رۆژی سەرکەوتنی رووسیا چی لەگەڵ خۆیدا دەهێنێت؟
خەڵک- لە نۆی مانگی ئایاری هەموو ساڵێکدا، رووسیا ئاهەنگ…
زیاترسەردێر
-
خەڵک- بەرپرسانی ئەمنی عێراق لە بازگەی کەرکووک رێگرییان لە ئایدن مەعروف، وەزیری ھەرێم بۆ کاروباری پێکھاتەکان کرد بۆ چوونە ناو قەزای خورماتوو کە بەمەبەستی بەشداریکردن لە رێوڕەسمی یادکردنەوەی ساڵیادی شەھیدکردنی سەرکردەیەکی تورکمان. نووسینگەی، ئایدن مەعروف بڵاویکردووەتەوە"دوای نیوەڕۆی ئەمڕۆ شەممە رێکەوتی ٢٥ی حوزەیرانی ٢٠٢٢، وەزیری ھەرێم بۆ کاروباری پێکھاتەکان، ئایدن مەعروف بەمەبەستی بەشداریکردنی لە رێوڕەسمی یادکردنەوەی ساڵیادی شەھیدکردنی سەرکردەی تورکمانی، عەلی ھاشم موختارئۆغلو لە خورماتوو، لەلایەن بەرپرسانی ئەمنی عێراقییەوە لە بازگەی کەرکووک رێگریی لە چوونەژوورەوەی بۆ شارەکە کرا". لە روونکردنەوەکەدا هاتووە"ئەم پێشهاتە لە کاتێکدایە کە سەردانی کردنی ئایدن مەعروف تەنھا بەمەبەستی ھاوخەمی و دڵنەوایی خانەوادە و خەڵکی شارەکە بووە". لە کۆتایی روونکردنەوەکەدا هاتووە"وەک نووسینگەی وەزیری هەرێم بۆ کاروباری پێکهاتەکان ئەم ھەڵوێستە نەشیاو و نادیموکراسیە ئیدانە و شەرمەزار دەکەین و ھیوادارین لایەنی پەیوەندیدار لەبارەی ئەو رووداوەوە بەدەنگ بێت و ھەرچی زووە رێککاری یاسایی بەرامبەر بکەرانی رووداوەکە بگیرێتەبەر".
-
خەڵک- کارەبای سلێمانی رایگەیاند، رەشەبا زیان بە ژمارەیەک فیدەری کارەبا دەگەیەنێت. بەڕێوەبەرایەتی کارەبای سلێمانی رایگەیاند، ئەو رەشەبا و هەورەبروسکەیەی کوردستان بەگشتی و پارێزگای سلێمانی گرتووەتەوە لە ناو شار لە (٤٥ ) فیدەر و ( ١١ ) هێڵی ٣٣ کەیڤی لەکار کەوت، لەدەرەوەی شاریش ( ٥٠ )فیدەرو٥ هێڵی ٣٣ کەیڤی کەوتن. کارەبای سلێمانی دەشڵێت:"زۆربەیان چاک کراونەتەوە و تیمەکانیش سەرقاڵی چارەسەرکردنی ئەوانەن کە ماون".
-
خەڵک- پۆلیسی راپەڕین رایگەیاند، کاتژمێر١ی شەوی ٢٥-٦-٢٠٢٢، دوو کەس بە فیشەک کەسێکی دیکە بریندار دەکەن دوای ٨ کاتژمێر لە رووداوەکە خۆیان رادەستی پۆلیس دەکەن. پۆلیسی راپەرین دەشڵێت:" بەگوێرەی لێکۆڵینەوەکان و وتەی بریندارەکە دەرکەوت کە لەگەڵ دوو کەسەکەی تر کە برینداریان کردووە کێشەیان هەبووە و لێیان بووە بە دەمەقاڵی و لەلایەن یەکێک لە دوو کەسەکە بە چەکی دەمانچە تەقەی لێکراوە و فیشەک بەر قاچی کەوتووە". پۆلیس دەشڵێت:"بەیانی ئەمڕۆ دوای تێپەڕبوونی ٨ کاتژمێر بەسەر ڕوداوەکە، هەردوو کەسەکە خۆیان ڕادەستی هێزەکانمان لە بەشی پۆلیسی فریاکەوتنی ڕاپەڕین کرد لە ڕانیە . لە ئێستادا بەپێی ماددەی ٤٠٥ /٣١ یاسای سزادانی عێراقی راگیراون و لێکۆڵینەوە لە ڕوداوەکە بەردەوامە".
-
خەڵک- به‌رپرسی فه‌رمانگه‌ی په‌یوه‌ندییه‌كانی حكومه‌تی هه‌رێمی كوردستان بەتوندی ئیدانەی هێرشی مووشەکیی بۆ سەر کێڵگەی غازی کۆرمۆر دەکات و دەڵێت:" پێویستە حکومەتی فیدڕاڵ رێوشوێنی خێرا بگرێتەبەر بۆ رێگریکردن لەم مووشەکبارانە". سه‌فین دزه‌یی، به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكومه‌تی هه‌رێمی كوردستان له هه‌ژماری تایبه‌تی خۆی له تویته‌ر نووسینێکی بڵاوکردووەتەوە و دەڵێت:" بەتوندی ئیدانەی هێرشی مووشەکی بۆ سەر کێڵگەی غازی کۆرمۆر دەکەم، ئەمە چەندەمین جارە هێرشی تیرۆرستانەی دەکرێتەسەر.". دزه‌یی ئاماژەی بەوەشکرد:" پێویستە حکومەتی فیدڕاڵ رێوشوێنی خێرا بگرێتەبەر بۆ رێگریکردن لەم مووشەکبارانە". به‌رپرسی فه‌رمانگه‌ی په‌یوه‌ندییه‌كانی ده‌ره‌وه دەشڵێت:"حکومەتی هەرێم هەموو هەنگاوێک دەگرێتەبەر بۆ پاراستنی سەروماڵی کرێکارەکان و خەڵکی ناوچەکە". ئەوە لە کاتێکدایە، لەماوەی ٢٤ کاتژمێردا سێ جار بە موشەک هێرشکرایە سەر کێڵگەی غازی کۆرمۆر لە چەمچەماڵ.
-
خەڵک-ئارام سەردار لەهەولێر پێشانگایەکی تایبەتی وێنەیی لەژێر ناونیشانی "ژیان لەگەڵ بۆمبەکان" کرایەوە و ماوەی ۷ ڕۆژ بەردەوام دەبێت. زەردەشت عوسمان لەپڕۆژەیەکی هوونەری فۆتۆگرافیدا ژیانی ئەو خێزانانە دەخاتەڕوو کەوا ناوچەکانیان بۆمباران کراوە و ماوەی چارەکە سەدەیەکە ژیان لەگەڵ ئەو بۆمبانە بەسەر دەبەن، وێنەی بەشێک لەشەهیدەکانیش خراوەتەڕوو. لەپێشانگاکە کە وێنەی ژمارەیەک خێزان خراوەتەڕوو لەناوچە جیاوازەکانی کوردستان وەک هەڵەبجە و سەردەشت و عەسکەر و یاخسەمەر و شێخ وەسانان لەبالیسان و ژمارەیەک ناوچەی تر، کە ئەو بۆمبانەی لەوێنەکان دەرکەوتوون بووەتە هۆکاری شەهید و برینداربوونی چەندین کەس لەم خێزانانە، لەهەمان کاتدا بەشێک لەم خێزانانە زۆربەی کات بێ بۆمبەکان ناتوانن بچنە شوێنی تر بۆیە هەروەک مۆزەخانەیەکی جەنگی پاشماوەی بۆمبەکانیان هەڵگرتووە.
-
خەڵك- لەسەرتای دەستپێكردنی پڕۆسەی وەرگرتنی گەنمی جوتیارانەوە هەتا ئەمڕۆ 170 هەزار و 391 تەن و بیست كیلۆ گەنم لە سایلۆكانی هەرێم وەرگیراوە. بەڕێوەبەری گشتی بازرگانی هەرێم ڕایگەیاند، تاكو ٢٠٢٢/٦/٢٥ بڕی (١٧٠،٣٩١.٢٠)سەد و حەفتا هەزار و سێ سەد و نەوەد و یەك تەن و بیست كیلۆ گەنم لە سایلۆكانی هەرێم وەرگیراوە. ئاماژەی بە ئەوەشكردووە، بڕی وەرگرتنی گەنم بەپێی پارێزگاكان بەم شێوەی لای خوارەوە بووە :- سلێمانی/ ٧٦٫٢٤٨.٣٤٠ حەفتا و شەش هەزار و دوسەد و چل و هەشت تەن و سێ سەدو چل كیلۆ . هەولێر/ ٥٤٫٧٦٤.٦٨٠ پەنجا و چوار هەزار و حەوت سەد و شەست و چوار تەن و شەش سەد و هەشتا كیلۆ . دهۆك/ ٣٩٫٣٧٨ سی و نۆ هەزار و سێ سەد و حەفتا و هەشت تەن.
-
خەڵك- بڕیارە سبەینێ شایستەی دارایی مامۆستایانی وانەبێژ بۆ مانگی چوار، لە سنووری هەڵەبجەی شەهید دابەشبكرێت. بەڕێوەبەرایەتی گشتی پەروەردەی هەڵەبجە لە ڕاگەیانراوێكدا بڵاویكردەوە، ئاگاداری مامۆستایانی وانەبێژی سنوری بەڕێوەبەرایەتی گشتی پەروەردەی هەڵەبجەی شەهید دەكەین كە سبەی ڕۆژی یەك شەممە 26/6/2022، سەردانی بەڕێوەبەرایەتی گشتی پەروەردەی هەڵەبجەی شەهید بكەن، بەمەبەستی وەرگرتنی شایستە داراییەكانیان. لە ڕاگەیانراوەكەدا ئەوەش هاتووە، ئەو شایستە داراییەی وانەبێژان وەریدەگرن بۆ مانگی چوارە و لە كاتژمێر 9:30 خولەكی بەیانی دەست بە دابەشكردنی دەكرێت.
-
خەڵك – هێزەكانی پاراستنی گەل ڕایدەگەیەنێت، سوپای توركیا بەچەكی كیمیایی زۆر جار هێرش دەكاتە سەر هەرێمەكانی پاراستنی مێدیا هەروەها ٢ جاریش بە فڕۆكە و بەدەیان جاریش بە كاتیوشا بۆردومانی گەریلای كردووە، دەشڵێـت،"لە چالاكەییەكدا بۆ سڵاوكردن لە ٣٠ حوزەیران٢٢ سەربازی سوپای توركیا كوژران". ناوەندی راگەیاندن و چاپەمەنی هێزەكانی پاراستنی گەل (هەپەگە) لە بارەی شەڕ لە هەرێمەكانی پاراستنی مێدیا ڕایگەیاندووە، هێزەكانیان بۆ سڵاوكردن لە ٣٠ حوزەیران رۆژی فیداییبوون چەندین چالاكییان ئەنجامدا و ئەو چالاكیانە بەردەوامن و لەو چالاكیانەدا ٢٢ سەربازی سوپای توركیا كوژران و خێمەیەكی سەربازی روخێنرا. ئاماژە بۆ ئەوەشكراوە، كە سوپا تونێلەكانی شەڕی گۆڕەپانەكانی بەرخودانیان ٣٤ جار بە چەكی كیمیایی و تەقەمەنی، ٢١ جاریش بە هەلیكۆپتەر، ٢٢ جار بە فڕۆكە و بەدەیان جاریش بە كاتیوشا بۆردومان كرد. زانیاری لە بارەی چالاكی و هێرشەكان بەم جۆرەیە: لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی ئاڤاشین: لە ٢٤ی حوزەیران كاتژمێر ١٤:٤٥ لە گۆڕەپانی وەرخەلێ داگیركەران كەوتنە جوڵەوە، هێزەكانمان بە چەكی قورس لەوانیاندا. دوای ئەو چالاكییە داگیركەران ناچاربوون، تائاستێك بكشێنەوە. لە ٢٤ی حوزەیران كاتژمێر ١٤:٣٠ هێزەكانمان بە تاكتیكی نیشان شكێن لە داگیركەران لە دەوروبەری گۆڕەپانی بەرخودانی وەرخەلێیان دا و داگیركەرێك سزادرا. لە چوارچێوەی هەڵمەتی شۆڕشگێڕی هەڵۆكانی زاگرۆس لە هەرێمی زاپ: لە ٢٥ی حوزەیران كاتژمێر ٠٠:٢٠ كاتێك هەلیكۆپتەری سكۆرسكی ویستی بێتە گۆڕەپانی بەرخودانی كوڕەژارۆ، هێزەكانمان لە هەلیكۆپتەرەكەیاندا. هەلیكۆپتەر ناچار بوو لە ناوچەكە دووربكەوێتەوە. لە ٢٤ی حوزەیران كاتژمێر ١٣:٥٠ بە تاكتیكی سابوتاژ لە داگیركەران لە دەوروبەری تونێلەكانی شەڕی گۆڕەپانی بەرخودانی شاخی كاركەر درا و لانیكەم ٢ داگیركەر سزادران. لە چوارچێوەی هەڵمەتی شۆڕشگێڕی شەهید ساڤاش مەرعەشی جەنگی خابور ٢٤ی حوزەیران كاتژمێر ١٠:٠٠ كاتێك كە داگیركەران لە دەوروبەری تونێلەكانی شەڕی شەهید زەمانی كۆببوونەوە، هێزەكانمان بە چەكی قورس لە داگیركەرانیاندا. هەمان رۆژ كاتژمێر ١٢:٠٠ گروپێكی داگیركەران كە لە دەوروبەری شاخی شەعید عاكیفی گۆڕەپانی بەرخودانی شاخی هەكاری كەوتبوونە جوڵە، بە تاكتیكی نیشان شكێن لەلایەن هێزەكانمانە كرانە ئامانج و داگیركەرێك سزادرا. داگیركەرانی تریش لەلاین هێزەكانمانەوە بە چەكی سوك گورزیان لێدرا. دوای چالاكیەكە، داگیركەران مردوو و بریندارەكانیان هەڵگرتەوە و ناچاربوون تائاستێك بكشێنەوە. لە ٢٤ی حوزەیران كاتژمێر ١٢:٠٠ داگیركەران لە دەوروبەری شاخی شەهید زەمانی لە گۆڕەپانی بەرخودانی هەكاری بوونە ئامانجی هێزەكانی یەژەئاستارمان و بە چەكی قورس لە داگیركەراندرا. رۆژی ٢٤ی حوزەیران كاتژمێر لە نێوان ١٤:٤٠-١٥:٣٠ داگیركەران كە ویستیان بەرەو سەنگەرەكانی شەڕی شەهید چەكدار لە گۆڕەپانی بەرخودانی شاخی جودی پێشڕەوی بكەن، لەلایەن هێزەكانمانەوە سەرەتا بە سابوتاژ و دواتر بە چەكی سوك گولـلەباران كران. لە ئەنجامی ئەو چالاكییەدا لانیكەم ٣ داگیركەر سزادران. لە هەمان رۆژدا داگیركەران لە دەوروبەری سەنگەرەكانی شەڕ لەلایەن هێزەكانی یەژەئاستارمانەوە ٥ جار بە تاكتیكی نیشان شكێن كرانە ئامانج و ٥ داگیركەر سزادران. لە ٢٤ ی حوزەیران كاتژمێر ٢١:١٤ داگیركەران لە گۆڕەپانی بەرخودانی شاخی ئێف ئێم بە تاكتیكی نیشانشكێن گولـلەباران كران و داگیركەرێك سزادرا. رۆژی ٢٤ی حوزەیران كاتژمێر ١٨:٠٠ قەرەقۆڵی كانی ماسی سوپای توركی داگیركەر لەلایەن هێزەكانمانەوە بە چەكی قورس كرایە ئامانج و بە شێوەیەكی كاریگەر لێیدرا. لە ئەنجامی لێدانی كاریگەری هێزەكانمان ٨ داگیركەر سزادران و خێمەیەكی سەربازیش روخێنرا. هێرشەكانی سوپای توركی داگیركەر بە چەكی كیمیایی و تەقەمەنی: لە ٢٤ی حوزەیران دەوروبەری تونێلەكانی شەڕی شەهید عاكیف لە گۆڕەپانی بەرخودانی شاخی هەكاری ٤ جار بە تەقەمەنی بۆردومان كران. لە ٢٤ی حوزەیران تونێلەكانی شەڕی شەهید چەكدار، شەهید یڵدز و شەهید یونس لە گۆڕەپانی بەرخودانی شاخی…
-
خه‌ڵك تیپى تۆپى پێى یانه‌ى نه‌ورۆزى شارى سلێمانى پلیتى ته‌نیا نوێنه‌رى یانه‌كانى كوردستانى له قۆناغى كۆتایی خولى نایابى تازه‌پێگه‌یشتوانى عێراق به‌ده‌ستهێنا . له یاری هاتنى پلیتى یه‌كلاكه‌ره‌وه‌ى یانه‌كانى كوردستان ، له‌سه‌ر یاریگه‌ى فره‌نسۆ هه‌ریرى میواندارى نه‌ورۆزى كرد ، یارى چوون له یاریگه‌ى نه‌ورۆز به گۆڵێك بۆ هه‌ردوولا كۆتایهات، له یارى هاتنى ئه‌مرۆش یارییه‌كه له كاتى ئاسایی به دوو گۆڵ بۆ هه‌ردوولا به‌كۆتایهات . بۆ یه‌كلاكردنه‌وه‌ى ئه‌نجامى هه‌ردوو یارى ناوبژیوان په‌ناى برده به‌ر لێدانى یه‌كلاكه‌ره‌وه، سه‌ره‌نجام نه‌ورۆز ٥-٤ یارییه‌كه‌ى برده‌وه . به‌وه‌ش نه‌ورۆز ده‌بێته ته‌نیا یانه‌ى كوردى قۆناغى كۆتایی كه بڕیاره له ئاینده‌یه‌كى نزیك سیستمى ئه‌و قۆناغه‌و كات و شوێنى یارییه‌كانى ده‌ستنیشان بكرێت .
-
خەڵك – سەرۆك كۆماری عێراق ڕایدەگەیەنێت، ئەو كارە دوژمنكاری و دەستدرێژییانەی دەكرێنە سەر كێڵگەی گازی كۆرمۆر و ناوچەكانی دیكە بۆ تێكدانی ئارامی و لێدانە لە ئابووریی وڵات، دەشڵێـت،"چارمان نییە، بەتووندی دژی ئەو هەوڵە تاوانكارییانە دەبینەوە". بەرهەم ساڵح، سەرۆككۆماری عێراق لەبارەی هێرشەكانی سەر كێڵگەی كۆرمۆرەوە لە تویتەر راگەیێندراوێكی بڵاوكردەوە، كە تێیدا هاتووە، ئەو كارە دوژمنكاری و دەستدرێژییانەی دەكرێنە سەر كێڵگەی گازی كۆرمۆر و ناوچەكانی دیكە بۆ تێكدانی ئارامی و لێدانە لە ئابووریی وڵات. ڕاشیگەیاندووە، چاریان نییە، بەتووندی دژی ئەو هەوڵە تاوانكارییانە دەبینەوە و هەموو لایەك شانبەشان و پشتیوانی هێزە ئەمنییەكانبن بۆ سەپاندنی دەوڵەت و سەروەریی یاسا.