بەڕێوەبەرایەتی ھاتووچۆی ڕاپەڕین Archives - تۆڕی میدیایی خەڵک

سەردێر

خەڵک- محەمەدی حاجی مەحمود ناوەڕۆکی سەردانەکەی بۆ ئێران ئاشکرا کرد و دەڵێت، كۆماری ئیسلامی لە هیچ شتێك بێ ئاگا نییە كە لە ناوچەكە روودەدات، دەشڵێت:" قائانی داوایلێکردم، هەوڵبدەم نێوان یەکێتی و پارتی هێوربکەمەوە، چیم پێکرا بیکەم". لە چەند رۆژی رابردوودا محەمەدی حاجی مەحمود سەرۆکی پارتی سۆسیال دیموکراتی کوردستان، سەردانی وڵاتی ئێرانی کرد و لەگەڵ ئیسماعیل قائانی فەرماندەی فەیلەقی قودس و چەندین بەرپرسی باڵای ئێرانی کۆبووەوە. محەمەدی حاجی مەحمود، سەرۆكی پارتی سۆسیال دیموكراتی كوردستان، لەبارەی ڕای ئێرانیەکان لەسەر موشەک بارانکردنی هەولێر و فشاری هێزە شیعەکان بۆ سەر هەرێم، بە دەنگی ئەمریکای راگەیاندووە، "ئێرانیەکان ڕەنگە ئاگاداری فشارەکان بن، ئەوان بێ ئاگا نیین لە ڕووداوەکان، چونکە ئێران حوکمی چەندین وڵات دەکات و لەعێراقیش خاوەن بڕیارە، هەر ئەوان نەیانهێشت سەدر هیچ بکات، بۆیە کاریگەریان لەسەر ڕووداوەکان هەیە." وتیشی"نازانم ئاگاداری موشەک بارانی هەولێرن یان نە، بەڵام ئەو گروپانەی هەولێریان موشەک بارانکرد، بە عەینی موشەک، کێڵگەی غازی کۆرومۆریشیان موشەک بارانکرد، ئەمە پەیوەندی بەعێراق و حەشدی شەعبیەوە هەیە، کە لەچەندین گروپی جیاواز پێکهاتوون و کەس بەکەس نیە، لەهەموو حاڵەتێکیشدا کۆماری ئیسلامی ئێران لە هیچ شتێک بێ ئاگا نییە، کە لە ناوچەکە ڕوودەدات." لەبارەی ڕای ئیسماعیل قائانی فەرماندەی فەیلەقی قودسی ئێران لەسەر پۆستی سەرۆک کۆمار و کێشەی نێوان یەکێتی و پارتی لەسەر پۆستەکە، راشیگەیاندووە:"ئەوان لەگەڵ چارەسەرکردنی کێشەکەبوون، داوایانلێکردم، هەوڵبدەم نێوان یەکێتی و پارتی هێوربکەمەوە، چیم پێکرا بیکەم." ڕوونیشیکردەوە، بەمەبەستی سەردانی دکتۆر چووەتە ئێران، بەڵام کاتێک بەرپرسانی ئێران پێیانزانیووە لەو وڵاتەیە، داوایانلێکردووە بیبینن و زۆربەیانی بینیووە، ئەوان ڕەئیان وابوو، پەلە بکرێت لەپێکهێنانی حکومەتی عێراق، کێشەی سەرۆک کۆمار لەنێوان یەکێتی و پارتی چارەسەر بکرێت، ڕەنگە لەم ماوەیەدا خۆشیان سەردانی پارتی و یەکێتی بکەن، ئەوان جەختیان لە پشتیوانی وڵاتەکەیان بۆ هەرێم دەکردەوە." لە بارەی ئەوەی دەوترێت کە پەیامی مەسعود بارزانی لەبارەی چۆنیەتی بەشداریکردنی پارتی لەحکومەتی داهاتووی عێراق گەیاندووەتە ئێرانیەکان، وتیشی:" هیچ پەیامێکی جەنابی بارزانیم پێنەبوو، هاتم بۆ ئێران بەڕێکەوت لە فرۆکەخانە بافڵ تاڵەبانیم بینی، بەڵام هیچ پەیامێکم پێنەبووە." جەختیکردەوە"هەرچەندە ڕەنگە پێکهێنانی حکومەت بکەوێتە دوای جەژن، بەڵام هەوڵ هەیە تا سەدر لە سعودیە نەگەڕاوەتەوە حکومەت پێکبهێنرێت، چونکە گەر بگەرێتەوە، ڕەنگە پێکهێنانی حکومەت قورستر بێت، بەتایبەت دەوترێت مەرجەعیەت بەکاندیدکردنی مالیکی بۆ سەرۆک وەزیر ڕازی نیە، خەزعەلی داوای هەڵبژاردن دەکات، حەکیم ڕەتیدەکاتەوە بەشداری حکومەت بکات، چوارچێوەی هەماهەنگی لەنێو خۆشیان ڕێکنین. ئاماژەی بەوەشکرد:"فشارەکانی عێراق بۆ سەر هەرێم سیاسین، ئەوان واتێگەیشتوون کورد لە دۆخێکی تایبەت دا و لە ژێر سێبەری ئەمەریکا شتی دەستکەوتووە، ئێستا ئەمەیان پێ قەبوڵ ناکرێت، نایانەوێت کورد لەعێراق شەریکیان بێت، ئەمە هۆکاری گوشارەکانە." لە بارەی هۆشدارییەکەی جنین پلاسخارت نێردەی نەتەوەیەکگرتووەکان لە عێراق، بۆ لایەنە کوردییەکان دەڵێت"هەرێمی کوردستان، هەرێمێکی دەستوری و یاسایی دانپێدانراوە، پێموانیە مەترسی هەبێت لەسەری، ڕەنگە هۆشداریەکانی پلاسخارت، بەشێکی بۆ ترساندن بێت، بەشێکیشی بەهۆی خراپی پەیوەندی نێوان لایەنە کوردیەکانەوە بێت، کە بەغدا سود لەو ناکۆکییانە وەردەگرێت و هەوڵدەدات کێشەکان گەورەبکاتەوە و ئێستا کوالیتی باشتر بووە".
خەڵک- مامۆستا مەلا طاهر بامۆکی روونکردنەوەیەکی لەبارەی قوربانیکردن بڵاوکردووەتەوە و دەڵێت:" سەرۆکی خێزان دەتوانێت مەڕێک بکاتە قوربانی و بڵێ ئەم مەڕە دەکەم بە قوربانی بۆ خۆم خێزانەکەم جا هەرکەس لەو ماڵەدا بێت لەگەڵ ئەو، نەفەقەی لەسەر ئەو بێت بەشی دەبێت لەو قوربانییە دا و وەک ئەوە وایە قوربانی کردبێت". لە روونکردنەوەکەدا مامۆستا مەلا طاهر بامۆکی دەڵێت:" زۆرکەس دڵەڕاوکێ و گومانیان لا دروست بووە دەربارەی قوربانیکردن، ئەڵێن مامۆستا بەڕێزەکان دوو بۆچونیان هەیە لەسەر قوربانیکردن بە مەڕێک..... فەرموون ئێوە و ئەم ڕوونکردنەوەیە". دەشڵێت:"ئەو مامۆستایانەی کە دەڵێن مەڕێک بۆ یەک کەس دەبێت بۆ قوربانی ڕاست دەکەن، ئەسڵ وایە هەموو موسڵمانێک کە دەسەڵاتی هەبێت قوربانی بکات بە شەک بەرانێک بۆ خۆی". ئاماژەی بەوەشکردووە:" ئەو مامۆستا بەڕێزانەش کە دەڵێن مەڕێک بۆ خێزانێک دەبێت ڕاست دەکەن چونکە رسول اللە صلی الله علیه وسلم یەک بەرانی سەر بڕیوە فەرمویەتی ئەم بەرانە دەکەم بە قوربانی بۆ (محمد و ئالی محمد) بۆیە زاناگەورەکان فەرمویانە سەرۆکی خێزان دەتوانێ مەڕێک بکاتە قوربانی و بڵێ ئەم مەڕە دەکەم بە قوربانی بۆ خۆم عایلەکەم جا هەرکەس لەو ماڵەدا بێت لەگەڵ ئەو، نەفەقەی لەسەر ئەو بێت بەشی دەبێت لەو قوربانییە دا و وەک ئەوە وایە قوربانی کردبێت". مامۆستا مەلا طاهر بامۆکی ئاماژەی بەوەشکردووە، ئەگەر ڕۆژێک خوا دەسەڵاتی دایە دەتوانێ قوربانی سەربەخۆیش بۆ خۆی بکات، ئەگەر پێکابێتم ئەوە لەخواوەیە؟ خۆ ئەگەر هەڵەشم کردبێت ئەوە هەڵەکە لەمنەوە بووە و لە شەیتانەوە".
خەڵک- پۆلیسی هەولێر رایگەیاند، لە شەش مانگی ئەمساڵدا نزیکەى پێنج هەزار تۆمەتبار دەستگیرکراون و 22 تاوانی کوشتن تۆمارکراون و سێ هه‌زار و 375 تاوانی جۆراوجۆر تۆمارکراون. هۆگر عەزیز، وتەبێژى پۆلیسى هەولێر ئەمڕۆ یەکشەممە لە کۆنفرانسێکی رۆژنامەوانیدا ئاماری کارو چالاکییەکانی شەش مانگی بەڕێوەبەرایەتییەکەی خستەڕوو رایگەیاند، لەو ماوەیەدا 3 هه‌زار و 375 تاوانی جیاجیا، تۆماركراون لەو رێژەیەش 2 هه‌زار و 961 تاوان ئاشكرا كراون و تۆمه‌تباران دراونه‌ته‌ دادگا. ئاماژەی بەوەشکرد، هەر لەو شەش مانگەدا 4 هه‌زار و 777 تۆمه‌تباریان بە تۆمەتی تاوانەکانى كوشتن، دزی، ساخته‌كاری، مادده‌ی هۆشبه‌ر و دزین، تەقەکردن، رێگری تاوانی دیکەی جۆراو جۆر دەستگیرکراون، جگە لەوەش تۆمەتبار هەبووە کە فەرمانی دەستگیرکردنی هەبووە لە ساڵانی رابردوو ئەمساڵ دەستگیرکراوە. وتەبێژی پۆلیسی هەولێر راشیگەیاند، لەو شەش مانگەدا 24 حاڵه‌تى تەقەکردن تۆمار كراون و سەرجەم ته‌قه‌كه‌ران ده‌ستبه‌سه‌ركراون.
خەڵک- لە گوندی ساڵح ئاغا لە کەلار هاووڵاتییەک دووجار کەوتە ناو بیرێکەوە و هەردوو جارەکە رزگار کرا. به‌ڕێوه‌به‌رایه‌تى بەرگریی شارستانی کەلار راگەیەندراوێکی بڵاوکردووەتەوە و دەڵێت:" ئەمڕۆ یەکشەممە لە گوندی ساڵح ئاغا، لە کەلار هاووڵاتیيەک کەوتە ناو بیرێكه‌وه‌ پێش گەیشتنی بەرگریی شارستانی کەلار لەلایەن هاووڵاتییانەوە رزگارکرا." بەرگری شارستانی کەلار دەشڵێت:"هەمان هاووڵاتی بۆ جاری دووەم چووە ناو بیرەکە و بەهۆی نەمانی ئۆکسجین لەهۆشخۆی چوو و بۆ جاری دووم بە هاوکاری هاووڵاتییان و تیمی بەرگریی شارستانی بنکەی کەلار توانرا رزگاربکرێت و رەوانەی نەخۆشخانەی فریاکەوتنی شەهید هەژار کرا".
خەڵك – ڕێبەڕی ڕەوتی سەدر ڕۆژی 15ی ئەم مانگەی دیاریكرد بۆ ئەنجامدانی نوێژی بەكۆمەڵ لە مەدینە سەدری بەغداد، ناوی ئەو كەسانەشی بڵاوكردەوە، كە سەرپەرشتی مەڕاسیمەكە دەكەن. موقتەدا سەدر، ڕێبەڕی ڕەوتی سەدر ڕۆژی 15ی ئەم مانگەی دیاریكرد بۆ ئەنجامدانی نوێژی بەكۆمەڵ لە مەدینە سەدری بەغدا، ناوی ئەو كەسانەشی بڵاوكردەوە، كە سەرپەرشتی مەڕاسیمەكە دەكەن، كە لەناویاندا حاكم زاملی، جێگری پێشوی سەرۆكی پەرلەمانی عێراقی تێدایە. هاوكات چاودێرانی دۆخی عیراق باس لەوەدەكەن، كە ئەو نوێژە، كە بڕیارە ئەنجام بدرێت هاوتای خۆپیشاندانی ملیۆنی دەبێت .
خەڵك- دوابەدوای بڕیاری حكومەتی عێراق بۆ دیاری كردنی ڕۆژانی پشووی جەژنی قوربان، لە هەرێمی كوردستانیش 10 ڕۆژ دەبێتە پشوو بەبۆنەی جەژنی قوربان و 14ی تەمموز و سەری ساڵی كۆچییەوە. بەپێی خشتەی پشووە فەرمییەكانی حكومەتی هەرێمی كوردستان لەگەڵ تەواو بوونی دەوامی ئەم هەفتەیە لە 8ی تەمموزەوە دەبێتە پشووی فەرمی تاوەكو 17ی تەمموز، كە دەكاتە ڕۆژی یەك شەممە و دەوام دەستپێدەكاتەوە. بەپێی خشتەكە، ئەو 9 ڕۆژە پشووە هاوكاتە لەگەڵ هاتنەوەی جەژنی قوربانی پیرۆز و هەروەها یادی 14ی تەمموز (ڕۆژی ڕاگەیاندنی كۆماری عێراق). وەك لە خشتەكەدا هاتووە، ڕۆژی 30-7-2022 دەبێتە پشووی فەرمی بەبۆنەی سەری ساڵی كۆچییەوە.
خەڵك- دوابەدوای نامەكەی كامیلی حاجی عەلی بۆ عیرفان عەلی عەبدولعەزیز، ڕابەری گشتی بزووتنەوەی ئیسلامی، كە داوای دەستلەكاركێشانەوەی لە پۆستەكەی لێ‌ كردووە، ڕابەری بزووتنەوەكە وەڵامی داوەتەوە و پێی وتووە، "دەرگای گفتوگۆمان كراوەیە". لەمانگی ڕابردوودا كامیلی حاجی عەلی، كە لە كۆنگرەی حزبەكەیدا خۆی بۆ پۆستی ڕابەری بزووتنەوەكە كاندید كردبوو، بەڵام دەرنەچوو، نامەیەكی ئاڕاستەی عیرفان عەلی عەبدولعەزیز كردووە و داوای دەستلەكاركێشانەوەی لێ‌ كردووە. سەرچاوەیەكی باڵا لە بزووتنەوەی ئیسلامی بۆ (خەڵك) ئاشكرای كرد، ئەو نامەیە بوونی هەیە، كە تێیدا حاجی كامیل داوای بوون بە ڕابەر دەكات و لەبەرامبەریشدا حاجی عیرفان دەستلەكاربكێشێتەوە لەكاتێكدا ڕابەری بزووتنەوە لە كۆنگرەدا بەشێوەی شەرعی هەڵبژێردراوە و ئەو پۆستەی وەرگرتووە. ڕاشیگەیاند، لەلایەن ڕابەری بزووتنەوەوە وەڵام دراوەتەوە، كە تێیدا جەختی لە بەكراوەیی هێشتنەوەی دەرگای گفتوگۆ كردۆتەوە و داوای لە حاجی كامیل كردووە ئامادەن پێكەوە دابنیشن و گفتوگۆ بكەن. بە وتەی سەرچاوەكە، "دوێنێ‌ كۆبوونەوە كراوە و بڕیاردراوە لەگەڵ حاجی كامیل دابنیشن و گفتوگۆی لەگەڵ بكەن و بگەنە ڕێككەوتن و دۆزینەوەی دەرەچەیەك بۆ بابەتەكە". هەر بەپێی زانیارییەكان، چەند كەسایەتییەكی دیكەی پێشووی بزووتنەوەی ئیسلامی، كە ئەندامی كۆنگرە نەبوون و لە ئێستادا حزبی دیكەیان هەیە هەمان داواكارییان هەبووە بۆ دەستلەكاركێشانەوەی ڕابەری بزووتنەوە و لەشوێنی حاجی كامیل ببێتە ڕابەری بزووتنەوەكە.
خەڵك – بـەڕێوەبەرایەتی تەندروستی كـۆیـە ڕایدەگەیەنێت، مووچەی 6 مانگی كارمەندانی پاككەرەوەی نەخۆشخانە و مەڵبەند و بنكە تەندروستیەكان خەرجدەكرێت . بـەڕێوەبەرایەتی تەندروستی كـۆیـە بڵاویكردەوە، ئەمرۆ یەك شەممە 3ی حوزەیرانی 2022 دوای هەوڵ و ماندوبوونێكی زۆر وەزارەتی دارایی بڕیاریدا بە خەرج كردنی مووچەی 6 مانگی كارمەندانی پاككەرەوەی نەخۆشخانە و مەڵبەند و بنكە تەندروستییەكان. ئاماژەی بەوەشكردووە، لەم هەفتەیەدا دەست بە دابەشكردنی مووچەی 6 مانگی ئەو توێژە دەكرێت.
سییەکان لە گرنگترین ئەندامەکانی جەستەن ؛کێشەکەیان لە مرۆڤی ئاساییدا دەگاتە (١٠٠٠)گم، قەبارەیان لەکاتی لەدایک بووندا (٢٥٠ مل) دەبێت دواتر لە گەوراندا دەگاتە (٦٠٠مل) سیەکانمان بە دوو پەردەی تەنک دەورە دراون، پەردەیەکیان بە سییەکانەوە لکاوە، پەردەکەی تریان جوڵاوە و لە هەندێک شوێن جێگیرە، سییەکان لەناو ئەو پەردە جوڵاوەدا مەلە دەکەن، تەنکی پەردەی سییەکان دەگاتە (١٠ )مایکڕۆن. پەردەی سییەکان؛ سییەکان دەهێڵنەوە لە دۆخی ئاساییدا و هەناسەدان ڕێکدەخەن، ئەگەر پەردەکە بە هەر هۆکارێک بێت بتەقێت یان کوون ببێت دەبێتە هۆی پەنچەربوونی سییەکان و بەمەش سیستەمی هەناسەدان تێک دەدات. بەهەندێک هۆکار پەردەی سییەکان دەتەقن یان کوون دەبن لەوانە : -زەبری دەرەکی (گوللە ، چەقۆ، رووداوی هاتوچۆ…هتد). -کەوتن لە شوێنی بەرز. -جگەرەکێشان. -هەوکردن. -تووشبوون بە هەندێک جۆری میکڕۆب باوترینیان “ کۆڕۆنا ”. -کەمی هەندێک جۆری ئەنزیم لە جەستەدا. -هەندێک نەخۆشی درێژخایەنی سییەکان. زۆرجار پزیشکان خۆیان دەبنە هۆی دڕانی پەردەی سییەکان لەکاتی : ١-دەرهێنانی ئاو لە سنگدا . ٢-نەشتەرگەری وەرگرتنی کڕکڕاگەی پەراسوو. ٣-وەرگرتنی نموونە لە گرێی سنگ. هەندێک جار هۆکارەکەی نادیارە و لە کەسانی ئاساییدا روودەدات . هەرکات سییەکان کوونبوون (پەنچەربوون) نیشانەکانی وەکو کۆکە ، تەنگەنەفەسی ، ئازاری پشت یان شینبوونەوە دروست دەکات ، زۆرجار نیشانەی نییە لەسەرەتادا … بۆیە پێویستە سەردانی پزیشکی پسپۆڕ بکرێت لەو بوارەدا بۆئەوەی ئەو نەخۆشییە ترسناکە دیاری بکات و دواتر چارەسەری بکات ، چونکە ئەگەری خنکان بەو نەخۆشییە یەجگار بەرزە … سییەکانی چەندین هاونیشتیمانی کوونبوون و بۆتە هۆی گیان لەدەستدان لە کەمترین ماوەدا، بۆیە پێویستە هاوڵاتیان بەردەوام چاودێری تەندروستی سییەکانیان بکەن. زۆرجار خنکان لە ئەنجامی پەنچەربوونی سییەکان نادیارە و پێویستە پزیشکی پسپۆڕی سییەکان ئاگادار بکرێتەوە . بەهیوای سەلامەتی هەموو لایەک د. رەوەند عبدالرحمن عیسی پسپۆڕی نەشتەرگەری سنگ و سییەکان.
خەڵك – هێزەكانی پاراستنی گەل ڕایدەگەیەنێت، چالاكی گەریلاكانی ئازادی كوردستان بێوەستان لە بارۆدۆخێكی سەختدا بە فیداكاریەكی گەورەوە بەردەوامە، دەشڵێت ،" لە هەرێمەكانی پاراستنی میدیا لە لایەن تیمە گەڕۆكەكانی گەریلاوە 23 سەربازی سوپای توركیا كوژران". ناوەندی راگەیاندن و چاپەمەنی هێزەكانی پاراستنی گەل (هەپەگە) بڵاویكردەوە، گەریلاكانی ئازادی كوردستان خاكی پیرۆزی كوردستان دەپارێزن و گورزی گەورە لە دوژمن دەدەن، سوپای توركیاش ١٧ جار بە چەكی كیمیایی و تەقەمەنی، ١٢ جار بە فڕۆكە، ١٥ جار بە هەلیكۆپتەری جەنگی و بە دەیان جاریش بە ئۆبۆس هەرێمەكانی پاراستنی میدیایان بۆردومان كردووە. زانیاری فراوان لەبارەی چالاكی و هێرشەكان بەم شێوەیەیە: لە هەرێمی زاپ لە چوارچێوەی هەنگاوی شۆڕشگێری بازەكانی زاگرۆسدا؛ ٢ی تەمووز كاتژمێر ١٥:٣٠ لە نێوان هێزەكانمان و داگیركەراندا كە ویستیان گۆڕەپانی بەرخۆدانی چەمچۆ پیشڕەوی بكەن، شەڕ روویدا. لە ئەنجامدا داگیركەرێك سزادرا و داگیركەرێك بریندار بوو. ٢ی تەمووز كاتژمیر ١٦:٠٠ داگیركەران ویستیان بە ئۆتۆمبێڵی زرێپۆش لە سنوری باكوری كوردستان بەرەو گۆڕەپانی بەرخۆدانی چەمچۆ پێشڕەوی بكەن، لەلایەن هیزەكانمانەوە كرانە و ئامانج و گورزیان بەركەوت. دوای جالاكیەكە كە ٢ داگیركەر سزادران، پێشكەوتنی داگیركەران وەستێنرا. كاتژمێر ١٧:٠٠ داگیركەران كە ویستیان جارێكی دیكە پێشڕەوی بكەن، بە چەكی قورس لەلایەن هیزەكانمانەوە كرانە ئامانج. ٢ داگیركەری دیكە كوژران و ٢ داگیركەریش بریندار بوون. داگیركەران لە كاتژمێرەكانی ئێوارەدا بە پشتگیری هەلیكۆپتەری جەنگی ئۆتۆمبێڵ و كوژراو و بریندارەكانیان لە هەرێمەكە گواستەوە. ٢ی تەمموز كاتژمێر ١٨:٠٠ داگیركەران لە گۆڕەپانی بەرخۆدانی چەمچۆ لەلایەن تیمەكانی یەژەئاستارمانەوە كرانە ئامانج و داگیركەرێك سزادرا. هەلیكۆپتەرەكانی جەنگی كە٢ی تەمموز كاتژمێر ٢٤:٠٠ گۆڕەپانی بەرخۆدانی چەمچۆیان بۆردومان كرد، لە دوولاوە كرانە ئامانج. لە ئەنجامی لێدانی كاریگەری هێزەكانماندا، هەلیكۆپتەرەكان بە ناچاری كشانەوە. ٣ی تەمموز كاتژمیر ٠٨:١٠ داگیركەران لە گۆڕەپانی بەرخۆدانی كۆكەر لەلایەن هێزەكانی یەژەئەستارمانەوە بە چەكی قورس كرانە ئامانج، لە ئەنجامدا ٤ داگیركەر سزادران. لە چوارچێوەی هەنگاوی شۆڕشگێری بازەكانی زاگرۆس لە هەرێمی خواكورك؛ گروپێك لە هێزە داگیركەران لە ٢ی تەمموزدا بۆ چاودێری هاتنە سەر گردی شەهید دەروێسش، داگیركەران لەژێر كۆنتڕۆڵی ئێمەدابوون، بە چەكی قورس كرانە ئامانج و ٧ داگیركەر سزادران. لە چوارچێوەی هەنگاوی شۆڕشگێری شەهید ساڤاش مەرەشی جەنگی خابوور: ٢٩ی حوزەیران كاتژمێر ٢١:٠٠ بە تاكتیكی سویواس لەدژی دگایركەران لە گۆڕەپانی گردی هەكاری چالاكی ئەنجامدا و داگیركەرێك سزادرا. ٢ی تەمووز كاتژمێر ١١:١٠ و ٣ی تەمووز كاتژمێر ٠١:٣٠ و ٠٥:٥٠ تیمەكانی گەڕۆكمان بە قەناس ٣ جار لە داگیركەرانیاندا لە گردی جوودی، ٣ داگیركەر سزادران. ٢ی تەمووز كاتژمێر ١٨:٣٠ داگیركەران ویستیان تونەلانی شەڕ لە گۆڕەپانی بەرخۆدانی گردی جوودی بتەقێننەوە، لەلایەن هێزەكانمانەوە كرانە ئامانج. لە ئەنجامی لێدانی كاریگەردا، داگیركەران پاشەكشێیان كرد. ٣ی تەمموز كاتژمێر ٠٦:٤٠ داگیركەران ویستیان بەرەو تونێلەكانی شەڕ لە گۆڕەپانی بەرخۆدانی گردی جوودی پێشڕەوی بكەن، بە تاكتیكی سابۆتاژ لێیدان درا و ٢ داگیركەر سزادران. هێرشی سوپای داگیركەری تورك بە چەكی كیمیایی و تەقەمەنی؛ ٢ی تەمووز تونێلەكانی شەڕی گۆڕەپانی بەرخۆدانی كۆكەرێ، ئەشكەوتنی برینداران، وەرخەڵێ، گردی هەكاری و گردی جوودی ١٧ جار بە چەكی كیمیایی و تەقەمەنی بۆردومانكران. فڕۆكە بێفڕۆكەوانەكان بە چڕی لەسەر گۆڕەپانەكانی بەرخۆدان دەگەڕان. هێرشی سوپای داگیركەری تورك بە ئۆبۆس، هەلیكۆتەری جەنگی و فڕۆكەی جەنگی؛ ٢ی تەمووز گۆڕەپانی بەرخۆدانی وەرخەلێ، كونشكا، كۆكەرێ، چەمچۆ، گردی هەكاری، گردی ئێف ئێمی گردی جوودی، بە دەیان جار لەلایەن بارەگاكانی سەر سنورەوە تۆپبارانكران. ٢ی تەمووز گۆڕەپانی بەرخۆدانی وەرخەلێ، گردی هەكاری، گردی ئێف ئێمی جوودی، ١٥ جار لەلایەن هەلیكۆپتەرەكانەوە بۆردومانكران. ٢ت تەمووز گۆڕەپانی بەرخۆدانی…

بەڕێوەبەرایەتییەك 14 هەلی دامەزراندنی ڕاگەیاند

بەڕێوەبەرایەتییەك 14 هەلی دامەزراندنی ڕاگەیاند

ئومێد سیوەیلی

حوزه‌یران 26, 2022

خەڵك- بەڕێوەبەرایەتی ھاتووچۆی ڕاپەڕین 14 هەلی دامەزراندن…

هاتووچۆی ڕاپەڕین: لە ڕووداوێكی هاتووچۆدا 5 كەس برینداربوون

کوردستان

هاتووچۆی ڕاپەڕین: لە ڕووداوێكی هاتووچۆدا 5 كەس برینداربوون

کارزان جەرجیس

كانونی یه‌كه‌م 1, 2021

خەڵك بەڕێوەبەرایەتی ھاتووچۆی ڕاپەڕین ڕایدەگەیەنێت: لە…

ڕانیە.. لەڕووداوێكی هاتووچۆدا 3 كەس بوونە قوربانی

کوردستان

ڕانیە.. لەڕووداوێكی هاتووچۆدا 3 كەس بوونە قوربانی

کارزان جەرجیس

ئه‌یلول 30, 2021

خەڵك بەڕێوەبەرایەتی ھاتووچۆی ڕاپەڕین ڕایدەگەیەنێت، لە…

ڕانیە.. دوو ڕووداوی هاتووچۆ ڕوویاندا و هاووڵاتییەك گیانی لەدەستدا

کوردستان

ڕانیە.. دوو ڕووداوی هاتووچۆ ڕوویاندا و هاووڵاتییەك گیانی لەدەستدا

کارزان جەرجیس

ئه‌یلول 14, 2021

خەڵك لە سنووری ڕاپەڕین دوو ڕووداوی هاتووچۆ ڕوویاندا و بەهۆیەوە…

هاتووچۆی ڕاپەڕین: لەڕووداوێكی هاتووچۆدا كەسێك گیانی لەدەستدا

کوردستان

هاتووچۆی ڕاپەڕین: لەڕووداوێكی هاتووچۆدا كەسێك گیانی لەدەستدا

کارزان جەرجیس

ئه‌یلول 11, 2021

خەڵك بەڕێوەبەرایەتی ھاتووچۆی ڕاپەڕین ڕایدەگەیەنێت: لە…