“ڕەشنووسی پڕۆژە یاسای بودجەی ٢٠٢٢ی عیراق ئامادەیە”
خەڵك ڕاوێژكاری دارایی سەرۆك وەزیرانی عیراق ئاشكرایدەكات:…
زیاترسەردێر
-
خەڵك وتەبێژی یەپەگە رایگەیاند، مەترسیی هەیە ڕێككەوتنێك هاوشێوەی عەفرین بكرێت، بەڵام ئەوان بەهیچ شێوەیەك هێرشیان نەكردووە و لە هەر جۆرە هێرشێكیش مافی خۆپاراستنی ڕەوا بەكاردەهێنن. نوری مەحمود وتەبێژی یەكینەكانی پاراستنی گەل (یەپەگە) بە ئاژانسی ڕۆژنیوزی ڕاگەیاند، دەوڵەتی توركیا بەتەنها لە ئازەربایجان و عێراق و لیبیا نەوەستاوە، بەڵكو دەیەوێت سنووری توركیا تێپەڕێنێت و سەڵتەنەیەك بنیات بنێت. وتیشی: لە ناوخۆی توركیا چەندین قەیران هەیە، ئۆپۆزسیۆنی توركیا و گەلی توركیا بە گشتیی دەیانەوێت سیستەم بگۆڕن، بۆیە بۆ ئەوەی ئەردۆغان لەسەر پێ بمێنێتەوە تەنها سیاسەتی شەڕ پەیڕەو دەكات. نوری مەحمود، وتی: مەترسییەك هەیە كە ئەردۆغان دۆخێكی شەڕ ڕابگەیەنێت تاوەكو دۆخێكی نائاسایی لەناوخۆی توركیاش ڕابگەیەنێت، بۆیە لەدەرەوەی شەڕ شتێك لەدەستی دەسەڵاتی ئەردۆغان نەماوە. لەبارەی هەڵوێستی حكومەتی سوریاش لەبەرامبەر هەڕەشەكانی ئەردۆغان و دەوڵەتی توركیا، وتەبێژی یەپەگە ڕوونیكردەوە، كە حكومەتی دیمەشق لەبەرامبەر ئەم بەرپرسیارییەتەدا نییە، چونكە ناتوانێت بڕیارێكی سەربەرخۆ بدات و نایەوێت چارەسەریی بۆ دۆخی سوریا فەراهەم بێت، هاوكات حكومەتی سوریا لەژێر كاریگەری بەرژەوەندی ڕوسیا و ئێران مامەڵە دەكات. بە وتەی نوری مەحمود، ڕوسیا هەنگاوێكی بەرچاوی بۆ دۆخی سوریا نەناوە، بەر لە بەرژەوەندیی گەلی سوریا، بەرژەوەندیی خۆی لەبەرچاو دەگرێت، مەترسیی و پێشبینی ئەوەش دەكرێت هاوشێوەی عەفرین ڕێككەوتنێك بكرێت. وتەبێژی یەپەگە، ڕوونیشیكردەوە”لە ماوەی نزیكەی ١٠ی ساڵی شۆڕشی ڕۆژئاوای كوردستان، لە هەر هێرشێك لە چوارچێوەی مافی خۆپاراستنی ڕەوا بەكاردەهێنین و هیچ كاتێك هێرشمان بۆسەر هیچ لایەنێك نەكردووە، هیچ كاتێكیش داگیركەریی، چەتە و داعش و قاعیدە و پاشماوەكانی تیرۆر قبوڵ ناكەین”.
-
خەڵك- محەممەدی كوڕی عەبدوڵڵا كوڕی عەبدولموتەلیب، لەدایكبووە لە مەككە لە مانگی ڕەبیعولئەولی ساڵی فیل، بەرامبەر ساڵی ٥٧٠ یان ٥٧١ی زایینی، پێش ئەوەی لەدایك بێت باوكی كۆچی دواییی كردووە و هەر لە مناڵیشدا دایكی لەدەست دەدات، پەروەردە دەبێت لای عەبدولموتەڵیب كوڕی هاشم باپیرەی پاشان لای ئەبو تاڵیب كوڕی عەبدولموتەڵیب مامی، لەو ماوەیەدا خەریكی شوانی دەبێت، پاشان بازرگانی دەكات، لە تەمەنی ٢٥ ساڵیدا ژیانی هاوسەری پێكهێناوە لەگەڵ خەدیجە كچی خووەیلید، كە دایكی هەموو مناڵەكانی بووە بێجگە لە ئیبراهیم. لەدایكبوونی پێغەمبەری ئیسلام محەممەد لە ماڵی باوكی لە شاری مەككە لە دایكبووە لە ڕۆژی دووشەممە، ١٢ی ڕەبیعولئەوەلی ساڵی فیل، بەرامبەر ٢٠ یان ٢٢ی نیسانی ساڵی ٥٧١ یان ٥٧٠ی زایینی. هاوسەرگیری لەگەڵ خەدیجە خەدیجە كچی خووەیلید، ژنێكی بازرگانی شاری مەككە بوو، ڕێزلێگیراو و خاوەنی پارە و سامان بوو، كچی خوەیلدی كوڕی ئەسەدی كوری عبدالعزی كوڕی قصی بوو، خەدیجە پێش ئەوەی شوو بە پێغەمبەر بكات دوو شووی دیكەی كردبوو، سەرچاوە مێژووییەكان ئاماژە بەوەدەكەن لەناو خانەوادەكەی شكۆمەند و خاوەن پلە و پایە بووە سەروەت و سامانی خۆی هەبوو، كاتێك هەواڵی دەستپاكی محەممەدی پێگەیشت، ناردی بە شوێنیداو پێشنیاری خستەبەردەمی كە بەشداری بكات لە بازرگانییەكەیدا بۆ شام، محەممەد ڕازی بوو، لە گەشتەكەیدا خزمەتكارێكی لەگەڵ بوو بەناوی مەیسەرە، كاتێك گەشتنە شام لە بازاڕی بوسڕا لەژێر سێبەری دارێك دانیشت كە لە نزیك سەومەعەی ڕ‌اهیبێك بوو بەناوی نەستوڕا، ڕاهیبەكە بە مەیسەرەی ووت"تەنیا پێغەمبەران لەژێر سێبەری ئەم دارەدا دانیشتوون"، مەیسەرە كاتێك گەرما بەتین دەبوو دەیبینی دوو فریشتە سێبەر بۆ پێغەمبەر و حوشترەكەی دەكەن، كاتێك گەڕایەوە بۆ مەككە قازانجێكی زۆری كردبوو دوو ئەوەندەی جارانی پێشوو، مەیسەرەی خزمەتكاریش ئەو شتانەی بۆ خەدیجە گێڕایەوە كە بەسەریان هاتووە، بۆیە لە دوای گەڕانەوەكەی لە شام خەدیجە پێشنیاری هاوسەرگیری خستە بەردەمی لەڕێی نەفیسە كچی مەنییە، محەممەدیش ڕازی بوو و خەدیجەی خواست كاتێك لە تەمەنی ٢٥ ساڵیدا بوو خەدیجە لە تەمەنی ٤٠ ساڵیدا بووە. خەدیجە دایكی هەموو منداڵەكانی بوو بێجگە لە ئیبراهیم كە دایكی ئەو ماریە قیبتی بوو، مناڵەكانی تری قاسم و عەبدوڵڵا و زەینەب و ئوم كەلسوم و فاتمە بوون. قاسم و عەبدولڵا لە سەردەمی نەفامیدا مردن، بەڵام هەموو كچەكانی موسڵمان بوون و لەگەڵیدا كۆچیان كرد بۆ مەدینە، بەڵام هەموویان هێشتا پێغەمبەر لە ژیاندا بوو مردن بێجگە لە فاتیمە. سەرەتای بانگەوازی موسڵمانان لەو باوەڕەدان كە محەممەد نێردراوە بۆ هەموو مرۆڤایەتی و لەدوای هاتنەخوارەوەی ئایەتەكانی سورەتی مودەسیر، دەستیكرد بە بانگكردنی خەڵك بۆ ئیسلام لە گەورە و بچوك و سەربەست و بەندە و پیاوان و ژنان و یەكەم كەس كە باوەڕی پێهێنا بەپێی گێڕانەوەكانی سوننە خەدیجە كچی خووەیلیدی خێزانی و عەلی كوڕی ئەبوتالیبی ئامۆزای بوو و بە موسڵمان بوونی ئەبوبەكر ئیسلام دەركەوت لە مەككە، یەكەم كەس بوو كە ئیسلامبوونی خۆی دەرخست و دەستیكرد بە بانگكردنی هۆز و نزیكەكانی بۆ ئیسلام و ئەوانەی بە بانگەوازی ئەبوبەكر ئیسلام بوون، عوسمان كوڕی عەفان و عەبدول ڕەحمان كوڕی عەوف و تەڵحە كوڕی عوبەیدوڵڵا و زوبێر كوڕی عەوام و سەعد كوڕی ئەبی وەقاس بوون. پێغەمبەر لە سەرەتادا سێ ساڵ بە نهێنی بانگەوازی كرد و لە یەكەمینی ئەو حوكمانەی هاتنەخوارەوە فەرمانكردن بوو بە نوێژكردن، كاتێك ژمارەیان گەیشتە چل كەس، فەرمان كرا بە محەممەد بە ئاشكرا بانگەواز ڕابگەیەنێت. بانگەواز بە ئاشكرا دوای سێ ساڵ بانگەوازی نهێنی، محەممەد دەستیكرد بە ئاشكراكردنی بانگەواز دوای ئەوەی لەلایەن خواوە فەرمانی پێكرا، لەگەڵ…
-
خەڵك- وەزارەتی تەندروستی حكومەتی هەرێمی كوردستان ڕایدەگەیەنێت، بە مەبەستی بەدواداچوون بۆ بەرزبوونەوەی ڕێژەی تووشبووانی كۆرۆنا گەیشتنە ڕاپەڕین. وەزارەتی تەندروستی هەرێم لە ڕاگەیەنراوێكدا ئاماژە بۆ ئەوە دەكات، بەیان ئەمڕۆ وەزیری تەندروستی سەردانی ئیدارەی ڕاپەڕینی كردووە بە مەبەستی بەدواداچوونی نەخۆشانی كۆرۆنا لە نەخۆشخانەی ژیان و دابینكردنی پێداویستیەكانیان. بەڕێوەبەرایەتی گشتی تەندروستی ڕاپەڕینیش لە ڕاگەیەنراوێكدا ئاماژە بۆ ئەوە دەكات، بەهۆی بەردەوامی بەرزبوونەوەی ڕێژەی توشبوانی كۆرۆنا لەسنووری ئیدارەی ڕاپەڕین و نەمانی شوێنی بەتاڵ بۆ داخڵكردنی نەخۆشانی كۆرۆنا لەنەخۆشخانەی ژیان و سەنتەرێ كۆرۆنا لەقەڵادزێ، بەڕێوەبەرایەتی گشتی تەندروستی ڕاپەڕین هۆشداری دەداتە هاووڵاتیان و چەند بڕیارێك دەردەكات. ئاشكراشیكدەكات، سەردانی نەخۆش بۆ هاووڵاتیان بەهەموو شێوەیەك قەدەغەیە و نەخۆش تەنها یەك هاوەڵی لەگەڵ دەبێت و ڕێگە تەنها بەیەك كەس دەدرێت بۆ داخڵبون لەگەڵ نەخۆش لەناو نەخۆشخانەدا. جەختلەوەش دەكاتەوە، پێویستە هەموو ئەوانەی داخڵی ناو ناوەندە تەندروستیەكان دەبن پابەندی بەكارهێنانی پێداویستیە خۆپارێزیەكانبن.
-
خەڵك بڕیارە ئەمڕۆ دوو شەممە شاندێكی پارتی دیموكراتی كوردستان لەسەر ئاستی باڵا بە سەرۆكایەتی فازیڵ میرانی سكرتێری مەكتەبی سیاسیی حیزبەكە، سەردانی سلێمانی بكات. بەپێی زانیارییەكان شاندە باڵاكەی پارتی دیموكراتی كوردستان سەردانی یەكێتیی نیشتمانیی كوردستان و بزووتنەوەی گۆڕان و حیزبی سۆسیالیست دیموكراتی كوردستان دەكات. شاندی پارتی لە میانەی كۆبوونەوەی لەگەڵ ئەو حیزبانەدا تاووتوێی هەڵبژاردنەكان و بەرنامەی حیزبە كوردستانییەكان بۆ چوونە بەغدا و بەشداریكردن لە كابینەی داهاتووی حكومەتی عێراق دەكات. پارتی دیموكراتی كوردستان 32 كورسی پەرلەمانی لە هەڵبژاردنەكانی 10ی ئۆكتۆبەر هێناوە و یەكێكە لەلایەنە گەورە و سەرەكییەكانی پێكهێنەری كابینەی داهاتوو. پۆستی سەرۆك كۆمار چاوەڕێدەكرێت ببێتەوە بابەتی ناكۆكی لەسەر لە نێوان یەكێتیی و پارتییدا، بەوپێیەی پارتی وەك یەكەم براوەی هەڵبژاردنەكان لە هەرێم خۆی بە خاوەنی ئەو پۆستە دەزانێت و یەكێتیش بەپێی رابردوو خۆی بە مافی خۆی دەزانێت، ئەمە لە كاتێكدا لە خولی پێشوودا ئەم بابەتە بووە جێی ناكۆكی بە دەنگدانی پەرلەمان لە بەرژەوەندیی یەكێتیی یەكلاییكرایەوە.
-
خەڵك- نرخی نەوت لەبازاڕەكانی جیهان بەراورد بە ڕۆژانی ڕابردوو بەرز بووەتەوە. ئاژانسەكانی جیهان بڵاویانكردەوە، نرخی نەوت بۆ ئەمڕۆ دوو شەممە، 18-10-2021، بەشێوەیەك بووە كە نرخی نەوتی برێنت بە 85 دۆلار و 80 سەنت لە بازاڕەكانی جیهان مامەڵەی پێوەكراوە. هاوكات نرخی بەرمیلێك نەوتی خاوی ئەمریكیش بە 83 دۆلار و 53 سەنت مامەڵەی پێوەكراوە.
-
خەڵك بەڕێوەبەری تەندروستی ڕاپەڕین ڕایدەگەیەنێت، ڕۆژ بە ڕۆژ ژمارەی تووشبووانی كۆرۆنا بەرزدەبێتەوە و لە دۆخێكی زۆر مەترسیدارداین. لەبەرامبەردا بەڕێوەبەرایەتی گشتی تەندروستی سلێمانی ڕایدەگەیەنێت، لە ئێستادا لە ڕێگای ئەمبوڵانسەوە نەخۆشانی كۆرۆنا لە نەخۆشخانەكانی سەر بە بەڕێوەبەرایەتی گشتی تەندروستی ڕاپەین دەگوازرێنەوە و ڕەوانەی شاری سلێمانی دەكرێن. ڕۆژی یەكشەممە 17-10-2021 دكتۆر دیار ئیبراهیم، بەڕێوەبەری گشتی تەندروستی ڕاپەڕین لە كۆنفڕانسێكی ڕۆژنامەوانیدا ڕایگەیاند، دۆخی تووشبووانی كۆرۆنا لە نەخۆشخانەكانی تایبەت بە كۆرۆنا خراپتر دەبێت و ژمارەی مردن و تووشبوونیش ڕۆژ بە ڕۆژ زیاتر دەبێت. بەپێی ڕاگەیەنراوێكی تەندروستی ڕاپەڕین تەنیا ڕۆژی یەكشەممە شەش كەس بە كۆرۆنا گیانیان لەدەستداوە. بەڕێوەبەری گشتی تەندروستی ڕاپەڕین دەشڵێت، داوا لە سەرۆكایەتی ئەنجومەنی وەزیران دەكەین بەپەلە هاوكارییەكان بگەیەنێتە هەردوو نەخۆشخانەی ژیان و نەخۆشخانەی قەڵادزێ كە تایبەتن بە تووشبووانی كۆرۆنا. دكتۆر دیار ئیبراهیم داوا لە هاووڵاتیان دەكات پێكوتەی كۆرۆنا وەربگرن و ئەگەر دۆخەكە بەمشێوەیە بێت "ناچارن لە كۆبوونەوەی ڕۆژی سێشەممەی داهاتوو پێشنیازبكەین هەڵمەتێكی خۆپارێزی ڕابگەیەنرێت، هەروەها داخستنی شوێنە گشتییەكان و هۆڵی بۆنە و ئاهەنگەكان و ڕاگرتنی دەوام لە پلاندا دەبێت." بەڕێوەبەری گشتی تەندروستی ڕاپەڕین ئەوەشی خستەڕوو "داوای قەدەغەی هاتووچۆ دەكەین لە شەشی بەیانی بۆ شەشی ئێوارە، هەروەها داوای كەرەنتینی گشتی دەكەین بۆ ئەوەی ژمارەی تووشبووان لەوە زیاتر نەبێت." هەر ئەمڕۆ یەكشەممە تەندروستی ڕاپەڕین هۆشدارییەكی توندی دایە هاووڵاتیانی سنووری ئیدارەی ڕاپەڕین "بەهۆی بەردەوامی بەرزبوونەوەی ڕێژەی تووشبووانی كۆرۆنا لە سنووری ئیدارەی ڕاپەڕین و نەمانی شوێنی بەتاڵ بۆ داخڵكردنی نەخۆشانی كۆرۆنا لە نەخۆشخانەی ژیان و سەنتەری كۆرۆنا لە قەڵادزێ". دوابەدوای داواكارییەكەی تەندروستی ڕاپەڕین، بەڕێوەبەرایەتی گشتی تەندروستی سلێمانی ڕایگەیاند، دوای ئەنجامدانی پەیوەندییەكی تەلەفۆنی لەگەڵ بەڕێوەبەری گشتی تەندروستی ڕاپەڕین د.سەباح نەسرەدین بەڕێوەبەری گشتی تەندروستی سلێمانی سەرجەم ئەمبوڵانسەكانی سەنتەری خێرای ۱۲۲ی سلێمانی و نەخۆشخانەكانی شاری سلێمانی خستە حاڵەتی ئامادەباشییەوە بۆ پاڵپشت و پشتیوانی و هاوكاری و گواستنەوەی نەخۆشانی كۆرۆنا دۆخی تەندروستی تووشبوان و شوێنی مانەوەی نەخۆش لە دەڤەری ڕاپەڕین و نەخۆشخانەكانی لە حاڵەتێكی خراپدایە. بەڕێوەبەرایەتی گشتی تەندروستی سلێمانی ئاماژەی بەوەشداوە، لە ئێستادا لە ڕێگای ئەمبوڵانسەوە نەخۆشانی كۆرۆنا لە نەخۆشخانەكانی سەر بە بەڕێوبەرایەتی گشتی تەندروستی ڕاپەین دەگوازرێنەوە و ڕەوانەی شاری سلێمانی دەكرێن.
-
خەڵك بەڕێوەبەری سەنتەری فریاكەوتنی چەمچەماڵ ڕایدەگەیەنێت، بەهۆی ڕووداوێكی هاتووچۆ لەسەر ڕێگای چەمچەماڵ ــ سەنگاو پێنج بریندار گەیەنرایە سەنتەری فریاكەوتنی چەمچەماڵ. هەڵكەوت حەمە نەجم، بەڕێوەبەری سەنتەری فریاكەوتنی چەمچەماڵ ڕایگەیاند، دوای نیوەڕۆی ئەمڕۆ یەك شەممە 17/10/2021 پێنج بریندار گەیەنرایە سەنتەری فریاكەوتنی چەمچەماڵ ، كە لەسەر ڕێگای چەمچەماڵ ـ شارەدێی سەنگاو نزیك گوندی قەرەتامۆر تووشی ڕووداوی هاتووچۆ بوون. بەڕێوەبەری سەنتەری فریاكەوتنی چەمچەماڵ ئەوەشی خستەڕوو، بەهۆی سەختی برینەكەیەوە یەكێكیان كە مێردمنداڵێكی تەمەن 13ساڵ بوو ڕەوانەی نەخۆشخانەی شار كرا لە سلێمانی و ئەوانی تر لەژێر چاودێریدان.
-
له هه‌رێمی كوردستان كه سیستمی بانقی زۆر لاوازه، زۆرێكمان پاره‌كانمان له ماڵه‌وه هه‌ڵده‌گرین، به‌ڵام زۆركات بۆ ئه‌و كاره پشت به‌رێگای هه‌ڵه ده‌به‌ستین كه گه‌ر دز هاته سه‌ر ماڵه‌كه‌ت به ئاسانی ده‌یدۆزێته‌وه، له دیارترین ئه‌و شوێنه هه‌ڵانه‌ش: -ژێر نوێنه‌كان -ئه‌مه ڕێگایه‌كی زۆر كۆن و كلاسیكیه‌و ئێستا دزه‌كان یه‌كه‌مجار ئه‌و شوێنه ده‌گه‌ڕێن. -عه‌لاگه و پاكه‌ت -زۆرجار دزه‌كان به‌بێ هۆ ئه‌م كه‌ره‌ستانه له‌گه‌ڵ خۆیان ده‌به‌ن و دواتر ناوه‌كه‌ی ده‌پشكنن، پێویستناكات سوپرایزی دڵخۆشكه‌ریان بۆ ئه‌نجام بده‌یت. -جانتاو جزدانی كۆن -ته‌نانه‌ت گه‌ر به‌كاریشیان نه‌هێنیت ئه‌وه مانای ئه‌وه نیه كه شوێنێكی باش بێت بۆ هه‌ڵگرتنی پاره‌كانت. -سه‌به‌ته‌ی جلوبه‌رگه پیسه‌كان -ڕه‌نگه لات وابێت كه‌س ده‌ست له‌م سه‌به‌ته‌یه نادات و شوێنێكی پارێزراوه بۆ پاره‌كانت، له كاتێكدا ئه‌وه هه‌ڵه‌یه‌و زۆربه‌ی جار دزه‌كان بۆ هه‌ڵگرتنی كه‌ره‌سته‌كان به‌كاری ده‌هێنن. -پشت وێنه -ئه‌م شوێنه‌ش لای دزه‌كان ئاشكرایه‌و زیانیشت پێده‌گه‌یه‌نێت به‌و پێیه‌ی هه‌م پاره‌كه‌ت ده‌ڕوات هه‌م وێنه‌كان -قاسه جوڵاوه‌كان -ئه‌و قاسانه‌ی كه جێگیر نین و دزه‌كان ده‌توانن له‌گه‌ل خۆیا بیبه‌ن شوێنێكی باش و گونجاو نیه بۆ شاردنه‌وه‌ی پاره‌كانت. -ناو كه‌نتۆر -ئه‌م شوێنه‌ش به‌هه‌مان شێوه لای دزه‌كان ئاشكرایه‌و بۆی ده‌گه‌رێن. -ناو باخچه‌ی ماڵه‌كه‌ت -ڕه‌نگه به‌هۆی گۆڕانكاریه‌كانی خاكه‌وه له‌ناوبچێت یاخود بۆت نه‌دۆزرێته‌وه.
-
خەڵك وتەبێژی وەزارەتی نەوتی عێراق پێشوازی لە بەرزبوونەوەی نرخی نەوت دەكات، بەڵام پێیوایە سەقامگیریی لە نرخدا لە هەموو شت گرنگترە. عاسم جیهاد، وتەبێژی وەزارەتی نەوتی عیراق ڕۆژی یەكشەممە 17-10-2021 ڕایگەیاند، بەرزبوونەوەی نرخی بەرمیلێك نەوت بۆ سەروو 80 دۆلار "ئاماژەیەكی ئەرێنییە"، بەڵام سەقامگیریی نرخ لە هەموو شت گرنگترە. وتەبێژی وەزارەتی نەوتی عیراق ئاماژەی بەوەش كرد، عیراق پابەندی ڕێككەوتنی تایبەت بە بڕی بەرهەمهێنانی نەوتی ئۆپێك پڵەسە و وتیشی، ڕاستە نرخی نەوت بەرزبووەتەوە، بەڵام لەنێونەبردنی ڤایرۆسی كۆرۆنا وایكردووە، ئاستەنگی جددی لەبەردەم بازاڕی وزەی جیهاندا بمێننەوە. ئەو وتەیەی عاسم جیهاد لە كاتێكدایە، ڕۆژی هەینی 15-10-2021 نرخی نەوت گەیشتە بەرزترین ئاستی لە ماوەی سێ ساڵی ڕابردوودا و نرخی نەوتی برێنت بە ڕێژەی 1% بەرزبووەوە و هەر بەرمیلێك بە 84 دۆلار و 86 سەنت مامەڵەی پێوەكرا. هاوكات نرخی نەوتی سووكی تێكساسی ئەمریكاش نزیكەی 1 دۆلار بەرزبووەوە و هەر بەرمیلێك بە 82 دۆلار و 28 سەنت مامەڵەی پێوەكرا.
-
خەڵك وەزارەتی تەندروستی و ژینگەی عیراق بڕیاریداوە، خزمەتگوزاری تەندورستی بۆ كەسانی بەتەمەن بكاتە خۆڕایی. بەپێی نووسراوێكی وەزارەتی تەندروستی و ژینگەی عیراق كە واژۆی دكتۆر زامل عورێبی بەڕێوەبەری گشتی وەزارەتەكەی لەسەرە، تێیدا هاتووە دوای ڕەزامەندی وەزیری تەندروستی، بڕ‌یاردرا كرێی سەردانیكردن و پێشكەشكردنی خزمەتگوزاری تەندروستی بۆ هاووڵاتیانی سەرووی تەمەن 60 ساڵ لەسەرجەم ناوەندەكانی چاودێری تەندروستی و نۆڕینگەی نەخۆشخانەكان بكرێتە خۆڕایی و هیچ بڕ‌ە پارەیەكیان لێوەرنەگیرێت. نووسراوەكە ئاڕاستەی سەرجەم ناوەندە تەندروستییەكانی پارێزگاكانی عیراق كراوە و ئەوەشخراوەتەڕ‌وو، بڕ‌یارەكە لەڕۆژی دەرچوونییەوە جێبەجێ دەكرێت.
