سەردێر

پۆلیسی گەرمیان ؛ بەتۆمەتی دزیكردن سێ كەس دەستگیركران

خەڵك
بەڕێوەبەرایەتی پۆلیسی گەرمیان ڕایدەگەیەنێت، لە لایەن هێزەكانیانەوە سێ تۆمەتبار دەستگیركران، كە هەستاون بە دزینی سەرجەم كێبڵ و وایەری كارەبایی خانووی چەند هاووڵاتیەك .

بەڕێوەبەرایەتی پۆلیسی گەرمیان بڵاویكردەوە، دوای سكاڵای چەند هاووڵاتیەك و ئاگاداركردنەوەی بنكەی پۆلیس كفری لە كاتێكدا سەرقاڵی نۆژەنكردنەوەی خانوەكانیانن لەلایەن كەسانی نەناسراوەوە سەرجەم كێبڵ و وایەری كارەبایی خانوەكانیان لێ كراوەتەوە و دزراوە.

ئاماژەش بۆ ئەوكراوە، كە دوای لێكۆڵینەوە و بەدواداچوونی وورد بەشی پۆلیسی كفری توانیان سێ تۆمەتبار دەستگی ربكەن دوای لێكۆڵینەوە لەگەڵ تۆمەتباران دانیان بەوەدا ناوە كەلە شەش خانووی نوێ ( هەیكەل ) دزیان كردوە.

ئەوەشخراوەتەڕوو، كە لەئێستادا بەبڕیاری دادوەرو بەپێی مادەی 444 – 446 بەند كراون و لێكۆڵینەوە لەگەڵیان بەردەوامە.