سلێمانی، بەندكراوێك خۆی خنكاند
خەڵك- بەشی هەواڵ لە زیندانی لێكۆڵینەوەی سلێمانی، بەندكراوێك…
زیاترسەردێر
-
سلێمانی – نزار جەزا بڕیارە لیژنەیەكی تایبەت لەپارێزگای سلێمانی لەماوەیەكی نزیكدا بەمەبەستی چارەسەركردنی كێشەی زۆربوونی سەگی بێلانە لەشاری سالێمانی كۆببنەوە. توانا كەمال، سەرۆكی شارەوانی سلێمانی بە(خەڵك)ی ڕاگەیاند، پێشتر ئەو سەگە بێلانانە لەناودەبران، بەڵام ئەم چەند ساڵەی پێشوو ئەم هەنگاوە ڕاگیرا، بەهۆی پاراستنی مافی ئاژەڵانەوە، كە ئەمەش داواكاری سەرەكی ئاژەڵدۆستانبوو. وتیشی،"لیژنەیەكی باڵا لەپارێزگای سلێمانی هەیە بۆ چارەسەری ئەم پرسە، كە بڕیارە لەماوەیەكی نزیكدا كۆببێتەوە، بەمەبەستی چارەسەركردنی ئەم گرفتە و دەستنیشانكردنی ڕێگەچارەی گونجاو". زیاتر ڕوونیكردەوە، كێشەیەكی یاسایی لەو لیژنەیەدا هەیە، چونكە كە دروستكراوە، لەژێر بڕگەی یاسایەك دروستكراوە بۆ لەناوبردنی ئاژەڵی بێلانە، بەڵام ئەم بڕگەیە ڕەنگە بۆئێستا نەگونجێت، بۆیە لیژنەكە كۆدەبیتەوە، بۆئەوەی گفتوگۆ لەبارەی ئەو بڕگەیەوە بكەن و دواتریش هەر بڕیارێكی پێویست هەبێت دەیدەن. ئاماژەی بەئەوەشدا، ئێستا هەندێك ڕێكخراو هەن، كە باس لەكۆكردنەوەی سەگەكان دەكەن، بەڵام ئەمەش كۆمەڵێك كێشەی دیكەی بەدواوەیە، بۆیە پێویستە ئەم كۆبوونەوەیە بكەن، بۆئەوەی ڕاوبۆچوونی هەمووان وەربگرن. سەرۆكی شارەوانی سلێمانی وتیشی: پێشتر بەئاسانی سەگەكان لەناودەبران، بەڵام ئێستا ئەمە بەئاسانی ناكرێت. ئەوەشی خستەڕوو، لەوڵاتانی دیكە سەگەكان كۆدەكەنەوە و بەخێویاندەكەن و دواتر بۆ ئەو وڵاتانەیان دەنێرن، كە گۆشی سەگ دەخۆن، بەڵام لەهەرێمی كوردستان لەڕووی ئاسایشی خۆراكیشەوە كۆكردنەوەی ئەو سەگاكە ترسی هەیە. زیاتر ڕوونیكردەوە، لەگەڵ ئەوەشدا زەوییەكی پێنج دۆنمییان بە ڕێكخراوێك داوە، بۆئەوەی شێڵتەرێك بۆ سەگەكان دروستبكەن، بەڵام بەكرداری دەستیان بەدروستكردنی شێڵتەرەكە نەكردووە. ئەوەشی باسكرد، ئێستا لەلایەن ڕێكخراوێكی دیكەوە هەوڵێك بۆ چارەسەر هەیە، كە نێرە و مێیەی سەگەكان لەیەكتر جیادەكەنەوە و دەواتر بەشێكیان نەزۆك دەكەن، بۆ ئەمەش شارەوانی هاوكاریانە و شوێنی بۆ دابینكردوون، بەڵام ئەم هەوڵە لەئاست زۆری سەگەكان كەمە و پێویستی بەڕێگەچارەی دیكە و هەوڵی زیاتر هەیە. سەبارەت بەهەوڵی دوورخستنەوەیان بۆ دەرەوەی شارە ناوبارو ئەوەی خستەڕوو، گواستنەوەی سەگەكان بۆ دەرەوەی شار یان گواستنەوەیان بۆ تانجەرۆش هەر گونجاو نییە، چونكە لەو شوێنانە خواردنیان دەستناكەوێت و لەبرسان دەمرن، یان كەخواردنی پیس دەخۆن تووشی نەخۆشی دەبن و دووبارە دەگەڕێنەوە بۆ ناو شار و نەخۆشی دەگوازنەوە بۆ هاوڵاتییان. پێشتر (خەڵك) ئاشكرایكرد، نزیكی چوار بۆ پێنج هەزار سەگی بێلانە لەناو سەنتەری شاری سلێمانی هەیە، كە دەبنە هۆی گواستنەوەی نەخۆشی و مەترسی پەلاماردانی هاوڵاتییانیان هەیە. ئەمە لەكاتێكدایە بەهۆی فشاری ئاژەڵدۆستانەوە ماوەی دوو ساڵ زیاتر هیچ ئاژەڵێك لەلایەن ڤێتەرنەرییەوە نەكوژراوە، لەبەرامبەر ئەمەشدا حكومەتی هەرێم و حكومەتە خۆجێیەكان هیچ پلانێكیان بۆ ڕێگریكردن لەزۆربوونی سەگی بێلانە نەبووە، تا گەیشتە ئەمڕۆ.
-
خەڵك-ئارام سەردار لەهەولێر دوای زیاتر لە سێ مانگ تەرمی كەسێك دەدۆزرێتەوە بەناوی (بارزان ئەنوەر پیرداود) كە نابراو خاوەن چوار منداڵە و خێزاندارە. هاوار ئەنوەر، برای كەسی كوژراو بە(خەڵك)ی ڕاگەیاند، ئێمە لەڕێكەوتی ١٠/١٠/٢٠٢٠ ئەو برایەمان بەناوی (بارزان ئەنوەر پیرداود) ون بووە و بەدواداچونمان بۆی دەكرد، دوای دوو ڕۆژ ئۆتۆمبێلەكەی لە مەفرەقی دیبەگە دۆزرایەوە بەداخراوی و بەئاگاداری ئاسایش ئۆتۆمبێلەكەی كرایەوە، ئەمڕۆش پێمان دەڵێن تەرمی بارزان لە پزیشكی داد لەهەولێرە. دەشڵیت: "ئێمە كە بدواداچوونمان كرد، لایەنی ئەمنی پێیان وتین لای ئەوان دەستگیركراوە، كەچی ئێستا دەڵێن تەرمەكەی بەكوژراوی لەچاڵی نەوت دۆزراوەتەوە لە٨/١/٢٠٢١، تەرمەكەی شوێنی گوللەبارانكردن شكاندنی دەست و قاچی پێوە دیارە و ئاژەڵیش بەشێكی جەستەی خواردوە". ئەوەشی خستەڕوو، تاوەكو بەرپرسانی باڵای ئەو وڵاتە نەیەنە سەرخەت و ئاشكرای نەكەن بۆچی وا لەبراكەی كراوە تەرمەكەی وەرناگرنەوە، چونكە كێشەیان لەگەڵ كەس نەبووە و بەنەعل چۆتە دەرەوە و تەنانەت چەكیشیان نیە، بۆیە داوا لەسەرۆكی هەرێم و حكومەت دەكەن لێكۆڵینەوە بكەن".
-
خەڵك- ئەندامێكی لیژنەی دارایی پەڕلەمانی عیراق هۆكاری دواكەوتنی پلەبەندی نوێی مووچەی فەرمانبەران ئاشكرا دەكات و دەشڵێت: "بەم زووانە كۆبوونەوەی پەڕلەمان لەوبارەیەوە دەكرێت و بەهۆی ئەو پلەبەندییە نوێیەوە دەستكاری مووچەی بنەڕەتی فەرمانبەران دەكرێت". نەدا شاكر جەودەت، ئەندامی لیژنەی دارایی پەڕلەمانی عیراق بۆ (بغدادد الیوم) ڕایگەیاندووە، "یەكخستنی پلەبەندی مووچەی فەرمانبەران لە سەرجەم وەزارەت و دامەزراوەكانی حكومەت گرنگییەكی گەورەی هەیە و دەبێتە هۆی كۆتایی هێنان بەو ئاڵۆزییانەی لە خشتەی مووچەدا هەبوون". ڕوونیشی كردۆتەوە، لە پلەبەندی نوێدا پشت دەبەسترێت بە بڕوانامە و ساڵانی خزمەتی فەرمانبەر بەجۆرێك دادپەروەری لە مووچە دەهێنرێتەدی و هیچ توێژێك بەدەرناكرێت و بۆ هەموو وەزارەتەكان بە یەك جۆر دەبێت. ئەو پەڕلەمانتارە دەشڵێت: "هەموو هەوڵەكانی پەڕلەمان لە چەند هەفتەی ڕابردوودا بەشێوەی بنەڕەتی بۆ یاسای بودجە تەرخان كرابوو، كە یاسایەكی ژیاری و گرنگە بۆ وڵات، كە چەندین ئاڵنگاری و ئاڵۆزی تێدایە و ئەوەش بووە هۆی دواخستنی یەكلایی كردنەوەی پلەبەرندی نوێی مووچە، هەر بۆیە لەگەڵ كۆتایی هاتنی بودجە و دەنگدان لەسەری دەستدەكرێتەوە بە گرنگی دان بە یاسا و دۆسیەكانی دیكە و لەنێویشیاندا پلەبەندی مووچە". ئاماژەی بەوەشكردووە، جدییەت لەلای پەڕلەمانتاران هەیە بۆ یەكلایی كردنەوەی پلەبەندی نوێی مووچە و لە ناو كارنامەی حكومەتیشدا هاتووە و ئەو كاتەش دۆسیەی جیاوازی لە مووچەی نێوان فەرمانبەران چارەسەر دەبێت. جەختیشی كردۆتەوە، پێویستە لەسەر حكومەت بەزووترین كات پلەبەندی نوێی مووچە بخاتە بەردەم پەڕلەەمان بۆ گفتوگۆ و دەنگدان لەسەری.
-
خەڵك- سەرۆكی پارتی دیموكراتی كوردستان لەگەڵ وەزیری ناوخۆی حكومەتی عێراق كۆدەبێتەوە و جەخت لە جێبەجێ كردنی ڕێككەوتنی تایبەت بە شنگال دەكەن. بەپێی ڕاگەیەنراوێكی بارەگای بارزانی، ئەمڕۆ شەممە ٢٧ـی شوباتی ٢٠٢١ لە سەڵاحەدین مەسعود بارزانی پێشوازی لە عوسمان غانمی، وەزیری ناوخۆی حكوومەتی فیدڕاڵی عێراق كرد. لە كۆبوونەوەیەك دا بارودۆخی ئەمنی و دواپێشهاتەكانی عێراق و هەماهەنگیی نێوان هەرێمی كوردستان و حكوومەتی عێراقی فیدڕاڵ لە ڕووبەڕووبوونەوەی تەحەددیاتی ئەمنی و تیرۆر تاوتوێ كرا و هەروەها جەخت لە سەر جێبەجێكردنی ڕێككەوتنی ئاساییكردنەوەی بارودۆخی شنگال كرایەوە. هەر بەپێی ڕاگەیەنراوەكە، "پەیوەندییەكانی نێوان هەرێمی كوردستان و حكوومەتی عێراقی فیدڕاڵ تەوەرێكی تری ئەو دانیشتنە بوو".
-
خەڵك- پارێزگاری هەولێر لەگەڵ قائیمقام و بەڕێوەبەری شارەدێیەكان كۆدەبێتەوە و ڕایدەگەیەنێت، ڕێگە بەهیچ كەس و لایەنێك نادرێت زێدەڕۆیی بكات و دەشڵێت: "هەموو هەوڵێك بخەینەگەڕ بۆ كەمكردنەوەی ڕۆتین لەڕاییكردنی كاروباری هاووڵاتییان". بەپێی ڕاگەیەنراوێكی پارێزگای هەولێر، سەرلەبەیانی ئەمڕۆ شەممە، ئومێد خۆشناو، پارێزگاری هەولێر، بەئامادەبوونی هەریەك لە هێمن قادر و مەسعود كاڕەش، جێگرانی پارێزگار و یاریدەری پارێزگار، لەدیوانی پارێزگا، لەگەڵ سەرجەم قائیمقام و بەڕێوەبەرانی شارەدێیەكانی سنووری پارێزگای هەولێر كۆبووە. پارێزگاری هەولێر ڕایگەیاند، بۆ ئایندە پێویستە هەموومان وەك یەك تیم كاربكەین بۆ ئەوەی چی باشە پێشكەشی دانیشتوان و شارەكەمان بكەین و شوێن پەنجەی هەموولایەك لە كارەكاندا دیاربێت، دەبێت هەموو لایەكمان وەك یەك تیم بۆ خزمەتكردنی هاووڵاتییان و دانیشتوانەكەی بەبێ جیاوازی كاربكەین و هەموو هەوڵێك بخەینەگەڕ بۆ كەمكردنەوەی ڕۆتین لەڕاییكردنی كاروباری هاووڵاتییان. وتیشی، "بەهیچ شێوەیەك ڕێگە بەهیچ كەس و لایەنێك نەدرێت زێدەڕۆیی و سەرپێچی لەسەر موڵكی گشتیی ئەنجامبدات"، لەمبارەیەشەوە پاڵپشتی تەواوی پارێزگاری هەولێری ڕاگەیاند بۆیان لە ڕێگەنەدان و لادانی زێدەڕۆیی و سەرپێچییەكان. سەبارەت بە پێداویستی و كەموكوڕی ناوچەكان، ئومێد خۆشناو ئاماژەی بەوەكرد، وێڕای ئەوەی جارێكی تر تەئكیدی لەسەر هەموو پاڵپشتی و هاوكاریەكان دەكەینەوە، دڵنیاشی كردنەوە ئەوەی لەتوانادابێت و بكرێت درێغی ناكات و بۆیان جێبەجێ دەكات.
-
سلێمانی ـ نزار جەزا سەگی بێلانە كێشەی گەورەی بۆ پاركەكانی سلێمانی دروستكردووە، بەجۆرێك باخەوانەكان ناتوانن خزمەتی پاركەكان بكەن و هاوڵاتییانیش لەترسی پەلاماردان كەمتر دەچنە پاركەكانەوە. پێشتر (خەڵك) ئاشكرایكرد، نزیكی چوار بۆ پێنج هەزار سەگی بێلانە لەناو سەنتەری شاری سلێمانی هەیە، كە دەبنە هۆی گواستنەوەی نەخۆشی و مەترسی پەلاماردانی هاوڵاتییانیان هەیە. كامەران حەمە ساڵح، بەڕێوەبەری باخچەكانی سلێمانی بە(خەڵك)ی ڕاگەیاند، لەئێستادا ڕێژەیەكی زۆر لەسەگی بێلانە لەناو پاركەكانی سلێمانی بڵاوبوونەتەوە، ئەمەش كێشەی گەورەی بۆ دروستكردوون. ئاماژەی بەئەوەشدا، تاكو ئێستا سێ جار نوسراویان بۆ شارەوانی و ڤێتەرنەری و قائیمقامییەت ناردووە، بۆئەوەی چارەسەری ئەم كێشەیەیان بكەن. باسی لەئەوەشكرد، ئێستا وای لێهاتووە هاوڵاتیان ناتوانن بەئیسراحەت بچنە ناو پاركەكان، تەنانەت پێشتر شەوانە هاوڵاتییان بۆ وەرزش دەهاتنە پاركەكان، ئێستا ئەوەش زۆر كەمبۆتەوەو ناوێرن بێن وەرزش بكەن. ئەوەشی خستەڕوو، كاتێك ئەو ڕێژە سەگە زۆرە لەناو پاركەكاندا هەبن، باخەوانەكانیش ناوێرن خزمەتی پاركەكان بكەن، لەبەرئەوەی ترسیان هەیە پەلاماربدرێن لەلایەن سەگەكانەوە، هەروەها ترسیان لەوەش هەیە نەخۆشییان بۆ بگوازرێتەوە. ئەوەشی باسكرد، ئەم كێشەیە تا كات تێپەڕێت گەورەتردەبێت، بۆیە پێویستە خێرا چارەسەربكرێت. وەك چارەسەری ئەم كێشەیە ئاژەڵدۆستان داوای كردنەوەی شێڵتەرێكی گەورەدەكەن، بۆئەوەی سەگەكانی تێداكۆبكەنەوە، بەڵام تاكو ئێستا هیچ هەنگاوێكی كرداری بۆ ئەم بابەتە نەنراوە، كە بەرهەمی هەبێت. ئەمە لەكاتێكدایە بەهۆی فشاری ئاژەڵدۆستانەوە ماوەی دوو ساڵ زیاتر هیچ ئاژەڵێك لەلایەن ڤێتەرنەرییەوە نەكوژراوە، لەبەرامبەر ئەمەشدا حكومەتی هەرێم و حكومەتە خۆجێیەكان هیچ پلانێكیان بۆ ڕێگریكردن لەزۆربوونی سەگی بێلانە نەبووە، تا گەیشتە ئەمڕۆ.
-
هۆگر کەمال رۆژانە رووداوی ناخۆشی کۆمەڵایەتی لە شار و شارۆچکەکانی هەرێم راماندەچڵەکێنێت و ناخمان دەهەژێنێت، هەر دوێنێ لە کفری باوک و کوڕێک و مامی کوڕەکە بە لەحزەیەک لەسەر کێشەیەکی کۆنی کۆمەڵایەتی کوژران، هەشت کەس لە ئاهەنگێکدا لە شەقڵاوە بریندار بوون، هێرشکرایە سەر پەرلەمانتارێک. هەموو ئەمانە بۆ نەبوونی هۆشیاریی گشتی و متمانە نەبوون بە یاسا و دادپەروەریی و بوونی چەک بەدەست هەموو کەسێکەوە دەگەڕێتەوە. ئاخر ناکرێ دوو مرۆڤ لەسەر شەقام لەناو ئۆتۆمبێل سەیرێکی یەکتر بکەن لا ئیرادی، هێندە زوو هەڵچوون دروست بێت و چەک بەکاربهێنرێت کە رۆژانە ئەم حاڵەتانە هەیە. مرۆڤی کورد بەهۆی ئەو دۆخە دەرونییەی لەروی سیاسی و ئابوریی و جۆری ژیانکردنەوە بۆی دروستبووە، بەردەوام رووی لە هەڵچوونە و ئەم هەڵچوونە خێرایەش کارەساتی لێدەکەوێتەوە، کاتێک کەسێک دەکوژرێت چەندین کێشەی دیکە بەدوای خۆیدا دەهێنێت و لێکەوتەی گەورەی دەرونی خێزانی بەدواوەیە. بەڕای من بۆ چارەسەری ئەم کێشانە پێویستمان بەگرتنەبەری چەند رێکارێکە: ١- دابینکردنی مووچەی تەواو و رەخساندنی هەلی کار و باشکردنی گوزەرانی هاوڵاتیان لەلایەن حزبە سیاسییەکانەوە کە ئەوانیش شۆڕی بکەنەوە بۆ حکومەت. ٢- جێبەجێکردنی بڕیاری لەسێدارەدان. ٣- نەهێشتنی چەک بەدەست هاوڵاتیان و پێویستە ئەو کەسە ئەمنی و سەربازییانەی کە پێویستە چەک هەڵبگرن تەنها لە کاتی ئەرکەکانیان پێیان بێت و دواتر لە شوێنی کارەکانیان دایبنێن و نەبرێتەوە بۆ ناو ماڵ و شەقام. ٤- گەڕاندنەوەی متمانە بە یاسا لەلایەن حزبەکانەوە، تا ئەوان رێگە نەدەن دادگاکان سەربەخۆ بن و یاسا سەروەر نەبێت بەسەر هەموواندا هاوڵاتی وەک پێویست متمانەی بە دادگا نابێت، ئەگەر هاوڵاتی لەکاتی کێشەدا بزانێ یاسا مافی بۆ وەردەگرێت ئەوا چ پێویستی بە کوشتار و کاردانەوەی خراپ هەیە. ٥- پێویستە حکومەت سانسۆر بخاتەسەر دراماکان و رێگە بە پەخشکردنی هەموو جۆرە درامایەک نەدرێت لە کەناڵەکان. ٦- رێگری بکرێت لە فرۆشتنی چەک بە ئاشکرا بە هەر کەسێک کە بیەوێت و قاچاخچێتی چەک نەهێڵدرێت. ٧- رێگری بکرێت لە هێنانی دەمانچە و چەکی مناڵانە و فرۆشتن پێیان. ٨- لە قوتابخانەوە کار لەسەر تاکی کورد بکرێت بۆ ئارام گرتن و بەکارنەهێنانی چەک. ٩- رێگە بگیرێت لە هێنانی چەقۆ و قەمە و خەنجەربۆکسی تایبەت بەشەڕ و فرۆشتنی بە ئاشکرا لەسەر شەقام و دوکان و بازاڕ و مۆڵەکان. ١٠- ئەکرێت کەسایەتییە هونەریی و کۆمەڵایەتی و نووسەر و ئەدیب و ئاینییەکان رۆڵی گەورە ببینن لە هۆشیارکردنەوەی تاک. ١١- توێژەرانی دەرونی کۆمەڵایەتی دەتوانن تاک هۆشیار بکەنەوە و هاوکاری گەورەی دەرونی کۆمەڵایەتی پێشکەش بکەن. ١٢- ئەکرێت میدیاکان بەگشتی رۆڵی گەورە و بەرچاو بگێڕن لە هۆشیارکردنەوەی تاک. ١٣- رێگری لە مافیاگەریی و کەڵەگایی بەشێک لەو کەسانە بکرێت کە لەرێگەی حزب و عەشیرەتەوە دەسەڵاتیان پەیدا کردوە، کە ئەمەش پێویستی بە بڕیاری بوێری کەسی یەکەمی حزبەکانە بۆ ئەوەی لەناوخۆی حزبەکانی خۆیانەوە دەستپێبکەن. ١٤- دەسەڵاتی تەواو بدرێت بە بەڕێوبەرەکانی ئاسایش و پۆلیس و دەزگا ئەمنییەکان بۆ ئەوەی رێگری لە مافیاگەری بکەن، بەڵام ئەو حزبانەشی ئەو کەسایەتیە ئەمنیانە دادەنێن رێگە نەدەن دەسەڵاتەکانیان بۆ کاری خراپ و شەخسی خۆیان بەکاربهێنن. ١٥- پێویستە هەر هاوڵاتییەک زوڵمی لێکرا بێ ترس و دودڵی میدیاکان ئاگادار بکات و دەنگی خۆی بە رای گشتی بگەیەنێت، بۆ ئەوەی رایەکی گشتی گەورە لەسەر ئەو زوڵمە دروست بێت کە لێی کراوە یان بڕیارە لێی بکرێت، چونکە میدیا هێزێکی گەورەیە و رۆڵێکی گەورەی لە کۆمەڵگە هەیە. ١٦- ئێستا هەر هاوڵاتییەک بۆ خۆی رۆژنامەنووسێکە و ئەکرێت پەڕە کەسییەکانی خۆی لە…
-
خەڵك- نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو دابەزیوە. یادگار حەسەن لە كۆمپانیای سەعید بە (خەڵك)ی ڕاگەیاند، نرخی دۆلار بۆ ئەمڕۆ شەممە 27-2-2021، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 145 هەزار 400 دینار مامەڵەی پێوە كراوە. وتیشی، "نرخی 100 دۆلاری ئەمریكی بە 2 ملیۆن و 503 هەزار تمەنی ئێرانی مامەڵەی پێوە كراوە". بەهۆی ناجێگیری بازاڕ و قەیرانی دارایی و ڤایرۆسی كۆرۆنا و دابەزینی بەهای دینار لە هەرێمی كوردستان و عیراق، نرخی دۆلار ناجێگیرە.
-
خەڵك- ئەمینداری گشتی بزووتنەوەی نوجەبا ئاشكرای دەكات، ئەگەر ئەمریكییەكان دەوێرن ڕاستەوخۆ لەگەڵ هێزەكانمان شەڕ بكەن. كەناڵی (العهد) بڵاویكردەوە، نەسر شەمەری، جێگری ئەمینداری گشتی بزووتنەوەی ئیسلامی نوجەبا ڕایگەیاندووە، هێرشە ئاسمانییەكانی ئەمریكا بۆ سەر هەندێك لە بنكەكان لە سنووری سوریا و عێراق نیشانی بێ دەسەڵاتیانە لە ڕووبەڕوونەوەی ڕاستەوخۆیان لەگەڵ گرووپەكانی بەرخۆدان. وتیشی، "ئەو جۆرە هێرشانە شكستی ئەوان نیشان دەدات". ئاشكراشیكرد، ئەو هێرشانەی ئەمریكا وەڵامی توندی گرووپەكانی بەرخۆدانی بەدواوە دەبێت. دوێنێ فڕۆكەكانی ئەمریكا لە سنوورەكانی نێوان عێراق و سوریا كاروانێكی هێزەكانی حەشدی شەعبیان بۆردومان كرد و لانی كەم 17 چەكداریان كوشت و بە دەیانی دیكەشیان بریندار كرد.
-
خەڵك- بەپێی ڕاپۆرتە كەشناسییەكان، شەپۆلێكی باران بارین ناوچەكانی هەرێمی كوردستان دەگرێتەوە و هەورەتریشقە و با-ی لەگەڵ دەبێت و شارەزایەكی كەشناسی دەڵێت: "كەشێكی بەهاری ناوچەكە دەگرێتەوە". ئاراس جەبار، شارەزای كەشناسی بۆ (خەڵك) ئاماژەی بەوەكرد، لە ماوەكانی نێوان 2ی ئازار بۆ 5ی ئازار شەپۆلێكی باران بارین ناوچەكانی هەرێم دەگرێتەوە و شێوەی دابارینەكەش بەشێوەی تاو تاو ئەبێت و لە ئەنجامی چالاکبوونی کەڵەکە ھەور لە ناوچەی جیاجیا ھەورە تریشقە و چالاکی بای لەگەڵ ئەبێت. ڕوونیشی كردەوە، بە زۆریش ئەم حاڵەتە کەشیە کاتی چڕبوونەوە و چالاکبوونی دەکەوێتە نیوەڕۆ بۆ کاتەکانی ئێوارە واتا کاتەکانی دیکە چربوونەوەی تاوی باران کەمتر ئەبێت. دەشڵێت: "کەشێکی بەھاریانە ئەبێت لەسەرجەم ناوچەکاندا و ھەندێک ناوچەش ئەگەری بارینی تەرزەی ئەبێت، بەڵام کاریگەریەکانی لەسەر ناوچەکانی (گەرمیان ، کەرکوک) لاواز ئەبێت و لە ناوچەکانی دیکە و ناوچە شاخاوییەکان کاریگەری باشتر ئەبێت".