نرخی دۆلار و تمەن
خەڵك- نرخی دۆلار لە بازاڕەكانی هەرێمی كوردستان بەراورد…
زیاترسەردێر
-
خەڵك- عەلی حەربی تۆمەتبار بە كوشتنی دێڤید ئەمیس ئەندامی پەرلەمانی بەریتانیا، دان بەوەدا دەنێت كە ئەندامە لە ڕێكخراوی داعش و چەند ساڵێكە پیلانی بۆ كوشتنی ئەو پەرلەمانتارە داناوە. حەربی كە ئامادەی دانیشتنی دادگایی كردنەكەی بوو لە وستمنستر و تۆمەتەكانی ڕووبەڕووكرایەوە، بە وتەی جیمس كیبڵ نوێنەری داواكاریی گشتی بەریتانیا"تۆمەتبار خۆی بە ئەندامێكی ڕێكخراوی دەوڵەتی ئیسلامی داناوە". حەربی كوڕی حەسەن خەیری ڕاوێژكاری سەرۆك وەزیرانی پێشووی سۆماڵە. پۆلیسی بەریتانیا لە 15ی ئەم مانگەدا كوژرانی دێڤید ئەمیس ئەندام پەرلەمانی سەر بە حزبی پارێزگارانی فەرمانڕەوای ڕاگەیاند، كە لەكاتی هەڵمەتی هەڵبژاردندا لەنێو كڵێسایەك بە چەقۆ هێرشكرابۆوە سەری.
-
خەڵك- ڕیزبەندی نوێی هەڵبژاردەیەكانی جیهان لەلایەن فیفاوە ڕادەگەیەنرێت كە چەند گۆڕانكارییەكە لە 10 پلەكەی پێشەوەی ڕیزبەندییەكەدا ڕوویایداوە. ئەمڕۆ پێنج شەممە یەكێتی تۆپی پێی نێودەوڵەتی (فیفا)، ڕیزبەندی نوێی هەڵبژاردەكانی جیهانی بۆ مانگی 10 ڕاگەیاند و چەند گۆڕانكارییەكیش لە پلەكانی پێشەوەدا بەدی دەكرێت. بەپێی ڕیزبەندییە نوێیەكە، هەڵبژاردەی بەلجیكا توانی پارێزگاری لە پێشەنگی ڕیزبەندییەكە بكات، بەڵام مەترسی زیاتری لەسەر دروست بووە لەلایەن هەڵبژاردەی بەرازیلەوە كە بە كەمتر لە هەشت خاڵ لە دوای بەلجیكاوە لە پلەی دووەمدایە. ئەوەی تێبینی دەكرێت لە ڕیزبەندییەكەی ئەم مانگەدا، سەركەوتنی هەڵبژاردەكانی فەرەنسا بۆ پلەی سێیەم و ئیتاڵیا بۆ پلەی چوارمە، بەڵام هەڵبژاردەكانی ئینگلتەرا بۆ پلەی پێنجەم و پۆرتوگال بۆ پلەی هەشتەم دابەزیون، هەڵبژاردەی ئیسپانیاش لە پلەی هەشتەمەوە و بۆ پلەی حەوتەم سەركەوتووە. لە ڕیزبەندی نوێی فیفادا، هەڵبژاردەی ئەرجەنتین لە پلەی شەشەمدا ماوەتەوە، بە هەمان شێوە هەڵبژاردەكانی مەكسیك و دانیماركیش وەك پێشوو لە پلەكانی نۆیەم و دەیەمدا ماونەتەوە.
-
خەڵك – وەزارەتی پەروەردەی حكومەتی عیراق كاتی دەستپێكی دەوامی فەرمی ساڵی تازەی ئاشكراكرد و بۆ خوێندنی ئەمساڵیش پشووی شەممەمان لادرا و چوار ڕۆژ دەوام لە ناو پۆل و دوو ڕۆژبە شێوەی ئەلیكترۆنی دەبێت . وەزارەتی پەروەردەی حكومەتی عیراق لە ڕاگەیەنراوێكدا بڵاویكردەوە، كە ساڵی تازەی خوێندنی 2021 بۆ 2022 لە ڕۆژی 1/11/2021 دەست پێدەكات و پشووی ڕۆژانی شەممەش لابرا و دەوامی ئاسایی تێدا دەكرێت . هەر لە ڕاگەیەنراوەكەدا هاتووە، دەوامی خوێندنی ئەمساڵ بەشێوەی چوار ڕۆژ لەناو پۆلەكان وانەكان دەخوێنریـَت و دوو ڕۆژیش خوێندكاران بەشێوەی ئەلكترۆنی وانەكان دەخوێنن . هەر لە ڕاگەیەنراوەكەدا هاتووە، خوێندكارانی توشبوو بە نەخۆشییەكانی شێرپەنجە دەتوانن بەشداری خوێندنی ناو پۆل نەكەن و كۆتایی ساڵ تاقیكردنەوەكانیان لە 100 بۆ ئەنجام دەدرێت . ئەمە لەكاتێكدایە ، وەزارەتی پەروەردەی حكومەتی هەرێم تا ئێستا هیچ بڕیارێكی لەبارەی دەوامی ناو پۆل نەداوە، كە ماوەی چەند ڕۆژێكە دۆخی كۆرۆنا لە هەندێك ناوەندی خوێند زۆر بە خێرایی تەشەنەی كردووە .
-
خەڵك- پەیوەندییەكان گشتییەكان لە وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا زیاتر لە 11 هەزار و 770 تووشبووی نوێ بە ڤایرۆسی كۆرۆنا تۆماركرا، ئەمەش بە ژمارەیەكی كەمتری تووشبوونی ڕۆژانە لە وڵاتەكەدا دادەنرێت. پەیوەندییە گشتییەكان لە وەزارەتی تەندروستی ئێران لە ڕاپۆرتی ڕۆژانەی خۆیدا ڕایگەیاند، لە 24 كاتژمێری ڕابردوودا 11 هەزار و 778 كەس لە ئێران تووشی ڤایرۆسی كۆرۆنا بوون و 178 كەسیش بەهۆی پەتاكەوە گیانیان لە دەستداوە. هەر بەپێی ڕاپۆرتەكەی پەیوەندییە گشتییەكانی وەزارەتی تەندروستی ئێران “لە سەرەتای دەركەوتنی ڤایرۆسەكە تاكو ئەمڕۆ پێنج شەممە، 5 ملیۆن و 833 هەزار و 525 كەس لە ئێران تووشی كۆرۆنا بوون و 5 ملیۆن و 375 هەزار و 475 كەسیش نەخۆشییەكەیان پەڕاندووە و چاكبوونەتەوە. وەزارەتی تەندروستی ئێران دەڵێت”بەهۆی ڤایرۆسەكەوە تا ئێستا 124 هەزار و 763 كەس لە ئێران گیانیان لەدەستداوە.
-
خەڵك- وەزارەتی تەندروستی هەرێم ئاماریی تووشبوون و مردن بە كۆرۆنا و چاكبوونەوە لە پەتاكە لەماوەی 24 كاتژمێری ڕابردوودا ڕادەگەیەنێت و ژمارەی مردنیش لەمڕۆدا بە ڕێژەیەكی بەرز دادەنرێت. بەپێی ئەمارێكی وەزارەتی تەندروستی هەرێم”لەماوەی 24 كاتژمێری ڕابردوودا 1076 حاڵەتی تووشبوون بە كۆرۆنا تۆماركراوە 1313 كەسیش چاكبوونەتەوە و 28 حاڵەتی مردنیش هەبووە. وەزارەتی تەندروستی حكومەتی هەرێم دەڵێت” 8 هەزارو 510 پشكنین ئەنجامدراوە و دەركەوتووە لە هەولێر 501 كەس وسلێمانی 205 كەس و دهۆك 240 كەس و هەڵەبجە 44 كەس و لە گەرمیان 23 و لە ڕاپەڕین 63كەس تووشی كۆرۆنا بوون. هەر لە ئامارەكەی وەزارەتی تەندروستی هەرێمدا ئاماژە بە 28 حاڵەتی مردن كراوە بەهۆی كۆرۆناوە لەماوەی 24 كاتژمێری ڕابردوو كە 8 حاڵەتییان لە هەولێر و 8 حاڵەتیان لە سلێمانی و 4 حاڵەت لە دهۆك و 2 حاڵەت لە گەرمیان و 1 حاڵەت لە هەڵەبجە و 5 حاڵەت لە ڕاپەڕین تۆماركراون.
-
خەڵك- ئەمڕ‌وۆ پێنج شەممە لە چوارچێوەی كێبڕكێی گەڕی پێنجەمی خولی نایابی عیراق، یانەی هەولێر دووچاری شكستێكی قورس بۆوە. یانەی هەولێر لە یاریگای یانەی دیوانیە ڕووبەڕووی یانەی دیوانیە بۆوە و بە ئەنجامی 1-3 یارییەكەی دۆڕاند. هەر لە خولی نایابی عیراق، ئەمڕۆ یانەی زەورا ڕووبەڕووی یانەی سامەڕابۆوە و بە ئەنجامی 1-0 یارییەكەی بردەوە، یانەی ئەمانەی بەغداش لە یاریگای خۆی میوانداریی یانەی نەوتی كرد و ڕووبەڕووبوونەوەكە بە یەكسانبوون و بە ئەنجامی 2-2 كۆتایی هات.
-
خەڵك – بەڕێوەبەرایەتی نەوت و كانزاكانی سلێمانی ڕایدەگەیەنێت ، لە سەرەتای هەفتەی دهاتووە و دەست بە دابەشكردنی بەشە نەوتی سپی ماڵان دەكرێت ، سەرەتا لە ناوچە شاخاوییەكانەوە دەست پێدەكات . بەڕێوەبەرایەتی نەوت و كانزاكانی سلێمانی لە ڕاگەیەنراوێكدا دەڵێت ،"پاش دابینكردنی بڕی پێویستی نەوت لەلایەن حكومەتی هەرێمی كوردستانەوە بۆ ناوچە شاخاوییە ساردەكانی سنوری پارێزگاكانی سلێمانی و هەڵەبجە وئیدارەی ڕاپەڕین بریارە رۆژی یەكشەممە ڕێكەوتی۲٤ـ۱٠ـ۲٠۲۱ پرۆسەی دابەشكردنی نەوت لەسنوری قەزای پێنجوێن دەست پێ بكات. لە ڕاگەیەنراوەكەداهاتووە، ڕۆژانی دواتریش لە تەوێڵە و بیارە وخورماڵ و شارباژێڕ و ماوەت و قەڵادزێ درێژەی دەبێت و نرخی بەرمیلێك نەوت 55 هەزار دینار دەبێت.
-
خەڵك – كۆمەڵەی هەناردەكارانی سەوزە و میوە ڕایدەگەیەنێت ، لەماوەی نۆ مانگی ڕابردووی ئەمساڵدا بەبەهای 145 ملیۆن دۆلار سەوزە و میوەی وڵاتەكەیان هەناردەی عێراق كردووە و پلەی سێیەمی هەیە. هارتین ئۆشاك، سەرۆكی كۆمەڵەی هەناردەكارانی سەوزە و میوە لە توركیا لە كۆنفرانسێكی ڕۆژنامەوانیدا ڕایگەیاندووە، ئەڵمانیا بە بەهای 200 ملیۆن دۆلار پلەی یەكەمی لە هاوردەكردنی میوە و بەرهەمی سەوزەی توركیادا هەیە، ئەمریكاش بە185ملیۆن دۆلار پلەی دوومدایە و عێراقیش بەبەهای 145 ملیۆن دۆلار لەپلەی سێیەمدایە. ڕاشیگەیاندووە، هەناردەكردنی بەرهەمی میوە و سەوزەی وڵاتەكەی لە مانگی 1ی ئەمساڵ تا مانگی نۆ، بۆ ملیۆنێك و 470 هەزار دۆلار بەرزبۆتەوە، كە بەڕێژەی 23% هەناردە زیادیكردووە .
-
خەڵك – جێگری سەرۆكی حكومەتی هەرێم لەگەڵ باڵیۆزی بەریتانیا و سوید لە عێراق و بەرپرسی نووسینگەی یەكێتی ئەوروپا لە هەرێمی كوردستان كۆبوەوە و جەختیان لەوەكردەوە، كە دەبێت هەموو لایەنە براوەكانی عێراق بەشێوەی ئاشتیانە دانووستان بكەن بۆ پێكهێنانی حكومەتی داهاتووی عێراق. قوباد تاڵەبانی ، جێگری سەرۆكی حكومەتی هەرێم لە هەژماری تایبەتی خۆی ڕایگەیاندووە، ئەمڕۆ لەگەڵ هەر یەكە لەباڵیۆزی بەریتانیا لە عێراق و باڵیۆزی سوید لە عێراق و بەرپرسی نووسینگەی یەكێتی ئەوروپا لە هەرێمی كوردستان كۆبوەوە. ڕاشیگەیاندووە، لە كۆبونەوەكەدا جەختمانكردەوە لەوەی دەبێت هەموو لایەنە براوەكانی عێراق بەشێوەی ئاشتیانە دانووستان بكەن بۆ پێكهێنانی حكومەتی داهاتووی عێراق بە جۆرێك كە رەنگدانەوەی خواستی هەموو پێكهاتەكان بێت.
-
خەڵك- سەركردەیەكی هاوپەیمانی دەوڵەتی یاسا، باس لە ئاراستەی ئەو خۆپیشاندانانە دەكات كە ئەنجامی هەڵبژاردنەكەی 10ی ئەم مانگە ڕەتدەكەنەوە، ئاماژە بە دانوستانەكانی تایبەت بە بەستنی هاوپەیمانییەكانیش دەكات. گاتع ڕەكابی، سەركردە لە هاوپەیمانی دەوڵەتی یاسا لە لێدوانێكی ڕۆژنامەوانیدا ڕایگەیاند"پێشبینی دەكەین ئەم تەنگژەيەی ئێستا ڕوو لە ئاوابوون بكات و تەنگژەی سیاسیش چارەسەر ببێت"، ڕەتیشكردەوە خۆپیشاندان و مانگرتنەكانی ئێستا كە ئەنجامی هەڵبژاردنەكە ڕەتدەكەنەوە، درێژە بكێشێن. بە وتەی ئەو سەركردەیەی هاوپەیمانی دەوڵەتی یاسا"ڕەوتی سەدر لە دەرەوەی لیژنەی شیعەكانە و لەئێستادا لەڕێی لیژنەیەكی تایبەت بە ڕەوتەكە، دەستیكردووە بە دانوستان". ڕەكابی دەڵێت"لیژنەكە سەردانی عەممار حەكیم سەرۆكی هاوپەیمانی هێزی دەوڵەتی كردووە بۆ دانوستان بە ناوی خۆیەوە نەك بە ناوی لیژنەی شیعەكان و چاوی پێكەوتووە و ڕاوبۆچوونیان لەبارەی ئەنجامی هەڵبژاردنەكەوە ئاڵوگۆڕكردووە".
