بەڕێوەبەرایەتی پۆلیسی پارێزگای سلێمانی Archives - تۆڕی میدیایی خەڵک

سەردێر

خەڵك سەنتەری فریاكەوتنی چەمچەماڵ ڕایدەگەیەنێت ، لەمانگی ڕابردوودا زیاتر لە 11هەزار نەخۆش دوای بینین و پشكنین لەلایەن و پزیشك و كارمەندانەوە چارەسەرییان وەرگرتوە. هەڵكەوت حەمە نەجم، بەڕێوەبەری سەنتەری فریاكەوتنی چەمچەماڵ ڕایگەیاند، لە مانگی 7ی ڕابردوودا 11هەزار و 510 نەخۆش و بریندار دوای بینین و پشكنین لەلایەن و پزیشك و كارمەندانەوە چارەسەرییان وەرگرتووە. دەقی ئامارەكەی سەنتەری فریاكەوتنی چەمچەماڵ: ــ 98 بریندار بە ڕوداوەكانی هاتووچۆی لە سەنتەرەكە چارەسەری بەپەلەیان بۆكراوە. ــ 46 كەس بەهۆی پێوەدانی مارودووپشك چارەسەر كراون. ــ 36 حاڵەتی سوتاوی تۆماركراوە ــ 9 كەس سەگ گەستونی چارەسەیان وەرگرتوە ــ 19 كەس گیانیان لەدەستداوە ــ 248 نەشتەرگەری بچوك ئەنجامدراوە ــ 720 حاڵەتی شكاوی و بەربوونەوە و دورینەوە و حاڵەتی فریاكەوتن چارەسەركراون. ــ 725 هێلكاری دڵ بۆ نەخۆشەكان كراوە ــ 1030 حاڵەتی كۆڵكەیس هەبوە ــ 1812 نەخۆش داخلكراوە دوای چاودێری كردن و چاكبوونەوە وەرگرتنی چارەسەر گەڕاونەتەوە ماڵەوە. ــ 6148 نەخۆش لە بەشی پێشوازی فریاكەوتنی سالار فەقێ محمد چارەسەرییان وەرگرتوە.
خەڵك پزیشكێكی پسپۆڕی نەخۆشیەكانی منداڵان و گەشەی منداڵان ڕایدەگەیەنێت ، چەند ڕێگایەك هەیە بۆ ئەوەی منداڵەكانمان بپارێزین لە توشبوون بە سكچوون و ڕشانەوە. د.پشدەر عەبدووڵا ئیسماعیل، پزیشكی پسپۆڕی نەخۆشیەكانی منداڵان و گەشەی منداڵان بڵاویكردەوە، بە هەشت هەنگاو منداڵەكانمان دەپارێزین لە توشبوون بە سكچوون و ڕشانەوە، یەكێك لەو ڕێگایانە ئەوەیە، كە پێویستە ئاو بكوڵێنرێت و پاش سار بوونەوە بەكار بهێنرێت . ڕاشیگەیاندووە، بۆ ئەوەی منداڵەكانمان توشی سكچوون نەبن، دەبێت خواردنەكانیان لەنێو بەفرگر هەڵبگریرێت و هەروەها سەوزە ومیوە پێش خواردن جوان بشۆرێتەوە.
خەڵك بەڕێوەبەرایەتی هاتووچۆی دهۆك ڕایدەگەیەنێت، لەڕووداوێكی هاتووچۆدا لەسەر ڕێگای سیمێڵ ئۆتۆمبێلێك وەرگەڕا و بەهۆیەوە چوار هاووڵاتی برینداربوون. ئازاد تەها ، وتەبێژی بەڕێوەبەرایەتی هاتووچۆی دهۆك لە ڕاگەیەنراوێكدا بڵاویكردەوە، كە ئەمڕۆ سێ شەممە 3ی 8ی 2021 لە كاتژمێر 12:30 لە سەر ڕێگای سیمێڵ بۆ سێجێ ئۆتۆمبێلێكی جۆری كیا وەرگەڕا . ئاماژە بۆ ئەوەشكراوە، كە بەهۆی ڕووداوەكەوە چوار هاووڵاتی بریندار بووە و بۆ وەرگرتنی چارەسەر ڕەوانەی نەخۆشخانە كرا .
خەڵك بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، سبەی بەیانی پلەكانی گەرما پلەیەك بەرزتر دەبنەوە بە بەراود لە گەڵ ئەمڕۆدا . بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا بڵاویكردەوە، كە لەماوەی 12 كاتژمێری ڕابردوودا (0.8) ملم باران لە پێنجوێن و (0.4)ملم لەباتوفە باریووە. ئاماژە بۆ ئەوەشكراوە، كە پێشبینی دەكرێ ئەم شەو ئاسمانی هەرێم ساماڵ و پەڵەهەور بێت و خێرایی با(5-15)كم/ك بێت هەروەها سبەی بەیانی پلەكانی گەرما پلەیەك بەرزتر دەبنەوە بە بەراود لە گەڵ ئەمڕۆدا.
خەڵك- ئامارێكی نوێی تووشبوون بە ڤایرۆسی كۆرۆنا بڵاودەكرێتەوە، و بەپێی ئامارەكەش ژمارەی تووشبوون بە ڤایرۆسی كۆرۆنا لە جیهاندا 198 ملیۆن و 900 هەزار كەس تێدەپەڕێنێت. بەپێی دوایین ئاماری تایبەت بە پەتا جیهانییەكە كە ئەمڕۆ سێ‌‌ شەممە لەلایەن زانكۆی "جۆنز هۆبكنز"ی ئەمریكاییەوە بڵاوكرایەوە، ژمارەی تووشبوانی كۆرۆنا بۆ 198 ملیۆن و 933 هەزار كەس بەرزبۆوە. هەر لەو چوارچێوەیەدا ژمارەی حاڵەتەكانی گیان لەدەستدا گەیشتنە 4 ملیۆن و 236 هەزار كەس. لەو دەمەی بۆ یەكەمجار لە مانگی كانوونی یەكەمی 2019وە پەتاكە لە وڵاتی چینەوە دەركەوت، تووشبوون بە ڤایرۆسی كۆرۆنا لە زیاتر لە 210 وڵات و ناوچەی جیاجیای جیهاندا بڵاوبۆتەوە. ویلایەتە یەكگرتووەكان لە ڕیزبەندی یەكەمی جیهانە لەڕووی ژمارەی تووشبوون بە كۆرۆنا، پاشان هندستان و بەرازیل و فەرەنسا و ڕوسیا و بەریتانیا لە ڕیزبەندی تۆماركردنی زۆرترین ژمارەی تووشبوون بە پەتاكە، ناوییان تۆماركراوە.
خەڵك- سەرۆكی پەڕلەمانی كوردستان لەسەر بانگهێشتی فەرمی كۆماری ئیسلامی ئێران بەشداری لە ڕێوڕەسمی سوێندخواردنی سەرۆك كۆماری نوێی ئەو وڵاتە دەكات. پەڕلەمانی كوردستان لە ڕاگەیەنراوێكدا ئاماژەی بەوەكردووە، لەسەر بانگھێشتی فەرمی كۆماری ئیسلامی ئێران، د. ڕێواز فایق، سەرۆكی پەڕلەمانی كوردستان بەشداری لە ڕێوڕەسمی سوێندخواردنی ئیبراهیم ڕەئیسی، سەرۆك كۆماری تازە ھەڵبژێردراوی كۆماری ئیسلامی ئێران دەكات. ئاماژە بەوەشكراوە، بڕیارە ڕۆژی پێنج شەممە ٢٠٢١/٨/٥، ڕێوڕەسمی سوێندخوارنەكە بەڕێوەبچێت. سەید ئیبراهیم ڕەئیس ئەلساداتی، سەرۆك كۆماری نوێی ئێران لە 14-12-1960 لە خێزانێكی ئایینی شاری مەشهەد لەدایك بووە و باوك و دایكیشی لە حەوزەی قوم و مەشهەد مامۆستابوون و لە ساڵی 1985 بووە بە جێگری داواكاری گشتی تاران و لە ساڵی 2004 تاوەكو 2014 بۆ ماوەی 10 ساڵ جێگری سەرۆكی دەسەڵاتی دادوەری ئێران بووە. د. ئیبراهیم ڕەئیسی خاوەنی بڕوانامەی بەكالۆریۆسە لە یاسا و ماستەر لە یاسای نێودەوڵەتی و دكتۆرا لە ماف و دواتر بووە بە مامۆستا لە زانكۆ و حەوزەی قوم. لە هەڵبژاردنە سەرۆكایەتییەكەی 18ی مانگی ڕابردوو بە سەرۆك كۆماری نوێی ئێران هەڵبژێردرا و ئەمڕۆش لەگەڵ حەسەن ڕۆحانی، سەرۆك كۆماری ئێستای ئێران ئاڵوگۆڕی دەسەڵاتیان كردووە و چۆتە كۆشكی كۆماری.
خەڵك- هەڵبژاردەی بەرازیل بۆ یاریی كۆتایی كێبڕكێی تۆپی پێیی ئۆڵۆمپیادی تۆكیۆ سەركەوت، ئەمەش پاش بردنەوەی لە هەڵبژاردەی مەكسیك لە یاریی نیوەی كۆتایی. هەڵبژاردەی بەرازیل لە یاریگای كاشیما سوكەر لە خولی نیوەی كۆتایی لە كێبڕكێی تۆپی پێی ئۆڵۆمپیادی تۆكیۆ، ڕووبەڕووی هەڵبژاردەی مەكسیك بۆوە، يەكسانبوون بە بێ‌ گۆڵ باڵی بەسەر كاتی تەواوی یارییەكەدا كێشا،ئەمەش لەكاتێكدا كە یاریزانانی بەرازیل هەلی زۆرییان بۆ گۆڵكردن لەدەستدا لە سایەی خۆڕاگری مەكسیكییەكان. هەمان سیناریۆ لە دوو گێمی زیادكراو دووبارەبۆوە، بۆیە یارییەكە بە بێ‌ گۆڵ كۆتایی هات و هەردوو تیپ پەنايان بۆ لێدانی پەناڵتی برد بۆ یەكلایی كردنەوەی یارییەكە كە لەلایەن هەڵبژاردەی سامباوە بە ئەنجامی 4-1 یەكلایی كرایەوە. ئەمە سێیەم جارە لەسەر یەك كە هەڵبژاردەی بەرازیل بۆ یاریی كۆتایی ئۆڵۆمپیاد سەردەكەوێت، دوای ئەوەی لە هەردوو خولی 2012 و 2016 گەیشتە یاریی كۆتایی. لە یاریگای سایتاماش، هەڵبژاردەی ئۆڵیمپی “لارۆخا” ڕوبەڕوی ژاپۆن بووەوە، یارییەکە بە ئەنجامی گۆڵێکی بێوەڵام کۆتایى هات، گۆڵەکە لە خولەکی 115 لەلایەن مارکۆ ئاسینسیۆی ئەستێرەی ڕیاڵ مەدریدەوە تۆمارکرا. بەپێی ئەنجامە تۆمارکراوەکەش، ئیسپانیا سەرکەوتنی بۆ یاری کۆتایی خولی ئۆڵۆمپیادی تۆکیۆ 2020 تۆمارکرد، لە یاری کۆتاییشدا بەرانبەر بەرازیل یاریدەکات.
بەپێی توێژینەوەیەک هەندێک کەس سێ هێندە خێراتر لە کەسانی دیکە پیر دەبن، ئەمەی خوارەوە کۆمەڵێک نیشانەیە کە توێژینەوەکە دایری کردووە و پێویستە لەهەر کەسێکدا هەبێت وریایی بێت: – پێستێکی وشکت هەیە و هەمیشە هەڵدەدات. – چاوەکانت ماندووە و خوار چاوەکانت لە تەمەنێکی کەمدا چرچ بووە. – سوڕی خوێنت ناڕێکەو دوا دەکەوێت، لە تەمەنی ٤٠ ساڵیدا دەکەویتە تەمەنی بێهیواییەوە. – جەستەت لاوازە و ناتوانیت بجوڵێت و زوو ماندوو دەبیت. – قژت لاوازە و زۆر زوو هەڵدەوەرێت. – توانای خەوت کەمە و زۆربەی جار توشی خەو زراندن دەبیت.
خەڵك-ئارام سەردار بەڕێوەبەری گشتی تەندروستی ئیدارەی ڕاپەڕین ڕایدەگەیەنێت، تەنها ئەمڕۆ لەسنوورەكەیان زیاتر لە ٧٠٠ كەس ڤاكسینی كۆرۆنای وەرگرتووە، داواش لەهاووڵاتیان دەكات خۆپارێزی بكەن. دكتۆر دیار ئیبراهیم، بەڕێوەبەری گشتی تەندروستی ئیدارەی ڕاپەڕین بە(خەڵك)ی ڕاگەیاند، لەسنووری ئیدارەی ڕاپەڕین بەردەوامین لەهۆشاركردنەوەی هاووڵاتیان بەمەبەستی خۆپاراستنیان لە ڤایرۆسی كۆرۆنا، ئەویش بەدابەشكردنی پڕوشوری ڕێنمایی خۆپارێزی بەسەر هاووڵاتیان لەلایە بەشی پتەوكردنی تەندروستی و ئاگاداركردنەوەیان لەمەترسی كۆرۆنا و هەروەها گرنگی وەرگرتنی ڤاكسین. دەشڵێت: "تەنها ئەمڕۆ ٧٦٣ كەس ڤاكسینی كۆرۆنایان وەرگرتووە لەسنووری ئیدارەی ڕاپەڕین و ئومێد دەكەین هاووڵاتیان خۆیان تۆماربكەن لەسیستەمی وەرگرتنی ڤاكسین". ئەوەش دەخاتەڕوو، كۆرۆنا لەهەڵكشانە و ژمارەكان بەرزدەبنەوە، تاكە چارەسەر خۆپارێزیە، هەروەها وەرگرتنی ڤاكسین بەرگری گشتی دروست دەكات بۆ ئەوەی ژمارەی تووشبووان كەم ببێتەوە. بەپێی زانیارییەكان، کۆی گشتی ئەوانەی تا ئێستا ڤاکسینیان لەسنوری ئیدارەی ڕاپەڕین وەرگرتوە ١٦ هەزار ١١٢ کەسن.
خەڵك- بەڕێوەبەرایەتی نەهێشتنی ماددە هۆشبەرەكان ڕایدەگەیەنێت، شەش بازرگانی ماددەی هۆشبەر دەستگیركران كە ویستویانە هەزاران حەب و دەرزی هۆشبەر ساغبكەنەوە، دەستیش بەسەر هەموو ماددەكاندا گیرا. بەپێی ڕاگەیەندراوێك كە ئەمڕۆ سێشەممە لەلایەن بەڕێوەبەرایەتی نەهێشتنی ماددە هۆشبەرەكان ڕایگەیاند، ''دوای بەدواداچوون و هەبوونی زانیاری 26ی مانگی ڕابردوو لەناو شاری هەولێر دەستیانگرتووە بەسەر 23 هەزار و 32 شیت حەبی جۆراو جۆر لەگەڵ حەوت هەزار و 190 دەرزی جۆراوجۆر، كە بەشێكیان هۆشبەربوون.'' هەر لە ڕاگەیەنراوەكەدا هاتووە''لەگەڵ دەستگرتن بەسەر ئەو ماددانەدا پێنج تۆمەتباریان دەستگركردووە، كە ئەو حەپ و دەرزیانەیان بە قاچاخ دەیان هێنایە ناوشاری هەولێر و بڵاویان دەكردەوە.'' بەڕێوەبەرایەتی نەهێشتنی ماددە هۆشبەرەكان دەڵێت"لە ڕۆژی 2ی ئەم مانگە لە شارۆچكەی خەلیفان، كەسێكی تر دەستگیركرا كە نۆ هەزار و 384 قوتی حەبی هۆشبەر و قاچاغی پێبووە و لە ڕێگەی ئەكاونتی ساختەی فەیسبوكەوە دەیفرۆشت".

104 لە سلێمانی كەوتەوە كار

کوردستان

104 لە سلێمانی كەوتەوە كار

لاوی ئازاد

ته‌مموز 11, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت…

هێڵی پۆلیسی فریاكەوتنی سلێمانی لەكاركەوت

کوردستان

هێڵی پۆلیسی فریاكەوتنی سلێمانی لەكاركەوت

سەرهەنگ خالید

ته‌مموز 11, 2021

خەڵك- بەڕێوەبەرایەتی پۆلیسی پارێزگای سلێمانی ڕایدەگەیەنێت،…

لە سیتەك دوو كەس لەسەر دزی دەستگیر كران

کوردستان

لە سیتەك دوو كەس لەسەر دزی دەستگیر كران

ئەحمەد سیوەیلی

ته‌مموز 7, 2021

خەڵك- بەڕێوەبەرایەتی پۆلیسی پارێزگای سلێمانی ڕایدەگەیەنێت،…

پۆلیسی سلێمانی؛ لەسەر سكاڵای چەند كچە یاریزانێك تۆمەتبارێك دەستگیركرا

کوردستان

پۆلیسی سلێمانی؛ لەسەر سكاڵای چەند كچە یاریزانێك تۆمەتبارێك دەستگیركرا

لاوی ئازاد

حوزه‌یران 24, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت،…

پۆلیسی سلێمانی: تۆمەتبارێك دەستگیركرا كە مامی‌ خۆی‌ كوشتووە

کوردستان

پۆلیسی سلێمانی: تۆمەتبارێك دەستگیركرا كە مامی‌ خۆی‌ كوشتووە

کارزان جەرجیس

حوزه‌یران 4, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت،…

پۆلیسی سلێمانی؛ ئەو تۆمەتبارەی لە خەودا بلۆكێكی كێشا بەسەر هاوڕێكەیدا دەستگیركرا

کوردستان

پۆلیسی سلێمانی؛ ئەو تۆمەتبارەی لە خەودا بلۆكێكی كێشا بەسەر هاوڕێكەیدا دەستگیركرا

لاوی ئازاد

حوزه‌یران 3, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت…

سلێمانی.. چەند كارمەندێكی بەشی پۆلیسی فریاكەوتن ڕاگیران

کوردستان

سلێمانی.. چەند كارمەندێكی بەشی پۆلیسی فریاكەوتن ڕاگیران

کارزان جەرجیس

ئایار 24, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت:”لەسەر…

سلێمانی، بەتۆمەتی هێنانی چەك و كامێرای نهێنی كەسێك دەستگیركرا

کوردستان

سلێمانی، بەتۆمەتی هێنانی چەك و كامێرای نهێنی كەسێك دەستگیركرا

سەرهەنگ خالید

ئایار 18, 2021

خەڵك- بەڕێوەبەرایەتی پۆلیسی پارێزگای سلێمانی ڕایدەگەیەنێت،…

پۆلیسی سلێمانی: تۆمەتبارێك بە بڕێك ماددەی هۆشبەرەوە دەستگیركرا

کوردستان

پۆلیسی سلێمانی: تۆمەتبارێك بە بڕێك ماددەی هۆشبەرەوە دەستگیركرا

لاوی ئازاد

ئایار 17, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت…

پۆلیسی سلێمانی: دوو تۆمەتبار بەدراوی ساختەوە دەستگیركران

کوردستان

پۆلیسی سلێمانی: دوو تۆمەتبار بەدراوی ساختەوە دەستگیركران

کارزان جەرجیس

ئایار 9, 2021

خەڵك بەڕێوەبەرایەتی پۆلیسی پارێزگای سلێمانی ڕایدەگەیەنێت،…