هاتووچۆ هۆشداری بە شۆفێران دەدات
خەڵك- بەڕێوبەرایەتی هاتووچۆی پارێزگای هەڵەبجە هۆشداری…
زیاترتاگ: هاتووچۆی هەڵەبجە
هەڵەبجە؛ ٣٥٠ ماتۆڕسكیلی بێ سەرەتا پانكرایەوە
بەڕێوەبەرایەتی هاتووچۆی پارێزگای هەڵەبجە، دوای ڕەزامەندی…
زیاترسەردێر
-
خەڵك لەسەربڕیاڕی قائمقامیەتی ناوەندی هەولێر بەدواداچوونەوە و داخستنی پالاوگە نایاسایی و بەدەرلەڕێنماییەكانی ژینگە بەردەوامە، لەبەر نەبوونی ڕێنماییەكانی و پیسكردنی ژینگە سێ پالاوگەی نایاسایی لەسەر رێگای ھەولێر- گوێڕ داخران. قائمقامیەتی ناوەندی هەولێر لە ڕاگەیەنراوێكدا بڵاویكردەوە، ئەمڕۆ سێشەممە رێكەوتی 2021.8.3 لەدرێژەی هەڵمەتی بەدواداچوونەوەی پاڵاوگە نایاساییەكان، بەھەماھەنگی لەگەڵ فەرمانگەی ژینگەی ھەولێر، لەبەرنەبوونی ڕێنماییەكانی و پیسكردنی ژینگەو بڵاوبوونەوەی ئەو جۆرە بۆنە ناخۆشەی دانیشتوانی شاری هەولێری هەراسان كردبوو(3)پالاوگەی نایاسایی لەسەر رێگای ھەولێر - گوێڕ داخران. لە ڕاگەیەنراوەكەدا هاتووە، كە ئەم ھەڵمەتە بەردوام دەبێت، ھەر پاڵاوگەیەك بەدەر لەرێنماییەكان كار بكات دادەخرێت و رێكاری یاسایی لەبەرامبەردا دەگیرێتەبەر .
-
ئەمەی خوارەوە چەند نیشانەیەکە کە دەیسەلمێنیت پێویستت بەوەیە دکتۆری منداڵەکەت بگۆڕیت و پێویستە ئاگادار بیت: -بۆ هەموو شتێک دەرمان بۆ منداڵەکەت دەنوسێت کە ئەمەش هەڵەیە و شارەزایان ئاماژە بۆ ئەوە دەدەن کە منداڵ تا ٢ ساڵ نابیت بۆ دۆخی زۆر پێویست نەبێت دەرمانی پێبدرێت، -پێویستە دکتۆری منداڵ مامەڵەی لەگەڵ منداڵدا زۆر نەرم و نیان بێت و گەر وانەبوو ئەوا هێمایە بۆ ئەوەی بەکەڵکی ئەو کارە نایەت. -نابێت بەبێ پشکنین و بە هەڕەمەکی بڕیار لەسەر دۆخی خواردنی منداڵەکە بدات و جۆرە خواردنێکی دیاریکراوی لێ قەدەغە بکات. -پێویستە بەتەواوەتی نەخۆشخانەکەی پاک و خاوێن بێت و بۆ منداڵ گونجاو بێت و بە دەستکێشەوە چارەسەر بکات. -نابێت دەرمانی بەهێزکردنی سستمی بەرگری بۆ منداڵ بنوسێت چونکە ئەمە بۆ نەخۆشی زۆر مەترسیدار (وەک شێرپەنجە) بەکاردێت و گەر دکتۆرێک دەرمانی لەم جۆرەی دا بە منداڵەکەت، بیگۆڕە!
-
ئەمەی خوارەوە چەند کێشەیەکی تەندرووستییە کە زۆرجار دکۆرەکان بە باشی دەستنیشانی ناکەن و ئێمەش بە ناچاری بۆماوەی زۆر پێوەی دەناڵینین، لێرەوە دیارترین ئەو شتانە بزانە: سەرئێشە و سەرگێژخواردنی زۆر گەر سەرئێشەی بەردەوام و سەر گێژخواردنت هەبوو، وە بۆماوەی زۆر کە زیاتر لە ٢ هەفتە بەردەوام بوو، ئەوا نەخۆشی vegetovascular dystonia ت هەیە، کە بەهۆی هەوکردن و بونی گرێ لەسەردا دروستدەبێت جگە لە پەستانی زۆر. کەمی ڤیتامین ئەمەش یەکیکی دیکەیە لەو کێشانەی بە کەمی دکتۆرەکان دیاری دەکەن، لەکاتێکدا دەبێتە هۆی ماندویەتی و زەرد هەڵگەڕان و کەمخوێنی و پێویستە پشکنینی ڤیتامینەکان بکەیت. خەوزڕان گەر بۆ ماوەی ٣ مانگ نەتوانی بە باشی بخەویت ئەوە توشی نەخۆس خەوزڕان insomnia بویت و پێویستت بە چارەسەرە، کێشەی هۆڕمۆن و پەستانی دەروونی و قەلەقی و بونی کێشە لە دڵدا هۆکارە بۆ ئەوە. عەرەقکردنەوەی زۆر عەرەقکردنەوەی زۆر بەبێ هۆکار، ئەمەش یەکێکە لەو کێشانی کە زۆرجار پزیشکەکان دیاری ناکەن، لەکاتێکدا تۆ توشی نەخۆشیەک بویت کە پێی دەوترێت hyperhidrosis، دووگیان و پەتا و نەخۆشی دڵ و نەخۆشیە دەروونیەکان و کاریگەری خراپی دەرمان هۆکارە بۆ ئەم نەخۆشییە.
-
ئەمەی خوارەوە کۆمەڵێک وێنەی جیاوازە، تەماشایان بکە و بزانە یەکەمجار چی دەبینیت؟ ئەوە نهێنی جیاواز لەسەر ژیانت ئاشکرا دەکات. بۆ وەڵامەکانیش کلیک لە وێنەکان بکە: پشیلە یان مشک؟ وەڵام: ژن یان ڕوخسار؟ وەڵام: ڕوخساری ڕەش یان سپی؟ وەڵام: سەری سەگ یان پشیلە؟ وەڵام: سەگ یان ٢ پشیلە وەڵام:
-
ئەمەی خوارەوە چەند هەڵەیەکی ستایلە لە هاویناندا کە خانمان دەبێت خۆیانی لێبپارێزن: – ئەو جلوبەرگانە لەبەر مەکە کە شەفافە و جەستەت دەردەخات – هیچکاتێک ئەو جلانە لەبەر مەکە کە بەشێک یان تاڵەکانی جلی ژێرەوەت دەردەخات – لە پێکردنی نەعل تەنانەت لە هاوینانیش شتێکی جوان نییە، دەتوانی بۆ کەنار دەریا یان کاتی سەیران لەپێی بکەیت – جلی تەسک لەبەر مەکە لە هاویناندا چونکە زیاتر عەرەق دەکەیتەوە – گەر کەش و هەوا زۆر گەرمیش بێت ستایلی خۆت لەدەستمەدە و جلوبەرگی ناشرین لەبەر مەکە – بەکارهێنانی ماکیاژی زۆر لە هاویناندا هەڵەیە، چونکە جوانیە سروشتیەکەت لادەبات و زیان بە پێستیشت دەگەیەنێت
-
خەڵك سەنتەری فریاكەوتنی چەمچەماڵ ڕایدەگەیەنێت ، لەمانگی ڕابردوودا زیاتر لە 11هەزار نەخۆش دوای بینین و پشكنین لەلایەن و پزیشك و كارمەندانەوە چارەسەرییان وەرگرتوە. هەڵكەوت حەمە نەجم، بەڕێوەبەری سەنتەری فریاكەوتنی چەمچەماڵ ڕایگەیاند، لە مانگی 7ی ڕابردوودا 11هەزار و 510 نەخۆش و بریندار دوای بینین و پشكنین لەلایەن و پزیشك و كارمەندانەوە چارەسەرییان وەرگرتووە. دەقی ئامارەكەی سەنتەری فریاكەوتنی چەمچەماڵ: ــ 98 بریندار بە ڕوداوەكانی هاتووچۆی لە سەنتەرەكە چارەسەری بەپەلەیان بۆكراوە. ــ 46 كەس بەهۆی پێوەدانی مارودووپشك چارەسەر كراون. ــ 36 حاڵەتی سوتاوی تۆماركراوە ــ 9 كەس سەگ گەستونی چارەسەیان وەرگرتوە ــ 19 كەس گیانیان لەدەستداوە ــ 248 نەشتەرگەری بچوك ئەنجامدراوە ــ 720 حاڵەتی شكاوی و بەربوونەوە و دورینەوە و حاڵەتی فریاكەوتن چارەسەركراون. ــ 725 هێلكاری دڵ بۆ نەخۆشەكان كراوە ــ 1030 حاڵەتی كۆڵكەیس هەبوە ــ 1812 نەخۆش داخلكراوە دوای چاودێری كردن و چاكبوونەوە وەرگرتنی چارەسەر گەڕاونەتەوە ماڵەوە. ــ 6148 نەخۆش لە بەشی پێشوازی فریاكەوتنی سالار فەقێ محمد چارەسەرییان وەرگرتوە.
-
خەڵك پزیشكێكی پسپۆڕی نەخۆشیەكانی منداڵان و گەشەی منداڵان ڕایدەگەیەنێت ، چەند ڕێگایەك هەیە بۆ ئەوەی منداڵەكانمان بپارێزین لە توشبوون بە سكچوون و ڕشانەوە. د.پشدەر عەبدووڵا ئیسماعیل، پزیشكی پسپۆڕی نەخۆشیەكانی منداڵان و گەشەی منداڵان بڵاویكردەوە، بە هەشت هەنگاو منداڵەكانمان دەپارێزین لە توشبوون بە سكچوون و ڕشانەوە، یەكێك لەو ڕێگایانە ئەوەیە، كە پێویستە ئاو بكوڵێنرێت و پاش سار بوونەوە بەكار بهێنرێت . ڕاشیگەیاندووە، بۆ ئەوەی منداڵەكانمان توشی سكچوون نەبن، دەبێت خواردنەكانیان لەنێو بەفرگر هەڵبگریرێت و هەروەها سەوزە ومیوە پێش خواردن جوان بشۆرێتەوە.
-
خەڵك بەڕێوەبەرایەتی هاتووچۆی دهۆك ڕایدەگەیەنێت، لەڕووداوێكی هاتووچۆدا لەسەر ڕێگای سیمێڵ ئۆتۆمبێلێك وەرگەڕا و بەهۆیەوە چوار هاووڵاتی برینداربوون. ئازاد تەها ، وتەبێژی بەڕێوەبەرایەتی هاتووچۆی دهۆك لە ڕاگەیەنراوێكدا بڵاویكردەوە، كە ئەمڕۆ سێ شەممە 3ی 8ی 2021 لە كاتژمێر 12:30 لە سەر ڕێگای سیمێڵ بۆ سێجێ ئۆتۆمبێلێكی جۆری كیا وەرگەڕا . ئاماژە بۆ ئەوەشكراوە، كە بەهۆی ڕووداوەكەوە چوار هاووڵاتی بریندار بووە و بۆ وەرگرتنی چارەسەر ڕەوانەی نەخۆشخانە كرا .
-
خەڵك بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، سبەی بەیانی پلەكانی گەرما پلەیەك بەرزتر دەبنەوە بە بەراود لە گەڵ ئەمڕۆدا . بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا بڵاویكردەوە، كە لەماوەی 12 كاتژمێری ڕابردوودا (0.8) ملم باران لە پێنجوێن و (0.4)ملم لەباتوفە باریووە. ئاماژە بۆ ئەوەشكراوە، كە پێشبینی دەكرێ ئەم شەو ئاسمانی هەرێم ساماڵ و پەڵەهەور بێت و خێرایی با(5-15)كم/ك بێت هەروەها سبەی بەیانی پلەكانی گەرما پلەیەك بەرزتر دەبنەوە بە بەراود لە گەڵ ئەمڕۆدا.
-
خەڵك- ئامارێكی نوێی تووشبوون بە ڤایرۆسی كۆرۆنا بڵاودەكرێتەوە، و بەپێی ئامارەكەش ژمارەی تووشبوون بە ڤایرۆسی كۆرۆنا لە جیهاندا 198 ملیۆن و 900 هەزار كەس تێدەپەڕێنێت. بەپێی دوایین ئاماری تایبەت بە پەتا جیهانییەكە كە ئەمڕۆ سێ شەممە لەلایەن زانكۆی "جۆنز هۆبكنز"ی ئەمریكاییەوە بڵاوكرایەوە، ژمارەی تووشبوانی كۆرۆنا بۆ 198 ملیۆن و 933 هەزار كەس بەرزبۆوە. هەر لەو چوارچێوەیەدا ژمارەی حاڵەتەكانی گیان لەدەستدا گەیشتنە 4 ملیۆن و 236 هەزار كەس. لەو دەمەی بۆ یەكەمجار لە مانگی كانوونی یەكەمی 2019وە پەتاكە لە وڵاتی چینەوە دەركەوت، تووشبوون بە ڤایرۆسی كۆرۆنا لە زیاتر لە 210 وڵات و ناوچەی جیاجیای جیهاندا بڵاوبۆتەوە. ویلایەتە یەكگرتووەكان لە ڕیزبەندی یەكەمی جیهانە لەڕووی ژمارەی تووشبوون بە كۆرۆنا، پاشان هندستان و بەرازیل و فەرەنسا و ڕوسیا و بەریتانیا لە ڕیزبەندی تۆماركردنی زۆرترین ژمارەی تووشبوون بە پەتاكە، ناوییان تۆماركراوە.