پارتی ژیانی ئازادی كوردستان Archives - تۆڕی میدیایی خەڵک

سەردێر

خەڵك- تەكنیككارێكی خانەنشینكراوی دارستان لە توركیا، گردێكی بێ بەرهەمی لە سینۆپ كردووە بە ناوچەیەكی سەوز، كە ملیۆنێك دار تێیدا دەژین. حیكمەت كایا، لە ماوەی ٢٤ ساڵدا وەك بەرپرسی بەشی دارستان لە بەشی ئۆپەراسیۆنەكانی دارستان لە بۆیابات لە شاری سینۆپ، گرنگی بە دار داوە و زیاتر لە ٢٥ ملیۆن نەمامی لەسەر گردێكی بێ بەرهەم چاندووە كە ڕووی لە سینۆپ كردووە، بەمەش بووەتە ناوچەیەكی سەوز. پشت بەستن بە هەردوو تیمی پسپۆڕ و كۆمەڵگەی ناوخۆیی بۆ گۆڕینی زەوییە بێ درەختەكان بۆ ناوچەیەكی سەوز بۆ هەردوو مرۆڤ و ئاژەڵ هەرچەندە لە ساڵی ٢٠٠٢ خانەنشین كراوە، بەڵام پڕۆژەكەی حیكمەتكایا بەردەوامە، و ئێستا تا ڕادەیەك وەكو پاڵەوانێكی ناوخۆیی وڵات دەناسرێت. حیكمەت كایا لەم دواییانەدا دوای ئەوەی بانگهێشتی سینۆپ كرا بۆ ئاهەنگگێڕان بە بۆنەی كارە سەرسوڕهێنەرەكانی و وێنەكانی ئەو وێنەی پێش و دوایی ئەو هەرێمەی بەدەستەوە بوو كە یارمەتی گۆڕانكاریی داوە لەم دواییانەدا لە توركیا دەریدەخات كارەكانی چەندە جیاواز بووە لە وڵاتێكدا كە دارستانبڕین و بیابانبوون پرسێكی گەورەن. كایا لە لێدوانێكیدا بۆ ڕۆژنامەنووسان وتی: "ئەوە گەورەترین شانازیی من بوو كە ئەو ناوچانەم كرد بە دارستان، دوای چەندین ساڵ دڵنیابووینەوە لەوەی ناوچەكەمان سەروەت و سامانی دارستانی زیاترە لە چاو ئەو ڕۆژانە، هەستێكی زۆر خۆشە و هەرچەندە زۆرێك لەبیریان نییە". پێش حیكمەت كایا ناوچەكە چۆن بووە." بەڵام چەند دەیەیەك لەمەوبەر شایەنی باسە كە نزیكەی ٣٠ ملیۆن نەمام لە ماوەی سەرۆكایەتییەكەیدا چێنراون و وێنەكانی پێش و دوای، كە بەم دواییە گیراوە، نیشان دەدەن كە چ گەورەیەكی گەورەیە ژمارە كایا ئاماژەی بەوە كرد "پێویستە هەموو كەسێك بە وریاییەوە دارستانەكان بپارێزێت"، ئامادەكردنی: ڕێكخراوی ئایندە بۆ پاراستنی ژینگە
پەککەوتنی هێلکەدانی پێشوەختە لە ئافرەتان دا دەبێتە هۆی ژانەسەر و سەر سوڕان، هەروەها ژانی ماسولکەکان و قاچ و پشت ئێشە، هەست کردن بە بێ هێزی و کەم وزەیی، ئەو ئافرەتە پێستەی وشک دەبێت، موی لەشی گۆڕانکاری بەسەردا دێت و لۆچ لە دەم و چاوی زیاد دەبێت، بێ گومان کێشە سەرەکییەکە لەو حاڵەتەدا بریتیە لە وەستانی سوڕی مانگانەو نەمانی ئەگەری دوگیانی، تێکچونی ئارەزوی سێکسی و بێ هیوایی و دڵ توندیش لەو نیشانانەن کەبەو هۆیەوە دروست دەبن. دڵەڕاوکێ و زیادبونی لێدانی دڵ ، کەم خەوی و پچڕانی و تێکچونی میزاج، ئەو کەسە ئێسکەکانی لاواز دەبن و ئەگەری شکانیان زیاتر دەبێت، ڕەنگە کەمترین بەرکەوتن ببێتە هۆی شکان و پەک کەوتن. دیارە زۆرینەی ئافرەتان لە نێوان تەمەنی چل و پێنج بۆ پەنجاو پێنج ساڵی هێلکەدانیان پەکی دەکەوێت بە شێوەیەکی سروشتی و وەکو قۆناخێکی قەبوڵکراوی تەمەن، بۆیە ڕەنگە نیشانەکان زیاتر قەبوڵ بکرێن و ڕاهاتنیان لەگەڵ بکرێت، تەمەنی لێچونەوە یان وەستانی سوڕی مانگانە لە ئافرەتێک بۆ ئافرەتێکی تر جیاوازە، هەتا لەو حاڵەتەیش واتە پەککەوتنی هێلکەدانی سروشتی لەتەمەنی پێشبینیکراودا پێویستە ئافرەت چارەسەر وەربگرێت، بەتایبەتی بۆ تەندروستی ئێسک و ئەو ئارەقەو لەش گەرم داهاتنەی کە ڕۆژانە ڕوی تێ دەکات. لە حاڵەتی پەککەوتنی هێلکەدانی پێشوەختە کە پێش چل و پێنج ساڵی ڕودەدات، وە هۆکارەکەی خراپ ئاڕاستەبونی بەرگری لەشە لە دژی پێکهاتەکانی هێلکەدان، ئارەقەکردن و ڕو گەرم داهاتن ڕودەدەن سەرەڕای ئەو نیشانانەی پێشتر باسمان کردن. لەو حاڵەتەدا زۆر پێویستە ئافرەت چارەسەر وەربگرێت، لە کاری ڕۆژانەی خۆم لەو بوارە زۆر تێبینی دەکەم کە ترسێک هەیە لەوەرگرتنی چارەسەری هۆرمۆنی ،یان ئەو حەبانەی بۆ ڕاگرتنی مناڵ بون بەکاردێن، زانست و پراکتیسی پزیشکی هەموی تەرازووە لەنێوان سودەکان و زیانەکانی هەر چارەسەر یان دەرمانێک، ئەگەر ئەو حەبە هۆرمۆنیانە بەڕێک و پێکی وەسف بکرێن بۆ ئەو ئافرەتانە ،وە بەدواداچونیان هەبێت بۆ ڕێژەی چەوری و پاڵەپەستۆی خوێن و کێشی لەش ئەوا ئەو کەسە ژیانی تەندروستتر دەبێت، پێویستە هەتا تەمەنی دوای پەنجا ساڵی ئەو چارەسەریە وەربگرن بەڵام گومان لەوەدا نییە کە دەبێ لەژێر چاوەدێرییەکی چڕی پزیشکی پسپۆری ئافرەتان یان ڕاوێژکاری هۆرمۆنەکان دا بێت، هۆرمۆنەکان زۆرجار بەزیادەو بێ پێویستی بەکار دەهێنرێن، بەڵام پەککەوتنی هێلکەدانی پێشوەختە ئەو حاڵەتەیە کە پێویستی بەو جۆرە چارەسەریە هەیە. ئامادەکردنی: د. یوسف بهاء الدین خەتی/پزیشکی ڕاوێژکاری شەکرەو هۆرمۆنەکان
خەڵك- بەهۆی هەبوونی نەوجەوان لە شوێنەكانیاندا، لیژنە هاوبەشەكانی قائیمقامیەتی سلێمانی گازینۆ و هۆڵی بلیاردی (CD) و گازینۆی تاسڵوجە دادەخات. قائیمقامیەتی سلێمانی لە ڕاگەیەنراوێكدا ئاماژەی بەوەكردووە، ئەمڕۆ لیژنەی بەكرەجۆی سەر بەلیژنە هاوبەشەكانی قائیقمامیەتی سلێمانی، بەهۆی هەبوونی نەوجەوان له شوێنەكانیاندا، بەفەرمانی قائیمقامی سلێمانی هەردوو گازینۆ و هۆڵی بلیاردی (CD) و گازینۆی تاسڵوجە دادەخرێت. ڕاشیگەیاندووە، بەپێی ڕێنماییەكانی كاركردن، پێویستە خاوەن شوێنەكە ڕێگری لە منداڵی نەوجەوان و تەمەن خوار (18) ساڵ بكات بۆ شوێنەكەی بەپێچەوانەوە ڕووبەڕووی ڕێكارە یاساییەكان دەكرێتەوە. لەكاتی هەبونی گومان یان بۆ گەیاندنی سكاڵا و زانیاری بەقایٔیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
خەڵك لە سنووری ئیدارەی سۆران لە گوندی چۆمبارۆك، منداڵێكی تەمەن چوار ساڵان لەنێو چەمێكدا خنكا. پێشنیوەڕۆی ئەمڕۆ شەممە، 28\5\2022 منداڵێكی تەمەن سێ ساڵان بە ناوی ئازار زیرەك سەلیم، كە تەمەنی سێ-چوار ساڵە، كەوتووەتە ناو چەمی چۆمبارۆك و خنكاوە. بەپێی زانیارییەكان، خانەوادەی منداڵەكە بە سەردان چوون بۆ گوندی چۆمبارۆك بۆ لای كەسوكاریان، لەوێ منداڵەكە كەوتووەتە ناو چەمەكە و تاوەكو دۆیویانەتەوە خنكاوە. تەرمی منداڵەكە براوەتە پزیشكی داد و دواتر رادەستی كەسوكاری كراوەتەوە و پۆلیسیش دەستی بە لێكۆڵینەوە كردووە.
خەڵك- نرخی تمەنی ئێرانی بەرامبەر بە دراوەكان لە بازاڕەكانی هەرێم دابەزینی تۆماركرد و نرخی دۆلاریش كەمێ بەرزبووەوەز ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئەمڕۆ نرخی ئاڵوگۆڕی دراوەكان كەمێك گۆڕانكاری تیایاندا ڕوویداوە و 100 دۆلار بە 148 هەزار و 250 دینار مامەڵەی پێوەكراوە. ڕاشیگەیاند، نرخی 100 دۆلار بە 2 ملیۆن و 960 هەزار تمەنە بە كاش و بە 3 ملیۆن و 80 هەزار تمەنە بە حەواڵە. ئاماژەی بەوەشكرد، نرخی 100 دۆلار بەرامبەرە بە 1550 لیرەی توركی.
خەڵك- لیژنە هاوبەشەكانی قائیمقامیەتی سلێمانی لە فرۆشتگا و شیرەمەنی ڕەشكە دەست بەسەر بڕێكی زۆر ماستی خراپبوی كەڕواویدا دەگرن، كە خاوەنەكەی بەنیازبوە بیكات بەدۆ و دەرخواردی هاووڵاتیانی بدات. بێوەی ئەحمەد، سەرۆكی لیژنەی دوی قائیمقامیەتی سلێمانی ڕایگەیاند، لەئەنجامی سەردانە بەردەوامەكانی لیژنەكە بۆ پشكنینی ئەو كاڵا و شمەك و خواردەمەنیانەی بەهاووڵاتیان دەفرۆشرێت دەركەوتوە لە كۆگای فرۆشتگا و شیرەمەنی ڕەشكه لە گەڕەكی سەرچنار زیاترلە (50) سەتڵ ماستی خراپ و كەڕوكردو و ‌عەمباركردوە و بەنیازە دۆی لێ دروستبكات و دەرخواردی هاووڵاتیانی بدات. وتیشی، "بەفەرمانی قائیمقامی سلێمانی دەست بەسەر تەواوی ماستەكەدا گیراوە و فرۆشتگاكە دادەخرێت و خاوەنەكەشی رووبەروِوی ڕێكاری یاسایی دەكرێتەوە". لەكاتی هەبونی گومان یان بۆ گەیاندنی سكاڵا و زانیاری بەقائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
خەڵك- چوارچێوەی هەماهەنگی، كە لە (مالكی و عامری و خەزعەلی و حەكیم و عەبادی) پێهاتوون بۆ تێپەڕاندنی دۆخی چەقبەستووی یاسی وڵات و پێهێنانی حكومەتن دەستپێشخەرییەكی نوێ‌ دەخەنە بەردەم موقتەدا سەدر. عەباس زاملی، سەرۆكی فراكسیۆنی هاوپەیمانی فەتح لە پەڕلەمانی عێراق بۆ میدیا عێراقییەكان ڕایگەیاندووە، وەك لایەنەكانی ناو چوارچێوەی هەماهەنگی لە دەستپێشخەرییەكەدا گەورەترین پشك دەدەین بە ڕەوتی سەدر بۆ ئەوەی بنبەستی سیاسی كۆتایی بێت، چونكە دواكەوتنی پێكهێنانی حكومەت لەبەرژەوەندی عێراق و پڕۆسەی سیاسیدا نییە. ڕاشیگەیاندووە، ئامانج لە دەستپێشخەرییەكە بۆ لێكنزیكبوونەوەی بۆچوونە جیاوازەكانی نێو لایەنەكانی عێراقە و دەبێت پەلە بكرێت لە جێبەجێكردنی ڕێكارەكانی پێكهێنانی حكومەت جەختیشی كردۆتەوە، بەهۆی گۆڕانكارییەكانی گۆڕەپانی سیاسی و قەیرانی چەقبەستوویی سیاسی و بودجە و یاساكانی تر لەڕووی داراییەوە، ناچار بوون پێكهێنانی حكومەتی نوێ خێراتر بكەن.
خەڵك – ئەمڕۆ لە سلێمانی، دیداری یەكێتی نیشتمانی كوردستان دەستیپێكرد و چوار ڕۆژ دەخایەنێت. لەو بارەیەوە قوباد تاڵەبانی ، سەرپەرشتیاری مەكتەبی سكرتاریەتی مام جەلال لە ئەژماری تایبەتی خۆی لە تۆڕی كۆمەڵایەتی تویتەر پەیامێكی بڵاوكردەوە و تێیدا ڕایگەیاندووە، ئەمڕۆ دیداری یەكێتی نیشتمانی كوردستانە و سەكۆیەكە بۆ نوێكردنەوەی دید و سیاسەتەكانی یەكێتی لە ڕێگەی گفتوگۆ لەگەڵ كادر و ئەندامانی حزبەكە. وێنە: ئەژی عومەر
خەڵك- بەهۆی كێشە و ململانێكانی نێوان توركیاو پەكەكە لەسنوری پارێزگای دهۆك هەردوو ناحیەی شیڵادزێ‌ و دێرەلوك مەترسی چۆڵبوونیان لەسەرە. فەھیم عەبدوڵڵا، سەرۆكی ئەنجومەنی پارێزگای دھۆك ئاشكرایكردووە، بەهۆی ئاڵۆزیی‌و پێكدادانی چەكداریی توركیاو پەكەكە، تائێستا 380 گوند ئاوەدان نەبوونەو چۆڵكراون. ئاماژە بە ئەوەش دەكات، هەر بەھۆی شەڕی نێوان پەكەكە و توركیا و ئاڵۆزییەكانی سەر سنوور، بەدرێژایی سنوور لەناوچەی سندی تا دەگاتە بەرواری باڵاو ناوچەی نێروە و ڕێكان ‌و دۆسكی ‌و گوندەكان بەتەواوەتی چۆڵكراون ‌و هەردوو ناحیەی شیڵادزێ ‌و دێرەلوكیش مەترسی چۆڵبوونیان هەیە. بەوتەی سەرۆكی ئەنجومەنی پارێزگای دهۆك،"بەردەوام ئاماری چۆڵكردن‌و زیانەكانی شەڕی نێوان ھەردوولا گۆڕانكاریی بەسەردادێت ‌و ناوچەكە لەسەر ئاگردانێكە و بەردەوام شەڕو ئاژاوەی تێدایە". باس لە ئەوەش دەكات، ئێستا لەدەشتی زێ، كە ھەردوو ناحیەی دیرەلوك ‌و شیڵادزێ هەیە مەترسیان لەسەرەو لەسنووری قەزای ئاكرێش سنووری زێبارو دۆڵی نەھلە مەترسیان لەسەرە چۆڵبكرێن.
خەڵك- سەرپەرشتیاری سكرتاریەتی مام جەلال سەبارەت بە دیداری ئەمڕۆی یەكێتی لە سلێمانی ڕایدەگەیەنێت، بۆ یەكەم جارە لە كوردستان حزبێك دەیەوێت بە بەشداری هەموو كادر و ئەندامەكانی پێداچوونەوە بە سەرلەبەری سیاسەتەكانیدا بكاتەوەز قوباد تاڵەبانی، سەرپەرشتیاری سكرتاریەتی مام جەلال لە هەژماری خۆی لە فەیسبووك ڕایگەیاند، دیداری یەكێتی یەكێكە لە وێستگە گرنگەكانی مێژووی حزبەكەمان و داهێنانێكی نوێشە لە مێژووی حزبایەتی لە كوردستان. بۆ یەكەم جارە لە كوردستان حزبێك دەیەوێت بە بەشداری هەموو كادر و ئەندامەكانی پێداچوونەوە بە سەرلەبەری سیاسەتەكانیدا بكاتەوە و رۆئیا و پلان و سیاسەتی نوێی سەردەمیانە دابڕێژێتەوە، كە بگونجێت لەگەڵ خواست و داواكارییەكانی كۆمەڵانی خەڵكی كوردستان. وتیشی، "ئەم دیدارە بەرهەمی شەش مانگ كاری بەردەوام و زیاتر لە ١٣٠ كۆبوونەوە و ١٤ لیژنەی تایبەتمەند لە بوارە جیاوازەكان و بەشداری كارا و چالاكانەی زیاتر لە ١٢ هەزار كادری یەكێتییە". جەختیشی كردۆتەوە، بە دڵنیاییەوە یەكێتی دوای دیدار جیاواز دەبێت لە یەكێتی پێش دیدار، چونكە ئامانج و فەلسەفەی دیداری یەكێتی گەڕانەوەی رۆڵی پێشەنگایەتییە بۆ یەكێتی، بەڵام ئەمجارەیان پێشەنگایەتی لە چاكسازی و پێشەنگایەتی لە دروستكردن و بونیادنانی حكومڕانی تەندروست ئامانج و ستراتیژی یەكێتی دەبێت.

پژاك؛ ئێران پشتیوانی ئەو گروپانە دەكات كەهێرش دەكەنە سەر كوردانی ڕۆژهەڵات

کوردستان

پژاك؛ ئێران پشتیوانی ئەو گروپانە دەكات كەهێرش دەكەنە سەر كوردانی ڕۆژهەڵات

لاوى محمد

ئایار 27, 2021

خەڵك پارتی ژیانی ئازادی كوردستان ڕایدەگەیەنێت ، ئەو گروپە…

پژاك؛ كرێكاران بڕبڕەی پشتی تێكۆشانە ئازادیخوازەكانن

کوردستان

پژاك؛ كرێكاران بڕبڕەی پشتی تێكۆشانە ئازادیخوازەكانن

لاوى محمد

ئایار 1, 2021

خەڵك پارتی ژیانی ئازادی كوردستان ڕایدەگەیەنێت، 1ی ئایار…