تەندروستی عیراق Archives - تۆڕی میدیایی خەڵک

سەردێر

حەوت راوچی لەشارباژێڕ دەستگیركران خەڵك- بەپێی زانیارییەكان، ژمارەیەك هاووڵاتی لە ( چەمی زەلان ) لە سنوری ناحیەی زەلان بە شێوەیەكی نایاسایی سەرقاڵی ڕاوی ماسین ، مەفرەزەیەكی بەشی پۆلیسی دارستانی شارباژێڕ گەیشتنە شوێنی دیاریكراو و توانیان ( ٧ ) هاووڵاتی بە تۆمەتی ڕاوكردنی ماسی دەستگیر بكەن . هاوكات دەستگیرا بەسەر تۆڕی ڕاوی ماسی و ژمارەیەك ماسی ڕاوكراو . پەڕاوی لێكۆڵینەوە ڕێكخراوەو ڕادەستی دادوەر كراوە بۆ وەرگرتنی ڕێكاری یاسایی.
خەڵك لە قەزای كەلار، نزیك قوتابخانەی كوردستانی نوێ دوو ئۆتۆمبێل پێكیاندادا و سێ كەس برینداربوون. هاتوچۆی گەرمیان لە ڕاگەیانراوێكدا بڵاویكردەوە، بەیانی ئەمڕۆ یەك شەممە لەناو قەزای كەلار لە چوار ڕییانی نزیك قوتابخانەی كوردستانی نوێ بەهۆی پێكدادانی دوو ئۆتۆمبێلی جۆری توێتا پیكاب و نیسان سەنترا سێ كەس برینداربوون، بریندارەكان شۆفێری هەر دوو ئۆتۆمبێلەكە و سەرنشینێكی پیكابەكەن. باس لە ئەوەشكراوە، هەرسێ بریندارەكە بەمەبەستی وەرگرتنی چارەسەر گەیەنرانە نەخۆشخانەی فریاكەوتنی شەهید هەژار لە كەلار و لێكۆڵینەوە لەلایەن تیمی هاتووچۆوە دەستیپێكردووە.
خەڵك- پۆلیسی سۆران بڕەپارەیەكی هاووڵاتییەكی عەرەب كە گەشتیار بووە لە تاڤگەی گەلی عەلی بەگ دەدۆزنەوە و رادەستی خاوەنەكەی دەكەنەوە. بەشی پەیوەندیی و راگەیاندنی بەڕێوەبەرایەتی پۆلیسی سۆران رایگەیاند "دوێنێ هاووڵاتییەكی بەرەگەز عەرەبی دانیشتووی شاری بەغدا بەناوی حەمدی سلێمان حەسەن لە سنوری ناحیەی خەلیفان بڕی بیست و هەشت هەزار دۆلاری ئەمریكایی لە تاڤگەی گەلی عەلی بەگ ون كردبوو". راشیگەیاند "خۆش بەختانە لەلایەن گەنجیكی ناحیەی خەلیفان گەنجێكی دەست پاك بەناوی( محەمەد ئیسماعیل حسین ) دۆزرایەوە بەهاوكاری بنكەی پۆلیسی خەلیفان توانیان پارەكە بۆ خاوەنەكەی بگەڕێنەوە".
خەڵك-ئارام سەردار تاڤگەی (كانی بەست) تاڤگەیەكی سروشتی هەرێمە و دەكەوێتە نێوان هەردوو چیای كۆخە و شێح ناسر و رۆژهەڵاتی ناحیەی قەسرێ-ی دەڤەری باڵەكایەتی، بەبەرزترین و جوانترین تاڤگەی هەرێمی كوردستان دادەنرێت. تاڤگەی كانی بەست، بەوپێیەی بەرزترین تاڤگەیە لەهەرێمی كوردستان و عیراق، لەسەر ڕووی دراوی ٥٠ هەزار دیناری عیراقیش نەخێشێنراوە. ئاوی تاڤگەكە بەفراوی چیاكانی كۆخە و شێخ ناسڕی باڵەكایەتیە كە دەڕژێنە گوندی وەڵزێ، بە دووری هەشت كیلۆمەتر لەناو سروشتێكی دڵڕفێنی باڵەكایەتیدا هەڵكەوتووە كێوێكی كردووە بە دوو بەشەوە دەكەوێتە، ڕۆژهەڵاتی شارەدێی قەسرێی دەڤەری باڵەكایەتی لە سنووری پارێزگای هەولێر. سەڕەڕای ڕێگایەكی سەخت و پڕ هەوراز تا دەگەی بە بنی تاڤگەكە، گەشتیارانی ناوخۆیی و بیانی و عەرەب ڕووی تێدەكەن بەهۆی ئەوەی ناوچەكە كەشوهەوایەكی مام ناوەند و فێنكی هەیە، هەزار و ٧٠٠ مەتر لە ئاستی ڕووی دەریاوە بەرزە، لەگەڵ ئەوەی سروشتێكی جوانی بە ناوچەكە بەخشیوە، كشتوكاڵێكی زۆریشی لە بەردا دەكرێت.
خەڵك- لە شەش مانگی یەكەمی ساڵی ٢٠٢٢ دا لانی كەم سزای سێدارەی ٣٣ بەندكراوی كورد لە بەندیخانەكانی ئێران جێبەجێكراوە كە سەرجەمیان پیاو بوون و ناسنامەی ٣٢ كەسیان بۆ هەنگاو ئاشكرا بووە. بە پشتبەستن بە ئاماری تۆماركراو لە ناوەندی ئامار و بەڵگەنامەكانی ڕێكخراوی مافی مرۆڤی هەنگاو، لە ماوەی شەش مانگی یەكەمی ئەمساڵدا لانی كەم ٣٣ بەندكراوی كورد لە بەندیخانەكانی ئێران لە سێدارە دراون كە بە بەراوردی لەگەڵ ئاماری ڕێكخراوی مافی مرۆڤی ئێران كە لە دوایین ڕاپۆرتی خۆیدا باسی لە جێبەجێكرانی سزای سێدارەی ٢٥١ بەندكراو لە ماوەی ئەو ٦ مانگەدا لە هەموو ئێران كردووە، دەردەكەوێت كە ١٣.١٪ی كۆی ئەو بەندكراوانەی كە لەو ماوەیەدا لە ئێران لە سێدارە دراون بەندكراوی كورد بوون. بەگوێرەی ئەم ڕاپۆرتە سەرجەم ئەو بەندكراوانەی كە لە سێدارە دراون پیاو بوون و ناسنامەی ٣٢ كەسیان بۆ هەنگاو ئاشكرا بووە و تەنیا ناسنامەی یەكێكیان كە لە بەندیخانەی ئورمیە سزاكەی جێبەجێكراوە بۆ هەنگاو ئاشكرا نەبووە. زیاترین ژمارەی سێدارە بە ٩ حاڵەت لە پارێزگای ئورمیە تۆماركراوە و لە پارێزگای سنە هیچ حاڵەتێك تۆمار نەكراوە. زیاترین بەندكراوەكان لە بەندیخانەكانی ئورمیە ٨ حاڵەت، ئیلام و خوڕەمئاوا ٧ حاڵەت و كرماشان ٥ حاڵەت لە سێدارە دراون. لەو ماوەیەدا سزای سێدارەی فیرووز مووسالوو بەندكراوی سیاسی كورد و خەڵكی كۆتۆل بە شێوەی نهێنی لە بەندیخانەی ناوەندیی ئورمیە جێبەجێ كراوە. بە پشتبەستن بە ئامارەكانی هەنگاو، سزای سێدارەی سێ كەس لەو بەندكراوانە لە سەرچاوە حكومەتییەكان ئاماژەی پێكراوە و ٣٠ حاڵەتی دیكە لە میدیا حكومەتییەكان باسی لێ نەكراوە.
خەڵك- بەهۆی تەقینەوەی غازلە كافتریایەكی شاری سلێمانی دوو كەس بریندار بوون. بەپێی زانیارییەكان، كەمێك لەمەوبەر بەهۆی تەقینەوەی غاز لە كافتریای كەستانە لە شاری سلێمانی دوو كارمەند بریندار بوون. هەر بەپێی زانیارییەكان، لەگەڵ دوو كارمەندەكە، سێ كارمەندی بەرگری شارستانی سلێمانیش تووشی تەنگەنەفەسی بوون.
خەڵك- لە سلێمانی، بە تۆمەتی دزیكردن مەفرەزەكانی بنكەی پۆلیسی تاسڵوجە سێ تۆمەتباریان دەستگیركرد. بەڕێوەبەرایەتی پۆلیسی پارێزگای سلێمانی بڵاویكردەوە، دوای ئەوەی لەلایەن دوو خاوەن دوكانەوە سكاڵا تۆماركرا، كە دزیان لێكراوە دەست بەجێ هێزەكانی پۆلیس گەڕان و لێكۆڵینەوەكانیان دەستپێكرد، دوای كۆكردنەوەی زانیاری پێویست لەسەر تۆمەتباران توانرا لەماوەی كەمتر لە 24 كاتژمێر لە لایەن مەفرەزەكانی بنكەی پۆلیسی تاسڵوجەوە دەستگیر بكرێن . ئاماژە بە ئەوەشكراوە، تۆمەتبارەكان بڕی (پێنج سەد هەزار دینار، لەگەڵ 28 مۆبایلی گرانبەها لە جۆرەكانی ، ئایفۆن و سامسۆنگ و هواوی) یان دزیبو. باس لە ئەوەشكراوە، لە ئێستادا تۆمەتباران(ف،ن،أ)، (ك،ن،أ)، (س،م،أ) بە بڕیاری داوەر و بە پێی ماددەی 443 لە یاسای سزادانی عێراقی ڕاگیراون و لەكاتی دەستگیركردنیشیاندا ، توانرا دەستبگیرێت بەسەر بەشێك لەو كەل و پەلانەی كە پێشتر دزی بویان، هەروەها لێكۆڵینەوەكان لەگەڵیاندا بەردەوامە.
خەڵك- نرخی كارەبای مۆلیدە لە سلێمانی بۆ مانگی شەش لە نێوان (15.500) دینار بۆ (17.500) دینار دەبێت. بەڕێوەبەرایەتی گشتی كارەبای سلێمانی رایگەیاند، ئەمڕۆ یەكشەممە‌ لیژنەی سەرپەرشتیاری مۆلیدە ئەھلییەكانی سلێمانی بۆ هەژماركردنی نرخی كارەبای مۆلیدە ئەهلییەكان كۆبونەوە و بەگوێرەی نرخی گازۆیل و كاتژمێرەكانی كاركردن نرخی ئەمپێرێك كارەبای مۆلیدەى ئەهلی بۆ مانگی رابردو (حوزەیران) لە نێوان (15.500) دینار بۆ (17.500) دینار دەبێت. راشیگەیاند، سەبارەت بە بەرنامەی كاركردنی مۆلیدە بۆ ئەم مانگەش تەموز (24) كاتژمێر دەبێت و هەركاتێك كارەبای نیشتمانی كوژایەوە، پێویستە كار بە مۆلیدەكانیان بكەن.
خەڵك- ئەمڕۆ یەك شەممە لە ئەنقەرەی پایتەختی توركیا كۆنگرەی پێنجهەمینی ئاسایی پارتی دیموكراتی گەلان هەدەپە دەستیپێكرد. بەپێی زانیارییەكان كۆنگرەی هەدەپە بە دروشمی "ئێمە چارەسەرین" بە بەشداریی 50 هەزار ئەندام و لایەنگر دەستی بەكارەكانی كردووە كە لەو ژمارەیە هەزار و 50 كەس ئەندامی كۆنگرەن. لەم كۆنگرەیەدا بڕیارە هەدەپە هەمواری پێڕەوی نێوخۆی بكاتەوە، بەتایبەت خۆ پاڵاوتن بۆ پۆستی هاوسەرۆك، كە ئێستا یەك هاوسەرۆك مافی خۆكاندیدكردنی هەیە، بەڵام بەپێی هەموارەكە هەردوو هاوسەرۆك دەتوانن خۆیان كاندید بكەن. چاوەڕێدەكرێت مەدحەت سانجار و پەروین بوڵدان بە هاوسەرۆكانی هەپەدە بمێننەوە و هەڵبژێردرێنەوە، لای خۆیەوە ئێبرو گونای، وتەبێژی هەدەپە رایگەیاند، سەركردایەتییەكی چالاك و كارا هەڵدەبژێردرێت. ئەم كۆنگرەیە لە حاڵێكدایە كە هەدەپە لە ژێر گووشارێكی زۆری هەردوو فەرمانڕەوای توركیا ئەكەپە و مەهەپەدایە و چەندین سكاڵای لەسەرە بە ئامانجی داخستنی پارتەكە، ئەمە دوور لە هەڵكوتانە سەر بارەگاكانیان و دەستگیركردنی ئەندام پەرلەمان و سەرۆك شارەوانییەكانیان. پارتی دیموكراتی گەلان هەدەپە لە 15-10-2012 دامەزرێندراوە وەك پارتی سەرەكی كوردی توركیا و باكووری كوردستان دەناسرێت و بەشێكی دیكەی چەپەكانی توركیاشی لەخۆگرتووە و خاوەنی سێهەمین گەورەترین فراكسیۆنە لەپەرلەمانی توركیا.
خەڵك- وەزارەتی بازرگانی و پیشەسازی ئاماری شەش مانگی ڕابردووی دابەشكردنی خۆراكی لە هەولێر بڵاوكردەوە. وەزارەتی بازرگانی و پیشەسازی ئاگاداری سەرجەم هاووڵاتییان و بریكارەكانی خۆراك دەكاتەوە، دابەشكردنی بەشە خۆراكی هاووڵاتیان لە شەش مانگی سەرەتای ساڵی ۲۰۲۲ بەم شێوەیە بووە .. سەبەتەی1 یەكەم : لیستی بریكاری مانگی ۱ / ٢٠٢٢ ( ١-شەكر / ٢- زەیت / ٣- برنج / ٤-دۆشاوی تەماتە / ٥.لەتكە نۆك / ٦- فاسولیا یان نیسك ) ٪١٠٠ دابەشكراوە . سەبەتەی2 دووەم : لیستی بریكاری مانگی ٣ / ٢٠٢٢ ( ١-شەكر / ٢- زەیت / ٣- برنج / ٤-دۆشاوی تەماتە /٥.لەتكە نۆك / ٦- فاسولیا یان نیسك ) ٪١٠٠ دابەشكراوە. سەبەتەی3 سێیەم : لیستی بریكاری مانگی ٤ / ٢٠٢٢ ( ١-شەكر / ٢- زەیت / ٣- برنج / ٤-دۆشاوی تەماتە /٥.لەتكە نۆك / ٦- فاسۆلیا یان نیسك ) ٪١٠٠ دابەشكراوە. سەبەتەی4 چوارەم : لیستی بریكاری مانگی ٥ / ٢٠٢٢ ( ١-شەكر / ٢- زەیت / ٣- لەتكە نۆك ) ٪١٠٠ دابەشكراوە . (برنج = تەنها بنكەكانی ٢٠٦و ۲۰۷ و ۲۰۹ و ۲۱۰ و ۲۱۱) دابەشكراوە . هەركاتێك بگات بە كۆگاكان دابەشی دەكەین.. ( دۆشاوی تەماتە و فاسۆلیا یان نیسك) هیچ دابەشنەكراوە و هەر كاتێك بگات بە كۆگاكان دابەشی دەكەین. سەبەتەی5 پێنجەم : لیستی بریكاری مانگی ٦ / ٢٠٢٢ ( لەچەند ڕۆژی داهاتوو دەست دەكە ن بە دابەشكردن ) تێبینی / بە پێویستمان زانی ئەم ڕونكردنەوەیە بدەین لەبەر ئەوەی هاووڵاتیەكی یەكجار زۆر پەیوەندیمان پێوە دەكەن كە نازانن ئەو بەشەخۆراكەی وەری دەگرن هی چ مانگێكە .

تەندروستی عیراق؛ ئامارێكی نوێی كۆرۆنای بڵاوكردەوە

تەندروستی عیراق؛ ئامارێكی نوێی كۆرۆنای بڵاوكردەوە

لاوى محمد

ته‌مموز 2, 2022

خەڵك- وەزارەتی تەندروستی عیراق ئاشكرایدەكات، 2286 حاڵەتی…

تەندروستی عیراق؛ توشبوون بەكۆرۆنا لە 24ی كاتژمێری ڕابردوودا هەزار كەسی تێپەڕاندا

کوردستان

تەندروستی عیراق؛ توشبوون بەكۆرۆنا لە 24ی كاتژمێری ڕابردوودا هەزار كەسی تێپەڕاندا

لاوى محمد

حوزه‌یران 23, 2022

خەڵك- وەزارەتی تەندروستی عیراق ئاشكرای دەكات، 1061 حاڵەتی…

تەندروستی عیراق؛ توشبوون بەكۆرۆنا زیادی كردووە

کوردستان

تەندروستی عیراق؛ توشبوون بەكۆرۆنا زیادی كردووە

لاوى محمد

حوزه‌یران 18, 2022

خەڵك- وەزارەتی تەندروستی عیراق ئاشكرای دەكات، 385 حاڵەتی…

تەندروستی

تەندروستی عیراق: ژمارەی گیانلەدەستدان بەشێوەیەكی پێشبینی نەكراو زیادبووە

کارزان جەرجیس

ته‌مموز 22, 2021

خەڵك وەزارەتی تەندروستی عیراق هۆشداری دەدات لەمەترسی دۆخی…

لەبارەی تەوژمە گەرماكەوە وەزارەتی تەندروستی ڕێنمایی هەیە

لەبارەی تەوژمە گەرماكەوە وەزارەتی تەندروستی ڕێنمایی هەیە

ئیدریس جەبار

ئایار 20, 2021

خەڵك- وەزارەتی تەندروستی و ژینگەی عیراق، ڕێنمایی دەدات…

تەندروستی عیراق؛ ئامارێكی نوێی كۆرۆنای بڵاوكردەوە

تەندروستی عیراق؛ ئامارێكی نوێی كۆرۆنای بڵاوكردەوە

لاوى محمد

ئایار 9, 2021

خەڵك وەزارەتی تەندروستی عیراق ئاشكرایدەكات ، 4167 حاڵەتی…

تەندروستی هۆشداری شەپۆلی دووەمی كۆرۆنا دەدات

تەندروستی هۆشداری شەپۆلی دووەمی كۆرۆنا دەدات

ئومێد سیوەیلی

ئازار 24, 2021

خەڵك- وەزارەتی تەندروستی عیراق هۆكاری سووك كردنی بڕیاری…

تەندروستی عیراق؛ ئامارێكی نوێی كۆرۆنا بڵاودەكاتەوە

تەندروستی عیراق؛ ئامارێكی نوێی كۆرۆنا بڵاودەكاتەوە

لاوى محمد

شوبات 22, 2021

خەڵك- وەزارەتی تەندروستی عیراق ئاشكرایدەكات، 3864 حاڵەتی…

تەندروستی عیراق؛ مردن بە كۆرۆنا دوو هێندەی ڕۆژانی پێشوو زیادی كردووە

تەندروستی عیراق؛ مردن بە كۆرۆنا دوو هێندەی ڕۆژانی پێشوو زیادی كردووە

لاوى محمد

شوبات 21, 2021

خەڵك- وەزارەتی تەندروستی عیراق ئاشكرایدەكات، 3187 حاڵەتی…

دەربارەی جۆری نوێی كۆرۆنا بڕیاری نوێ‌ بۆ فەرمانبەران و هاووڵاتیان دەرچوو

دەربارەی جۆری نوێی كۆرۆنا بڕیاری نوێ‌ بۆ فەرمانبەران و هاووڵاتیان دەرچوو

ئومێد سیوەیلی

شوبات 21, 2021

خەڵك- وەزیری تەندروستی عیراق ئاشكرای دەكات، كە جۆری نوێی…