كۆمەڵ دادگەریی كوردستان Archives - تۆڕی میدیایی خەڵک

سەردێر

خەڵك- چوارشەممە وەزارەتی ناوخۆی عیراق، پووچەڵكردنەوەی تۆڕەكانی بەقاچاخبردنی نەوت ڕادەگەیەنیبَت، ئاماژە بە كۆتایی هاتنی قەیرانی سوتەمەنیش دەكات لەچەند ڕۆژی داهاتوودا لە بەغدا و بەشێك لە پارێزگاكان. ئەمڕۆ چوار شەممە، لیوا خالید ئەلموحەننا وتەبێژی وەزارەتی ناوخۆی عیراق بە ئاژانسی فەرمی (العراقیە)ی ڕاگەیاند:"دوایین قۆناغ لە بەغدا و هەندێك پارێزگا قەیرانی سووتەمەنی هەبووە چونكە هەندێك كەس وەرگیراوی نەوتیان بە قاچاخ بردووە بۆ هەرێمی كوردستان، وە وەزارەتی نەوتی عێراقیش بە قاچاخ گەیاندووە ناوخۆ ڕۆڵێكی سەرەكی و بەرچاوی هەبوو لە پووچەڵكردنەوەی زۆرێك لە تۆڕەكانی قاچاخچێتی بە هەماهەنگی لەگەڵ خاڵەكانی پشكنین لە ناوچەكانی فەرماندەیی ئۆپەراسیۆنەكان و ئاماژەی بەوەدا : كە فەرماندەی گشتی هێزە چەكدارەكان ڕێنمایی دەركرد بۆ بەشداریكردنی سەركردەكانی ئۆپەراسیۆنەكان لە ئەركی بەرەنگاربوونەوەی قاچاخكردنی وەرگیراوەكانی نەوت و هەماهەنگی لە نێوان پێكهاتەكان و یەكەكاندا بەردەوامە". بە وتەی خالید ئەلموحننا:"هەڵمەتێكی گەورە هەیە بۆ رێگریكردن لە دزەكردنی سووتەمەنی یان بەرهەمە نەوتییەكان بۆ ناو هەرێمی كوردستان و ئاماژەی بەوەشكرد : لە رۆژانی داهاتوودا كۆتایی بە كەمی سووتەمەنی لە بەغدا و هەندێك پارێزگا دێت". ئەلموحەننا دەڵێت:" نزیكەی ڕۆژانە چالاكییەكان لە پێكهاتە جیاوازەكانی بەڕێوەبەرایەتی پۆلیسی وزە و دەزگای هەواڵگری و هێزەكانی وەڵامدانەوەی خێرا هەیە، سەبارەت بە كۆنترۆڵكردنی ئەو شوێنانەی كە بۆ قاچاخكردنی وەرگیراوەكانی نەوت دیاریكراون، هەروەها هەندێك وێستگەی سەرپێچیكار". وتەبێژی وەزارەتی ناوخۆی عیراق پێیوایە:"خاوەن بەنزینخانەكان هەندێك بڕە سووتەمەنی هەڵدەگرن بە مەبەستی دزەكردنی و فرۆشتنی لە بازاڕی ڕەشدا، زۆرێكیش لەو وێستگەیانە دەستیان بەسەردا گیراوە، جگە لە دەستبەسەرداگرتنی ژمارەیەك تانكەر".
خەڵك- بڕیارە 20 هەزار یەكەی نیشتەجێبوون بۆ كرێنشینان و كەمدەرامەتان دروستبكرێن، تائێستا زیاتر لە 90 هەزار كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە. دەستەی وەبەرهێنانی هەرێم لە ڕاگەیانراوێكدا بڵاویكردەوە، 90 هەزار و 162 كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە 80 هەزار و 487 كەسیان خێزانداربوون و 9 هەزار و 675 یان سەڵتن. باس لە ئەوەشكراوە، تێكرا 89%ی ئەو كەسانەی فۆڕمیان پڕكردووەتەوە خێزاندارن و 11%یان سەڵتن.
خەڵك- ئاسایشی حاجیاوا تۆمەتبارێكی مەترسیدار دەستگیر دەكەن كە دەستی هەبووە لە دزیكردن لە ماڵان و بڕینی چەندین شوێن كار و پیشەی خەڵك. ئاسایشی حاجیاوا لە ڕاگەیانراوێكدا بڵاویكردەوە، لەدرێژەی كاروچالاكی وبەدواداچونەكانی یاریدەدەرێتمان ئەمڕۆ چوارشەممە، 29\6\2022 كەسێك كە تۆمەتبارە بەپێی مادەی(٤٤٦)لەیاسای سزادانی عێراقی لەلایەن مەفرەزەكانی یاریدەدەرێتیمان لەچیای ماكۆك دوای هەوڵی تەقەكردن و هەڵاتن توانیمان دەستگیری بكەین. لە ڕاگەیانراوەكەدا هاتووە، تۆمەتبارەكە ناوی (س_ی_ع) ە و دانیشتوی قەزای كۆیەیە، لەدایك بووی(١٩٩٤)ە، پێشتریش لەلایەن دادگای لێكۆڵینەوەی ڕانیە لە ئیدارەی ڕاپەڕین فەرمانی دەستگیركردنی هەبووە، بەڵام خۆی ڕادەست نەكردووە كەتۆمەتبارەبەچەندین كاری دزی كردنی ماڵ ودوكان و شوێنی دیكە.
خەڵك- پەرلەمانی كوردستان بە زۆرینەی دەنگ هەمواری یاسای نەوت و غازی پەسەندكرد. بەپێی زانیارییەكان لە كۆبوونەوەی ئەمڕۆی پەرلەمانی كوردستان بە زۆرینەی دەنگ، هەمواری یاسای نەوت و غازی پەسند كرد. لە كۆبوونەوەكەدا بە دەنگی 79 ئەندامی پەرلەمان هەمواری یاسای نەوت و غاز پەسەند كرا، بەڵام بەشێك لە فراكسیۆن و پەرلەمانتاران دەنگیان پێنەدا.
خەڵك- شایستەی دارایی مانگی پێنجی مامۆستایانی وانەبێژ لە سنووری ڕەواندز دابەشدەكرێت. بەڕێوەبەرایەتیی پەروەردەی ڕواندز لە ڕاگەیانراوێكدا بڵاویكردەوە، ئاگاداری بەڕێوەبەری قوتابخانەكانی سنووری بەڕێوەبەرایەتیی پەروەردەی ڕواندز دەكەینەوە، ئەوانەی مامۆستای وانەبێژی دانەمەزراویان هەیە، هەر ئێستا سەردانی دیوانی پەروەردە ــ بەشی وردبینی بكەن، بۆ مەبەستی وەرگرتنی شایستە داراییەكانی مامۆستایانی وانەبێژ. لە ڕاگەیانراوەكەدا ئەوەش هاتووە، ئەو شایستە داراییەی مامۆستایانی وانەبێژ بۆ مانگی 5 ی 2022 دەبێت.
خه‌ڵك یەکێتی تۆپی پێی نێودەوڵەتی ڕایگەیاند، فرۆشتنی ڕاستەوخۆی بلیتەکانی مۆندیالی قەتەر لە 5ی تەمموزەوە دەستپێدەکات، دوای ئەوەی 32 تیپی پاڵاوتنەکە ناسراون. فیفا ئاشکرای کرد کە ئەو بلیتانەی کە ماونەتەوە بۆ مۆندیالی قەتەر 2022TM لەسەر بنەمای یەکەم کەس دەخرێنە بازاڕەوە، لە هەفتەی داهاتووەوە دەستپێدەکات. تا ئێستا ملیۆنێک و 800 هەزار بلیت بۆ یارییەکانی مۆندیالی قەتەر فرۆشراوە کە لە 21ی مانگى 11ـى ئه‌مساڵ دەستپێدەکات
خەڵك- مادەكانی بەشەخۆراك گەیشتوونەتە هەرێمی كوردستان و پاش پشكنینیان دەست بە دابەشكردنیان دەكرێت كە بریتین لە شەكر و زەیت و برنج و دۆشاو و لەتكەنۆك. نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، بە میدیای پارتی ڕاگەیاندووە، بەشەخۆراكی چوارەم بەردەوام دێت و دابەش دەكرێت و شتێكی كەم ماوە و تەواو دەكرێت، بەشەخۆراكی پێنجەم شەكر و زەیت و بڕێك برنج و دۆشاو و لەتكەنۆكـ بەشێكی گەیشتووە و پاش پشكنینی لەلایەن كوالێتی كۆنتڕۆڵی وەزارەتی تەندروستی دەست بەدابەشكردن دەكرێت. ئاماژەی بە ئەوەشكردووە، هەندێك ماددەی خۆراك ماون، كە گەیشتن و لە پشكنینەكان دەرچوون، ناوەستین ڕاستەوخۆ دەست بەدابەشكردنیان دەكەین، دەشڵێت، دواكەوتنی ماددەكانی خۆراك پەیوەندیی بە بەغداوە هەیە.
خەڵك- دەستەی كەشناسی عێراق رایگەیاند شەپۆلێكی بەهێزی خۆڵبارین لە رۆژی هەینیەوە روو لە عێراق دەكات بەتایبەت باشووری وڵات. دەستەی كەشناسی عێراق رایگەیاند شەپۆلی خۆڵبارینەكە كاریگەری لەسەر ناوچەكانی باشووری هەرێمی كوردستان دەبێت بە كەمتر بە بەراورد بە ناوچەكانی دیكە و مەودای بینین كەم دەبێتەوە بۆ كەمتر لە چوار كیلۆمەتر. راشیگەیاند، رۆژی شەممەش خۆڵبارین بەردەوامی دەبێت و لەكاتی خۆڵباریندا مەودای بینین كەمدەبێتەوە بۆ كەمتر لە سێ كیلۆمەتر. ئاشكراشیكرد، رۆژی یەكشەممە بەشێوەی پچڕ پچڕ كۆتایی پێدێت.
خەڵك- پارێزگاری سلێمانی رایگەیاند هەموو هاووڵاتییەك دەتوانێت ببێتە پزیشكی خۆی بە پیادەكردنی رێنماییەكان بۆ خۆپاراستن. هەڤاڵ ئەبووبەكر پارێزگاری سلێمانی لە كۆنگرەیەكی رۆژنامەوانیدا لەگەڵ بریكاری وەزارەتی تەندروستی و بەرپرسی رێكخراوی تەندروستی جیهانی لە عێراق داوای لە هاووڵاتیان كرد پابەند بن بە رێنماییەكان بۆ خۆپارێزی لە پەتای سكچوون و رشانەوە و كۆلێرا. لای خۆیەوە رەهێڵ فەرەیدوون بریكاری وەزارەتی تەندروستی رایگەیاند پەتای كۆلێرا جێگیربووە و رێژە بەرز نەبووەتەوە، بەڵام كاریگەری هەر ماوە. بریكاری وەزارەتی تەندروستی لەبارەی پەتای كۆرۆناشەوە رایگەیاند پەتای كۆرۆنا لە هەرێمی كوردستان بەرزبوونەوەی ئامارەكانی بەخۆیەوە بینیوە، بۆیە پێویستە هاووڵاتیان پارێزگاری خۆیان بكەن لە پەتای كۆرۆنا و كۆلێراش.
خەڵك- فراكسیۆنی یەكگرتووی ئیسلامی كوردستان بایكۆتی كۆبوونەوەی ئەمڕۆی پەرلەمانی كوردستانی كرد. فراكسیۆنی یەكگرتوو لە كۆنگرەیەكی رۆژنامەوانیدا ئەمڕۆ چوار شەممە بایكۆتی دانیشتنی ئەمڕۆی پەرلەمانی كوردستانی كرد بەهۆكاری ئەوەی كارنامەی دانیشتنەكە باسی كێشە و گرفتی خەڵكی تێدا نییە. راشیگەیاند، هەمواركردنی یاسای نەوت و غاز مەبەست لێی پشكەكانی حزبە و جگە لەمە هیچی تر نییە. دەشڵێت، ئەنجومەنی نەوت و غاز ئەندامێكی بۆ زیاد دەكرێت، ئەم ئەنجومەنە بۆ ماوەی چوار ساڵە راوەستاوە و لە كوردستان یاسا سەروەر نییە، بۆیە رۆژانە هەواڵی دڵتەزێن دەبیستین.

كاندیدی پارتی بۆ سەرۆك كۆمار دەچێتە لای سۆران عومەر

کوردستان

كاندیدی پارتی بۆ سەرۆك كۆمار دەچێتە لای سۆران عومەر

ئومێد سیوەیلی

ئازار 25, 2022

خەڵك- سەرۆكی فڕاكسیۆنی كۆمەڵی دادگەری لە پەڕلەمانی عێراق…

كۆمەڵی دادگەریی ئامادەكاری بۆ هەڵبژاردنی پەرلەمانی كوردستان دەكات

کوردستان

كۆمەڵی دادگەریی ئامادەكاری بۆ هەڵبژاردنی پەرلەمانی كوردستان دەكات

لاوى محمد

كانونی دووه‌م 8, 2022

خەڵك – ئەنجوومەنی سەركردایەتی كۆمەڵ دادگەریی كوردستان…