واست Archives - تۆڕی میدیایی خەڵک

سەردێر

خەڵك سەنتەری نیشتمانی بەرەنگاربوونەوەی نەخۆشیەكان لەهیندستان ڕایدەگەیەنێت ، لەلایەن زانایانەوە جۆرێكی نوێی ڤایرۆسی كۆرۆنا كە یەكەمجار لەوڵاتەكەیان دەستنیشانكراوە ، كە خێراتر بڵاودەبێتەوە. زانایانی سەنتەری نیشتمانی بەرەنگاربوونەوەی نەخۆشیەكان لەهندستان ڕایانگەیاندووە، كە ئەو جۆرە نوێیەی ڤایرۆسی كۆرۆنا كە بۆیەكەمجار لەهیندستان دەستنیشانكرا خێراتر بڵاودەبێتەوە و كاریگەری دروست دەكات لەسەر ئەوانەی پێشتر تووشبوون یاخود هەر كەسێك هەدوو ژەمی ڤاكسینی بەتەواوی وەرنەگرتووە. ئاماژەیان بۆ ئەوەشكردووە، كە ئەو جۆرە نوێیەی ڤایرۆسی كۆرۆنا لەلایەن ڕێكخراوی تەندروستی جیهانی ناوی نراوە دەلتا بەڕێژەی زیاتر لەسەدا پەنجا خێراتر بڵاودەبێتەوە بەراورد بەو جۆرەی كۆرۆنا بۆیەكەمجار لەبەریتانیا دەستنیشانكرا. ئەو زانایانە هۆشداریاندا لەوەی تووشبووی پێشتر بەكۆرۆنا و وەرگرتنی یەك ژەمی ڤاكسین نابێتە هۆی ڕاگرتنی بڵاوبوونەوەی ئەو جۆرە نوێیەی ڤایرۆسی كۆرۆنا، بەڵكو پێویستە جموجوڵی پتەو بكرێت بۆ دانانی سنوورێك بۆ بڵاوبوونەوەی ئەو ڤایرۆسە لەسەر ئاستی نێودەوڵەتی.
خەڵك وتەبێژی ئەنجومەنی پاراستنی دەستوری ئێران ڕایدەگەیەنێت، ڕێژەی بەشداریكردنی‌ هاووڵاتیان لەهەڵبژاردنی سەرۆكایەتیی وڵاتەكەی‌ زۆر باش بووە پرۆسەكەش تا كاتژمێر 12:00ی‌ ئەمشەو درێژ كرایەوە . عەباس عەلی كەدخودایی، وتەبێژی ئەنجومەنی پاراستنی دەستوری ئێران بەئاژانسی فەرمی وڵاتەكەی راگەیاندووە، ڕێژەی بەشداریكردن لە هەڵبژاردن زۆر باشە و هەڵبژاردنەكەش تا كاتژمێر 12:00ی‌ ئەمشەویش بەردەوامی دەبێت. ڕاشیگەیاندووە، تاكاتژمێر 7ی‌ ئێوارە بەكاتی تاران پێنج هەزار 752 سكاڵا لەسەر پرۆسەی‌ هەڵبژاردنەكان تۆماركراون و سەرپێچییەكان پەیوەستە بە بەردەوامبونی بانگەشەو كەمی لاپەڕەی دەنگدان چەند سكاڵایەك تۆماركراون‌ و بەدواداچوونیان بۆ دەكرێت.
خەڵك بەڕێوەبەرایەتی گشتی تەندروستی سلێمانی ڕایدەگەیەنێت، سێ تووشبووی دیكەی كۆرۆنا لە سلێمانی گیانیان لە دەست دا 14 توشبووی نوێش داخڵی نەخۆشخانەكان كران، كۆیی گشتی نەخۆشانی ماوەەش 94 نەخۆشە . بەڕێوەبەرایەتی گشتی تەندروستی سلێمانی ئەمشەو ئاماری 24 كاتژمێریی تایبەت بە دۆخی كۆرۆنای بڵاوكردەوە و رایگەیاندووە، كە سێ تووشبووی دیكە گیانیان لە دەست داوە. روونیشیكردەوە كە 14 تووشبووی نوێ داخڵی نەخۆشخانەكان كراون و 14 حاڵەتیان لەسەر ئامێری cpap و 7 نەخۆشیش چاكبوونەتەوە. لە راگەیەندراوەكەدا هاتووە كە ئێستا 94 توووشبووی كۆرۆنا لە نەخۆشخانەكاندا چارەسەر وەردەگرن.
خەڵك- وەزارەتی پەروەردەی عێراق ڕایدەگەیەنێت، كە بابەتی داخڵبوونی گشتی بۆ پۆلە كۆتاییەكان (6ی سەرەتای و 3ی ناوەندی و 6ی ئامادەیی) بەجێ‌ هێڵراوە بۆ دەستەی ڕاوێژكاری وەزارەت و ئەوان بڕیاری لێ‌ دەدەن. فەلاح قەیسی، بریكاری وەزارەتی پەروەردەی عێراق بۆ ئاژانسی فەرمی (العراقییە) ئاماژەی بەوەكردووە، تا ئێستا هیچ بڕیارێك نییە بۆ بەشداری كردن و داخڵبووونی گشتی خوێندكاران لە تاقیكردنەوەكان، چونكە ئەو بابەتە بەجێ‌ هێڵراوە بۆ دەستەی ڕاوێژكاری وەزارەت و ئەوان بڕیاری لێ‌ دەدەن. ڕاشیگەیاندووە، ساڵی نوێ و داهاتووی خوێندن لە سەرەتای مانگی 10ی ئەمساڵ دەستپێدەكات و لە ناوەڕاستی مانگی ئەیلول (9)ش سەرجەم مامۆستا و فەرمانبەرانی كەرتی پەروەردە دەستبەكاردەبنەوە. ئاشكراشی كردووە، كە لە ماوەی ئەمساڵدا سەرجەم كارمەند و مامۆستایانی پەروەردە بە ڤاكسینی دژی كۆرۆنا دەكوترێن. سەبارەت بە مامۆستایانی وانەبێژ وتویەتی، "زیاتر لە 14 بەڕێوەبەراییەتی گشتی لە پارێزگاكان ناوی وانەبێژانیان ڕەوانەی وەزارەتی دارایی كردووە و پارەی پێویستیان بۆ تەرخان كراوە جگە لە 4 بۆ 5 بەڕێوەبەرایەتی، كە ژمارەی وانەبێژانیان زۆر بووە".
خەڵك- بەرپرسێكی تەندروستی عێراق پێشبینی دەكات، كە شەپۆلێكی نوێی ڤایرۆسی كۆرۆنا تەواوی وڵات بگرێتەوە، كە بە شەپۆلی سێیەم دادەنرێت. د.نەبیل فازڵ، بەڕێوەبەری بەشی تەندروستی گشتی لە دیالە لە لێدوانێكی ڕۆژنامەوانیدا ڕایگەیاندووە، لە چوارچێوەی پێشبینی بۆ دۆخی پەتاكان، پێشبینی ئەوە دەكەن، كە شەپۆلێكی نوێی ڤایرۆسی كۆرۆنا لەسەر ئاستی جیهان و عێراق دەستپێبكات. ڕاشیگەیاندووە، بە دڵنیاییەوە لە كۆتایی ئەم مانگە یان مانگی داهاتوو شەپۆلی نوێی كۆرۆنا عێراق دەگرێتەوە. ئاماژەی بەوەشكردووە، ئامۆژگاری و ڕێنمایی هەمووان دەكەین پەلە بكەن لە وەرگرتنی ڤاكسینی كۆرۆنا، كە ئێستا لە نەخۆشخانەكان بەردەستە و دەبێتە پارێزەرێكی بنچینەیی لە نەخۆشی و پەتا، چونكە ئێستا هاووڵاتیان پابەند نین بە خۆپارێزییەوە. هەرچەندە بەشێكی زۆری ژیان و كاروباری هاووڵاتیان ئاسایی كراوەتەوە، بەڵام هێشتا ڕۆژانە زیاتر لە 5 هەزار كەس لە عێراق و هەرێمی كوردستان تووشی كۆرۆنا دەبن و بە تەنها ئەمڕۆ 23 كەس گیانیان لەدەستداوە.
خەڵك- ئەندامێكی لیژنەی دارایی لە پەڕلەمانی عێراق ئاشكرای دەكات، لیژنەیەكی وردبینی لە بەغدادەوە سەردانی ھەرێمی كوردستانی كردوە، كە وردبینی لە داھاتی نانەوتی دەكات و پەڕلەمانتارێكی دیكەش دەڵێت: "چەند ناكۆكیەك بۆتە هۆی دواكەوتنی مووچەی فەرمانبەران". حەسەن ئاڵی، پەرلەمانتاری كورد لە پەڕلەمانی عێراق، بە (خەڵك)ی ڕاگەیاند، گفتووگۆ و وتوێژەكان بەردەوامن، هەندێك كێشەی تەكنیكی هەن، كە پەیوەندییان بە مافی كۆمپانیا بەرهەمهێنەكانی نەوتەوە هەیە لە هەرێم و ئەم ناكۆكیانە بونەتە مایەی دواكەوتنی ڕەوانەكردنی مووچەی فەرمانبەران و جێبەجێكردنی بڕگەكانی بودجەی تایبەت بە هەرێمی كوردستان. وتیشی، "ڕێككەوتنی عێراق و هەرێم دووچاری شكست نەبووە و شاندی هەرێمی كوردستان لە چەند ڕۆژی داهاتوودا سەردانی بەغدا دەكاتەوە". لای خۆشیەوە، شیروان میرزا، ئەندامی لیژنەی دارایی پەڕلەمانی عێراق ئاشكرای كردووە، لیژنەیەكی وردبینی لە بەغدادەوە سەردانی ھەرێمی كوردستانی كردووە، كە وردبینی لە داھاتی نانەوتی ھەرێم (دەروازە سنووریەكان و فڕۆكەخانەكان) دەكات. وتیشی، "ئەو بڕە پارەیەی لە ئێستادا حكومەتی فیدڕاڵی عێراق بەنیازە بۆ حكومەتی هەرێمی بنێرێت وەك سلفەیەكە تا كارەكانی ئەو لیژنەیە تەواو دەبێت". جەختیشی كردەوە، ئەو بڕە پارەیەی، كە بەغدا بە تەمایە بینێرێت بۆ هەێم، هیچ جۆرە نایاساییەكی تیا نییە و پێچەوانەی یاسای بودجە نییە.
خەڵك- بەهۆی كەمبوونەوەی كاریگەری نەخۆشی كۆرۆنا لەسەر ئابووری جیهانی و دەستپێكردنەوەی چالاكییە ئابوورییەكان، بەهای ئاڵتون ڕووی لە دابەزین كرد. دانا وەرتی، خاوەنی زێڕنگەری ئازوورا لە هەولێر بۆ (خەڵك) ئاماژەی بەوەكرد، دوای ئەوەی نرخی زێڕ گەیشتە بەرزترین ئاست لە هەفتەی ڕابردوودا، دەستی بەدابەزین كردۆتەوە و ئەوەش بەهۆی كاریگەری هەڵئاوسانی ئابووری لە ئەمریكا و بەرزی ڕێژەی سوود. ڕاشیگەیاند، ئەمڕۆ بەهای یەك ئۆنسە دابەزیوە بۆ 1785 دۆلار و نرخی یەك مسقاڵ زێڕی عەیارە 21 بە 374 هەزار دینارە و عەیارە 18 بە 320 هەزار دینارە. ئاماژەی بەوەشكرد، دابەزینی بەهای زێڕ كاتییە و بەرزدەبێتەوە. ئەمە لەكاتێكدایە، كە هەفتەی پێشوو نرخی یەك ئۆنسەی زێڕ لە سەرووی 1800 دۆلارەوە بوو، بۆیە بەراورد ببە هەفتەی پێشوو نرخی یەك مسقاڵ زێڕ زیاتر لە 20 هەزار دینار شكاوە.
خەڵك- بەڕێوەبەرایەتی هاتووچۆی كۆیە ئاشكرای دەكات، كە بارهەڵگرێك بەهۆی تیژڕۆییەوە مقەستی كردووە و بەهۆیەوە شۆفێری تەكسییەك بریندار بووە. بەڕێوەبەرایەتی هاتووچۆی كۆیە لە ڕاگەیەنراوێكدا ئاماژەی بەوەكردووە، كاتژمێر 6ی ئێوارەی ئەمڕۆ ڕووداوێكــی ھاتووچۆ لەنێوان ئۆتۆمبێلێكــی بارھەڵگر و تاكسیەك لە ڕێگای دەشتی كۆیە ڕوویدا. ئاماژەی بەوەشكردووە، بەھۆی خێرا لێخوڕینـەوە، ئۆتۆمبێلی بارھەڵگر كۆنتڕۆڵی لەدەستداوە و مقەسی كردووە. ئاشكراشی كردووە، لە ئەنجامدا بووە ھۆی برینداربوونــی شۆفێری تاكسیەكە.
خەڵك- زاوایەكی سەدام حسێن، كە هاوسەری كچە بچووكەكەی بووە دوای 18 ساڵ لە زیندان لەلایەن عێراقەوە ئازادكرا. بەپێی نووسراوێكی وەزارەتی دادی عێراق، كە لە 15ی ئەم مانگە دەرچووە و واژۆی مافپەروەر صادق عبد حسین، بەڕێوەبەری بەشی پێشوازی و بەردانی زیندانیانی لەسەرە، بڕیار دراوە بە ئازادكردنی (جەمال مستەفا عەبدوڵڵا سوڵتان) و هەڵوەشاندنەوەی ئەو تۆمەتەی ئاڕاستەی كراوە بەپێی یاسای تیرۆر بەهۆی ئەوەی بەڵگەی پێویست لەسەری نەبووە. جەمال مستەفا عەبدوڵڵا سوڵتان هاوسەری (حەلا)ی كچە بچووكی سەدام حسێن-ی سەرۆكی لەسێدارەدراوی ڕژێمی پێشووی عێراقە و یەكێك بووە لەو كەسانەی ناوی لە لیستی تیرۆری ئەمریكادا هاتبوو، كە لیستێكی 52 كەسی بوو، ئەمیش ناوەكەی بە ژمارە 20 هاتبوو. ئەو زاوایەی سەدام حسێن لە 20ی نیسانی 2003 دەستگیر كرا و لە ئێستاشدا دوای 18 ساڵ زیندانی ئازادكرا.
خەڵك- بەڕێوەبەرایەتی بەرگری شارستانی پارێزگای هەولێر ئاشكرای دەكات، كە گەنجێك لەكاتی مەلەكردن لە زێی گەورە خنكاوە. بەڕێوەبەرایەتی بەرگری شارستانی پارێزگای هەولێر لە ڕاگەیەنراوێكدا ئاماژەی بەوەكردووە، بەداخەوە ئێستا گەنجێك لە زێی گەورە لەكاتی مەلەكردن خنكا و تیمەكانمان بەدوای تەرمەكەی دەگەڕێن. ڕاشیگەیاندووە، گەنجەكە تەمەنی 30 ساڵە و دانیشتوی هەولێر، گەڕەكی تەیراوەیە.

عیراق.. چوار مەرزی نوێی نێودەوڵەتی لە دەكرێنەوە

عیراق.. چوار مەرزی نوێی نێودەوڵەتی لە دەكرێنەوە

کارزان جەرجیس

ئایار 20, 2021

خەڵك دەستەی خاڵە سنورییەكانی عیراق لیژنەیەك بۆ لێكۆڵینەوە…

دە كەس ئەندامانی جەستەیان لە هەولێر فرۆشتووە

دە كەس ئەندامانی جەستەیان لە هەولێر فرۆشتووە

ئیدریس جەبار

شوبات 15, 2021

خەڵك- كۆمسیۆنی باڵای مافەكانی مرۆڤ لە پارێزگەی واست ڕایدەگەیەنێت،…

ژنێك 78 ملیۆن دیناری دزی و پاشان دەستگیركرا

ژنێك 78 ملیۆن دیناری دزی و پاشان دەستگیركرا

ئیدریس جەبار

شوبات 3, 2021

خەڵك- بەشی هەواڵ بەڕێوەبەرایەتی بنبڕكردنی تاوان لە پارێزگەی…

خۆپیشاندان لە شارێكی عێراق سەریهەڵدا

خۆپیشاندان لە شارێكی عێراق سەریهەڵدا

ئیدریس جەبار

كانونی دووه‌م 28, 2021

خەڵك- سەرچاوەیەكی ئەمنی لە پارێزگەی واست ڕایدەگەیەنێت،…