سەرۆكی حكومەتی هەرێمی كوردستان Archives - تۆڕی میدیایی خەڵک

سەردێر

خێزان ئەمەی خوارەوە گیراوەیەکە کە دەتوانیت خۆت لە ماڵەوە درووستی بکەیت و دواتر بە قۆڵتیەوە بیپێچیتەوە، جگە لەوەی چەوری دەتوێنێتەوە و زۆر سوودی بۆ پێستیشت هەیە چونکە دەوڵمەندە بە ڤیتامین A و E. پێکهاتەکان: -نیو مۆز قاش بکە و پانی بکەرەوە. -١ کەوچکە چا هەنگوینی تێبکە -١ کەوچکە چا قاوەی هاڕاوی تێبکە -هەموو پێکهاتەکان جوان تێکەڵ بکە تا وەک پاستایەکی لێدێت. -بیدە لە قۆڵت و دواتر عەلاگەیەکی تێوە بپێچە -با نیو کاتژمێر بە پێچراوەی بمێنێتەوە.
خێزان ئەمەی خوارەوە چەند زانیاریەکە لە نێو فیلمەکان بینیومانە و بۆ ژیانی ڕاستی نابێت و پێویستە وریا بیت: -لە نێو فیلمەکان پاڵەوانەکە ماسی ڕاودەکات و بە کاڵی دەیخوات، یاخود ئاژەڵی دیکەش کە ئەمە بۆ ژیانی ڕاستی نابێت چونکە خواردنی گۆشت بەکاڵی وادەکات میکرۆب و بەکتریای زۆر بچێتە گەدەت و توشی هەوکردنی بکات. -لە فیلمەکان هەمیشە کەمێک ئاو دەهێڵنەوە و ئاوی پێویست ناخۆنەوە کاتێک لە بیابانێکدان، بەڵام ئەمە بۆ ڕاستی نابێت چونکە گەر وەک پێویست تونیەتیت نەشکابێت ئەوا زۆر ئاسان بەهۆی گەرماوە هۆش لە دەستدەدەیت و دەمریت. -بەپێی فیلمەکان بێت گەر ونبوویت ئەوا پێویستە بە قەراغ ڕووباردا بڕۆیت چونکە لەو ناوچانە خەڵکی لێیە، بەڵام ئەمە ڕێگەیەکی باش نییە چونکە دەبێت لەو شوێنە بمێنیتەوە کە لێی ونبوویت، بەو پێیەی ئەگەر زۆرە لەوێدا بەدواتدا بگەڕێن نەک قەراغ ڕوبارەکان. -بە پێی فیلمەکان گەر ئاو بکوڵێنیت ئیدی مەترسی لەسەر نامێنێت، لەکاتێکدا کوڵانی ئاو تەنها میکرۆبەکانی دەکوژێت و گەر ئاوێک بۆ خواردنەوە نەشێت بە کوڵان چارەسەر نابێت -بەپێی فیلمەکان بێت گەر لە بیاباندا ونبویت ئەوا پێویستە یەکەمجار سەرچاوەی ئاو بدۆزیتەوە، بەڵام ئەوە هەڵەیە چونکە ئاوی بیابان گەر بیشی دۆزیتەوە بەهۆی گەرمیەوە بۆ خواردنەوە نابێت، بۆیە پێویستە سێبەر بدۆزیتەوە تا ئاوی ناو جەستەت زوو تەواو نەبێت.
گۆران قادر جینین هینیس پلاسخارت نوێنەری نەتەوە یەكگرتووەكان لە عێراق، چەندین جارە هۆشداری دەدات كە مەرج نیە قەوارەی هەرێم وەك ئەوەی ئێستا بمێنێتەوە، ئەم لێدوانانە لە بنەڕەتدا باكگراوندێكی سیاسی هەیە كە ڕاستەوخۆ نایڵێت بەڵكو بە زمانێكی سیاسی بۆ مەبەستێكی دیاری كراو ئاماژەی پێدەدات، كە لەوەیە ئەو واتایە نەگەیەنێت كە ئێمە تێگەیشتنمان بۆی هەیە. لێدوانەكانی پلاسخارت بەو پێیەی نوێنەری گەورەترین ڕێكخراوی جیهانییە لە عێراق، هەموو كات جێگای بایەخە، چونكە لە ئاگاداری بۆ پلانەكانی داهاتووە و دەوترێت،ئێستاش چەندین جار ئاماژەی بە مەترسی لەسەر قەوارەی هەرێم داوە، لە ڕاستیدا هەموو كات قەوارەی هەرێم مەترسی لەسەرە،چونكە كاریگەرە بە ناوخۆی كوردستان و عێراق و تەنانەت وڵاتانی دراوسێ و گۆڕانكارییە جیهانییەكانیش، بەو پێیەی سیاسەتی ئەمڕۆی جیهانی لەسەر بنەمای بەرژەوەندی كار دەكات، نەك مەبدەئو پرەنسیپ و یاسا،كەواتە ئەگەر بڵێین مەترسی هەیە،ئەوا ئاساییە و لای هەمووان ڕوونە و لەوەیە بۆ زۆر هەرێم و وڵاتی دیكەش ڕاست بێت،بەڵام وتنی بە ئاشكرا ئەوەندەی پەیوەستە بە هۆشداری و بە ئاگا هێنانەوە،ئەوەندە پەیوەست نیە بە ڕوودانی مەترسییەكەوە،بەواتایەكی دیكە لێدوانەكانی پلاسخارت هۆشدارییە كە نابێت دۆخی هەرێم بەم شێوازەی ئێستا بڕوات،چونكە نیگەرانی نەتەوە یەكگرتوەكان و ئەمریكا و كۆمەڵگەی نێودەوڵەتی لێكەوتۆتەوە، بەتایبەت ئەوەی پەیوەستە بە دۆخی مافی مرۆڤ و ئیدارەدان و دۆخی ژیانی هاوڵاتیان. ئەوەی ئەمریكا و پلاسخارت نیگەران دەكات، لاواز بوونی زیاتری هەرێمی كوردستانە،چونكە ویلایەتە یەكگرتوەكانی ئەمریكا بە پەرۆشە بۆ ئەوەی كوردستانێكی بەهێز لە عێراقێكی یەكگترودا بوونی هەبێت، كە بتوانێت ڕووبەڕووی ئاڵنگارییەكان ببێتەوە،هەروەها هێندە بەهێز بێت كە بتوانێت پشتی پێببەستێت و لە هەرێمەوە ئیدارەی ناوچەكە بدات و زۆرجاریش وەك كارت بەكاری بهێنێت،بەڵام بە دابەش بوونی سیاسی و نیگەرانی هاوڵاتیان،ئەم مەبەستەی ئەمریكا نایەتەدی، بۆیە وەك دەبینین پلاسخارت زۆرترین ڕەخنە لە دابەش بوونی سیاسی لە هەرێم دەگرێت و كەمتر باس لەو پێشێلكارییانە دەكات كە حكومەتی عێراق و تەنانەت میلیشیاكانیش دەیكەنە سەر هەرێمی كوردستان، هەروەها لێدوانیشی لەسەر داگیركاری توركیا نیە، بۆیە بە وردبوونەوە لە كۆی وتەكانی، لە مەبەستی حەقیقی پلاسخارت تێدەگەین، كە دەیەوێت هەرێمێكی بەهێز هەبێت و بەرگەری ئاڵنگارییەكان بگرێت، بۆ ئەوەی لە داهاتوودا پشتی زیاتری پێببەسرێت،چونكە هەرێمێكی لاواز بەلای ئەمریكاوە وەك نەبوونی لێدێت. هەرچی پەیوەست بە هەڕەشە لەسەر قەوارەی هەرێم، ئەوا دیسان لە ئێستادا بەو زەقیە هەستی پێناكرێت، چونكە كۆدەنگیەكی هەرێمی و نێودەوڵەتی هەیە، كە پشتگیری لە فیدراڵیەتی عێراق و مانەوەی هەرێم دەكات، لەسەر ئاستی جیهان زۆرینەی وڵاتە پێشكەوتووەكان بە ئاڕاستەی فیدراڵی رۆیشتوون و سەركەوتنیشی بەدەستهێناوە،ئەمركیاش پشتگیری لەم فیدراڵیە دەكات، لەسەر ئاستی هەرێمییش توركیا و ئێران لەوەیە سەرسەخترین نەیاری كورد بن،بەڵام لە ئێستادا بەرژەوەندی سیاسی و ئابورییان لەگەڵ هەرێمدا هەیە و نایەنەوێت هەڕەشەی جدی لەسەر دروست ببێت،بەڵام حەز بە هەرێمێكی بەهێز ناكەن، لەناوخۆی عێراقیشدا،ئەوە لەلایەك دەستور قەوارەی هەرێم دەپارێزێت، لەلایەكی دیكەشەوە عێراق حكومەتێكی هێندە بەهێزی نیە كە بتوانێت ئیدارەی هەرێمیش بدات، بۆیە خۆی ناخاتە ناو ئەو تونێلەی كە ئەو سەری دیار نیە، ئەمە جگە لەوەی بۆ نەمانی هەرێم پێویستی بە گۆڕینی دەستور هەیە، كە ئەمەش لە ئێستادا زەحمەتە. كەواتە لە كۆتاییدا دەگەینە ئەو دەرئەنجامەی كە هەڕەشەی جدی لەسەر نەمانی قەوارەی هەرێم نیە، بەڵكو هەڕەشەی لاواز بوونی هەرێم هەیە، لێدوانەكانی پلاسخارتیش هۆشدارییە كە نابێت هەرێم بەم شێوەیەی ئێستا بەردەوام بێت،چونكە بەرەو لاوازی زیاتر دەبات، كە ئەمەش لەگەڵ ئەجێندەی ئەمریكا و نەتەوە یەكگرتوەكان یەك ناگرێتەوە.
خەڵک- وەزارەتى خوێندنى باڵا و توێژینەوەى زانستى حکومەتی هەرێم رایگەیاند "زەمالەی خوێندنی ماستەر و دکتۆرای بۆ هاووڵاتیانی هەرێـم لە وڵاتی هیندستان بۆ ساڵی خوێندنی (2022 - 2023) دابینکردووە". ئەمڕۆ پێنجشەممە، وەزارەتى خوێندنى باڵا و توێژینەوەى زانستى حکومەتی هەرێمی کوردستان لە راگەیەنراوێکدا بڵاویکردەوە، "زەمالەى خوێندنى ماستەر و دکتۆرا لە وڵاتى هیندستان لە چوارچێوەى پرۆگرامى ئەنجومەنى هیندى بۆ پەیوەندییە کلتورییەکان بۆ مامۆستا و فەرمانبەر و هاووڵاتیانى هەرێمى کوردستان لە بوارە جیاجیاکاندا بۆ ساڵى خوێندنى (2022 - 2023) ڕادەگەیەنێت". ئامەژەشی بەوەکرد "لەو بارەیەوە هەر کەسێک مەرجەکانی تێدا بەرجەستە بێت و ئارەزووی خوێندنی هەیە لە زانکۆکانی وڵاتی هیندستان، بە لەبەر چاوگرتنی ئەو تێبینییانەی خستوویانەتە روو، دەتوانێت داواکاری پێشکەش بکات لە ڕێگەی ئەو لینکەی تایبەت بەو زەمالەیە دانراوە لە سایتی وەزارەت".
خەڵک وەزیری دەرەوەی پێشووی ئەمریکا و دیپلۆماتکاری بەناوبانگ، هێنری کیسینجەر، بەرچاو روونی و ئامۆژگاریی دەداتە کیێڤ و سەروەختی دەسەڵاتی هیتلەر و نازییەکان بەبیر سەرۆکی ئۆکراین دێنێتەوە و دەڵێت هەندێک لە وڵاتانی ئەوروپا سازشیان کردووە و ڕێککەوتوون، تەنانەت کۆنترۆڵکردنی هەندێک ناوچەیان لەلایەن ئادۆلف هیتلەر سەرۆکی ئەوکاتی ئەڵمانیایان پێ خۆش بووە. لەمیانی گفتوگۆکانی کۆڕبەندی ئابووری داڤۆس لە سویسرا، هێنری کیسنجەری تەمەن 98 ساڵ، کە یەکێک لە رەمزە دیارەکانی سیاسەت و دیپلۆماسیەتی ئەمریکاو جیهانەو پێشتر وەزیری دەرەوەی ئەمریکا بووە، داوای لە کیێڤ کرد کە وازهێنان لە بەشێک لە خاکەکەی قبوڵ بکات تا لەگەڵ مۆسکۆدا بگەنە ڕێکەوتنی ئاشتی و کۆتایی هێنان بەو جەنگەی لە ئارادایە. ناوبراو پێیوابوو شکستهێنان لە دەستپێکردنەوەی دانوستانەکانی نێوان هەردوو وڵات و بەردەوامبوون لە دژایەتیکردنی یەکدی ئەنجامی جددی بۆ ناسەقامگیری درێژخایەنی تەواوی ئەوروپا دەبێت. وتیشی: "پێویستە لە ماوەی دوو مانگی داهاتوودا دانوستانەکان بەجددی بۆ کۆتایهێنان بە شەڕ دەستپێبکەن و هەردوو لا سازش بۆ یەکدی بکەن. کیسنجەر کە لە ماوەی ساڵانی حەفتاکاندا لەچوارچێوەی ئیدارەکانی سەرۆک ڕیچارد نیکسۆن و جیراڵد فۆرد خزمەتی کردووە، هۆشداریدا کە " جەنگی سەر ئۆکراین درێژە دەکێشێت و زۆر وڵاتی دیکەشی تێوە دەگلێت ". جەختیشی لە گرنگی گەڕانەوە بۆ سەر مێزی گفتوگۆ کردەوە و تیشکی خستە سەر گرنگیی ڕووسیا، بە لەبەرچاوگرتنی ئەوەی کە بۆ ماوەی 400 ساڵ بەشێکی سەرەکی ئەوروپا بووە و لە کاتە مەترسیدارەکاندا وەک هێزێکی هاوسەنگ کار دەکات. ئەو داواشی لە وڵاتانی ڕۆژئاوا کرد گرنگی دەوڵەتی ڕووسیا لە کیشوەری ئەوروپا بەبیر بهێننەوە . کیسنجەر، لەو دیپلۆماتکارە دیارانە بوو، کە ڕۆڵێکی گرنگی هەبوو لە دیاریکردنی سیاسەتی دەرەوەی ئەمریکا لە ماوەی جەنگی سارددا و ڕێنمایەکانی ئەو بووە هۆی کەمبوونەوەی گرژییەکانی نێوان ویلایەتە یەکگرتووەکان و یەکێتیی سۆڤیەت. هاوکات ڕۆڵێکی بەرچاوی هەبوو لە ئاساییکردنەوەی پێوەندی نێوان ویلایەتە یەکگرتووەکان و چین و سەردانە مێژوویییەکەی سەرۆک کۆمار، ڕیچارد نیکسۆنی لە ساڵی ١٩٧٢ بۆ چینی لێ کەوتەوە.
خەڵك- دەوڵەتی توركیا هێرشێكی نوێی كردە سەر ناوچەكانی شاخی جودی و ناوچەكانی ئێف ئێم-ی زاپ و شاخی هەكاریی مەتینا و شەڕێكی قورس لە ناوچانە دەستیپێكردووە. ئاژانسی فوڕات نیوز بڵاویكردەوە، بەگوێرەی سەرچاوەكانی گەریلا، سوپای توركیا دوێنێ بە فڕۆكە و هەلیكۆپتەر ناوچەكانی شاخی جودی و ناوچەكانی ئێف ئێم-ی سەر بە شاخی زاپ و شاخی هەكاریی مەتینای بۆردومان كرد و پاشان لە ئاسمان و زەوییەوە هێرشێكی داگیركارانەی دەستپێكرد. لە شاخی جودی و شاخی ئێف ئێم و شاخی هەكاری لە نێوان گەریلاكان و داگیركەراندا شەڕێكی قورس لە ئارادایە.
خەڵك- بەرپرسێكی بەڕێوەبەرێتی خۆسەر هەڕەشەكانی توركیا لە رۆژئاوای كوردستان بۆ ئەنجامدانی ئۆپراسیۆنی سەربازی بە "جدی" وەسفدەكات و ئاماژە بەوە دەدات، دۆخی مرۆیی لە ناوچەكە تێكدەدات. شێخموس ئەحمەد، بەرپرسی نوسینگەی‌ كاروباری ئاوارەكان و پەنابەران لە بەڕێوەبەرێتی خۆسەر رایگەیاند، توركیا پابەندی رێكەوتننامەكانی‌ ئاگربڕ نابێت كە لە تشرینی یەكەمی 2019 لەگەڵ لایەنە گەرەنتیكەرەكان مۆریكردووەو "لە ئێستادا پێشێلی ئەو رێكەوتنە دەكات و هەڕەشەی ئەنجامدانی ئۆپراسیۆنی سەربازی دەكات، ئەوەش ئەوەندەی‌ تر دۆخی مرۆیی لەناوچەكان خراپتر دەكات." شێخموس وتیشی: "هەر ئۆپراسیۆنێكی سەربازی توركیا ئەنجامی بدات، مەترسی جدی لەسەر دانیشتوانی ناوچەكە دروست دەكات و كارەساتی مرۆیی دەنێتەوە." ئەوەشی خستەڕوو، ساڵانی رابوردوو، بەهۆی ئەو ئۆپراسیۆنانەی‌ لە عەفرین و سەرێ كانی و گرێ سپی ئەنجامیداون، ملیۆنێك كەس لە شوێنی خۆیان هەڵكەندراون. شێخموس باسی لەوەكرد، ئۆپراسیۆنەكانی‌ توركیا، بە پلەی‌ یەكەم خزمەت بە پرۆژەكانی گۆڕینی دیمۆگرافی دەكات كە سەرەتای مانگی ئایار رایگەیاند. رۆژی دووشەممە رەجەب تەییب ئەردۆگان باسی لە نیازی وڵاتەكەی‌ كرد بۆ ئەنجامدانی ئۆپراسیۆنێكی نوێی سەربازی بە مەبەستی بەرپەرچدانەوەی‌ ئەو هێرشانەی‌ هەڕەشە لە ئاسایشی نەتەوەیی توركیا لەسەر سنوری باشورەوە، وەك ئاماژەیەك بۆ ناوچەكانی رۆژئاوای كوردستان. سەرچاوە/نۆرس پرێس
خەڵک دانیلۆی بەرگریکاری ڕاست لە لیستی هەڵبژاردەی تۆپی پێی بەرازیل دوورخرایەوە، بۆ ئەو دوو یارییە دۆستانەیەی کە بڕیارە مانگی حوزەیرانی داهاتووبەرامبەر کۆریای باشوور و ژاپۆن ئەنجام بدرێت، ئەمەش وەک ئامادەکارییەک بۆ مۆندیالی 2022ی قەتەر. یەکێتی تۆپی پێی بەرازیل لە بەیاننامەیەکدا ئاماژەی بەوە کردووە کە دانیلۆ کە ئێستا یاریزانی پێشووی یۆڤانتۆس و ریاڵ مەدرید و مانچستەر سیتییە، لەپێکانێک کە لە پێی ڕاستی تووشی بووە چاک نەبووەتەوە و بەو پێیەش بڕیاردرا لە دوو یارییەکە دووربخرێتەوە. بەپێی راگەیەندراوەكە، تیتی راهێنەری هەڵبژاردەكە، كە دوای مۆندیال پۆستەكەی جێدەهێڵێت، بڕیاریداوە یاریزانێكی تر بانگ نەكات بۆ قەرەبووكردنەوەیئامادەنەكردنی دانیلۆی تەمەن 30 ساڵ. بڕیارە ئەمڕۆ پێنجشەممە، هەڵبژاردەی بەرازیل لە سیئۆل دەست بە کەمپەکەی بکات، ئەمەش وەک ئامادەکارییەک بۆ ڕووبەڕووبوونەوەی کۆریای باشوور وژاپۆن لە 2 و 6ی حوزەیران. هەڵبژاردەی بەرازیل لە مانگی ئەیلولی داهاتوو دوو یاری دۆستانە بەرامبەر ئەرجەنتین و مەکسیک ئەنجام دەدات پێش ئەوەی لیستی کۆتایی یاریزانان بۆمۆندیالی قەتەر دیاری بکات . بەڕازیل کە پێنج جار پاڵەوانی جیهانە، بەشداری لە مۆندیالی کۆمەڵەی G دەکات، کە سربیا و سویسرا و کامیرۆنیش لەخۆدەگرێت.
خەڵك- داواكاری سوێد و فێنلاند بۆ چوونە نێو ناتۆ مشتومڕی دروستكردووە دەربارەی رێڕەوی جەنگی ئۆكراین كە نزیك دەبێتەوە لە چوار مانگ. لەشكركێشی رووسیا بۆ ئۆكراین مێژووی هەڵوێستی سوێد و فێنلاندی گۆڕی دەربارەی چوونە نێو ناتۆ، دوای ئەوەی لە جەنگی سارددا بە بێلایەنی مانەوە لەبەرامبەر دڵنیایی مۆسكۆ كە سۆڤێت خاكەكەیان داگیرناكات. لە هەڵوێستی نوێدا بۆ رەتكردنەوەی چوونەناوەوەی هیڵسنكی و ستۆكهۆڵم بۆ ناو هاوپەیمانی سەربازی ناتۆ مۆسكۆ دەڵێت ئەم هەنگاوە باكووری ئەوروپا بەرەو جەنگ دەبات. نیكۆلای كورچۆنۆف كاربەدەستێكی وەزارەتی دەرەوەی رووسیایە و سەرۆكی لیژنەی گەورە بەرپرسانە لە ئەنجومەنی باكور نیگەرانی وڵاتەكەی لەم هەنگاوە باسكردووە دەڵێت گۆڕەپانی باكوور گۆڕەپانی جەنگی نێودەوڵەتییە، ناوچەكە دەگۆڕێت بۆ سەكۆیەك بۆ ئۆپەراسیۆنە سەربازییە نێودەوڵەتییەكان كە زۆر جێگەی نیگەرانییە.
خەڵک- وتەبێژی فەرمی دەستەی ژینگەی هەرێمی کوردستان رایگەیاند "ناکرێت ئەو خۆڵبارینە ڕابگرین چونکە لای ئێمەوە نییە و لە دەرەوە بۆمان دێت". عەبدولڕەزاق خەیلانی، وتەبێژی فەرمی دەستەی ژینگەی هەرێمی کوردستان لە وتووێژێکیدا بۆ رادیۆی دەنگی ئەمریکا، رایگەیاند "ناکرێت ئەو خۆڵبارینە ڕابگرین، چونکە لای ئێمەوە نییە و لە دەرەوە بۆمان دێت، بەو پێیەی ڕێژەی سەوزایی لە شارەکانی هەرێمی کوردستان جیاوازن، بەڵام لە 10%،‌ یان 12% یان 8% جیاوازی هەیە بەپێی شارەکان". وتیشی " پێشتر سەرۆکی دەستەی ژینگە ڕایگەیاند، لە 2010 تا 2019 بە هۆی تۆپبارانەکانی تورکیا و ئێرانەوە 100 ملیۆن دۆنم دارستان لە هەرێمی کوردستان سووتاوە". خەیلانی لە بارەی هۆکارەکانی خۆڵبارینیش وتی " ئەم دیاردەیە هۆکارەکانی بریتیین لەوەی کە ڕێژەی شێ کەمە لەو شوێنانەی کە خۆڵبارینەکەی لێوەهاتووە، خۆڵبارین ئەوە نییە لەئاسمانەوە بێتەخوارەوه،‌ بەڵکو گواستنەوەی خۆڵە لەشوێنێکەوە بۆ شوێنێکی تر، ئەو شوێنەی کە خۆڵی لێبووە لەگەڵ با هاتووە بەئاراستەی ناوەڕاستی عێراق و هەرێمی کوردستانیشەوە، بۆنموونە لە ڕۆژهەڵاتی ئوردن و لە رۆژهەڵاتی سوریا و لە باکوری ئەفەریقا لەو شوێنانەوە کە دێت لەبەرئەوەی هەم ڕێژەی شێ لەوێ کەمە هەم ڕووپۆشی ڕووەکی کەمە یان نییە هەم دەنکۆڵەکانیشی یەکگرتوو نیین و سروشتی خۆڵەکەش لماوییە بۆیە لەگەڵ ئاراستەی با هەڵدەکات و دێتە لای ئێمە و دەبێتە خۆڵبارین ئەوە هۆکارە سەرەکیەکانی دروستبوونی خۆڵبارینە". خەیلانی ئاشکراشیکرد " هەموو بابەتەکان پەیوەندی بە گۆڕانکاری کەشوهەواوە هەیە بۆیە بەرزبوونەوەی پلەی گەرمی و کەمبوونەوەی باران بارین و کەبوونەوەی ڕێژەی شێ لەو شوێنانە هۆکارە بۆ ئەوەی ئەو خۆڵبارینە دروست بێت، خۆڵبارینەکەش بۆ ناوچەکانی ئێمە گوازراوەتەوە، لە ناوخۆی هەرێمدا دروست نەبووە، هەمووی له ‌دەرەوە بۆمان دێت بەتایبەتی ئەو شوێنانەی بیابانن وەکو بیابانی گەورە لە ئەفریقیا و لە دورگەی عەرەبی ڕۆژهەڵاتی سوریا و ئوردنەوە". خەیلانی سەبارەت بە چارەسەرەکانی خۆڵبارینیش، وتی "ناکرێت بوترێت ئەو خۆڵبارینە رادەگرین،لەبەرئەوەی بۆمان دێت و لای ئێمەوە دروست نەبووە، بۆ چارەسەرکردن، دەبێت هەوڵبدەین ڕێژەی سەوزایی لە سنوری هەرێمی کوردستان لە پارێزگا و شارەکاندا زیاد بکەین و پشتێنەی سەوزایی دروست بکەین له ‌دەوروبەری شارەکان بۆئەوەی کەمترین کاریگەری هەبێت یان کەشێکی شێدار فەراهەم بێنێت بۆئەوەی ئەگەر خۆڵبارینیش هەبوو کاریگەرییەکانی کەمتر بکاتەوە". دەربارەی ڕێژەی سەوزایی لە هەرێمی کوردستان، ئاماژەی بەوەدا " ڕێژەی سەوزایی دوو حاڵەتی هەیە لەبەرئەوەی سەوزایی ناوشارەکان پەیوەندی بە ئەندازەی پارک و باخچەکانەوە هەیە لەشارەکاندا، سەوزایی لە دەرەوەی شارەکانیش پەیوەندی بە بەڕێوەبەرایەتی دارستان و پاوان لە پارێزگاکانەوە هەیه،‌ بەڵام وەکو ڕێژە ڕێژەی سەوزایی لەناو شارەکاندا ئێمە بەهاوکاری لەگەڵ لایەنەکانی تری حکومەتی هەرێمی کوردستان هەوڵمانداوە کە ئەو ڕێژەی سەوزاییە زیاد بکەین". خەیلانی ئەوەشی ڕوونکردەوە " ڕێژەی سەوزایی لە شارەکاندا بە ژمارە وەکو یەک نییە و جیاوازی هەیە، لەبەرئەوەی ڕێژەی سەوزایی لەشارێکەوە بۆ شارێکی تر جیاوازی هەیە لە ڕووبەر و ئەو شوێنەی تەرخانکراوە بۆ سەوزایی لە گەڕەکەکاندا، ئەو ڕێژانە ڕەنگە زۆر ورد و تەواو نەبن، چونکە ئەو ڕێژەیە ئێمە دەبێت لەئەندازەی پارک و باخچەکان وەریبگرین دەڵێین لە 10% یە یان 12% یان 8% جیاوازی هەیە بەپێی شارەکان". هەروەک خەیلانی لە وەڵامی ئەو پرسیارەی دەستەی ژینگە چیکردووە لەماوەی ڕابردوودا لە بارەی ڕێژەی سەوزایی ژینگەی هەرێمی کوردستان، خەیلانی وتی" ئەوە نیشانەی ئەوە نییە کە ئێمە هیچمان نەکردووە لەبەرئەوەی نازانین ڕێژەی سەوزایی چەندە، ڕێژەی سەوزایی ژوورێکی سێ بە چوار نییە بڵێین دەکاتە 12 مەتر، سەوزایی لەهەندێک شوێن چێنراوە، دار چێنراوە و باخچە دروستکراوە، بەڵام لەسنورەکان هەموو ڕۆژێک تۆپباران و شەڕە…

مەسرور بارزانی گەیشتە ئەبوزەبی

کوردستان

مەسرور بارزانی گەیشتە ئەبوزەبی

لاوى محمد

ئایار 14, 2022

خەڵك – سەرۆكی حكومەتی هەرێمی كوردستان بۆ بەشداریكردن لە…

“هەرێمی كوردستان یەكێكە لە ناوەندەكانی دابینكردنی وزە، نەك تەنیا بۆ هەرێم بەڵكو بۆ تەواوی ئەوروپا و جیهانیش”

“هەرێمی كوردستان یەكێكە لە ناوەندەكانی دابینكردنی وزە، نەك تەنیا بۆ هەرێم بەڵكو بۆ تەواوی ئەوروپا و جیهانیش”

كوردستان جەلال

ئازار 29, 2022

خەڵك سەرۆكی حكومەتی هەرێمی كوردستان دەڵێت، هەرێمی كوردستان…

مەسرور بارزانی لەگەڵ شێخ نەهرۆ كەسنەزانی كۆبوەوە

کوردستان

مەسرور بارزانی لەگەڵ شێخ نەهرۆ كەسنەزانی كۆبوەوە

لاوى محمد

كانونی یه‌كه‌م 16, 2021

خەڵك – سەرۆكی حكومەتی هەرێمی كوردستان لەگەڵ رێبەری تەریقەتی…

مەسرور بارزانى لەسەر کڕینى خانوویەکى گرانبەها لە ئەمریکا هاتەدەنگ

کوردستان

مەسرور بارزانى لەسەر کڕینى خانوویەکى گرانبەها لە ئەمریکا هاتەدەنگ

لاوى محمد

كانونی یه‌كه‌م 9, 2021

خەڵك – نووسینگەی سەرۆكی حكومەتی هەرێمی كوردستان ڕایدەگەیەنێت…

مەسرور بارزانی هاووڵاتیان هان دەدات

تەندروستی

مەسرور بارزانی هاووڵاتیان هان دەدات

کارزان جەرجیس

كانونی یه‌كه‌م 5, 2021

خەڵك مەسرور بارزانی هانی هاووڵاتیان دەدات بۆ وەرگرتنی…

مەسرور بارزانی گەڕایەوە هەولێر

کوردستان

مەسرور بارزانی گەڕایەوە هەولێر

لاوى محمد

تشرینی دووه‌م 21, 2021

خەڵك – سەرۆكی حكومەتی هەرێمی كوردستان لە دوای بەشداریكردنی…

مەسرور بارزانی لەگەڵ برێت مەكگورك كۆبووەوە

کوردستان

مەسرور بارزانی لەگەڵ برێت مەكگورك كۆبووەوە

لاوى محمد

تشرینی دووه‌م 20, 2021

خەڵك – سەرۆكی حكومەتی هەرێمی كوردستان لە پەراوێزی كۆڕبەندی…

مەسرور بارزانی بۆ قەرەبووی زیانلێكەوتووانی لافاوەكەی هەولێر بڕیاریدا

کوردستان

مەسرور بارزانی بۆ قەرەبووی زیانلێكەوتووانی لافاوەكەی هەولێر بڕیاریدا

لاوى محمد

تشرینی یه‌كه‌م 31, 2021

خەڵك – سەرۆكی حكومەتی هەرێمی كوردستان زیان لێكەوتووانی…

مەسرور بارزانی لەگەڵ نوێنەری سكرتێری گشتی نەتەوە یەكگرتووەكانی لە عێراق كۆبوەوە

کوردستان

مەسرور بارزانی لەگەڵ نوێنەری سكرتێری گشتی نەتەوە یەكگرتووەكانی لە عێراق كۆبوەوە

لاوى محمد

تشرینی یه‌كه‌م 14, 2021

خەڵك سەرۆكی حكومەتی هەرێمی كوردستان لەگەڵ نوێنەری تایبەتی…

بەرهەم ساڵح پیرۆزبایی لە مەسرور بارزانی كرد

کوردستان

بەرهەم ساڵح پیرۆزبایی لە مەسرور بارزانی كرد

لاوى محمد

تشرینی یه‌كه‌م 11, 2021

خەڵك سەرۆكی حكومەتی هەرێمی كوردستان پەیوەندییەكی تەلەفۆنی…