بوومەلەرزە و تسۆنامی روویان دا
خەڵك- لە نیوزلەندا شەپۆلی بچووكی تسۆنامی بەرز بوونەوە لە…
زیاترسەردێر
-
خەڵك قائیمقامیەتی سۆران لەبارەی دۆزینەوەی سكەی كانزایی لە گوندی سرێشمەی سەر بە شارەدێی خەلیفان ڕوونكردنەوە دەدات و ڕایدەگەیەنێت تێكڕای ئەو پارچە سكانە لەژێر دەستی لیژنە دایە، ٤٦٨پارچە سكەی دۆزراوەن و ڕادەستی بەڕێوەبەرایەتی شوێنەواری سۆران دەكرێت. دەقی ڕوونكردنەوەكە... ڕوونكردنەوەیەك لە قائمقامیەتی قەزای سۆرانەوە راستی و دروستی رووداوی دۆزینەوەی (سككەی كانزایی) لە گوندی سرێشمەی سەربە ناحیەی خەلیفان لەچەند رۆژی ڕابردوو ، كە بووە ھۆی بڵاوبوونەوەی چەندین زانیاری نا دروست لە ھەواڵ و سوشیال میدیا.. بۆ ئەم مەبەستە بۆ ڕای گشتی ئەو ڕوونكردنەوەیە بڵاودەكەینەوە .. رێكەوتی ٠٤/٠٦/٢٠٢١ لەلایەن ھاوڵاتییەك لە گوندی سرێشمە بەناوی (ر) لەكاتی كاركردنی لە پارچە زەویەك گۆزەیەك دەردەكەوێت و بەھۆی ئامێری (حەفارە) گۆزە دەشكێت، ھەر لەلایەن ھەمان ھاولاتییەوە پارچە سككە كانزاییەكان كۆ دەكرێنەوە، دوای سێ ڕۆژ پارچە سكەكان كە (٢٠٤) پارچە بوون ڕادەستی ئەنجومەنی ئاسایش دەكات .. لەسەر فەرمانی بەڕێز وەزیری ناوخۆو ئەنجومەنی ئاسایش، بۆ بەدواداچوون لەم كەیسە لەلایەن قائمقامیەتی قەزای سۆران لیژنەیەكی لێكۆلینەوە كە پێكھاتبوون لە ھەریەك لە نوێنەرانی (قائمقامیەتی سۆران، ب. ئاسایشی سۆران، ب. پۆلیسی سۆران، ب. شوێنەواری سۆران) لەژێر چاودێری قائمقامی سۆران دروست بوو ، دوای سەردانی مەیدانی و لێكۆلینەوەو بەدوا داچوونێكی زۆر لەلایەن لیژنەوە، كە بەردەوام لە پەیوندی دابوون، بەھاوكاری خەڵكی گوندو ھاوولاتی ناوبراو (٢٦٤) پارچە سككەی كانزایی تریش لەھەمان شوێن دۆزرانەوە، تێكڕای ئەو پارچە سككانە لەژێر دەستی لیژنە دایە (٤٦٨) پارچە سككەی دۆزراوەن و ڕادەستی بەڕێوەبەرایەتی شوێنەواری سۆران دەكرێت. ھەروەھا بەڕێوەبەرایەتی شوێنەواری سۆران لە ڕێگای كەسانی پسپۆرو شارەزا بەردەوام دەبێت بۆ لێكۆڵینەوەی شوێنی دۆزینەوەی ئاسەواری ناوچەكەو مێژووی ئەو پارچە سككانە.. وێڕای دەست خۆشی بۆ لیژنەو ھاوڵاتی خاوەن زەوی و دانیشتوانی گوندی سرێشمە كە ھاوكاری لیژنەبوون بۆ پاراستنی ئەو پارچە ئاسەوارانەو پاراستنی شوێنەكە. بۆ ڕای گشتیش رایدەگەیەنین تێكڕای ئەو پارچە سككانەی دۆزراونەتەوە ڕادەستی لیژنە كراوە (٤٦٨) پارچەن و بەپێی زانستە سەرەتاییەكان دراوی كۆنن، ھەروەھا ئەو پارچە ڤیدیۆو وێنانەی لە سۆشیال میدیا بڵاوبوونەتەوە، دوورو نزیك پەیوەندی بەو ڕووداوەوە نیەو شێوەو پێكھاتەشیان جیاوازە . لە داھاتووشدا زانیاری زیاتر لەسەر مێژووی ئاسەوارو پارچە دۆزراوەكان بە فەرمی لەلایەن بەڕێوەبەرایەتی شوێنەواری سۆران بڵاودەكرێنەوە . لەگەڵ ڕێزماندا ... قائمقامیەتی قەزای سۆران ١٣/٠٦/٢٠٢١
-
خەڵك بەڕێوەبەرێتی هاتووچۆی دەربەندیخان ڕایدەگەیەنێت، لە سەر ڕێگای ( دەربەندیخان - كەلار ) ڕووداوێكی هاتووچۆ ڕوویدا و بە هۆیەوە كەسێك بەسەختی برینداربوو. بەڕێوەبەرێتی هاتووچۆی دەربەندیخان لە لاپەڕەی فەرمی خۆی لە تۆڕی كۆمەڵایەتی فەیسبوك بڵاویكردەوە، كاتژمێر 10ی ئەمشەو ئۆتۆمبێلێكی بارهەڵگر لە جۆری (مان / ترێلە) و ئۆتۆمبێلی تایبەت لە جۆری (بی ئێم دەبلیو) بەیەكیان دادا. بەڕێوەبەرێتی هاتووچۆی دەربەندیخان ئەوەشی خستووەتەڕوو، بەداخەوە شۆفێری ئۆتۆمبێلی بی ئێم دەبلیو بە سەختی بریندار بوو لەلایەن تیمەكانی تەندروستییەوە ڕەوانەی نەخۆشخانەی باوەنور كرا.
-
خەڵك سەنتەری خۆراك و دەرمانی ئەمریكا كۆمپانیای ڤاكسینی جۆنسن ئاند جۆنسنی ناچاركرد ملیۆنان دۆزی ڤاكسینی كۆمپانیاكەیان لەناوبەرن و بڵاوبوونەوە و پێدانی ڤاكسینەكەیان بە تەواوی لە ئاستی ئەمریكا و جیهاندا ڕاگرت. سەنتەری خۆراك و دەرمانی ئەمریكا هۆكاری لەناوبردنی ڤاكسینەكەیشیان بۆ خراپی كوالێتی و ناتەندروستی لە بەرهەمهێناندا گەڕاندەوە. هاوكات، میدیاكانی ئەمریكا بڵاویانكردەوە، لەكاتی بەرهەمهێنانی ڤاكسینەكەدا، میكرۆب و ماددەی پیس دزەیان كردووەتە ناو پیشەسازی بەرهەمهێنانی ڤاكسینەكەوە. لەوبارەیەوە، ڕۆژنامەی نیویۆرك تایمز لە زاری لێپرسراوانی تەندروستییەوە بڵاویكردووەتەوە: كۆمپانیای جۆنسن ناچاركراوە 60 ملیۆن دۆز ڤاكسینی بەرهەمهێنراوی خۆی لەناوببات.
-
ئەمەی خوارەوە کۆمەڵێک دیمەنە کە ڕێکخراویەکی ناوازەی تێدا بەدی دەکرێت: ئەمە چۆن ئاوا ڕێکیان کردووە! وەستای ڕێک و پێک ناوازەیە کارێکی ڕێکخراو هەم ورد هەم ڕێک ڕێکخراوی سرووشت پاکی و ڕێکخراوی چەند کاتت دەوێت بۆ ڕێکخستنی ئەمە؟ سادە و ڕێکخراو
-
خەڵك سەركونسوڵگەری كۆماری ئیسلامی ئێران لە سلێمانی، هاووڵاتیانی وڵاتەكەی كە دانیشتووی پارێزگاكانی سلێمانی و هەڵەبجە و ئیدارەكانی گەرمیان و ڕاپەڕین دەكاتەوە ئاگاداردەكاتەوە. مەهدی شوشتەری سەركونسوڵگەری كۆماری ئیسلامی ئێران لە سلێمانی ئاگاداری هاووڵاتیانی وڵاتەكەی كە دانیشتووی پارێزگاكانی سلێمانی و هەڵەبجە و ئیدارەكانی گەرمیان و ڕاپەڕین دەكاتەوە، سێزدەهەمین خولی هەڵبژاردنەكانی سەرۆكایەتی كۆماری ئیسلامی ئێران لە سنووری ئەم سەركونسوڵگەریەدا، ڕۆژی هەینی 18ی حوزەیرانی 2021ی زاینی هاوكات لەگەڵ دەستپێكردنی پڕۆسەكە لە ئێران بەڕێوەدەچێت. مەهدی شوشتەری ئاماژەی بەوەشدا، هەموو هاووڵاتییەكی ئێرانی كە تەمەنیان لە 18 ساڵ كەمتر نەبێت و بە خستنەڕووی بەڵگەنامە فەرمییەكان مافی بەشداری كردن لە هەڵبژاردنەكانیان دەبێت. ڕوونیشیكردەوە، سندوقی دانراو لە بینای سەركونسوڵگەری كۆماری ئیسلامی ئێران لە كاتژمێر 8ی بەیانی تا 6ی ئێوارە دەبێت و لە شاری كەلار سندوقی گەڕۆك لە خوێندنگای ئەڵوەن لە كاتژمێر 8ی بەیانی تا 11ی پێش نیوەڕۆ دادەنرێت و لە پارێزگای هەڵەبجەش سندوقی گەڕۆك لە خوێندنگەی هەڵەبجەی كچان لە كاتژمێر 2ی دوای نیوەڕۆ تا 5ی ئێوارە دادەنرێت و پێویستە دەنگدەران مەرج و ڕێنماییە تەندروستییەكان جێبەجێ بكەن.
-
خەڵك پارێزگاری نەینەوا داوا لەڕێكخراوە نێودەوڵەتییەكان دەكات لە دۆزینەوە و ئاشكراكردنی ناسنامەی ڕوفاتی قوربانیانی دەستی تیرۆریستانی داعش هاوكارییان بكەن و یارمەتییان بدەن. نەجم جبوری پارێزگاری نەینەوا لە كۆنفرانسێكی ڕۆژنامەوانیدا لەكاتی بەڕێوەچوونی هەڵدانەوەی ژمارەیەك لەگۆڕە بەكۆمەڵەكاندا لەناوچەی بادوش لە ڕۆژئاوای موسڵ ڕایگەیاند، ڕوفاتی ئەم گۆڕە بەكۆمەڵانە ئەو قوربانییانەن لەگرتووخانەی بادوش زیندانی كرابوون و تیرۆریستانی داعش لەسەردەمی دەسەڵاتی نەگریسیاندا بەسەر پارێزگای نەینەوادا لەساڵی 2014 لەسێدارەی دابوون. پارێزگاری نەینەوا وتیشی: لەباشوور و باكوور و ڕۆژئاوا و ڕۆژهەڵاتی موسڵ ژمارەیەكی زۆر گۆڕی بەكۆمەڵ هەیە و كەسوكاری قوربانییەكان داوا لەلایەن پەیوەندیدارەكان دەكەن ناسنامەی ڕۆڵەكانیان ئاشكرا بكرێت كە خۆی لەهەزارەها قوربانی دەدات. جێی ئاماژەیە، ئەمڕۆ تیمە تایبەتەكانی سەر بە دەزگا شەهیدانی حكومەتی فیدڕاڵ، گۆڕێكی بەكۆمەڵیان لەناوچەی بادوش لەپارێزگای موسڵ هەڵدایەوە.
-
خەڵك بەڕێوەبەرایەتی پۆلیسی ڕاپەڕین ڕایدەگەیەنێت، لە ڕووداوێكی هاتووچۆدا كەسێك گیانی لەدەستدا و كەسێكی تریش بەسەختی برینداربوو. بەڕێوەبەرایەتی پۆلیسی ڕاپەڕین ڕایگەیاند، كەمێك پێش ئێستا ماتۆڕسكیلێك لە دەروازەی قەڵادزێ وەرگەڕا و بەو هۆیەشەوە شۆفێرەكەی بەناوی ( خ . م. ع ) لەدایك بووی ساڵی 2002 پیشەی شوان دانیشتووی قەڵادزێ گەڕەكی ڕاپەڕین گیانی لەدەستدا و سەرنیشینەكەشی كە لەگەڵ خۆی شوان بووە بەسەختی بریندار بوو، بەهۆی سەختی برینەكەشی بەڕێكرا بۆ سلێمانی. بە وتەی كەسوكارەكەی كوڕەكەیان و سەرنشینەكەی لە سنووری قەڵادزێ شوانكاریان بۆ مەڕدارێك كردووە، بە وتەی مەڕدارەكەش وەكو هەموو ڕۆژێك ئێواران گەڕاونەتەوە بۆ ماڵەوە، بەڵام لەڕێگا وەرگەڕاون و یەكێك لە شوانەكانی گیانی لەدەستداوە و یەكێكی تریش بریندار بووە، دۆسیەی لێكۆڵینەوەش بۆ ڕووداوەكە كراوەتەوە.
-
خەڵك سەرۆكی ڕێكخراوی تەندروستی جیھانی جارێكی تر داوای لە چین كرد ھاوكاری ڕێكخراوەكەیان بن لە لێكۆڵینەوەكانیان بۆ دۆزینەوەی سەرچاوەی بڵاوبوونەوەی ڤایرۆسی كۆرۆنا. تیدرۆس ئەدھانۆم، سەرۆكی ڕێكخراوی تەندروستی جیھانی جارێكی تر داوای لە چین كرد ھاوكاری ڕێكخراوەكەیان بن لە لێكۆڵینەوەكانیان بۆ دۆزینەوەی سەرچاوەی بڵاوبوونەوەی ڤایرۆسی كۆرۆنا و ئومێدیشی خواست لە داھاتوودا ئاستی ھاوكارییەكانی چین لەم بارەیەوە زیاتر ببن، چونكە كۆرۆنا لەم وڵاتەوە بڵاوبووەتەوە. ئەدھانۆم ئاماژەی بەوەش كردووە، لێكۆڵینەوەكەكانیان تووشی چەند گرفتێك بووەتەوە، بە تایبەت زانیارییە سەرەتاییەكان لە بارەی بنەڕەتی ڤایرۆسەكەوە و داواشیكرد چین ڕوون و ڕاشكاوتر بێت لەگەڵ تیمەكانی لێكۆڵینەوەدا. جێی ئاماژەیە، لە چەند ڕۆژی ڕابردوودا جۆ بایدن، سەرۆكی ئەمریكا داوای لە دەزگا ھەواڵگرییەكانی وڵاتەكەی كرد لێكۆڵینەوەكانیان بۆ دۆزینەوەی بنەڕەتی ڤایرۆسی كۆرۆنا چڕتر بكەنەوە تا دڵنیا ببنەوە لەوەی ئایا ڤایرۆسەكە لە ئاژەڵەوە بۆ مرۆڤ گواستراوەتەوە یان دروستكراوی تاقیگەیە.
-
خەڵك وەزارەتی كارەبای حكومەتی هەرێم ڕایدەگەیەنێت، لە سنووری ئیدارەی گەرمیان 85% هاوبەشانی كارەبا پێوەری زیرەكیان بۆ بەستراوە. كامیل قەزاز، بریكاری وەزارەتی كارەبا، رۆژی یەكشەممە 13 حوزەیرانی 2021، بەمەبەستی ئاگاداربوون لە چۆنییەتی بەستنی پیوەری زیرەك سەردانی لیژنەكانی بەستنی پێوەرەكە لە گەرمیان و بەڕێوبەرایەتیی گشتیی كارەبای ناوچەكە كرد. قوناخەكانی دانان و كاركردنی پێوەری زیرەك بۆ هاوبەشانی كارەبا لە گەرمیان و چۆنییەتی بەستنی ئەم پێوەرە بابەتی سەرەكی سەردانی بریكاری وەزیر و تەوەری كۆبوونەوەی لەگەڵ لیژنەی باڵای پێوەری زیرەك لە گەرمیان بوو. ئەمە لەكاتێكدایە ، تا ئێستا نزیكەی 50% هاوبەشانی كارەبا لە هەرێمی كوردستان بوونەتە خاوەن پێوەری زیرەك كە دەكاتە نزیكەی 700 هەزار هاوبەشی كارەبا.
-
خەڵك ماوەی قەدەغەكردنی ڕاوی ماسی كۆتایی هاتووە، كە بە بڕیاری وەزارەتی كشتوكاڵی حكومەتی هەرێم لە ڕۆژی 15ی 3ی ئەمساڵەوە تاوەكو 13ی 6ی 2021 ماوەی قەدەغەكردنی ڕاوی ماسی بووە. بەپێی زانیارییەكانی (خەڵك) لە سبەینێوە 14ی حوزەیران ڕاوی ماسی دەستپێدەكاتەوە و هاووڵاتیان دەتوانن ڕاوی ماسی بكەن بە شێوازی ڕێگەپێدراو. ڕائید بێستون عەزیز، وتەبێژی بەڕێوەبەرایەتی پۆلیسی دارستان و ژینگەی راپەڕین لەكۆنگرەیەكی ڕۆژنامەوانیدا ڕایگەیاندووە، لەكاتی قەدەغەی ڕاوكردندا دەیان دۆسیەیان بۆ سەرپێچیكاران كردۆتەوە و بەهۆی كەم ئاویشەوە ڕاوكردنی ماسی كەمبۆتەوە. باسی لەوەشكرد، كە بەهۆی وشكەساڵی و كەم ئاوی نەبوونی ماسی لە قەراغی دەریاچەكە ڕاوكردنی ماسی كەمبۆتەوە و هەروەها بەهۆی بەرنەدانەوە و گلدانەوەی ئاو لەلایەن حكومەتی ئێرانەوە بەهەزاران گەرای ماسی و پەنجە ماسی لەناوچوون. بۆ زانیاری زیاتر (خەڵك) پەیوەندی كرد بە هێمن كمرخان، بەڕێوەبەری ڕاگەیاندنی پۆلیسی دارستان و ژینگەی سلێمانی، بەڵام هیچ زانیارییەكی ڕانەگەیاند و وتی، "سبەینێ لە كۆنگرەیەكی ڕۆژنامەوانیدا وردەكارییەكەی ئاشكرادەكەین".