“گەشتی عومرە 80% دابەزیوە”
خەڵك وتەبێژی وەزارەتی ئەوقاف و كاروباری ئایینی حكومەتی…
زیاترسەردێر
-
خەڵك نوێنەری فەرمانبەرانی گرێبەست لە هەرێمی كوردستان لە ڕاگەیەنراوێكدا ڕایدەگەیەنێت:"ئێمە وەك فەرمانبەرانی گرێبەست لە زۆربەی دام و دەزگاكانی حكومەتی هەرێم بە شاهیدی ئەو دەزگایانەی كاری لێدەكەین ئەركێكی قورس بە موچەیەكی زۆر كەم بەجێ دەهێنین و لە ساڵانی ڕابردووەوە تا ئێستا فشاری زۆری دارایی و دەرونیمان لەسەر دروستبووە بەهۆی ئەو جیاكاریە زۆرەی لە مووچە و ئیمتیازات لەنێوان ئێمە و فەرمانبەرانی هەمیشەیی دەكرێت". ئاماژە بەوەشدەدات:"ئەوەی گوێبیستی بووین لە بەرپرسانی حكومی بەتایبەت لە چاوپێكەوتنی ئەمشەوی بەڕێوەبەری گشتی بودجە لە وەزارەتی دارایی لە كەناڵێكی ڕاگەیاندنەوە ئەوەیە كە فەرمانبەرانی گرێبەست قۆناغ بە قۆناغ دەخرێنە جێگەی میلاكاتی بەتاڵ واتە دەخرێنە شوێنی ئەو كەسانەی لە ساڵی 2014 وە خانەنشین بوون یان كۆچی دواییان كردووە یان بە هەر هۆیەك لە كەرتی حكومی نەماون، ئەمەش ستەمێكی زۆر گەورەیە لە فەرمانبەرانی گرێبەست دەكرێت بەهۆی ئەوەی ژمارەیەكی كەم لە گرێبەستەكان لەو ڕێگەیەوە دەكرێنە هەمیشەیی و ڕێگەش خۆش دەبێت بۆ بەش بەشێنەی حزبی خاوەنی مافی ڕاستەقینە لە مافەكەی بێبەش دەبێت". دەقی ڕاگەیەنراوەكە: ڕاگەیەندراوێكی بەپەلە لە فەرمانبەرانی گرێبەستەوە ئێمە وەك فەرمانبەرانی گرێبەست لە زۆربەی دام و دەزگاكانی حكومەتی هەرێم بە شاهیدی ئەو دەزگایانەی كاری لێدەكەین ئەركێكی قورس بە موچەیەكی زۆر كەم بەجێ دەهێنین و لە ساڵانی ڕابردووەوە تا ئێستا فشاری زۆری دارایی و دەرونیمان لەسەر دروستبووە بەهۆی ئەو جیاكاریە زۆرەی لە مووچە و ئیمتیازات لەنێوان ئێمە و فەرمانبەرانی هەمیشەیی دەكرێت. بەڕێزان زۆرینەی فەرمانبەرانی گرێبەست نەك تەنیا ماوەی یاسایی خۆمان تەواوكردووە بەڵكو ساڵانی خزمەتمان لە نێوان (4 - 15) ساڵدایە و تا ئێستا نەكراوینەتە هەمیشەیی. سەرەڕای چاوەڕوانییەكی زۆر لەگەڵ جێگیركردنی پشكی هەرێمی كوردستان لە بودجەی گشتی عێراق ئومێدمان وابوو حكومەتی هەرێم هەنگاوی جدی بنێت بۆ بەهەمیشەیی بوونمان و هەروەك چاوەڕێ بووین لە پڕۆژە یاسای بودجەی گشتی 2021ی هەرێمی كوردستان هاوشێوەی بودجەی گشتی عێراق و بەر لە ڕەوانەكردنی بۆ پەرلەمان بە هەمیشەیی بوونی فەرمانبەرانی گرێبەست لە بڕگەیەكدا بچەسپێت ئەو داوایەشمان لەو ڕوانگەیەوەیە كە لەكاتی بە هەمیشەییبوونمان مووچەی زۆرینەمان كەم دەكات و بە هەمیشەیی بوونی سەرجەم فەرمانبەرانی گرێبەست بڕی دوو ملیار دینار خەرجی مووچە بۆ حكومەت دەگێڕێتەوە ئەوەش بە نوسراوی بەڕێوەبەرایەتی گشتی بودجە سەلمێنراوە. بەڵام ئەوەی گوێبیستی بووین لە بەرپرسانی حكومی بەتایبەت لە چاوپێكەوتنی ئەمشەوی بەڕێوەبەری گشتی بودجە لە وەزارەتی دارایی لە كەناڵێكی ڕاگەیاندنەوە ئەوەیە كە فەرمانبەرانی گرێبەست قۆناغ بە قۆناغ دەخرێنە جێگەی میلاكاتی بەتاڵ واتە دەخرێنە شوێنی ئەو كەسانەی لە ساڵی 2014 وە خانەنشین بوون یان كۆچی دواییان كردووە یان بە هەر هۆیەك لە كەرتی حكومی نەماون، ئەمەش ستەمێكی زۆر گەورەیە لە فەرمانبەرانی گرێبەست دەكرێت بەهۆی ئەوەی ژمارەیەكی كەم لە گرێبەستەكان لەو ڕێگەیەوە دەكرێنە هەمیشەیی و ڕێگەش خۆش دەبێت بۆ بەش بەشێنەی حزبی خاوەنی مافی ڕاستەقینە لە مافەكەی بێبەش دەبێت. ئێمە لێرەوە جارێكی تر ڕووی قسەمان ئاڕاستەی سەرۆكایەتی ئەنجومەنی وەزیران دەكەین كە وەك چۆن مامۆستایانی گرێبەست لەساڵی ڕابردوو كرانە هەمیشەیی سەرەڕایی بارگرانی دارایی بۆ حكومەت لەو دۆخە سەختەدا، گرێ كوێرەی پرسی بە هەمیشەیی بوونی ئێمەش لە كۆبوونەوەی ئەم هەفتەیەی ئەنجومەنی وەزیران بكەنەوە و چیدیكە ئەم چینە ستەم لێكراوە لە چاوەڕوانیدا نەهێڵنەوە، بە پێچەوانەشەوە لە ئەگەری پشتگوێ خستنمان سەرجەم لایەنە بەشدارەكان لە حكومەت بە بەرپرسیار دەزانین لەم پرسە. لەگەڵ ڕێزدا نوێنەری فەرمانبەرانی گرێبەست لە هەرێمی كوردستان
-
خەڵك سەرۆكی هەرێمی كوردستان لەگەڵ شاندێكی ئەمریكایی كۆبووەوە و هەردوولا جەختیان لە هەماهەنگیی نێوان هێزەكانی پێشمەرگە و عیراق كردەوە. سەرۆكایەتی هەرێمی كوردستان لە ڕاگەیەنراوێكدا بڵاویكردەوە:" ئێوارەی ڕۆژی یەكشەممە 16-05-2021 نێچیرڤان بارزانی، سەرۆكی هەرێمی كوردستان پێشوازیی لە شاندێكی ئەمریكایی كرد كە لە هەریەكە لە جۆی هوود، یاریدەدەری وەزیری دەرەوە بۆ ڕۆژهەڵاتی نزیك بە وەكالەت؛ ئەیمی كەترۆنا، یاریدەدەری نێردەی تایبەتی ئەمریكا بۆ سوریا بە وەكالەت؛ زەهرە بیڵ، بەڕێوەبەری كاروباری عیراق و سوریا لە ئەنجومەنی ئاسایشی نەتەوەیی و سكۆت سیمۆنس لە فەرماندەیی ناوەندیی ئەمریكی پێكهاتبوو". ئاماژەبەوەشدراوە:"لە كۆبوونەوەكەدا كە ڕۆبێرت واڵەر، كۆنسوڵی گشتیی ئەمریكا لە هەولێر ئامادەی بوو، پەیوەندییەكانی عیراق و هەرێمی كوردستان لەگەڵ ئەمریكا، دۆخی عیراق و هەرێمی كوردستان بەگشتی، پەیوەندییەكانی هەولێر – بەغدا، هەڵبژاردنەكانی داهاتووی عیراق، جموجۆڵ و مەترسییەكانی داعش، ئەركی هاوپەیمانیی نێودەوڵەتی لە عیراق و چەند پرسێكی هاوبەشیان تاووتوێ كرد". لە ڕاگەیەنراوەكەدا ئەوەشخراوەتەڕوو:"هەردوولا هاوڕا بوون كە داعش مەترسییەكی ڕاستەقینەیە و هەڕەشە لە ئارامی و سەقامگیریی عیراق و ناوچەكە دەكات و بۆ بەرەنگاربوونەوە و نەهێشتنی یەكجارەكییان، عیراق و هەرێمی كوردستان پێویستییان بە پشتگیری و بەردەوامیی ئەركی هاوپەیمانیی نێودەوڵەتی هەیە، هەروەها هاوكاری و هەماهەنگیی نێوان پێشمەرگە و هێزەكانی عیراقیان بە پێویست زانی". سەرۆكایەتی هەرێم لە ڕاگەیەنراوەكەدا ڕوونیشی كردووەتەوە:"دۆخی سوریا و پێشبینییەكان بۆ داهاتووی ئەو وڵاتە، تەوەرێكی تری كۆبوونەوەی سەرۆكی هەرێمی كوردستان و شاندە ئەمریكاییەكە بوو. شاندەكە دووپاتیكردەوە كە ئەمریكا لە بەرەنگاربوونەوەی تیرۆر و تووندڕەوی و لە یارمەتیدان و پشتگیریی هاوپەیمانانی لە ناوچەكە بۆ بەرەنگاربوونەوەی داعش بەردەوام دەبێت، هەروەها "گفتوگۆی نێوان لایەنە كوردییەكانی سوریای بە گرنگ لە قەڵەمدا و هیوایان خواست بتوانن كێشەكانیان چارەسەر بكەن و بگەنە ڕێككەوتن".
-
پێویستە دان بەوەدا بنێین كە زۆربەی كات بۆ برسێتی نان ناخۆین تەنها لەبەر بێتاقەتی و كەئابەی ڕۆژانە خوو دەدەین بە خواردن و بێ ئەوەی بەخۆمان بزانین زۆر دەخۆین كەئەوەش دەبێتە هۆی قەڵەو بون و زیاد بونی كێش، ئێمە لە (خێزان) هاکێکی ناوازەتان پێدەلێین لە چۆنێتی نان خواردن كە بە دڵنیاییەوە كێشت دا دەبەزێنێت: – هەمیشە ئاگاداری ئەم دوو یاسایە بە لەكاتی نان خواردن دا هەمیشە هەوڵ بدە دوو جۆر خواردن لەسەر قاپەكەت بێت ئەویش گۆشت و قاپی لاوەكی كە پێویستە زەڵاتەو سەوزەوات بێت كەهەمیشە لەگەڵ ژەمی سەرەكیدا بیخۆ. – شوێنی نانخواردنت بگۆرە دەتوانیت قاپی خواردنەكەت ببەیت بۆ ژوری دانیشتن یاخود ناو باخچەكە یان سەر بەلەكۆنە ئەوە وادەكات ئارەزوت بۆ خواردن بگۆرێت و كەمتر گرنگی بە خواردنەكە بدەیت. – بەڵگەی تاوانەکەت لامەبە بەزوی سفرەی بەردەمت پاك مەكەرەوە و پاشماوەی خواردنەكان لەبەردەمت جێ بهێڵە تا هەست بكەیت زۆرت خواردوەو هەست بە كەم خواردن نەكەیت. – قاپی بچوک هەوڵ بدە ئەو قاپەی بەكاری دەهێنیت بۆ نانخواردن بچوك بێت چونكە لەكاتی نان خواردن دا ئەوەندەی لە هەوڵی ئەوە داین خواردنی ناو قاپەكە تەواو بكەین گرنگی بە تێربون نادەین. بۆیە وا باشترە قاپی خواردنەكەت بچوك بكەیت. – نانخواردن بەتەنها هەوڵبدە هەمیشە بە تەنها نان بخۆیت چونكە كاتێك لەگەڵ برادەر یان هاوڕێ دایت زیاتر حەز بە خواردن دەكەیت و دوو ئەوەندەی كاتی تەنهای نان دەخۆیت بۆیە هەمیشە هەوڵ بدە بە تەنها ژەمی سەرەكی بخۆیت. – کڕینی پێداویستی لەكاتی بازاركردندا تەنها ئەو خواردنانە بكرە كە پێویست بۆ ماوەی هەفتەیەك و زیادە رۆی مەكە لە شت كرینەكانت.
-
خەڵك ژووری ئۆپراسیۆنی پارێزگای هەولێر لە ڕاگەیەنراوێكدا چەند بڕیارێكی نوێی سەبارەت بە ڕووبەڕووبوونەوەی ڤایرۆسی كۆرۆنا دەركرد. لەڕاگەیەنراوەكەی ژووری ئۆپراسیۆنی پارێزگای هەولێردا ئاماژە بەوەدراوە،"لەبەیانییەوە ڕۆژی دووشەمە 17/5/2021، سەرجەم هۆڵەكانی بۆنە و ئاهەنگگێڕان، بەڕەچاوكردنی ڕێكارەكانی خۆپارێزی و جێبەجێكردنی ڕێنماییە تەندروستییەكان دەكرێنەوە، بۆیە داوا لە خاوەن هۆڵ و هاووڵاتییان دەكەین، لەكاتی بۆنە و ئاهەنگە خێزانییەكان ڕەچاووی ڕێكارەكانی خۆپارێزی بكەن، بەتایبەتی بەستنی (دەمامك)". هەروەها ئەوەشخراوەتەڕوو،"وەكو ژووری ئۆپراسیۆنی پارێزگای هەولێر، لەڕابردوو و لە ئێستاشدا هەر بڕیارێك و ڕێكارێك گیرابێتەبەر، لەپێناو سەلامەتی گشتیی و پاراستنی تەندروستی هاووڵاتییان بووە، لەم دۆخەی ئێستاشدا بەرپرسیاریەتی گەورە لە سەرشانی خودی هاووڵاتییان خۆیانە، لەبەر ئەوەی تاكپارێزی لەو بارودۆخەدا هۆكاری سەرەكی پاراستنی سەلامەتی و تەندروستی گشتییە لەشارەكەمان".
-
خەڵك سەرۆكی حكومەتی هەرێمی كوردستان لەگەڵ شاندێكی باڵای ئەمریكا كۆبووەوە و لەبارەی كەیسی حوكمدراوانی بادینانەوە پێی ڕاگەیاندوون، كەیسەكە "بابەتێكی یاساییە و لەو چوارچێوەیەدا هەڵسوكەوتی لەگەڵ دەكرێت". حكومەتی هەرێمی كوردستان لە ڕاگەیەنراوێكدا بڵاویكردەوە|، ئێوارەی ڕۆژی یەكشەممە 16/5/2021 مەسرور بارزانی، سەرۆكی حكومەتی هەرێمی كوردستان پێشوازیی لە شاندێكی باڵای ئەمریكی كرد كە پێكهاتبوو لە جۆوی هوود، یاریدەدەری وەزیری دەرەوە بۆ كاروباری ڕۆژهەڵاتی نزیك بە وەكالەت؛ ئەیمی كەترۆنا نوێنەری تایبەتی ئەمریكا بۆ سووریا بە وەكالەت و زەهرا بێل، بەڕێوەبەری كاروباری سوریا و عیراق لە ئەنجومەنی ئاسایشی نیشتمانیی ئەمریكا. بەپێی ڕاگەیەنراوەكە، لە تەوەرێكی كۆبوونەوەكەیاندا هەردوولا پشتیوانیی خۆیان بۆ ئازادیی كاری ڕاگەیاندن و ئازادیی ڕادەربڕین و ڕێزگرتن لە مافەكانی مرۆڤ و كاری ڕێكخراوەكانی كۆمەڵگەی مەدەنی دەربڕی، "كە سیمایەكی گەشی هەرێمی كوردستان و هەر كۆمەڵگەیەكی دیموكراتە". لەسەر كەیسی حوكمدراوانی بادیناندا، سەرۆكی حكومەتی هەرێمی كوردستان ئاماژەی بەوە دا كە "ئەوە بابەتێكی یاساییە و لەو چوارچێوەیەدا هەڵسوكەوتی لەگەڵ دەكرێت"، هەروەها پشتیوانی و پێزانینی خۆی بۆ كاری دیپلۆمات و نێردە دیپلۆماسییەكان لە هەرێمی كوردستان دەربڕی. لە ڕاگەیەنراوەكەی حكومەتی هەرێمدا هاتووە، مەسرور بارزانی جەختی لەوە كردەوە كە "ڕەفتارە نایاساییەكانی حوكمدراوان و خراپ بەكارهێنانی پەیوەندییەكانیان، بە هیچ شێوەیەك گومان لەسەر لایەنە دیپلۆماسییەكان دروست ناكات. حكومەتی هەرێمی كوردستان، كاری دیپلۆماتكارانی ناو هەرێمی كوردستان، بەرز دەنرخێنێت و هەموو ئاسانكارییەكی پێویستیان پێشكەش دەكات". لە بەشێكی تری كۆبوونەوەكەدا گفتوگۆ دەربارەی بارودۆخی عیراق و سوریا و پەرەپێدانی پەیوەندییەكانی نێوان هەرێمی كوردستان و ویلایەتە یەكگرتووەكانی ئەمریكا كرا. بەپێی ڕاگەیەنراوی حكومەتی هەرێمی كوردستان، شاندی باڵای ئەمریكا جەختی لە بەردەوامبوونی هاوكاریكردنی پێشمەرگە بۆ ڕووبەڕووبوونەوەی تیرۆریستانی داعش كردەوە، هەروەها ئاماژە بە گرنگیی كاراكردنی سەنتەری هەماهەنگیی هاوبەش كرا لەنێوان هێزی پێشمەرگە و سوپای عیراق. هاوكات تیشك خرایە سەر پەیوەندییەكانی نێوان هەرێمی كوردستان و حكومەتی فیدراڵی و گرنگیی پابەندبوون بە یاسای بودجەی فیدراڵی و ناردنی شایستە داراییەكانی هەرێمی كوردستان. هەر لە كۆبوونەوەكەدا، گفتوگۆ دەربارەی گۆڕانكارییەكانی دۆخی سوریا كرا و هەردوولا جەختیان لە گرنگیی بەردەوامبوونی گفتوگۆی نێوان لایەنە كوردییەكانی سوریا كردەوە لەپێناو برەودان بە ئازادیی كاری سیاسی و فرەلایەنی و هاوبەشیكردن لە دەسەڵاتدا.
-
خەڵك وەزارەتی ناوخۆی هەرێم بڕیاری نوێی لەبارەی ڕێنماییەكانی ڕووبەڕووبوونەوەی ڤایرۆسی كۆرۆنا و ڕێكارەكانی خۆپارێزی دەركرد. وەزارەتی ناوخۆی هەرێم لە ڕاگەیەنراوێكدا، ڕێنمایی نوێی بڵاوكردووەتەوە و تێیدا هاتووە هاتووچۆ لە نێوان پارێزگاكانی هەرێم و پارێزگاكانی عیراق بە ڕەچاوكردنی ڕێنماییەكانی وەزارەتی تەندروستی ئاسایی دەكرێتەوە. ئەوەشی خستووەتەڕوو، ئەم بەیانە لە ڕۆژی دەرچوونییەوە جێبەجێ دەكرێت و لە ڕۆژنامەی وەقایعی كوردستان بڵاودەكرێتەوە.
-
خەڵك- بەپێی پێشبینییە كەشناسییەكان، بای باشوری ڕۆژئاوا ڕوو لە هەرێم دەكات و بەهۆیەوە تۆز و خۆڵ بەرزدەبێتەوە و پلەكانی گەرماش زیاتر بەرزدەبنەوە. ئاراس جەبار، شارەزای كەشناسی بۆ (خەڵك) ئاماژەی بەوەكرد، سبەینێ دوو شەممە ١٧-٥-٢٠٢١ ئاسمانی ھەرێم بە زۆری ساماڵ و پەڵە ھەور ئەبێت و پلەكانی گەرما بە تێكڕای ٢ بۆ ٣ پلەی سیلیزی بەرزبوونەوەی زیاتر بەخۆیەوە ئەبینێت بە جۆرێك لە سەنتەری پارێزگاكان پێشبینی دەكرێت لەنێوان ٣٧ بۆ ٤٠ پلە بێت و لەناوچەكانی گەرمیان و باشوری ھەرێم تا زیاتر لە ٤٢ پلە دەڕوات . ڕاشیگەیاند، كاتەكانی دوای نیوەڕۆ چالاكی ئاڕاستە بای باشور و باشوری ڕۆژئاوا لەسەر ناوچەكانمان چالاك ئەبێت بەخێرایی ٢٠ ھەندێك كات تا خێرایی ٤٥ كیلۆمەتر لە كاتژمێرێكدا بەتایبەت لەناوچەكانی سلێمانی، گەرمیان، كەركوك، ھەڵەبجە كاریگەری زیاتر ئەبێت. ئاشكراشی كرد، بەهۆی زیادبوونی خێرایی باوە تۆز و خۆڵێكی كەم و ناڕوون ئاسمانی ناوچەكە دەگرێتەوە، كە لەماوەی رابردوودا لە ئەنجامی كاریگەری چالاكی بای باكور لەسەر ناوچەكە بەڕادەیەكی بەچاو ئاسمانی ناوچەكان ساف و ڕوون بووە .
-
خەڵك- بەڕێوەبەرایەتی پەروەردەی ڕانیە ئاشكرای دەكات، كە بڕێك پارە وەك پاداشتی چاودێری هۆڵی تاقیكردنەوەكان بەسەر مامۆستایاندا دابەش دەكرێت. بەڕێوەبەرایەتی پەروەردەی ڕانیە لە ڕاگەیەنراوێكدا ئاماژەی بەوەكردووە، سەرپەرشتیاران و بەڕێوەبەرانی بەشداربوو لە چاودێری هۆڵەكانی تاقیكردنەوەی وزاری قۆناغی ئامادەیی ۲۰۱۹ - ۲۰۲۰ خولی دووەم، سبەی كاتژمێر ۱٠ی سەرلەبەیانی سەردانی هۆبەی ژمێریاری خەرجی بكەن . ڕاشیگەیاندووە، پاداشتی چاودێری هۆڵی تاقیكردنەوەكان دابەش دەكرێت. جەختیشی كردۆتەوە، مەرجە بەڕێوەبەری هۆڵەكان سەردان بكەن، چونكە پارەكە نادرێت بەهیچ كەسی تر.
-
خەڵك- وتەبێژی وەزارەتی تەندروستی حكومەتی هەرێمی كوردستان ڕەتی دەكاتەوە ئەمساڵی خوێندن هەڵوەشێنرێتەوە و دەشڵێت: "لە هەر خوێندنگەیەك تووشبووی كۆرۆنا هەبێت، ئەوا دادەخرێت". ئاسۆ حەوێزی، وتەبێژی وەزارەتی تەندروستی هەرێم بۆ ئاژانسی (المعلومە)ی عێراقی ڕایگەیاندووە، شانەیەكی هاوبەش لەنێوان وەزارەتەكانی پەروەردە و خوێندنی باڵا و تەندروستی و حكومەتە خۆجێییەكانی هەرێم پێكهێنراوە بۆ بەدواداچوونی چۆنیەتی بەڕێوەچووونی پڕۆسەی خوێندن. ڕاشیگەیاندووە، لە هەر خوێندنگەیەك تووشبوون بە ڤایرۆسی كۆرۆنا دەربكەوێت ئەوا بەپەلە ئەو خوێندنگەیە دادەخرێت. ئاماژەی بەوەشكردووە، بەهیچ شێوەیەك ناكرێت ساڵی خوێندنی ئەمساڵ هەڵبوەشێنرێتەوە، چونكە ئەو كارە زیان بە خوێندكاران دەگەیەنێت بەتایبەتی بە نەوەی نوێ و پڕۆسەی پەروەردە و فێركردن. جەختیشی كردۆتەوە، دەستكراوەتەوە بە دەوامی ناو پۆل لە خوێندنگەكان و پابەندبوون بە ڕێكاری توندی تەندروستی، بۆیە پێویستە لەسەر كاربەدەستان هاوكارمان بن بۆ تەواو كردنی ئەو پڕۆسەیە. بە بڕیاری وەزارەتی پەروەردەی هەرێم و لیژنەی باڵای ڕووبەڕووبوونەوەی كۆرۆنا لە هەرێم، لە ئەمڕۆوە یەك شەممە 16ی ئایار پڕۆسەی خوێندن لە ناو پۆلەكان بۆ سەرجەم قۆناغەكانی خوێندن بە شێوەی تەناوب و 3 ڕۆژ لە هەفتەیەكدا دەستی پێكردەوە.
-
خەڵك پارێزگاری جولەمێرگی توركیا جارێكی دیكە قەدەغەی ئەنجامدانی چالاكییەكانی لە پارێزگاكە بۆ ماوەی 15 ڕۆژی دیكە درێژكردەوە. لەساڵی ٢٠١٦-ەوە چالاكییەكان لە جولەمێرگ قەدەغەكراون و قەدەغەكە سبەی كۆتایی دێت، بەڵام ئەمڕۆ بەبڕیاری پارێزگاری جولەمێرگ تا ١٥ ڕۆژی دیكە قەدەغە درێژكرایەوە و ماوەی ١٨١٤ ڕۆژیشە قەدەغە لەو پارێزگایەدا بەردەوامە. بە گوێرەی بڕیارەكە قەدەغەی چالاكییەكان لە جولەمێرگ تاوەكو ٣١ ئایار درێژكراوەتەوە.