بەشێكی مامۆستایان 2 مووچە پێكەوە وەردەگرن
خەڵك- دوای تێپەڕبوونی چەند مانگێك بەسەر دواكەوتنی پێدانی…
زیاترسەردێر
-
خەڵك- بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە. بەپێی پێشبینییەكانی كەشناسی، ئەمڕۆ سێ شەممە ئاسمان ساماڵ دەبێت. هەر بەپێی پێشبینییەكان، سبەینێ چوار شەممە ئاسمان ساماڵ و پاشان بۆ پەڵە هەور دەگۆڕێت، بە گشتی ئاسمان ساماڵە و پلەكانی گەرماش نزم دەبێتەوە و خێرای با لەسەرخۆیە.
-
خەڵك- جێگری سەرۆكی یەكێتی مامۆستایانی كوردستان ڕایدەگەیەنێت، زەحمەتە پەروەردە بتوانێت چارەسەری زۆری مامۆستایان بكات لەنێو شارەكاندا. هەرچەندە وەزارەتی پەروەردە ئاماژە بۆ ئەوە دەكات، جگە لە مامۆستایانی هەمیشەیی نزیكەی 20 هەزار مامۆستای وانەبێژی هەیە، بەڵام بە بەردەوامیش پێویستی بە مامۆستا هەیە، بەڵام بەهۆی گواستنەوەیان بۆ ناو شارەكان ڕێژەی مامۆستایان لەنێو شارەكان بەراورد بە دەرەوەی شارەكان زیاترە، ئەمەش لەكاتێكدایە، بەپێی یاسای دوای 6 ساڵ لە مانەوەت لە دەرەوەی شار دەتوانی بگەڕێتەوە بۆ شوێنی نیشتەجێبوونی خۆت. عەتا ئەحمەد جێگری سەرۆكی یەكێتی مامۆستایانی كوردستان بە (خەڵك)ی ڕاگەیاند، وتنەوەی وانەكان لەلایەن مامۆستای ناپسپۆڕ كێشەیەكی گەورەی دروست كردووە، بۆ نمونەی مامۆستایانی عەرەبی پێكدێن لە دەرچوانی پەروەردەی عەرەبی و ئادابی عەرەبی شەریعە، بۆیە پێویست بوو شەریعە تایبەت بكرێن بە ووتنەوی وانەی پەروەدەی ئیسلامی. وتیشی"لە بابەتی ڕێكخستنی میلاكات، وەزارەتی پەروەردە بە درێژایی چەندین ساڵ بێ بەرنامە بووە و چەندین ساڵە بە بێ سەروبەری هێناویەتی". ئاشكراشیكرد، پێویست بوو سەرپەرشتیاری عەرەبی و پەروەردەی ئیسلامی جیاواز بێت ئەوانەی عەرەبیان خوێندووە عەرەبی بڵێنەوە ئەوانەشی شەریعەن ئایین بڵێنەوە، بەڵام ئەمە كێشەیەكە و تا ئێستا چارەسەر نەكراون، ئەمە بۆ زانستە كۆمەڵایەتییەكانیش بە هەمان شێوەیە. سەبارەت بە گواستنەوی مامۆستایان بۆ دەرەوەی شار لە ئەگەری نەبوونی بەشە وانە لەنێو شارەكان، ناوبراو ڕایگەیاند، زەحمەتە حكومەت بتوانن ئەوە بكەن، مەگەر ئەوەی ئیمتیازاتێك بدەن بە مامۆستایان و بڵێن هەركەس بچێتە دەرەوەی شار ئەوەندە هاوكاری و دەرماڵەی بۆ زیاد دەكرێت، هەرچەندە زەحمەتە بشتوانن ئەوە بكەن.
-
خەڵك- سبەینێ مووچەی بەشێكی دیكە لە فەرمانبەران دابەش دەكرێت. بەپێی زانیارییەكانی گەیشتوو بە (خەڵك) سبەینێ چوار شەممە 29-9-2021 مووچەی مانگی ئەیلولی وەزارەتی شەهیدان وئەنفالکراوان وکەس کاری سەربەرزی شەهیدان و زیبدانە سیاسیەکان هێزەكانی زێرەڤانی و هێزی بەرگری و فریاكەوتن و لیوای نەوت و گاز دابەش دەكرێت. هەر بەپێی زانیارییەكان، ڕۆژی پێنج شەممە 30-9-2021 مووچەی وەزارەتی پەروەردە دابەش دەكرێت. ئەمەش لەكاتێكدایە، پێشتر حكومەتی هەرێم ئاشكرایكرد، لە ماوەی 5 ڕۆژدا سەرجەم مووچەخۆران مووچە وەردەگرن، بەڵام لە سەروبەندی هەڵبژاردنەكانداین و لەو ماوەیەدا نیوەی فەرمانبەرانیش مووچەیان وەرنەگرتووە، هاوكات عێراق 200 ملیارەكەی ناردووە و نرخی نەوتیش بەشێوەیەكی بەرچاو بەرز بووەتەوە.
-
خەڵك لەهەولێر گەورەترین بنكەی تەندروستی كرایەوە بۆپێشكەشكردنی خزمەتگوزاری تەندروستی، پارێزگاری هەولێر ڕایدەگەیەنێت، ڕۆژانە ٣٠٠ نەخۆش سەردانی بنكەی تەندروستی ئازادی دەكەن. سامان بەرزنجی وەزیری تەندروستی لەلێدوانێكی ڕۆژنامەوانیدا ڕایگەیاند، بە بڕی ٢ ملیار دینار دووبارە لەسەر بودجەی حكومەتی هەریمی كوردستان بنكەی ئازادی خێزانی لەهەولێر دروستكرایەوە، ئەم بنكەیەش ساڵانێكی زۆری خزمەتی كەرتی تەندروستیی كردووە. دەشڵێت، بنكەكە لە ٧٢ ژوور لە دوو نهۆمدا پێكهاتووە، بە دوو شێوازیش خزمەت دەكات ئەویش بەیانیان وەك بنكەی تەندروستی و لە ئێوارانیش كلینك دەبێت، جگە لەوەش ئەركی پێدانی ڤاكسینەكان و دابینكردنی چارەسەر و ووردبینی دەبێت بۆ ئەو هاووڵاتییانەی سەردانی دەكەن. هاوكات ئومێد خۆشناو، پارێزگاری هەولێر ئەوەی خستەڕوو، ڕۆژانە ٣٠٠ نەخۆش سەردانی بنكەی تەندروستی ئازادی دەكەن، ئەم بنكە تەندروستییە دەتوانێ خزمەتگوزاری تەندروستی پێشكەش بەدانیشتووانی گەرەكە نزیكەكانی خۆی لەناو شاری هەولێر (كوران ـ ئازادی ـ زانیاری) بكات، بەپێی بودجەی بەردەستیش كە لە ئێستادا ئاسۆمان ڕوونە دەست بە پڕۆژە خزمەتگوزارییەكان دەكەینەوە كە ماوەیەكی زۆر بوو هەم پڕۆژەی تازە و هەم پڕۆژەی وەستاو كاریان تێدا نەدەكرا.
-
خەڵك- جێگری فەرماندەی ئۆپەراسیۆنە هاوبەشەكان و سەرۆكی لیژنەی باڵای هەڵبژاردنەكانی عێراق ڕایدەگەیەنێت، گەیاند، بڕیاردراوە كە رۆژی 10ی (تشرینی یەكەم/10)ی 2021 و لەكاتی بەڕێوەچونی پرۆسەی هەڵبژاردنەكاندا، هاتوچۆكردن ئاسایی بێت و تەنها فڕۆكەخانەكان دادەخرێن. عەبدولئەمیر شەمەری سەرۆكی لیژنەی باڵای هەڵبژاردنەكانی عێراق لە لێدوانێكی ڕۆژنامەوانیدا ڕایگەیاند، بەڕەچاوكردنی بارودۆخی گشتی هاووڵاتیان و فەراهەمكردنی كەشێكی لەبار بۆ بەشداریكردنیان لە پڕۆسەی هەڵبژاردنەكان، بڕیاردراوە ڕۆژی 10ی مانگی داهاتوو، هاتوچۆكردن ئاسایی بێت و قەدەغەی هاتوچۆ جێبەجێ نەكرێت. وتیشی"فڕۆكەخانەكانی عێراق لە كاتژمێر 9:00ی ڕۆژی 9-10ەوە بۆ ماوەی 24 كاتژمێر بەڕووی هاتوچۆدا و بەئامانجی زیاتر دەستەبەركردنی كەشێكی ئارام و رێگریكردن لە هەركردەوەیەك دادەخرێن". بڕیارە ڕۆژی یەك شەممە 10-10-2021 هەڵبژاردنی پێشوەختەی عێراق بەڕێوەبچێت كە جیاواز لە هەڵبژاردنەكانی ڕابردوو عێراق بۆ 83 بازنە دابەشكراوە.
-
خەڵك بۆ تەواوكردنی پرۆژەی ئاو لە ئاكرێ حكومەتی هەرێم بڕیاریدا بە خەرجكردنی بڕی زیاتر لە 15 ملیار دینار. فەرمانگەی میدیا و زانیاریی حكوومەتی هەرێمی كوردستان لە راگەیاندراوێكدا بڵاویكردووەتەوە، "لە پێناوی خزمەتگەیاندنی زیاتر بە تەواوی شار و شارۆچكەكانی هەرێمی كوردستان، حكوومەتی هەرێمی كوردستان بڕیاریدا بە تەرخانكردن و خەرجكردنی بڕی 15 ملیار و 104 ملیۆن و 512 هەزار و 553 دینار بۆ تەواوكردنی پڕۆژەی ئاوی ئاكرێ". ئاماژە بە ئەوەشكراوە، ئەو بڕە پارەیە بە شێوەی نەختینە و قۆناغ بە قۆناغ لەسەر بودجەی وەبەرهێنانی وەزارەتی شارەوانیی و گەشتوگوزار خەرج دەكرێت.
-
خەڵك- بەڕێوەبەری سەنتەری فریاكەوتنی چەمچەماڵ ڕایدەگەیەنێت، بەیانی ئەمڕۆ سێ شەممە، لەئەنجامی ڕووداوێكی هاتوچۆدا هاووڵاتیەكی تەمەن 33 ساڵ لە سنوری ناحیەی ئاغجەلەر گیانی لەدەستدا. هەڵكەوت حەمە نەجم بەڕێوەبەری سەنتەری فریاكەوتنی چەمچەماڵ لە ڕاگەیەنراوێكدا ئاماژە بۆ ئەوە دەكات، بەیانی ئەمڕۆ سێ شەممە، بەهۆی ڕووداوێكی هاتوچۆوە لە ناحیەی ئاغجەلەر كەسێك گیانی لەدەستدا، كە پیاوێكی تەمەن 33 ساڵە و دانیشتووی قەزای كۆیەیە، دوای ڕێكارەكان تەرمەكەی ڕەوانەی پزیشكی دادی سلێمانی كرا. ئاشكراشیكرد، ئەو كەسەی گیانی لەدەستداوە، بەتەنها خۆی لەناو ئۆتۆمبێلەكەدا بووە و شۆفێری كردووە، تاوەكو ئێستاش هۆكاری سەرەكی ڕووداوەكە نازانرێت و تیمەكانی هاتوچۆ لێكۆڵینەوەیان لەوبارەیەوە دەستپێكردوە.
-
خەڵك- ئیمانوێل ماكرۆن سەرۆكی فەڕەنسا لە باشووری ڕۆژئاوای شاری لیۆن سەردانی پێشانگایەكی بازرگانی كرد و لەنێو پێشانگاكەشدا پیاوێك هێلكەی تێگرت. ئاژانسی فڕانس پرێس بڵاویكردەوە، ئەو هێلكەی وەشێنراوە بەر شانی ماكرۆن كەوتووە و نەشكاوە، پیاوەكەش بەخێرایی لە شوێنەكە دوورخراوەتەوە و ماكرۆنیش وتی" هەوڵدەدات دواتر خۆی قسەی لەگەڵدا بكات". ماكرۆن لە پێشانگای بازرگانی هۆتێل و خواردنی نێودەوڵەتی كاتەرین ڕایگەیاند، ئەگەر شتێكی هەیە پێم بڵێت، ڕێگەی بدەن بێت، دواتر دەچم دەیبینم. ئەمەش لەكاتێكدایە، ماكرۆن لە ساڵی 2017 دا كاتێك كاندیدی سەرۆكایەتی بوو، لەمیانەی سەردانێكیدا بۆ پێشانگایەكی كشتوكاڵی نیشتیمانی لە پاریس، هێلكەیەك بەر سەری كەوت و هێلكەكە شكا. لەمدواییانەشدا لەكاتێكدا ماكرۆن سەرقاڵی لایەنگرەكانی بوو لە شاری ڤالێنس، پیاوێك زلەیەكی لێدا. French President Emmanuel Macron was hit with an egg while he was visiting Lyon to promote French gastronomy https://t.co/KGg8devbjn pic.twitter.com/cLUDhfXl64 — Reuters (@Reuters) September 27, 2021
-
خەڵك بڕیارە ئەمرۆ مووچەی مانگی نۆی چەند شوێنێك دابەشیكرێت. بەپێی خشتەی وەزارەتی دارایی و ئابووری حكومەتی هەرێمی كوردستان، ئەمڕۆ سێشەممە 28\9\2021 مووچەی مانگی نۆی وەزارەتی ناوخۆ و بەڕێوەبەرایەتی ڕەگەزنامە بەبێ لێبڕین دابەشدەكرێت. چەند مانگێكە وەزارەتی دارایی و ئابووری حكومەتی هەرێمی كوردستان دەستی بە دابەشكردنی مووچە كردووە بەبێ لێبڕین.
-
خەڵك- نرخی نەوت لەبازاڕەكانی جیهان بەراورد بە ڕۆژانی ڕابردوو بەرز بووەتەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 28-9-2021، بەشێوەیەك بووە كە نرخی نەوتی برێنت بە 80 دۆلار و 12 سەنت لە بازاڕەكانی جیهان مامەڵەی پێوەكراوە. هاوكات نرخی بەرمیلێك نەوتی خاوی ئەمریكیش بە 76 دۆلار و 11 سەنت مامەڵەی پێوەكراوە.