سەردێر

كەشناسی مژدەی كۆتایی هاتنی بێ ئاوی و هاتنی كەشێكی باراناوی ڕادەگەیەنێت

خەڵك-
شارەزایەكی كەشناسی هەرێم ڕایدەگەیەنێت، ئەگەر ئەم دۆخە باراناویەی داهاتوو تایبەت ئەمشەو و سبەی تێك نەچێت، بەئەگەری 99% هەر سێ وەرزمان پاییز و زستان و بەهارمان لەهەرسێ وەرزەكەی دوو ساڵی ڕابردوو باشتر دەبێت.

شاڵاو هیدایەت، شارەزایی كەشناسی هەرێم بڵاویكردەوە، ئەگەر ئەم حاڵەتەی بارانەی داهاتوو بە تایبەت ئەمشەو و سبەی تێك نەچێ و بەو شێوەی پێشبینیمان كردووە ئاوا ڕووبدات یان باشتر بێت ئەوە وەك پێشتریش باسمان كرد بە ئەگەری 99% هەر سێ وەرزمان پاییز و زستان و بەهارمان لەهەرسێ وەرزەكەی دوو ساڵی ڕابردوو باشتر دەبێت.

دەشڵێت: “ساڵی 2022 – 2023 لە دوای ساڵێكی زۆر باشی سەختی باراناوی بەپلەی دووەم دەبێت و وشكەساڵیش كۆتایی دێت”.

ڕاشیگەیاندووە، لەهەر ناوچەیەك، كە دوو ساڵی پێشتر ڕوویداوە، ساڵێكی باشی ئەرێنی دەبێت و تێكڕای دابارینی ساڵانە لە هەموو ناوچەكان دەگاتەوە ئاستی ئاسایی ساڵانە و تەنانەت بەشێك لە ناوچەكان ڕەنگە بگاتە سەرووی ئاستی ئاسایی ساڵانە”.