نێچیرڤان بارزانی و سەرۆكوەزیرانی یۆنان پەیوەندییەكی تەلەفۆنییان ئەنجامدا
خەڵك سەرۆكی هەرێمی كوردستان و سەرۆكوەزیرانی یۆنان پەیوەندییەكی…
زیاترسەردێر
-
کاتێک کەسێک بەڕاستی کەسیکی خۆش دەوێت، نیشانەکانی لە جەستەیدا بە ڕوونی دەردەکەوێت، ئەمەی خوارەوە هەندێکە لەو نموونانە: – ژنان دەنگیان ناسکتر دەبێت و نەرم و نیانتر دەبن، پیاوانیش ڕۆمانسیتر دەبن – بەبێ ویستی خۆیان سەر کوڵمەکانیان سور هەڵدەگەڕێت لە کاتی بینینی خۆشەویستەکەیان – پیاوان ئێسکەکانیان بەهێزتر و پیاوانەتر دەبێت – خۆشەویستی لە چاوەکاندا دیارە و گلێنەی چاویان زۆر گەورەتر دەبێت – هەست بەوەدەکەن کە دەتوانن کاری نا ئاسایی و دەریاسا بۆیەکدی بکەن
-
خەڵك بریكاری وەزارەتی پێشمەرگەی حكومەتی هەرێمی كوردستان ڕایدەگەیەنێت: هەماهەنگییەكی باش لە نێوان هەولێر و بەغدا لەڕووی ئەمنیی و سەربازییەوە دروست بووە. سەربەست لەزگین، بریكاری وەزارەتی پێشمەرگە ڕایگەیاند: "ئێستا هەماهەنگییەكی باش لە نێوان هەرێمی كوردستان و بەغدا لەڕووی ئەمنیی و سەربازییەوە دروستبووە، بنكەكانی هەماهەنگیی هاوبەش، ماوەیەكی كەمە لە (خانەقین، كەركوك، مەخمور و ڕۆژئاوای موسڵ) پێكهێنراون، دوو ناوەندە سەرەكییەكەی لە هەولێر و بەغداش چالاك كراونەتەوە، ماوەیەكە دەستبەكارن". سەربەست لەزگین ئاماژەی بەوەشدا، ئەو دوو ناوەندە، پێكدێن لەتیمێك لە ئەفسەرانی هەردوو وەزارەتی پێشمەرگەی هەرێمی كوردستان و وەزارەتی بەرگری عیراق، كە كار دەكەن بۆ دروستكردنی دوو لیوای هاوبەش، بۆ پاراستنی ئەو ناوچانەی، كە لە نێوان هەرێمی كوردستان و عیراق تەماسن، ئەگەر بابەتی هەڵبژاردنی 10ی تشرینی یەكەمی ئەمساڵ نەبووایە، كارەكانی دروستكردنی ئەو دوو لیوایە لە ئێستادا تەواو دەبوون.
-
خەڵك بەڕێوەبەری دیوانی وەزارەتی كارەبا ڕایدەگەیەنێت، تا كۆتایی ئەمساڵ بەستنی پێوەری زیرەكی كارەبا بۆ هاوبەشان تەواو دەبێت، دەشڵێت، "وەزارەت جەختدەكاتەوە ساڵی داهاتوو هەموو هاوبەشان پێوەری زیرەكیان بەستبێت". ئەردەڵان شوكری بەڕێوەبەری دیوانی وەزارەتی كارەبای هەرێم ڕایگەیاند، وەزارەتەكەیان زیاتر لە تریلیۆنێك دینار قەرزی لەلای هاوبەشانییەتی و ئەوەی قەرزی زۆری لەسەر بێت، بۆی دەكرێت بە 12 قیست. ئاماژەی بەوەشدا"وەزارەتی كارەبا دەسەڵاتەكانی بۆ بەڕێوەبەرایەتییەكانی لە پارێزگاكان دابەزاندووە بۆ ئەوەی ئەو قەرزەی كرێی كارەبایە و لەلای هاوبەشانی كارەبایە و كەڵەكە بووە بۆیان بكرێتە 12 قیست و بیدەنەوە، ئەم كار ئاسانییە ئەو كەسانە دەگرێتەوە كە قەرزەكانی سەریان زۆرە و دوای بڕیارەكە دانەوەی قەرزەكان زیادیكردووە." سەبارەت بە شێوازی قەرزی فەرمانگە حكومییەكانیش، ئەو بەڕێوەبەرەی وەزارەتی كارەبا ئەوەی خستەڕوو، "ئەوانیش قەرزەكان دەگەڕێننەوە و هی ئەمان بە ناردنی پارەكەیە لە هەژماری پارەی وەزارەتەكانەوە بۆ وەزارەتی كارەبا." ئەردەڵان شوكری، بەڕێوەبەری دیوانی وەزارەتی كارەبا لەبارەی بەستنی پێوەری زیرەكیشەوە ڕایگەیاند "تائێستا 910 هەزار پێوەر لەكۆی ئەو یەك ملیۆن و 500 هەزار پێوەرەی گرێبەستی دانانیان كرابوو، دانراون و ڕۆژانە ژمارەی هاوبەشانی كارەبا لە زیادبووندان".
-
خەڵك وەزارەتی پلاندانانی عیراق جەخت لەوەدەكاتەوە، بەپێی هەڵسەنگاندنەكان ژمارەی دانیشتووان ساڵانە 850 هەزار بۆ یەك ملیۆن زیاد دەكات و پێشبینی دەكات، تا ساڵی 2030 بگاتە 50 ملیۆن كەس. عەبدولزەهرە هینداوی وتەبێژی وەزارەتی پلاندانانی عیراق ڕایگەیاند، هەڵسەنگاندەكان باس لەوەدەكەن ژمارەی دانیشتووانی عیراق ساڵانە 850 هەزار بۆ یەك ملیۆن كەس زیاد دەكات و ڕێژەی گەشەی ساڵانە 2.6%ە. وتەبێژی وەزارەتی پلاندانانی عیراق ڕوونیشیكردەوە، بۆیە بەپێی پێشبینیییەكان ژمارەی دانیشتووان تا ساڵی 2030 دەگاتە 50 ملیۆن كەس هەروەها تا ساڵی 2050 دەگاتە 80 ملیۆن كەس. عەبدولزەهرە هینداوی ئاماژەی بەوەشكرد، پێشبینی دەكرێت لە 3 ساڵی داهاتوو ڕێژەی گەشەی ساڵانە پاشەكشە بكات ئەوەش بەپێی بەدواداچوونەكان كە ئاماژەن بۆ ئەوەی ڕێژەی گەشە دابەزیوە، بۆیە ئەگەریشی هەیە پێشبینیەكان ڕاست دەرنەچن و تا 2050 ژمارەی دانیشتووان نەگاتە 80 ملیۆن.
-
خەڵك بەشێك لە دانیشتووانی شارەدێی تەق تەق لە بەردەم خوێندنگای هاوڕێی بنەڕەتی تێكەڵاو دژی داخستنی دوو بەشی پزیشكی پەیمانگای تەكنیكی كۆیە گردبوونەوە. فاروق فایەق یەكێك لە سەرپەرشتیارانی گردبوونەوەكە لە كۆنفڕانسێكی ڕۆژنامەوانیدا ڕاگەیاند، "گردبوونەوەمان بۆ ڕێگری كردنە لە گواستنەوەی ئەو دوو بەشە پزیشكییە كە لە شارەدێیەكەیاندا كراوەتەوە و دەمانەوێت نەك دوو بەشی پەیمانگا بگرە پەیمانگایەكی سەربەخۆ بەناوی تەق تەقەوە بكرێتەوە". هاوكات، بەڕێوبەری شارەدێی تەق تەق ڕایگەیاند: "لە پەیوەندی بەردەوامدان لەگەڵ خوێندنی باڵا و وەزارەتی پەروەردە و لەچەند ڕۆژی داهاتوودا هەواڵی دڵخۆشكەرمان دەبێت بۆ خوێندكاران و هاووڵاتیانی سنوورەكە". شارەدێی تەق تەق لە ڕووی ئیدارییەوە سەر بە شارۆچكەی كۆیەیە و ۱۰۱ ساڵە شارەدێیە و چەندین جار داواكراوە بكرێت بە شارۆچكە.
-
خەڵك موقتەدا سەدر ستایشی كارمەندانی تەندروستی دەكات و داواش دەكات ھەڵبژاردن لە ژێر سەرپەرشتی تەندروستیی ئەواندا بەڕێوەبچێت. موقتەدا سەدر ڕێبەری ڕەوتی سەدر لە ھەژماری خۆی لە تۆڕی كۆمەڵایەتی تویتەر ستایشی كارمەندانی تەندروستی عیراقی كردووە و ڕایگەیاندووە، كارمەندانی تەندروستی ھەموو كارێكیان لە پێناو ڕێگرتن لە بڵاوبوونەوەی كۆرۆنا كردووە و مردنیش نەیترساندن، چونكە عیراق و گەلەكەیان خۆشدەویست. موقتەدا سەدر داواش دەكات، كارمەندانی تەندروستی سەرپەرشتی لایەنی تەندروستی ھەڵبژاردن بكەن، بۆ ئەوەی ڕێگربن لە زیاتر بڵاوبوونەوەی كۆرۆنا، چونكە پێویستە ھەڵبژاردن بە پێی مەرج و ڕێكارە تەندروستییەكان بەڕێوەبچێت وەك دوورەپەرێزی و پاكوخاوێنی.
-
ئەمەی خوارەوە سێ تاکتیکی کاریگەرە بۆ ئەوەی زۆر بەخێرایی خەوت لێبکەوێت: -شێوەی سەربازی -بچۆ سەر جێگەکەت و سەرەتا هەندێك راهێنان بۆ خاوكردنەوەی ماسولكەكانی دەمو چاو بكە، وەك پێكەنین . -دواتر خاوكردنەوە و درێژكردنی هەردوو دەستە بۆ خوارەوە . -هەناسەیەكی قووڵ هەڵبكێشە و بەردەوام بە لەوەی بیر و هۆشت لای خاوكردنەوەی ماسولكەی قاچت بێت كاتێك پاڵدەكەوی. -هەوڵ بدە بۆماوەی ١٠ چركە بیر لەهیچ مەكەرەوە ، تا هەستدەكەیت هەموو جەستەت چووەتە قۆناغی خاوبوونەوە. -دواتر دەبێت هەوڵ بدەی تەنیا بیر لە دوو حاڵەت بكەیتەوە ، یەكەمیان وابیربكەیەوە تۆ لەناو بەلەمێكدایت و لەناوەراستی دەریاچەیەكدایە و سەیری ئاسمان دەكەی ، دووەمیان وابزانی وەك ئەوەی لەناو جۆلانەیەكدایت و بەهێواشی رادەژێنرێی. شێوەی ٤+٧+٨ -بۆ ٤ چركە تەنها لەڕێی لوتتەوە هەناسەی قوڵ هەڵبمژە بۆ سیەکانت. -دواتر بۆ ماوەی ٧ چركە هەناسە مەدە لوت و دەمت بگرە. -پاشان شێوەی هەناسەدانەکە بگۆڕە و ئەمجارە بۆ ماوەی ٨ چركە تەنها لەڕێی دەمتەوە هەناسە بدە. -ئێستا چەند جارێك ئەم كارانە دوبارە بكەرەوە هەتا ئەو كاتەی بەبێ ئەوەی بەخۆت بزانیت خەوت لێکەوتووە. هەوڵبدە نەخەویت ئەم جۆرەیان بە Paradoxical Intention for Insomnia ناودەبرێت و تاکتیکەکە ئەوەیە کە بە مێشکت دەڵێیت ناتەوێت بخەویت و دەتەوێت لەسەر جێگاکە بمێنیتەوە، بەو جۆرە دەرونت ئارام دەبێتەوە و ترست لەوە نامێنێت خەوت لێنەکەوێت، هەر بۆیە بەبێ ئەوەی ئاگات لە خۆت بێت دەچیتە قوڵایی خەوەوە. زانیاری تەندرووستی خەوزڕان و نەخەوتن زیانی زۆری تەندرووستی هەیە بەتایبەت بۆ دڵ و خوێنبەرەکان و لەکاتی ئەو کێشەیەدا پێویستە هەوڵبدەیت چارەسەری بکەیت.
-
ئەمەی خوارەوە چەند پارێزێکی گرنگە بۆ ئەوەی جگەر و گورچیلەت لە ژەهر و پیسی پاک بکەیتەوە: -خواردنی سوێر و شیرن کەم بکەرەوە – میوە سروشتیەکان بخۆ و ڤیتامینیان لێوە وەربگرە – باڵانسی تەندرووستی و دەروونی جەستەت ڕابگرە – ڕاهێنان و وەرزش ئەنجام بدە ئەم گیراوەیەش بەکار بهێنە! شیری سۆیا لەگەڵ مۆزێک و نیو کوپ سپێناغ تێکەڵبکە و بێکەوە تێکی وەربدە، دواتر سێوێک یان کەمێک ئەنەناسی تێبکە و پاشان بیکەرە ساردکەرەوەوە و دواتر بیخۆ.
-
خەڵك كوردێك پۆستێكی باڵا لە نەتەوە یەكگرتووەكان وەردەگرێت و دەبێتە جێگری سەرۆكی كۆنگرەی ساڵانەی ئاژانسی نێودەوڵەتیی وزەی ئەتۆم. بەكر فەتاح، نوێنەری ھەمیشەیی عیراق لەرێكخراوی نەتەوە یەكگرتووەكان لە نەمسا، بەجێگری سەرۆكی كۆنگرەی ساڵانەی ئاژانسی نێودەوڵەتی وزەی ئەتۆم هەڵبژێردرا. كۆنگرەی ساڵانەی ئاژانسی نێودەوڵەتیی وزەی ئەتۆم ساڵانە دەستەی سەرۆكایەتیی هەڵدەبژێرێت، بەپێی جوگرافیا پۆستەكانی سەرۆكایەتی دابەشدەكرێت و بۆ ئەمساڵ پۆستەكانی سەرۆك و جێگر بۆ باشووری ئاسیا و رۆژهەڵاتی نێوەڕاست دیاریكران، كە سەرۆك درا بە كوێت و جێگریش درا بە عێراق. بڕیارە رۆژی دووشەممە 20.9.2021 كۆنگرەكە یەكەم كۆبوونەوە بكات و كوەیت سەرۆكایەتی بكات، رۆژی سێشەممەش كۆبوونەوەیەكی دیكە بە سەرۆكایەتیی بەكر فەتاح لە پشكی عێراق دەكرێت. بەكر فەتاح حوسێن زیاتر بناسە.. - باڵیۆزی پێشووی عێراق بووە لە سوێد و بەرازیل - نوێنەری هەمیشەیی عێراقە لە نەتەوە یەكگرتووەكان - ساڵی 1957 لە سلێمانی لەدایكبووە - خێزاندارە و باوكی دوو كچە - زمانەكانی ئینگلیزی، ئیسپانی، فارسی و ئیتاڵی دەزانێت - ساڵی 1978 لە زانكۆی سلێمانی بەكالۆریۆسی لە كیمیادا بەدەستهێناوە - 1989 تا 1992 نوێنەری یەكێتیی نیشتیمانیی كوردستان بووە لە ئێران - 1994 تا 1998 نوێنەری یەكێتیی نیشتیمانی كوردستان بووە لە ئیسپانیا - 1999 تا 2009 ئەندامی ئەنجوومەنی نەتەوەیی كوردستان - عێراق بووە
-
خەڵك بەڕێوەبەری پرۆژەكان لە پەیمانگای كوردی بۆ هەڵبژاردن دەڵێت، بۆ هەڵبژاردنی ئەمجارە جیاواز لە هەڵبژاردنەكانی پێشوو چەقی ململانێكان لە هەولێر دەبێت و لە سلێمانی نابێت بەهۆی ئەوەی ئەو دوو هێزەی لە سلێمانی ڕكابەری یەكتر بوون ئێستا هاوپەیمانن. ئارام جەمال، بەڕێوەبەری پرۆژەكان لە پەیمانگای كوردی بۆ هەڵبژاردن بە(خەڵك)ی ڕاگەیاند، چەقی ململانێكان لە هەڵبژاردنی ئەمجارەدا لە هەرێمی كوردستان پارێزگای هەولێرە و دوای ئەویش كەركووك، لە سلێمانی كەمتر دەبێت بە هۆی ئەوەی ئەو دوو هێزە سەرەكیەی لە هەڵبژاردنەكانی ڕابردوودا كێبڕكێیەكی توندیان دەكرد ئێستا لە هاوپەیمانێتیدان كە ئەوانیش یەكێتی نیشتیمانی كوردستان و بزووتنەوەی گۆرانن. ئاماژەی بە ئەوەشكرد، سەبارەت بە عێراق چەقی ململانێكان لە بەغدا دەبێت بەهۆی ئەوەی ژمارەی كورسیەكان زۆرترە و دوای ئەویش بەسڕەو ئەو شوێنانەن كە خۆپیشاندانیان تێدا كراوە. لە باری ئەوەی كەلە لایەن هاوولاتیان و شارەزایانی بواری هەڵبژاردنەوە باس لەوە دەكرێت بانگەشەكان تا ئێستا بە ساردی بەڕێوە دەچن ئارام جەمال وتی، هێشتا كات زۆر ماوە بۆ هەڵبژاردن و هێزەكان خۆیان كۆدەكەنەوە بۆ 15 ڕۆژی پێش هەڵبژاردن و ئەو كاتە دەتوانین بڕیار بدەین بانگەشە گەرموگوڕە یان نا. سەبارەت بە ئەگەری ئەنجامدانی ساختەكاری لە هەڵبژاردنی ئەمجارەی عیراقدا ئارام جەمال وتی، هەڵبژاردنی ئەمجارە دڵنیاییەك دەداتە هاووڵاتیان كە دەنگەكانیان نافەوتێت و ناتوانرێت ساختەكاری بكرێت ئەویش بەهۆی ئەو ئامێرانەی هێنراون ڕێوشوێنی زۆر توند گیراوەتەبەر، هیوادارم بەهۆی ئەو ڕێكارانەی گیراونەتەبەر ئاستی ساختەكاری داببەزێت بۆ سفر.