ئاژانسی دەرمان و خۆراكی ئەمریكا Archives - تۆڕی میدیایی خەڵک

سەردێر

خەڵك بەپێی ستانداردی جیهانی پێویستە ڕێژەی سەوزایی لە پارێزگاكاندا %15 كەمتر نەبێت و بگاتە %30 ، و لە پارێزگای هەولێر ئەو ڕێژەیە گەیشتووەتە %19 و لە سلێمانیش %15.70 و داواش دەكرێت دادگای تایبەت بە ژینگە دابنرێت بۆ سزادانی سەرپێچیكاران. ڕێبین ئەحمەد، بەڕێوەبەری باخچەكانی پارێزگای هەولێر بە (خەڵك)ی ڕاگەیاند، ڕێژەی سەوزایی لە پارێزگای هەولێر % 19 ە و كار بۆ ئەوە دەكەین بگەینە ئاستی ستانداردی جیهانی كە %30 دانراوە. وتیشی: لە پارێزگای هەولێر تا ئێستا نزیكەی 400 باخچە و پارك هەیە و ساڵانە هەڵمەتی ڕواندنی نەمام و گوڵ ئەنجامدەدەین بۆ زیادكردنی ڕێژەی سەوزایی لە پارێزگاكەدا. لە لایەكی دیكەوە هاوژین عوسمان، بەڕێوەبەری ڕاگەیاندنی باخچەكانی سلێمانی وتی: ڕێژەی سەوزایی لە پارێزگای سلێمانی گەیشتووەتە %15. 70 . وتیشی: 450 پارك و باخچەش لە پارێزگاكەدا هەیە و 11 بلواری سەرەكی و 78 بلواری لاوەكی و 6 پاركی گەورە هەیە. ئاماژەی بەوەشكرد، بەردەوام چالاكی ژینگەیی و چاندنی نەمام ئەنجام دەدەین و بەپێی پێداویستی شوێنەكان نەمام دەڕوێنین و هەفتەی پێشوو زیاتر لە هەزار درەختمان ڕواند و هەر نەمامێك هەبێت لای خۆمان نایهێڵینەوە و دەیڕوێنین. وتیشی، ناشتنی نەمامەكان پێویستیان بە خزمەتكردنە، گلەیی لە ڕێكخراوەكانی بواری ژینگەو چالاكوانان دەكەین كە بەبێ‌ پرسی ئێمە درەخت دەڕوێنن و دواتر خزمەتی ناكەن و وشك دەبنەوە. بەڕێوەبەری ڕاگەیاندنی باخچەكانی سلێمانی : "هەموو ڕۆژێك دوو تۆن خاشاك لە چاركی ئازادی كۆدەكەینەوە" هاوژین عوسمان، وتیشی: هەموو ڕۆژێك دوو تەن خاشاك لە پاركی ئازادی كۆ دەكەینەوە و بەپێی ئەو وێنەو بەڵگانەی لامان تۆمار كراون بەشێكی زۆری هاووڵاتیان دەستیان هەیە لەشێواندنی باخچەكان و نابەرپرسیارانە زیان بە درەخت و گوڵەكان دەگەیەنن و دەیان شكێنن و كرێكارو باخەوانەكانمان هەر فریای ئەوە دەكەون خاشاك كۆ بكەنەوە سەرەڕای لێبڕینی مووچەو خراپی گوزەرانی خۆیان. "پۆلیسی چاودێر لە باخچەكاندا نییە" هاوژین دەشڵێت، كێشەی گەورە ئەوەیە كە لە پارك و باخچەكاندا پۆلیسی چاودێر نییە و بۆمان دابین ناكرێت لە لایەن حكومەتەوە ئێمە تەنها بەشی سەرپێچی یاسامان هەیەو تەنها دەتوانین سەرپێچیەكان تۆمار بكەین بە ڕاپۆرت و دەیدەینە لایەنی پەیوەندیدار و سزاكان لە دەسەڵاتی ئێمەدا نییە. "پێویستە دادگای تایبەتمەند بە بواری ژینگە دابنرێت بۆ سزادانی سەرپێچیكارانی بواری ژینگە" لە لایەكی دیكەوە سەروەر قەرەداغی، هاوسەرۆكی ڕێكخراوی سروشتی كوردستان وتی: پێویستە دادگای تایەت بە ژینگە لە هەرێم دابنرێت، كە لە یەكەمین كۆنفڕانسی ژینگە لە ساڵی 2013 ئەنجامدرا كۆمەڵێك ڕاسپاردە هەبوو یەكێك لەوانە ئەوەبوو كە دەبێت دادگای ژینگەیی لە باشووری كوردستاندا دابمەزرێت و لەنێویشیدا دادوەری تایبەتمەندی ژینگە هەبێت بۆ دانان و جێبەجێكردنی سزاكان لەسەر ئەو كەسانەی دەستدرێژی دەكەنە سەر ژینگە. ئەمە لە كاتێكدایە ڕۆژی پێنج شەممە 15-4-2021 لەلایەن دەستەی پاراستن و چاككردنی ژینگەی هەرێمی كوردستان هەفتەی ژینگە هەرێم هەتا 21-4-2021 ڕاگەیەنرا و عەبدولڕەحمان سدیق، سەرۆكی دەستەكە وتی: بەباشی دەزانین وەك لەبڕگەی یاسای ژمارە ٢٥ی تایبەت بە یاسای ژینگەی تەندروستی و ژینگەی عیراقی دیاری كراوە، هێزێكی ژینگەیی دروست بكرێت و هەموو تەكنیك و هونەرەكانی ژینگەیی لەبەرچاو بگرێت. هاوكات ڕۆژی 16 ی 4 هەمووساڵێك وەك ڕۆژی ژینگەی هەرێمی كوردستان دیاریكراوە.
خەڵك- هیندستان ئەمڕۆ یەك شەممە ژمارەی پێوانەیی لە توشبووانی كۆرۆنا تۆماركرد. وەزارەتی تەندروستی هیندستان لە راگەیەنراوێكدا ئاشكرایكرد لە ماوەی 24 سەعاتی رابردوودا 216 هەزار و 500 كەس تووشی كۆرۆنا بوون. بەم پێیە ژمارەی توشبووان لە هیندستان گەیشتە 14.8 ملیۆن كەس. هیندستان لە دوای ئەمریكا پلەی دووهەم دەگرێت لە زۆری ژمارەی توشبوواندا بە كۆرۆنا، ئەمریكا 31 ملیۆن توشبووی هەیە. بەپێی ئامارەكان ژمارەی مردن بە كۆرۆنا لە هیندستان 177 هەزار و 150 كەسە، لە ماوەی 24 سەعاتی رابردوودا 1501 كەس مردوون. هیندستان دەناڵێنێت بەدەست چەند ڤایرۆسێكی گۆڕاوی كۆرۆنا، كەمی كارمەندانی پزیشكی و نەخۆشخانەكان، كەمی ئۆكسجین و دەرمانەوە. لای خۆیەوە نارێندرا مودی سەرۆك وەزیرانی هیندستان شەوی رابردوو داوای كرد سەرجە ئاستەنگەكان لاببرێت لە پێش دابینكردنی ڤاكسین. مودی داوایكرد پێویستیان بە دابینكردنی كارمەندی پزیشكی و ئۆكسجین و ئامێری هەناسەدانی دەستكرد هەیە، بەتایبەت 12 هەرێم دەناڵێنن بە دەست بەرزبوونەوەی بێشووماری ئامارەكانەوە.
خەڵك- سەدان رێبەری ئاینی كەنیسەكانی بەریتانیا هۆشداری دەدەن بە سەرۆك وەزیران بۆریس جۆنسۆن بەهۆی پلانی بەكارهێنانی بڕوانامەی ڤاكسین بۆ سەفەركردن لە پاڵ پاسپۆرتدا، ئەمە بە مەترسیدارترین پێشنیازی سیاسەتی حكومەت دەزانن لە مێژووی سیاسی بەریتانیادا. رۆژنامەی گاردیان بڵاویكردەوە ئەو رێبەرە ئاینییانە لە نامەیەكدا بۆ بۆریس جۆنسۆن سەرۆك وەزیران كە ژمارەیان زیاد لە 1250 رێبەری ئاینی مەسیحییە لە سەرانسەری بەریتانیا رایانگەیاندووە دانانی بڕوانامەی ڤاكسین لە پاڵ پاسپۆرت كارێكی ناڕەوشتییە و خەڵك پاساوی رازیكەریان هەیە كە توانای بەكارهێنانی ڤاكسینیان نییە، یان خوازیاری نین، بە لای هەندێك لە مەسیحییەكانەوە ڤاكسین پەیوەستە بەلایەنی ویژدان و رەوشت و دروستكردن و ئەزموونكردنی ڤاكسینەكە. هۆشداریش داوە بە سەرۆك وەزیران لە بوونە بڕیاری ئەو پێشنیازە كە چینایەتی دروست دەكات لەنێو پێكهاتەكاندا بەتایبەت لەگەڵ ئەوانەی ڤاكسین لە خۆیان نادەن، بۆیە ئەمە كۆتایی دەهێنێت بە دیموكراسی لیبڕاڵی .
خەڵك- بانكی ڕەشیدی حكومی ئاشكرای دەكات، كە دەست دەكەنەوە بە پێدانی پێشینە بە خانەنشینان و هێزە سەربازی و ئەمنییەكان. بانكی ڕەشیدی حكومی لە عیراق لە بەیاننامەیەكدا ئاماژەی بەوەكردووە، دەستیان بە پێدانی بەشی یەكەمی پێشینە بۆ خانەنشینان كردووە و هاوكات پێدانی بەشی پێنجەمی پێشینە بە كارمەندانی هەردوو وەزارەتی بەرگری و ناوخۆ دەستی پێكردۆتەوە. ڕاشیگەیاندووە، سەرجەم سوودمەندانی ئەو پێشینانە ئاگادار دەكەین ئەوانەی نامەیان بە مۆبایل بۆ هاتووە سەردانی لقەكانی بانكەكە بكەن یان نووسینگەكانی پێدانی ئەلیكترۆنی بۆ وەرگرتنی بڕی پێشینەكە. جەختیشی كردۆتەوە، بەردەوام دەبن لەسەر زیادكردنی بڕی پارە بۆ پێدانی بەوانەی ناوی خۆیان بۆ وەرگرتنی پێشینە تۆماركردووە.
خەڵك- بەپێی ڕاپۆرتە كەشناسییەكان، شەپۆلێكی گەرمای بەتین ناوچەكانی هەرێمی كوردستان دەگرێتەوە و چەند ڕۆژێك بەردەوام دەبێت. ئاراس جەبار، شارەزای كەشناسی بۆ (خەڵك) ئاماژەی بەوەكرد، لە سبەینێوە دوو شەممە لە ئەنجامی بەردەوامی كاریگەری شەپۆلی گەرما بەتێكڕای ١ بۆ ٢ پلەی سلیزی پلەكانی گەرمی لەناوچەكانی ھەرێمدا زیاتر ڕوو لەبەرزبوونەوە دەكات. ڕاشیگەیاند، لە سەنتەری پارێزگاكانی ھەرێمدا پلەی گەرما لەنێوان ٣٢ بۆ ٣٤ پلەی سیلیزی ئەبێت و لە ناوچەكانی سنوری ئیدارەی گەرمیان و ناوچە نزمەكان بۆ نێوان ٣٦ تا ٣٨ پلەی سیلیزی بەرز ئەبێتەوە. ئاماژەی بەوەشكرد، خێرایی با كاتی نیوەڕۆ بۆ ئێوارە لە ئاڕاستەی ڕۆژئاواوە چالاك ئەبێت بە خێرایی ١٥ تا ٢٢ كیلۆمەتر زیاتر لە كاتژمێرێكدا.
خەڵك- بەپێی ڕێنماییە پزیشكییەكان و پسپۆڕانی بواری خۆراك نابێت ئاوی دەبە لەبەر خۆر دابنرێت بەتایبەتی لەكاتی گەرمای هاویندا و هۆكارەكەی بۆ كارلێكی كیمیایی دەگەڕێننەوە و سەرۆكی لیژنە هاوبەشەكانی قائیمقامیەتی سلێمانی دەڵێت: "سزای هەر دوكان و ماركێتێك دەدەین سەرپێچی بكات". لەشكر حەمید، ئەندازیاری خۆراك و سەرۆكی لیژنە هاوبەشەكانی سلێمانی بۆ (خەڵك) ئاماژەی بەوەكرد، بەپێی ڕێنماییەكان نابێت ئاوی لەدەبەنراو لە شوێنی گەرم و بەرتیشكی خۆر عەمبار بكرێت یان بگوازرێتەوە، چونكە بەهۆی كارلێكی كیمیاییەوه ئاوی ناو دەبە پلاستیكەكان دەبێتە هۆكاری كەمبونەوەی بەرگری لەش و زیان بەتەندروستی مرۆڤ دەگەیەنێت. وتیشی، "بەرزبوونەوەی پلەی گەرمی بۆ (25) پلەی سەدی،‌ بەشێكی پلاستیكەكە لەگەڵ ئاوەكە‌ كارلێك دەكات دەبێتە هۆكاری سەرەكی بۆ توشبوون بەنەخۆشی شێرپەنجە و تێكچوونی هۆرمۆنەكان بەتایبەت لەخانماندا". ئاماژەی بەوەشكرد، پێش ئەوەی ئاو بكرێتە ناو دەبە پلاستیكەكان ‌ماددەی ئۆزۆن (O3) بۆ خاوێنكردنەوە بەكاردەهێنرێت لەبری كلۆر، لەكاتی بەركەوتنی ئۆزۆنەكە بەتیشكی خۆر، ماددەكە شیدەبێتەوە بۆ (O2) لەگەڵ ئۆكسجینێكی چالاك، (O2) بەبێ كێشە لەگەڵ ئاو تێكەڵدەبێت، بەڵام مانەوەی یەك ئۆكسجین و بەركەوتنی بەتیشكی خۆر، لەش تووشی نەمانی بەرگری دەكات.
خەڵك لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری دانیشتوانی گەڕەكی ئازادی دەكات ، كە سبەی دووشەممە بەهۆی بەستنی پێوەری زیرەكەوە بێ‌ كارەبا دەبن. لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە ، ئاگاداری‌ دانیشتوانی گەڕەكی ئازادی دەكەینەوە بەتایبەت ئەو ماڵانەی دەكەونە سەر هەردوو فیدەری (39) ئەو ماڵانەی سنورەكە كە پێشتر پێوەریان بۆ نەبەستراوە (متفرقە) سبەینێ دووشە‌ممە 19/4/2021 پێوەری زیرەكیان بۆ دەبەسرێت. ئەوەشخراوەتەڕوو، كە ئەو گەڕەكانە لە كاتژمێر (7ی بەیانی بۆ 1ی پاش نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كاربكەن‌، ئەوەش لەپێناو سەلامەتی گیانی تیمەكانی كارەبا و هاووڵاتیان خۆیان”. جەختیشی كردۆتەوە ، كە جگە لە ستافی تایبەتی هۆبەكانی چاكسازیی كارەبا و كۆمپانیا، هیچ كەس بۆی نیە دەستكاری پێوەرەكان بكات بەپێچەوانەوە توشی لێپرسینەوەی یاسایی دەبێت. ئاماژەبۆ ئەوەشكراوە، كە دوای بەستنی پێوەرەكە و لەكاتی بوونی هەر كێشەیەك دەتوانن پەیوەندی بەم ژمارە تەلەفونەوە بكەن 07701394642.
خەڵك بەڕێوەبەری كاروباری پزیشكی وەزارەتی پێشمەرگە ڕایدەگەیەنێت، داوامان لە هاوپەیمانان كردووە بۆئەوەی ڤاكسین دابین بكەن بۆ هێزەكانی پێشمەرگە، بەڵام تا ئێستا وەڵامیان نەدراوەتەوە. د. ڕزگار عەلی، بەڕێوەبەری كاروباری پزیشكی وەزارەتی پێشمەرگە لە ڕاگەیەنراوێكدا بڵاویكردەوە، كە لەماوەی ڕابردوودا لە بەڕێوەبەرایەتی كاروباری پزیشكی داوامان لە هاوپەیمانان كردووە بۆئەوەی ڤاكسین دابین بكەن بۆ هێزەكانمان، بەڵام تا ئێستا ئەم داوایە وەڵام نەدراوەتەوە. ڕاشیگەیاندووە، هەركاتێك وەڵامێكی ئەرێنیمان وەرگرت و ڤاكسینمان بەدەست گەیشت، ئەو كات بۆ كەناڵەكانی میدیا و خوشك و برا پێشمەرگەكانمان ڕایدەگەیەنین، جگە لەمە ئەوەی لە ماڵپەڕ و كەناڵەكانی میدیا بڵاوكراوەتەوە دوورە لە ڕاستییەوە.
خەڵك بەهۆی هەبوونی بڕێكی زۆر كاڵا و شمەك و خواردەمەنی خراپ و ماوەبەسەرچوو، قائیمقامیەتی سلێمانی ماركێتی ئیلیان دادەخات. لیژنەی بەكرەجۆی سەربە لیژنە هاوبەشەكانی قائیمقامیەتی سلێمانی ئەمڕۆ یەكشەممە، لە ئەنجامی گەڕان و پشكنینە بەردەوامەكانیان و بەهۆی هەبوونی بڕێكی زۆر كاڵاوشمەك و خواردەمەنی بەسەرچوو ماركێتی ئیلیان لە شارەدێی بەكرەجۆ داخست و خاوەنەكەشی ڕووبەڕووی یاسا دەكرێتەوە. لیژنەكە لە ماركێتی ئیلیان دەستیان بەسەر زیاتر لە (128) پارچەی جۆراوجۆری كاڵاوشمەك و خواردەمەنیدا گرتووە، كە ماوەی بەكارهێنانیان تێپەڕیووە و بەشێكی زۆریشیان لەساڵی (2019) بەسەرچوون، بەڵام خاوەن شوێنەكە بەنیازی ساغكردنەوەی بەسەرهاووڵاتیاندا لە ماركێتەكە دایناونەتەوە.
خەڵك دەزگای گشتی كاروباری مین لە هەرێم ئاماری ژمارەیەك لە چالاكییەكانی لەناوبردنی مین و تەقەمەنی بڵاودەكاتەوە و ڕایدەگەیەنێت ، لە سنوری سلێمانی بڕی ٤ گولە هاوەنی ٦٠ ملم و ٥ گولە هاوەنی ٨٢ ملم و ٢ گولە تۆپی ١٣٠ ملم و ٢ مینی دژەكەسی VS 50 پاش كۆكردنەوەیان لەوسنورە لە شوێنێكی سەلامەت پێكەوە تەقێندرانەوە. دەزگای گشتی كاروباری مین ئەمڕۆ یەكشەممە ٢٠٢١/٤/١٨ ئاماری ژمارەیەك لە چالاكییەكانی لەناوبردنی مین و تەقەمەنی لەلایەن تیمەكانییانەوە بڵاوكردەوە و ڕایگەیاندووە، لە ڕێگەی تیمەكانیانەوە لە تەواوی شارۆ وشارۆچكەكانی هەرێم ئەو شوێنانەی مین و تەقەمەنی نەتەقیویان لێیە پاك دەكرێنەوە و مەترسی لە سەر ژیانی هاووڵاتیان ناهێڵن. ئاماژەبۆ ئەوەشكراوە، لە ناوەندی شارۆچكەی چۆمان بڕێكی زۆر لە پارچەی پاشماوەی تەقەمەنی جەنگی، كە پێكهاتبوون لە (187) پارچە لەگەڵ نزیكەی (50) كیلۆ حەشوەی گولەتۆپ، دەستبەجێ لەلایەن تیمی لەناوبردنی تەقەمەنییەكان لەبەڕێوەبەرایەتی گشتی كاروباری مین/هەولێر چارەسەری پێویستیان بۆ كرا. ئامارەكە بەم شێوەیەیە: لە سنووری پارێزگای هەولێر لە گوندەكانی دەرگەڵە و ماویلیان-ی سەر بە قەزای رواندز، مینێكی مەترسیدار لە جۆری (V69) لەگەڵ گولەتۆپێك لە نزیك ڕێگای باخی هاوڵاتیان كە مەترسیان دروستكردبوو توانرا دەستبەجێ لەلایەن تیمی لەناوبردنی تەقەمەنییەكان لەبەڕێوەبەرایەتی گشتی كاروباری مین/هەولێر پووچەڵ بكرێـتەوە. لە گوندی ژیلیا لە ناحیەی سیدەكان سەر بە قەزای سۆران چەند گولەتۆپێك لە نزیك باخی هاووڵاتیان مەترسیان دروستكردبوو دوای ئاگاداركردنەوەی دەزگای مین دەستبەجێ لەلایەن تیمی لەناوبردنی تەقەمەنییەكان چارەسەری پێویستی بۆ كرا. لە گوندی كانی لنج لە ناحیەی گۆڕەتووی سەر بە قەزای مێرگەسۆریش (2) مینی مەترسیدار لە جۆری(V69) لە نزیك باخی هاووڵاتیان كە مەترسیان دروستكردبوو توانرا لەناوببرێت. لە گوندی مەمیخەلان-ی سەر بە قەزای چۆمانیش (3) گولەهاوەن پووچەڵ كرانەوە، كە جێگەی مەترسی بوون لەسەر گیانی هاووڵاتیان، هەر لە ناوەندی قەزای چۆمان بڕێكی زۆر لە پارچەی پاشماوەی تەقەمەنی جەنگی، كە پێكهاتبوون لە (187) پارچە لەگەڵ نزیكەی (50) كیلۆ حەشوەی گولەتۆپ، دەستبەجێ لەلایەن تیمی لەناوبردنی تەقەمەنییەكان لەبەڕێوەبەرایەتی گشتی كاروباری مین/هەولێر چارەسەری پێویستیان بۆ كرا، هەر لە قەزای چۆمان دوای ئاگاداركردنەوەی دەزگای مین لە بوونی (6) گولەهاوەن لە گوندی پاشكۆز لە ناحیەی گەڵاڵە، دەستبەجێ لەلایەن تیمی لەناوبرنی تەقەمەنییەكان لە بەڕێوەبەرایەتی گشتی كاروباری مین/هەولێرچارەسەری پێویستیان بۆ كرا. لە دەڤەری برادۆست (2) گولەی هاوەن لە ناو باخچەی هاووڵاتیەك مەترسی دروست كردبوو، بۆیە دەستبەجێ لەلایەن تیمی لەناوبردنی تەقەمەنییەكان پووچەڵ كرانەوە, لە سنوری پارێزگای سلێمانی، دوابەدوای ئاگاداركردنەوەی بەڕێوەبەرایەتی گشتی كاروباری مین/سلێمانی بە بوونی بڕێك تەقەمەنی كە لە باخێكی نزیك ماڵی هاووڵاتیەك لە ناحیەی پیرەمەگرون مەترسی بۆ دانیشتووانی ئەو گەڕەكە دروست كردبوو، توانرا لەلایەن تیمی تەقاندنەوە بە چاودێری تیمی دڵنیایی جۆری چوار گولەهاوەنی ١٠٠ ملیمی لە تەقینەوەیەكدا لەناوببرێـت. لەلایەكی ترەوە هەر لە سنووری پارێزگای سلێمانی لەسەر سێ داواكاری جیاواز لە لیژنەی پێوانەی بەڕێوەبەرایەتی گشتی كاروباری مینی سلێمانی و ئاسایشی عەربەت و هاووڵاتییەك لە قەزای پێنجوێن بۆ بەڕێوەبەرایەتی گشتی كاروباری مینی سلێمانی بە فەرمانی بەڕێوەبەری گشتی لەلایەن تیمی تەقاندنەوەی سەر بە بەڕێوەبەرایەتی چالاكییەكان بڕی ( ٤ گولە هاوەنی ٦٠ ملم و ٥ گولە هاوەنی ٨٢ ملم و ٢ گولە تۆپی ١٣٠ ملم و ٢ مینی دژەكەسی VS 50) پاش كۆكردنەوەیان لەو ناوچە جیاوازانە لە شوێنێكی سەلامەت پێكەوە تەقێندرانەوە. لە سنووری پارێزگای دهۆكیش تیمەكانی بەرێوەبەرایەتی گشتی كاروباری مین/ دهۆك لە گوندی بـادێ-ی سە ر بە ناحیەی زاویتە هەستان بە لەناوبردنی (7) مینی جۆری (V69) كە لە نزیك رەز و باغی هاووڵاتیان بووبوونە مەترسی لە…

لێپرسراوێكی ئەمریكی: شەڕڤانان بڕبڕەی پشتی ڕووبەڕووبوونەوەكانی داعش بوون

کوردستان

لێپرسراوێكی ئەمریكی: شەڕڤانان بڕبڕەی پشتی ڕووبەڕووبوونەوەكانی داعش بوون

کارزان جەرجیس

نیسان 2, 2021

خەڵك جێگری نێردەی پێشووی ئەمریكا بۆ هاوپەیمانیی نێودەوڵەتی…

زانایان دەربارەی كۆرۆنای گۆڕاو زانیاری نوێ‌ ئاشكرادەكەن

زانایان دەربارەی كۆرۆنای گۆڕاو زانیاری نوێ‌ ئاشكرادەكەن

ئەحمەد سیوەیلی

شوبات 24, 2021

خەڵك- ئاژانسی دەرمان و خۆراكی ئەمریكی ئاشكرای دەكات، كە…