كارمەندانی تەندروستی Archives - تۆڕی میدیایی خەڵک

سەردێر

خەڵك- ژمارەیەكی زۆر لە خۆپیشاندەران لە گۆڕەپانی حەبوبی لە ناوەڕاستی شاری ناسریە سەنتەری پارێزگای زیقار گردبوونەوە و یادی سەرهەڵدانی خۆپیشاندانەكانی ناڕەزایی ساڵی 2019یان كردەوە. بەگوێرەی هەواڵ، سەرلەئێوارەی ئەمڕۆ دوو شەممە، ژمارەیەكی زۆر لە خۆپیشاندەران لە گۆڕەپانی حەبوبی لە ناسریە گردبوونەوە و دروشمی سوربوون لەسەر داواكاریی خۆپیشاندانەكانی تشرینیان وتەوە، لە هەمان كاتدا داوای ئاشكراكردنی بكوژانی خۆپیشاندەران و ڕاگەیاندنی چارەنوسی سەجاد عیراقی چالاكوانیان كرد. خۆپیشاندانەكان لە عیراق، لە تشرینی یەكەمی ساڵی 2019 لە بەغدای پایتەخت و شارەكانی ناوەڕاست و باشووری عیراق سەریانهەڵدا و داوای چاكسازیی و نەهێشتنی گەندەڵی و باشكردنی خزمەتگوزاریی و دۆزینەوەی هەلی كارییان كرد، دواتر داواكارییەكان پەرەیان سەند و بوونە داواكاردن بە گۆڕینی سیستمی سیاسی لە وڵاتدا، لە ئەنجامی پێكداهەڵپژانی نێوان خۆپیشاندەران و هێزە ئەمنییەكانیش، نزیكەی 700 كەس كوژران و زیاتر لە 20 هەزار كەسی تر برینداربوون. خۆپیشاندانەكانی تشرین بوونە مایەی لەسەركارلابردنی حكومەتەكەی عادل عەبدولمەهدی و هاتنەبەری حكومەتێكی ڕاگوزەریی بەسەرۆكایەتی مستەفا كازمی كە دواتر كارئاسانی بۆ هەڵبژاردنی 10ی ئەم مانگە كرد كە بەلای هەندێك لە هێزە سیاسییە كلاسیكییەكانەوە ئەنجامەكەی ڕەتدەكرێتەوە.
خەڵك- محەمەد سەڵاحی میسری یاریزانی یانەی لیفربۆڵ، وێنەیەكی لە ئەژماری فەرمی خۆی لەسەر پێگەی "ئینستاگرام" داناوە و نوسیویەتی"لەگەڵ ئەم تیپەدا بردنەوە دەبێت تاكە ڕێگەچارەبێت"، ئەمەش دوای بردنەوە گەورەكەیان بەسەر مانشستەر یونایتد بە ئەنجامی (5-0. ) ئەو یارزانە میسرییە دوو وێنەی تری لە ستۆری خۆی دابەزاندووە و ئاهەنگ بە سێ‌ گۆڵە مێژووییەكەیەوە دەگێڕێت كە لە "شەیتانە سورەكانی كرد لە یاریگای خۆیان لە "ئۆڵد ترافۆرد". بەپێی تۆڕی (ئۆبتا)ی جیهانی بۆ ئامارەكانی تۆپی پێ‌، سەڵاح بووە یەكەم یاریزان لە مێژووی لیفرپوڵ كە لە سێ‌ یاریی یەك لەدوا یەك لە یاریگای "ئۆڵد ترافۆرد"ی مانشستەر یونایتد گۆڵ تۆماردەكات، و یەكەم یاريزانە كە هاتریك لەو یانەیە دەكات لە "ئۆڵد ترافۆرد" لەماوەی 18 ساڵدا، ئەمەش دوای ئەوەی رۆناڵدۆی بەرازیلی "دیاردە" سێ‌ گۆڵی لە یانەكە كرد بە درێسی ڕیاڵ مەدرید لە خولی یانە پاڵەوانەكانی ئەوروپا لە ساڵی 2003.
خەڵك – بەڕێوەبەری گشتی لە وەزارەتی سامانە سرووشتییەكان ڕایدەگەیەنێت ، نرخی هەر لیترە بەنزینێكی نۆرماڵ بە ٦٥٠ دینارە لە پاڵاوگەكان و لەگەڵ نرخی كرێی گواستنەوە و كۆگاكردن و پشكنین و عەمولە ٤٠ دینارە هەرێم بێ هیچ زیادەخستنەسەرێك بە ٦٩٠ دینار لە نێو بەنزینخانەكان دەیفرۆشێتەوە بە هاووڵاتیان. فەرمانگەی میدیا و زانیاری لە زاری فەتاح ڕەحمان حەمەساڵح ، بەڕێوەبەری گشتی لە وەزارەتی سامانە سرووشتییەكان بڵاویكردەوە، كە وەزارەتەكەیان میكانیزمێكی بۆ دابەشكردنی بەنزینەكە داناوە، كە لە لایەن عیراقەوە دابین دەكرێت لەبەنزینخانە ئەهلییەكان، كە بەشێویەكی دادپەروەرانە و بەنۆرەدابەش دەكرێتە سەر بەنزینخانەكان و لە هەر بەنزینخانەیەكیش فەرمانبەرێكی سامانە سروشتییەكان چاودێری دابەشكردن و جۆر و بڕ و بەهاكەی دەكات. ڕاشیگەیاندووە، بەهیچ شێوەیەك پێشێلكاری تێدا نەكرێت بەرامبەر بە هاووڵاتیان و هەروەها چەند مەرجێكیش بۆ بەنزینخانەكان دیاریكراوە، كە هیچ بەنزینخانەیەك، كە بەنزینی نۆرماڵی حكومەتی وەرگرت، نابێت بەنزینێكی دیكەی نۆرماڵ بفرۆشێت. ئاماژەی بۆ ئەوەشكردووە، كەبەهیچ شێوەیەك بەنزینە حكومییە ئۆكتانبەرزەكە تێكەڵ ناكرێت بە بەنزینی دیكەی نۆرماڵ، هەروەها بە هیچ شێوەیەك دەستكاری بەهای بەنزینەكە ناكرێت و بە شێوەی لافیتە بە ئاشكرا بەها حكومییەكەی دیاریكراوە. بە پێی ئەو ڕێكەوتنەی لەگەڵوەزارەتی نەوتی عیراق كراوە، ڕۆژانە بڕی ١٨٠ هەزار لیتر بەنزین دەگاتە پارێزگاكانی هەولێر و سلێمانی و ١٠٨ هەزار لیتر دەگاتە پارێزگای دهۆك و ٧٢ هەزار لیتریش بۆ پارێزگای هەڵەبجە.
خەڵك- ئیدارەی فڕۆكەخانەی نێودەوڵەتی كەركوك، هەلی دامەزراندن بۆ هەردوو ڕەگەز لە چوارچێوەی كادری كاركردن لە فڕۆكەخانەكە ڕادەگەیەنێت. بەپێی بەیاننامەیەك كە ئەمڕ‌و دوو شەممە لەلایەن ئیدارەی فڕۆكەخانەی نێودەوڵەتی كەركوكەوە بڵاوكرایەوە، دامەزراندن تەنیا بۆ خەڵكی پارێزگای كەركوك دەبێت و بە پلەی وەزیفی و بەپێی پسپۆڕییە جیاكیان كە ئەمانە دەگرێتەوە: 1-ئەندازیاریی مەدەنی. 2-ئەندازیاریی میكانیك. 3-ئەندازیاریی كارەبا. 4-ئەندازیاریی تەكنیكی ساركەرە و فێنككردن. 5-ئەندازیاریی زانستی كۆمپیوتەر. 6-بەڕێوەبردن و كارگێڕی (بە هەموو لقەكانییەوە). 7-زمانە بیانییەكان. 8-تەكنیكییەكان (بە هەموو پسپۆڕییەكان). 9-شۆفێری بارهەڵگر. 10-كرێكاریی كارگوزار. مەرجەكان: 1-ئەوانەی داواكاریی پێشكەش دەكەن دەبێت تەنیا لە دانیشتووی كەركوك بن. 2-دەبێت شارەزاییەكی ئاستبەرزی هەبێت لە بواری پسپۆڕییەكەیدا. 3-دەبێت پێشكەشكار لانی كەم بڕوانامەی ئامادەیی هەبێت. 4-دەبێت تەمەنی لە 30 ساڵ زیاتر نەبێت. ئیدارەی فڕۆكەخانەی نێودەوڵەتی كەركوك ئاماژەی بە تاوتوێكردنی سیڤی پێشكەشكاران دەكات لەلایەن لیژنەیەكی تەكنیكی شارەزا لە كۆمپانیای كارپێكردنی فڕۆكەخانەی نێودەوڵەتی كەركوك و دیوانی پارێزگای كەركوك. داواشكراوە هەركەس لەخۆی ڕادەبینێت، سی ڤی بۆ ئەم ئیمەیڵە ڕەوانە بكات [email protected] و داواكارییەكان تا 29ی تشرینی یەكەمی 2021 وەردەگیرێن.
خەڵك – ژووری ئۆپەراسیۆنی پارێزگای هەولێر ڕایدەگەیەنێت ، ھەموو فەرمانبەرانی فەرمانگە و دامو دەزگاكانی حكومی بە ھێزەكانی ناوخۆ و پێشمەرگە، لە ماوەی دوو مانگدا دەبێت ڤاكسین وەربگرن، بە پێچەوانەوە بەپێی یاسای بەرزەفتی فەرمانبەران مامەڵەیان لەگەڵدا دەكرێت. ژووری ئۆپەراسیۆنی پارێزگای هەولێر ئێوارەی ئەمڕۆ دووشەمە 2021.10.25، بە سەرپەرشتی ئومێد خۆشناو، پارێزگاری هەولێر و بەئامادەبوونی ئەندازیارعەلی ڕەشید، سەرۆكی ئەنجومەنی پارێزگای هەولێر، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا، لەدیوانی پارێزگا كۆبووە. لە ڕاگەیەنراوەكەدا هاتووە، پرسەدانان لە (كۆڵان - هۆڵ - ماڵ - ژێرخێوەت - باخچە و هەرشوێنێكی تر) قەدەغەیە و هەر كەسێك پابەند نەبێت سزا دەدرێت و بنكەكانی پۆلیس ڕاسپێردراون چاودێری سنوورەكانی خۆیان بكەن. ڕاگەیندراوێك لە ژووری ئۆپەراسیۆنی پارێزگای هەولێر ئێوارەی ئەمڕۆ دووشەمە 2021.10.25، بەسەرپەرشتی ئومێد خۆشناو، پارێزگاری هەولێر و بەئامادەبوونی ئەندازیارعەلی ڕەشید، سەرۆكی ئەنجومەنی پارێزگای هەولێر، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا، لەدیوانی پارێزگا كۆبووە و پاڵپشت بە بڕیار و ڕاسپاردەكانی كۆبوونەوەی لێژنەی باڵای بەرەنگاربوونەوەی كۆرۆنا لە هەرێمی كوردستان و لە پێناو پاراستنی سەلامەتی تەندروستی گشتیی شارەكەمان و هەستیاری و مەترسیداری ئەو دۆخە نەخوازراوەی كە بەهۆی هەڵكشان و تەشەنەسەندنی ڤایرۆسی كۆرۆنا هاتۆتە ئاراوە، گەیشتە ئەم بڕیارانەی خوارەوە:- یەكەم/ داوا لە هاوڵاتییانی شارەكەمان دەكەین لەپێناو پاراستنی تەندروستی و سەلامەتی گشتیی، هەموو ئەو گردبوونەوە و ئاهەنگانەی لە هۆڵی مزگەوتەكان، ماڵ، شوێنە گشتییەكان، بەبۆنەی یادی لەدایك بوونی فەخری كائینات پیشەوای مرۆڤایەتی (محمەد)(د.خ) لەسەربێت ڕابگرن، لەهەولێری پایتەخت ئەوەی پێویست بووە بۆ ئەم یادە مەزن و پیرۆزە لەئەنجامدانی ڕێورەسم و یادكردنەوەی ئەم ڕۆژە پڕشكۆیە ئەنجامدراوە، بۆیە داوكارین هاڵاتییان و هاوشاریانی شارەكەمان پابەندبن بەم بڕیارەوە. دووەم/ سەرجەم قائیمقام و بەڕێوەبەری ناحییەكانی سنووری پارێزگای هەولێر، دەبێت تەواوی ئەو رێكارانەی ژووری ئۆپەراسیۆن وەكو خۆی جێبەجێ بكەن، دەسەڵاتی تەواویشیان پێدەدرێت لە هەر شوێنێك پێویستی كرد رێكارەكان توندتر بكەن. سێیەم/ بەستنی ماسك بۆ ھەموو ئەو كەسانەی ڤاكسینیان وەرگرتووە و ئەوانەشی ڤاكسینیان وەرنەگرتووە لە شوێنە داخراوەكان دەبێتە ئیلزامی و قائیمقام و بەڕێوەبەری ناحییەكان چاودێری دەكەن. چوارەم/ سەرجەم فەرمانگە و بەڕێوەبەرایەتییەكانی سنووری پارێزگای هەولێر، دەبێت ڕێنماییە تەندروستییەكان و ڕێكارەكانی خۆپارێزی جێبەجێبكەن بەتایبەتی بەستنی (ماسك) و دروستنەكردنی گردبوونەوە و قەرەباڵغی، هەروەها ڕێگەنەدەن هیچ هاوڵاتییەك بۆ ڕاییكردنی مامەڵەكانی بەبێ بەستنی (ماسك) بچێتە نێو هیچ فەرمانگە و دام و دەزگایەكی حكومی، هەر بەڕێوەبەرایەتی و فەرمانگە و فەرمانبەرێك سەرپێچی لەو بڕیارە بكات، بەڕێوەبەر و بەرپرسانی ئەو فەرمانگە و بەڕێوەبەرایەتییە بەرپرسیارن. پێنجەم/ ھەموو فەرمانبەرانی فەرمانگە و دام و دەزگاكانی حكومی لەسنووری پارێزگای هەولێر بە ھێزەكانی ناوخۆ و پێشمەرگە، لە ماوەی دوو مانگدا دەبێت ڤاكسین وەربگرن، بە پێچەوانەوە بەپێی یاسای بەرزەفتی فەرمانبەران مامەڵەیان لەگەڵدا دەكرێت. شەشەم/ پرسەدانان لە (كۆڵان - هۆڵ - ماڵ - ژێرخێوەت - باخچە و هەرشوێنێكی تر) قەدەغەیە و هەر كەسێك پابەند نەبێت سزا دەدرێت و بنكەكانی پۆلیس ڕاسپێردراون چاودێری سنوورەكانی خۆیان بكەن. حەوتەم/ ھەموو ئەوانەی لە كەرتی تایبەت كار دەكەن، پێویستەكارتی ڤاكسینیان ھەبێت. هەشتەم/ مامۆستا و فەرمانبەرانی قوتابخانە و زانكۆ و پەیمانگەكان و ئەو قوتابیانەی كە تەمەنیان لە سەرووی 18 ساڵەوەیە، دەبێت تاوەكو 2021.12.1 ڤاكسینیان وەرگرتبێت. نۆیەم/ داوادەكەین هەروەك چۆن لە ڕابردوودا مامۆستایانی ئایینی هاوكارمان بوونە، بە هەمان شێوە ھاوكاربن لە بڵاوكردنەوەی ھۆشیاری تەندروستیی و رێنماییە تەندروستییەكان و ڕێكارەكانی خۆپارێزی. دەیەم/ دایكان و باوكان دەتوانن تاوەكو 2021.10.31 بڕیار بدەن كە منداڵەكانیان بچنە قوتابخانە یان بەشێوەی ئۆنلاین بخوێنن. یازدەیەم/ لە كۆڕوكۆبوونەوەكاندا دەبێت بەشداربووان یان…
کچێکی لاواز و کچێکی خەپە لە کۆلێژێک بەیەکەوە وەردەگیرێن و لە بەشەناوخۆیی بەیەکەوە دەژین، ئەوان بە کاریکاتێر وێنایی ژیانی خۆیان دەکەن و لایەنە باش و خراپەکانی لاوازی و خەپەیی نیشان دەدەن: لاوازەکە هەرچی بخوات قەڵەو نابێت، لەکاتێکدا خەپەکە یەک تۆز شت بخوات یەکسەر کێشی زیاد دەبێت ئەم دوو کچە هەندێکجار لە کێشەکانی یەکدی دەربارەی کێش تێناگەن! لە فرۆشگاکانی جلوبەرگ سایزی بچوک شتی زۆر زیاتری لێیە وەک لە سایزی گەورە بەڵام لەکاتی داشکاندن شتی سایزی گەورە زۆر زیاترە کاتێک دەچنە دەرەوە، لاوازەکە بەردەوام هەڵدەلەرزێت و سەرمایەتی، لەکاتێکدا خەپەکە کێشەی نییە بەڵام لەپاسدا خەپەکە جێگایی جانتاکەی نابێتەوە و لەسەر کۆشی دایدەنێت یەکیان دەیەوێت کەمێک کێشی زیاد بکات و یەکێکیشیان دەیەوێت دایببەزێنێت، ئەوان هاوکاری یەکدی دەکەن هەریەک لەم دوو کچە جوانی تایبەتی خۆیان هەیە بۆیە ڕەگەزی بەرامبەریش حەزی لە پێچەوانەی خۆیەتی، ئەوەش سەلمێنەری ئەو ڕاستیەیە کە ئێمەی مرۆڤ بە جیاوازیەکانمانەوە جوانین
خەڵك – فراكسیۆنی گۆڕان لە پەرلەمانی كوردستان ڕایدەگەیەنێت ، فراكسیۆنەكەیان هیچ پۆستێكی نوێی لە لیژنەكانی پەرلەمان وەرنەگرتووە . فراكسیۆنی گۆڕان لە پەرلەمانی كوردستان لە ڕوونكردنەوەیەكدا ڕایگەیاندووە، فراكسیۆنی گۆڕان هیچ پۆستێكی نوێی لە لیژنەكانی پەرلەمان وەرنەگرتووە ئەوەی لە لیژنەی دەستپاكی پەرلەمان كراوە تەنها ئاڵوگۆڕێك بووە لە سەرۆكی لیژنەكە. رونكردنەوەیەك لە فراكسیۆنی گۆڕان لە پەرلەمانی كوردستان بۆ ڕای گشتی خەڵكی كوردستان بەرێزان رونیدەكەینەوە بۆ ڕای گشتی كە فراكسیۆنی گۆڕان ھیچ پۆستێكی نوێی لە لیژنەكانی پەرلەمان وەرنەگرتوە ئەوەی لە لیژنەی دەستپاكی پەرلەمان كراوە تەنھا ئاڵوگۆڕێك بووە لە سەرۆكی لیژنەوە ئەو پۆستە بە پێی دابەشكاری لیژنەكان بەسەر فراكسیۆنەكانی ناو پەرلەمان لەسەرەتای خولی پێنجەمەوە لە لای فراكسیۆنی گۆڕان بووە فراكسیۆنی گۆڕان لە پەرلەمانی كوردستان ٢٥/١٠/٢٠٢١
خەڵك- هاوپەیمانی دەوڵەتی یاسا كە لەلایەن نوری مالیكییەوە سەركردایەتی دەكرێت، باس لە هەڵوەشاندنەوەی ئەنجامی هەڵبژاردنی پەرلەمانی پێشوەختە و دووبارەكردنەوەی پرۆسەكە دەكات. ئەمڕۆ دوو شەممە، عەبدولهادی سەعداوی سەركردە لە هاوپەیمانی دەوڵەتی یاسا لە لێدوانێكی ڕۆژنامەوانیدا ڕایگەیاند:"ئەو هێزە سیاسییانەی ناڕازیین بەرانبەر بە ئەنجامی هەڵبژاردنی پێشوەختە، و بەڵگەی تەواوییان هەیە كە ساختەكاریی و یاریی كردن بە ئەنجامەكانەوە كراوە بەشێوەیەكی گەورە و مەترسیدار، پێشنیاری هەڵوەشاندنەوەی ئەنجامەكان و دووبارەكردنەوەی هەڵبژاردنییان خستۆتەڕوو". بە وتەی سەعداوی"كۆمسیۆنی هەڵبژاردن دەبێت پابەندی جیاكردنەوەی دەستی دەنگەكان بێت بەشێوەیەكی گشتی، نەك تەنیا هەندێك وێستگە، تا ڕێگە لە ئاڵۆزبوونی ڕەوشی سیاسی و میللی بگرێت لە عیراق، لە حاڵەتی پێداگریش لەسەر ئەو داوا سیاسی و میللییە، ئەوا ئاراستەكان بەرەو داواكردنی هەڵوەشاندنەوەی ئەنجامەكان و هەڵبژاردنێكی نوێ‌ دەبن، بە هەمان شێوە بایكۆتی هەموو پرۆسەیەكیش دەكرێت بۆ پێكهێنانی حكومەتی نوێ‌".
خەڵك – هێزەكانی پاراستنی گەل ڕایدەگەیەنێت ، لە بەرزاییەكانی قلەبانی شڕنەخ و هەرێمی ئاڤاشین لەئەنجامی چالاكی هێزەكانی گەریلادا 2 سەربازی سوپای توركیا كوژران و سەربازێكیش بریندار بوو و كەلوپەلەكانی نێو بارهەڵگرێكیش لە ناوبرا. هێزەكانی پاراستنی گەل ( هەپەگە) لە ڕاگەیەنراوێكدا بڵاویكردەوە، كە لە دژی بارهەڵگرێكی سوپایی توركیا كە لە بارەگای ئەلەمونی ناوچەی قلەبانی شڕنەخەوە بپ گردی تانگێ دەچوو، هێزەكانی یەژاستار چالاكیان ئەنجامدا و سەربازێك كوژرا و یەكێكی دیكەش برینداربوو كەلوپەلەكانی نێو بارهەڵگرەكە لەناوبران. لە ڕاگەیەنراوەكەداهاتووە، تەواوی چالاكیەكەیان سەركەوتوو بووە و بۆ یادكردنەوەی شەهیدی فەرماندە و نەمرمان شەهید بێریتان (گوڵناز كاراتاش) ئەنجامدراوە. هەپەگە لەم بارەیەوە راگەیەنراوێكی بڵاوكردەوە كە بەم شێوەیەیە: "لە چوارچێوەی هەنگاوی شۆڕشگێری جەنگی خابور لە هەرێمی حەفتانین: ٢٢ی تشرینی یەكەم، كاتژمێر ١٤:٣٠ لەدژی بارهەڵگرێكی سوپای داگیركەری تورك كە لە بارەگای ئەلەمونی ناوچەی قلەبانی شڕنەخەوە بپ گردی تانگێ دەچوو، هێزەكانی یەژاستارمان چالاكیان ئەنجامدا. لە چالاكیەكەدا داگیركەرێك سزادرا، داگیركەرێك بریندار بوو و كەلوپەلەكانی نێو بارهەڵگرەكە لەناوبران. ئەم چالاكیە سەركەوتووە بۆ یادكردنەوەی شەهیدی فەرماندە و نەمرمان شەهید بێریتان (گوڵناز كاراتاش) ئەنجامدراوە. لە چوارچێوەی هەنگاوی شۆڕشگێری هەڵۆكانی زاگرۆسدا: ٢٤ی تشرینی یەكەم بە شەو لە هەرێمی زاپ، هێزەكانمان لە هەلیكۆپتەرەكانیاندا كە هەوڵیاندەدا تیپی تی بۆردومان بكەن. لە ئەنجامی دەستوەردانی هێزەكانماندا هەلیكۆپتەرەكان ناچار بوون پاشەكشێ بكەن. ٢٤ی تشرینی یەكەم لە هەرێمی ئاڤاشین لە دەوروبەری گردی شەهید عەلی هێزەكانمان چاودیری ژمارەیەك داگیركەریان كرد. دوای ئەوەی داگیركەران خرانە ژێر كۆنتڕۆڵەوە، هەمان رۆژ كاتژمێر ١٦:٢٥ لە داگیركەراندرا. لە ئەنجامدا داگیركەرێك سزادرا. لە گردی قەرتەل و وەرخەلێی هەرێمی ئاڤاشین: ٢٣ی تشرینی یەكەم سوپای داگیركەری تورك بە گازی ژەهراوی و چەكی كیمیایی و تەقەمەنی هێرشی كردە سەر گردی قەرتەل. داگیركەران دوای بۆردومانەكە هەوڵیاندا پێشڕەوی بكەن و لەنێوان شەڕڤانانمان و داگیركەراندا شەڕ روویدا و بە درێژایی رۆژەكە شەڕ بەردەوام بوو. لە ئەنجامدا داگیركەران نەیانتوانی پێشڕەوی بكەن. ٢٤ی تشرینی یەكەم سوپای داگیركەری تورك ٤ جار بە چەكی كیمیایی و تەقەمەنی گردی قەرتەلیان بۆردومان كرد.. داگیركەران نیوەڕۆی هەمان رۆژ ویستیان پێشڕەوی بكەن و هێزەكانمان لە نزیكەوە ٤ جار لە داگیركەرانیاندا. هەمان رۆژ هێزەكانمان لە درۆنەكانیاندا كە بۆ ناوچەكە ڕەوانەكرابوون. ٢٥ی تشرینی یەكەم كاتژمێر ٠٩:٢٥ سوپای داگیركەری تورك بە گازی ژەهراوی و چەكی كیمیایی هێرشیان كردە سەر گردی قەرتەل. لە ناوچەكە شەڕ لەنێوان هیزەكانمان و داگیركەراندا روویدا. ٢٤ی تشرینی یەكەم سوپای داگیركەری تورك بە چەكی قورس گۆڕەپانی وەرخەلێی بۆردومان كرد. هەمان رۆژ كاتژمێر ٢٢:٢٠ ناوڤەكە ٣ جار بۆردومانكرا. ٢٤ی تشرینی یەكەم كاتژمێر لەنێوان ١٩:٥٠ و ٢٠:٥٠ لەسەر ئاسمانی ناوچەی قەشوریای مەتینا هەلیكۆپتەرەكان دەستیان بە جموجووڵ كرد. ٢٤ی تشرینی یەكەم كاتژمێر لەنێوان ٢٢:٤٠ و ٠٠:٥٠ لە ناوچەكانی گردی قەرتەل، وەرخەلێ، كەتیبەی عەرەبان و بانستای سەر بە هەرێمی ئاڤاشین جموجووڵی هەلیكۆپتەرەكان هەبوو. ٢٤ی تشرینی یەكەم كاتژمێر ٠٢:٤٥ ناوچەی چەمچۆی هەرێمی زاپ لەلایەن فڕۆكەكانەوە بۆردومان كرا."
خەڵك – ماوەی چەند ڕۆژێكە لەزۆرێك لە شاروشارۆچكەكان مامۆستایانی وانەبێژ داوای دامەزراندنیان دەكەن ، پارێزگاری هەڵەبجە ڕایدەگەیەنێت ، ئەگەر یەك مامۆستا لەسەر بایكۆت سزا بدرێت من واژۆی دەكەم، كە دەستبەرداری پۆستەكەم دەبم . ئەمڕۆ ۲٥ی ئۆكتۆبەر ژمارەیەك لە مامۆستایانی وانەبێژ بەمەبەستی گەیاندنی ژمارەیەك داواكاری بۆ بە هەمیشەیی كردنیان وەك میلاكی پەروەردە سەردانی دیوانی پارێزگاری هەڵەبجەیان كرد. ئازاد تۆفیق، پارێزگاری هەڵەبجە پشتیوانی خۆی بۆ داواكاریەكانیان دووپاتكردەوە و ڕایگەیاند، ئێمە پشتیوانی هەمووداواكاریەكانتانین و داواشی لە حكومەتی هەرێمی كوردستان كرد داواكاریەكانیان جێبەجێ بكات، كە ڕاژەكانیان پێویستن بۆ كەرتی پەروەردە لە پارێزگاكەدا. لەمیانی كۆبونەوەی لەگەڵ مامۆستایانی وانەبێژ ئاشكرایكرد، هیچ مامۆستایەك لەسەر بایكۆت سزا نادرێت و ئەگەر مامۆستایەك سزا بدرێت من واژۆی دەكەم ، كە دەست بەردای پۆستەكەم دەبم .

بڕی 5 ملیۆن دینار دەدرێت بە بەشێكی كارمەندانی تەندروستی هەرێم

بڕی 5 ملیۆن دینار دەدرێت بە بەشێكی كارمەندانی تەندروستی هەرێم

نزار جەزا

خەڵك ـ نزار جەزا بەشێك لەو تەندروستكارانەی بەهۆی كۆرۆناوە…

سەرۆکی سەندیکای کارمەندانی تەندروستی شارەزوور لە پۆستەكەی دوورخرایەوە

کوردستان

سەرۆکی سەندیکای کارمەندانی تەندروستی شارەزوور لە پۆستەكەی دوورخرایەوە

نزار جەزا

ته‌مموز 7, 2021

سلێمانی ـ نزار جەزا سەرۆکی سەندیکای کارمەندانی تەندروستی…

بڕیاری زیادكردنی دەوام ناڕەزایی لێدەكەوێتەوە

بڕیاری زیادكردنی دەوام ناڕەزایی لێدەكەوێتەوە

ئومێد سیوەیلی

حوزه‌یران 22, 2021

خەڵك- بڕیارێكی وەزارەتی تەندروستی بۆ زیادكردنی دەوام و…

ژمارەیەكی زۆری كارمەندی تەندروستی لە سلێمانی تووشی شێرپەنجە بوون

کوردستان

ژمارەیەكی زۆری كارمەندی تەندروستی لە سلێمانی تووشی شێرپەنجە بوون

ئومێد سیوەیلی

حوزه‌یران 15, 2021

خەڵك- ماوەی زیاتر لە 7 ساڵە حكومەتی هەرێمی كوردستان دامەزراندنی…

سەندیكای كارمەندانی تەندروستی لەسەر زیادكردنی دەوام هاتەدەنگ

سەندیكای كارمەندانی تەندروستی لەسەر زیادكردنی دەوام هاتەدەنگ

ئومێد سیوەیلی

حوزه‌یران 9, 2021

خەڵك- دوای ئەوەی (خەڵك) لە ڕاپۆرتێكدا بڵاویكردەوە، كە فشار…

بڕیارێك بۆ مووچەی كارمەندانی تەندروستی دەركرا

بڕیارێك بۆ مووچەی كارمەندانی تەندروستی دەركرا

ئومێد سیوەیلی

ئایار 19, 2021

خەڵك- وەزیری تەندروستی حكومەتی هەرێمی كوردستان “سوپاس…

پارەی هاندان بۆ كارمەندانی تەندروستی خەرج دەكرێت

پارەی هاندان بۆ كارمەندانی تەندروستی خەرج دەكرێت

ئومێد سیوەیلی

نیسان 7, 2021

خەڵك- سەرۆك وەزیرانی هەرێمی كوردستان بڕیاریدا بە خەرج كردنی…

بەرهەم ساڵح یاسایەكی بۆ خانەنشینی كارمەندانی تەندروستی پەسەندكرد

بەرهەم ساڵح یاسایەكی بۆ خانەنشینی كارمەندانی تەندروستی پەسەندكرد

ئومێد سیوەیلی

ئازار 31, 2021

خەڵك- سەرۆك كۆماری عیراق یاسای مافی خانەنشینی پزیشك و كارمەندانی…

“بەرپرسانی عیراق ڤاكسینی كۆرۆنایان بۆ خۆیان و خێزانەكانیان وەرگرت”

“بەرپرسانی عیراق ڤاكسینی كۆرۆنایان بۆ خۆیان و خێزانەكانیان وەرگرت”

ئومێد سیوەیلی

شوبات 21, 2021

خەڵك- بڕیارە لە هەفتەی داهاتووەوە ڤاكسینی كۆرۆنا بگاتە…