دامەزراندن Archives - تۆڕی میدیایی خەڵک

سەردێر

خەڵک- وەزارەتى پەروەردەى عێراق چەند بڕیارێکی لە بەرژەوەندی مامۆستایانی کوردى قەزاى خورماتوو دەرکرد. بەگوێرەى نووسراوێکى وەزارەتى پەروەردەی عێراق کە تێیدا هاتووە چەند بڕیارێک لەبارەى خوێندنى کوردى لە قەزاى خورماتوو دراوە کە بریتین لە: مامۆستایانى خوێندنى کوردى لەو قەزایە لەمەودوا دەتوانن ببنە بەڕێوەبەر یان جێگرى بەڕێوەبەرى خوێندگەکان و بەشداربن لە لیژنەکانى چاودێرى تاقیکردنەوەکاندا. کەریم شوکر، ئەندامى پەرلەمانى عێراق کە خەڵکى خورماتووە و وەڵامى نووسراوەکەى وەزارەتى پەروەردە لەسەر داواى ئەو بووە رایگەیاندووە:"پێشتر مامۆستایانى خوێندنى کوردى نەیاندەتوانى ببنە بەڕێوەبەر یان جێگرى بەڕێوەبەر یان بەشداربن لە چاودێریکردنى هۆڵەکانى خوێندن لەکاتى تاقیکردنەوەکاندا." کەریم شوکر راشیگەیاندووە:"پێشتر دەفتەرى تاقیکردنەوەى قوتابییانى خوێندنى کوردى خورماتوو لە ناوەندى پارێزگاى سەلاحەدین لەلایەن مامۆستایانى دیکەوە سەیر دەکرا کە نەماندەزانى چۆن و لەکوێوە ئەو مامۆستا کوردانە دەهێنن." لە سنوورى قەزاى خورماتوو 26 قوتابخانەى سەرەتایی و حەوت قوتابخانەى دواناوەندى لێیە، کە 735 مامۆستاى کورد وانەى تێدا دەڵێنەوە.
خەڵک تاوانێکی قێزەون کە لە هەموو جیهاندا دەنگی دایەوە، بووە زەنگی ئاگادارکەرەوە بۆ ملیۆنان کەس کە بەدوای خۆشەویستیدا دەگەڕێن لەڕێگەی تۆڕە کۆمەڵایەتییەکان "ئۆنلاین"، خۆشەویستی لەم رێگەیەوە خانمێکی مەکسیکی کردە قوربانی و دوای کوشتنی ئەندامەکانی جەستەشی فرۆشرا. ئەم ڕووداوە تاوانکارییە بەسەر بلانکا ئۆلیڤیا ئارێلانۆی مەکسیکی تەمەن ٥١ ساڵدا هات، کە لە وڵاتی پیرۆ عاشقی خوێندکارێکی کۆلێژی پزیشکی بوو، بە ناوی خوان پابلۆ ڤیلافۆرتێ، تەمەن ٣٧ ساڵ. دوای چەند مانگێک کاتبەسەربردن بە ڕۆمانسیەتی ئۆنلاین، ئارێلانۆ بڕیاریدا بە فڕۆکە بچێتە لیما تا چاوی بەخۆشەویستەکەی بکەوێت. لە ٧-١١-٢٠٢٢ ، ئەو خانمە بە خوشکەزاکەی خۆی بەناوی کارلا ئارێلانۆ وتووە کە "پرۆسەی خۆشەویستییەکەی بە باشی بەڕێوەدەچێت"، دوای ئەو ماوەیە ناوبراو پەیوەندی بەخێزانەکەیەوە نامێنێت و بێ سۆراغ دەمێنێت. ڕۆژی ١٢ی هەمان مانگ، کارلای خوشکەزای لە هەژماری تایبەتی خۆی لە تویتەر لە تویتێکدا نووسیویەتی: داوای پاڵپشتیتان دەکەم بۆ بڵاوکردنەوەی ئەم پۆستە و دۆزینەوەی یەکێک لە خۆشەویستترین و گرنگترین کەسەکانی ژیانم، ئۆلیڤیا ئارێلانۆ کە لە ڕۆژی دووشەممە ٧ی تشرینی دووەم لە پیرۆ دیارنەماوە. لە زنجیرەیەک پۆستدا کارلا ئاماژەی بەوەکردووە، پابلۆ ڤیلافۆرتێ پێی وتووە کە ئۆلیڤیا جیابووەتەوە و دەگەڕێتەوە بۆ مەکسیک، چونکە "نەیتوانیوە ئەو ژیانەی بۆ دابین بکات کە ئەو دەیەوێت". لە ١٠-١١-٢٠٢٢ دا دەسەڵاتدارانی وڵاتی پیرۆ، پەنجەیەکی دەستیان دۆزییەوە کە ئەڵقەیەکی زیویی لە پەنجەدابوو، دواتر پشتڕاستکرایەوە هی بلانکا ئۆلیڤیا ئارێلانۆیە. لە ڕۆژانی دواتریشدا ئەندامەکانی دیکەی جەستەی ئەو خانمە کە فڕێدرابوونە ناو ئاو، دۆزرانەوە، بەڵام زۆرێک لە ئەندامەکانی ناوەوەی خانمە مەکسیکییەکە نادیار بوون، وا دیار بوو ئەندامەکانی ناوەوەی بەمەبەستی فرۆشتنی دەرهێنرابن. بەپێی ڕۆژنامەی ئیندیپێندنتی بەریتانی، پاش ماوەیەکی کەم لە دیارنەمانی ئارێلانۆ، ڤیلافۆرتێی بەناو خۆشەویسیتی، ڤیدیۆیەکی لە تۆڕی کۆمەڵایەتی تیک تۆک بڵاوکردەوە و تێیدا دەردەکەوێت کە ناوبراو ئەندامەکانی جەستەی مرۆڤێک دەبڕێت، لەوانە، پەنکریاس و مێشک. لەمبارەیەوە، داواکاری گشتی پیرۆ، خوان پابلۆ ڤیلافۆرتێ بە تۆمەتی بازرگانیکردن بە ئەندامەکانی مرۆڤ دەستگیر دەکات و پاش ئەوەی پۆلیس ماڵەکەی دەپشکنن، پەڵەی خوێنیان لە چەند ژوورێکدا دۆزیوەتەوە.
لەم دواییانەدا دیمەنێکی سەیری ڕەوە مەڕێک لە باکووری چین، کە بەشێوەی بە بازنەی بێ وەستان بۆ ماوەی زیاتر لە ١٠ ڕۆژ دەسورانەوە لە سۆشیال میدیادا بابەتی گەرمی ڕۆژ بوو، سەرەڕای هەوڵی پسپۆڕان بۆ ڕوونکردنەوەی دیاردەیە، بەڵام هۆکارەکەی هێشتا هەر نهێنییە. میدیاکانی چین ڤیدیۆیەکیان لە یەکێک کێڵگەکانی شاری باوتۆ، لە ناوچەی مەنگۆلیا (باکووری چین) بڵاوکردەوە، کە بە دەیان مەڕ بە شێوەیەکی بازنەیی ڕێکخراو دەسووڕانەوە، پسپۆڕانی ڤێرتنەری ئەو وڵاتە لە بەدواداچوونیان بۆیان دەرکەوتووە کە "مەڕەکان تەندروستییان باشە، بەڵام... هۆکاری ئەم ڕەفتارە سەیرە تا ئێستا بە نهێنی ماوەتەوە". ڕۆژنامەی "مێترۆ"ی بەریتانی بڵاویکردووەتەوە، خاوەنی کێڵگەی مەڕەکان - خاتوو میاو – ڕایگەیاندووە؛ جوڵەی بازنەیی مەڕەکان تەنها بە چەند مەڕێک دەستی پێکردووە، پێش ئەوەی باقی مەڕەکان تێکەڵی ئەم دیاردەیە بن. هەرچەندە لە یەک کێڵگەی ئەو ناوچەیەدا ٣٤ خانی مەڕ هەیە، بەڵام تەنها مەڕەکانی ناو خانی ژمارە ١٣ بەم شێوەیە هەڵسوکەوت دەکەن. مەڕەکان بۆ ماوەی زیاتر لە ١٠ ڕۆژ بەردەوام بوون لەسەر ئەم ڕەفتارە، بەبێ ئەوەی وردەکاری زیاتر بزانرێت سەبارەت بەوەی کە ئەم مەڕانە چۆن خواردن یان خواردنەوەیان خواردووە لەو ماوەیەدا. https://www.youtube.com/watch?v=CKK1vyWQcK8 زۆر ڕوونکردنەوە بۆ ئەم دیمەنە نامۆیە هەبوو، کە پسپۆڕانی تووشی شۆک کرد، پێگەی "ScienceAlert" - ، ئاماژەی بەوەدا ڕەفتاری مەڕەکان دەکرێت بەهۆی چوونە ژوورەوەیانەوە بێت بۆ ناو خولگەی مردن، وەک ئەوەی هەندێک جار ئەم دیاردەیە لە مێروولەدا ڕوودەدات. هاوکات ڕۆژنامەی "نیویۆرک پۆست"ی ئەمریکی بڵاویکردەوە؛ خولانەوەی مەڕەکان ڕەنگە بەهۆی تووشبوون بە نەخۆشییەکی بەکتریا بێت کە پێی دەوترێت "لیستیریۆس"، کە بە "نەخۆشی سووڕانەوە" ناسراوە. نەخۆشی لیستێریۆس کاریگەری لەسەر لایەکی مێشکی ئاژەڵەکە دەبێت؛ کە دەبێتە هۆی مەیلی جوڵە بەرەو لای تووشبوو، کە هەندێک جار ئەم نەخۆشیە دەگاتە ئیفلیجی، لە ئەگەری بڵاوبوونەوەی نەخۆشییەکەشدا، بەزۆری تەنها ڕێژەیەکی کەم لە مەڕەکان تووشی دەبن و ئەوان مەیلیان هەیە ڕەفتاری سووڕانەوە بەشیوەی بازنەیی پەیڕەو بکەن. بەزۆری نەخۆشی لیستێریۆس لە ماوەی ٤٨ کاتژمێردا ئاژەڵە تووشبووەکان دەکوژێت، بۆیە ناتوانرێت ڕوون بکرێتەوە کە چۆن مەڕەکان لە چین بۆ ماوەیەکی تاڕادەیەک درێژ بەردەوام بوون لە ڕۆیشتن بە شیوەی بازنەیی. ئەندرۆ فیش، مامۆستای پزیشکی پسپۆڕ لەبەرهەمهێنانی ئاژەڵ لە زانکۆی مێلبۆرن لە ئوسترالیا، ڕەتیکردەوە؛ هۆکاری پشت ڕەفتاری ئەم مەڕانە " لیستێریۆس " بووبێت، هەروەها ڕوونیکردەوە کە هەوکردنی مێشک بەو نەخۆشیە تەنها 1-10%ی مەڕەکان دەگرێتەوە . هاەروەها، مات بێڵ، مامۆستای بەشی کشتوکاڵ لە زانکۆی هارتپوری بەریتانی، باوەڕی بەوە نییە کە هەڵسوکەوتی مەڕەکان مەتەڵێکی قورس بێت، ئەو بە گۆڤاری "نیوز ویک"ی ڕاگەیاندووە، هەڵسوکەوتی مەڕەکان دەگەڕێتەوە بۆ مانەوەیان بۆ ماوەیەکی زۆر لە خانەکانیاندا. ئاماژەی بەوەشکرد، خۆگرتنی ئاژەڵەکان "دەتوانێت ببێتە هۆی بێزاربوونیان لە بوونی لە جێیەکی سنوورداردا، و ئەوانیش زوو زوو دەست دەکەن بە ڕۆیشتن بە بازنەیی، پاشان مەڕەکانی دیکەش پەیوەندییان پێوە دەکەن، چونکە ئاژەڵەکان وابەستەی ڕەفتاری یەکدین و شوێن یەکیتر دەکەون".
خەڵک- پەروەردەی سۆران رایگەیاند، سبەینێ یەکشەممە لە سنوری پەروەردەکانی سۆران، مێرگەسۆر، رواندز، چۆمان دەوام لەسەرجەم خوێندنگەکان ئاسایی دەبێت. بەڕێوەبەرایەتی گشتی پەروەردەی سۆران راگەیەندراوێکی بڵاوکردووەتەوە و دەڵێت:"بۆ سنووری هەر چوار پەروەردەی سەر بە بەڕێوەبەرایەتییەکەمان سۆران، مێرگەسۆر، رواندز، چۆمان بەیانی یەکشەممە ٢٧-ی ١١-ی ٢٠٢٢ لە گشت قوتابخانەکان دەوامی فەرمی دەبێت". ئەوە لە کاتێکدایە شەوی رابردوو بەهۆی باران بارینەوە لە پارێزگای هەولێر و ئیدارەی سۆران ئەمڕۆ شەممە کرایە پشووی فەرمی.
خەڵک هەریەکە لە بەریتانیا، ئەمریکا و فەرەنسا، زۆرترین خەرجییان بۆ بواری سەربازییە و بەپێی ڕاپۆرتێکی پەیمانگای نێودەوڵەتی TNI کە بنکەکەی لە ئەمستردامە، ٣٠ هێندەی ئەو بڕەی بۆ پاراستنی ژینگە تەرخانی دەکەن، لە بواری سەربازی و بەهێزکردنی سوپاکانیاندا خەرجی دەکەن، هەر ئەم سێ وڵاتە بەشدارن لە دەردانی زۆرترین دوانۆکسیدی کاربۆن و گەرمبوونی پلەی گەرمی گۆی زەوی. ڕاپۆرتێکی پەیمانگای نێودەوڵەتی TNI باس لەوە دەکات کە وڵاتانی دەوڵەمەندی جیهان زیاتر لە ٣٠ هێندەی بودجەی ڕووبەڕووبوونەوەی قەیرانی کەشوهەوا پارەکانیان بۆ هێزی سەربازی خەرج دەکەن. ڕاپۆرتەکە پشتڕاستی کردووەتەوە، زۆرترین وڵاتی پیسکەر لە نێوان ساڵانی ٢٠١٣ بۆ ٢٠٢١، ٩.٤٥ ترلیۆن دۆلاریان بۆ هێزە چەکدارەکانیان خەرج کردووە، لە کاتێکدا بە ٢٤٣.٩ ملیار دۆلار دابینی دارایی ئەو وڵاتانە بووە بۆ بوارەکانی بەرەنگاربوونەوەی کێشەکانی کەشوهەوا. پەیمانگای نێودەوڵەتی TNI کە بنکەکەی لە ئەمستردامە، لە ڕاپۆرتەکەیدا نووسیویەتی: "خەرجییە سەربازییەکان و فرۆشتنی چەک کاریگەرییەکی قووڵ و بەردەوامی لەسەر توانای چارەسەرکردنی قەیرانی کەشوهەوا هەیە"، ئاماژەی بە زیادبوونی خەرجییە سەربازییەکان کردووە بە ڕێژەی لەسەدا ٢١.٣ لە ساڵی ٢٠١٣ەوە. ئامادەکارانی ڕاپۆرتەکە ڕاپۆرتەکە پێیانوایە، پارەدارکردنی هێزە چەکدارەکان زیان بە ژینگە دەگەیەنێت و سەرچاوەکان بۆ ڕووبەڕووبوونەوەی قەیرانی کەشوهەوا لە پەلوپۆ دەخات. تیمی توێژینەوەکە دەڵێن: "هەر دۆلارێک کە بۆ بواری سەربازی خەرج دەکرێت نەک تەنها دەردانی گاز زیاد دەکات بەڵکو سەرچاوە داراییەکان و لێهاتوویی و سەرنجەکان دوور دەخاتەوە لە ڕووبەڕووبوونەوەی یەکێک لە گەورەترین هەڕەشەکان کە مرۆڤایەتی ڕووبەڕووی بووەتەوە". بۆ کەمکردنەوەی گەرمبوونی گۆی زەوی، نەتەوە یەکگرتووەکان داوای "گۆڕانکاری تەواو" لە سیستمی وزەی جیهان دەکات. هەر بەپێی ڕاپۆرتەکە، وڵاتانی گەورەترین خەرجیی سەربازیی، لەوانە بەریتانیا، ئەمریکا و فەرەنسا، بەشدارییەکی بەرچاویان لە زۆری دەردانی گاز و گەرمبوونی گۆی زەویدا هەیە. شەڕی ئۆکرانیا چۆن کاریگەری لەسەر قەیرانی کەشوهەوا هەیە؟ پەیمانگاکە بۆی دەرکەوتووە، لە دوای لەشکرکێشی ڕووسیا بۆ سەر ئۆکراین، خەرجییە سەربازییەکان زۆر زیادیانکردووە. بەپێی ڕاپۆرتەکەی پەیمانگای نێودەوڵەتی TNI، ئەڵمانیا بڕی ١٠٤ ملیار دۆلاری دیکەی بۆ خەرجی سەربازی ڕاگەیاندووە، لەکاتێکدا حکومەتی نەرویج لە مانگی حوزەیراندا بودجەی دیاریکراوی بۆ کەشوهەوای ڕاگرت. پەیمانگاکە توێژینەوەکانی لەگەڵ دەستپێکردنی کۆڕبەندی COP27 لە هاوینەهەواری شەرم ئەلشێخ لە میسر بڵاوکردووەتەوە، کە وڵاتێکە "بە خودی وڵاتی ڕێکخەری کۆڕبەندەکە، بە خەرجی سەربازی زیاتر لە چالاکییەکانی کەشوهەوا بەناوبانگە". پەیمانگای نێودەوڵەتی TNI کە بنکەکەی لە ئەمستردامی هۆڵندایە، ئەوەشی خستووەتەڕوو؛ لە نێوان ساڵانی ٢٠١٧ بۆ ٢٠٢١ میسر یەکێک بووە لە پێنج وڵاتی سەرەکی هاوردەکردنی چەک و بە پلەی یەکەم سەرچاوەی چەکەکانی لە ڕووسیا و فەرەنسا و ئیتاڵیا بووە. ڕاپۆرتەکە ئەوەی تێداخراوەتەروو"لە بەرامبەر قەیرانی کەشوهەوا و نیشانەکانی گەیشتن بە خاڵە مەترسیدارەکان لەسەر هەسارەکەمان، پێویستییەکی بەپەلە هەیە کە ئەولەویەت بدرێت بە چارەسەری گرفتەکانی کەشوهەوا و هاوکاری نێودەوڵەتی بۆ پاراستنی ئەو کەسانەی زۆرترین کاریگەرییان لەسەر دەبێت".
خەڵک- کەشناسی هەرێم رایگەیاند، کەشی ئێستای هەرێمی کوردستان بە گشتی ئاسمان هەوری تەواو و باراناوییە لە زۆربەی ناوچەکان باران بارینی پچڕ پچڕ و لێزمە باران دەبارێت . بەڕێوەبەرایەتی گشتی کەشناسی و بوومەلەرزەزانیهەرێمی کوردستان بڵاویکردووەتەوە، پێشبینى دەکرێ بۆ ئەمشەو باران بارین بەشێوەى نمە باران و بارانى مام ناوەند بە پچڕ پچڕی بەردەوام بێت وە هەندێ جار ئاستى باران بارین دەگۆڕێت بۆ بارانى بەلێزمە و هەورە تریشقە بە تایبەت لە ناوچە شاخاوییەکانی پارێزگای هەولێر و سلێمانی وە لە زۆربەی ناوچەکانی پارێزگای دهۆک ئەگەری باران بارین زیاترە . ماوەی دوو رۆژە شەپۆلێکی بارانبارینی بەهێز هەرێمی کوردستانی گرتووەتەوە و لە هەندێک شوێن لافاو دروست بووە و ئاستەنگ بۆ هاتووچۆی هاووڵاتییان دروست بووە. بڕی بارانبارینی ١٢ کاتژمێری رابردووی ئەمڕۆی ناوچە جیاوازەکانی هەرێمی کوردستان:-
خەڵك سەرۆكی یەكێتیی نیشتمانیی كوردستان و محەمەد شیاع سودانی، سەرۆكوەزیرانی عیراق لە بەغدا كۆبوونەوە و ڕایدەگەیەنێت، كە ئەركی حكومەتی نوێیە بەشێوەیەكی یەكسان و دادپەروەرانە خزمەتی هەمووان بكات. بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغدا لە گەڵ محەمەد شیاع سودانی، سەرۆكوەزیرانی عیراق كۆبووەوە و ‏‎لە دیدارێكدا دوایین پەرەسەندنە سیاسی، ئابووری و ئەمنییەكان گفتوگۆیان لەبارەوەكرا. هەر لە دیدارەكەدا جەخت لە هەماهەنگی و یەكخستنی هەوڵەكان كرایەوە لەپێناو سەرخستنی بەرنامەی حكومەت كە خۆی لە پێشكەشكردنی خزمەتگوزاری، چەسپاندنی یاسا و بەهێزكردنی پایەكانی دەوڵەتداریدا دەبینێتەوە. بافڵ جەلال تاڵەبانی ئاماژەی بەجێبەجێكردنی ئەو خاڵە نیشتمانییانە كردەوە، كە لە بەرنامەی حكومەتدا جێگیركراون و رایگەیاندووە، دەبێت رێز لەو رێككەوتنە سیاسییانەی نێوان كورد و لایەنە سیاسییە عیراقییەكان بگیرێت. هەروەها دەستوور بكرێتە بنەمای چارەسەركردنی ریشەییانەی كێشەكان و هاوبەشیی راستەقینە پەیڕەوبكرێت، ئەمەش فاكتەرێكی گرنگی بەدیهێنانی سەقامگیری سیاسی، ئەمنی و كۆمەڵایەتییە لە وڵاتدا. ‏‎ئاشكراشیكردووە، كە ئەركی حكومەتی نوێیە بەشێوەیەكی یەكسان و دادپەروەرانە خزمەتی هەمووان بكات، ناكۆكییە سیاسییەكان تێكەڵی حوكمڕانی و مافەكانی هاوڵاتییان نەكرێت، بۆ بەدیهێنانی ئەم ئامانجە باڵایەش یەكێتیی نیشتمانیی كوردستان پشتیوانتان دەبێت. هاوكات پرسی هەماهەنگی و هاریكاری نێوان هێزەكانی هەرێمی كوردستان و عیراق و پاراستنی ئارامی و ئاسایشی سنوورەكان تەوەرێكی تری گفتۆگۆكان بوو لەو بارەیەوە بڕیاری پێویست دران.
خەڵك بە هۆی بەردەوامی بارانی بەلێزمە لافاوێكی گەورە لە زۆربەی شەقامەكانی پارێزگای دهۆك دروستبووە و ژمارەیەك زۆریش لە ماڵ و شوێنەگشتیەكان ئاویان تێچووە، تیمەكانی فریاگوزاریش لە ئەو پەڕی حاڵەتی ئامادەباشیدان . بە پێی زانیارییەكانی (خەڵك) لە ئێوارەی ئەمرۆ شەممە 27ی 11ی 2022 ەوە ، شەپۆلێك بارانی بە لێزمە پارێزگای دهۆكی گرتۆتەوە و ئاو لە بەشێكی زۆری شەقامەكان كۆبۆتەوە و ئاستەنگی هاتووچۆی دروست كردووە . هەر بە پێی زانیارییەكان بەشێك لە ماڵ و شوێنە گشتییەكان ئاویان تێچووە و زیانی ماددیی هەبووە و بەرگری شارستانی و تیمەكانی فریاگوزاری پارێزگاكە لە ئەو پەڕی حاڵەتی ئامادەباشیدان .
خەڵك لیژنە هاوبەشەكانی قائیمقامیەتی سلێمانی ڕایدەگەیەنێت ، بە هۆی نەشیاوی شوێنەكەی كارگەیەكی دروستكردنی خۆراك بۆ هەنگ داخرا . لیژنە هاوبەشەكانی قائیمقامیەتی سلێمانی بڵاوكردەوە، ئەمڕۆ شەممە 26ی 11ی 2022 لەراپۆرتی لیژنەی نوسینگە كشتوكاڵییەكانی قائیمقامیەتی سلێمانیدا ئاماژە بۆ ئەوەكراوە، بەهۆی پابەندنەبوون بەمەرج و رێنماییەكانی كاركردن و نەشیاوی شوێنەكەی لیژنەكە كارگەی دارین-ی بۆ دروستكردنی خۆراكی هەنگ لەگەڕەكی ئازادی (سەدەكە) داخرا. ئەوەشخراوەتەڕوو، كە كارگەكە لەناوماڵانی گەڕەكەكەیە، ئەمەش پێچەوانەی رێنماییەكانە، بۆیە بەفەرمانی قائیمقامی سلێمانی كارگەی دارین بۆ دروستكردنی خۆراكی هەنگ دادەخرێت و خاوەنەكەشی روبەڕوی رێكاری یاسایی دەكرێتەوە، هەروەها دەبێت لەماوەیەكی كەمدا كارگەكە بگوازێتەوە. لەكاتی هەبوونی گومان یان بۆ گەیاندنی سكاڵا و زانیاری بەقائیمقامیەتی سلێمانی و لیژنە هاوبەشەكان، پەیوەندی بە ژمارە مۆبایلی (07708677777)ـەوە بكەن.
خەڵك بەڕێوەبەرایەتی ئاوی سلێمانی ڕایدەگەیەنێت، دوا مۆڵەت بۆ بەستنی پێوەری ئاو كۆتایی ئەمساڵە و دوای ئەو وادەیە هەر هاووڵاتیەك پێوەری ئاوی نەبەستبێت مانگەنە بڕی ٨۰ هەزار بۆ ماڵ و ۲۰۰ هەزار دیناری بۆ ئەژمار دەكرێت . بەڕێوەبەرایەتی ئاوی سلێمانی لە ئاگادارییەكدا بڵاویكردەوە، دوا مۆڵەت بۆ بەستنی پێوەری ئاو بەرواری ٢١-١٢-٢٠٢٢ لە دوای ئەو بەروارە وە هەر هاووڵاتیەك پێوەری ئاوی نەبەستبێت مانگەنە بڕی ٨۰ هەزار بۆ ماڵ و ۲۰۰ هەزار دینار بۆ دوكان و شوێنی بازرگانی بۆ ئەژمار دەكرێت. لە ئاگادارییەكدا هاتووە، داوا لە هاووڵاتیان دەكەن هەرچی زووە ئەوانەی پێوەریان نەبەستووە ، پێوەرەكانیان ببەستن تا بەدوور بن لە وەرگرتنی ئەو بڕە پارەی مانگانە وەك سزا لە بری نەبەستنی پێوەری ئاو بۆیان دێتەوە .

وەزارەتی پەروەردە دواین بڕیار بۆ دامەزراندنی مامۆستایان ڕادەگەیەنێت

وەزارەتی پەروەردە دواین بڕیار بۆ دامەزراندنی مامۆستایان ڕادەگەیەنێت

لاوى محمد

تشرینی دووه‌م 20, 2022

خەڵك- بریكاری وەزارەتی پەروەردەی حكوومەتی هەرێمی كوردستان…

دامەزراندن لە هەرێمی كوردستان دەستپێدەكاتەوە

دامەزراندن لە هەرێمی كوردستان دەستپێدەكاتەوە

ئومێد سیوەیلی

تشرینی دووه‌م 16, 2022

خەڵك- وەزارەتێكی حكومەتی هەرێمی كوردستان ئاشكرای دەكات،…

بەڕێوەبەرایەتییەك لە سلێمانی 22 هەلی دامەزراندن بە گرێبەست ڕادەگەیەنێت

بەڕێوەبەرایەتییەك لە سلێمانی 22 هەلی دامەزراندن بە گرێبەست ڕادەگەیەنێت

ئومێد سیوەیلی

تشرینی دووه‌م 6, 2022

خەڵك- بەرێوەبەرایەتی گشتی چاودێری و گەشەپێدانی كۆمەڵایەتی…

ئاگاداریەك لە چاكسازی گەورانی سلێمانيیەوە سەبارەت بە دامەزراندن

ئاگاداریەك لە چاكسازی گەورانی سلێمانيیەوە سەبارەت بە دامەزراندن

كوردستان جەلال

تشرینی یه‌كه‌م 25, 2022

خەڵك- داوا لەو كەسانە دەكرێت كە فۆڕمی دامەزراندنیان بە…

دەرفەتی دامەزراندن ڕاگەیاندرا

دەرفەتی دامەزراندن ڕاگەیاندرا

كوردستان جەلال

تشرینی یه‌كه‌م 25, 2022

خەڵك- بەڕێوەبەرایەتی گشتی گەشتوگوزاری ڕاپەڕین دەرفەتی…

بەڕێوەبەرایەتییەك هەلی دامەزراندن ڕادەگەیەنێت

بەڕێوەبەرایەتییەك هەلی دامەزراندن ڕادەگەیەنێت

كوردستان جەلال

تشرینی یه‌كه‌م 16, 2022

خەڵك- بەڕێوەبەرایەتی گشتی گەشتوگوزاری ڕاپەڕین ژمارەیەك…

بەڕێوەبەرایەتییەك فۆڕمی دامەزراندن بە گرێبەست بڵاودەكاتەوە

بەڕێوەبەرایەتییەك فۆڕمی دامەزراندن بە گرێبەست بڵاودەكاتەوە

ئومێد سیوەیلی

تشرینی یه‌كه‌م 10, 2022

خەڵك- بـەڕێوەبـەرایەتی دابـەشكردنی كـارەبـای سەیدسادق…

پەروەردەی شارۆچكەیەك فۆڕمی دامەزراندن دابەشدەكات

پەروەردەی شارۆچكەیەك فۆڕمی دامەزراندن دابەشدەكات

ئومێد سیوەیلی

تشرینی یه‌كه‌م 3, 2022

خەڵك- بەڕێوەبەرێتی پەروەردەی چەمچەماڵ سبەی فۆڕمی دامەزراندنی…

بەڕێوەبەرایەتییەك هەلی دامەزراندن ڕادەگەیەنێت

بەڕێوەبەرایەتییەك هەلی دامەزراندن ڕادەگەیەنێت

ئومێد سیوەیلی

ئه‌یلول 13, 2022

خەڵك- بەڕێوەبەرایەتی دابەشكردنی كارەبای سەیدسادق هەلی…

مامۆستایان یەكەم زەنگی بایكۆتیان لێدا

کوردستان

مامۆستایان یەكەم زەنگی بایكۆتیان لێدا

لاوى محمد

ئه‌یلول 12, 2022

خەڵك- نوێنەرانی مامۆستایانی وانەبێژ ڕایدەگەیەنن، دوای…