكترۆنی لە هەڵبژاردنەكانی ئێراندا كێشەی زۆری دروست كردووە و پڕۆسەكەی خاوكردۆتەوە و میدیای فەرمی ئەو وڵاتەش دەڵێت: "تا ئێستا 23%ی هاووڵاتیان دەنگیان داوە". ئاژانسی (فارس)ی فەرمی ئێران بڵاویكردەوە، تاوەكو كاتژمێر 4:45 خوولەكی دوانیوەڕۆی ئەمڕۆ بەكاتی تاران زیاتر لە 14 ملیۆن كەس بەشداری هەڵبژاردنەكانیان كردووە، كە ڕێژەكەی دەكاتە 23٪ی دەنگدەران. لای خۆشیەوە، عەباس عەلی كەدخودایی، وتەبێژی ئەنجوومەنی پاراستنی دەستووری ئێران ڕایگەیاندووە، ئەو ئامارانەی، كە لە ئینتەرنێتدا دەخرێنەڕوو گریمانەن و ئەنجامی هەڵبژاردنەكان دوای كۆكردنەوەی دەنگەكان لەلایەن ئەنجوومەنی پاراستنی دەستوورەوە ڕادەگەیەَنرێت. هاوكات، ئەحمەد جەنەتی، سكرتێری ئەنجوومەنی پاراستنی دەستوور وتویەتی، "سندووقە ئەلكترۆنییەكان لە شار و گوندەكان ڕەوتی بەڕێوەچوونی هەڵبژاردنیان زۆر هێواش كردۆتەوە و قەرەباڵخی زۆریان دروست كردووە". ئەمڕۆ هەینی هەڵبژادنی سەرۆكایەتی كۆماری ئیسلامی ئێران دەستی پێكرد و 59 ملیون کەس مافی دەنگدانی هەیە و 4 كەس ڕكابەری یەكتر دەكەن بۆ شوێنگرتنەوەی حەسەن ڕۆحانی، كە بریتین لە (ئیبراهیم ڕەئیسی، موحسین ڕەزایی، عەبدولناسر هیممەتی، ئەمیر حوسێن قازی زادەی هاشمی).

ئەمڕۆ ژمارەیەك لە مامۆستایان بڕە پارەیەك وەردەگرن

ئەمڕۆ ژمارەیەك لە مامۆستایان بڕە پارەیەك وەردەگرن

سەرهەنگ خالید

ئازار 9, 2021

خەڵك- بەڕێوەبەرێتی پەروەردەی چۆمان ڕایدەگەیەنێت، ئەو وانەبێژانەی…

ئەمڕۆ مامۆستایان بڕە پارەیەك وەردەگرن

ئەمڕۆ مامۆستایان بڕە پارەیەك وەردەگرن

سەرهەنگ خالید

ئازار 3, 2021

خەڵك- بەڕێوەبەێتی پەروەردەی ڕۆژئاوای سلێمانی ڕایدەگەیەنێت،…

سبەینێ‌ بەشێكی مامۆستایان مووچە وەردەگرن

سبەینێ‌ بەشێكی مامۆستایان مووچە وەردەگرن

ئەحمەد سیوەیلی

ئازار 2, 2021

خەڵك- بەڕێوەبەرایەتی پەروەردەی ڕۆژئاوای سلێمانی ئاشكرای…

سبەێنێ دەست بەدابەشكردنی پارەی توێژێك دەكرێت

کوردستان

سبەێنێ دەست بەدابەشكردنی پارەی توێژێك دەكرێت

لاوی ئازاد

شوبات 8, 2021

خەڵك- بەڕێوەبەرایەتی پەروەردەی شارباژێڕ ڕایدەگەیەنێت…