سەردێر

ئەمینداری یەكگرتوو؛ ئەوەی ئێستا لەپەرلەمان ڕوودەدات پیلانێكی ئێجگار گەورەیە

خەڵك –
ئەمینداری یەكگرتووی ئیسلامیی كوردستان ڕایدەگەیەنێت ، خێزان لە كۆمەڵگای كوردەواری و ئیسلامیدا گەورەترین قەڵغان و قەڵایە و ئەمەی كە ئێستا لەپەرلەمانی كوردستان ڕوودەدات پیلانێكی ئێجگار گەورەیە و پشێویەكی بەبەرنامەیە و نابێت ئەو بابەتە بەحزبی بكرێت و ئەو بابەتە تایبەت نیە بەلایەنێكی دیاری كراوەوە.

سەلاحەدین محەمەد بەهائەدین، ئەمینداری یەكگرتووی ئیسلامیی كوردستان لە قەزای چەمچەماڵ ئەمڕۆ هەینی ٢٣/٩/٢٠٢٢ لە بۆنەیەكی حزبەكەیدا ڕایگەیاند، مامۆستایان ڕۆڵ و پێگەیەكی گرنگیان هەیەو ئەركی مامۆستایان ئەركی پێغەمبەرانە، كە قوتابیان لە قۆناغی ڕەوزەوە تا قۆناغی زانكۆ لەدوای خێزانەكانیان لەژێر دەستی مامۆستایان پەروەردە دەكرێن، بۆیە مامۆستایان كاریگەریان لەسەر كۆمەڵگە هەیەو پێویستە هەمیشە لە پێشەنگیدابن.

ڕاشیگەیاندووە، خێزان لە كۆمەڵگای كوردەواری و ئیسلامیدا گەورەترین قەڵغان و قەڵایە و ئەمەی كە ئێستا لەپەرلەمانی كوردستان ڕوودەدات پیلانێكی ئێجگار گەورەیە و پشێویەكی بەبەرنامەیەو نابێت ئەو بابەتە بەحزبی بكرێت و ئەو بابەتە تایبەت نیە بەلایەنێكی دیاری كراوەوە، بەڵكو باسەكە باسی هەموانەو پێویستە هەموان لەسەری بێنەدەنگ و ڕێگە نەدرێت شیرازەی خێزان و بەها بەرزەكانی كۆمەڵگە بشێوێندرێت.

ئاشكراشیكردووە، كە یەكگرتوو لەو بابەتەدا كەمتەرخەمی ناكات و بەرێگای مەدەنی و زانستی رێگری دەكات لەو پیلانە قێزەونانەو دژی ئەو شەڕەیە كە بە وەكالەت دەكرێت و ئەركمانە خەڵكیش لەو قۆنتەراتە ئاگاداربكەینەوە كە ئێستا لە لەلایەن هەندێكەوە بۆ برێك پارە و پول ئەو كارە دەكرێت بۆ تێكدان و نەمانی بەها جوانەكانی كۆمەڵگای كوردی.





هەلبژاردە

گرنگترینەکان