It seems we can’t find what you’re looking for. Perhaps searching can help.
سەردێر
-
خەڵك – بەشی هەواڵ كۆمپانیای فایزەر تاقیكردنەوەی ڤاكسینەكەی بۆ تەمەنەكانی 12 بۆ 15 ساڵ ڕاگەیاند. كۆمپانیای فایزەری ئەمریكا تاقیكردنەوەی ڤاكسینی دژە كۆرۆنای بۆ مێردمنداڵانی نێوان تەمەنەكانی 12 بۆ 15 ساڵی ئاشكراكرد و ئاماژەی بەوەدا كە تاقیكردنەوەی ڤاكسینەكە بۆ ئەو تەمەنانە بەتەواوی كۆتایی هاتووە. لە پێگەی ئەلكترۆنی حكومەتی ئەمریكا بۆ تاقیكردنەوەی نەخۆشییە درمەكان زانیارییەكان بڵاوكراونەتەوە, كۆمپانیای فایزەر ئاماژەی بەوەشداوە كە لەو تاقیكردنەوەیەدا دوو هەزار و 259 مێردمنداڵ لە تەمەنەكانی نێوان 12 بۆ 15 ساڵی بەشدارییان تێداكردووە و بەمەش كۆمپانیاكە هەنگاوێكی تر دەنێت لە پێدانی ڤاكسین بۆ كەسانی خوار تەمەنی 15 ساڵ. جێی ئاماژەیە، پێشتر كۆمپانیای فایزر بەهاوبەشی لەگەڵ كۆمپانیای بایۆنتیك ڤاكسینی دژە كۆرۆنای بۆ كەسانی سەروو 16 ساڵ بەرهەم هێنابوو.
-
خێزان ئەمەی خوارەوە کۆمەڵێک بارودۆخی جیاوازە كه ته‌نها دایكه‌كان لێی تێده‌گه‌ن و ئەزمونیا کردووە: 1 2 3 4 5 6 7 8 9
-
خێزان ئەمەی خوارەوە گیراوەیەکە کە دەتوانیت بۆ تواندنەوەی چەوری و پاککردنەوەی پێست بەکاری بهێنیت و زۆر بەسوودە، بەڵام ئەم گیراوەیە زیاتر ئاوی زیادەی ئەو ناوچەیە دەر دەکات نەک ئەوەی تەنها خودی چەوریەکە بتوێنێتەوە: چۆنیەتی ئامادەکردن: -خاولیەک بکەرە ناو ئاوی گەرمەوە و بۆ ماوەی ٥ خولەک بیدە لەو ناوچەیەی کە دەتەوێت چەوریەکەی لابدەیت. -دواتر ڕێژەیەکی هاوبەش قوڕی پاک (ئەو جۆرە قوڕەی کە بۆ درووستکردنی گۆزە و کاری هونەری بەکاردێت) لەگەڵ کرێمی شێدارکەرەوەی پێست تێکەڵبکە. -گیراوەکە بدە لەو ناوچەیەی کە مەبەستە، جا قۆڵت بێت یاخود ورگت یان ڕانت. -دواتر عەلاگەیەکی پلاستیکی تێوە پێچە. -ئەگەر توانیت شەو تا بەیانی و ئەگەر نەتتوانی بۆ ماوەی ١ کاتژمێر با پێوەی بێت. دواتر پاش ١ جار لە بەکارهێنان کاریگەریەکەی دەبینیت.
-
خێزان قەڵەوبوونی ڕانەکان بەتایبەت لە خانماندا کێشەیەکی باوە، ئەمەی خوارەوە جۆرەکانی وەرزشکردن بە پێی شێوەی ڕانەکانت بۆ ئەوەی زۆرترین سوودی لێوەربگریت: -ڕانی کەوانی ئەو وەرزشانەی پێوستە ئەنجامی بدەیت: -بەپێوە بوەستە، قاچێکت درێژ بکە بۆ پێشەوە و پاشان پێوەی دابنیشە و هەڵبستەرەوە. ١٠ جار -بەپێوە بوەستە و تا دەتوانیت بنوشتێرەوە بۆ لای قاچت، کەمێک بوەستە و هەڵبستەرەوە. ١٠ جار ئەژنۆ لە یەک دراو ئەو وەرزشانەی پێوستە ئەنجامی بدەیت: -بەپێوە بوەستە، دواتر هەر جارەی بەلایەکدا بنوشتێرەوە و قاچەکەی دیکەت درێژ بکە. ١٠ جار بۆ هەر لایەک -لەسەر لا ڕابکشێ و قاچێکت بەرز بکەرەوە و دایبنێرەوە، پاشان لایەکەی دیکە. ١٠ جار -قەوسی لابەلا ئەو وەرزشانەی پێوستە ئەنجامی بدەیت: -بە پێوە بوەستە و دواتر لەسەر نوکی پێ خۆت بەرز بکەرەوە . ١٠ جار -لەسەر قادرمە وەرزشی ڕاکردن بکە -ڕانی ئاسایی (ڕێک) ئەو وەرزشانەی پێوستە ئەنجامی بدەیت: – بکەوە سەر پشت و بەشێوەی پرد سمتت بەرز بکەرەوە و شناوی پێبکە. ١٠ جار -وەرزشی سکوات ئەنجام بدە. ١٠ جار
-
خەڵك – بەشی هەواڵ ئەندامێكی لیژنەی ئاسایش و بەرگری لە ئەنجومەنی نوێنەرانی عیراق ڕایدەگەیەنێت: تیرۆریستان لەڕێگەی دەروازەی عەرعەری سنووری سعودیەوە دێنە ناو خاكی عیراقەوە. مەهدی تەقی ئەندامی لیژنەی ئاسایش و بەرگری ئەنجومەنی نوێنەرانی عیراق لە ڕایگەیاند، ژمارەیەك تیرۆریست لەڕێگەی دەروازەی عەرعەری سنووری سعودیەوە هاتوونەتە ناو خاكی عیراقەوە. وتیشی، پێویستە لەسەر هێزە ئەمنییەكان تەواوی دەروازەكە كۆنتڕۆڵ بكەن، سەرجەم ئەو كەسانەی لەو ڕێگەیەوە دێنە ناو خاكی عیراق پشكنینیان وردیان بۆ بكرێت، چونكە بووەتە جێگەیەك بۆ هاتنە ناوەوەی تیرۆریستان و خۆكوژان. ئەو ئەندامی لیژنەی ئاسایش و بەرگری ئەنجومەنی نوێنەرانی عیراق ڕوونیشی كردەوە، ئەو پێشێلكارییە ئەمنییەی كە ڕۆژی پێنجشەممەی ڕابردوو لە بەغدا ڕوویدا، بەرپرسیاریەتییەكەی دەكەوێتە ئەستۆی مستەفا كازمی سەرۆك وەزیران و لەبەر ئەوەی كۆنتڕۆڵی دۆخی ئەمنی بەپێی پێویست نەبووە.
-
خەڵك – بەشی هەواڵ فەرماندەی پۆلیسی پارێزگای نەینەوا دەستگیركردنی 6 تیرۆریستی داعشی لەپارێزگاكە ڕاگەیاند، هەروەهادەزگای ئاسایشی نیشتمانیی عیراق ڕایگەیاند، پێنج كەسی سەر بە داعش لە پارێزگای كەركوك، دەستگیركراون. لیوا یەحیا رەسوڵ، وتەبێژ بەناوی فەرماندەی گشتی هێزە چەكدارەكانی عیراق، ئەمڕۆ شەممە، لە ڕاگەیەنراوێكدا ڕایگەیاند: فەوجێكی فریاكەوتنی پۆلیسی سەر بەفەرماندەی پۆلیسی نەینەوا، پاڵپشت بەزانیاری وردی هەواڵگری و هاوكاری هاووڵاتیان توانییان 6 تیرۆریستی سەر بەداعش دەستگیربكەن. لە ڕاگەیەنراوەكەدا هاتووە، دوو لە تیرۆریستەكان كاریان بۆ حەسبە دەكرد و سێیەمیشیان كاری بۆ لیژنەی ئەمنیی كردووە و ئەوانی تریش لەسەردەمی دەسەڵاتداری تیرۆریستانی داعش لەشاری موسڵ سەرجەمیان كاریان بۆ دیوانی جوند و فرقەی فورقان كردووە. ئاماژە بەوەشدراوە، سەرجەم تیرۆریستەكان لە گەڕەكەكانی (هەرەمات و جەزائیر و تسعین) كە كەوتوونەتە لەلای ڕاست و چەپی شاری موسڵەوە دەستگیركراون. هاوكات، لە ڕاگەیەنراوێكدا دەزگای ئاسایشی نیشتمانیی عیراق بڵاویكردەوە، ھێزەكانی ئاسایشی نیشتمانی، پێنج كەسیان لە پارێزگای كەركوك دەستگیر كردووە كە بەپێی ماددەی چواری تیرۆر بە تۆمەتی ئەندامبوون لە داعش داواكراوبوون. ئاماژە بەوەشدراوە، ئەو دەستگیركراوانە لە لێكۆلێینەوەكاندا، دانیان بەوەداناوە لە بەناو ویلایەتی كەركوك سەربە داعش چەكداربوون و ڕاشیانگەیاندووە كە بەشدارییان لە ئەنجامدانی چەندین ھێرش بۆسەر گوندی بەشیر باشووری پارێزگای كەركوك و پاڵاوگەوی نەوتی بێجی كردووە.
-
خەڵک - وەرزش سێرجیۆ ڕامۆسی بەرگریکارى یانەى ڕیاڵ مەدریدى ئیسپانى داواى زیاد کردنى موچەکەى دەکات لە پێناو مانەوە لە یانەكەی و لەئەگەری جێبەجێ نەکردنی داواکەشیدا، یانەکەی جێدەهێڵێت، هاوکات یانەی پاریس سان جێرمانی فەرەنسیش چووەتە نێو ركابەریی لەگەڵ یانەی مانچستەر یونایتد لە پێناو بەدەسهێنانی تواناکانی رافائێل ڤاران. بەپێی راپۆرتی رۆژنامەكانی ئیسپانیا، ڕامۆسی تەمەن 34 ساڵ داواى لە فلۆرەنینۆ پێرێزى سەرۆکى یانەی شاهانە کردووە، مووچەى ساڵانەى بۆ 18 ملیۆن یۆرۆ بەرز بکەنەوە و گەر ئیدارەى یانەکەشی وەڵامێکی قایلکەری نەدەنەوە یانەکەی بەجێدەهێڵێت. لەئێستادامووچەى ڕامۆس، 11 ملیۆن یۆرۆیەو داوى 7 ملیۆن یۆرۆى زیادە دەکات بۆ سەر مووچەکەى . لەلایەکی دیکەوە و هەر بە پێێ راپۆرتی پێگە وەرزشییەکانی ئیسپانیا، یانەی پاریس سان جێرمان چووەتە کێبڕکێی ركابەرییەك لەگەڵ یانەی مانچستەر یونایتد لە پێناو بەدەسهێنانی تواناکانی ڤارانی بەرگریکاری یانە مەدریدییەکە. بەپێی ڕاپۆرتی پێگەی "دۆن باڵۆن"ی ئیسپانی ئاشكرایكردووە، ڕافائێل ڤارانی فەرەنسی و یاریزانی یانەی ریاڵ مەدرید داوای لە بەرپرسانی یانەكەی كردووە ڕێگەی رۆیشتنی پێ بدەن .
-
خەڵك - بەشی هەواڵ ئیدارەی بایدن بە حكومەتی ئەفغانستانی ڕاگەیاندووە كە دەیەوێت چاو بە ڕێككەوتنەكەی تایبەت بە بزووتنەوەی تاڵیبان بخشێنێتەوە كە لە سەردەمی ئیدارەی ترەمپدا واژۆكراوە. ئیمیلی هۆرن وتەبێژی ڕاوێژكاری ئاسایشی نیشتمانیی ئەمریكا ڕایگەیاند، جەیك سۆلیڤان، ڕاوێژكاری جۆ بایدن بۆ كاروباری ئاسایشی نیشتمانی پەیوەندی بە حەمەدوڵا موحیب، هاوتا ئەفغانییەكەی كردووە و نیازی ئیدارەی بایدنی بە چاوخشاندنەوە بە دەقی ڕێككەوتنەكەی پێڕاگەیاندووە. وەك ئیمیلی هۆرن باسی دەكات، بەمەبەست لەو كارە،"هەڵسەنگاندنی ڕادەی پابەندبوونی تاڵیبانە بە بەڵێنەكانیان لە پابەندبوون بە بڕگەكانی ڕێككەوتنەكە". سۆلیڤان بە موحیبی ڕاگەیاندووە، ئیدارەی بایدن دەیەوێت دڵنیابێت لەوەی كە تاڵیبان پابەندە بە بڕینی هەموو پەیوەندییەكانی لەگەڵ گرووپە چەكدارە پەڕگیرەكان و هەروەها كەمكردنەوەی تووندوتیژییەكان و دەستكردن بە گفتوگۆی چڕ لەگەڵ حكومەت و لایەنە هاوبەشەكانی تری نێو ئەفغانستان. لەدوای پەیوەندییە تەلەفۆنییەكە، حەمەدوڵا موحیب لە تۆڕی كۆمەڵایەتی تویتەر بڵاویكردەوە، لەگەڵ سۆلیڤان ڕێككەوتین درێژە بە پێكەوەكاركردنمان بدەین تا ئاگربەستی ئەفغانستان بەردەوام بێت و ئاشتییەكی هەمیشەیی و دادوەرانە لە ئەفغانستانێكی دیموكراسی بچەسپێت كە توانای پاراستنی دەستكەوتەكانی دوو دەیەی ڕابردووی هەبێت. جێی ئاماژەیە، ڕێككەوتنی نێوان بزووتنەوەی تاڵیبان و ئیدارەی ترەمپ لە 29ی شوباتی ساڵی 2020دا لە دەوحە، پایتەختی قەتەڕ بەبێ بەشداری شاندی حكومەتی ئەفغانستان واژۆكراوە.
-
خەڵك – بەشی هەواڵ جێگری سەرۆكی حكومەتی هەرێم ڕایدەگەیەنێت، دوای ئەنجامدانی پشكنین دەركەوت كە كۆرۆنای تێپەڕاندووە و چاك بووەتەوە. قوباد تاڵەبانی جێگری سەرۆكی حكومەتی هەرێم لە جریوەیەكدا لە تۆڕی كۆمەڵایەتی تویتەر نووسیویەتی:"سڵاو ئازیزان، پاش پشكنینم ئەمڕۆ دەركەوت كە چیتر هەڵگری ڤایرۆسی كۆرۆنا نیم". ئاماژەی بەوەش داوە:"لێرەوە سوپاسی هەموو ئەو خۆشەویستانە دەكەم كە هەواڵیان پرسیوم و هیوای زوو چاك بوونەوەیان بۆ دە‌خواستم". قوباد تاڵەبانی ئەوەشی خستووەتەڕوو:"جارێكیتر تكا دەكەم پابەند بن بە ڕێنماییە تەندروستییەكان و خۆتان و ئازیزانتان لەم ڤایرۆسە بپارێزن". https://twitter.com/qubadjt/status/1353044422628413440
-
سلێمانی – نزار جەزا ئەمڕۆ شەممە لەشاری سلێمانی بەئامادەبوونی بەڕێوەبەری گشتی كۆمپانیای مێرسیدس بێنز دوو ئۆتۆمبێلی نوێی مێرسیدس بێنز نمایشكرا، كە تایبەت بەكەشی هەرێمی كوردستان دروستكراون. نوێترین جۆری ئۆتۆمبێلی ئی كڵاس ٢٠٠ و ئۆتۆمبێلی ئی ٢٠٠ كوپێ لە ڕێوڕەسمێكدا لەشاری سلێمانی نمایشكران. مستەفا شێخ عەبدولڕەحمان سەرۆكی یەكێتی هاوردە و هەناردەكارانی هەرێم بە(تۆڕی میدیایی خەڵك)ی ڕاگەیاند، كردنەوەی لقی ئەم كۆمپانیا گەورانە لەهەرێمی كوردستان گرنگی خۆی هەیە، چونكە ئۆتۆمبێلەكان لەدەستی یەكەوە دەگاتە كڕیار و گرەنتی سێ ساڵیان لەگەڵدایە و خاوەنی ئۆتۆمبێلەكانی مێرسیدس بێنز دەتوانن لەوەرشەكانیان ڕاستەوخۆ ئۆتۆمبێلەكانیان چاكبكەنەوە. زیاتر ڕوونیكردەوە، هەلی كار بۆ هاوڵاتییانی هەرێم دەڕەخسێت، ئەمەش وادەكات هاووڵاتییان سودمەندبن و ئابووری هەرێم ببوژێتەوە. سەرۆكی یەكێتی هاوردە و هەناردەكارانی هەرێم ئەوەشی خستەڕوو، هەوڵدەدەن لەڕێگەی ئەندامەكانیانەوە لەگەڵ كۆمپانیاكانی تریش گفتوگۆ بكەن، بۆئەوەی لقی خۆیان لەهەرێمی كوردستان بكەنەوە، هەر كاتێكیش هەوڵەكان گەیشتنە ئەنجام بێگومان ئاشكرایدەكەن. كۆمپانیای مێرسیدس بێنز كۆمپانیایەكی تایبەتە بەبەرهەمهێنانی ئۆتۆمبێل، كە لەماوەی ساڵی ٢٠٢٠دا توانی لەسەدا ٢٠ فرۆشی زیاد بكات، ئەمەش سەركەوتنێكی گەورەبوو بۆ كۆمپانیاكە، چونكە بەگشتی ساڵی ٢٠٢٠ ساڵێكی پڕ قەیرانی جۆراوجۆربوو لەجیهاندا، بەتایبەت بڵاوبوونەوەی ڤایرۆسی كۆرۆنا كاریگەری لەسەر بازاڕی كاری هەموو جیهان دروستكرد. هاوكات، سیروان محەمەد سەرۆكی ژووری بازرگانی و پیشەسازی سلێمانی لە بارەی گرنگی كردنەوەی لقی كۆمپانیا لە ھەرێمی كوردستان، ڕایگەیاند، كۆمپانیایی مێرسیدس بێنز بۆ یەكەمجار وەرشەیەكی فەرمی لە شاری سلێمانی كردووەتەوە كە خزمەتێكی زۆر بەو كەسانە دەكات كە خاوەنی ئۆتۆمبێلی مێرسیدس بێنز جاران دەبوایە بۆ چاكردنەوەی ئۆتۆمبێلەكان سەردانی ھەولێر یاخود بەغدایان بكردایە، ئێستا ڕاستەوخۆ لە شاری سلێمانی خزمەتگوزارییەكان پێشكەش دەكرێت. وتیشی: ژمارەیەك سەرمایەداری بیانی بۆ یەكەمجار ھاتوونەتە شاری سلێمانی و لە ڕێگەی ئەم پێشەنگایەوە ھەلی كاریان بۆ ژمارەیەك گەنجی ئەم شارە ڕەخساندووە، ئێمە وەك ژووری بازرگانی و پیشەسازی سلێمانی لەگەڵ دانیشتنمان كردووە و داوامان لێ كردون ئۆفەری تایبەتیان ھەبێت بۆ خاوەنكاران و داشكاندن و خزمەتگوزاری تایبەت پێشكەش بە بازرگانانی سلێمانی بكەن. ئەو دوو ئۆتۆمبێلەی كە لەئەمشەودا نمایشكران، تایبەتبوون بە هەرێمی كوردستان و عیراق و بەشێوەیەكی گشتی ڕۆژهەڵاتی ناوەڕاست، چونكە ئەم ناوچەیە تایبەتمەندی خۆی هەیە، كەشوهەوا و كوالیتی بەنزین و شەقامەكانی بۆ هاتووچۆی ئۆتۆمبێل جیاوازن لە ئەڵمانیا. لایخۆشیەوە، عەباس حەمەكەریم، بەڕێوەبەری گشتی كۆمپانیای برایت كاسل مۆتۆرز، بریكاری گشتی مێرسیدس بێنز بۆ ئۆتۆمبێل لەعیراق بە (تۆڕی میدیایی خەڵك)ی ڕاگەیاند، ئەم ئۆتۆمبێلانە بەراورد بەو ئۆتۆمبێلەی كە لەئەڵمانیا دروستدەكرێن جیاوازن، بۆ نمونە هەرێمی كوردستان هاوینانی گەرمە، بۆیە ساردكەرەوەكەی (تبرید) بەهێزتر كراوە، مەكینەكەی بەشێوەیەك دروستكراوە كە بۆ بەنزینی هەرێم بگونجێت، هەروەها تایەكانی وا دروستكراون بۆ شەقامەكانی هەرێم بگونجێت. ئەوەشی خستەڕوو، ماوەی ٢٤ كاتژمێر هێڵی خزمەتگوزارییان هەیە، هەر خاوەن مێرسیدس بێنزێك دەتوانێت پەیوەندی بكات و بەشێوەیەكی گونجاو خزمەتی دەكەن. لەگەڵ ئەوەی بەشێك لە هاووڵاتییانی هەرێمی كوردستان زیاتر ئۆتۆمبێلی یابانییان لا پەسەندە و فرۆشیان لەناو هاووڵاتییاندا زیاترە، بەڵام هەندێك لە هاووڵاتییانیش كە گرنگی بەكوالیتی و تایبەتمەندی دەدەن، مێرسیدس بێنزیان لاپەسەندە. ئیمان نەوزاد، ڕاوێژكاری فرۆشتن لەكۆمپانیای برایت كاسل مۆتۆرز، بریكاری گشتی مێرسیدس بێنز بۆ ئۆتۆمبێل لە عیراق بۆ (تۆڕی میدیایی خەڵك)ی ڕاگەیاند، ئەمشەو ئۆتۆمبێلی ئی كڵاس ٢٠٠ و ئۆتۆمبێلی ئی ٢٠٠ كوپێ نمایشكران، كە هەریەكێكیان سێ ساڵ گرەنتی هەیە و هەموو تایبەتمەندییەكانی ئۆتۆمبێلەكان لەگەڵ هەرێمی كوردستان گونجێنراوە و بۆیاغی ئۆتۆمبێلەكەش وا دروستكراون، كە لەگەڵ كەشی ئێرەدا بگونجێت. ئەوەشی ئاشكراكرد، مەكینەی ئۆتۆمبێلەكان ٢٠ی تۆربۆیە و ٣٦٠ پلە كامێرای هەیە و شەش حاسەی هەیە و دەیان تایبەتمەندی تری…