باڵەخانەیەك بۆ كتێبخانەی ئەوقافی سلێمانی مەركەزی دروست دەكرێت
خەڵك- وەزیری ئەوقافی هەرێم چەند بڕیارێك دەربارەی كتێبخانەی…
زیاترسەردێر
-
خەڵك - ئەمڕۆ هەینی بەهۆی ڕوودانی ڕووداوێكی هاتوچۆ لە نێوان (مینی پاسێك و ماتۆڕسكیلێك)دا لە گەڕەكی ئاوارەكانی قەزای كەلار شۆفێری ماتۆڕسكیلەكە گیان لەدەست دەدات. عەلی جەمال لێپرسراوی ڕاگەیاندنی پۆلیسی گەرمیان لە ڕاگەیەنراوێكدا ئاماژە بۆ ئەوە دەكات، لە گەڕەكی ئاوارەكانی قەزای كەلار ڕووداوێكی هاتووچۆ لەنێوان ماتۆڕسكیلێك و مینی پاسێكدا ڕوویدا و شۆفێری ماتۆڕسكیلەكە و سەرنشینێك برینداربوون. دەشڵێت"دوای گەیاندنیان بە بەشی فریاكەوتنی شەهید هەژار و چارەسەركردنی پێویست، بەهۆی سەختی برینەكەیەوە شۆفێری ماتوڕسكیلەكە ڕەوانەی سلێمانی كرا و پاش گەیاندنی بە نەخۆشخانەی سلێمانی گیانیلەدەستدا" . ئاشكراشیكرد، شۆفێری ماتۆڕسكیلەكە ناوی (عەلی ساڵح)ـە و لە دایكبووی 2001 و دانیشتوی ناحیەی ڕزگارییە و لەئێستادا شۆفێری ئۆتۆمبێلەكە بەپێی مادەی 24ی هاتووچۆ بەندكراوە.
-
خەڵك - یەحیا حبیب بەهۆی كەمی پارەی مووچەی نەخۆشخانەی گشتی شەهید شەوكەت لە سەیدسادق، بەشێك لە كارمەندانی نەخۆشخانەكە مووچەیان وەرنەگرت. د.ئاری عەلی بەڕێوبەری نەخۆشخانەی گشتی شەهید شەوكەتی حاجی موشیر لە سەیدسادق بە (خەڵك)ی ڕاگەیاند، دوای ئەوەی ڕۆژی ڕابردوو دەستكرا بە دابەشكردنی مووچەی مانگی دوو، بڕی دیاریكراوی مووچەی كارمەندانی نەخۆشخانەكەمان 398 ملیۆن دینار و كەسرێك بوو، لیژنەی مووچە دەستیكردووە بەدابەشكردنی و دەركەوتووە كە بڕێك لەو پارەیە كەمی هەیە. وتیشی"لەدوای بەدواداچوون دەردەكەوێت نزیكەی 50 ملیۆن دینار كەم هاتووە و ئێمەش بە نووسراوی فەڕمی بانكی سەیدسادقمان ئاگاداركردووەتەوە كە بڕی دیاریكراو پارەی كارمەندان كەمی هەیە و ئەوانیش ووردبینیان كردووە بۆیان دەركەوت كە كەمتر لەو بڕەی دیاریكراوە نێردراوە بۆ مووچەی كارمەندانمان ". ئاماژەی بۆ ئەوشكرد، ئەمڕۆ ئەو بڕە پارەیەی كە نزیك 50 ملیۆن دینار بوو گەڕاندیانەوە بۆ مووچەی كارمەندانی تەندروستی نەخۆشخانەكە.
-
خەڵك-بەشی هەواڵ وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 8103 كەس تووشی كۆرۆنا بوون. سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 8103 كەس لە ئێران تووشی ڤایرۆسی كۆرۆنا بوون و 69 كەسیش گیانیان لە دەستداوە. وتیشی"لە سەرەتای دەركەوتنی ڤایرۆسەكە تاكو ئەمڕۆ ملیۆنێك و 615 هەزار و 184 كەس لە ئێران تووشی كۆرۆنا بوون". ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 59 هەزار و 899 كەس لە ئێران گیانیان لە دەستداوە.
-
خەڵك- ئەمینداری گشتی وەزارەتی پێشمەرگەی هەرێمی كوردستان ڕایدەگەیەنێت، هەڕەشەی تیرۆر لەسەر هەرێمی كوردستان و هەموو عێراق ماوە. جەبار یاوەر ئەمینداری گشتی وەزارەتی پێشمەرگە بە ئانادۆڵی ڕاگەیاند، پێشوازی لە هەر هێزێكی نێودەوڵەتی دەكەین لەسەر بنەمای ڕێككەوتن لەگەڵ حكومەتی ناوەندی كە بیەوێ یارمەتیدەری هێزەكانی عێراقی بێت. سەبارەت بە ئەركی نوێی ناتۆ لە عێراق كە هەفتەی پێشوو بڕیاریاندا ژمارەی هێزەكانیان لە عێراق بۆ هەشت هێندی ئێستا زیاد بكەن، جەبار یاوەر ڕایگەیاند، وەك وەزارەتی پێشمەرگە ئەو هەواڵەمان تەنیا لە سۆشیال میدیا بینیوە و بیستووە هیچ شتێكی فەرمی نییە كە لە لایەنێكی فەرمی ناتۆ یان دامودەزگایەكی حكومەتی فیدڕاڵەوە لەو بارەیەوە گەیشتبێتە دەستمان لە وەزارەتی پێشمەرگە، ناشزانین میكانیزمی هاتنی ئەو هێزانە بۆ چی و بۆ كوێیە، چونكە تەنیا وەك هەواڵ بڵاوكراوەتەوە و هیچ شتیكی فەرمیمان لەبەردەست نییە تاوەكو بیزانین هۆكارەكانی هاتنی ئەو هێزانە و جێگیربوونی ئەو هێزانە لەكوێ دەبێت هیچ روونكردنەوەیەك نەدراوە لەلایەن خودی ناتۆوە. وتیشی"نزیكەی مانگێك پێش ئێستا بەهەمانشێوەی ئێستا هەواڵێكی دیكە بڵاوكرایەوە كە تیمێكی هێزی توركیا هاتووە بۆ بەغدا و لەلایەن وەزارەتی بەرگری عێراقەوە پێشوازییان لێكرا وەك تیمێكی سەربە هاوپەیمانێتی نێودەوڵەتی ئەتلەسی ناتۆ".
-
خەڵك- سەرۆكی پارتی ڕێككەوتنی دیموكراتی كوردستانی سوریا ڕایدەگەیەنێت، پێویستە پارتی و پەكەكە و یەكێتی گفتوگۆ بكەن بۆ دۆزینەوەی چارەسەری كێشەی شەنگال. فەوزی شەنگالی سەرۆكی پارتی ڕێككەوتنی دیموكراتی كوردستانی سوریا لە لێدوانێكی ڕۆژنامەوانیدا ڕایگەیاند، ئاشكرایە ناوچەی ڕۆژهەڵاتی ناوەڕاست چەقی پێكدادان و ململانێی فەرهەنگ و شارستانیەتە و ئەو ڕووبەڕووبوونەوەیەش لە باری سیاسی و ئابووری و سەربازییەوە بووەتە شوێنێك بۆ خەبات و شەڕ و نفووزی دەسەڵاتە نێودەوڵەتی و هەرێمییەكان و خەڵكی كوردیش لەو ناوچە پڕ لە ڕووبەڕووبوونەوەیەدا دەژین. وتیشی"مەسەلەی شەنگال بووەتە ململانێیەكی نێودەوڵەتی و ناوچەیی كە ڕەهەندی جیۆپۆلەتیكی و سەربازی و ئابووری لەخۆ دەگرێت و ئەو ململانێیەش لەسەر شەنگال تەنها بۆ ململانێی حزب و لایەنە سیاسییە كوردییەكان كورت نابێتەوە، بەڵكو ململانێی نێوان وڵاتانی هەرێمی و عێراق وەك وڵاتی خاوەن سەروەرییە". ئاشكراشیكرد، هێزە كوردییەكان لەسەر دۆزینەوەی چارەسەری گونجاو لەبارەی داهاتووی ناوچەكە لەگەڵ یەكتر ناكۆكییان هەیە، ئەوەش لەكاتێكدایە شەنگال پاش ئازادبوونی لە دەستی داعش هێشتا دەستدرێژیی دەكرێتەسەر. ڕوونیشیكردەوە، پێویستە پارتی و پەكەكە و یەكێتی وەك ئەو هێزانەی لە شەنگال خاوەن قورسایی و نفووزن لەگەڵ یەكتر دابنیشن و گفتوگۆ بكەن بۆ چارەسەركردنی كێشەكانی ئەو ناوچەیە. جەختی لەوەش كردەوە، بەبێ گفتوگۆ لایەنەكان ناگەنە ئەنجامی دڵخواز و كێشەكانیشیان قوڵتر دەبێت.
-
ئەمەی خوارەوە کۆمەڵێک زیانی خواردنی گۆشتە بەڕێژەی زۆر کە لە جەستەدا ڕوو دەدات:
-
خەڵك- فڕۆكەی بێ فڕۆكەوانی ئێرانی كەمان22 توانای پێكانی ئامانجە دوور مەوداكانی لە ناوەندی ئەورووپا و باكوور و ڕۆژهەڵاتی ئەفریقای هەیە. تۆڕی سپوتنیك بڵاویكردەوە، ئەمریكا دانی ناوە بە تایبەتمەندییەكانی ئەو فڕۆكە بێ فڕۆكەوانە و پێیوایە فڕۆكەیەكی پێشكەوتووە، بەجۆرێكە كە دەتوانێت كۆمەڵێك مووشەكی ئاسمان بۆ ئاسمان و مووشەكی زەوی بۆ زەوی هەڵبگرێت. ئاشكراشیكرد، ئەو فڕۆكە بێ فڕۆكەوانە نوێیە، توانای ئەنجامدانی ئۆپراسیۆنی هەیە لە زۆربەی شوێنەكانی ڕۆژهەڵاتی ناوەڕاست، تەنانەت بە بەكارهێنانی تەكنۆلۆژیای "خۆ تەقاندنەوە"، ئەگەری لەناوبردنی خۆی لە شوێنە دوورە دەستەكان هەیە و پێویست ناكات كە بگەڕێتەوە.
-
ئەمەی خوارەوە کۆمەڵیک وێنەیی مێژووییە کە تەواو بۆت دەردەخات ژیان لە ڕابردودا چۆن بووە: ئاهەنگگێڕان لە دوای نمایش ١٩٣٣ - ئەمریکا دوو منداڵ لە روسیا ١٩٦٣ باڕێک لە پاریس ١٩٦٠ دوو گەنج سەما دەکان ١٩٥٠ کچێک بە تەنورەی کورتەوە چووە بۆ خوێندنگە ١٩٦٠ سەربازێک لە جەنگ گەڕاوەتەوە، ١٩٤٠ ڕەشەبا ١٩٤٠ ژنێک جلەکانی سەرنجی خەڵکی ڕاکێشاوە ١٩٥٠ دوو خوێندکار خەریکی دڵدارین ١٩٥٥ ماچی ماڵئاوایی ١٩٦٠ خۆ فێنکردنەوە لە ئەمریکا ١٩٤٣
-
ئەمەی خوارەوە تاقیکردنەوەیەکی دەروونناسییە بۆ دیاریکردنی هەندێک نهێنی لە کەسایەتی تۆدا، هەر بۆیە لێرەوە تاقی بکەرەوە: گەر تۆ ٤ هێلکەت هەبێت و پیویستبێت لە تەبەقەکەیاندا دایی بنێیت، بە کام شێوازی خوارەوە دایان دەنێیت: شێوەی A تۆ کەسیکی داهێنەریت، هیچکات حەزت بەوە نییە شتەکان بەو شێوە نۆڕماڵە بن کە خۆیان هەیە و حەزدەکەیت شتی تایبەت بەخۆت و بیرۆکەی شازت هەبێت، کەسێکی کۆمەڵایەتی و تێکەڵیت و خۆشەویستی لای دەوروبەر، هەندێک کات پەرش و بڵاو دەردەکەویت. شێوەی B کەسێکی بە عەقڵ بڕیاردەدەیت و زۆر گرنگە لات شتەکان ڕێکخراو بێت و بەو جۆرە بڕوات کە پلانت بۆدانەوە، کەسێکیت توانای سەرکردایەتی کردنت هەیە. شێوەی C کەسێکی هاوسەنگیت، دەتوانیت خۆت لەگەڵ دۆخە جۆراوجۆرەکاندا بگونجینیت، هەم لەکاتی پێویست ڕێکخراویت و هەم بیرۆکەی نوێ و جیاوازت هەیە، بەردەوام ئامادەی فێربونی شتی نوێت تێدایە. شێوەی D کەسێکی ئامانجی دیاریکراوت هەیە لە ژیاندا و هەمیشە ڕێگا باش و ئاسانەکە دەدۆزیتەوە، بەوە ناسراویت دەتوانیت لە کارەکانتدا سەرکەوتوو بیت، تایبەتمەندی سەرکردەت تێدایە.
-
خەڵك- بەڕێوەبەرایەتی ئاسایشی پارێزگای سلێمانی ڕایدەگەیەنێت، بە تۆمەتی دزینی دەیان هەزار دۆلار و دەیان ملیۆن دینار لە دوو كاسبكاری ئاڵوگۆڕی دراو، هەشت كەسیان دەستگیركردووە. بەڕێوەبەرایەتی ئاسایشی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، دوو كاسبكاری ئاڵوگۆڕی دراو لەناو شاری سلێمانی لە دوو كات و شوێنی جیاوازدا دزییان لێكراوە، تاوانەكان بریتی بوون لە دزینی پارە و لە یەكێكیان 60 هەزار دۆلار و لە دووەمدا 47 ملیۆن دیناری عێراقی. ئاشكراشیكرد، لەسەر ئەو تاوانانەش هەشت كەس لەلایەن ئاسایشی سلێمانییەوە بەتۆمەتی دزینی ئەو بڕە پارەیە لەو كاسبكارانە دەستگیركراون، ناو و تەمەنیان بەم شێوەیە: (م. ا. س) لەدایكبووی 1991، (ع. ع. ع) لەدایكبووی 1986، (ر. م. ل) لەدایكبووی 1997، (ب. ح. ع) لەدایكبووی 1989، (ی. ا. س) لەدایكبووی1979، (ب. ح. ع) لەدایكبووی 1997، (س. ا. ا) لەدایكبووی 1998 و (خ. ح. ع) لەدایكبووی 1986. ئاسایش ڕوونیشیدەكاتەوە، تاوانەكان لە ڕۆژانی 7ی شوبات بۆ 22ی هەمان مانگی 2021 لەناو شاری سلێمانی ئەنجامدراون، تۆمەتبارەكانیش بە فەرمانی دادوەر ڕاگیراون و لێكۆڵینەوە لە كەیسەكانیان دەستیپێكردووە.