بەغدا، 5ساڵ زیندانی بەسەر بەرپرسێكی كورددا سەپێنرا
دەستەی نەزاهەی عیراقی سەپاندنی پێنج ساڵ زیندانی بەسەر…
زیاترسەردێر
-
مەسعود بارزانی ڕایدەگەیەنێت:"سوپاسی هەموو ئەو لایەنانەمان كردووە كە بە جۆرێك بەشداربوونە لە شەڕی داعش و یارمەتیی پێشمەرگەیان داوە". مەسعود بارزانی لە پەیامێكیدا نووسیویەتی، "ماوەیەكە لە هەندێ ناوەندی ئیعلامی و سیاسی باسی شەڕی داعش دەكرێت. لێرەدا ڕاستییەك هەیە ناكرێ چاوپۆشی لێ بكرێ، داعش دیاردەیەكە كە دوژمنی سەرجەم مرۆڤایەتییە و شەڕكردن لەگەڵ داعش شەڕێكی ئاسان نییە، چونكە بەرەیەكی بەرفراوان و هەمەلایەنە و لایەنێكیش بە تەنیا ناتوانێ داعش تێكبشكێنێت. ڕیشەكێشكردنی داعش هەماهەنگی و كاری هاوبەشی هەموو لایەك و كۆمەڵگەی نێودەوڵەتی پێویستە". مەسعود بارزانی لە پەیامەكەیدا ئاماژەی بەوەشداوە، "كاتی خۆی لە شەڕی داعشدا ئێمە سوپاسی هاوپەیمانان و ئەمریكامان كرد كە یارمەتیی هێزی پێشمەرگەی كوردستانیان داوە". دەشڵێت:"سوپاسی هەموو ئەو لایەنانەشمان كرد كە بە جۆرێك بەشداربوونە لە شەڕی داعش و یارمەتیی پێشمەرگەیان داوە. بەڵام لەگەڵ ئەوەشدا پێویستە هەموو لایەك ئەوە بزانن كە ئەوەی لەسەر ئەرزی واقعدا بە خوێن و قوربانیدانی خۆی، كوردستانی لە هەڕەشەی داعش پاراست، هێزی پێشمەرگەی كوردستان بوو. هیچ كەس و لایەنێك ناتوانێ ئەو حەقیقەتە بشارێتەوە كە ئەفسانەی داعش لەسەر دەستی ڕۆڵە قارەمانەكانی گەلی كوردستان تێكشكا". دەقی پەیامەكە: پەیامێك لە سەرۆك بارزانی بەناوی خودای مەزن و دلۆڤان ماوەیەكە لە هەندێ ناوەندی ئیعلامی و سیاسی باسی شەڕی داعش دەكرێت. لێرەدا ڕاستییەك هەیە ناكرێ چاوپۆشی لێ بكرێ، داعش دیاردەیەكە كە دوژمنی سەرجەم مرۆڤایەتییە و، شەڕكردن لەگەڵ داعش شەڕێكی ئاسان نییە چونكە بەرەیەكی بەرفراوان و هەمەلایەنە و، لایەنێكیش بە تەنیا ناتوانێ داعش تێكبشكێنێت. ڕیشەكێشكردنی داعش هەماهەنگی و كاری هاوبەشی هەموو لایەك و كۆمەڵگەی نێودەوڵەتی پێویستە. كاتی خۆی لە شەڕی داعشدا ئێمە سوپاسی هاوپەیمانان و ئەمەریكامان كرد كە یارمەتیی هێزی پێشمەرگەی كوردستانیان داوە. سوپاسی هەموو ئەو لایەنانەشمان كرد كە بە جۆرێك بەشداربوونە لە شەڕی داعش و یارمەتیی پێشمەرگەیان داوە. بەڵام لەگەڵ ئەوەشدا پێویستە هەموو لایەك ئەوە بزانن كە ئەوەی لەسەر ئەرزی واقعدا بە خوێن و قوربانیدانی خۆی، كوردستانی لە هەڕەشەی داعش پاراست، هێزی پێشمەرگەی كوردستان بوو. هیچ كەس و لایەنێك ناتوانێ ئەو حەقیقەتە بشارێتەوە كە ئەفسانەی داعش لەسەر دەستی ڕۆڵە قارەمانەكانی گەلی كوردستان تێكشكا. مسعود بارزانی ٢٧ـی كانوونی دووەمی ٢٠٢١
-
لە ژینگەی وڵاتی ئێمەدا ڕۆژانە چەندین ڕووداوی ناخۆش و سەخت ڕوودەدەن، جۆرەها هەواڵی ناخۆش و جەرگبڕ دەدرێت بە گوێی هاووڵاتییاندا، کە دەروونی مرۆڤ بەتەواوی ماندوو دەکەن و دەبنە هۆکاری دەرکەوتنی چەندین گرفتی دەروونی، کە پێویستە لەکاتی خۆیدا چارەسەر بکرێت. بە پێچەوانەوە کاریگەرییە خراپەکانی ئەو گرفتە دەروونییانە بە ڕونی لە ڕەفتار و کەسایەتی ئەو کەسەدا دەردەکەوێت، دواجار ئەمەش زیان بە خودی کەسەکەو ئەو کەسانەش دەگەیەنێت کە بەردەوام لەگەڵیدا دەژین و ڕۆژانە هەڵسوکەتیان لەگەڵ دەکەن. سەردان کردنی پزیشکی دەروونی مانای ئەوە ناگەیەنێت کە ژیریت لە دەست دابێت و پێت بوترێت 'شێت'، بەڵکو ئەم کارە بۆ سەلامەتیی تەندروستیی دەروون و جەستەی خودی خۆتە. لێرەدا هەوڵدەدەم ئاماژە بە چەند گرفتێکی دەروونی بکەم کە زۆر کەس بەدەستییەوە دەناڵێنن و لەترسی توانجدانی دەوروبەر یان بەهۆی ناهۆشیاریی کەسەکە خۆی، دووجاربووانی ئەو گرفتانە ناتوانن بەدوای چارەسەرکردنیدا بڕۆن :- 1.زۆر جار کەسانێک توشی ڕووداوێکی لەناکاو دەبن، یاخود هەواڵیکی ناخۆش دەبیستن لە ئەنجامدا توشی زەبری دەروونی دەبن لەدوای ڕووداو یان هەواڵەکە، لەم حاڵەتەدا زۆر گرنگە سەردانی پزیشکی دەروونی بکرێت بۆ وەرگرتنی چارەسەر، بەپێچەوانەوە چارەسەر نەکردنی گرفتەکە کاریگەری خراپی درێژخایەن لەسەر دەروون و جەستەی کەسەکە جێ دەهێڵێت. 2.کاتێک منداڵێک باوک و دایکیان جیا دەبنەوە، یاخود یەکێکیان لەدەست دەدات بە هەر هۆکارێک، ڕەنگە لە ئەنجامدا منداڵەکە توشی خەمۆکی و داڕوخانی دەروونی و کەسایەتی ببێت، بۆیە پێویستە ئەو منداڵە بەردەوام سەردانی پزیشکی دەروونی یان پسپۆڕی دەروونی پێبکرێت و چارەسەر وەربگرێت، ئەگەر نا ئەم ڕووداوە کاریگەرییە خراپەکانی لەتەواوی ژیانی داهاتویدا دەردەکەوێت. 3.مرۆڤێک کاتێک کەسێکی ئازیزی لەدەست دەدات زۆر جار لەئەنجامی ئەو زەبرە دەروونیە توندە توشی خەمۆکی دەبێت، لەم کاتەدا ڕاوێژکردن بەپزیشکی دەروونی باشترین کارە کە پێویستە ئەنجام بدرێت بۆ ڕزگار بوون لە خەمۆکی و گرفتەکانی تری دوای ڕووداوەکە. 4.کاتێک خۆت یاخود منداڵەکەت ڕووداوێکی هاتوچۆ یاخود کوشتن یان سوتان و کەوتنە خوارەوە دەبینن، ڕەنگە توشی شڵەژانی دەروونی و حاڵەتی ترسان ببن، پێویستە بڕیار بدرێت بۆ چارەسەر کردنی ئەم حاڵەتانە سەردانی پزیشکی دەروونی بکەن بۆ ئەوەی ئارامی و جێگیری بۆ دەروونی خۆت یاخود منداڵەکەت بگەرێتەوە. 5.دەرکەوتنی نیشانەکانی وەس واسی و دڵ پیسی و کەلە رەقی و چەندین سیفاتی نەخوازراوی تر کە کاریگەریان لەسەر ژیانت هەیە، زۆربەی زۆریان بەچەند بینینێکی پزیشکی دەروونی و ڕاوێژکارانی بواری دەروونزانی چارەسەردەبن. 6.کاتێک خانمانی بەڕێز دوگیان دەبن، سەرباری تەندروستی جەستەیی خۆی ئارامی و جێگیری باری دەروونی خانمەکە زۆر گرنگە بۆ دروست کردنی منداڵێكی تەندروست لە ڕوی جەستەیی و دەروونیشەوە، بۆیە پێویستە خانمان ڕاوێژکردن بە پسپۆڕی بواری دەروونی لەیاد نەکەن لەو ماوەیەدا، بەتایبەت ئەگەر لە گرفت و کێشەو نارەحەتی ژیاندابن لەو ماوەیەدا. یاخود هەندێک لە خانمان توشی خەمۆکی دوای لە دایک بوونی منداڵ دەبن، ئەم گرفتە دەروونیە ڕەنگە کاریگەرییەکی خراپ لەسەر دایکەکە به جێبهێڵێت بۆیە باشتر وایە سەردانی پزیشکی پسپۆڕی دەروونی بکات بۆ وەرگرتنی چارەسەری پێویست. 7.زۆر جار هۆکاری توڕەبوونەکانی مرۆڤ ڕەنگە چەندین فاکتەری تری لە پشتەوەبێت، کەواتە ئەگەر لەو کەسانەیت کە توڕەبوونی زۆر و بەردەوام تەنانەت لەسەر شتی زۆر سادەش هەراسانی کردویت، سەردانی کردنی پزیشکی دەروونی دەبێتە هۆی چارەسەر کردنی گرفتەکەت. 8.هەندێک جار هەندێک نەخۆشی دەروونی هەن کەپێیان دەوترێ ' نەخۆشیە دەروون جەستەییەکان' پێویستیان بە چارەسەری دەروونی هەیە، ئەم نەخۆشانە وادەردەکەون کە گرفت لە ئەندامێکی جەستەیاندا هەبێت، بەڵام هۆکاری نەخۆشییەکەی ئەگەرێتەوە بۆ لایەنی دەروونی کەسەکە، ئەم نەخۆشانەش بە سەردانی کردنی پزیشکی دەروونی…
-
سەمەد زەنگەنە سلێمانی مەنزڵی باڵندە كۆچەرییەكانی باكوورو باشووری گۆی زەوییە، ئەوەی جارێك لە كوێستانی ساردو پڕ غەدری زەمانەوە سەری خۆی هەڵگرتبێت‌و پەنای وە گەرمێنی دڵی سلێمانی بردبێت ناچارە هەموو ساڵێك ڕوو لە هێلانەی ئەبەدی سۆزی سلێمانی بكاتەوە. ئەوەشی لەدۆزەخی چەوسانەوەی باشوورەوە ئاوارە بوبێت، لە كوێستانی ئەزمەڕو گۆیژەدا خێوەتی تا هەتایی هەڵداوەو كۆبۆنی دڵ و ناخی گۆڕیوەو سلێمانیش لە دوكانی بایەعەكانی شاردا ناونوسی كردووە و ئیقامەی سیاسی پێبەخشیوە . تەنیا باڵندەیەك قەدری هێلانەكەی گومەزی مزگەوتی گەورەی سلێمانی نەگرتبێت یەكێتی نیشتمانی كوردستان بووە، تەنیا كوڕێكی بێوەفای ئەو شێرەژنانەی سلێمانی، كە هەموو مانگێك شەرواڵ و مرادخانی و جامانەو یاپراخ و كفتەی سلێمانیان دەگەیاندە پێشمەرگەكان، هەر یەكێتی نیشتمانی كوردستان بووە . ئاخر هەر سلێمانی نەبوو لانكەی ژەنینی ئازارەكانی پێشمەرگە بوو، هەر سلێمانی نەبوو لە نێو پێخەفی شەوی زاوایەتی‌و لە ژێر سیستەمی ڕۆڵەكانیدا بریندارەكانی پێشمەرگەی یەكێتی دەشاردەوە؟ هەر سلێمانی نەبوو سرودی مەشخەڵانی كرد بە ویردی سەر زمانی دەشتی هەولێرو سەختی قەندیل و بادینانی دەلال؟ ئێستاش سلێمانی بۆنی هەناسەی گەرمی جارانی مام جەلال‌و هەناسەی ساردی هەزاران شوێنكەوتووی دوا ماڵاوایی مام جەلالی لێدێت . ئەی بۆ ئێستا كەستان بۆنی عەتری عارەقی مامتان لێنایە، بۆ سلێمانیتان كرد بەبیابانی عەرعەرو هیوای هەزاران گەنجی سلێمانیتان تێدا ئەنفال كرد؟ سلێمانی ئاشتكەنەوە، برینی شەقامەكانی ساڕێژ كەن، هەر ئەو درزو برینانەی سەردەمی بەعسە، پینەی قیرێكی بكەن بە گەرودا. خوێنبەربوونی دڵی ڕاگرن، بەنداوێك بۆ فرمێسكی دەیانساڵەی دایكانی شەهیدانی سلێمانی دروست بكەن بەسود ئەبێت بۆ وشكە ساڵی دەنگدانەكانتان، ئاخر یەكێتی ئەوانی لێبتۆرێ دوو كورسی حوكمڕانی ناهێنێت . سلێمانی ئاشتبكەنەوە، ئێوە مانەوەتان، سەروەریتان بەندە بە سلێمانییەوە، كوڕە دەروێش و دڵسۆزەكانی بدۆزنەوەو بەرپرسیارەتیان بەنێ، ئەوان كەسیان قبوڵ نییە جگە لە خۆیان، بیانكەنەوە ساحێب ماڵ و خانەخوێ، ئەوان سەیوانی دوا مەنزڵگەی ئەزیزانیشیان بەمردووەكانی ئێوە بەخشی، ئەوان خاك و خۆڵ و گردو تەپۆلكەو سەیرانگاكانیشیان لەگەڵتاندا بەشكرد، ئێوەش كەمێك لە سەروەت و سامان و خۆشگوزەرانیان لەگەڵدا بەشكەن . سلێمانی ئاشتبكەنەوە، هێشتا دڵی لای ئێوەیە یەكێتییەكان، هێشتا ئامادەیە ئێوە بكاتەوە پێشەنگی كوردایەتی، ناسنامەی سلێمانیبونتان پێببەخشێت، تەنیا دڵە گەورەكەی ڕاگرن، ئەو دڵەی ساڵانێك بۆ ئێوە لێیداو، ئێستاش ئامادەیە ببێتە پاتری دڵە مردووەكانی ئێوە .
-
وەزیری دەرەوەی ئێران ڕایدەگەیەنێت، پێویستە سزاكانی ئەمریكا لەسەر وڵاتەكەی هەڵبگیرێت. محەمەد جەواد زەریف وەزیری دەرەوەی ئێران بە ئاژانسی هەواڵی فەرمی وڵاتەكەی ڕاگەیاند، ئەوەی بۆ تاران گرنگە ئیدارەی نوێی ئەمریكا ئەو سزایانە هەڵوەشێنێتەوە، كە دۆناڵد ترەمپ سەرۆكی پێشووی ئەو وڵاتە بەسەر ئێرانیدا سەپاندوویەتی. سەبارەت بە دامەزراندنی ڕۆبێرت مولی بە نێردەی ئیدارەی نوێی ئەمریكا بۆ كاروباری ئێران، زەریف ڕایگەیاند بۆ كۆماری ئیسلامی ئێران، كەسەكان گرنگ نین، بەڵام ئەوەی گرنگە هەڵوەشاندنەوەی هەموو ئەو سزایانەیە كە بەسەر تاراندا سەپێنراون. وەزیری دەرەوەی ئێران دووپاتیشی كردەوە، ئەگەر ئەمریكا سزاكان هەڵگرێت لەسەر وڵاتەكەی، ئەوا تاران بە شێوەیەكی ڕاستەوخۆ و تەواوەتی پابەندی ڕێككەوتننامەی ئەتۆمی دەبێت. خەڵك – بەشی هەواڵ
-
ڕوسیا بە پێویستی دەزانێت قەیرانەكانی ڕۆژهەڵاتی ناوەڕاست چارەسەر بكرێن سێرگی لاڤرۆڤ وەزیری دەرەوەی ڕوسیا لە میانی بەشداریكردنی لە كۆبوونەوەیەكی ئەنجومەنی گشتی ڕێكخراوی نێودەوڵەتی نەتەوە یەكگرتووەكان، كە لە ڕێگەی ڤیدیۆ كۆنفڕانسەوە بەڕێوەچوو، تیشكی خستە سەر ئاڵۆزیی و قەیرانەكانی ناوچەی ڕۆژهەڵاتی ناوەڕاست و ڕایگەیاند: بۆ بەدیهێنانی ئاشتی و پاراستنی سەقامگیری و ئارامی سەرتاسەری جیهان پێویستە گوشارێكی زۆری نێودەوڵەتی بكرێت لە پێناو چارەسەركردنی كێشە و قەیرانەكانی ناوچەی ڕۆژهەڵاتی ناوەڕاست. لاڤرۆڤ ئەوەشی خستەڕوو: ڕێككەتنی نێوان ئیسرائیل و بەشێك لە وڵاتانی عەرەبی ڕێگە خۆشدەكات بۆ دۆزینەوەی ڕێگە چارەیەك بۆ ناكۆكییەكانی نێوان فەڵەستین و ئیسرائیل. خەڵك – بەشی هەواڵ
-
تەندروستی بەحرەین سەرهەڵدانی ڤایرۆسی كۆرۆنای گۆڕاوی لە وڵاتەكەی ڕاگەیاند. وەزارەتی تەندروستی بەحرەین سەرهەڵدانی حاڵەتی تووشبوونی بە ڤایرۆسی كۆرۆنای گۆڕاوی لەوڵاتەكەیاندا ڕاگەیاند و لەهەمان كاتیشدا داوای لە هاووڵاتیان كرد پابەندی ڕێكارەكانی خۆپارێزی بن بۆ ئەوەی بەر لەبڵاوبوونەوەی بگیرێت. هاوكات تیمی نیشتمانیی بۆ بەرەنگاربوونەوەی كۆرۆنا لە بەحرەین بڕیاریدا پڕۆسەی خوێندن لە31ی ئەم مانگەوە بۆ 3 هەفتە بەشێوەی ئۆنلاین بێت و لەهەمان كاتیشدا بڕیاردرا لەو ماوە دیاریكراوەدا هیچ جۆرە خزمەتگوزارییەك لەنێو چێشتخانەو كافتریاكاندا پێشكەش نەكرێن. بەپێی ئامارە فەرمییەكانی بەحرەین لەگەڵ سەرهەڵدانی ڤایرۆسی كۆرۆنا لەو وڵاتە زیاتر لە 100 هەزار حاڵەتی تووشبوون و 370 حاڵەتی مردن تۆماركراون. خەڵك – بەشی هەواڵ
-
لە ئۆپراسیۆنێكی هاوبەشی هێزە عیراقییەكان لە باشووری كەركوك 9 تیرۆریستی داعش كوژران. وتەبێژی فەرماندەی گشتیی هێزە چەكدارەكانی عیراق ڕایدەگەیەنێت، لە ئۆپراسیۆنەكدا لە سنووری پارێزگای كەركوك هێزە ئەمنییەكان پێنج بەرپرس و ژمارەیەك تیرۆریستی داعشیان كوشتووە. لیوا یەحیا ڕەسوڵ، وتەبێژی مستەفا كازمی، فەرماندەی گشتیی هێزە چەكدارەكانی عیراق لە ڕاگەیەنراوێكدا ئاماژەی بەوەدا، "لە چوارچێوەی ئۆپراسیۆنی تۆڵەی شەهیدان، كە لە هەینیی ڕابردووەوە بە فەرمانی فەرماندەی گشتیی هێزە چەكدارەكان دەستپێكراوە، بەرەبەیانی ئەمڕۆ چوارشەممە 27-01-2021 دەزگای دژە تیرۆر بە هاوئاهەنگی لەگەڵ هەواڵگریی نیشتمانیی ئۆپراسیۆنێكیان لە باشووری پارێزگای كەركوك ئەنجامدا. لیوا یەحیا ڕەسوڵ ڕوونیشی كردووەتەوە:"هێزە ئەمنییەكان هەڵیانكوتایە سەر حەشارگەكانی داعش و ژمارەیەك لەو چەكدارانەی داعش پشتێنەی بۆمبڕێژكراویان بەستبوو بە گوللـەی هێزە ئەمنییەكان كوژران، هەروەها ژمارەیەك بەرپرس و چەكداری تریش كوژران، دیارترینیان بەرپرسی بەشی ئەندازیاری گشتی لە عیراق، بەرپرسی گەیاندن و ئامێری ئەلكترۆنی لە پارێزگای كەركوك، دوو بەرپرسی جبەخانەكانی داعش بوون". خەڵك – بەشی هەواڵ
-
ئەمەی خوارەوە چەند شتێکی زۆر ئاساییە کە هیچ پێویستناکات شەرمی لێبکەیت و گرنگە زانیاریت لەبارەیەوە هەبێت: -دایک لەگەڵ مۆبایلی پێشکەوتوو خەڵک وابیردەکاتەوە کە دایکی باش نابیت مۆبایلی پێشکەوتووی پیبێت و سەرقاڵی مۆبایل بێت، لەکاتیکدا ئەوە شتێکی زۆر ئاساییە و پێویست ناکات شەرمی لێبکەیت - بەرگریکردن لە مافی خۆت کاتێک لە ژیانی ڕۆژانەدا مافەکانت دەخورێت، بۆنمونە دوکاندارێک پارەی زیاترت لێدەستێنێت، حەقی خۆتە کە بێیتە قسە و داوای مافەکەی خۆت بکەیت و پێویستناکات شەرم بکەیت. - کڕینی پێڵاوی باش زۆرکات کە پێڵاوێکی باش دەکڕیت کە کە پارەی زۆرت پێداوە، خەڵک سەرزەنشت دەکات، بەڵام ئەوە مافێکی خۆتە و پێویست ناکات شەرمی لێبکەیت -ئەو شتانەی کە ناتوانیت بیانکڕیت کاتێک کەرەستەیەک، بۆ نمونە ئۆتۆمبێل یان مۆبایلی گرانبەهات نییە، ئەوا بەهەمان شێوە شتیکی زۆر ئاساییە و نابێت شەرم لەوە بکەیت - منداڵی زۆر / بەبێ منداڵ گەر منداڵت زۆر بێت یان کەم یاخود هەر نەتەوێت منداڵت ببێت، ئەوە ئازادییەکی خۆتە و نابێت کۆمەڵگە کاریگەری لەسەرت هەبێت -ڕێک نەبوون لەگەڵ ستانداردەکانی جوانی مەرج نییە هەر هەمان ئەو ستانداردی جوانیەت هەبیت کە خەڵک بۆت دادەنێت، بەڵکوو تۆ بەو جۆرە سەرنجڕاکێشیت کە هەیت
-
خەڵك- مەزهەر محەمەد ساڵح، ڕاوێژكای ئابوری و دارایی مستەفا كازمی سەرۆك وەزیرانی عیراق، باس لە مەترسییەكانی بەرزبوونەوەی نرخی دۆلار دەكات لە دوای پەسەندكردنی بودجەی دارایی ساڵی 2021 لەلایەن پەرلەمان و دەڵێت، "ئەو مەترسیانە بێ بنەمان". مەزهەر محەمەد ساڵح لە لێدوانێكی ڕۆژنامەوانیدا ڕایگەیاند"قسەكردن لەبارەی بوونی مەترسی لەسەر بەرزبوونەوەی زیاتری نرخی دۆلار لەدوای پەسەندكردنی بودجەی 2021 لەلایەن پەرلەمانەوە، زێدەڕۆییە و و بوونی نییە، لە دوای پەسەندكردنی بودجەوە هیچ گۆڕانكارییەك بەسەر نرخی دۆلاردا نایەت لەبەرانبەر دیناری عیراقی". بە وتەی ساڵح"بانكی ناوەندی عیراق، بڕی تەواوی یەدەگی هەیە، لەگەڵ ئەوەشدا بانكەكە میكانیزمی هەیە بۆ جێگیركردنی نرخی دراوەكە وەك لە بودجەدا هاتووە، توانای ئەوەشی هەیە دەستوەردان بكات بۆ پارێزگاریی لە جێگیركردنی نرخی دۆلار، بۆیە قسەكردن لەسەر مەترسییەكان، زێدەڕۆییە و هیچ بنەمایەكی نییە". پێشتر جەمال كۆچەر، ئەندامی لیژنەی دارایی لە پەرلەمانی عیراق ڕایگەیاندبوو، گێڕانەوەی نرخی دۆلار بۆ نرخی پێشووی، لەئێستادا زۆر قورسە، بازاڕەكانی ناوخۆش لەدوای پەسەندكردنی بودجەی دارایی ساڵی 2021، جێگیردەبن.
-
خەڵك- پارتی دیموكراتی كوردستان پێیوایە گەر كێشەكانی نێوان هەرێمی كوردستان و حكومەتی فیدراڵ بەمشێوەیەی ئێستا بمێننەوە، پێناچێت بەشداری لە هەڵبژاردنی داهاتووی عیراقدا بكات. بەشار كیكی، پەرلەمانتاری پارتی دیموكراتی كوردستان لە پەرلەمانی عیراق، بە (خەڵك)ی ڕاگەیاند، "پارتی گەر بەشداری لە هەڵبژاردنی داهاتووی عیراقدا بكات، كە وابڕیارە لە مانگی تشرینی یەكەمی داهاتوودا سازبكرێت، ڕێژەیەكی زیاتر لە هەڵبژاردنی ساڵی 2018 بەدەستدەهێنێت، بەڵام گەر كێشە و ناكۆكییەكانی نێوان بەغدا و هەرێم بەمشێوەیەی ئێستا بمێننەوە، ئەوا ڕەنگە پارتی دیموكراتی كوردستان بایكۆتی ئەو هەڵبژاردنە بكات". بە وتە بەشار كیكی، "گەر مافی كورد لە بەغدا پشتگوێ بخرێت، ئەوا پارتی دیموكراتی كوردستان پێداچوونەوە بە زۆر شتدا دەكات، وەك بەشداری لە هەڵبژاردن و پێداچوونەوە بە بەشداری لە پرۆسەكەدا". ئەو پەرلەمانتارەی پارتی وتی، "گەر دەستور جێبەجێ نەكرێت، بەشداری لە هەڵبژاردنی عیراقدا ناكەین، بە هەمان شێوەی هەڵبژاردنی پێشوو، كە بەشداریمان لە هەڵبژاردنی كەركوكدا نەكرد، چونكە گەر ستەم لە كورد بكرێت بەشداریكردن لە هەڵبژاردندا هیچ سودێكی نییە". تا ئێستا چەند جارێك شاندی حكومەتی هەرێم چۆتە بەغدا بۆ ڕێككەوتن لەسەر بودجە و مووچەی فەرمانبەرانی هەرێم، بەڵام تا ئێستا نەگەیشتوونەتە ڕێككەوتنی كۆتایی و لە ئێستاشدا شاندەكە بە سەرۆكایەتی قوباد تاڵەبانی لە بەغدایە و گفتوگۆكان بەردەوامن لەسەر بودجەی 2021 و پشكی هەرێم تێیدا.