نيمار Archives - تۆڕی میدیایی خەڵک

سەردێر

خەڵك- ئاسایشی حاجیاوا تۆمەتبارێكی مەترسیدار دەستگیر دەكەن كە دەستی هەبووە لە دزیكردن لە ماڵان و بڕینی چەندین شوێن كار و پیشەی خەڵك. ئاسایشی حاجیاوا لە ڕاگەیانراوێكدا بڵاویكردەوە، لەدرێژەی كاروچالاكی وبەدواداچونەكانی یاریدەدەرێتمان ئەمڕۆ چوارشەممە، 29\6\2022 كەسێك كە تۆمەتبارە بەپێی مادەی(٤٤٦)لەیاسای سزادانی عێراقی لەلایەن مەفرەزەكانی یاریدەدەرێتیمان لەچیای ماكۆك دوای هەوڵی تەقەكردن و هەڵاتن توانیمان دەستگیری بكەین. لە ڕاگەیانراوەكەدا هاتووە، تۆمەتبارەكە ناوی (س_ی_ع) ە و دانیشتوی قەزای كۆیەیە، لەدایك بووی(١٩٩٤)ە، پێشتریش لەلایەن دادگای لێكۆڵینەوەی ڕانیە لە ئیدارەی ڕاپەڕین فەرمانی دەستگیركردنی هەبووە، بەڵام خۆی ڕادەست نەكردووە كەتۆمەتبارەبەچەندین كاری دزی كردنی ماڵ ودوكان و شوێنی دیكە.
خەڵك- پەرلەمانی كوردستان بە زۆرینەی دەنگ هەمواری یاسای نەوت و غازی پەسەندكرد. بەپێی زانیارییەكان لە كۆبوونەوەی ئەمڕۆی پەرلەمانی كوردستان بە زۆرینەی دەنگ، هەمواری یاسای نەوت و غازی پەسند كرد. لە كۆبوونەوەكەدا بە دەنگی 79 ئەندامی پەرلەمان هەمواری یاسای نەوت و غاز پەسەند كرا، بەڵام بەشێك لە فراكسیۆن و پەرلەمانتاران دەنگیان پێنەدا.
خەڵك- شایستەی دارایی مانگی پێنجی مامۆستایانی وانەبێژ لە سنووری ڕەواندز دابەشدەكرێت. بەڕێوەبەرایەتیی پەروەردەی ڕواندز لە ڕاگەیانراوێكدا بڵاویكردەوە، ئاگاداری بەڕێوەبەری قوتابخانەكانی سنووری بەڕێوەبەرایەتیی پەروەردەی ڕواندز دەكەینەوە، ئەوانەی مامۆستای وانەبێژی دانەمەزراویان هەیە، هەر ئێستا سەردانی دیوانی پەروەردە ــ بەشی وردبینی بكەن، بۆ مەبەستی وەرگرتنی شایستە داراییەكانی مامۆستایانی وانەبێژ. لە ڕاگەیانراوەكەدا ئەوەش هاتووە، ئەو شایستە داراییەی مامۆستایانی وانەبێژ بۆ مانگی 5 ی 2022 دەبێت.
خه‌ڵك یەکێتی تۆپی پێی نێودەوڵەتی ڕایگەیاند، فرۆشتنی ڕاستەوخۆی بلیتەکانی مۆندیالی قەتەر لە 5ی تەمموزەوە دەستپێدەکات، دوای ئەوەی 32 تیپی پاڵاوتنەکە ناسراون. فیفا ئاشکرای کرد کە ئەو بلیتانەی کە ماونەتەوە بۆ مۆندیالی قەتەر 2022TM لەسەر بنەمای یەکەم کەس دەخرێنە بازاڕەوە، لە هەفتەی داهاتووەوە دەستپێدەکات. تا ئێستا ملیۆنێک و 800 هەزار بلیت بۆ یارییەکانی مۆندیالی قەتەر فرۆشراوە کە لە 21ی مانگى 11ـى ئه‌مساڵ دەستپێدەکات
خەڵك- مادەكانی بەشەخۆراك گەیشتوونەتە هەرێمی كوردستان و پاش پشكنینیان دەست بە دابەشكردنیان دەكرێت كە بریتین لە شەكر و زەیت و برنج و دۆشاو و لەتكەنۆك. نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، بە میدیای پارتی ڕاگەیاندووە، بەشەخۆراكی چوارەم بەردەوام دێت و دابەش دەكرێت و شتێكی كەم ماوە و تەواو دەكرێت، بەشەخۆراكی پێنجەم شەكر و زەیت و بڕێك برنج و دۆشاو و لەتكەنۆكـ بەشێكی گەیشتووە و پاش پشكنینی لەلایەن كوالێتی كۆنتڕۆڵی وەزارەتی تەندروستی دەست بەدابەشكردن دەكرێت. ئاماژەی بە ئەوەشكردووە، هەندێك ماددەی خۆراك ماون، كە گەیشتن و لە پشكنینەكان دەرچوون، ناوەستین ڕاستەوخۆ دەست بەدابەشكردنیان دەكەین، دەشڵێت، دواكەوتنی ماددەكانی خۆراك پەیوەندیی بە بەغداوە هەیە.
خەڵك- دەستەی كەشناسی عێراق رایگەیاند شەپۆلێكی بەهێزی خۆڵبارین لە رۆژی هەینیەوە روو لە عێراق دەكات بەتایبەت باشووری وڵات. دەستەی كەشناسی عێراق رایگەیاند شەپۆلی خۆڵبارینەكە كاریگەری لەسەر ناوچەكانی باشووری هەرێمی كوردستان دەبێت بە كەمتر بە بەراورد بە ناوچەكانی دیكە و مەودای بینین كەم دەبێتەوە بۆ كەمتر لە چوار كیلۆمەتر. راشیگەیاند، رۆژی شەممەش خۆڵبارین بەردەوامی دەبێت و لەكاتی خۆڵباریندا مەودای بینین كەمدەبێتەوە بۆ كەمتر لە سێ كیلۆمەتر. ئاشكراشیكرد، رۆژی یەكشەممە بەشێوەی پچڕ پچڕ كۆتایی پێدێت.
خەڵك- پارێزگاری سلێمانی رایگەیاند هەموو هاووڵاتییەك دەتوانێت ببێتە پزیشكی خۆی بە پیادەكردنی رێنماییەكان بۆ خۆپاراستن. هەڤاڵ ئەبووبەكر پارێزگاری سلێمانی لە كۆنگرەیەكی رۆژنامەوانیدا لەگەڵ بریكاری وەزارەتی تەندروستی و بەرپرسی رێكخراوی تەندروستی جیهانی لە عێراق داوای لە هاووڵاتیان كرد پابەند بن بە رێنماییەكان بۆ خۆپارێزی لە پەتای سكچوون و رشانەوە و كۆلێرا. لای خۆیەوە رەهێڵ فەرەیدوون بریكاری وەزارەتی تەندروستی رایگەیاند پەتای كۆلێرا جێگیربووە و رێژە بەرز نەبووەتەوە، بەڵام كاریگەری هەر ماوە. بریكاری وەزارەتی تەندروستی لەبارەی پەتای كۆرۆناشەوە رایگەیاند پەتای كۆرۆنا لە هەرێمی كوردستان بەرزبوونەوەی ئامارەكانی بەخۆیەوە بینیوە، بۆیە پێویستە هاووڵاتیان پارێزگاری خۆیان بكەن لە پەتای كۆرۆنا و كۆلێراش.
خەڵك- فراكسیۆنی یەكگرتووی ئیسلامی كوردستان بایكۆتی كۆبوونەوەی ئەمڕۆی پەرلەمانی كوردستانی كرد. فراكسیۆنی یەكگرتوو لە كۆنگرەیەكی رۆژنامەوانیدا ئەمڕۆ چوار شەممە بایكۆتی دانیشتنی ئەمڕۆی پەرلەمانی كوردستانی كرد بەهۆكاری ئەوەی كارنامەی دانیشتنەكە باسی كێشە و گرفتی خەڵكی تێدا نییە. راشیگەیاند، هەمواركردنی یاسای نەوت و غاز مەبەست لێی پشكەكانی حزبە و جگە لەمە هیچی تر نییە. دەشڵێت، ئەنجومەنی نەوت و غاز ئەندامێكی بۆ زیاد دەكرێت، ئەم ئەنجومەنە بۆ ماوەی چوار ساڵە راوەستاوە و لە كوردستان یاسا سەروەر نییە، بۆیە رۆژانە هەواڵی دڵتەزێن دەبیستین.
خەڵك- لە دەروازەی نێودەوڵەتی حاجی ئۆمەران دوو تۆمەتبار دەستگیركران، كە یەكێكیان 275 گرام ماددەی هۆشبەری پێبووە و ئەوەی دیكەش 73 دەنك حەبی هۆشبەری پێبووە. دەروازەی نێودەوڵەتی حاجی ئۆمەران بڵاویكردەوە، لەلایەن بنكەی نەهێشتنی ماددە هۆشبەرەكانی دەروازەی نێودەوڵەتی حاجی ئۆمەران سەربە بەڕێوەبەرایەتی گشتی نەهێشتنی ماددە هۆشبەرەكان توانرا تۆمەتبارێك دەستگیر بكەن كە بڕی ( ۲۷٥ ) گرام ماددەی هۆشبەری لەجۆری حەشیش لەناو جەستەیدا شاردبووەوە. ئاماژە بە ئەوەشكراوە، تۆمەتبارێكی دیكە دەستگیركرا كە بڕی ( ۷۳ ) دەنك حەبی هۆشبەر لەجۆری ( میتادۆن ) پێگیراوە كە هێناویەتییە هەرێمی كوردستان. باس لە ئەوەشكراوە، تۆمەتبارەكە پەڕاوی لێكۆڵینەوەی بۆ كراوەتەوەو ڕەوانەی بەردەم دادوەری لێكۆڵینەوە كراوە.
خەڵك- لە شاری مەدینە، حاجییەكی تەمەن 60 ساڵ بە هۆی تووشبوونی بە جەڵتەی مێشك كۆچی دواییكرد. نەبەز ئیسماعیل، وتەبێژی وەزارەتی ئەوقافی هەرێم بە (خەڵك)ی ڕاگەیاند، لەشاری مەدینە حاجییەكی خەڵكی پارێزگای واست بەناوی " محەمەد عوبەید ئەبوسی" تەمەن 60 ساڵ بەھۆی تووشبوونی بەجەڵتەی مێشك كۆچی دواییكرد. وتیشی، كەسوكاری كۆچكردوو داوایانكردووە تەرمەكەی بگوازرێتەوە بۆ عێراق و بۆئەمەش كۆمسیۆنی تایبەتمەند بە هەماهەنگی لەگەڵ دەسەڵاتدارانی سعودیە هەموو ڕێوشوێنێكی پێویست گرتۆتەبەر بۆ ئەوەی ئاسانكاری بۆ پرۆسەی گەڕانەوەی بۆ عێراق و پارێزگای واست.

بەر لە ڕووبەڕووبوونەوەی ڕیاڵ مەدرید پاریس سان جێرمان هەواڵێكی دڵخۆشكەری پێدەگات

بەر لە ڕووبەڕووبوونەوەی ڕیاڵ مەدرید پاریس سان جێرمان هەواڵێكی دڵخۆشكەری پێدەگات

ئیدریس جەبار

شوبات 3, 2022

خەڵك- ڕۆژنامەی “لۆپاریزیان”ی فەرەنسایی دەڵێت، نیمار…

بەرازیل و ئەرجەنتین بردیانەوە و مێسی و نیماریش ژمارەی پێوانەییان تۆماركرد

بەرازیل و ئەرجەنتین بردیانەوە و مێسی و نیماریش ژمارەی پێوانەییان تۆماركرد

ئیدریس جەبار

ئه‌یلول 10, 2021

خەڵك- هەڵبژاردەی ئەرجەنتین بە 3 گۆڵی لیۆنێل مێسی ئەستێرەی…