“نیگەرانی خەڵك لە حكومڕانی كوردی زیاتر دەبێت”
خەڵك-ئارام سەردار ئەندامێكی مەكتەبی سیاسی بزووتنەوەی دیموكراتى…
زیاترسەردێر
-
خەڵک- بەهۆی بوونی هەندێک ماددەی نەشیاو لە بەنزینەکەدا لە چەمچەماڵ دەست بەسەر ١٣ تانکەر بەنزینی نەشیاودا گیرا. قائیمقامیەتی قەزای چەمچەماڵ بڵاویکردووەتەوە، دوای ئەوەی ئەوەی لە رۆژی ١٨-٥-٢٠٢٢، بەفەرمانی قائیمقامی چەمچەماڵ لەلایەن یەکەی سوتەمەنی چەمچەماڵ بەهەماهەنگی لیژنە هاوبەشەکانی قایمقامیەتی چەمچەماڵ دەستگیرا بەسەر(١٣)تانکەری بەنزین . لە راگەیەندراوەکەدا هاتووە، دوای ناردنی نموونەی بەنزینەکە بۆبەڕێوەبەرایەتی نەوت و کانزاکانی سلێمانی و ئەنجامدانی پشکنین دەرکەوت ئەو ماددانە گونجاو نییە بۆبەکارهێنان، تانکەرەکان دەنێردرێن بۆبەڕێوەبەرایەتی نەوت وکانزاکانی سلێمانی بەمەبەستی ئیجرائاتی یاسایی لەگەڵیاندا.
-
خەڵک- وەزارەتی پیشەسازی و بازرگانی حکومەتی هەرێم رایگەیاند، رۆژی چوارشەممە ٢٥-٥-٢٠٢٢، وەک یەکەم ڕۆژی وەرگرتنی گەنمی جوتیارانی هەرێمی کوردستان دیاریکرا. وەزارەتی پیشەسازی و بازرگانی حکومەتی هەرێم لە راگەیەندراوێکدا ئاگاداری جووتیاران دەکاتەوە دوای گفتوگۆ و ڕاگۆڕینەوە لەگەڵ وەزارەتی بازرگانی حکومەتی فیدراڵ، رۆژی چوارشەممە ٢٥-٥-٢٠٢٢، وەک یەکەم ڕۆژی وەرگرتنی گەنمی جوتیارانی هەرێمی کوردستان دیاریکرا. وەزارەتەکە داوا لە جووتیاران دەکات کە لەو رۆژە گەنمی بەرهەمهاتویان ڕادەستی سایلۆکانی هەرێمی کوردستان بکەن.
-
خەڵک- پۆلیسی سلێمانی لە بارەی گیانلەدەستدانی لیا عەلی تەمەن 10 ساڵ روونکردنەوەیکی بڵاوکردەوە و رایگەیاند، لە سەرەتای رووداوەكەوە لێكۆڵینەوەكانی دەسپێكردووەو سەرجەم كامێراكانی چاودێریی وەرگیراون و سەیر كراونەتەوە. لە روونکردنەوەکەی پۆلیسدا هاتووە، وەك بەڕێوەبەرایەتی پۆلیسی پارێزگای سلێمانی لە بارەی گیانلەدەستدانی لیا عەلی كە چەند رۆژێك لەمەوبەر گیانیلەدەستدا، لێرەوە بە هەموو لایەكی رادەگەیەنین كە هێزەكانی بەڕێوەبەرایەتی پۆلیسی پارێزگای سلێمانی، لە سەرەتای رووداوەكەوە لێكۆڵینەوەكانی دەسپێكردووەو سەرجەم كامێراكانی چاودێریی وەرگیراون و سەیر كراونەتەوە، بە بڕیاری دادوەر خاوەن ماڵی رووداوەكە، بانگهێشتی دادگا كراوە و لێكۆڵینەوەی لە گەڵدا كراوە و بە سپاردە ئازاد كراوە. پۆلیسی سلێمانی دەشڵێت:" ئێستا بە بڕیاری دادوەرو بەئامادەبوونی مەفرەزەكانی بنكەی پۆلیسی راپەڕین و تیمەكانی بەشی پۆلیسی بەڵگەی تاوان و پزیشكانی دادوەری تەرمی كۆچكردوو لەناو گۆڕەكەی دەرهێنراوەتەوە و لە پزیشكی دادوەری سلێمانییە، توێكاریی بۆ لاشەكەی دەكرێت و لێكۆڵینەوەش لەرووداوەكە بەردەوام دەبێت.
-
خەڵک- هاتووچۆی کۆیە رایگەیاند، لە ناحیەی ئاشتی برایەک بە تراکتۆرەکەی مێرمنداڵێکی تەمەن ٥ ساڵ دەکات بەژێرەوە و گیانلەدەستدەدات بەڕێوەبەرایەتی هاتووچۆی کۆیە بڵاویکردووەتەوە، ئەمڕۆ هەینی لە ناحیەی ئاشتی ئۆتۆمبێلی کشتوکاڵی جۆری تراکتۆر لە لایەن مێردمنداڵێکەوە بەکاردەهێنرێت و بەهۆیەوە براکەی دەکەوێتە ژێر تڕاکتۆرەکە بەناوی ( ئەنەس دانا )ی تەمەن ٥ ساڵان و گیان لە دەستدەدات.
-
خەڵک- بەشی کەشناسی لە وەزارەتی گواستنەوە و گەیاندنی حکومەتی هەرێم راگەیەندراوێکی لەسەر ئەو شەپۆلی خۆڵبارینەی لە ئێوارەی ئەمڕۆوە هەرێمی کوردستان گرتووەتەوە و دەڵێت:" پێشبینی دەکرێت لە دوای نیوەشەوە کاریگەری خۆڵه‌كه تا ڕاده‌يه‌كى باش به‌ره به‌ره كه‌مبێته‌وه. لە راگەیەندراوێکدا بەرێوەبەرایەتییەکە بڵاویکردووەتەوە، کە ئێستا له سنورى سلێمانى و هه‌ولێر كه‌ركوك و گه‌رميان تۆز و خۆڵ هه‌يه به ڕێژه‌ى جياجيا مه‌ودای بينينى ئاسۆیی(Horizontal Visibility) به‌م شێوه‌يه‌ى خواره‌وه‌يه: هه‌ولێر 8 كلم شه‌مامك 6 كلم سلێمانى 3 كلم چه‌مچه‌مال 5 كلم كه‌ركوك 6 كلم دووز 0.2 كلم به‌ڵام دهۆك و زاخۆ كه‌ش سافه و خۆڵ بارين نيیه . لە راگەیەندراوەکەدا هاتووە کە به گوێره‌ى نه‌خشه‌كانى كه‌شوهەوای ئێستا پێشبينى ده‌كرێ له دوای نیوەشەوەوە كاريگه‌رى تۆز و خۆڵه‌كه تا ڕاده‌يه‌كى باش به‌ره به‌ره كه‌مبێته‌وه. بەگوێرەی راگەیەندراوەکە بۆ سبەینێ شه‌ممه‌ش كه‌ش ساف ده‌بێت و پێشبينى تۆز و خۆڵ ناكرێت، بەڵام ئه ماناى ئه‌وه نيیه كه خۆڵ بارين به يه‌كجارى كۆتايى هاتبێت!
-
خەڵک- لە شاری هەولێر رووداوێکی پێکدادان لە نێوان ئۆتۆمبیلێك و ماتۆڕسكیلێك، دوو كەس كە سەرنشینی ماتۆڕسكیلەكە بوون، گیانیان لەدەستدا. فازل حاجی ڤیدیۆی رووداوەکەی بڵاوکردووەتەوە و نووسیویەتی، رووداوەكە ئێوارەی ئەمڕۆ هەینی، لەسەر شەقامی 60 مەتری روویداوە، دوای رووداوەكەش تیمەكانی پۆلیسی هاتووچۆی هەولێر گەیشتوونەتە شوێنەكەو لێكۆڵینەوە لە هۆكاری رووداوەكە دەستی پێكردووە. بەگوێرەی گرتە ڤیدیۆییە کە كە لەلایەن هاتووچۆی هەولێرەوە بڵاوكراوەتەوە ماتۆڕسكیلەكە بە ئاڕاستەی پێچەوانە دەڕوات و لەكاتی گەیشتنی بە ئۆتۆمبێلێك، لەناكاو كۆنتڕۆڵی لەدەستداو وەڕگەرا، بەو هۆیەشەوە شۆفێرو سەرنشینەكەی كەوتنە ژێر ئۆتۆمبیلەكەو گیانیان لەدەستدا.
-
خەڵك- هێزەكانی پاراستنی گەل هەپەگە باڵی سەربازی پارتی كرێكارانی كوردستان پەكەكە كوژرانی 10 سەربازی دیكەی سووپای توركیای راگەیاند لە شەڕەكانی دەڤەری بادینان. ناوەندی چاپەمەنی و راگەیاندنی هەپەگە رایگەیاند، كە لە گۆڕەپانەكانی بەرخودانی زاپ و ئاڤاشیندا سەرباری ئەوەی سوپای توركیا هەموو توانای تەكنەلۆژیایی خۆیشی بەكاردەهێنێت، بەڵام نەیتوانیوە ئەنجام بەدەست بهێنێت. هەپەگە رایگەیاند، لە چالاكیەكاندا ١٠ سەربازی توركیا كوژراون. هاوكات هەر ئەمڕۆ هێزەكانی پاراستنی گەل هەپەگە باڵی سەربازی پارتی كرێكارانی كوردستان پەكەكە لە راگەیەندراوێكدا كوژرانی 15 سەربازی راگەیاندبوو، ئاشكرایكرد، شەڕ لە هەرێمەكانی زاپ و ئاڤاشین بە قوورسی بەڕێوەدەچێت، سووپای توركیا چەكی كیمیایی بەكاردەهێنێت، لەبەرامبەردا گەریلا شەڕ دەكات و چالاكی ئەنجام دەدات. لە 17ی نیسانی 2022وەوە سوپای توركیا ئۆپەراسیۆنی بۆ سەر ناوچەكانی بن دەستی پەكەكە لە باشووری كوردستان لە سنووری پارێزگەی دهۆك دەستپێكردووە.
-
خەڵك- بۆ پەرەپێدانی زیاتری سێكتەری گەشتوگوزار لە سنووری ئیدارەی سەربەخۆی سۆران و ئیدارەی سەربەخۆی زاخۆ، مەسرور بارزانی سەرۆكی حكوومەتی هەرێمی كوردستان بڕیاریدا بە دامەزراندنی بەڕێوەبەرایەتیی گشتیی گەشتوگوزاری سۆران و بەڕێوەبەرایەتیی گشتیی گەشتوگوزاری زاخۆ. دەستەی گەشتوگوزار رایگەیاند، بە گوێرەی فەرمانێكی مەسرور بارزانی سەرۆكی حكوومەتی هەرێمی كوردستان، لەسەر وەزارەتی شارەوانی و گەشتوگوزار، بڕیاریدا بە هێنانەكایەی بەڕێوەبەرایەتیی گشتیی گەشتوگوزاری سۆران و بەڕێوەبەرایەتیی گشتیی گەشتوگوزاری زاخۆ. راشیگەیاند، ئەم بڕیارەش كاریگەری زۆری لەسەر پەرەپێدان و بووژانەوەی سێكتەری گەشتوگوزار لە سنووری ئیدارەی سۆران و زاخۆ دەبێت و هەنگاوێكی تری حكوومەتی هەرێمی كوردستانە بۆ بایەخدان بە سێكتەری گەشتوگوزار.
-
خەڵك- بەپێی پێشبینییەكانی كەشناسی لە رۆژی یەك شەممەوە شەپۆلێكی چڕی خۆڵبارین هەرێمی كوردستان دەگرێتەوە و تا رۆژی سێشەممە بەردەوام دەبێت. دەستەی كەشناسی و بومەلەرزەزانی عێراق ئاشكرایكردووە، شەپۆلێكی چڕی خۆڵبارین زۆربەی ناوچەكانی عێراق و هەرێمی كوردستانیش دەگرێتەوە. ئاشكراشیكرد، ئەم شەپۆلەی خۆڵبارین ئێوارەی رۆژی یەك شەممە دەستپێدەكات. راشیگەیاند ئەم شەپۆلە تا ئێوارەی رۆژی سێشەممە بەردەوامی دەبێت.
-
زۆربه‌مان رۆژانه چای كیسه ده‌خۆین و دواتر كیسه‌كه فڕێ ده‌ده‌ین، له كاتێكدا ئه‌وه كارێكی هه‌ڵه‌یه‌و ده‌توانین له زۆر بواردا ئه‌و كیسه چایانه به‌كاربهێنینه‌وه ئه‌وانیش: -كیسه‌ی چا پاش ساردكردنه‌وه بیخه‌ره سه‌ر زیپكه یاخود ئه‌و پێسته‌ی به خۆر سوتاوه یان شین بووەتە‌وه كاریگه‌ریه‌كی زۆری بۆ چاره‌سه‌ركردنی هه‌یه. .كیسه‌ی چا، بۆ لادان و كه‌مكردنه‌وه‌ی ڕه‌شایی ژێر چاو به‌كاردێت و ده‌توانرێت وه‌ك میكیاژ به‌كاری بێت- -ده‌توانیت كیسه‌ی چا بخه‌یته ناو پێڵاوه‌وه بۆ ئه‌وه‌ی بۆن دروست نه‌كات پاش ئه‌وه‌ی له‌پێیان ده‌كه‌یت. -دانانی چه‌ند كیسه چایه‌ك له نێو سه‌لاجه‌دا به‌هه‌مان شێوه رێگری ده‌كات له دروستبوونی بۆنی ناخۆش. -له كاتی قاپشتنیشدا ده‌توانیت چه‌ند كیسه چایه‌ك له گه‌ڵ ئاودا بخه‌یته ناو قاپه چه‌وره‌كانه‌وه‌و دواتر به باشی پاك ده‌بنه‌وه. -ده‌توانیت كیسه چا له نێو تاكی كه‌وانته‌ره‌كه‌تدا دابنێیت، به‌هۆی ئه‌وه‌شه‌وه مشك و قالۆنچه‌و زینده‌وه‌ری دیكه نایه‌نه ناو ئه‌و تاكه‌وه. -لەکاتی پێوەدانی مێشوولە و هاوشێوەکانی، بۆ ماوەی ١٠ خولەک کیسە چای تەڕی بخە سەر، ئازار و خورووەکەی ناهێڵێت.