سەردێر

“هێرشەكانی سەر هەرێم مەترسیدارن”

وەزارەتی دەرەوەی عێراق هۆشداری دا

خەڵك-

وەزارەتی دەرەوەی عێراق وێڕای سەركۆنەی هێرشەكانی سەر هەرێمی كوردستان دەڵێت : هێرشەكانی سەر هەرێم گۆڕانكارییەكی مەترسیدارە، زیان بە بنەماكانی دراوسێیەتی باش دەگەیەنێت.

ئەحمەد سەحاف، وتەبێژی وەزارەتی دەرەوەی عێراق ڕایگەیاند، وەزارەتی دەرەوەی عێراق، كۆمەڵێك هەنگاوی ناوە بەرامبەر بۆردومانی هەرێمی كوردستان لە لایەن ئێرانەوە.

ڕونیشیكردەوە، باڵیۆزی ئێرانمان لە بەغداد بانگهێشتكردووە، یاداشتێك كە بە زمانێكی توند نوسراوە ڕادەستی باڵیۆز كراوە.

هەفتەی ڕابردوو هێرشێكی چڕی مووشەكی و درۆنی لەلایەن ئێرانەوە كرایەسەر هەرێمی كوردستان و بەهۆیەوە زیاد لە 170 كەس شەهید و بریندار بوون.

ماوەی 10 ڕۆژیش زیاترە سووپای پاسداران بە چڕی دەڤەرەكانی باڵەكایەتی و برادۆست تۆپباران دەكات و هاووڵاتیەكی زۆر ئاوارە بوون.

ماوەی چەند ڕۆژێكیشە بە چڕی گوندەكانی سنووری ناوچەكانی شارباژێڕ و پێنجوێن لە سنووری پارێزگەی سلێمانی بۆردوومان دەكرێن.