بەبەهای 5 ملیۆن دۆلار ئایفۆن١٣ لەهەرێمەوە بۆ ئێران نیردراوە
سلێمانی ـ نزار جەزا بەبەهای پێنج ملیۆن دۆلار ئایفۆن ١٣…
زیاترسەردێر
-
خەڵک ئەنجومەنی سەرتاسەری مامۆستایانی ناڕازی و ڕێکخراوەکانی کۆمەڵگەی مەدەنیی، دەڵێن؛ دەسەڵاتدارانی هەرێم بە بەهەموو شێوەیەکی ناشارستانی و توندوتیژی و دەستگیرکرن و ڕفاندن وڕاوەدونان کەوتونەتە گیانی خوێندکاران و خۆپیشاندەران. لە ڕاگەیەنراوێکدا؛ ئەنجومەنی سەرتاسەری مامۆستایانی ناڕازی و ڕێکخراوەکانی کۆمەڵگەی مەدەنیی، ئاشکرای دەکەن، بەپێی زانیارییەکانیان، نزیکەی ٣٠٠گەنج و چالاکوان دەستگیرکراون و تا ئێستا لە زیندانەکاندا ماونەتەوە . دەقی ڕاگەیەنراوەکە؛ لە ئەنجومەنی سەرتاسەری مامۆستایانی ناڕازی و ڕێکخراوەکانی کۆمەڵگەی مەدەنییەوە: هەمووان ئاگادارن دوای چوار ڕۆژ له خۆپیشاندانی مەدەنیانەی خوێندکارانی زانکۆ و پەیمانگاکانی هەرێمی کوردستان، بەمەبەستی کۆتایی پێهێنانی خۆپیشاندانەکان دەسەڵاتدارانی هەرێم بە بەهەموو شێوەیەکی ناشارستانی و توندوتیژی و دەستگیرکرن و ڕفاندن وڕاوەدونان کەوتونەتە گیانی خوێندکاران و خۆپیشاندەران. بەپێی زانیارییەکانی ئێمە نزیکەی ٣٠٠گەنج و چالاکوان دەستگیرکراون و تا ئێستا لە زیندانەکاندا ماونەتەوە بۆیە لێرەدا بەپێویستی دەزانین هەڵوێستی خۆمان لە چەند خاڵێکدا بخەینە ڕوو؛ ١ــ پشتگیری داوای ڕەوای خوێندکاران دەکەین و داواکارین دەسەڵاتداران لە زووترین کاتدا و بەبێ خۆدزینەوە داوا ڕەواکانیان بۆ جێ بەجێ بکات. ٢-پێویستە بەزووترین کات سەرجەم دەستگیرکراوان بەبێ پڕکردنەوەی بەڵێننامە پێیان ئازاد بکرێن . ٣ــ داوا لە ڕێکخراوی نەتەوەیەکگرتووەکان و ڕێکخراوەکانی مافی مرۆڤ و قونسڵی وڵاتان دەکەین و بێنە سەرخەت و فشار لە دەسەڵاتدارانی هەرێم بکەن تا بەزووترین کات سەرجەم دەستگیرکراوان ئازاد بکەن . ٤ــ بە سەربازگەکردنی زانکۆ و پەیمانگاو شارو شارۆچکەکان کۆتایی پێ بهێنرێ . ٥ــ قەرەبووی مادی و مەعنەوی دەستگیراکراوان و ئازاردراوان بکرێتەوە. لە کۆتاییدا ڕایدەگەیەنین لە ئەگەری ئازادنەکردنی بێ مەرجی خوێندکاران و چالاکوانان و کۆتایی نەهێنان بە سەربازگەکردنی شارەکان هەڵوێستی ترمان دەبێت. ئەنجومەنی سەرتاسەری مامۆستایانی ناڕازی و ڕۆشنبیران و چالاکوانان و ڕێکخراوەکانی کۆمەڵگەی مەدەنی .
-
خەڵك ئەمڕۆ 43 هەمین ساڵوەگەڕی دامەزراندنی پارتی كرێكارانی كوردستان پەكەكەیە. پارتی كرێكارانی كوردستان پەكەكە لە 26- 27ی نۆڤەمبەری 1978 لە گوندی فیسێی پارێزگەی ئامەدی باكووری كوردستان دامەزرێندراوە. ئێستا پەكەكە لە شەڕێكی دەستەوئێخەدایە لەگەڵ سوپای توركیا لە هەرێمی كوردستان و تا دێت فشارەكان لەسەری لەلایەن توركیا و حكومەتی هەرێمی كوردستانەوە لەسەری زیادتر چڕ دەكرێنەوە. لە ماوەی ساڵانی رابردوودا گۆڕانكاری لە شەڕی پەكەكە و توركیادا بووە، توركیا فڕۆكەی بێ فڕۆكەوان درۆن لە شەڕەكاندا بەكاردەهێنێت فڕۆكەیەك توانای توركیای لە جەنگدا زۆر بەرەوپێشبردووە، بەهۆیەوە ژمارەیەكی زۆری سەركردەی پەكەكە لە هەرێمی كوردستان كوژراون بەتایبەت لەسنووری پارێزگەی سلێمانی. پەكەكە لە هەرێمی كوردستان لە دوای جەنگی داعشەوە توانای ناوچەی شەنگالیش بۆ خۆی بگرێت و ئێستا لە ژێر گرووپە چەكدارەكانی ئێزدی نزیك لە خۆیەتی. پەكەكە لە رۆژئاوای كوردستانیش لە 2012وە رۆڵی سەرەكی هەیە و حیزبە نزیكەكانی ئەو حكومڕانی رۆژئاوا دەكەن. پەیەدە كە پارتی سەرەكی رۆژئاوا و حكومڕانی ناوچەكەیە بە باڵی پەكەكە لە رۆژئاوا هەژمار دەكرێت، ئەو لەگەڵ ئەمریكا هاوپەیمانی بەستووە و توانی دواین پێگەی تێرۆریستانی داعش تێكبشكێنێت. پەكەكە هەرچەندە لەباشوور رەوشی باش نییە، بەڵام توانیویەتی بە رۆژئاوای كوردستان باڵانسی هێزەكەی راست بكاتەوە، كە لە ڕووی سیاسی و ئابوورییەوە كەڵكی زۆری لە رۆژئاوا وەرگرتووە. پەكەكە لە رۆژهەڵاتی كوردستانیش نێوانی لەگەڵ حیزبەكانی دیكەی رۆژهەڵات بەتایبەت دێموكرات و كۆمەڵەدا خۆش نییە، چونكە ئەوان بە پەكەكە بەمێوان دەزانن، بەڵام پەكەكە لە رێگای پژاك و كۆدارەوە خۆی كردووەتە خاوەن لە رۆژهەڵاتی كوردستان. لەسەر ئاستی هەرێمیش پێوەندی پەكەكە لەگەڵ حكومەتەكانی تاران و بەغدا باشە، لەگەڵ دیمەشقیش لەرێگای پەیەدە و رۆژئاواوە بە چاودێری رووسیا لە گفتووگۆدان لەسەر ئایندەی رۆژئاوا. پەكەكە پێوەندی لەگەڵ توركیا زۆر خراپە، هیچ ئاسۆیەك بۆ دەستپێكردنەوەی پرۆسەی ئاشتی لە گۆڕێدا نییە، هەرچەندە باس لە چەند هەوڵێك دەكرێت. پەكەكە پێوەندی لەگەڵ هەولێر خراپە، ئەمساڵ چەندین شەڕ و رووبەڕووبونەوە رووی داوە، ژمارەیەك پێشمەرگە و گەریلا گیانیان لەدەستداوە. پارتی كرێكارانی كوردستان پارتێكی كوردیی باكووری كوردستانە وەك پارتێكی ماركسی-لینینی دامەزرا. بە بەشداربوونی ٢٣ ئەندام كۆنگرەی دامەزراندنی پەكەكە پێكھێنرا. ناوی پەكەكە لە لایەن فەرھاد كورتاییەوە پێشنیار كرا. پەكەكە لە سەرەتاوە بە كاری سیاسی دەستی پێ كرد بەڵام لە ساڵی ١٩٨٤ بە ناچاری بووە ڕێكخراوێكی چەكداری و ئایدیۆلۆژیایی پەكەكە لەسەر بنەما شۆڕشگێڕییەكانی ماركسیزم - لینینیزم و نەتەوەخوازیی كوردی دامەزرێنرا. ئامانجی پەكەكە دروستكردنی دەوڵەتێكی سەربەخۆی كوردیی سۆشیالیستی بوو لە كوردستان، ئەو ناوچەیەی كەوتۆتە باشووری ڕۆژھەڵاتی توركیا، باكووری ڕۆژھەڵاتی عێراق، باكووری ڕۆژھەڵاتی سوریا و باكووری ڕۆژئاوای ئێران، كە تێیدا كوردەكان ڕێژەی سەرەكی دانیشتوان پێك دەھێنن. ئەم ئامانجە ئێستا نوێ كراوەتەوە بەوەی داوای مافی كلتوری و سیاسی بۆ كوردەكانی ناو دەوڵەتی توركیا دەكەن. پەكەكە پشتیوانییەكی بەربڵاوی ھەیە لە نێوان كوردەكانی توركیا و لایەنگرییەكی سنووردار لەلایەن كوردەكانی پارچەكانی تر. لەسەر ئاستی نێودەوڵەتی لە لایەن چەند دەوڵەت و ڕێكخراوێكەوە بە تیرۆریست ناسێنرا، لەوانە ئەمریكا و ناتۆ و یەكێتیی ئەورووپا بەڵام دوایی ھاتنی پڕۆسەی ئاشتی لە توركیا یەكێتیی ئەوڕووپا ناوی پەكەكەی گۆڕی لە لایەنێكی تیرۆریست بۆ چالاكوانان بەڵام ئەمریكا و ناتۆ ھەڵوێستی خۆیان نەگۆڕیوە. لە ساڵی ٢٠٠٧دا بە یەكێك لە ١٢ ڕێكخراوە تیرۆریستییە چالاكەكان ناسێنرا بەپێی بەشی دژە تیرۆر و چالاكییەكانی سەر بە فەرمانگەی گشتی ئاسایشی توركیا. ھێزە چەكدارەكانی توركیا نزیكەی ٨٠٠٠ دێی كوردستانیان خاپوور كرد و بەمەش نزیكەی ٣–٤ میلیۆن كورد ئاوارەبوون. لە ١٩٨٤ەوە كە پەكەكە شەڕی چەكداری دەست پێكردووە، زیاد لە ٣٧٠٠٠…
-
خەڵك بەنزینە هەرزانەكەی حكومەتی بەغدا بۆ سبەی ۲۷ـ۱۱ـ۲٠۲۱ لەم ویستگانە دابەش دەكرێت: ناوشار ویستگەی ئازادی ویستگەی هەڵەبجە گرووپ ویستگەی دۆڵەروت ویستگەی هەڵەبجە (تانجەرۆ) ویستگەی رۆژ ویستگەی بەكرەجۆ ویستگەی تاسلوجە دەرەوی شار ویستگەی تەگەران ویستگەی بازیان ویستگەی برایان لەكەلار ویستگەی دۆستان ویستگەی رانیە اویل ۲
-
خەڵك دوای زانكۆی هەڵەبجە، زانكۆی پۆلی تەكنیكی سلێمانی بۆ ماوەی چوار رۆژ پرۆسەی خوێندنی راگرت. لە راگەیەنراوێكی زانكۆكەدا هاتووە، ئاماژە بە رەزامەندی وەزیری خوێندنی باڵاو توێژینەوەی زانستی و دەسەڵاتەكانی ئەنجومەنی زانكۆكان بە پێی یاسای ژمارە ١٠ی ساڵی ٢٠٠٨ی وەزارەتی خوێندنی باڵا وتوێژینەوەی زانستی، ماددەی ١٣ برگەی ١/ خاڵی ٩، سەبارەت بەراگەیاندنی راگرتنی پرۆسەی خوێندن بەراوێژ لەگەڵ ئەنجومەنی زانكۆمان، خوێندكارانی ئازیز ئاگادار دەكەینەوە كە ئەنجوومەنی زانكۆی پۆلیتەكنیكی سلێمانی بڕیاریدا, كە بۆ ماوەی چوار رۆژ، لەرۆژی یەك شەممە ٢٨/١١/٢٠٢١ تا رۆژی چوارشەممە ١/١٢/٢٠٢١ دەوامی خوێندكاران رابگرێت. راشیگەیاندووە، بڕیارەكە بۆ هەوڵی چارەسەركردنی كێشەی خوێندكاران و ودابینكردنی پێداویستیە هەنوكەییەكانی بەشە ناوخۆییەكانە.
-
خەڵك بڕیارە سبەینێ كارەكانی كۆنفراسی یەكەمی رێكخراوی چاودێری مافەكانی مرۆڤ لە كوردستان دەستپێبكات. نیاز ئیبراهیم چالاكی سیاسیی رایگەیاند، سبەینێ ٢٧ ی مانگی نۆڤەمبەر بۆ دوو رۆژ، كارەكانی كۆنفراسی یەكەمی رێكخراوی چاودێری مافەكانی مرۆڤ لە كوردستان KHRO دەستپێدەكات. راشیگەیاند، كۆنفراسەكە كاتژمێر ٥ ی ئێوارە بە كاتی كوردستان دەستپێدەكات بە بەشداری هەرچوار پارچەی كوردستان و كوردانی تاراوگە. رێكخراوەكە كە لالەیەن حكومەتی ئەمەریكاوە مۆڵەتی هەیە و لە كەنەداش لە پرۆسەدایە، دەبێتە چاوێكی دیكە لەسەر پێشێلكارییەكانی مافەكانی مرۆڤ لە هەرچوار پارچەی كوردستان كە ئێستا لە ژێر شەڕی گشتگیری هەمەلایەنە دایە، مافەكانی مرۆڤ ، بەتایبەتی مافەكانی گەنجان و سیاسەتوانان و چاڵاكوانان و ژنان و منداڵان لە ژێر مەترسی گەورەدان.
-
خەڵك ئەنجومەنی زانكۆی هەڵەبجە بۆ ماوەی چوار رۆژ پڕۆسەی خوێندنی وەستاند. ئەنجومەنی زانكۆی هەڵەبجە لە راگەیەنراویكدا، ئاشكرایكردووە ئاماژە بە ڕەزامەندی وەزیری خوێندنی باڵا و توێژینەوەی زانستی سەبارەت پێدانی دەسەڵات بە ئەنجومەنی زانكۆكان بۆ راگەیاندنی راگرتنی پرۆسەی خوێندن، خوێندكاران ئاگادار دەكەینەوە كە ئەنجومەنی زانكۆی هەڵەبجە بریاریدا كە بۆ ماوەی چوار ڕۆژ دەوام بوەستێنێت. روونیشیكردەوە لە رۆژی یەكشەممە (28/11/2021) تا رۆژی چوارشەممە (1/12/2021)، دەوامی خوێندكاران لە سەرجەم كۆلێج و بەشەكانی زانكۆكەیان رادەگیرێت. ئەم بڕیارە بۆ هەوڵی چارەسەركردنی كێشەی خوێندكاران و دابینكردنی پێداویستییە هەنوكەییەكانی بەشە ناوخۆییەكانە.
-
خەڵك بەرەبەیانی ئەمڕۆ هەینی لە سنووری ئەدەنە 17 ئەندامی سەر بە هەدەپە بە تۆمەتی پێوەندییان بە پەكەكەوە دەستگیركران. بەپێی هەواڵی ئاژانسی فوڕات نیوز، لەم چوارچێوەیەدا سەرلەبەیانی ئەمڕۆ لە زۆر ناوچەكانی ئەدەنە دەست بە ئۆپەڕاسیۆن كراوە. پۆلیس هەڵیكوتایە سەر ژمارەیەك ماڵ و دەرگای ماڵەكانیان شكاند و دەستیان بە گەڕان كرد و زۆر كەسیان دەستگیر كرد. دەستگیركراوەكان بۆ بەڕێوەبەرایەتی پۆلیسی ئەدەنە گواستراونەتەوە.
-
خەڵك هاووڵاتیەكی كوردی ناوچەی پشدەری پارێزگەی سلێمانی لە بەریتانیا لەلایەن شەش كەسەوە كوژرا. بەپێی سەرچاوەكان، ئێوارەی رۆژی پێنج شەممە شەش كەس كە ئەوانیش كوردن و هاووڵاتی ناوچەی پشدەرن، هێرشدەكەنەسەر كەسێك لەنێو ماڵەكەی خۆیدا لە نۆتێنگهام و دەیكوژن. بەپێی سەرچاوەكان ئەو گەنجەی كوژراوە تەمەنی 25 ساڵە و هاووڵاتی شارۆچكەی ژاراوەیە لە پشدەر، لەگەڵ شەش هێرشبەرەكەدا ناسیاوی هەبووە و چەند رۆژی پێشتر ناكۆكی و شەڕیان بووە. هێزە ئاسایشییەكانی بەریتانیا ئەم شەش كەسەیان دەستگیركردووە و لێكۆڵینەوە لەگەڵیاندا بەردەوامە.
-
خەڵك دوو فڕۆكە سەدان هاووڵاتی عێراقیان گەڕاندەوە كە دەیانویست بگەنە ئەوروپا، ئەمەش لەكاتێكدا زۆرێك لە كۆچبەران بێهیوا بوون لەوەی بە پارێزراوی بگەنە ئەوروپا. بەرپرسانی حكومەتی هەرێمی كوردستان و بەرپرسانی فڕۆكەخانەی هەولێر رایانگەیاند بەرەبەیانی ئەمڕۆ هەینی دوو فڕۆكە لە فڕۆكەخانەی هەولێر نیشتنەوە، نزیكەی 600 هاوڵاتی عێراقییان پێبوو كە زۆرینەیان كورد بوون و لە بێلاڕووسەوە گەڕێندرابوونەوە. لەلایەكی دیكەوە پاشنیوەڕۆی ئەمڕۆ نزیكەی 40 كۆچبەری كوردی هەرێمی كوردستان كە ماوەی چەند مانگێك بوو لە لیبیا گیریان خواردبوو بە فڕۆكەیەكی هێڵی ئاسمانی عێراقی گەرێندرانەوە هەرێمی كوردستان و لە فڕۆكەخانەی نێودەوڵەتی سلێمانی دابەزین. تەنگەژەی كۆچبەرانی هەرێمی كوردستان لە جیهاندا رەنگی داوەتەوە، دوێنێ لە نۆكەندی ئینگلیزی لەنێوان فەڕەنسا و بریتانیادا 31 كۆچبەر خنكان كە زۆرینەیان كوردن و هەردوو حكومەتی ئەم دوو وڵاتەش لەسەر ئاستی باڵا یەكدییان تۆمەتبار كرد. هاوكات ئەلێكسەندەر لۆكاشینكۆ سەرۆكی بێلاڕووس لەگەڵ كۆچبەرانی هەرێمی كوردستاندا كۆبووەوە و تاووتوێی رەوشی ژیانیانی كرد و بەڵێنی هاوكاری پێدان.
-
خەڵك كۆمەڵەی كورتە باڵایان لە 27هەمین ساڵوەگەڕی دامەزراندنی رێكخراوەكەیاندا رێوڕەسمێكیان سازكرد. كۆمەڵەكە بەم بۆنەیەوە لە راگەیەنراوێكدا دەڵێـت: كۆمەڵەی كورتەباڵاكانی كوردستان لە یادی(٢٧)ساڵەی دامەزراندنیدا سەری ڕێزونەوازش دادەنەوێنین بۆ گشت شەهیدانی كوردوكوردستان وسڵاوی بەئەمەك دەنێرین بۆسەرجەم كورتەباڵاكانی جیهان و عێراق وكوردستانیش بەتایبەتی". دەشڵێت: پەیمان دووپات دەكەینەوە كە بەردەوام بین بۆ داخوازی و داواكاری كورتەباڵاكان هەرلەم بۆنەیەدا، داوای گەڕانەوەی سەرجەم مووچە پاشەكەوتكراوەكانی دەكەین بگەڕێتەوە بۆ كورتەباڵاكان. راشیگەیاندووە "هیوادارین ، ساڵی نوێ تەمەنی كۆمەڵەكەماندا ببێتە بەدیهێنانی داوا ڕەواكانی كورتەباڵاكان".