سەردێر

مەریوان سەفائەدین (هەنگاو هەنگاو) بڵاودەكاتەوە

خەڵك
هونەرمەندی گۆرانیبێژ مەریوان سەفائەدین، نوێترین بەرهەمی خۆی بەناوی (هەنگاو هەنگاو) بڵاوكردەوە و چەند بەرهەمێكی دیكەشی ئامادەن.

مەریوان سەفائەدین، هونەرمەند و گۆرانیبێژی ناسراوی كورد لە لێدوانێكدا رایگەیاندووە، كە ئێستا بەرهەمە هونەرییەكانی تەواوبوون و چاوەڕێی كاتێكی گونجاو دەكات بۆ بڵاوكردنەوەیان، بەڵام سەرەتا دەیەوێ بە بەرهەمێكی جوان و ناوازە بە گوێگرانی ئاشنا بێتەوە، كە میلۆدی خۆیەتی، بەڵام سەرجەم ئەو هاوڕێیانەشی كە بەشداری ئەم بەرهەمانەیان كردووە خاوەنی بەرهەمەكانن”.

ڕاشیگەیاندووە، ئەم بەرهەمە نوێیەی، “هەنگاو هەنگاو” هۆنراوەی محەمەد پاكژ و میلۆدی خۆیەتی و شاد نامۆ كاری موزیك و میكس و ماسترینی بۆ كردووە، هەروەها زیاد ساڵح-یش كاری وێنەگرتنی بۆ كردووە.