سەردێر

كەشناسی؛ حاڵەتەكانی كۆتایی هاتنی وشكە ساڵی دەركەوتن

خەڵك
شارەزایەكی كەشناسی لە هەرێم ڕایدەگەیەنێت، حاڵەتی بارانی ئەمرۆ و دوێنێ تێك نەچوو و ئاماژەیەكی زۆر باشە ، كە تەواوی وەرزەكانی دابارینمان لە دوو ساڵی پێشتر باشتر دەبن و ئاستی دابارینی ساڵانە بەشێوازی بەرچاو زیاد دەكات مەترسی وشكە ساڵی نیە.

شاڵاو هیدایەت، شارەزای كەشناسی لە هەرێم بڵاویكردەوە، كە دیمەنی دەركەوتنی شەپۆلی دیكەی دابارین بۆ ناو مانگی داهاتوو دەركەوتووە و شەپۆلەكە جێگیر نەبووە و گۆرانكاری تێدا ماوە، بۆیەحاڵەتی بارانی ئەمرۆ و دوێنێ تێكنەچوو ئاماژەیەكی زۆر باشە و تەواوی وەرزەكانی دابارینمان لە دوو ساڵی پێشتر باشتر دەبن و ئاستی دابارینی ساڵانە بەشێوازی بەرچاو زیاد دەكات و بەگشتی مەترسی وشكە ساڵی نیە .

ڕاشیگەیاندووە، دۆخی كەش و هەوا دوانیوەڕۆ بۆ شەو حاڵەتی دابارین كەم دەبێتەوە و بەهۆی مانەوەی بڕێك هەور بۆ هەندێك ناوچەی جیا جیا ئەگەری تاوە باران و بروسك زیاتر بە لاوازی لەئارادا ماوە.

ئاشكراشیكردووە، سبەی هەینی بەرواری 23 – 9 – 2022 كەش و هەوا ئاسایی دەبێتەوە پلەكانی گەرما بەنزمی دەمێنێتەوە زیاتر تاماوەی چەندین ڕۆژی دیكە دواتر كەمێك ڕوو لەبەرز بونەوە دەكات.