وەزارەتی دارایی و ئابووری حكومەتی هەرێمی كوردستان Archives - تۆڕی میدیایی خەڵک

سەردێر

خەڵک مامۆستا نەجمەدین، ئەو مامۆستایەی بەهۆی پەلاماردان و لێدانی لە خۆپیشاندانەکانی ڕابردووی شاری هەولێر بووە رەمزی خۆپیشاندانەکان، بە جەڵتەی دڵ کۆچی دوایی کرد. ناوبراو، مامۆستای وانەی زمانی ئینگلیزی بووە لەقوتابخانەی دارەتوو. مامۆستا نەجمەدین، جیا لە پیشەیمامۆستایی دوکانی گیا دەرمانی کوردەواریی هەبووە و ئەندامی کۆمەڵەی ڕووەکناسانی کوردستان لقی هەولێر بووە.
خەڵک سه‌رۆكی حكومه‌تی هه‌رێمی كوردستان، سەرکۆنەی هێرشەکەی سەر شاری ئەبوزەبی ئیماراتی عەرەبی دەکات و دەڵێت؛ ئەم کردەوانە هۆکاری ناسەقامگیری ناوچەکەن. مه‌سرور بارزانی، سەرۆکی حکومەتی هەرێمی کوردستان، له‌ هه‌ژماری تایبه‌تی خۆی له‌ تۆڕی كۆمه‌ڵایه‌تی تویته‌ر سەرەخۆشی لەگەل و حکومەتی ئیمارات دەکات و نووسیویەتی؛ به‌ توندی سه‌ركۆنه‌ی هێرشه‌ تیرۆریستییه‌كه‌ی سه‌ر شاری ئه‌بوزه‌بیی ئیماراتی ده‌كه‌ین، ئه‌م ئاڵۆزییه‌ مه‌ترسیداره‌ و هۆكارێكیشه‌ بۆ ناسه‌قامگیركردنی ناوچه‌كه‌. سه‌رۆكی حكومه‌تی هه‌رێمی كوردستان رایگه‌یاندووە، "هاوخه‌میمان بۆ برینداران و خێزانی قوربانیان ده‌رده‌بڕین، هه‌رێمی كوردستان پشتیوانی له‌ خه‌ڵك و حكومه‌تی ئیمارات ده‌كات". به‌ره‌به‌یانی رۆژی 17ـی كانوونی دووه‌می 2022، هێرشكرایه‌ سه‌ر فڕۆكه‌خانه‌ی شاری ئه‌بوزه‌بی، کەبووه‌ هۆی گیانلەدەستدانی 3 كه‌س و برینداربوونی 6 كه‌سی دیكه‌. بە وتەی پۆلیسی ئەبوزەبی، هێرشه‌كه‌ش له‌ رێگه‌ی فڕۆكه‌ی بێفڕۆكه‌وانه‌وه‌ كراوەته‌ سه‌ر ژماره‌یه‌ك تانكه‌ری گواستنه‌وه‌ی سووته‌مه‌نی.
خەڵک لە چوار چێوەی هەوڵەکانی کابینەی نۆیەمی حکومەتی هەرێمی کوردستان بۆ پێشخستنی سێکتەری کشتوکاڵ، جوتیاران و سەرمایەدارانی هەرێمی کوردستان لە کۆڕبەندێکدا لەشاری هەولێر گەنگەشەی زیادکردنی بەرهەمە خۆراکییەکان و پڕۆژەکانی کشتوکاڵیان کرد. کۆڕبەندەکە لە ژێر ناونیشانی ''کشتوکاڵ داهاتوومانە'' بەڕێوەچوو و تیایدا بەرپرسانی حکومەتی هەرێم پاڵپشتی کابینەی نۆیەمی حکومەتی هەرێمی کوردستانیان بۆ سێکتەری کشتوکاڵ و وەبەرهێنەران و جوتیاران دووپات کردەوە. د.محەمەدشوکری محەمەدسەعید، سەرۆکی دەستەی وەبەرهێنان رایگەیاند، لە کۆی ئەو پڕۆژانەی کە پێشکەش بە دەستەی وەبەرهێنان کراون ١٠%ـی لە سێکتەری کشتوکاڵی دا بووە. بێگەرد تاڵەبانی وەزیری کشتوکاڵ و سەرچاوەکانی ئاویش پلانی حکومەتی هەرێمی کوردستانی بۆ پێشخستنی زیاتری کەرتی کشتوکاڵی لە چوارچێوەی کارنامەی حکومەت و بەرەو پێشچوونی پڕۆژەکان لە هەرێمی کوردستان ڕوونکردەوە و ئاماژه‌شی به‌وه‌دا، كه‌ نەخشەڕێگای پلانی وەبەرهێنان لە سێکتەری کشتوکاڵ بە هەماهەنگی لەگەڵ دەستەی وەبەرهێنان ئامادە دەکەن. بەشێک لە وەبەرهێنەرەکانی کە بەشداری کۆڕبەندەکەیان کردبوو ڕایانگەیاند، نزیکەی سەدا ٩٠%ـی ئەو کەسانەی کە لە پڕۆژە کشتوکاڵییەکان لە هەرێمی کوردستان کاردەکەن دەستی کاری ناوخۆیین، داواشیان لە حکومەتی هەرێمی کوردستان کرد پاڵپشتی زیاتری جوتیاران بکەن بۆ ئەوەی بتوانرێت ئاسایشی خۆراک لە هەرێمی کوردستان بە تەواوی دابین بکرێت و کادری کشتوکاڵ پێ بگەیێندرێت.
خەڵک - ئارام سەردار ئێستا تیمەکانی فریاگوزاری لەدیوی هیرانەوە گەیشتوونەتە سەر چیای سەفین بۆ ڕزگارکردنی ئەو هاووڵاتیانەی لەبەفردا گیریان خواردبوو. سەر لەئێوارەی ئەمڕۆ دووشەممە، پاش ئەوەی لەتۆمارێکی ڤیدیۆیدا ژمارەیەک هاووڵاتی لەسەر چیای سەفین داوایان لەلایەنە پەیوەندیدارەکان کرد بەهانایانەوە بچن، تیمەکانی فریا گوزاریی گەیشتنە ناوچەکەو دەست بە ڕزگارکردنی ئەو هاووڵاتیانە کرا. لەمبارەیەوە عیماد دڵشاد بەڕێوەبەری چاککردنەوەی رێگاوبانی ھەولێر رایگەیاند، ژمارەیەک خێزان کە لەسەر چیای سەفین گیریان خواردبوو، لەڕێگەی تیمەکانیان ڕزگارکراون و لەسەر چیا هێنراونەتە خوارەوە وتیشی؛ تیمەکان ئێستا سەرقاڵی هێنانە خوارەوەی چەند خێزانێکی ترن لەگەڵ سێ ئۆتۆمبێل لەگەڵ ژمارەیەک دەستگێڕ کە لەسەر چیای سەفین بۆ کارکردن چوون و لەدیوی هیرانەوە تیمەکان گەیشتوونەتە سەر چیای سەفین بۆ ڕزگارکردنی ئەو هاووڵاتیانەی گیریان خواردبوو. لای خۆشیەوە فازڵ حاجی، وتەبێژی هاتووچۆی هەولێر بە(خەڵک)ی ڕاگەیاند، مەفرەزەکانیان لەئەرکی بەردەوامدان بۆ هەر ئەگەرێک و هاوکاری کردنی هاووڵاتیان لەکاتی پێویستدا کەبەهۆی کەشی سارد و بەفر لەڕێگاکانی دەرەوە ئاستەنگیان بۆ دروستبێت. وتیشی؛ وەک ئەرکی خۆیان بەردەوام دەبن لەبەدواداچوون و گرنگیدان بەسەلامەتی ڕێگاکان بەتایبەت ڕێگاکانی دەرەوە و هۆشیارکردنەوەی شوفێران.
خەڵك- كەشناسێكی عیراقی پێشبینی دەكات، شەپۆلێكی تری بەفر و باران و سورماوسۆڵە ژمارەیەك لە پارێزگاكانی باكوور و ناوەڕاست و بەشێك لە پارێزگاكانی باشوور بگرێتەوە لە سبەی ئێوارەوە دەستپێبكات. حسێن تەمیمی، كەشناسی عیراقی لە پەیجی خۆی لەسەر تۆڕی كۆمەڵایەتی (فەیسبوك) بڵاویكردۆتەوە"چاوەڕوان دەكرێت، نزمە پاڵەپەستۆیەكی هەوا ڕووەو وڵات بێت و بە تایبەت ناوچەكانی باكوور بگرێتەوە و ببێتە مایەی بارینی باران و بەفر و دەستەواژەكانیشی لە سبەینێ‌ ئێوارەی سێ‌ شەممە دەردەكەون". بە وتەی ئەو كەشناسە"باران و بەفر چەند بەشێك لە موسڵ و شارەكانی هەرێمی كوردستان و باكووری دیالە دەگرێتەوە، شەپۆلەكەش لە بەغدای پایتەخت و كوت و هەندێك ناوچەی خۆرهەڵاتی میسان نەختێك سوكتر دەبێت". تەمیمی پێیوایە"شەپۆلی سەرماوسۆڵەكە لە قوڵبوونەوەدایە و بۆ چەند ڕۆژێك بەردەوام دەبێت"، هۆشداریی دایە جوتیارانیش لە شەپۆلێكی شەختە و كڕێوە.
خەڵك- زیلیكو پیترۆڤیچ ڕاهێنەری هەڵبژاردەی عیراق، سێ‌ یاریزانی نوێ‌ بۆ ڕیزەكانی هەڵبژاردەی نیشتمانی بانگهێشت دەكات. سەرچاوەیەكی نزیك لە پیترۆڤیچ لە لێدوانێكیدا بۆ میدیاكانی عیراق ڕایگەیاندووە" پیترۆڤیچ بڕیاریدا حسێن جەبار یاریزانی قوە جەویە بۆ لیستی هەڵبژاردەی نیشتمانی بانگهێشت بكات، وەك ئامادەكارییەك بۆ ڕووبەڕووبوونەوەی دۆستانە لەگەڵ ئۆغەندا". بە وتەی سەرچاوەكە"هەریەك لە كەڕاڕ نەبیل و عەلی حسنی، بۆ ڕیزەكانی هەڵبژاردەی نیشتمانی بانگهێشت دەكرێن، لە دوای یارییەكانی ئێران و لوبنان لە پاڵاوتنی مۆندیال". ئەو سەرچاوەیە دەڵێت"تیمی ڕاهێنانی هەڵبژاردەی نیشتمانی، بڕوای تەواوی هەیە بەو ئاستەی یاریزانان لەگەڵ یانەكانیان پێكەشی دەكەن، بەڵام هەلیش دەداتە یاریزانانی تر، تا لە یارییەكەی ئۆغەندا بەشداریی بكەن". عەلی حسنی ئاستێكی زۆر باشی لەگەڵ یانەی شورتە پێشكەش كرد، ئەمەش وایكرد شەقامی وەرزشی داوا بكات یاریزانەكە بگێڕدرێتەوە بۆ ڕیزەكانی هەڵبژاردەی نیشتمانی.
سالاری بازیان ئەوانەی دوێنی وتمان دوژمنن ئەرتەش و سوپایان دەناردە سەر كوردستان بەئیمامی ئيزرائيل ريفراندۆمیان لەناوبرد، ئێستا بوونەتە عەزيزى ميصر و هەولێریان کردۆتە سەرەڕێ ! نیازمەندن بەماڵی شێواوی كورد پینە و پەڕۆی بەرگی دڕاوى شيعەيزم بكەن و نەخشەی زۆرینە و کەمینە و سەروەری خاكى عێڕاق لەهەولێر بەکرد بدەن، پرسی سەرۆک کۆماریش وەک داشەهارە بجوڵێینن و كەرکوک و ماددەی (١٤٠) و قوتی خەڵک و پێشمەرگە هەڵواسراوی بێ ڕێککەوتن و وەرەقەی واژۆکرا بەویژدان و بەزەیی برا شیعەکان و هاومەزهەبەکان بسپێرن. سلێمانیش هەر چاوەڕێی وەفدی شاری خامۆشانە و گیریخواردوە، سەرۆک کۆمار بەفرۆکەخانەی هەولێر بنێرن مسۆگەرە يان بەکەرکوک و سلێمانی؟ باشە..ئیسلامییەکان و یەکێتی و گۆڕان سلێمانی شکۆ و هەیبەتی ئەوانە و حەق نییە کۆبوونەوەیەک بکەن و بڵێن ئێمەش هەین؟ چاوەڕێی كام جۆره لەبەشدارى سیاسین؟ هەر هێندەی بەڕەکەی خۆتان بەنیازن پێڕاکێشن، ئەگەر هەروا بێدەنگ و سەدابن زۆر دڵنیابن هەڵبژادنی ئەمجارەی کوردستان چارەنووستان دەچێتە بەر شمشێری زۆرینە و کەمینە دەرد و بەڵایەک یەخەتان دەگرێت بەهیچ حەکیمێک دەوا ناکرێت، ئەوسا نەک بەقەد بەڕەکەی خۆتان پێ ڕاناکێشن، بەڵکو بەڕەتان نامێنی تا لەسەری دابنیشن .
خەڵك – هێزەكانی سوریای دیموكراتی هەسەدە رشایدەگەیەنێت، چەكدارەكانی نزیك لە سوپا و دەوڵەتی توركیا لەماوەی ١٥ رۆژدا ٢٥٥ جار هێرشی كردووەتە سەر ڕۆژئاوای كوردستان و باكوور و رۆژهەڵاتی سوریا. ناوەندی راگەیاندن و چاپەمەنی هێزەكانی سوریای دیموكراتی (هەسەدە) ئاماری هێرشەكانی دەوڵەتی توركیا و چەكدارەكانی هاوپەیمانی بڵاوكردەوە و ڕایگەیاندووە، توركیا لە بێدەنگی نێودەوڵەتی سوود وەردەگرێت و لەم ١٥ رۆژەی دواییدا بە هەلی زانیوە، كە هێرش بكاتە سەر شەهبا، منبج، كۆبانێ، عەین عیسا، تەل تەمر، رێگەی ئێم٤، تەل تەمر و دربێسی. ئاماژە بۆ ئەوەشكراوە، كە دەوڵەتی توركیا بۆ ئەوەی هێرشەكانی بۆ سەر هەرێمەكە بە ڕەوا پیشان بدات، بە بانگەشەكانی كە گوایە زۆر شەڕڤانی ئێمەی شەهید كردووە، ویستی ڕای گشتی هەڵخەڵەتێنێت، بەڵام بە پێچەوانەوە، هەموو هێرشەكانی لە دژی هاووڵاتیانی مەدەنیمان ئەنجامداوە. راگەیەنراوی هەسەدە بەم شێوەیەیە: "دەوڵەتی داگیركەری تورك و چەتەكانی ساڵی ڕابردوو لە باكور و ڕۆژهەڵاتی سوریا هەموو پەیمانە نێودەوڵەتیەكان و هەرێمیەكانیان پێشێل كرد و زۆر تاوانیان ئەنجامدا و لە ١٥ رۆژی سەرەتای ساڵی ٢٠٢٢دا هێرشەكانیان زیاد كرد و بەردەوامی پێدا. دەوڵەتی داگیركەری تورك لە بێدەنگی نێودەوڵەتی سوود وەردەگرێت و لەم ١٥ رۆژەی دواییدا بە هەلی زانیوە كە هێرش بكارە سەر شەهبا، منبج، كۆبانێ، عەین عیسا، تەل تەمر، رێگەی ئێم٤، تەل تەمر و دربێسی. بۆ ئەوەی هێرشەكانی بۆ سەر هەرێمەكە بە ڕەوا پیشان بدات، بە بانگەشەكانی كە گوایە زۆر شەڕڤانی ئێمەی شەهید كردووە، ویستی ڕای گشتی هەڵخەڵەتێنێت. بەڵام بە پێچەوانەوە، ئەم ئامارەی كە لە خوارەوە ئاشكرای دەكەین، كە هەموو هێرشەكانی لەدژی هاوڵاتیانی مەدەنیمان ئەنجامداوە و لە هەرێمەكە ئاڵۆزی، قڕكردن ئەنجام دەدات و دەیەوێت داعش زیندوو بكاتەوە و ئەوەش بە ئاشكرا دەبینرێت. ئەنجامی هێرشی داگیركەری لە ١٥ رۆژی سەرەتای ساڵی ٢٠٢٢ بەم شێوەیەیە: كۆبانێ فڕۆكە چاودێریەكان ٢٠ جار لە ئاسمانی كۆبانێ و ٤ جار لەنێوان كۆبانێ و سڕیندا سووڕاونەتەوە. لە ئەنجامی تۆپبارانی سوپای داگیركەری توركدا بۆ سەر كۆبانێ و گوندەكانی، ٥ كەس بە سەختی، ١٢ كەس بریندار بوون. چەند جار گوندی قەرەموخ كە دەكەوێتە رۆژهەڵاتی كۆبانێ لەلایەن سوپای داگیركەری توركەوە تۆپباران كراوە. لە تۆپبارانەكەدا ٣ ژن و منداڵێك بریندار بوون. هەروەها كەسێكی بەتەمەنی گوندەكە لە ئەنجامی تۆپباراندا گیانی لەدەسیداوە. سوپای تورك سەرەتا ناوەندی كۆبانێ و گوندەكانی و گرێ سپی كردە ئامانج. لەو چوارچێوەیەدا گوندەكانی قەرەموخ، خانێ، تەل حەجیب سەرزۆری، گولتەپە تۆپباران كرد. لە ئەنجامدا هاوڵاتیەكی مەدەنی شەهید بوو و ١١ هاوڵاتی مەدەنیش بریندار بوون. لەنێو بریندارەكاندا منداڵێك هەبوو كە قاچی پەڕیوە. فەرماندەییی تورك بە درۆ و بۆ چەواشەكاری دەڵێت كە گوایە ١٢ شەڕڤانی ئێمە شەهید بوون و بەم شێوەیە دەیەوێت شەهیدكردن و برینداركردنی هاوڵاتیانی مەدەنی لە ڕای گشتی بشارێتەوە. گرێ سپی گوندەكانی رۆژئاوای گرێ سپیش بە چڕی تۆپباران دەكرێن. گوندەكانی كۆر حەسەن و خربێت بەقەر ٣ جار و گوندی گۆلتەپە ٦ جار بە ئۆبۆس تۆپبارانكراون. هەروەها گوندەكانی بیر ناسر دەیان جار تۆپبارانكراوە. هەروەها گوندەكانی سلێبی، بیر خات، ئوم حوەیش، خربێت فارس، سەرزۆری، حوریە، مختاریە و ئەلسوان بە چڕی بە هاوەن و ئۆبۆس تۆپبارانكراون. گوندی جڕین ٣ جار بە هاوەن و ٢ جاریش بە موشەك، گودی زەنوبیە ٣ جار و گوندی ئەلعەرێدا ٢ جار تۆپبارانكراون. لە ئەنجامی تۆپبارانەكەدا هاوڵاتیەكی مەدەنی بریندار بوو و زیانێكی زۆری مادی بەر گوندنشینان كەوتووە. عەین عیسا دەوڵەتی داگیركەری تورك گوندەكانی عەین عسیا لە دیوی رۆژئاوا و رۆژهەڵاتی بە ئۆبۆس و هاوەن…
خەڵك- ئارام سەردار بەڕێوەبەری بەڕێوەبەرایەتی كاروباری زیندانیانی سیاسی لە وەزارەتی كاروباری شەهیدان و ئەنفالكراوان ڕایدەگەیەنێت، سێ لیستی دیكەی ناوی زیندانیانی سیاسیمان ئامادەكردوە بۆ ئەوەی سەردان بكەن بۆ وەرگرتنی مینحەكەیان، كە ژمارەیەك ٢٨٧ زیندانی سیاسیە. ئەحمەد مام ڕەسول، بەڕێوەبەری بەڕێوەبەرایەتی كاروباری زیندانیانی سیاسی لە وەزارەتی كاروباری شەهیدان و ئەنفالكراوان بە (خەڵك)ی ڕاگەیاند، لە چوارچێوەی یاسای چاكسازی مینحەی ٥ هەزار و ١٥٧ زیندانی سیاسی ڕاگیرا، بە پێنچ قۆناغ تا ئێستا مینحەی ١٦٠٠ كەس گەڕێندراوەتەوە، كە هیچ مووچەی تریان نیە. ڕاشیگەیاند، لە ئێستادا سێ لیستی دیكەی ناوی زیندانیانی سیاسیمان ئامادەكردوە بۆ ئەوەی سەردان بكەن بۆ وەرگرتنی مینحەكەیان، كە ژمارەیەك ٢٨٧ زیندانی سیاسیە و ئەوانەشی كاری بایۆمەتریان تەواو نەكردووە پێویستە بەزووترین كات بكەن و بەڵێننامەی شاهێد بێنن. لیستەكان :
خەڵك – بەڕێوبەرایەتی گشتی تەندروستی سلێمانی ڕایدەگەیەنێت، سەرەڕایی ڕاگەیاندنی پشوو ناوەندی پێدانی ڤاكسین كراوە ( سەعات - ٨ - بۆ - ٥ - ئێوارە) دەبێت. بەڕێوبەرایەتی گشتی تەندروستی سلێمانی لە ئاگادارییەكدا بڵاویكردەوە، سەرەڕایی ڕاگەیاندنی پشوو لە پارێزگای سلێمانی ناوەندی پێدانی ڤاكسین لەبەڕێوبەرایەتی خۆپاراستنی تەندروستی سلێمانی ڕۆژانە كراوە دەبیت بەڕووی هاووڵاتیاندا سەعات - ٨ - بۆ - ٥ – ئێوارە دەبێت. هاوكات تەندروستی سلێمانی بەهۆی زۆری تەشەنەكردنی ڤایرۆرسی كۆرۆنا داوا لە هاووڵاتیان دەكات گرنگترین ڕێنماییەكان خۆپارێزی لە ڤایرۆسی كۆرۆنا لەبەكارهێنانی ماسك و دەست شۆردنی بەردەوام و دووركەوتنەوەلەقەرەباڵغی و تەوقەنەكردن و وەرگرتنی ڤاكسین ڕەچاو بكەن.

خشتەی دابەشكردنی مووچەی ڕۆژی دووشەممە بڵاوكرایەوە

کوردستان

خشتەی دابەشكردنی مووچەی ڕۆژی دووشەممە بڵاوكرایەوە

چۆمان ئازاد

كانونی دووه‌م 15, 2022

خەڵك – وەزارەتی دارایی و ئابووری حكومەتی هەرێم ڕایدەگەیەنێت…

وەزارەتی دارایی هەرێم؛ لەبارەی نەناردنی 200 ملیارەكەوە هاتەدەنگ

کوردستان

وەزارەتی دارایی هەرێم؛ لەبارەی نەناردنی 200 ملیارەكەوە هاتەدەنگ

چۆمان ئازاد

كانونی یه‌كه‌م 18, 2021

خەڵك – وەزارەتی دارایی و ئابووری حكومەتی هەرێم ڕایدەگەیەنێت،…

وەزیری دارایی هەرێم؛ پێشینەی وەزارەتەكان بۆ فەمانبەرانی گرێبەست ڕادەگیرێت

وەزیری دارایی هەرێم؛ پێشینەی وەزارەتەكان بۆ فەمانبەرانی گرێبەست ڕادەگیرێت

چۆمان ئازاد

كانونی یه‌كه‌م 13, 2021

خەڵك – وەزارەتی دارایی وئابووری حكومەتی هەرێم ڕایدەگەیەنێت…

دارایی هەرێم لە بارەی تەمەنی خانەنشینیەوە ڕێنماییەك بڵاودەكاتەوە

دارایی هەرێم لە بارەی تەمەنی خانەنشینیەوە ڕێنماییەك بڵاودەكاتەوە

کارزان جەرجیس

ئاب 15, 2021

خەڵك لە ڕێنماییەكدا لە بارەی چەسپاندنی تەمەنی فەرمانبەران…