سەردێر

شەپۆلێكی بەهێزی باران بارین هەرێم دەگرێتەوە

خەڵك-

بەڕێوەبەرایەتی كەشناسی و بوومەلەرزەزانی هەرێمی كوردستان ڕایگەیاند “شەپۆلێكی بارانبارین هەرێمی كوردستان دەگرێتەوە و چەند ڕۆژێك بەردەوام دەبێت”.

بەڕێوەبەرایەتی كەشناسی و بومەلەرزەزانی هەرێمی كوردستان دەڵێت “ئەمڕۆ ئاسمان نیمچە هەور دەبێت و ئەگەری نمە باران هەیە لە ناوچە شاخاوییەكان”.

ڕاشیگەیاند، ڕۆژی پێنجشەممە ئاسمان نیمچە هەور دەبێت پاشان دەگۆڕێت بۆ هەوری تەواو لە كاتەكانی شەودا بارانبارین دەستپێدەكات لە زۆربەی ناوچەكانی هەرێم.

ڕوونیشیكردەوە “شەپۆلێكی بارانبارین هەرێمی كوردستان دەگرێتەوە، لە ڕۆژی پێنجشەممەوە و دەستپێدەكات و تا ڕۆژی شەممە بەردەوام دەبێت”.