فیدراسیۆنی سەراسەری پەنابەرانی عێراقی Archives - تۆڕی میدیایی خەڵک

سەردێر

خەڵك بەپێی داتاكانی وەزارەتی وزەی سعودیە و ڕێكخراوی ئۆپیك، لە 10 وڵاتی جیهان ڤەنزوێلا لە ڕووی یەدەگی نەوتەوە لە پلەی یەكەمدایە و خاوەنی 19.16% یەدەگی نەوتی جیهانە و و عیراق لە پلەی چوارەمدایە. بەپێی ڕاپۆرتێكی ڕۆژنامەوانی كە پشتی بە داتاكانی وەزارەتی وزەی سعودیە و ڕێكخراوی ئۆپیك بەستووە، ڤەنزوێلا خاوەنی 303 ملیار نەوتی یەدەگە، كە 19.16% یەدەگی نەوتی جیهان پێكدەهێنێت‌ و لە پلەی یەكەمدایە، دوای ئەویش سعودیە لە پلەی دووەمدایە و خاوەنی 267 ملیار بەرمیل نەوتی یەدەگە، كە 17.2% یەدەگی نەوتی جیهان پێكدەهێنێت. ڕاپۆرتەكە ئاماژەی بەوەشكردووە، ئێران لەپلەی سێیەمدا هاتووە بە بڕی 208 ملیار بەرمیل‌ و دوای ئەویش عیراق بە 145 ملیار بەرمیل لەپلەی چوارەمدایە، كە 9.4% یەدەگی نەوتی جیهان پێكدەهێنێت.
ئەمەی خوارەوە کۆمەڵێک مۆدەی خانمان بووە لە کۆندا و لە نێو کلتورە جیاوازەکان، کە زۆر ترسناکن و بەشێکیان تا ئێستاش ماون: مۆدێلی برۆ لای چینیەکان لە سەدەی ٧ تا ٩ تاتۆی سمێڵ لای هۆزی Ainu لە ژاپۆن لە سەدەکانی ٢٠ دا ئەم جۆرە سەرە لای زۆرێک مۆدێل بوو ددانی ڕەش لای ژاپۆنیەکان تاشینی برۆ لای ئەوروپای ڕۆژهەڵات نینۆکی درێژ لای چینیە کۆنەکان تاتۆی ڕوخسار لای هۆزی Maori سمینی لوت لە هیندستان پێشبڕکێیەکی جوانی لە نێجیریا قژی درێژ لای خەڵکی Yao لە چین کونکردنی لوت لای خەڵکی Apatani
خەڵك سەرۆكی میسر پابەندبوونی وڵاتەكەی و یۆنان و قوبڕ‌سی بەیەكێتی سوریاوە ڕاگەیاند و دەشڵێت، هەموو ئەو هەوڵانە ڕەتدەكەنەوە دیفاكتۆ بەسەر ئەو وڵاتەدا پسەپێنێت. عەبدولفەتاح سیسی سیسی ئەمڕ‌ۆ سێشەممە 19ی تشرینی یەكەمی 2021 لەمیانی كۆنفڕانسێكی ڕۆژنامەوانیدا لە ئەسینای پایتەختی یۆنان، بەهاوڕ‌ێیەتی لەگەڵ نیكۆس ئەناستاسیادیس سەرۆكی قوبڕس و كیریاكوس میتسوتاكیس سەرۆك وەزیرانی یۆنان ڕایگەیاند، ڕێككەوتنێك هەیە لەنێوان هەریەك لە میسر و یۆنان و قوبڕس سەبارەت بە پابەندبوون بە یەكێتی و خاكی سوریا و ڕەتكردنەوەی هەوڵی هەندێك لەهێزە هەرێمایەتییەكان بۆ سەپاندنی دیفاكتۆ لەو وڵاتە. سیسی جەختیشی كردەوە، سەرۆكایەتی ئەو سێ وڵاتە هەر هەوڵێك ڕەتدەكەنەوە كە لەلایەن هێزی هەرێمایەتییەوە دەدرێت بۆ گۆڕ‌ینی دیمۆگرافی هەندێك ناوچە لە وڵاتی سوریا (مەبەست لێی هەوڵی لەشكركێشییەكانی ئەمدواییەی توركیایە بۆ ناو خاكی سوریا).
خەڵك وەزیری دەرەوەی ئەمریكا ڕایگەیاند، زاڵمای خەلیلزاد نێردەی تایبەتی ئەمریكا بۆ كاروباری ئەفغانستان دەستی لەكاركێشایەوە. ئەنتۆنی بلینكن وەزیری دەرەوەی ئەمریكا ڕایگەیاند: زاڵمای خەلیلزاد نێردەی تایبەتی ئەمریكا بۆ كاروباری ئەفغانستان وازی لە پۆستەكەی هێناوە و لە بری ئەو تام وێست جێگری زاڵمای پۆستەكەی وەردەگرێت. پێشتر، زاڵمای خەلیلزاد لە گفتوگۆیەكدا لەگەڵ كەناڵی ئەلجەزیرە ڕایگەیاندبوو كە دەست لە پۆستەكەی هەڵدەگرێت. جێی ئاماژەیە، لەسەردەمی سەرۆكایەتی دۆناڵد ترەمپ خەلیلزاد وەك نێردراوی ئەمریكا بۆ كاروباری ئەفغانستان دەستنیشان كرابوو و توانی دانوستانەكانی قەتەر ڕێكبخات كە تاڵیبان و ئەمریكا گەیشتن بە ڕێككەوتن.
خەڵك ڕاوێژكاری دارایی سەرۆك وەزیرانی عیراق دەڵێت، بەرزبوونەوەی نرخی نەوت لە سێ‌ ڕووەوە گرنگی بۆ وڵاتەكەمان هەیە ‌و گرنگترینیان پڕكردنەوەی كورتهێنانی بودجەیە. مەزهەر محەمەد ساڵح ڕاوێژكاری دارایی سەرۆك وەزیرانی عیراق ڕایگەیاند، بەرزبوونەوەی نرخی یەك بەرمیل نەوت لانی كەم بۆ 75 دۆلار، لە سێ‌ ڕووەوە گرنگی بۆ عیراق هەیە، یەكەمیان پڕكردنەوەی ئەو كورتهێنانەیە كە لەبودجەی ساڵی 2021 هەیەو بڕەكەی 29 ترلیۆن دینارە. ئاماژەی بەوەشكرد، لایەنی دووەم بەهەمان شێوە پڕكردنەوەی ئەو كورتهێنانەیە كە بڕەكەی 10 ترلیۆن دینارە و بەهۆی كەمبوونەوەی داهاتە نانەوتییەكانەوە دروست بووە. مەزهەر محەمەد ساڵح ئەوەشی خستەڕوو، گرنگی و سوودی سێیەمی بەرزبوونەوەی نرخی نەوت ئەوەیە، كە دەتوانێت پاڵپشتی خستنەگەڕی پڕۆژە ڕاوەستاوەكان بكات. جێی ئاماژەیە، لە یاسای بودجەی ساڵی 2021ی عیراقدا نرخی یەك بەرمیل نەوت بە 45 دۆلار خەمڵێنراوە، بەڵام ئێستا یەك بەرمیل نەوت بە 85 دۆلار مامەڵەی پێوە دەكرێت.
خەڵك وەزارەتی خوێندنی باڵا و توێژینەوەی زانستی هەرێم مامۆستا و فەرمانبەران و هاووڵاتیانی هەرێمی كوردستان ئاگادار دەكاتەوە، كە وڵاتی ڕوسیای فیدراڵ زەمالەی خوێندن پێشكەش بە هەرێمی كوردستان دەكات، بە مەبەستی خوێندنی ماستەر و دكتۆرا بەم مەرجانەی خوارەوە: ماستەر • پێشكەشكار دەبێت هاووڵاتی هەرێمی كوردستان بێت. • پێشكەشكار ئەگەر فەرمانبەر یان مامۆستا بێت لە دامودەزگاكانی هەرێمی كوردستان، ئەوا دەبێت بە لایەنی كەم دوو ساڵ خزمەتی هەبێت لە پاش بەدەست هێنانی دوایین بڕوانامە. • داواكار دەبێت لە هەمان بواری خۆی داواكاری بۆ بەرنامەی ماستەر پێشكەش بكات. (واتا بەكالۆریۆس و ماستەرەكەی لە هەمان بوار بێت). • كاندیدی سەركەوتوو ئەگەر دامەزراو بێت، ئەوا لەلایەن وەزارەتی پەیوەندیدار تەنها مۆڵەتی خوێندنی پێدەدرێت واتا بە مووچەی بنەڕەتی و دەرماڵە جێگیرەكان. • كاندیدی سەركەوتوو لەلایەن وڵاتی ڕووسیا پشتگیری دارایی دەكرێت. • دوا مۆڵەت بۆ پێشكەشكردن بریتییە لە 1-11-2021. • پێشكەشكردن راستەوخۆ و تەنها لە ڕێگەی ماڵپەڕی سەرەكی زەمالەكە روسیا دەبێت. • لەبەر ئەوەی پێشكەشكردن ڕاستەوخۆ لە رێگەی ماڵپەڕی زەمالەكەیە، وەزارەتەكەمان هیچ فایلی لەبەردەست نییە تا كاری لەسەر بكات، بۆیە تا دەرچوونی ئەنجامی زەمالەكە بە هیچ شێوەیەك سەردانی وەزارەت مەكەن. دكتۆرا • پێشكەشكار دەبێت هاووڵاتی هەرێمی كوردستان بێت. •پێشكەشكار ئەگەر فەرمانبەر یان مامۆستا بێت لە دامودەزگاكانی هەرێمی كوردستان، ئەوا دەبێت بە لایەنی كەم دوو ساڵ خزمەتی هەبێت لە پاش بەدەستهێنانی دوایین بڕوانامە. • ئەو پێشكەشكارانەی بڕوانامەی ماستەرەكەیان لەچوارچێوەی بەرنامەی تواناسازی بەدەستهێناوە، دەبێت پابەندی ئەم گرێبەستە بن كە كاتی خۆی لەگەڵ بەڕێوەبەرایەتی تواناسازی واژوویان كردووە. • داواكار دەبێت لە هەمان بواری خۆی داواكاری بۆ بەرنامەی دكتۆرا پێشكەش بكات. (واتا ماستەر و دكتۆراكەی لە هەمان بوار بێت). • كاندیدی سەركەوتوو ئەگەر دامەزراو بێت، ئەوا لەلایەن وەزارەتی پەیوەندیدار تەنها مۆڵەتی خوێندنی پێ دەدرێت واتا بە مووچەی بنەڕەتی و دەرماڵە جێگیرەكان. • كاندیدی سەركەوتوو لەلایەن وڵاتی ڕووسیا پشتگیری دارایی دەكرێت. • دوا مۆڵەت بۆ پێشكەشكردن بریتییە لە 1-11-2021 • پێشكەشكردن ڕاستەوخۆ و تەنها لە ڕێگەی ماڵپەڕی سەرەكی زەمالەكە روسیا دەبێت. • لەبەر ئەوەی پێشكەشكردن ڕاستەوخۆ لەڕێگەی ماڵپەڕی زەمالەكەیە، وەزارەتەكەمان هیچ فایلی لەبەردەست نییە تا كاری لەسەر بكات، بۆیە تا دەرچوونی ئەنجامی زەمالەكە بە هیچ شێوەیەك سەردانی وەزارەت مەكەن. جێی ئاماژەیە داواكاری لە ڕێگەی ئەم لینكەی خوارەوە پێشكەش بە سەرچاوەی زەمالەكە دەكرێت: https://education-in-russia.com
ئیدریس جەبار لە دوانیوەڕۆوە، ژمارەیەكی زۆر لەوانەی ئەنجامی هەڵبژاردنەكەی 10ی ئەم مانگەیان بەلاوە قبوڵ نییە و پێیانوایە ساختەكاریی تێدا كراوە، یان بە دیوێكی تر نەیانتوانییوە ئەوەی دەیانەوێت بۆیان سەربگرێت، چوونە بەر دەرگاكانی ناوچەی سەوز و دەستییان بە خۆپیشاندان كرد. ئەوانەی ئێستا لە بەغدا خۆپیشاندان دەكەن و خێمەی مانگرتن لە نزیك پردی (معلق) هەڵدەدەن و دەست بەسەر تەلارەكانی نزیك لە ناوچەی سەوزدا دەگرن، ئەوانەن كە ناتوانن گەورەترین كوتلەی پەرلەمانی پێكبهێنن و چەندی دەكەن و دەكۆشن ناتوانن لەگەڵ هاوئاوازەكانیان 100 كورسیش كۆبكەنەوە، لەولاشەوە كوتلەی سەدر خوێ‌ بە برینەكەدا دەكات و دەڵێت، ڕێگەنادەن حكومەتی پشكداریی هاوشێوەی حكومەتەكانی تر پێكبهێنرێت. ئەمان پێیانوابوو بە زۆرینە نییە و چەندی لە هەڵبژاردندا بهێنیت لە حكومەتدا بەشداریی دەكەیت و پشكی خۆت پێدەبڕێت، چونكە پرۆسەكە لەڕێی تەوافوقی سیاسییەوە دەبێت و هاوشێوەی هەڵبژاردنەكانی تر لەنێوان هاوبەشەكانی پرۆسەی سیاسی كێكەكە دابەش دەكرێت. وەلائییەكان گورزی كاریگەرییان بەركەوتووە و ناتوانن هاوشێوەی جاران بخوڕن و داوای بەشی خۆیان بكەن، هەرچی نوری مالیكی و دەوڵەتی یاساكەشییەتی، چەندی بكات ناتوانێت ئەو زۆرینەیە دەستەبەر بكات كە دەیگەیەنێتەوە بە كورسی سەرۆكایەتی وەزیران. سەدرییەكان هەموو ڕێگەكانیان قفڵ كردووە و سەرباری ئەمەش توانج دەوەشێنن و دەڵێن، ئەوانەی ئەنجامی هەڵبژاردنییان ڕەتكردۆتەوە، هاتوونەتەلایان و داوای پێكهاتن دەكەن لە پرۆسەی پێكهێنانی حكومەت. رەنگە بەمزوانە وادەی پێشكەشكردنی تانەكان كۆتایی بێت و كۆمسیۆن و سەرپەرشتیارانی هەڵبژاردنیش تەواوی ئەو دەرگایانە دابخەن كە پێشتر بەڕووی ناڕەزاییەكاندا كردبویانەوە، لە دوایین تویتیشیدا، موقتەدا سەدر ڕابەری ڕەوتی سەدر، داوا لە ئەنجومەنی ئیداری (بنیان المرصوص) دەكات هەڵمەتێك بۆ پاككردنەوەی خوێندنگە حكومییەكان بەرپابكەن بەر لە دەستپێكردنی ساڵی نوێی خوێندن، بەمشێوەیە پەردە بەسەر دیمەنەكانی هەڵبژاردن دادەدرێتەوە و ژاوەژاوی ناڕازییەكان كپ و خامۆش دەكرێن، براوەش بە غرورێكی سیاسیانەی نزیك لە برینداركردن بە خۆپیشاندەرانی ئەمڕۆی بەردەرگای ناوچەی سەوز دەڵێت، بڕۆنەوە بۆ ماڵەوە و منداڵەكانتان بۆ ساڵی نوێی خوێندن ئامادە بكەن و لەگەڵ لێدانی زەنگی كردنەوەی مەكتەبدا دەستییان بگرن و بیانهێنن بۆ ئەو خوێنگە حكومییانەی كە هەڵبژاردنیان تێداكرا و سندوقەكان بە دەنگدان بۆ "كوتلەی چاكسازیی و دژە گەندەڵی" لەلایەن عیراقییەكانەوە پڕكران!. دوایین تویتی موقتەدا سەدر ڕابەری ڕەوتی سەدر
خەڵك- وەزیری كشتوكاڵ و سەرچاوەكانی ئاوی هەرێم ئاشكرای دەكات، كە لیژنەیەكیان بۆ بەدواداچوونی نرخی هێلكە پێكهێناوە و دەشڵێت: "بڕیاری لێخۆشبوون لە گومرگی پڕۆتین و سۆیا و كەم كردنەوەی كرێی كارەبا بۆ هەرزان كردنی نرخی هێلكەیە". بێگەرد تاڵەبانی، وەزیری كشتوكاڵی هەرێم لە هەژماری خۆی لە فەیسبووك بڵاویكردەوە، ئەمڕۆ سێ شەممە ،2021/10/19 لە دیوانی وەزارەت بە ئامادەبوونی ڕاوێژکارانی وەزارەت، لەگەڵ خاوەن پڕۆژە پەڵەوەریەکانی بەرهەمهێنانی هێلکەی خواردن بەتایبەتی لە سنوری پارێزگای هەولێر کۆبوینەوە بۆ مەبەستی لەنزیکەوە ئاگاداربوون و بەدواداچوون لە گرانبوونی نرخی هێلکە و گفتوگۆکردن لەگەڵ خاوەنی پڕۆژەکان. ڕاشیگەیاند، دوابەدوای خستنەرووی کێشەکان و هەڵسەنگاندنی داواکاریەکانی ئامادەبووان بڕیارماندا، کە لەڕێگەی لێژنەیەکی وەزارەتمانەوە لە کۆتایی ئەم هەفتەیە لەگەڵ پارێزگاری هەولێر کۆببینەوە بۆ مەبەستی چارەسەرکردنی کێشەکان و دیاریکردنی میکانیزمێکی گونجاو، کە ڕەچاوی بەرژەوەندی خاوەن پڕۆژەکانی بەرهەمهێنانی هێلکەی خواردن و بەرژەوەندی گشتی هاووڵاتیان بکرێ، بە کواڵێتیەکی باش و بەنرخێکی هاوسەنگ لە بازاڕدا. جەختیشی كردەوە، لەماوەی ڕابردوودا پاڵپشتی وەزارەتمان بۆ خاوەن پڕۆژەکانی وەبەرهێنانی پەلەوەری دووپات کردۆتەوە لە ڕێگەی دەرکردنی بڕیاری لێخۆشبوونی گومرگی بۆ هاوردەکردنی صۆیا و پرۆتین و ئامێرەکان و کەمکردنەوەی کرێی کارەبا و لابردنی ڕۆتین لەمامەڵەکانی خاوەن پڕۆژەکان بەئامانجی کەمکردنەوەی تێچووی بەرهەمهێنان بەهۆی بەرزبونەوەی نرخی دۆلار و کەلوپەل و پێداویستیەکان لە بازاڕەکانی جیهانیدا.
خەڵك- ڕۆناڵدج كومانى هۆڵەندی ڕاهێنەری یانەی بەرشەلۆنە، داوای لە جەماوەر و میدیاكان كرد، پێشبینییەكان كەم بكەنەوە سەبارەت بەو دەستكەوتانەی یانەكەی لەم وەرزەدا دەستەبەری دەكات. سبەینێ‌ یەك شەممە، بەرشەلۆنە یارییەكی گرنگ دەكات بەرانبەر بە دینامۆ كێیڤ لە گەڕی سێیەمی خولی یانە پاڵەوانەكانی ئەوروپا، گومانیشی تێدا نییە هیچ بوارێك بۆ كەوتن نییە لەو یارییەدا، چونكە دۆڕاندن مانای چوونەدەرەوە دەگەیەنێت لە خولی گروپەكان، بەو پێیەی تائێستا تیپەكە هیچ خاڵێكی دەستەبەر نەكردووە. رۆناڵد كومان دانی بە ڕاستییەكاندانا و وتی، بەرشەلۆنە بەم یاریزانانەی ئێستااوە ناتوانێت نازناوی یانە پاڵەوانەكانی ئەوروپا بباتەوە، ئاماژەی بوونی زۆرێك لەو تیپانەش كرد كە لەڕووی كوالێتییەوە لە بەرشە باشترن. ڕاهێنەرە هۆڵەندییەكە لە كۆنفرانسێكی ڕۆژنامەوانیدا كە ئەمڕۆ سێ‌ شەممە بۆی سازكرا وتی"تیپەكەی دەكرێت كێبڕكێ‌ بكات، بەڵام نابێت داوای بردنەوەی نازناوی یانە پاڵەوانەكانی ئەوروپای لێبكرێت، یانەكانی تر لەپێش ئەوانەوەن، ئەوان دەیانەوێت بگەنە ئەو ئاستە لەگەڵ یاریزانە لاوەكان كە لە پێكان گەڕاونەتەوە. لەبارەی یارییەكەی دینامۆ كێیڤ، كومان وتی"دەبێت بیبەینەوە، تا چانسی سەركەوتنمان هەبێت، جگە لە بردنەوە هیچ ڕێگەچارەیەكی ترمان لەبەردەمدا نییە، ئێمە دەزانیین دەبێت چی بكەین".
خەڵك- جارێكی دیكە نرخی ئاڵتون لە بۆرسەی جیهانی ڕووی لە بەرزبوونەوە كرد و بەهای دۆلاریش بەرامبەر بە دینار بەهۆی زیادبوونی فرۆشتنی دۆلار لەلایەن بانكی ناوەندی عێراقییەوە دابەزی. دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، ئەمڕۆ نرخی زێڕ دوای كرانەوەی بۆرسە جارێكی دیكە ڕووی لە بەرزبوونەوە كرد و بەهای یەك ئۆنسە گەیشتە 1777 دۆلار. ڕاشیگەیاند، نرخی یەك مسقاڵ زێڕی عەیار 24 بە 426 هەزار دینارە و عەیار 21 بە 373 هەزار دینار و عەیار 18 بە 320 هەزار دینارە. لای خۆشیەوە، ڕەوەند میرزا لە بازاڕی دۆلارەكەی سلێمانی وتی، "بەهای 100 دۆلار لە بازاڕی دراوەكان بە 148 هەزار و 300 دینار مامەڵەی پێوەكراوە لە كاتی داخستنی بازاڕ لە ئێوارەدا". ئەمە لەكاتێكدایە، كە لەكاتی كردنەوەی بازاڕ لە بایانیدا 100 دۆلار بە 148 هەزار و 500 دینار بوو، بەڵام بەهۆی ئەوەی ئەمڕۆ بانكی ناوەندی عێراق نزیكەی 140 ملیۆن دۆلاری خستە بازاڕەوە نرخەكەی ڕووی لە دابەیزن كرد.

بەلەمێكی پەنابەران ژێرئاو كەوت و 42 پەنابەر گیانیان لەدەستدا

بەلەمێكی پەنابەران ژێرئاو كەوت و 42 پەنابەر گیانیان لەدەستدا

ئومێد سیوەیلی

خەڵك- بەهۆی ژێرئاوكەوتنی بەلەمێكی پەنابەران لە نزیك كەناراوەكانی…

ڕوونكردنەوەیەك لەبارەی ڕزگاركردنی 14 پەنابەر

کوردستان

ڕوونكردنەوەیەك لەبارەی ڕزگاركردنی 14 پەنابەر

ئیدریس جەبار

ته‌مموز 29, 2021

خەڵك- فیدراسیۆنی سەراسەری پەنابەرانی عێراق لەبارەی ڕزگاركردنی…

چارەنووسی كوردە دەستگیركراوەكانی یۆنان و ئەوانەی ناو یەختە نقوم بووەكە ئاشكراكرا

کوردستان

چارەنووسی كوردە دەستگیركراوەكانی یۆنان و ئەوانەی ناو یەختە نقوم بووەكە ئاشكراكرا

ئومێد سیوەیلی

ته‌مموز 25, 2021

خەڵك- فیدراسیۆنی سەراسەی پەنابەرانی عێراقی ناو و ناونیشان…

ڕێگایەكی دیكە بۆ كۆچ دۆزرایەوە و 150 كۆچبەری كورد گەیشتنە ئەوروپا

کوردستان

ڕێگایەكی دیكە بۆ كۆچ دۆزرایەوە و 150 كۆچبەری كورد گەیشتنە ئەوروپا

ئومێد سیوەیلی

ته‌مموز 10, 2021

خەڵك- فیدراسیۆنی سەراسەری پەنابەرانی عێراق چارەنووسی ئەو…

ژمارەیەك پەنابەر بە “نامرۆڤانە” دیپۆرت دەكرێنەوە

کوردستان

ژمارەیەك پەنابەر بە “نامرۆڤانە” دیپۆرت دەكرێنەوە

ئومێد سیوەیلی

حوزه‌یران 29, 2021

خەڵك- فیدراسیۆنی سەراسەری پەنابەرانی عێراقی ئاشكرای دەكات،…