سەردێر

لە چەند ناوچەیەكی ئۆكراینا ڕیفراندۆم دەكرێت

دەچنە پاڵ ڕوسیا

خەڵك-
دەسەڵاتدارانی كۆمارەكانی لۆهانسك و دۆنێتسكی جوداخواز، و ناوچەی زابۆرۆژیا و خێرسۆن لە ئۆكراینا، دەستكردتكردن بە ڕێكارەكانی ڕێكخستنی ڕیفراندۆمی میللی دەكرێت بۆ چوونە پاڵ ڕوسیای فیدراڵ.

ڕیفراندۆم لە لۆهانسك و دۆنێتسك

دەسەڵاتدارانی هەردوو كۆماری دۆنێتسك و لۆهانسك، ماوەی 23 بۆ 27ی ئەم مانگەیان وەك وادەیەك بۆ ئەنجامدانی ڕفیراندۆم دیاریی كرد.
لەم چوارچێوەیەدا دینیس بۆشیلین سەرۆكی كۆماری دۆنێتسك لەگەڵ لیۆنید باسیچنیك سەرۆكی كۆماری لۆهانسك، تاوتوێی ئامادەكارییەكانیان بەشێوەیەكی هاوبەش، لە گەڵ هەماهەنگی نێوانیان بۆ ئەنجامدانی ڕیفراندۆم لە هەردوو كۆمارەكە.

بۆشیلین پێشنیاری ئەوەی بۆ باسیچنیك كردووە، هەوڵی ئیدارەكان لە هەردوو كۆماری میللی لۆهانسك و دۆنێتسك و ئەنجومەنەكانی گەل یەكبخرێن، بۆ دانانی ڕێكارەكانی دەستكردن بە ئامادەكارییەكان بۆ ڕیفراندۆم.

بۆشیلین ڕایگەیاندووە، پاش ئەوەی لەلایەن ژووری كۆمەڵایەتی لە كۆماری میللی دۆنێتسكەوە بانگەوازی پێگەیشت، ڕێنمایی دایە دامەزراوەكانی وڵات لەپێناو تاوتویكردنێكی هاوبەش بۆ پرسی ئەنجامدانی ڕیفراندۆم.

لە ناوچەی خێرسۆن ڤلادیمێر ساڵدۆ سەرۆكی ئیدارەی ناوچەی خێرسۆن ڕایگەیاند، ڕازایی بووە لەسەر دەستبەجێ‌ ئەنجامدانی ڕیفراندۆم، سەبارەت بە چوونە ساڵ ڕوسیا، ڕێكەوتی 23 بۆ 27ی ئەم مانگەش بۆ ئەنجامدانی پرۆسەكە دیاریی كراوە، جەختیشی لەسەر كاركردنی تەواوی دەسەڵاتداران كردەوە بۆ زامنكردنی ئاسایشی هاووڵاتیان لەكاتی بەڕێوەچوونی ڕیفراندۆم.

لە زابۆرۆژیا
نوێنەرانی ناوچەی زابۆرۆژیا لە ملیتۆبۆڵ كۆبوونەوە و داوای دەستبەجێ‌ ئەنجامدانی ڕیفراندۆمیان كرد، بۆ یەكخستنی ناوچەكەیان لەگەڵ ڕوسیا، ئەو هەنگاوەشیان بە گێڕانەوەی ئاشتی بۆ تاهەتا بۆ ناوچەی زابۆرۆژیا لەقەڵەمدا، “وێڕای ڕاگرتنی دەستدریژییەكانی ڕژێمی ئۆكراینا بۆسەر مەدەنییەكان، و بەرگرتن لە كاولكردنی ژێرخانی ناوچەكە لەلایەن هێزە چەكدارەكانی ئۆكراینا”.

نوێنەرانی ناوچەكە لە كۆنگرەیەكدا، ئاماژەیان بە گرنگی مێژوویی ڕیفراندۆم كردووە بۆ یەكخستنی زابۆرۆژیا لەگەڵ ڕوسیا و داواشیان لە دانیشتوانی ناوچەكە كردبوو بەشداریی بكەن.

نوێنەرانی هەموو ئەو ناوچانەی لەلایەن ڕوسیاوە كۆنترۆڵكراون بەشدارییان لە كارەكانی كۆنگرەی گشتی هاووڵاتیانی ناوچەی زابۆرۆژیادا كرد.