باران بارين – تۆڕی میدیایی خەڵک

سەردێر

خەڵك- نوێنەری حكومەتی هەرێم لە فەرماندەی ئۆپراسیۆنە هاوبەشەكانی عێراق ڕایدەگەیەنێت، بڕیارە ئەو بۆشاییە ئەمنیەی ناوچە جێناكۆكەكان بە دوو لیوا لیوایەك لە پێشمەرگە و لیوایەك لە سوپای عێراق پڕبكرێتەوە، بەڵام تا دروستبوونی ئەم دوو لیوایە وا بڕیارە ئۆپراسیۆنی هاوبەشی نێوان سوپای عێراق و پێشمەرگە لەو ناوچانە دەستپێبكات، ئەو ئۆپراسیۆنەش بۆ ئەوەیە ڕێگە بگرن لە بوون و هێرشەكانی داعش بۆ ئەو ناوچەیە نەك بنبڕكردن و كۆتایی هێنان. لیوا عەبدولخالق تەڵعەت نوێنەری حكومەتی هەرێم لە فەرماندەی ئۆپراسیۆنە هاوبەشەكانی عێراق بە دەنگی ئەمریكای ڕاگەیاند، هۆكاری سەرەكی ئەو بۆشاییە ئەمنیەی ناوچە جێناكۆكەكانی نێوان عێراق و هەرێم بۆ ڕووداوەكانی 16ی ئۆكتۆبەر دەگەڕێتەوە بەهۆی ئەو ڕووداوانەوە ئەو بۆشاییە ئەمنیە دروستبوو، ئەو بۆشاییە ئەمنیە بڕیاربوو بە دوو لیوا، لیوایەك لە سوپای عێراق و لیوایەك لە سوپای پێشمەرگە پڕبكرێتەوە بۆ ئەوەی هێزەكانی داعش یا هەر هێزێكی تر بە ئاسانی نەگەنە ئەو شوێنە تا زەفەر نەگەیەنن بەو ناوچەیە، بەڵام وەك دەزانرێت دروستكردنی دوو لیوا‌و ڕاهێنانیان و تێكەڵكردنی دوو لیوای سوپای عێراق و پێشمەرگە ئەوەندە شتێكی ئاسان نیە و دەبێت پێداویستییەكان بۆ ئەو دوو لیوا هاوبەشە دابینبكەین. وتیشی"بۆ فریاكەوتنی ئەو ناوچانە نەك بە تەنها دوو لیوای هاوبەش، بەڵكو دەبێت بە زووترینكات هێزێكی هاوبەش ئۆپراسیۆنێكی هاوبەش لەو ناوچانە جێبەجێ بكەن بەتایبەت لە ناوچە كوردنشینەكان، چونكە وا پێدەچێت داعش نەك بە مەبەستی سەربازی، بەڵكو بە مەبەستی سیاسی هێرش دەكاتەسەر ئەو ناوچە كوردنشینانە بەمەبەستی چۆڵكردنی ئەو ناوچانە لە كورد، بۆیە وا بڕیارە بەمزووانە ئۆپراسیۆنی هاوبەشی سوپای عێراق و پێشمەرگە لەو ناوچانە بۆ كێوماڵكردنی داعش دەستپێبكات. بۆ كۆنترۆڵكردنی ئەو شوێنانە، بەزوترین كات ئۆپراسیۆنەكە دەست پێدەكات كۆبونەوەی هاوبەش لە نێوان عێراق و پێشمەرگە كراوە". ئاشكراشیكرد، داعش هەوڵدەدەن كورد وەدەرنێن لەو ناوچەیە، چونكە بوونی كورد بە مەترسی دەزانن لەو ناوچەیە، جگە لەوەی بۆ ئەوەی ئەو چەكدارانە خۆیان بە ئاسانی هاتوچۆی تێدا بكەن. سەبارەت بە بەدەمەوەنەچوونی سوپای عێراق و پێشمەرگە بۆ خەڵكی ئەو گوندانەی داعش هێرشی بۆ دەكردن، ناوبراو ڕایگەیاند، ئەوە ڕێككەوتنە لە نێوان سوپای عێراق و پێشمەرگە، ئەو شوێنەی بۆیان دیاریكراوە ناتوانن لێی دەربچن، ئێستا كۆبوونەوەكە كراوە ماوەتەوە ئۆپراسیۆنە هاوبەشەكە ئەنجام بدرێت. دەشڵێت"هیچ كاتێك مەترسییەكانی داعش كۆتایی نەهاتووە، داعش تەواو نەبووە تا مەترسی كۆتایی بێت، مەترسییەكان و داعش ڕۆژ بە ڕۆژ لە زیادبووندان".
خەڵك بڕیارە ئەمڕۆ نەوتی سپی لە شارەدێی خورماڵ دابەشبكرێت. لیژنەی سووتەمەنی قائیمقامیەتی قەزای ناوەندی هەڵەبجە لەڕاگەیەنراوێكدا بڵاویكردەوە، هاووڵاتیانی شارەدێی خورماڵ ئاگادار دەكەین ، كە سبەینێ‌ پێنج شەممە ٥ / ١٢ / ٢٠٢١ نەوت دابەش دەكرێت. ئەمە لە حاڵێكدایە، هاووڵاتییان گلەییان هەیە لە خاوی بەرێوەچوونی پرۆسەی دابەشكردنی نەوت و خزمەتگوزارییەكانی دیكە، بەشێكی زۆری هاووڵاتییانی هەرێم نەوتیان وەرنەگرتووە، لە كاتێكدایە نزیك بوینەتەوە لە وەرزی سەرما، حكومەتی هەرێمیش هەر جارە و بیانویەك دەهێنێتەوە بۆ دابیننەكردنی خزمەتگوزارییەكانی هاووڵاتییان.
خەڵك- بەمەستی ڕاوەدوونانی چەكدارانی داعش، هێزی پێشمەرگە لە پێنج قۆڵەوە ئۆپەراسیۆنی لە زنجیرە چیاكانی كفری و خورماتوو، دەستپێكرد. بەپێی زانیارییەكان، بەرەبەیانی ئەمڕۆ چوار شەممە 8/12/2021، هێزەكانی پێشمەرگە لە چەند قۆڵێكەوە ئۆپەراسیۆنێكی فراوانیان دژی چەكدارانی داعش لە ناوچەكانی نێوان زنجیرە چیاكانی كفری و خورماتوو دەستپێكرد. بەپێی زانیارییەكان، ناوچە كێشەلەسەرەكان بووەتە مۆڵگەی داعش و هەرچەندە پێشتر گورزی خۆیان دەوەشاند، بەڵام لەماوەی ڕابردوودا زۆرترین هێرشیان كردووە و دەیان شەهید و برینداریش لەنێو هاووڵاتیان و هێزەكانی پێشمەرگەدا بوونیان هەیە. هاوكات ئەمڕۆ وەزارەتی پێشمەرگە لە ڕاگەیەنراوێكدا ئاماژە بۆ ئەوە دەكات، لەمیحوەری گەرمەسێر هێزەكانی پێشمەرگە ئۆپەراسیۆنێكیان دەستپێكرد. وەزارەتی پێشمرگە ئاماژە بۆ ئەوە دەكات، ئەمڕۆ ٨ی١٢ی ٢٠٢١، لە هەردوو میحوەری یەكی گەرمەسێر و دووی قەرەتەپە، هێزەكانی پێشمەرگە بەمەبەستی دوورخستنەوەی مەترسییەكانی تیرۆریستانی داعش و لەناوبردنی مۆڵگەكانی تیرۆریستان، ئۆپەراسیۆنێكی كێوماڵكردنیان لەو ناوچانەدا ئەنجامدا، كە دەكەونە ناوچەی بایەخپێدراوی ئەمنی هاوبەش لەنێوان هێزەكانی پێشمەرگە و سوپای عێراقی. ئاشكراشیكرد، لەم ئۆپەراسیۆنەدا، لە میحوەری گەرمەسێرەوە هەریەك لە لیواكانی (٣ و ٥ ) پیادەو لە میحوەری دووی قەرەتەپەوە لیواكانی( ۱۷ و ۹) پیادەی سەر بە وەزارەتی پێشمەرگە، لەگەڵ چەند یەكەیەكی هێزەكانی ٧٠، بەشداریی تێدا دەكەن. ڕوونیشیكردەوە، ئەم ئۆپەراسیۆنە بەردەوام دەبێت تا بەتەواوەتی كیۆماڵی ناوچەكە دەكرێت، ئۆپەراسیۆنی هاوبەشی نێوان پێشمەرگەو سوپای عێراقیش، لەچوارچێوەی ئەو ڕێككەوتنانە دێت، كە پێشتر كراون.
خەڵك- نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 8-12-2021، بەشێوەیەك بووە كە نرخی‌ نەوتی برێنت بە 75 دۆلار و 27 سەنت لە بازاڕەكانی جیهان مامەڵەی پێوەكراوە. هاوكات نرخی بەرمیلێك نەوتی خاوی ئەمریكیش بە 71 دۆلار و 82 سەنت مامەڵەی پێوەكراوە.
خەڵك – بەڕێوەبەری فڕۆكەخانەی نێودەوڵەتی هەولێر سەبارەت بەداخستنی فڕۆكەخانەكەیان لە تۆڕەكۆمەڵایەتییەكان دەنگۆیەك بڵاودەكاتەوە، دەشڵێت، "هەر ئەمشەو فڕۆكەیەكی تایبەتی هێڵی ئاسمانی قەتەڕی لە فڕۆكەخانەكەیان نیشێتەوە". ئەحمەد وشیار، بەڕێوەبەری بەڕێوەبەری فڕۆكەخانەی نێودەوڵەتی هەولێر بە میدیاكانی (پارتی) ڕاگەیاند، هەر ئەمشەو فڕۆكەیەكی تایبەتی هێڵی ئاسمانی قەتەڕی لە فڕۆكەخانەكەیان نیشێتەوە . ڕاشیگەیاند، ئەو دەنگۆیانەی باس لەوە دەكەن، كە فڕۆكەخانەی نێودەوڵەتی هەولێر بەهۆی مەترسی هێرشكردنەوە داخراوە دوورە لە ڕاستیەوە.
خەڵك – بەرێوەبەرایەتی گشتی كەشناسی و بومەلەرزەزانی هەرێمی كوردستان پێشبینی دەكات سبەینێ ئاسمانی هەرێم بگۆڕێت بۆ هەوری تەواو و نمەباران ببارێت، هەروەها بەفر لە ناوچە شاخاوییەكانی حاجی ئۆمەران و پێنجوێن ببارێت و خێرایی با زیاد بكات . بەڕێوەبەرایەتیی كەشناسی و بومەلەرزەزانی هەرێم، لە ڕاگەیەندراوێكدا پێشبینی كردووە، سبەینێ چوارشەممە8ی12ی2021 ئاسمانی هەرێم لە نیمچە هەوروە دەگۆڕێت بۆ هەوری تەواو لە گەڵ دەستپێكردنی نمەباران و بارانی مامناوەند لە ناوچە شاخاوییەكانی باكوور و ناوەڕاستی هەرێم. دەقی ڕاگەیەنراوەكە: سبەی ڕۆژی چوار شەممە پێشبینی دەكرێ ئاسمانی هەرێم نیمچە هەور بێت پاشان دەگۆڕێت بۆ هەوری تەواو(سەرەتا لە ڕۆژئاواهەرێم)وە لە گەڵ دەست پێكردنی نمە باران و بارانی مام ناوەند لە ناوچە شاخاویەكانی باكور و ناوەڕاستی هەرێم هاوكات خێرایی با زیاد دەكات بۆ سەرووی 25 كلم/ك, (ئەگەری كەمێك هەورە تریشقەش هەیە) بەفریش لە ناوچە شاخاویەكانی باكور و حاجی ئۆمەران دەبارێت لە كاتەكانی دوای نیوەڕۆ و ئێوارەدا. هەروەها پێشبینی دەكرێ لە كاتەكانی شەو و دوای نیوە شەو باران بارین ناوچەكانی ڕاپەڕین و سلێمانی و هەڵەبجە و گەرمیانیش بگرێتەوە لە گەڵ بارینی كەمێك بەفر لە ناوچەشاخاویەكانی پێنجوێن و ڕاپەڕین كاریگەریەكەی تا بەیانی پێنج شەممە بە لاوازی دەمێنێتەوە. سبەی لە ڕاپۆرتی ڕۆژانەماندا لە تازەترین گۆڕانكاریەكانی كەش و هەوا ئاگادارتان دەكەینەوە. تێبینی :لە كاتی ئێستادا ئاسمانی باكور و ناوەڕاستی هەرێم داپۆشراوە بەهەور ئەگەری كەمێك دڵۆپە باران هەیە لە هەندێ ناوچە.
خەڵك – لیژنەی سووتەمەنی قائیمقامیەتی قەزای ناوەندی هەڵەبجە هاووڵاتیانی دانیشتووی شارەدێی خورماڵ ئاگاداردەكاتەوە نەوتی سپی لە ناوچەكەیان دابەش دەكرێت. لیژنەی سووتەمەنی قائیمقامیەتی قەزای ناوەندی هەڵەبجە لەڕاگەیەنراوێكدا بڵاویكردەوە هاووڵاتیانی شارەدێی خورماڵ ئاگاداری دەكەین ، كە سبەینێ شەممە ٥ / ١٢ / ٢٠٢١ نەوت دابەش دەكرێت بەسەر هاووڵاتیانی شارەدێیەكەدا. ئەمە لە كاتێكدایە ، دابەشكردنی نەوت لە تەواوی هەرێمی كوردستان بە سستی بەڕێوە دەچێت و نزیك دەبینەوە لە وەرزی زستان بەشێكی زۆری هاووڵاتیانی هەرێم نەوتیان وەرنەگرتووە .
خەڵك – فەرماندەی گشتی هێزەكانی سوریای دیموكرات جەخت لەپێویستی بەهێزكردنی پەیوەندی و هەماهەنگی ئەمنی و سەربازی بۆ بەرەنگاربونەوەی داعش دەكاتەوە و دەشڵێت،"یەكڕیزی نیشتمانی بووەتە پێویستییەكی ستراتیژی". مەزڵوم كۆبانێ، فەرماندەی گشتی هێزەكانی سوریای دیموكرات (هەسەدە) لەتویتێكدا لە هەژماری تایبەتی خۆی رایگەیاند، ئێمە بەنیگەرانییەكی زۆرەوە لەهێرشەكانی ڕێكخراوی تیرۆریستی داعش بۆ سەر هێزەكانی پێشمەرگە و هەرێم دەڕوانین، كە ماوەی چەند رۆژێكە هێرشەكان بۆ سەر سەنگەرەكانی پێشمەرگە دەستیپێكردوە. ڕاشیگەیاندووە، ڕێز لەو شەهیدانە دەگرین، كە لەكاتی هێرشەكانی داعشدا شەهیدبوون و جەخت لەپێویستی بەهێزكردنی پەیوەندی و هەماهەنگی ئەمنی و سەربازی بۆ بەرەنگاربونەوەی داعش دەكەینەوە و یەكڕیزی نیشتمانی بووەتە پێویستییەكی ستراتیژی. ئەمە لەكاتێكدایە، ماوەی چەند رۆژێكە هێرشەكانی داعش بۆ سەر هێزەكانی پێشمەرگە لە سنوری مەخمور و گەرمیان دەستیپێكردوەتەوە و زیاتر لە 20 پێشمەرگە و هاووڵاتی مەدەنی بەهۆی هێرشەكانەوە شەهیدبوون.
خەڵك – سێ مووشەك ئاڕاستەی پردێ كراوە و سەرجەمیان سنوری پێشمەرگەی تێپەڕاندووە و هیچیان ئامانجیان نەپێكاوە و تا ئێستا هیچ زانیارییەك لەبارەی زیانەكانی هێرشەكە نەزانراوە . كاتژمێر 7:20 خولی ئەمشەو لەڕێگەی سێ مووشەكەوە سەنگەرەكانی هێزی پێشمەرگە لە پردێ كرایە ئامانج و ئاڕاستەكەیان سنوری پێشمەرگەی تێپەڕاندووە و هیچیان ئامانجیان نەپێكا. بە پێی زانیارییەكان، تا ئێستا سەرچاوەی سێ مووشەكەكان و زیانەكانی نەزانراوە و تەنها ئەوە زانراوە، كاتیۆشاكان لە نزیك گوندی گرتگە كەوتووەتە خوارەوە و یەكێكی دیكەشیان لە رۆژئاوای شێراوە.
خەڵك- فەرماندەیی پۆلیسی فیدراڵ، دۆزینەوەی بڕێكى زۆر تەقەمەنی لە حەشارگەیەكی پاشماوەی چەكدارانی داعش لە پارێزگای كەركوك، ڕادەگەیەنێت. بەپێی بەیاننامەیەك كە لەلایەن فەرماندەیی پۆلیسی فیدراڵەوە بڵاوكرایەوە"بە پشتبەستن بە زانیاریی هەواڵكریی ورد، هێزەكانی فیرقەی پێنجی پۆلیسی فیدراڵ و بە هەماهەنگی لەگەڵ بارەگای پێشكەوتووی ئۆپەراسیۆنە هاوبەشەكان لە كەركوك و بە بەشداریی مەفرەزەیەكی ئاژانسی هەواڵگری و لێكۆڵینەوە فیدراڵییەكان لە وەزارەتی ناوخۆ، توانرا ئۆپەراسیۆنێكی ئەمنی لە وادی شای لە كەركوك ئەنجام بدرێت و لە ئاكامدا بڕێكی زۆر تەقەمەنی و دوو حەشارگەی داعش دۆزرانەوە". هەر لە بەیاننامەكەدا هاتووە"دوو حەشارگەكە بە كەلوپەلەكانی ناویانەوە لەلایەن مەفرەزەكانی ئەندازیاریی كە لە ئۆپەراسیۆنەكەدا بەشداربوون، خاپوركران".

بڕی باران بارین لە ناوچەكانی هەرێمی كوردستان

بڕی باران بارین لە ناوچەكانی هەرێمی كوردستان

سەرهەنگ خالید

كانونی یه‌كه‌م 2, 2021

خەڵك- بەرێوەبەرایەتی گشتی كەشناسی و بومەلەرزەزانی هەرێمی…

شەپۆلێكی باران و بەفر و سەرما هەرێم دەگرێتەوە

شەپۆلێكی باران و بەفر و سەرما هەرێم دەگرێتەوە

ئومێد سیوەیلی

تشرینی دووه‌م 27, 2021

خەڵك- شارەزایەكی بواری كەشناسی زانیاری دەربارەی ھاتنی…

بارانێكی بەلێزمە هەرێم دەگرێتەوە و لافاو دروست دەبێت

بارانێكی بەلێزمە هەرێم دەگرێتەوە و لافاو دروست دەبێت

ئومێد سیوەیلی

تشرینی دووه‌م 21, 2021

خەڵك- شەپۆلێكی بارانی بەلێزمە چەند شار و شارۆچكەیەكی هەرێمی…

مەترسییەكانی چاندنی كشتوكاڵ ڕوو لە هەرێمی كوردستان دەكات

مەترسییەكانی چاندنی كشتوكاڵ ڕوو لە هەرێمی كوردستان دەكات

سەرهەنگ خالید

تشرینی دووه‌م 20, 2021

خەڵك- جێگری سەرۆكی لیژنەی كشتوكاڵ و ئاودێری لە پەڕلەمانی…

ئەمڕۆ بەفر و باران ئەم ناوچانەی هەرێم دەگرێتەوە

ئەمڕۆ بەفر و باران ئەم ناوچانەی هەرێم دەگرێتەوە

ئومێد سیوەیلی

تشرینی دووه‌م 20, 2021

خەڵك- بەپێی ڕاپۆرتە كەشناسییەكان، لەمڕۆوە كاریگەری نزمە…

كەشناسی هەرێم: سبەینێ‌ بەفر دەبارێت

كەشناسی هەرێم: سبەینێ‌ بەفر دەبارێت

کارزان جەرجیس

تشرینی دووه‌م 19, 2021

خەڵك بەڕێوەبەرایەتی گشتی كەشناسی و بومەلەرزەزانی هەرێمی…

دوو شەپۆلی بارانبارین و ھەورەتریشقە هەرێم دەگرنەوە

دوو شەپۆلی بارانبارین و ھەورەتریشقە هەرێم دەگرنەوە

ئومێد سیوەیلی

تشرینی دووه‌م 19, 2021

خەڵك- بەپێی ڕاپۆرتە كەشناسییەكان، شەپۆلێكی باران و هەورەتریشقە…

بڕی باران بارین لە ناوچەكانی هەرێمی كوردستان

بڕی باران بارین لە ناوچەكانی هەرێمی كوردستان

سەرهەنگ خالید

تشرینی دووه‌م 17, 2021

خەڵك- بەرێوەبەرایەتی گشتی كەشناسی و بومەلەرزەزانی هەرێمی…

باران بارین ناوچەكانی هەرێم دەگرێتەوە

باران بارین ناوچەكانی هەرێم دەگرێتەوە

ئومێد سیوەیلی

تشرینی دووه‌م 14, 2021

خەڵك- شارەزایەكی بواری كەشناسی، پێشبینی ئەوە دەكات، كە…

بڕی باران بارین لە ناوچەكانی هەرێمی كوردستان

بڕی باران بارین لە ناوچەكانی هەرێمی كوردستان

سەرهەنگ خالید

تشرینی دووه‌م 13, 2021

خەڵك- بەرێوەبەرایەتی گشتی كەشناسی و بومەلەرزەزانی هەرێمی…