سەردێر

باران بارین دەستپێدەكاتەوە

خەڵك-

بەڕێوەبەرایەتی كەشناسی و بوومەلەرزەزانی هەرێمی كوردستان ڕایگەیاند، ئەمڕۆ ئاسمان نیمچە هەور دەبێت لە شەو دەگۆڕێت بۆ هەوری تەواو لەگەڵ دەستپێكردنی باران لە كاتەكانی درەنگانی شەو لە زۆربەی ناوچەكان‌و سەرەتا بە نمە باران دەستپێدەكات، پاشان باران بارین كاریگەری زیاد دەكات.

بەڕێوەبەرایەتی كەشناسی و بوومەلەرزەزانی هەرێمی كوردستان، ڕایگەیاند
“باران بارین لە تەواوی ناوچەكەمان دەبارێت لە ئەنجامی یەكگرتنی هەردوو نزمە پاڵە پەستۆی دەریای ناوەڕاست و دەریای سوور شەپۆڵێكی باران بارین سەرتاپای ناوچەكان دەگرێتەوە ‌و سەنتەری پارێزگاكان باران بارینی بە لێزمەو هەورە تریشقەی دەبێت هەندێ جار لە كاتی باران بەرزبوونەوەی ئاستی ئاو دەبێت”.

ڕاشیگەیاند “باران بارین بەردەوامی دەبێت تا كاتەكانی شەو درەنگ زۆرترین ڕێژەی باران بارینی پێشبینكراو لە سنووری پارێزگای هەولێر و سلێمانی دەبێت بەفریش لە سەر لووتكەی شاخە بەرزەكان دەبارێت‌و پلەكانی گەرما بە نزیكەی 5-7 پلە ڕوو لە نزمبوونەوە دەكات”.