سەردێر

لەبەر مەترسی دروستبوونی لافاو داوایەك لەهاووڵاتیان دەكرێت

خەڵك
سەرۆكایەتی شارەوانی سنوری بنەسڵاوە لەبەر مەترسی دروستبوونی لافاو داوا لە هاووڵاتیان دەكات لە ناوچەیەكی سنورەكەیان دوور بكەونەوە .

سەرۆكایەتی شارەوانی سنوری بنەسڵاوە لەڕاگەیەنراوێكی بەپەلەدا هاووڵاتیانی سنورەكە ئاگادار دەكاتەوە، كە ئەوانەی لە نزیكی كەندی بنەسڵاوەن یاخود كاریان لەوەێ هەیە، دووربكەونەوە بۆ ئەوەی ژیانیان پارێزراو بێت لەبەر مەترسی دروستبوونی لافاو.

ئەمە لەكاتێكدایە، بەپێی پێشبینییەكانی كەشناسی هەرێم لە ئێوارەی ئەمڕۆ پێنجشەممەوە شەپۆلێكی بارانی بە لێزمە ناوچەكە دەگرێتەوە، ئەگەری دروستبوونی لافاو لە هەولێر و دەورووبەری هەیە .