بوومەلەرزە لە ئێزمیری دا
خەڵك- 2 بوومەلەرزە بە گوڕی 5.1 و 4.8 پلەی رێختەر لە شاری كەناراوی…
زیاترسەردێر
-
خەڵك- بەڕێوەبەرایەتی هاتووچۆی سلێمانی ئاشكرای دەكات، كە لە لۆفەكانی پێش تونێلی دەربەندیخان بارهەڵگرێك وەرگەڕا و بەهۆیەوە شۆفێرەكەی بریندار بوو. ڕادیۆی (ترافیك ئێف ئێم)ی هاتووچۆی سلێمانی بڵاویكردەوە، دوانیوەڕۆی ئەمڕۆ ئۆتۆمبێلێكی بارھەڵگر لەلۆفەكانی پێش تونێلی دەربەندیخان بەھۆی تیژڕەویەوە كۆنتڕۆلی لەدەستداوە و وەرگەڕاوە. ڕاشیگەیاندووە، بەهۆی ڕووداوەكەوە شۆفێرەكەی بەسووكی بریندار بووە.
-
خەڵک شوێنی مێژوویی تاقەوسان لە داوێنی کێوێکە هەربەو ناوە لە باکووری ڕۆژهەڵاتی پەراوێزی ئێستای شاری کرماشان هەڵکەوتووە. تاقەوسان لە ڕابردوودا ناوی گوندێک لە نۆ کیلۆمتری شاری کرماشان بووە بە تێپەڕینی کات و گەورە بوونی شاری کرماشان، ئەو گوندەش بووە بەشێک لە شارەکە کە ئێستا کەوتووەتە باکووری ڕۆژهەڵاتی کرماشانەوە. ئاسەواری مێژوویی کرماشان لە داوێنی کێوەکە و لە پاڵ دەریاچەیەکدایە کە بە دەریاچەی تاقەوسان دەناسرێت، لە رابردوودا ئەو شوێنە لەبەر کەشوهەوای لەبار و سروشتییەوە، شوێنێک بووە بۆ سەیران و ڕاوی شاکانی ساسانی بووە و نەخشە هەڵکۆڵدراوەکانیش هەر باس لە ئەو بابەتە دەکەن. بە درێژایی مێژوو، پادشاکان تێدەکۆشین تا بە بەکارهێنانی هونەر، شکۆ و گەورەییان نەک هەر بۆ خەڵکی خۆیان، بەڵکوو بۆ هەموو مێژووی مرۆڤایەتی بهێڵنەوە و نیشانی بدەن، یەکێک لە ڕێگاکانی نیشان دانی دەسەڵات و گەوەریی پادشاکانیش، هەڵکۆڵینی شێوەی خۆیان لەسەر تاشەبەردەکان، کێوەکان و دروست کردنی نەخشی بەرجستەی ڕووداوە گرینگەکان بووە. مێژوونووسەکان ناوی جیاوازیان لەسەر ئەو شوێنە مێژووییە داناوە ، لەوانە یاقەتی حەموودی وتوویە قەسری شیرین، حەمدوڵڵا مستەوفی ناوی تاقی بەستامی لەسەر ناوە، بەڵام خەڵکی خۆجەیی کرماشان خۆیان بە تاقوەسان ناوی لێدەبەن واتا "میچێک لە بەرد" . تاقەوسان بریتییە لە دوو تاقی لێک لکاو لە بەردی خاوی ڕەنگی خۆڵەمێشی کە لە کێوەکە هەڵکۆڵدراوە، لە ڕاستیدا تایبەتمەندی بەرچاوی ئەو بەردگەلە ئەوەیە کە گژوگیا تێیدا شین نابێت، ئەو کۆمەڵە لە سێ بەشی سەرەکی و گرنگ پێک هاتووە، کە بریتین لە: 1.بەردی تاجدانەری ئەردەشێری دووهەم کە مێژووەکەی دەگەڕێتەوە بۆ 380- 383 ی زایینی 2. تاقی گەورە ناسراو بە هێوانی گەورە کە دەگەڕێتەوە بۆ سەردەمی پادشایەتی خەسرەو پەرویز و ساڵەکانی 628- 590 ی زایینی. 3. تاقی بچووک ناسراو بە هێوانی بچووک کە وێنەی بەرجستەی شاپووری سێهەم لە ساڵەکانی 383- 380 ی زایینی لەسەرە. هەموو نەخش و وێنەکانی سەر بەردەکانی تاقەوسان بە وردی و جوانییەکی هونەرمەندانە کێشراون بە جۆرێک کە دەڵێی وێنەکە گیراوە و بە دەست نەکێشراوە. تاقی گەورەی تاقەوسان تاقی گەورە وێنەی داتاشراو جوانی لەسەرە کە لە چەند بەش پێکهاتووە، ئەو وێنە داتاشراوانە پاناییەکەیان 7.5 مەتر، بەرزاییەکەی زیاتر لە 11 مەتر و قووڵاییەکەی نزیک بە 7.5 مەتر دەبێت. لە بەشی چوونە ژوورەوەی تاقەکە، بەردە داتاشراوی جوان بە وێنەی فریشتەی باڵدار، داری ژیان، ڕاوی پەلەوەر و خوو، ڕاوی ماسی، سەر ئاژەڵگەلێک وکوو فیل و ئەسپ کێشراوە. هەر لە تاقی گەورە و لە لایەک لە وێنە داتاشراوەکە وێنەی شا دەردەکەوێت کە سوارە لەسەر ئەسپێک خەریکی ڕاوی کەڵەکێویە و بە وردەکارییەکی تایبەت و جوان کێشراوە، هەروەها سێ ڕیزن ژن بەچاو دەبینرێت کە دوو ڕیزیان بە حالەتی ڕێزدانان وەستاون و ڕیزی سێهەمیش ژنەکان لە حاڵەتی ژەنینی مۆسیقا نیشان دەدەن، لەلای چەپی ئەو وێنەیە چوار حوشترسوار کیشراوە کە کەڵەکێویە ڕاوکراوەکان دەگوازنەوە. تاقی بچووکی تاقەوسان لە تاقی بچووکی تاقەوساندا دوو بەردەنووس هەن. تاقی بچووک بە شێوەی لاکێش بە بەرزایی نزیک بە 3.5 مەتر، پانایی 9.5 مەتر و قووڵایی 8.3 مەترە. لە تاقی بچووک جوانکاری کەمتر لەچاو تاقی گەورە دەبینرێت لە حاڵێکدا کە کۆنینەناسەکان، گرینگایەتی تاقی بچووک زیاتر دەزانن و بەنرختر دەیخەمڵێنن، چونکوو ئەو بەشە لە ئەو کۆمەڵە مێژووییە، دوو بەردەنووسراو بە خەتی پاڵەویی تێدایە. لە کۆتایی تاقەکەشدا وێنەی بەرجەستەی دوو کەس کە دەوترێت دوو پادشای سەردەمی ساسانی واتا شاپووری دووهەم و شاپووری سێهەمە، دەبینرێت و ئەو بەردەنووسراوانەش چیرۆکی ئەو وێنەگەلە دەڵێنەوە. سەرچاوە؛ ئاژانسی…
-
خەڵك- جێگری لیژنەی پەروەردە و خوێندنی باڵاو توێژینەوەی زانستی لە پەڕلەمانی كوردستان ڕایدەگەیەنێت، ڕاسپاردەی لیژنەكەمان دوای كۆكردنەوەی زانیاری لە سەرجەم شارەكانی هەرێم ئەوەیە ئامارەكانی توشبوون بە كۆرۆنا لەناو ناوەندەكانی خوێندن ئەوەندە جێگەی مەترسی نیە تا جارێكی دیكە دەرگای ناوەندەكان دابخرێنەوە. موسلم عەبدوڵڵا قەسرێ، جێگری لیژنەی پەروەردە و خوێندنی باڵا لە پەڕلەمانی كوردستان بە (خەڵك)ی ڕاگەیاند، لە كۆبوونەوەی ئاسایی ئەمڕۆی لیژنەی پەروەردە دوای وەرگرتنی ئەو داتا و ئامارانەی لە ڕێگەی ئەندامانی لیژنە لە شار و شارۆچەكانی هەرێم دەست كەوتوون لە ناوەندەكانی خوێندن تەواوی لیژنە كۆدەنگە لەوەی پڕۆسەی خوێندن بەردەوام بێت. وتیشی، "ڕاستە ئامارەكانی توشبوون بە كۆرۆنا لەهەرێم ڕوو لە هەڵكشانە، بەڵام ئەمە هەمووی لەسەر ناوەندەكانی خوێندن هەژمار ناكرێت، ئەوەی هەیە توشبوون بە كۆرۆنا لەناوەندەكانی خوێندن بەتێكڕا نزیك دەبێتەوە لە 70 توشبوون لە قوتابیان و مامۆستایان، ئەمەش ناكاتە ئەوەی پڕۆسەیەكی وەها گەورە ڕابگیرێت". ڕاشیگەیاند، هەمیشە جەخت لەسەر ڕێكارەكانی خۆپارێزی دەكەینەوە لەهەموو شوێنێك بەتایبەت لە ناوەندەكانی خوێندن، بۆیە ناكرێت چارەنوەسی نزیكەی ملیۆنێك و 700 هەزار خوێندنكار و 200 هەزار مامۆستا لەبەرچاو نەگیرێت، لەكاتێكدا داتامان لایە لەخوێندنگەیەك، كە زۆرترین كۆرۆنای تێدا تۆماركراوە 16 قوتابی و 2 مامۆستا بووە. ئاشكراشیكرد، بۆ كاتی ئێستا ڕاسپاردەی ئێمە وەك لیژنەی پەروەردە ئەوەیە خوێندن بەردەوام بێت بەجێبەجێ كردنی ڕێنماییەكانی خۆپارێزی زیاتر، ئەگەر دۆخەكە زیاتر تەشەنەی سەند ئەوا دەكرێت قسەیەكی دیكە بكرێت.
-
خەڵک -تەکنەلۆژیا هەواڵی ئاژانسی ڕۆیتەرز، ڕایگەیاندووە؛ کۆمپانیای " هواوی " ی چینی پلانی هەیە بۆ دروستکردنی ئۆتۆمبێلی کارەبایی لە ژێر ناوی خوازراوی خۆی، ڕەنگە ئەمساڵ چەند مۆدێلێک بەرهەمبهێنێت . هواوی لەگەڵ کۆمپانیای چاگان، کە خاوەندارییەکەی بۆ حکومەتی چین دەگەڕێتەوە لەگفتوگۆدایە بۆ ئەوەی هاوبەشی بکات بۆ دروستکردنی ئۆتۆمبێلە کارەباییەکانی. بەپێی ئاژانسی ڕۆیتەرز، هاوکات لە گەڵ چانگان، هواوی لە وتووێژدایە لەگەڵ "BluePark New Energy Technology" کە سەر بە کۆمەڵەی "BAIC Group" کە پەکین پشتگیری دەکات بۆ دروستکردنی ئۆتۆمبێلە کارەباییەکان . بەپێی سەرچاوەکان، کۆمپانیای هواوی دەستیکردووە بەدیزاینی چەند بەرهەمێک بەئامانجی بەفەرمی دەستپێکردنی پڕۆژەکەی لەسەرەتای ئەمساڵەوە.
-
خەڵك- سەرۆككۆماری عیراق پێشوازی لە سەرۆكی هاوپەیمانی نەسر كرد و لە دیدارێكدا دوایین پێشهاتەكانی سیاسی و ئەمنی و ئابووری وڵات تاوتوێكرا و گرنگی پاراستنی ئەمنیەت و سەلامەتی هاووڵاتیان ، پاراستنی مافی خۆپیشاندانی هێمنانە و پاراستنی ئاسایشی گشتی و پاڵپشتیكردنی خزمەتگوزاری ئەمنیەت بۆ پاراستنی ئارامی كۆمەڵگە و ئاسایش. د.بەرهەم ساڵح ، سەرۆككۆماری عیراق ئەمڕۆ یەكشەممە 28ی شوباتی 2021 حەیدەر عەبادی، سەرۆكی هاوپەیمانی نەسر كرد و دوایین پێشهاتەكانی سیاسی و ئەمنی و ئابووری وڵات لە كۆبوونەوەكەدا تاوتوێكرا و گرنگی پاراستنی ئەمنیەت و سەلامەتی هاووڵاتیان، پاراستنی مافی خۆپیشاندانی هێمنانە و پاراستنی ئاسایشی گشتی و پاڵپشتیكردنی خزمەتگوزاری ئەمنیەت بۆ پاراستنی ئارامی كۆمەڵگە و ئاسایش. لەو دیدارەدا گفتوگۆكرا دەربارەی دواین گۆڕانكارییە سیاسی و ئەمنی و ئابوورییەكانی وڵات و جەختكرایەوە لەگرنگی پاراستنی ئاسایش و ئارامی هاووڵاتیان و پارێزگاری لە مافی خۆپیشاندانی ئاشتیانە و ئاسایشی گشتی و بەهێزكردنی مەرجەعیەتی دەوڵەت و پشتیوانیكردن لە دەزگا ئەمنییەكان بۆ پاراستنی ئاسایش و ئاشتی كۆمەڵایەتی. هەر لەو دیدارەدا گفتوگۆكرا لەبارەی گرنگی هەڵبژاردنەكانی داهاتوو، بۆ ئەو مەبەستە بەگرنگییەوە باس لە پێویستی ئەنجامدانی ھەڵبژاردنەكان كرا دوور لە ساختەكاری و فرتوفێڵ و گەڕانەوەی متمانەی دەنگدەران بە پرۆسەی هەڵبژاردنەكان و زامنكردنی بەشداری بەرفراوانی خەڵك. لە بەشێكی دیكەی دیدارەكەدا باس لە بارودۆخی ئابووری وڵات و ئەو هەوڵ و رێوشوێنانەی كە پێویستە بۆ پشتیوانیكردن لە ئابووری نیشتمانی و بەگژداچوونەوەی گەندەڵی و هەمەجۆركردنی سەرچاوەی داھاتی دەوڵەت و پەسەندكردنی پرۆژەیاسای بودجەی گشتی كرا، بەجۆرێك كە مافی سەرجەم مووچەخۆران و ھاووڵاتیانی عێراق تێدا پارێزراوبێت دوور لە ململانێ سیاسییەكان.
-
خێزان بەدیهێنەرەکانی یەزادان پڕن لەسەرسامی و لە نێویشیاندا مرۆڤ سەرسوڕهێنەرترین دروستکراوە کە خوادای گەورە خۆی دەفەرموێت مرۆڤمان لەسەر جوانترین شێوە دروست کردووە،لە ناواخنی جەستەی مرۆڤدا هەزاران کارکەری پەی پێنەبراو هەن کە تائێستا زانست لەکارکردن و فەرمانیان دەکۆڵێتەوە، ئەمانەی خوارەوە چەند راستییەکی دیار و گەروەن لەسەر جەستە. چاو چاو، تاکە بەشی جەستەی مرۆڤە کە خوێن وەرناگرێت و ڕاستەوخۆ ئۆکسجین لەدەرەوەی جەستە وەردەگرێت. خوێنبەرەکان درێژی دەمارەکانی خوێن له لەشی مرۆڤ دا زیاترە لە 100 هەزار کیلۆمەتر . ترشەکانی گەدە گەدە بەهێزترین ئۆرگانی لەشی مرۆڤە، ماددە ترشەکانی ناوی ئەوەندە بەهێزن کەتوانای تواندنەوەی گوێزانێکی ئاسنی ریشتاشینیان هەیە. توێژاڵی پێست هەرکەس لە ژیانیدا نزیکەی 40 پاوەند لە پێستی لەدەست دەدات بە دریژایی ژیانی. مێشک مێشکت ئۆرگانێکی زۆر گرنگە و پێویستی بە وزەیەکی زۆر هەیە بۆ کارکردن، مێشک بە تەنیا لە سەدا 20 ی ئۆکسجین و کالۆری لەش بەکار دەهێنێت، نزیکەی 86 ملیار دەماری گرێدراو بە 100 تریلیۆن لینکەوە تێدایە. ێسکەپەیکەر ئێسکەپەیکەری مرۆڤ ئەوەندە بەهێزە کە بەرگەی پەستانی نزیکەی 16 هەزار کەس دەگرێت. بۆنی جەستە هاوشێوەی پەنجە مۆر، هەرکەس خاوەنی بۆنێکی تایبەت بەجەستەیەتی. سییەکان ڕووبەری سییەکان یەکسانە بە ڕووی یاریگایەکی تێنس گرنگی خەوتن خەو زۆر گرنگە بۆ جەستەی مرۆڤ، ئۆرگانەکانی لەش دوای 11 ڕۆژ بەبێ خەوتن لە جێبەجێردنی فەرمان دەوەستن. پەنجە توتە بە لەدەستدانی پەنجە توتە مرۆڤ زیاتر لە سەدا 50ی هێزی دەستی لەدەست دەدات. لیک کەسێکی ئاسایی لە ماوەی ژیانیدا 25 هەزار لیتر لیک بەرهەم دەهێنێت، ئەمەش بەسە بۆ پڕکردنی دوو مەلەوانگە .
-
خەڵك-ئارام سەردار دوای ئەوەی لە هەرێمی كوردستاندا چەند بارێكی تووشبوون بە ڤایرۆسی كۆڕۆنای گۆڕاو دەركەوت، ئەمڕۆ یەك شەممە ٢٨ی شوباتی ٢٠٢١ كۆبوونەوەیەك لەنێوان نوێنەرانی دەزگاكانی ڕاگەیاندن و ژمارەیەك وەزارەت بە مەبەستی هۆشیاركردنەوەی زیاتری هاووڵاتیان لەمەترسی و تایبەتمەندییەكانی ئەمجۆرە نوێیەی ڤایرۆسەكە بەڕێوەچوو. شێروان عەوڵا، بەڕێوەبەری گشتی ڕاگەیاندن و چاپ و بڵاوكردنەوە لەلێدوانێكی ڕۆژنامەوانیدا ڕایگەیاند، بە مەبەستی هۆشیاركردنەوەی زیاتری هاووڵاتیان لەمەترسی و تایبەتمەندییەكانی ئەمجۆرە نوێیەی ڤایرۆسەكە و زیاتر بەرجەستەبوونی ڕۆڵی میدیاكان لەپڕۆسەی هۆشیاركردنەوە و گەیاندنی ڕێكار و ڕێنماییەكانی خۆپارێزیی و چەند پرسێكی تری گرنگ، بەتایبەت دوای ئەوەی تووشبوون بە ڤایرۆسی كۆڕۆنای گۆڕاو دەركەوت كۆبووینەوە بەئامادەبوونی وەزیرانی رۆشنبیری و لاوان، پەروەردە، نوێنەری فەرمانگەی میدیا و زانیاری. دەشڵێت: "لەبەرنامەی ئێمەدایە بابەتی سۆشیال میدیا ڕێكبخات و ڕێنمایی پێویستی بۆ دەردەكەین، بەڵام ئەركی داواكاری گشتی و دادگا و لایەنە پەیوەندیدارەكانی تریشە ئەو بابەتە ڕێكبخەنەوە و ڕێنمایی بۆ دەربكەن". ئەوەشی خستەڕوو، وەكو هەنگاوی یەكەم نووسراو ئاڕاستەی سەرجەم وەزارەت و دام و دەزگاكان دەكەین تاوەكو ڕێگا نەدەن ئەو پەیج و ماڵپەڕانەی مۆڵەتیان نیە بەشداری لەكۆنفڕانسە ڕۆژنامەوانیەكان بكەن، داواش دەكەین پەیج و ماڵپەڕەكان، كە مۆڵەتیان نیە بێن خۆیان لەڕێگای وەزارەتی ڕۆشنبیری بناسێنن و مۆڵەت وەربگرن.
-
خەڵك- بەڕێوەبەری پەیمانگای ئاشنا لەسلێمانی ڕایدەگەیەنێت، لەو بەرنامەیەدا بە شێوەیەكی گەمە ئامێز و بۆ گاڵتە و گەپ باسی قۆپیەكردن لە كاتی تاقیكردنەوە كراوە، دەشڵێت، "هێشتا خۆمان بەقوتابی دەزانین و لە هەوڵ و گەڕان بۆ زانست و خۆ پەروەردەكردن نەوەستاوین و پێمان وایە تازە لەسەرەتای ڕێگەداین". ئاشنا فەلاح، بەڕێوەبەری پەیمانگای ئاشنا لەسلێمانی لە ڕاگەیەنراوێكدا بڵاویكردەوە، كە لەو بەرنامەیەدا بە شێوەیەكی گەمە ئامێز و بۆ گاڵتە و گەپ (كە ستایلی بەرنامەكە وا دەخوازێت) باسی قۆپیەكردن لە كاتی تاقیكردنەوە كرا، بەڵام بە شێوەكی فراوان، ڕەنگە پلان بۆ داڕێژراو و دوور لە ھەر بەھایەكی كۆمەڵایەتی و ڕەچاوكردنی كەسایەتی ئێمە لە سۆشیاڵ میدیا دەستكراوە بە ناوزڕاندن و لەكەداركردنی كەسایەتیمان . دەشڵێت: "بە ھیچ شێوەیەك لەگەڵ ئەو جۆرە كارەدا نیم و ھەرگیز بەھانەی بۆ ناھێنمەوە بە تایبەت، كە لە ئێستادا من خۆم یەكێكم لەو ڕاھێنەرانەی كە سەدان و ھەزاران قوتابی و منداڵی شارەكەمم پێگەیاندووە و پەروەردەیەكی دروستمان پێبەخشیون بە شاھیدی دایك و باوكیان". ئەمەی خوارەوە دەقی ڕوونكردنەوەكەیە: روونكردنەوەیەك بۆ ڕای گشتی ھاوڵاتیانی كوردستان، پەروەردەكاران، میدیاكاران و مامۆستایانی بەڕێز. بە پێویستی دەزانم ڕوونكردنەوە بدەم دەربارەی بابەتێك لەسەر من دوای بەشداریكردنم لە بەرنامەی ١٠٠ پرس كە بەرنامەیەكی تەواو تەرفیهییە لەكەناڵی ئاسمانی ئاڤا ئینتەرتەیمێنت. لەو بەرنامەیەدا بە شێوەیەكی گەمە ئامێز و بۆ گاڵتە و گەپ (كە ستایلی بەرنامەكە وا دەخوازێت) باسی قۆپیەكردن لە كاتی تاقیكردنەوە كرا، بەڵام بە شێوەكی فراوان، رەنگە پلان بۆ داڕێژراو و دوور لە ھەر بەھایەكی كۆمەڵایەتی و ڕەچاوكردنی كەسایەتی ئێمە لە سۆشیاڵ میدیا دەستكراوە بە ناوزڕاندن و لەكەداركردنی كەسایەتیمان. لە كاتێكدا بە ڕوونی رایدەگەیەنم كە بە ھیچ شێوەیەك لەگەڵ ئەو جۆرە كارەدا نیم و ھەرگیز بەھانەی بۆ ناھێنمەوە بە تایبەت كە لە ئێستادا من خۆم یەكێكم لەو ڕاھێنەرانەی كە سەدان و ھەزاران قوتابی و منداڵی شارەكەمم پێگەیاندووە و پەروەردەیەكی دروستمان پێبەخشیون بە شاھیدی دایك و باوكیان. ھەر بۆیە زیاتر لە جارێك بەشداریان بە منداڵەكانیان كردۆتەوە لە خول و چالاكییەكانماندا. ئەمە جگە لەوەی سەدان سیمینار و چالاكیمان ئەنجامداوە لە بواری گەشەپێدانی مرۆیی و شا رێگای ڕاستی زانست و زانیاری و ھەوڵ و كۆششدانمان بۆ ئامادەبووان خستۆتە ڕوو، لەگەڵ ئەوەش ھێشتا خۆمان بە قوتابی دەزانین و لە ھەوڵ و گەڕان بۆ زانست و خۆ پەروەردەكردن نەوەستاوین و پێمان وایە تازە لەسەرەتای رێگەداین بۆیە بەردەوام لە كۆرس و خولی فێركاری بەشدار دەبین. لە كۆتاییدا جگە لەوەی دووپاتی ئەوە دەكەینەوە كە ئێمە ھەرگیز بانگەشە بۆ ھیچ جۆرە كارێكی ساختە و نا دروست ناكەین، چ جای لە بواری پەروەردە و فێركردن كە خۆمان لە كایەكەداین ھەم وەك قوتابی، ھەم وەك پەروەردەكار، دڵنیایی دەدەین كە بەردەوام دەبین لەسەر كاری خۆمان و درێژە بە كاروانی پەروەردەیی دەدەین و كوالیتی باشتر و خزمەتی زیاتر بە بەشداربووانمان دەكەین و لە خزمەتكردنی كۆمەڵگە ناوەستین. لەگەڵ رێزدا.. ئاشنا فەلاح
-
خەڵك- ژمارەی تووشبووان بە ڤایرۆسی كۆرۆنا لە هەرێم لە هەڵكشانە و لیژنەی باڵای رووبەڕووبوونەوەی كۆرۆنا لە هەرێمی كوردستان سبەینێ كۆدەبێتەوە و بریاری نوێ بۆ خۆپارێزی دەردەكات. بڕیاری نوێ دەربارەی ڕێكارەكانی خۆپارێزی دەردەچن بەپێی زانیارییەكانی (خەڵك) كە لە سەرچاوەیەكی تەندروستییەوە دەستی كەوتووە، "سبەینێ یەك شەممە 1-3-2021 لیژنەی باڵای ڕووبەڕووبوونەوەی ڤایرۆسی كۆرۆنا لە هەرێم كۆدەبێتەوە و هەلسەنگاندن بۆ دۆخی تەندروستی و مەترسییەكانی زیادبووونی ژمارەی تووشبووان بە پەتاكە دەكات و پێداچوونەوە بە بڕیار و ڕێكارەكانی بەرەنگاربوونەوەی كۆرۆنا دەكات". هەر بەپێی زانیارییەكان، بڕیاری لیژنە باڵاكە بڕیاری نوێ سەبارەت بە ڕووبەڕووبوونەوەی كۆرۆنا دەربكات و ڕێكارەكان توندتر بكات بەتایبەت، كە چەند ڕۆژێكە ئامارەكانی تووشبوون ڕووی لە زیادبوون كردووە. تووشبووون بە كۆرۆنا لە هەڵكشانە بەپێی دواین ئاماری وەزارەتی تەندروستی هەرێم، كە ئەمڕۆ بڵاوكراوەتەوە، 237 كەس شتووی كۆرۆنا بوون، كە ئەوەش بەرزترین ژمارەیەك بە بەراورد بە دوو مانگی ڕابردوو، هاوكات زنجیرەی نوێی كۆرۆنا لە هەولێر و دهۆك تۆماركراوە. لای خۆشیەوە، د.سامان بەرزنجی، وەزیری تەندروستی حكومەتی هەرێمی كوردستان ئەمڕۆ لە لێدوانێكی ڕۆژنامەوانیدا ڕایگەیاند، زۆربەی ئەو حاڵەتانەی تووشبوون بە كۆرۆنا كە ئێستا تۆمار دەكرێن، بەهۆی زنجیرە نوێیەكەی ئەو ڤایرۆسەوەیە. "دەرگای خوێندنگەكان داناخرێن" ئالان حەمە سەعید، وەزیری پەروەردەی حكومەتی هەرێم لە لێدوانێكی ڕۆژنامەوانیدا، كە پەیامنێری (خەڵك) ئامادەی بوو ڕایگەیاند، لیژنەی باڵای ڕووبەڕووبوونەوەی كۆرۆنا كۆدەبێتەوە و هەڵسەنگاندن بۆ دۆخی تەندروستی ناوەندەكانی خوێندن دەكات و بڕیار لەبارەی پڕۆسەی خوێندن دەدرێت. ڕاشیگەیاند، ئەوەی تایبەتمەندە بە داخستنی دەرگای خوێندنگەكان یان بەردەوام بوونی خوێندن وەزارەتی تەندروستییە و ئەگەر بڕیار بدرێت ئێمە پابەند دەبین و ئەگەر بۆ ماوەیەكی كاتی-ش بێت لەپێناو پاراستنی خوێندكاران ئەوا وەك وەزارەتی پەروەردە دەرگای خوێندنگەكان دادەخەین. سەرچاوەیەكی ئاگادار بۆ (خەڵك) ڕایگەیاند، كە تا ئێسا هیچ بڕیارێك نیە بۆ داخستنی خوێندنگەكان و تەنها داوا كراوە ڕێكارەكانی خۆپارێزی توندتر بكرێن. سەرچاوەكە وتیشی، "هەرچەندە ژمارەی تووشبوون بە كۆرۆنا زیادی كردووە، بەڵام حاڵەتەكان سووكن و چەند ڕۆژێكیشە هیچ كەس بە ڤایرۆسەكە نەمردووە". ڤاكسین دەگاتە هەرێم د. سامان بەرزنجی، وەزیری تەندروستی هەرێم لە لێدوانێكی ڕۆژنامەوانیدا ئاماژەی بەوەكرد، سبەینێ یەكەم بەشی ڤاكسینی كۆرۆنا لە جۆری (سینۆفارم)ی چینی دەگاتە عیراق، كە 50 هەزار ژەمە و پشكی هەرێم 5 هەزار ڤاكسینە. ڕاشیگەیاند، لەو پشكەی بۆ هەرێم دێت 4 هەزاری بۆ هاووڵاتیانە و هەزار ڤاكسینی بۆ هاووڵاتیانی چینییە لە هەرێم. ئاشكراشی كرد، بەراورد بە مانگی ڕابردوو ژمارەی تووشبوون بە كۆرۆنا چوار هێندە زیادی كردووە. لای خۆشیەوە، وەزارەتی تەندروستی عیراق ناوی ئەو چین و توێژانەی یەكەمجار بە ڤاكسینی كۆرۆنا دەكوترێن بڵاودەكاتەوە و ئاماژە بەوەدەكات، كە سەرەتا ڤاكسینەكە بۆ 8 چین و توێژ بەكاردەهێنرێت، كە بریتین لە (كارمەندانی تەندروستی و ئەو هاووڵاتیانەی تەمەنیان سەرووی 50 ساڵە و ئەوانەی نەخۆشی درێژخایەنیان هەیە و ئاوارەكان و ئەوانەی چاودێری خێزان دەیانگرێتەوە و كارمەندانی ناوخۆ و نەخۆشی شێرپەنجە و زیندانیان و خانەكانی بەساڵاچووان و بێ سەرپەرشتان و ئەوانەی كارەكانیان مەترسیداری هەیە وەك فڕۆكەخانە و وێستگەی شەمەندەفەر و دەروازە سنوریەكان و مامۆستایان و ڕاگەیاندنكاران و خاوەنی چێشتخانەكان).
-
هونەرمەند عوسمان حسێن ڕایگەیاندووە کە بەهۆی ئەوەی نەیتوانیوە کرێ خانوو بدات، لەسەر شەقام خێمەی هەڵداوە. ئەو هونەرمەندە لەگەڵ هاوسەرەکەیدا چونەتە سەرشەقام و هەر لەوێش دەمێننەوە. عوسمان حسێن یەکێکە لە هونەرمەندە دێرینەکان و چەندین بەرهەمی جیاوازی هەیە. https://www.youtube.com/watch?v=D_GxkNmwb7U