دابەشكردنی مووچە – تۆڕی میدیایی خەڵک

سەردێر

خەڵك- دابەشكردنی مووچەی مانگی 11 زۆر بەخاوی بەڕێوەدەچێت و وەزارەتی دارایی و ئابووری هۆكارەكەی بۆ نەهاتنی 200 ملیارەكەی بەغدا دەگەڕێنێتەوە. سەرچاوەیەك لە وەزارەتی داراییی هەرێم بۆ (خەڵك) ئاشكرایكرد، سبەینێ سێ‌ شەممە ٧/١٢/٢٠٢١ مووچەی دەزگای گشتی ئاسایش و خاوەن پێداویستی تایبەت دابەشدەكرێت. وتیشی"٢٠٠ ملیارەكەی بەغدا بۆ مووچە تائێستا نەهاتووە، بۆیە مووچە بەسستی دابەش دەكرێت". ئاماژەی بەوەشكرد، ئەمڕۆ دوو شەممە تەنها مووچەی ئەنجوومەنی ئاسایشی هەرێم خەرج دەكرێت.
خەڵك وەزارەتی رۆشنبیری حكومەتی هەرێمی كوردستان بڵاوكردنەوەی بەرهەمە مێدیاییەكانی داعشی لە هەرێمی كوردستان راگرت. وەزارەتی رۆشنبیری هەرێمی كوردستان لە راگەیەنراوێكدا رایگەیاند، پێویستە مێدیاكان وێنە و ڤیدیۆی بەرهەمهێندراوی داعش بڵاونەكەنەوە. راشیگەیاندووە ئاگاداری گشت مێدیا بینراوەكان دەكەین بە هیچ جۆرێك وێنە و ڤیدیۆی داعش بڵاونەكەنەوە كە تیرۆرستانی داعش بەرهەمیان هێناون و تایبەت بە هێرشەكانی سەر پێشمەرگە و هاووڵاتیان. شەوی رابردوو لە بەشێك لە مێدیاكانەوە چەند بەرهەمێكی مێدیایی داعش بڵاوكرانەوە كە تایبەت بوون بە هێرشكردنەسەر پێشمەرگە لە سنووری مەخموور.
خەڵك- بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە. بەپێی پێشبینییەكانی كەشناسی، ئەمڕۆ دوو شەممە ئاسمان لە هەورەوە دەگۆڕێت بۆ نیمچە هەور و پاشان بۆ پەڵە هەور. هەر بەپێی پێشبینییەكان، سبەینێ سێ شەممە ئاسمان ساماڵ و پەڵە هەور دەبێت، پاشان دەگۆڕێت بۆ نیمچە هەور.
ئەمەی خوارەوە چەند مەتەڵێکە کە توانای بینین و کەسایەتیشت ئاشکرا دەكەن، بۆ بینینی وەڵامەکان کلیک لە وێنەکە بکە: ١- چەند ئاژەڵ دەبینیت؟ ٢- یەکەمجار چیت بینی؟ ٣- یەکەمجار چیت بینی؟ وەڵامەکان: ١ ١ بۆ ٣ ئاژەڵ: پێویستت بەوەیە وردەکاریەکان زیاتر ببینیت ٤ بۆ ٦ ئاژەڵ : باشتر دەبینیت، بەڵام پێویستت بەوردبونەوەی زیاترە ٧ بۆ ٩ : کەسێکی وریایت و زۆر باش دەتوانیت شتەکانی دەوروبەر ببینیت. ١٠ بۆ ١٣ : تۆ ڕەنگە لە FBI کاربکەیت؟ چونکە زۆر ورد شتەکان دەبینیت ٢ ٣
خەڵك- وەزارەتی ڕۆشنبیری ڕایدەگەیەنێت، بڵاوكردنەوەی ئەو وێنە و ڤیدیۆیانەی داعش بەرهەمیان دەهێنێت، قەدەغەیە. شەوی رابردوو لە تۆڕە كۆمەڵایەتییەكان بەشێك لە پەیج و میدیاكان ئەو وێنانەیان بڵاوكردەوە كە داعش بڵاویكردنەوە و باسی لەوە كردبوو كە ساتی هێرشكردنەسەر هێزەكانی پێشمەرگەیە. وەزارەتی ڕۆشنبیری هەرێم لە نووسراوێكدا كە ئەمڕۆ دووشەممە 06-12-2021 دەرچووە ئاماژە بۆ ئەوە دەكات، ئاگاداری گشت میدیا بیندراوەكان و پۆرتاڵەكانیان دەكەینەوە كە بە هیچ جۆرێك ئەو وێنە و ڤیدیۆیانە بڵاونەكەنەوە كە لەلایەن تیرۆریستانی داعشەوە بەرهەمهێندراون و تایبەتن بە هێرشەكانیان بۆسەر هێزی پێشمەرگە و خەڵكی سڤیل. ئاشكراشیدەكات، بڵاوكردنەوەی ئەم وێنە و ڤیدیۆیانە بە بێئاگایی ئەم كەناڵانە دەبن بە ڕایەڵێكی میدیایی تیرۆریستان و لەوێوە ترس و تۆقاندن و دڵەڕاوكێ لەنێوان هاووڵاتییاندا بڵاودەكەنەوە، ئەمەش پێچەوانەی ماددەی سێیەم بڕگەی سێیەمە لە ڕێنوێنیی ژمارە 1ی ساڵی 2014ی وەزارەتی ڕۆشنبیری و لاوان، تایبەت بە ڕێكخستنی فریكوێنسی سپەیس لە هەرێمی كوردستان. هۆشداریش دەدات لەوەی هەر كەناڵێك پێچەوانەی ئەو گشتاندنە هەڵسوكەوت بكات، ڕووبەڕووی لێپرسینەوەی یاسایی دەبێتەوە، پاراستنی ئاسایشی نیشتمانی و ئاشتیی كۆمەڵایەتی ئەركی سەر شانی هەموولایەكە، بۆیە پێویستە پابەندی یاسا و ڕێنوێنییەكان بن.
خەڵك بەیانی ئەمڕۆ دوو شەممە هاووڵاتیانی گوندی لهێبان دوای ئەوەی شەوی رابردوو گوندەكەیان چۆڵكردبوو گەڕانەوە. بەپێی زانیارییەكان شەوی رابردوو هاووڵاتیانی گوندی لهێبان لە سنووری مەخموور لە ترسی هێرشەكانی داعش گوندەكەیان چۆڵكرد و چەكداری داعش چوونە ناوی، دواتر هێزی دژەتیرۆری چوونە نێو گوندەكەوە. بەیانی ئەمڕۆ هێزێكی پێشمەرگە و سووپای عێراق چوونە نێو گوندەكەوە و هاووڵاتیانیش دەستیان بە گەڕانەوە كرد. شەوی پێشتر چەكدارەكانی داعش چوونە سەر گوندی لهێبان لەوێ لەلایەن هاووڵاتیانی گوندەكەوە هێرشەكەیان تێشكێندرابوو، برینداریشیان هەببوو. هاووڵاتیانی گوندەكە داوای هاوكاری سەربازییان لە سووپای عێراق و هێزی پێشمەرگە كردبوو، بەڵام نەچووبوون بە هانایانەوە.
خەڵك- بەڕێوەبەرایەتی نەوت و كانزاكانی سلێمانی ڕایدەگەیەنێت، ئەمڕۆ لە چەند بەنزینخانەیەك بەنزینی عێراقی دابەش دەكرێت. بەڕێوەبەرایەتی نەوت و كانزاكانی سلێمانی لە ڕِاگەیەنراوێكدا ئاماژە بۆ ئەوە دەكات، ئەمڕۆ دوو شەممە ٦ـ۱۲ـ۲٠۲۱ بەنزینی عێراقی لەناوشار لە وێستگەكانی (هەڵەبجە، تانجەرۆ، ڕۆژ، هەڵەبجە گروپ، بەكرەجۆ، كۆكار) دابەش دەكرێت. بەنزینی عێراقی بە نرخی 690 دینار دابەش دەكرێت.
خەڵك ئەمڕۆ دوو شەممە جارێكی دیكە خۆپێشاندانی خوێندكاران لە سلێمانی و ڕاپەڕین و چەند شوێنێكی دیكە دەستیپێكردەوە. خۆپێشاندەران داوای خەرجكردنی دەرماڵە و گەڕاندنەوەی دەرماڵەی خوێندكاران دەكەن نزیكەی بە 8 ساڵە لەلایەن حكومەتی هەرێمەوە بە پاساوی تەنگەژەی دارایی راگیراوە. خۆپێشاندانی خوێندكاران لە ماوەی رابردوودا توندوتیژی تێكەوتووە و بەهۆیەوە ژمارەیەك بارەگای حیزبی و حكومی سووتێندراون. حكومەتی هەرێمی كوردستان تا ئێستا جگە لە بڕەپارەیەك بۆ هاوكاری خوێندكارانی كەمدەرامەت و پێویستیی بەشەنێوخۆییەكان رازی نەبووە بە گەڕاندنەوەی دەرماڵە. مەسرور بارزانی سەرۆك وەزیرانی هەرێمی كوردستان لە لێدوانێكدا رایگەیاندبوو كە لە دنیادا نییە خوێندن بە خۆڕایی بێت و داوای دەرماڵەش بكرێت.
خەڵك- جێگری سەرۆكی هەرێم ڕایدەگەیەنێت، داعش نەك هەر مەترسییەكانی بەردەوامە، بەڵكو ئێستا داعش زیاتر مەترسیدارترە تا كاتی هاتنیان. شێخ جەعفەر شێخ مستەفا جێگری سەرۆكی هەرێمی كوردستان بە دەنگی ئەمریكای ڕاگەیاند، لە عێراقدا سەرۆك كۆمارمان هەیە، وەزیر و پەڕلەمانتارمان هەیە كەچی هاتوون هێڵی بەرگری بەرامبەر پێشمەرگە دروست دەكەن لەبری ئەوەی بەرامبەر داعش دروستی بكەن. سەبارەت بە تۆمەتەكانی پەڕلەمانتارانی پارتی و یەكێتی كە هەریەكەیان ئاڕاستەی حیزبەكانی بەرامبەریان دەكەن، شێخ جەعفەردەڵێت: ئەوانە نوێنەری خەڵك و هەرێمی كوردستانن، ئەوانە یاسا دەردەكەن و پارێزەری مافی تاكەكەسن و بەرگری لە مافەكانی خەڵكی كوردستان دەكەن، ئەوانە هاتوونەتە ناو ئەو پەڕلەمانەوە كە ئەسڵەن مرۆڤ نازانێت چۆن باسی بكات. دەشڵێت "لەم ڕۆژانەی دوایدا بە هاووڵاتیانەوە نۆزدە كەس شەهید بوون داعشێك نەیپرسی كامە پارتی، یان یەكێتی و حیزبێكی دیكەیە، بەداخەوە بۆ ئەو منداڵ و مەزن و نەفامانە كە ئەوانە وەك ندی و بدی ئەم قسانە دەكەن و بەهەوەسی خۆیان لێدوان دەدەن". ئاشكراشیكرد، ئێستا داعش شەڕی پارتیزانی دەكەن تەنها بۆ شەهیدكردنی پێشمەرگە یان برینداركردن یاخود زیانگەیاندنە نەك شوێنگرتن. ڕوونیشیكردەوە، كەمتەرخەمی یەكەم دەگەڕێتەوە بۆ عێراق كە ناتوانێت ئەمنیەت بۆ خەڵكی ئەو ناوچانەی ژێر دەسەڵاتی خۆی دابینبكات. سەبارەت بە دابینكردنی پێداویستییەكانی هێزەكانی پێشمەرگە، شێخ جەعفەر ڕایگەیاند، چ هێزەكانی هاوپەیمانان، چ وڵاتانی دیكە ڕاستەوخۆ مامەڵە لەگەڵ هەرێم ناكەن، ئەوان دەڵێن كوردستان بەشێكە لە عێراق دەبێت لەسەر ڕەزامەندی عێراق بێت، عێراقیش ڕەزامەندی دەرنابڕێت بۆ ئەوەی خۆمان ئەو پێداویستییانە بهێنین بۆ هێزەكانی پێشمەرگە. ئاماژەی بۆ ئەوەش كرد، مەترسی زۆرە، هەرخۆی كە باسی داعش دەكەین بۆ خۆی گەورەترین مەترسییە، لە دوای داعش چ مەترسییەكی دیكە دێتەئاراوە ئەوە بۆخۆی چاوەڕوانكراوە، چونكە ناوچەكە بۆ خۆی هەمووی شەڕە.
خەڵك نیوە شەوی رابردوو هێزەكانی دژەتیرۆری عێراق چوونە نێو گوندی لهێبانی كوردنشین لە ناوچەی سەرگەڕانی سەر بە پارێزگەی كەركوك دوای داگیركردنی گوندەكە لەلایەن تیرۆرستانی داعشەوە. بەپێی زانیارییەكان شەوی رابردوو دوای چۆڵكردنی گوندی لهێبان لە لایەن دانیشتووانەكەیەوە لە ترسی هێرشەكانی داعش، چەكدارانی داعش چوونە نێو گوندەكەوە و ئاگریان تێپەردا. دواتر هێزەكانی دژەتیرۆری عێراق چوونە نێو گوندەكەوە و چەكدارەكانی داعش هەڵهاتن. بەپێی زانیارییەكان هێزەكانی سووپای عێراق و هێزەكانی كوردستان نەچوون بە دەم داواكاری هاووڵاتیانی لهێبانەوە بۆ رێگری لە هێرشی داعش و چۆڵكردنی گوندەكە، بۆیە ناچاربوون گوندەكە چۆڵ بكەن. گوندی لهێبان شەوی پێشتریش لەلایەن تیرۆرستانی داعشەوە هێرشیكرابووە سەر و لەلایەن دانیشتوانی گوندەكەوە هێرشەكەیان تێكشكێندرابوو. لە ماوەی نزیك بە 10 رۆژی رابردوودا نزیكەی 20 پێشمەرگە و هاووڵاتی لە سنوورەكانی ناوچە كێشەلەسەرەكان شەهید و بریندار بوون لە هێرشەكانی چەكدارانی داعشدا. بەشێك لە چاودێران ئەمە پلانێك دادەنێن بۆ چۆڵكردنی گوندە كوردنشینەكان بە بەكارهێنانی گرووپە چەكدارەكانی داعش لە سنوورەكە و دواتر هاتنی دژەتیرۆر و هێزەكانی دیكەی عێراق.

خشتەیەكی دیكەى مووچە ڕاگەیەنرا

خشتەیەكی دیكەى مووچە ڕاگەیەنرا

سەرهەنگ خالید

تشرینی دووه‌م 25, 2021

خەڵك- وەزارەتی دارایی هەرێم خشتەیەكی نوێی مووچەی ڕاگەیاند…

دابەشكردنی مووچە دەستپێدەكات

دابەشكردنی مووچە دەستپێدەكات

سەرهەنگ خالید

تشرینی دووه‌م 25, 2021

خەڵك- وەزارەتی دارایی حكومەتی هەرێمی كوردستان ئەمڕۆ پێنج…

خشتەیەكی نوێی مووچە ڕاگەیەنرا

خشتەیەكی نوێی مووچە ڕاگەیەنرا

سەرهەنگ خالید

حوزه‌یران 28, 2021

خەڵك- حكومەتی هەرێم بەردەوامە لە دابەشكردنی مووچە بە لێبڕینی…

یەك شەممە ئەم شوێنانە مووچە وەردەگرن

یەك شەممە ئەم شوێنانە مووچە وەردەگرن

ئیدریس جەبار

نیسان 23, 2021

خەڵك- دابەشكردنی مووچەی مانگی نیسانی 2021، بە لێبڕینی سەدا…

لەبارەی مووچەی ئەم مانگەوە حكومەت فەرمانبەران ئاگاداردەكاتەوە

لەبارەی مووچەی ئەم مانگەوە حكومەت فەرمانبەران ئاگاداردەكاتەوە

ئیدریس جەبار

شوبات 18, 2021

خەڵك- حكومەتی‌ هەرێمی‌ كوردستان، فەرمانگەكان بۆ ئامادەدەكردنی…