هێڤیدار ئەحمەد: هیزێك بتوانێ ئەمڕۆ یارمەتی ئێران بدات، هەرێمی كوردستانە
خەڵك هێڤیدار ئەحمەد، پەرلەمانتاری فڕاكسیۆنی پارتی…
زیاترسەردێر
-
خەڵك – وەزارەتی خوێندنی باڵا و توێژینەوەی زانستی حكومەتی هەرێمی كوردستان ڕیزبەندی زانكۆ حكومی و تایبەتەكانی بڵاوكردەوە و زانكۆی سلێمانی لەسەر ئاستی هەرێمی كوردستان لە پلەی یەكەمدایە و لەسەر ئاستی عیراقیش لە پلەی سێیەمدایە . وەزارەتی خوێندنی باڵا و توێژینەوەی زانستی حكومەتی هەرێمی كوردستان لەڕاگەیەنراوێكدا بڵاویكردەوە ، بەپێی ریزبەندییەكە، زانكۆكانی سەڵاحەدین و دهۆك لە پلەی دووەم وسێیەمدان لەسەر ئاستی هەرێمی كوردستان و لەسەر ئاستی عیراقیش زانكۆی سەلاحەدین لەپلەی نۆیەم و زانكۆی دهۆكیش لە پلەی 11 دایە.
-
بەهۆی ئەوەی میریان قادر، هاوەڵی دوەمی شاجوانی ٢٠١٨ی كوردستان، بانگەشەی بۆ بەرهەمێکی خۆی کرد کە تێیدا پێستی رێوی لە درووستکردنیدا بەکار هاتووە، زۆرێک لە هونەرمەندانی دیکە هێرشیان کردە سەری. میریان قادر لەبارەی بەرهەمەکەیەوە ڕایگەیاند کە "پێستی ڕێوی بە ھەمو ئەندامانی لەشیەوە کە ئەندامانی دەموچاوی ڕوپۆش کراوە بە ئاڵتون بە شێوەی سەرشان بۆ خانمان بەردەست دەخات" بەڵام کارەکەی میریان لەلایەن ئاژەڵ دۆستانەوە ناڕەزایی زۆری بەدواداهاتو و کەمپینێکیان بەناوی "نا بۆ پۆشینی بەرگی ئاژەڵان" و "نا بۆ بەردەوامی میریان" ڕاگەیاند. هەر لەو بارەیەشەوە هێلی لەڤ ڕایگەیاند نوسویەتی، "لەگەڵ رێزم بۆ كارەكانی ئەو، من هەمیشە پاڵپشتی خانمان دەكەم لە هەر كارێكدا بێت، براندە بەناوبانگەكانی جیهان چیتر پێستی ئاژەڵ بەكارناهێنن، بەڵام لە كورستان تازە دەست بەم كارە دەكرێت؟، دڵنیام ئەو دەتوانێت رێگەیەكی باشتر بدۆزێتەوە و فەروی دەستكرد بەكاربهێنێت بۆ دیزاینی جلەكانی". هاوکات بانە شیروان نوسیویەتی، "ببورن بەڵام ئەمە دەبێت بوەستێنرێت، تكایە پێیان بڵێن كە چیتر ئاژەڵ بۆ ئەم كارە بەكارنەهێنن، ئەمە كارێكی قێزەون و نامرۆڤانەیە، وێنای بكە كەسێك ئەم كارە بە پێستی تۆ بكات و بیفڕۆشێت". جگە لەوەش کچە مەیكئەپ ئارتیست، شنیار نوسیویەتی، "ئەوە كارێكی زۆر قێزەونە، كوا مرۆڤایەتی؟ كوا ئاژەڵپاراستن، پارە و بزنز ئەوە دەهێنێت خوێنی بەستەزمانێك بڕێژیت بۆ كەمێك فەرو، تینوی پارە بەو حەددە كە هەمو سنورێكی پێببڕی؟".
-
خەڵك – بەڕێوەبەرایەتی پۆلیسی هەولێر ڕایدەگەیەنێت ، تۆمەتبارێكیان دەستگیر كرد، كە لە بنكەی پۆلیسی باواجی كۆیە بەپێی ماددە (456) لەیاسای سزادان، فەرمانی دەستگیركردنی هەبوو. بەڕێوەبەرایەتی پۆلیسی هەولێر لە ڕاگەیەنراوێكدا بڵاویكردەوە، پۆلیسی دەشتی هەولێر بەشی، بنكەی پۆلیسی دەشتی هەولێر، تۆمەتبارێكیان بە ناوی (چ. ا. ح) دەستگیر كرد، كە لە بنكەی پۆلیسی باواجی/ كۆیە بەپێی ماددە (456) لە یاسای سزادان، فەرمانی دەستگیركردنی هەبوو. لە ڕاگەیەنراوەكەدا هاتووە ، تۆمەتباری ئاماژەپێكراو پەڕاوی لێكۆڵینەوەی بۆ ڕێكخرا و ڕەوانەی دادگا كرا.
-
خەڵك – ژووری ئۆپەراسیۆنی پارێزگای هەولێر ڕایدەگەیەنێت ، جگە لە هۆڵەكان پرسەدانان لە كۆڵان و ماڵ و ژێر خێوەت و باخچە و هەرشوێنێكی دیكەی گشتی بە هەموو شێوەیەك قەدەغەیە و هەر كەسێك پابەند نەبێت سزا دەدرێت. ژووری ئۆپەراسیۆنی پارێزگای هەولێر لەڕاگەیەنراوێكدا بڵاویكردەوە، لەڕۆژی سێشەمە 2022.1.4 پاڵپشت بە بڕیار و ڕاسپاردەكانی لیژنەی باڵای رووبەڕووبوونەوەی كۆرۆنا بەڕێوەبەرایەتی گشتی ئەوقافی هەولێر ڕاسپێردرا بڕیار و ڕێنمایی نوێی لەبارەی پرسەدانان دەربكرێت، لە ئێستادا جگە لە هۆڵەكان، پرسەدانان لە (كۆڵان و ماڵ و ژێرخێوەت و باخچە و هەرشوێنێكی تری گشتی بەهەموو شێوەیەك قەدەغەیە. ڕاگەێندراوێك لە ژووری ئۆپەراسیۆنی پارێزگای هەولێر: دوای ئەوەی ژووری ئۆپەراسیۆنی پارێزگای هەولێر لە كۆبوونەوەی خۆیدا لە ڕۆژی سێشەمە 2022.1.4، پاڵپشت بە بڕیار و ڕاسپاردەكانی لیژنەی باڵای رووبەڕووبوونەوەی كۆرۆنا لە هەرێمی كوردستان بۆ بابەتی پرسەدانان بەڕێوەبەرایەتی گشتیی ئەوقافی هەولێری ڕاسپارد ڕا و سەرنج و پیشنیارەكانیان پێشكەش بە وەزرارەتی ئەوقاف و كاروباری ئاینی بكەن تاوەكو بڕیار و ڕێنمایی نوێی لەبارەی پرسەدانان دەربكرێت، لە ئێستادا بە بڕیاری وەزارەتی ئەوقاف و كاروباری ئاینی هۆڵەكانی پرسەدانان بە ڕێنمایی و ڕێنوێنی تایبەت كراوەتەوە، لەگەڵ هەموو ئەو ڕێنمایی و ڕێنوێنیانەی وەزارەت، بەهۆی ئەو دۆخە مەترسیدارەی تەشەنەكردن و بڵاوبوونەوەی خێرای ڤایرۆسی كۆرۆنای نوێ (ئیمۆكرۆن) و بۆ پاراستنی سەلامەتی تەندروستی گشتی شارەكەمان و پارێزگاریكردن لەگیانی هاوڵاتییان، جگە لە هۆڵەكان، پرسەدانان لە (كۆڵان - ماڵ - ژێرخێوەت - باخچە و هەرشوێنێكی تری گشتیی) بەهەموو شێوەیەك قەدەغەیە و هەر كەسێك پابەند نەبێت سزا دەدرێت، بنكەكانی پۆلیس، ئاسایش، شارەوانی و موختاری گەڕەكەكان ڕاسپێردراون چاودێری سنوورەكانی خۆیان بكەن و ڕێكاری پێویست لەبەرامبەر هەركەسێك بگرنەبەر كە سەرپێچی دەكات. بۆیە داوا لەهاوڵاتییان و هاوشاریانی سنووری پارێزگاكەمان دەكەین بۆ پارێزگاریكردن لەگیانی خۆیان و ئازیزانیان پابەندی ئەو بڕیارانەبن و جگە لەهۆڵەكان كە لەئێستادا بۆ پرسەدانان كراوەن لەهیچ شوێنێكی تر پرسە دانەنرێت. ژووری ئۆپەراسیۆنی پارێزگای هەولێر 2022.1.26
-
خەڵك – بەڕێوەبەرایەتی نەوت و كانزاكانی سلێمانی ڕایدەگەیەنێت، سبەی دابەشكردنی بەنزینی نۆرماڵی عیراق بەنرخی 690 دینار لە ناو شار دابەش دەكرێت . بەڕێوەبەرایەتی نەوت و كانزاكانی سلێمانی لە ڕاگەیەنراوێكدا بڵاویكردەوە، كە سبەی پێنج شەممە بەرواری 27 / 1 / 2022 لە وێستگەی (تاسلوجە. دۆڵەرووت. كانی گۆران. ئازادی. هەڵەبجە تانجەرۆ.) دابەشدەكرێت . ئەمە لەكاتێكدایە، لە سنوری پارێزگای سلێمانی هەفتانە بۆ ماوەی چەند ڕۆژێك دابەشكردنی بەنزینی نۆرماڵی عیراق ڕایدەگیرێـت و بەڵام لە ناوچەكانی دیكە هەموو ڕۆژێك بە بەردەوامی دابەشدەكرێت .
-
خەڵك- وەزارەتی تەندروستی پێیوایە شەپۆلی چوارەمی ڤایرۆسی كۆرۆنا زیاتر ئەوانە دەگرێتەوە كە ڤاكسینیان وەرنەگرتووە، ڕەتیشیكردەوە بتوانرێت ترۆپكی شەپۆلەكە دیاریی بكرێت. ڕوبا فەلاح، ئەندامی تیمی پزیشكی ڕاگەیاندنی وەزارەتی تەندروستی عیراق لە لێدوانێكی ڕۆژنامەوانیدا ڕایگەیاند"پێداچوونەوەمان بۆ ئاماری تووشبوونی ڕۆژانە كردووە و نازانین كەی دەگەینە ترۆپكی شەپۆلەكە یان كەی تەواو دەبێت، بەڵام دەتوانیین لە هێز و توانای بڵاوبوونەوەی كەم بكەینەوە، لەڕێی پابەندبوونمان بە ڕێكارەكانی خۆپارێزی و دووركەوتنەوەی كۆمەڵایەتی". بە وتەی ڕوبا فەلاح"ئەوانەی زیاتر تووشی كۆرۆنا دەبن لە شەپۆلی چوارەمی بڵاوبوونەوەی پەتاكە، ئەوانەن كە ڤاكسینیان وەرنەگرتووە، ئەوان مەترسی زیاترییان لەسەرە بۆ تووشبوون". ئەو ئەندامەی تیمی پزیشكی ڕاگەیاندنی وەزارەتی تەندروستی عیراق دەڵێت"ئەو ڤاكسینانەی فەراهەمكراون، كاریگەرییان لەسەر هەموو جۆرەكانی كۆرۆنا هەیە و كاریگەرییان سەلمێنراوە، بۆیە وەرگرتنی ڤاكسین و پابەندبوون بە ڕێكارەكانی خۆپارێزی لە بەستنی دەمامك و دووركەوتنەوەی كۆمەڵایەتی، گرنگترین ئامرازن بۆ بنبڕكردنی ڤایرۆسەكە". وەزارەتی تەندروستی عیراق گشتاندنێكی بۆ هەموو دامەزراوە تەندروستییەكان دەركرد بە تەندروستی هەرێمی كوردستانیش، تا دەستبكرێت بە پێدانی ژەمی سێیەمی ڤاكسینەكانی دژە كۆرۆنا بە هاووڵاتیانی سەرو 18 ساڵ.
-
خەڵك- شەپۆلێكی نوێی بەفر و باران هەرێمی كوردستان دەگرێتەوە و لە ئێستاشدا لە ناوچە شاخاوی و سنوورییەكانی سەر بە پارێزگای هەولێر بەفر دەبارێت. بەڕێوەبەرایەتی گشتی كەشناسی و بوومەلەرزەزانی هەرێم بلاویكردەوە، لە ئێستادا لە شارۆچكەی حاجی ئۆمەران بەفر دەبارێت. پێشتر ئاراس جەبار، شارەزای كەشناسی بۆ (خەڵك) ئاماژەی بەوەكرد، لە ئەنجامی نزیكبوونەوەی كاریگەری نزمەپاڵەپەستۆی دەریای ناوەڕاست لە چەند كاتژمێری ئایندەدا بەتایبەت دوای ئێوارە بەفر بە ڕێژەیەكی كەم لە ئەنجامی چربوونەوەی ھەورەكانی ناوخۆی ناوچەكە لەناوچە شاخاوییە سنوورییەكانی ھەرێمدا دەستپێدەكات و لەكاتەكانی شەو درەنگدا ئەگەری بارانێكی كەم بۆ مامناوەندیش ئەبێت لەھەندێ ناوچەی سنوری پارێزگای ھەڵەبجە و سلێمانی و ئیدارەی ڕاپەریندا و بارینی بەفرێكی كەم لە بەرزایەكانی ١٠٠٠ مەتر زیاتر لە ئاستی ڕووی دەریا. ئاماژەی بەوەشكرد، بەگشتی سبەی پێنج شەممە ٢٧-١-٢٠٢٢ كاتەكانی نیوەڕۆ كاریگەری ڕاستەوخۆی ھەور لە دەریای ناوەڕاستەوە دەگاتە سەرجەم ناوچەكان و سەرەتاش شەپۆلەكە بەشێوەی بارانی مامناوەند و ھەورە بروسكە دەستپێدەكات لەھەندێ ناوچەش بارانی بەخوڕ و تەرزەی لەگەڵ ئەبێت لەگەڵ زیادبوونی خێرایی با لە ئاڕاستەی باشووری ڕۆژئاواوە بە خێرایی ١٥ تا ٢٥ كلیلۆمەتر زیاتر لە كاتژمێرێكدا. وتیشی، “لە كاتەكانی ئێوارە و شەوی پێنج شەممە لەسەر هەینی بەھۆی زیادبوونی كاریگەری بارستە ھەوا ساردەكە و نزمبوونەوەی زیاتری پلەكانی گەرما بەفر بارین ئەو ناوچانە دەگرێتەوە، كە بەرزیان زیاترە لە ٨٠٠ مەتر لە ئاستی ڕووی دەریا وەك سەنتەری شاری سلێمانی”. بۆ بینینی ڤیدیۆكە كلیك لێرە بكەن
-
خەڵك- ژمارەیەك مامۆستا و فەرمانبەر و توێژەر كەمپینێكیان بۆ گێڕانەوەی مافی پلەبەرزكردنەوەی فەرمانبەران ڕاگەیاند و داواش لە فەرمانبەران دەكەن، كە ناوی خۆیان زیاد بكەن و لای خۆیانەوە بڵاوی بكەنەوە. ژمارەیەك مامۆستای و فەرمانبەر لە كەمپینەكەدا، كە ئاڕاستەی سەرۆكایەتی حكومەت و پەڕلەمان و وەزارەتی دارایی و وەزیرەكان كراوە ئاماژەیان بەوەكردووە، دوای ٧ساڵ لە ڕاگرتنی مافی یاسایی پلەبەرزكردنەوەمان، وەك فەرمانبەرانی كوردستان، داواتان لێدەكەین چیتر بە بیانووی قەیران ئەم مافەمان پێشێل و زەوت مەكەن و بە زووترین كات بۆمان بگێڕنەوە. كەمپینی گێڕانەوەی مافی پلەبەرزكردنەوە "تەڕفیع" بەڕێزان/ سەرۆكایەتی ئەنجومەنی وەزیران سەرۆكایەتی پەرلەمان و پەرلەمانتاران وەزارەتی دارایی و وەزیرەكان دوای ٧ساڵ لە ڕاگرتنی مافی یاسایی پلەبەرزكردنەوەمان، وەك فەرمانبەرانی كوردستان، داواتان لێدەكەین چیتر بە بیانووی قەیران ئەم مافەمان پێشێل و زەوت مەكەن و بە زووترین كات بۆمان بگێڕنەوە، لەكاتێكدا ئەم داواكارییە دەكەین كە دڵنیاین داهاتی حكومەت تەواو زیادی كردووە و زۆر بەئاسانی دەتوانرێت كەڤەڕی پلەبەرزكردنەوەكانمان بكات.. ئەم كابینەیە وەك دەگووترێت و لێی چاوەڕێ دەكرێت كابینەی گێڕانەوەی مافەكانمان و چاكسازییە، بەڵام بە زەوتكردنی پلەبەرزكردنەوەكانمان ئەم بانگەشەیە دەچێتە ژێرپرسیار و پەرلەمانتارانیش كەمتەرخەم دەردەچن لەبەرامبەر دەنگدەرانیان و جێگری سەرۆكی حكومەتیش لە بانگەشەی هەڵبژاردنی چەندین جار ئاماژەی دا بە كارا كردنەوەی پلەبەرزكردنەوەی فەرمانبەران، كەچی ئەوە زیاتر لە شەش مانگە هیچ ئاسۆیەك بەدی ناكرێت و تەنانەت كەس باسیشی ناكات، تەنانەت ئەمڕۆ وەزارەتی دارایی لە ڕوونكردنەوەیەكیدا بەڕوونی دەڵێت پلەبەرزكردنەوەی فەرمانبەران ناگەڕێتەوە تا كۆتایی قەیرانی دارایی، كەچی پەرلەمانتارانی سەربە پارتەكەی جەنابی وەزیری دارایی چەندین جار ڕایانگەیاندووە كە داهاتی حكومەت تەواو زیادی كردووە و هیچ قەیرانێك نەماوە، خۆشمان ئەم ڕاستییە باش دەزانین. بۆیە پیویستە بە زووترین كات پلە بەرز كردنەوە بكرێتەوە ، و لە رۆژی شایستە بوونی فەرمانبەران و مامۆستایانەوە ئەژمار بكرێت. تكایە هەموو فەرمانبەران ناوتان لە ژێر ئەم هەڵمەتە بنووسن و جارێكی تر بڵاوی بكەنەوە. 1سعید حمدامین. توێژەر 2شۆڕش احمد مامۆستا 3هەیاس محەمەد مامۆستا 4قادر اسماعیل عبدالقادر سەرپەرشتیار 5اشرف احمد حمید مامۆستا 6پەیجی موچە هات 7-عمر خدر عبداللە مامۆستا 8_خالد محمد احمد مامۆستا 9-ئازاداحمدعبداللە مامۆستا 10 تارا احمد رسول فەرمانبەر ١١ محمد علی محمد توێژەر
-
خەڵك- سبەینێ پێنج شەممە لە یاریگای ئازادی و بە ئامادەبوونی 10 هەزار كەس كە 2 هەزارییان خانمانن و بایەخ بە تۆپی پێ دەدەن، هەردوو هەڵبژاردەی عیراق و ئێران ڕووبەڕووی یەكدەبنەوە. سبەینێ پێنج شەممە لە كاتژمێر 6:00ی ئێوارە، هەردوو هەڵبژاردەی عیراق و ئێران لەچوارچێوەی پالاوتنەكانی سەركەوتن بۆ مۆندیال لە یاریگای ئازادی لە تاران ڕووبەڕووی یەكدەبنەوە. بەپێی زانیارییەكان، دەسەڵاتدارانی ئێران ڕێگە بە ئامادەبوونی 10 هەزار كەس دەدەن، تا لە یاریگای ئازادی ئامادەبن بۆ هاندانی هەڵبژاردەی ئێران، لەنێوان ئەو 10 هەزار كەسەشدا 2 هەزار بلیت بۆ خانمان دەستەبەركراوە.
-
خەڵك- دوای پەیڕەوكردنی سیستمی یەكپۆشی لە جلوبەرگی خوێندكارانی باخچەكانی ساوایان و خوێندنگەكان لەلایەن وەزارەتی پەروەردەوە، یەكەم زانكۆ لە هەرێمی كوردستان و لە شاری هەولێر بڕیاری پەیڕەوكردنی یەكپۆشی لە جلوبەرگی خوێندكاران خستە بواری جێبەجێ كردنەوە و لەمڕۆوە پەیڕەو كرا. لە دوو ساڵی ڕابردوودا و لە پێش سەردەمی هاتنی ڤایرۆسی كۆرۆنا و كەرەنتینە و قەدەغەی هاتووچۆوە وەزارەتی پەروەردە بڕیاریدا بە پەیڕەوكردنی سیستمی یەكپۆشی لە جلوبەرگی خوێندكاران لە قۆناغی باخچەی ساوایانەوە تا 12ی ئامادەیی و ئەو بڕیارەش پپێشوازی زۆری لێكرا و لە ئێستاشدا داوا دەكرێت لە زانكۆ و پەیمانگاكانیش پەیڕەو بكرێت، كە لە چەند ڕوویەكەوە سوودی هەیە. یەكپۆشی لە خوێندنی باڵا دەستی پێكرد ڕاگرایەتی زانكۆی هەولێری پزیشكی، بە نووسراوێكی فەرمی ئاگاداری سەرجەم خوێندكارانی كردۆتەوە، كە لەسەر فەرمانی سەرۆكی زانكۆ لە كۆتایی ئەم مانگەوە سیستمی یەكپۆشی دەستپێدەكات و سەرجەم خوێندكاران پەیڕەوی بكەن. هەر بەپێی نووسراوەكە، "خوێندكار لە هەڵبژاردنی جۆری جلوبەرگەكەی ئازادە، بەڵام جۆری ڕەنگەكە پێكدێت لە ڕەش و سپی و نیلی، ئەوەیش بەپێی كۆلێژ و بەشەكان ڕێكخراوە و هەر خوێندكارێك سەرپێچی بكات خۆی بەرپرسیار دەبێت". هاوكات، ئەمڕۆ چوار شەممە 26-1-2022 لە کۆلێژی پزیشکی گشتی لەبەركردنی سکڕەبی ڕەش و نیلی پەیڕەو كرا بۆ گشت کاتەکانی دەوام و ئەوەی پابەند نەبێت بە بڕیاری ڕاگری کۆلێژ بە نەهاتوو هەژمار دەکرێت و کۆلێژەکانی تریش بە هەمان شێوە (ددان ، دەرمانسازی ، پەرستاری ، زانستە تەندروستییەکان) دەگرێتەوە. داوای یەكپۆشی لە سەرجەم زانكۆ و پەیمانگاكان دەكرێت لە ساڵانی ڕابردوودا و دوای پەیڕەوكردنی یەكپۆشی لەلایەن وەزارەتی پەروەردەوە، دادگای سلێمانی-ش بڕیاری یەكپۆشی دەركرد و لە ئێستادا فەرمانبەرانی سەرجەم دادگاكانی سەر بە سەرۆكایەتی تێهەڵچوونەوەی ناوچەی سلێمانی یەك جۆر جلوبەرگ دەپۆشن، كە بریتیە لە (پاتنۆڵ یان تەنورەی نیلی لەگەڵ قەمیس یان بلووسی سپی). بەپێی بەدواداچوونێكی مەیدانی (خەڵك) لە بەشێكی زانكۆ و پەیمانگاكانی هەرێم، بەشێكی زۆری خوێندكاران داوا دەكەن سیستمی یەكپۆشی لە جلوبەرگی خوێندكاران پەیڕەو بكرێت، كە لە ڕابردوودا و پێش ڕاپەڕینی بەهاری ساڵی 1991 ئەو سیستمە پەیڕەو كراوە و زۆر سوودی بۆ خوێندكاران و كەسوكاریشیان هەبووە. وەك خوێندكاران ئاماژەی پێ دەكەن، "یەكپۆشی دەبێتە هۆی ئەوەی جۆرێك لە ڕێكوپێكی لە جلوبەرگ و بوونی سیستمێك پەیڕەو بكرێت و لەهەمان كاتیشدا بارگرانی لەسەر شانی خۆیان و كەسوكاریشیان كەم دەكاتەوە، كە بەردەوام دەبێت جلوبەرگ بكڕن و ئەوەش پارەیەكی زۆری دەوێت و هەروەها دەبێتە هۆی ئەوەی بابەتی چینایەتی و هەژاری و دەوڵەمەندی تا ڕادەیەكی زۆر كەم بكاتەوە". لە سەردەمی پێش هاتنی ڤایرۆسی كۆرۆنا و كەرەنتینە و كەمبوونەوەی دەوام، كار بۆ ئەوە دەكرا هاوشێوەی كەرتی پەروەردە، لە كەرتی خوێندنی باڵا كار بە سیستمی یەكپۆشی خوێندكاران بكرێت، بەڵام كەرەنتینە و خوێندنی ئۆنلاین و كەمبوونەوەی مووچە ئەو بڕیارەی ڕاگرت.