باڵیۆزخانەی ئەمریكا لە بەغدا Archives - تۆڕی میدیایی خەڵک

سەردێر

خەڵک- پۆلیسی هەولێر رایگەیاند، به‌ تۆمه‌تی ئه‌نجامدانی دوو تاوانی جیا، هێزه‌كانیان دوو كه‌سیان ده‌ستگیركردوه‌ كه‌ یه‌كێكیان وەك گەنجێكی كارمەند لەدەزگایەكی راگەیاندن لە تۆڕەكۆمەڵایەتییەكان خۆی بەژنان و كچان ناساندووەو هەڵیخەڵەتاندوون. هۆگر عەزیز، وتەبێژی پۆلیسی هەولێر بە رۆژنامەنووسانی راگەیاند، بنکەی پۆلیسی کوردستان پیاوێکیان دەستگیرکرد کە وێنەی گەنجێکی بەکارھێنابوو بۆ ھەڵخەڵەتاندنی کچان لە فەیسبوک، هەروەها پۆلیسی نەھێشتنی تاوان نوسینگەی رۆژھەڵات ئافرەتێکیان دەستگیر کرد کە لە بازاری لەنگەی شاری ھەولێر دزی لە ٧ھاووڵاتی کردبوو. ئاماژه‌ی به‌وه‌شكردوه‌، " ئەو کەسەی وەک بێژەر خۆی ناساندووە ته‌مه‌نێكی گه‌وره‌ی هه‌بووە و دوای لێكۆڵینه‌وه‌ش دانی به‌ تاوانه‌کەیدا ناوه‌ و تاوانه‌كه‌شی له‌ڕێگه‌ی به‌كارهێنانی وێنه‌ی گه‌نجێكه‌وه‌ كردوه‌ و به‌هۆیه‌وه‌ په‌یوه‌ندی سۆزداری و خۆشه‌ویستی له‌گه‌ڵ چه‌ند كچێكدا دروستكردوه، ئێستاش ئه‌و تۆمه‌تباره‌ به‌ مادده‌ی 2ی مۆبایل ده‌ستبه‌سه‌ركراوه‌". هۆگر عەزیز ئاماژەی بەوەشکرد، لە چالاکییەکی دیکەدا، ئافره‌تێكیان ده‌ستگیركردوه‌ كه‌ هاووڵاتی هه‌رێمی كوردستان نییه‌، بەڵام لە هەولێر نیشتەجێ بووە، حەوت کەس داوایی یاساییان لەسەر تۆمارکردبوو کە بڕێک پارە و حەوت مۆبایلی دزیوە له‌ بازاڕه‌كانی هه‌ولێر به‌تایبه‌تیش له‌ بازاڕی له‌نگه‌". پۆلیسی هەولێر دەشڵێت، ئەو تۆمەتبارە به‌پێی مادده‌ی 446 له‌یاسای سزادانی عێراقی ده‌ستبه‌سه‌رە.
خەڵک- کەشناسێکی عێراقی دەڵێت، سەرەتای مانگی داهاتوو شەپۆلێکی باران بارین هەرێمی کوردستان و عێراق دەگرێتەوە. سادق عەتیە کەشناسی عێراقی دەڵێت:"بەگوێرەی لێکۆڵینەوەکان و نەخشە کەشناسییەکان سەرەتای مانگی داهاتوودا شەپۆلێکی بارانبارین عێراق دەگرێتەوە. بەڵام بۆ چری بارانەکە و رێژەی لە ناوچەکان جارێ ناتوانین پێشبینی بکەین". ئەو شارەزایەی بواری کەشناسی سەبارەت بە بەرزبوونەوەی پلەکانی گەرما ئاماژە بەوەشدەکات سەرەتای هەفتەی داهاتوو پلەکانی گەرما بەرزدەبنەوە و کەشێکی گەرم هەرێمی کوردستان و عێراق دەگرێتەوە.
خەڵک- وەزارەتی تەندروستی رایگەیاند، لە ٢٤ کاتژمێری ڕابردوودا ٣٣ کەسی دیکە تووشی کۆرۆنا بوون، بەڵام هیچ کەسێک بە ڤایرۆسەکە گیانی لەدەستنەداوە. وەزارەتی تەندروستی حكومەتی هەرێمی كوردستان لە راگەیەندراوێکدا بڵاویکردووەتەوە کە لە 24 كاتژمێری ڕابردوودا دوو هەزار و ٨٣ پشکنین ئەنجامداراوە کە لەو رێژەیە ٣٣ کەس تووشی ڤایرۆسەکە بوون و ٣٧ تووشبووش چاکبوونەتەوە.
خەڵک- ئەمینداری گشتی یەكگرتووی ئیسلامی كوردستان، رایگەیاند، كە ئاڵنگارییەكان دەخوازێت لە بەغدا كوردستانیانە تێبكۆشین، دوور لە هەستیاری حزبی، وا نەبێ مافەكانی هاووڵاتیانی هەرێم دەكەوێتە بەر مەترسی گەورەوە. ئەمڕۆ 26-5-2022، سەڵاحەدین بەهادین، ئەمینداری گشتی یەكگرتووی ئیسلامی كوردستان و شاندێكی یاوەری، سەردانی فراكسیۆنە کوردستانییەکان کرد لە ئەنجوومەنی نوێنەرانی عیراق و داوای لێكردن، دوور لە هەستیاری حزبی، پێكەوەو بە هەماهەنگی شەڕی بەدەستهێنانی مافەكانی خەڵكی كوردستان بكەن، چونکە وا نەبێ مافەكانی هاووڵاتیانی هەرێمی کوردستان دەكەوێتە بەر مەترسی گەورەوە. ئەمینداری گشتی یەککگرتوو ئاماژەی بەوەشکرد، كورد قوربانیی زۆری داوە تا گەیشتووەتە مافە دەستورییەكانی، ئەسڵی كاری پەرلەمانییش ئەوەیە بەرگری لەو مافانە بكرێت، ئەو ئەركەش هەماهەنگی و كاری پێكەوەیی دەوێ، نەك ململانێ".
خەڵك- ڕەفیق ساڵحی سەركردە لە هاوپەیمانی غەتح، باس لەو لایەنانە دەكات كە پشتییان پێدەبەسترێت بۆ یەكخستنی ماڵی شیعە. ساڵحی لەلێدوانێكی ڕۆژنامەوانیدا ڕایگەیاند"یەكخستنی ماڵی شیعە پشت بە بوونی دەستپێشخەرییە ڕاستەقینەكان دەبەستێت كە لەلایەن هەموانەوە پەسەند دەكرێن". بە وتەی ساڵحی"دەستپێشخەرییەكەی چوارچێوەی هەماهەنگی لەلایەن سەربەخۆكان و كوردەكان و سوننەكانەوە پەسەندكراوە". ئەو سەركردەیەی هاوپەیمانی فەتح دەڵێت"دانوستانی ناڕاگەیەندراو هەیە بۆ نزیككردنەوەی ڕاوبۆچوونی نێوان چوارچێوەی هەماهەنگی و ڕەوتی سەدر، بۆیە هیواخوازن ئەو دانوستانە ئاكامی ئەرێنی هەبێت لە قۆناغەكانی داهاتوو".
خەڵك- نرخی نەوت لە بازاڕەكانی جیهان بەشێوەیەكی بەرچاو ڕووی لە بەرزبوونەوە كرد، هۆكارەكەش بۆ زۆربوونی داواكاریی لەسەر وزە و دەرهاویشتەكانی جەنگی ڕوسیا لە ئۆكراینا دەگەڕێتەوە. ئەمڕۆ پێنج شەممە، بازاڕەكانی جیهان بەشێوەیەكی بەرچاو بەرزبوونەوەی نرخی نەوتیان بەخۆوەبینی و نەوت بەڕێژەی 3% بەرزبۆوە. گرێبەستە دواخراوەكانی نەوتی خاوی برێنت بەڕێژەی 2.8% بەرزبوونەوە و نرخی بەرمیلێكی ئەو جۆرە نەوتە گەیشتە 116.8 دۆلار، بە هەمان شێوە گرێبەستە دواخراوەكانی نەوتی خاوی ئەمریكایی خۆرئاوای تكساس بەڕێژەی 3.5% بەرزبوونەوە و نرخی بەرمیلێكی گەیشتە 113.8 دۆلار.
خەڵك- نوێنەری تایبەتی سكرتێری گشتی نەتەوەیەكگرتوەكان بۆ هاوكاری عێراق (یۆنامی) ڕایگەیاند، لە دیالۆگێكدا لە هەولێر كە لەلایەن نەتەوە یەكگرتوەكانەوە رێكخرابو لایەنە سیاسییەكانی هەرێمی كوردستان، تاوتوێی هەڵبژاردن و خزمەتگوزارییە گشتییەكان و بەهێزكردنی دامودەزگاكانی هەرێمی كوردستان كرا. بەپێی ڕاگەیەندراوێك كە سەرلەئێوارەی ئەمڕۆ لەلایەن یۆنامییەوە بڵاوكرایەوە"سەرۆك و نوێنەری باڵای لایەنە سیاسییەكانی هەرێمی كوردستان، ئەمڕۆ لە بارەگای سەرەكی نەتەوە یەكگرتوەكان لە هەولێر ، لەسەر بانگهێشتی جینین پلاسخارت نێردەی نەتەوە یەكگرتوەكان بۆ هاوكاری عێراق كۆبونەوە". هەر لە ڕاگەیەندراوەكەدا هاتووە" لەگەڵ ئەوەی كە وا بڕیارە لە 1ی (تشرینی یەكەم/10)ی 2022 هەڵبژاردنی هەرێمی كوردستان ئەنجام بدرێت، كۆبونەوەكە دەرفەتێكی ڕەخساند بۆ لایەنەكان بۆ ئاڵوگۆڕی بیروڕا لەسەر پرسە جیاوازەكان، لەوانەش پێویستیی دوركەوتنەوە لە سیاسەتی جیاكارییانە و ڕێكردن بەرەو هەڵبژاردنێكی باوەڕپێكراو و شەفاف، خزمەتكردنی‌ بەرژەوەندی گەلانی هەرێمی كوردستان لە گفتوگۆكانی ئەمڕۆدا تەوەری سەرەكی بوو". جینین پلاسخارت نوێنەری تایبەتی سكرتێری گشتی نەتەوە یەكگرتوەكان بۆ عێراق و بەرپرسی یونامی، سوپاسی لایەنەكانیان كرد بۆ بەشداریكردن و داوای بەردەوامبوون و چڕتركردنی هەوڵەكانیان كرد، بۆ ڕووبەڕووبوونەوەی ئەو ئاڵنگارییە زۆرانەی ڕووبەڕووی هەرێمی كوردستان دەبنەوە. جینین پلاسخارت، نوێنەری سكرتێری گشتی نەتەوە یەكگرتوەكان بۆ عێراق لە 23ی ئەم مانگەدا، لەپەیامێكیدا بانگهێشتی لایەنە سیاسییەكانی هەێمی كوردستانی كرد بۆ كۆبونەوەیەكی هاوبەشی داخراو لە 26ی ئایار و لەو بارەیەوە ڕایگەیاندبوو"لەگەڵ ئەوەی كە بڕیارە یەكی (تشرینی یەكەم/10)ی 2022 هەڵبژاردن بەڕێوەبچێت، كۆبونەوە لەگەڵ لایەنەكان دەرفەتێكی پێویست بۆ ئاڵوگۆڕی ڕاستەوخۆی بیروڕاكان دەڕەخسێنێت".
خەڵك – بەڕێوەبەرایەتی نەوت و كانزاكانی هەولێر ڕایدەگەیەنێت ، سبەی بەنزینی 690 دیناری، كە بۆ ئۆتۆمبێلی ژمارە تاكە، لە 17 وێستگە دابەش دەكرێت. بەڕێوەبەرایەتی نەوت و كانزاكانی هەولێر بڵاویكردەوە، سبەینێ هەینی 27ی ئایاری 2022 بەنزینی 690 دیناری دابەش دەكرێت، تەنها بۆ ئۆتۆمبێلی ژمارە تاكە. ئاماژە بۆ ئەوەشكراوە، كە دابەشكردنەكە لە 17 وێستگە دەبێت .
خەڵك – بوومەلەرزەیەك بە گوڕی 2.9 پلەی ڕێختەر تەقتەق و دەوروبەری لەرزاند و 23 كم لە قوڵی زەویەوە بووە و پلێتەكانی سنورەكەی جوڵاندووە. سیروان ساڵح ، شارەزایی كەشناسی بڵاویكردەوە، ئەمڕۆ پێنجشەممە 26ی ئایاری 2022 لە كاتژمێر 4:53 خولەك بوومەلەرزەیەك بە گۆڕی 2.9 پلەی ڕێختەر تەقتەق و دەوروبەری ڕوویداوە و هەرچەندە پلەكەی لاواز و نزمە، بەڵام قوڵیەكەی زۆرە و لەناخەوە پلێتەكانی سنورەكەی جوڵاندووە. ڕاشیگەیاندووە، بوومەلەرزەكە لە قوڵایی 23 كم لە ژێر زەویەوە بووە و دوور نیە لە كات و ڕۆژانی داهاتوودا چالاكی بومەلەرزەی پلە نەزانراوی بە دوادا بێت .
خەڵك- ئەمڕۆ پێنج شەممە ئۆكراینا ڕایگەیاند، شەڕوپێكدادانەكان لە ناوچەی دۆنباس گەیشتوونەتە ترۆپك، لەكاتێكدا هێزەكانی ڕِوسیا تائێستا لە ناوچەی پیشەسازین و پێشڕەوی دەكەن. گانا مالیار جێگری وەزیری بەرگری ئۆكراینا لە كۆنفرانسێكی ڕۆژنامەوانیدا ڕایگەیاند:"توندی شەڕوپێكدانەكان گەیشتوونەتە ئەوپەڕی، هێزەكانی دووژمن هەڵدەكوتنە سەر پێگە و مۆڵگەی هێزەكانمان لە چەندان لاوە، لە هەمان كاتدا چاوەڕیی قۆناغێكی قورس و دوورودرێژی شەڕ دەكەین". سوپای ڕوسیا پلانی خاوكردنەوەی چوونە ناو وڵاتەكەی داناوە، بەڵام بەشێوەیەكی شێلگیر لە ناوچەی دۆنباس پێشڕەوی دەكات، پاش ئەوەی هێزەكانی لە ناوچەكانی ناوەڕاست و خۆرئاوای ئۆكراینا پاشەكشە پێكرد، لەپێناو پتەوكردنی هەوڵە سەربازییەكانی لە خۆرهەڵات. سوپای ڕوسیا چەندان شاری گەمارۆداوە، بە تایبەت سیڤیرۆدۆنیتسك و لیسیچانسك كە بوونەتە لەمەپەر لەبەردەم گەیشتن بە سەنتەری ئیداری خۆرهەڵاتی ئۆكراینا لە كراماتۆرسك. مالیار دەڵێت:"تائێستاش ڕەوشەكە قورسە و چاوەڕوانی داڕمانی زیاتری لێدەكرێت، پێویستە لەوەش تێبگەین كە ئەمە جەنگە و زیانەكانی ئێمە بەداخەوە زۆرن". هەر لەو چوارچێوەیەدا، سێرگی گیدای حاكمی ناوچەی لۆگانسك ڕایگەیاند:"بۆردومانەكانی ڕوسیا چڕبوونەتەوە بۆسەر لیسیچانسك و زیانی گەورەیان بە ژێرخانی مەدەنی گەیاندووە، بە سەنتەری گەیاندنی یارمەتییە مرۆییەكانەوە". ئاماژەی بە كوژرانی 3 كەس كرد لە هێرشەكانی ئەم دوايیە بۆسەر ناوچەكە كە بە وتەی ئەو خەریكە هێزەكانی مۆسكۆ بەتەواوەتی كۆنترۆڵی دەكەن. ئۆپەراسیۆنە سەربازییەكانی ڕوسیا لە ئۆكراینا مانگی سێیەمیان تەواوكرد، لەكاتێكدا سوپای ڕوسیا بەردەوامە لە خاپوركردنی پێگە و ژێرخانی سەربازی ئۆكراینا و زیاتر گوشارخستنە سەر حكومەتی كێیڤ لە دۆنباس، لەپێناو دەستگرتن بەسەر تەواوی ناوچەكە، لەبەرامبەردا خۆرئاوا بە پارە و بە چەك و تەقەمەنی بەردەوامە لە هاوكاریكردنی كێیڤ، وێڕای سەپاندنی سزا ئابورییە بێ‌ پێشینەكان بەسەر مۆسكۆدا.

موقتەدا سەدر، هاتە دەنگ

موقتەدا سەدر، هاتە دەنگ

هەرێم بەهادین

كانونی دووه‌م 13, 2022

خەڵک رێبەری ڕەوتی سەدر، لەبارەی هێرشی مووشەکی سەر باڵیۆزخانەی…

باڵیۆزخانەی ئەمریکا لەبەغدا؛ هێرشە مووشەکییەکان پێگەی عێراق لاواز دەکەن

باڵیۆزخانەی ئەمریکا لەبەغدا؛ هێرشە مووشەکییەکان پێگەی عێراق لاواز دەکەن

هەرێم بەهادین

كانونی دووه‌م 13, 2022

خەڵک باڵیۆزخانەی ئەمریکا لەبارەی هێرشکردنە سەریان، دەڵێت؛…

لە بەغدا باڵیۆزخانەی ئەمریكا كرایە ئامانج و لە باشیكیش هێزەكانی توركیا

لە بەغدا باڵیۆزخانەی ئەمریكا كرایە ئامانج و لە باشیكیش هێزەكانی توركیا

کارزان جەرجیس

تشرینی دووه‌م 7, 2021

خەڵك لە بەغداد چەند ھاوەنێك ئاڕاستەی باڵیۆزخانەی ئەمریكا…

باڵێوزی ئەمریكا لە بەغدا: نامانەوێت ببین بە بار بەسەر عیراقەوە

باڵێوزی ئەمریكا لە بەغدا: نامانەوێت ببین بە بار بەسەر عیراقەوە

ئیدریس جەبار

ئه‌یلول 21, 2021

خەڵك- باڵیۆزی ئەمریكا لە بەغدا باس لەو ئاڵەنگارییانە دەكات…

ئەمریكا بڕی ئەو هاوكارییە داراییە ئاشكرا دەكات كە لە 2014ەوە پێشكەش بە عیراقی كردووە

ئەمریكا بڕی ئەو هاوكارییە داراییە ئاشكرا دەكات كە لە 2014ەوە پێشكەش بە عیراقی كردووە

کارزان جەرجیس

ئاب 15, 2021

خەڵك باڵیۆزخانەی ئەمریكا لە بەغدا ئاشكرایدەكات، حكومەتی…

زەنگی ئاگاداركردنەوە لە ناوچەی سەوز لێدەدرێت

زەنگی ئاگاداركردنەوە لە ناوچەی سەوز لێدەدرێت

ئیدریس جەبار

شوبات 3, 2021

خەڵك- سەرچاوەیەكی ئەمنی ڕایدەگەیەنێت، لە ناوچەی سەوزی…