سەردێر

هونەرمەندانی فەڕەنسایی بۆ پشتیوانی ژینا دەستیان بە بڕینی قژیان كرد

خەڵك-
هونەرمەندان و ئەكتەرانی سینەمایی فەڕەنسایی بۆ دەربڕینی پشتیوانی بۆ ژینا دەستیان بە قژ بڕینی خۆیان كرد.

بەپێی زانیارییەكان، ئیزابێل هوپەرت، جولێت بینۆش، ماریۆن كۆتیارد ئەكتەرانی سینەمای فەڕەنسا قژی خۆیان بڕی وەك هاوسۆزییەك بۆ ژینا ئەمینی.

ئەو هونەرمەندانە تۆماری ڤیدیۆی قژبڕینەكەی خۆیان لە هەژمارەكانی خۆیان لە ئینستاگرام بڵاوكردووتەوە و پشتیوانی خۆیان بۆ ژینا و ناڕەزایەتیی و داواكارییەكانی ژنانی ئێران دەربڕیوە.

هاوكات هەزار فیلمساز و ئەكتەری فەڕەنسایی، لەوانە سیێری فرێمۆ، سەرۆكی فێستیڤاڵی نێودەوڵەتیی فیلمی كان، بە واژۆكانیان بەشدارییان لە هەڵمەتێكی پشتیوانیكردنی خۆپێشاندانی ژنانی رۆژهەڵاتی كوردستان و ئێران كرد.